بارت ٢٥
#أماً_لهُن
#مريم_السعدي
عسل...
سديته وحسيت على روحي. اني شسويت شكدد عيب شحيكول عليه
اااني كتله صداقه هسه للومه وهو مو اصدقاء
خاف يكولها للومه ياالله وحتى اذا كللها اكولها صداقه ووجان يساعدني. بالاسئله
شكم يوم مر للومه ابد مسالتني يعني متدري ولاهو الخابر حسيت. روحي ضايعه. جزء من يومي. مفقود اني اصلا ماعدي شي التهي بي وهو عالخط. يبيع ويسولف ويايه
شحتسوين هسه
شي مهم بحياتي العاديه
شون تحبين الكهوه
الجاي شكد تخلين شكر بي
تحبين الذره
تحبين الجبس
بيا طعم
غيمه غييييمه من الندى واني عشت. بنصها. طايره. هايمه. معزوله عن واقعي القديم
اني عسل
اللي يعرفني الكل الفرفوشه الاضحك الوناسه
بسسس
داخلي فارغ والله
لاعدي ذكريات ولا عواطف تجاه ابويه وامي
نوبات احس روحي. بلا ماضي حتى حتى صوت صوت لابويه وامي ماعدي خزين ذكرى الهم
انسانه متتذكر وجه امها وابوها تلكاها تتشبث باي شي. حلو بحياتها.
اني. انسانه فارغه. عاطفيا. ولكيت احد يهتم بلا مقابل.
يكون غير للومه
شخص على غفله ماعرف ليش خاف عليه واهتم باصغر تفاصيل احبها كرواسون وجاي
دراستي. واي شي اخاف منه جنت الكه الحلول اله. ومن دون مااطلبها
مكدرت اتركه
رجعت اتصل حتى من هو متصل بيه.
وميرد
يحيى فدوه رد
ماكو رد
وارسل بعد اربع خمس اتصالات لم يرد عليها
يحيى بس كلمه وحده احجي وخلص
وميرد يطلع مرأي وميرد
لخاطر عسل محتاجتك بسالفه.
يحيى انطاك كلبك. موتكولي. دير بالج عروحج موتكلي تغطي زين لعد شون عايفني ومترد عليه من اتوسل بيك
ميرد
مرت ٣ ايام من التوسل وهو مرد عليه فجأه صبحت بلاعيمي. فد مره يمكن لان لجيت بالبجي
جنت اتونس من ابجي لان اتذكر كلامه لان عدي شي حلو اتذكره. بالاحرى
وهو مهتم
من بلاعيمي صارت كعدت الصبح للومه. راحت للشغل واني. كمت رتبت مبيه حيل مخنطله كلش
خليت الاكل. الغده عالنار من شفت روحي دادوخ طفيته خاف اتخربط ويصير حريق
تمددت انام رسلتله
اني مالي خلك ووحدي بالبيت
مرد رغم طلع. راسا مراي
مصخنه احس نار تطلع من راسي وديموتني. تكدر تدز حبوب وجع راس والله ماعدي بالبيت واخاف اطلع وحدي
مراي طلع ثواني ودك
رديت فعلا صوتي كان بي. بحه مرض
عسل : الو
يحيى : شبيج
كالها بصوت بارد
جاوبت واحس عيوني من وحدها تنسد
- تعبانه دايخه
- شيوجع ارد افتهم
همست
- راسي
- ماعدكم خافض حراره مسكن
- الو عسل
عسل يمعوده
جنت اسمعه بس عبالك بنومي غفيت وهو يصيح
- عسل عسل
انام واكعد واسمعه
حدما حسيت روحي فصلت
وره فتره حسيت للومه تكعدني
- عسل عسوله شبيج
فزيت باوعتلها وباوعت للساعه١٠ الصبح
للومه شجابج
الهام : شبيج ماما مصخنه
عسل : منو كلج انتي شون عرفتي
- انور خابرني كال اطلعي انتظرج بالكراج عسل باالبيت متخربطه خابرتني. لان محصلتج
عسل....
عرفت هو الكله رجعت نمت تلفلفت بالبطانيه. بردانه. تلمست كصتي وتركتني
باوعت بالفون١٣ مكالمه لم يرد عليها داباوع ودك
رديت
كال
- عسل احجي
- ها
- وينج يابويه وينج موتتيني خوف
- انت خابرت ابوك
- اي اذا حتى باب البيت متفتحيها
- محسيت والله
- عمتج وصلت
- اي
- نايمه شنو
- دايخه
سلامتج جر نفس عميق ورد كرر
سلامتج
بقينا ساكتين مادري اعتب. مادري اكوله. ماعيدها بعد
يحيى : ليش هيج صخنتي. خاف مستبرده
عسل : من وراك كال بصوت ناصي
- من ورايه اني. ؟
- اي انت عفتني
- علمودج عسوله اني مافيدج
- لاتفيدني تدري ليش
يحجي تعبان
- ليش عسوله
- لان اني من عرفتك كمت احب وكت. روحتهم للدوام. حتى احاجيك
كمت انتضر دقيقه دقيقه. يطلع الصبح حتى اسمع منك
صباحي عسل لان سمعت صوتج
- موقصدي اعلقج بيه
- بس اني تعلقت بعد
- عسل انتي بعدج صغيره متعرفين. شنو حب. هذا الاعترفتي بي شي جبير شي اني موكده وممتهيا اله. ااذيج اذا حبيتيني. عسل
- لعد اني متاذايه. يحيى هسه. اني ممتاذايه يعني. يحيى اني. محجيتلك عن حياتي شي اني حتى امي وابويه. مااتذكر شكلهم او موقف منهم. محد مهتم بيه. غير للومه
انت اول واحد يكولي. دير بالج عنفسج اول واحد يكولي وجهج. تعبان مماكله. فاكهه او مشاربه مي. اليوم انت. ترست يومي
جر نفس وذبه. همس
موحب هذا مجرد مجرد اهتمام
مومشكله. لتحبني. ووماكلك بعد شاحس. بس لتروح. يحيى اني مو من النوع الاتوسل بشخص ابد. ماذل روحي لاحد بس اعرف بيك. شكد اهمك. اني وتخاف عليه. موتخاف عليه
جر نفس
ايه
اي لعددد ليش. خليتني وحددددي
ماكدر عسل
بجيت. وهو سكت سكتت وهو عالخط دقيقه. وهمست
عدك وحده تحبها
ماعدي غيرج احجي وياها
لعد ليش
مافيدج وخلص
تريد تروح. الله وياك مالح بعد
سكت
واني سكتت
ثواني واني كمت اغفي.
همس
عسل
ها عيني
ليش حبيتيني. ششفتي بيه وهيج تتعلقين
بيك كلشي احبه
هذا موحب عسل
كيفك هذا هو ماحبك
سكت جر نفس
نبقى مثل قبل وننسى هاليوم وتنسى اعترافي
اي
ونبقى نسولف
ماشي لحد ماتدخلين جامعه
وتروح؟
اي انسحب
يعني بس شهر
اي
ميخالف
ماشي تدللي
بقيت ساكته سال كم سوال ورديت ببرود
وهيج انتهى اتصالي ويا ثاني يوم ابد محجيت وياه انتظرت يتصل ومتصل.
الهام- دااشتغل ودك تلفوني.
انور!!!!!
رجف كلبي رديت وكوه. مسويه روحي. مستعده ومدايره بال
نعم
ااا هلو الهام شونج
اهلا تفضل كلتها بجمود
ااشسمه هاي. عسل. متخربطه اني بالباب انتظرج انزلي
شون شبيها ليش. وووانت شمدريك
شلت جنطتي وطلعت ركض شفته بالباب عاكد حاجبه فونه بيده. شافني فتح باب الصدر الي. صعدت وافترركض صعد
شنو متخربطه شبيها نزع سترته وطلع راسا كال
اني لازمه الفون واحجي وياه
جاوب خابرتني كالت عمو مداحصل عمه داحس روحي دايخه داتخربط
تكدر تمرلها تجي لان كلش مريضه
شبيها شكلتلك مدترد خرب يومها
هسه على كيفج اهدي
شون يربي خاف بيها شي يعني انت سمعت صوتها شونه يعني دتكدر تحجي
اي اي ماكو شي. بس شوي مصخنه
وصلنا ونزلت ركض بقه هو بالباب شفتها. حجت ويايه تلمستها مصخنه. وطلعتله
شوي مصخنه. شكرا انور تعبتك.
لا والله اني هم ضل بالي عليها.
لا الحمد لله حست روحها دايخه وخافت خابرتك لان محصلتني.
محتاجين شي كالها وابتسم خجلان. احس مدري شبي. اباوعله واسال روحي
شجابه هل هي عسل لو حجه
لاسلامتك. جاوبته واشرتله باي وسديت الباب
لليل. عسل تحسنت بس صفنتها. خوفتني
شبيج عسل هم علمود المعدل
لا للومه مابيه شي
عسل : ميلت راسي على رجل. للومه وازل تحجي ونستمع الها.
ازل : للومه غيرنا اثاث الهول مالتهم عمو اخذ جوزي وبيج حلو مرتب كعد وازل رادت فاترينا هم خليناها
للومه- شونها هي
بعدها شوي تعبانه بس من نحضر للعرس. تكيف شوي تنسى المها
هم يوجعها شي
اي طبعا راسها وعينها
خطيه
الله كريم
شعرها مديطلع
اي بده زغب رغب الدكتور كال يطلع. شوي شوي بس انتبهو للغذاء ونتواصل اقل شي اساله. برسايل وخطيه يرد
الله يشفيها
امين اني حروح انام تره باجر ابات عدهم عسل تجين ويايه.
عسل- فزيت من سمعت اسمي
ازل- شبيج انتي خاف بعدج مريضه
عسل- لا ماكو شي بس ماريد اروح
كيفج للومه. باجر من درب الدوام اوك
اوك تصبحون على خير
للومه- كاعده يم عسل المدري شبيها حتى وي لوزه متسولف كامت كلسا وتباوع للفون وتذبه وترجع تصفن
انتبهت عليه اباوعلها تهربت وكامت
ها وين
عسل : حروح انام تصبحين على خير
الهام : تعاي اشوف صخونتج
نصت كست كصتها دروحي نامي
كامت فاتت وكمت اغسل مواعين وارتب. فكري يم رسل وماعرف شنو الحل
وفجاه يلمح طيفه كبالي وابتسامته. التاخذني. من عالمي
لعالم بي للومه. الماعدها. ٣ هموم
للومه العمه مو ام
للومه الموظفه بنت٢٧ سنه
امي واخويه موجودين ولو ابويه اكون كامله
واني بهالتفكير دك تلفوني
عليت اخر ماعون ونشفت ايدي
باوعت بالشاشه
انور
ابتسمت
رديت. ببرود
نعم استاذ انور
هلو للومه
ورجع نفس القوانه وصوت الاغاني. ناصي بس هالمره. كانت اغنيه ياحارمين عيوننا من المنام ردو علينا السلام
اهلا تفضل كال بهدوء وصوت ناصي. وجرها
شونج شون صحتج
الحمد لله. زينه محتاج شي
اوف شهالقساوه
انور ليش مخابر من الاخير
ليش ممنوع ههه
ههه كلش ظريف.
ههههههههاي. خرب يومج شكد مشتاقلج
هااااه مشتاقلي !!! يمعود خاف فاقد الذاكره
ههه لا والله شبيج
شنو شبيج تره حولتني بابا موتعاركت وردت تطلع من الفون اله شوي
اووف هو غير لو بي مكان اطلع منه
وجر نفس سكت شوي كال
ليش مكتيلي رفضتي
منو رفض اني هاااااا رفضت اممم
اي شبيج هههه شو فد نوب حاقده هههه
انور تره دتستفز
كال بجديه
ليش شكلت دااستفزج
يعني انت تعاركت وكطعت. شهرين ونص. وهسه جاي تسولف وتضحك عاادي
يعني غير واحد تقدملج وتركتج. حتى تكملين حياتج
وهسه شكو رجعت
الهام. شبيج
مابيه. عيني. كلشي مبيه بس اعذرني ماكدر احاجيك بعد
سكت
يله باي
ميحجي بس جر حسره
واني سكتت
شوي وحجه
الدوام كلش مرتاح بي طلع. صاحبي القديم. . رأيس قسمي.
جر نفس وكمل
وووو تنهد كلولي سنه ويزيد الراتب
واني ساكته
البارحه استلمت اول راتب ٣٠٠ ذبحت لوجه الله طبعا ضميت حصتج
تسلم
همست
جر نفس وسكت
اريد اروح انور
مشتاقلج
غمضت عيني
والله يومي ضايع من دونج وبس ضايج
مرديت علي بس مغمضه
الهام اتي تره. انسان موعادي اني عدي عقده ووموبيدي يعني. اتخبل
واني شسويلك
جر نفس وسكت
اني عرفت قدري عدك لكن عفتني شهرين. تدري بيه تعلمت عليك كلشي علمتني اني وياك ليش تامنني وترووح
همس
لتصيحين عاتبي بس لتعلين حسج
بس كولي شسوويت ماعدي سند غيرك انت والله وتعوفني. بكامل ارادتك النوبه ولايسال
احجي وهو ساكت
انت بس كولي. بس كولي اني بيش غلطتت بيش بيش. شسويت. هيج رخيصه. تعوفني شوكت متريد وشوكت متريد تررررجع.
همس
حشاج
اني شسويت وطلعتني من ال—
صرخ
الهااام بسس
بجيت بخنيك
خنس هو
شوي وهمس
كافي كومي غسلي وجهج
مرديت علي
للومه احاجيج كومممي غسلي وجهج
بس كلي سبب واحد وخلص
اخاف ارتاحيتييي
شنو تخاف مني لو تخاف ترتبط
اخاف. ينعاد الصار بيه قبل
لعد ليش هسه خابرت
اني توقعت انخطبتي ووتركتج بس اليوم تاكدت انج
لاا اعتبرني متزوجه وانساني باي
مرد. واني سديته
دز رساله
اسمعيني
ماريد روح
للومه محتاجج
احتاجيتك كومممه وانت مموجود
تذكري زيناتي. الهام
مرديت رجع اتصل رديت. ساكته
كال
لتاذيني لتعتبين توجعين كلبي. اسف. والله ماعوفج بعد
مرديت عليه
للومه اني تعبان من دونج والله. وابني حالته حاله.
شبي
شبي عاشق
عالخير عليه.
عاالخير عليه الحب
خايف عليه كلش من الغدر
حاجي
حاجيته فهمته الباقي ضل يمهر
اممم
انتي شونج احجيلي مثل قبل
رسل سافرت
وين
مادري وفد متحجي ومقبلت وبليل طلعت بدون علمي
اوو هيج صارت
لبس ومكياج وشعر انتقاله رهيبه
سكتنا شوي همس يغني
ياحارمين عيوننا من المنام ردو علينا السلام ردو السلام
الگلب ذاب وتمده
والعمر والله تعده
صوته يخبل اخذني لايامنا
انور نعسانه اريد اروح
مو داغني ومندمج
نعست
صايره تنامين من وكت مو عفتج
سكتت
تتسوكين باجر
ميحتاج عدي ولد اتسوك وياه
منو هذا حسون
لا مومن يمك
لاعوفي خيولي اجي عليج باجر
لامااجي
كيفج هو جاي باجر مصفر مسواك
كلشي بيه يحن لايامنا بس كرامتي خلتني اكون صاحبه موقف
ثاني يوم من درب الدوام اجاني
ها خير
خير يصيبج. للوم نتسوك غير
يحجي خربان ضحك ويعدل بسكسوكته
جريت عيني اضم ابتسامتي
فتحلي باب الصدر وصعدت طلع
ويباوعلي يبتسم
وين اخذك وين انهزم بيك. جاوبته. ببرود
للطهاره ( مامعناه الحمامات العمومي سابقا)
طكها بضحكه بصوت عالي. وباوعلي سكت اني عيوني كبل مااضحك
ورجع ضحك
ههههاي خرب هههههه لج. انتي ويايه نفس الصننف
اممم واضحك لتدعمنا عيني انتبه
يابه غير صاير كيمر انت
كوه ضميت ابتسامتي ودرت وجهي عالشباك
شفتج شفتج دنضحكين ها هاا. ويضحك
ياااا هاي شبيك صاير فطير تره عيب
ياب خليني مكيف مرتاح عوفيني لو لازم ندلغم ونكعد طززز بالدنيا
حرام هالحجايه امي مجانت تقبل احجيها تكول مزين
تدلل الحجيه الله يرحمها والله هيبه توفت وصاكرتني لو كاعده شتسري
عززززه لك اسكت ميصيير
لكلاكه. لووج
كالها بشقه نزلنا تسوكنا اني كلساع اذب حجايه وهو يذب حجايه كملنا ورجعنا
من دارجع المسواك لكيت الانناس ماكو
اتصلت بي
اكولك ماكو شي بالسياره
اكو مزهريه
شنو ههههههه انناس هذا
اي احنا نسمي مزهريه
زين جيبها. عسل باجر الصبح. تاكله
اجيبه للدوام امر انطياج
كيفك
وهيج بلشت ايامي رجعنا نسولف بس عرفته مو حب وكلاوات. مجرد تقارب فكري ونسولف وبس حجي
صداقه وبس
فجاءه وبغير ميعاد اني لعبت نفسي
لحضه كرامه. صحتني
احسه تعب وحاجه للراحه
لحضه احساس الامومه
اتصل. وبكامل فكاهته واني ساكته
سكت متفاجئ
للومه شبيج
مابيه بس ماريد احجي وياك
ليش شبيج
اني شنو بحياتك
جر نفس وسكت
الو
ها عيني للومه موكلنا اصدقاء
مامحتاجه الله يخليك اتركني
ليييش شبي تره انتي بيج شي يوميه. شكل خبلتيني
ماريد لان دااتعلق. بيك خاف يجي يوم وتشوف حياتك ذاك الوكت اموتتتت
لتصيحين ششوف من حياتي
راح يجي يوم تحب واني تتركني خاف اكون متعلقه. بيك ماريد احجي وياك ابتعد مدام الجرح. مو غميج الله يخليك
ماحب لتخافين
شنو اليضمن وشعدي باقيه وياك جوز اريد اني. اعيش واحس احساس يحسسني بانوثتي
سكت متنهد
واني بله وعي انقهرت على روحي
روح اختنكت عفيه خليني. وحدي
اني اونسج لتروحين الهام يضل بالي
يضل بالللك؟
٥٠ يوم عايفننني متدري بيه. شحسيت شعانيت شون عايشه ولاسالت
ميت مره خابرت انت حاضرتنيييي شي ثاني عبالي. تزوجتي
كام يصيح ويكح سكتنا بس النفس الغاضب
لحضات. حتى النفس يجرح. احساس انج عالهامش اني دااحس بحبه. دااحس. باهميتي بحياته هالاحساس يوجع كثر ماهو حلو لان بكل بساطه انسحب ولااثر بحياته.
فراقي كامل ارادته. تركني
مال اعيش مره ثانيه نفس الاحساس ماريد
من وكتها كفيت مشاعري بردت علاقتنا يتصل يسولف ويضحك واني اكضيها
امم زين ماشي ولااشكي ولااحجي ابد
طلعت تسوكت وياه جنت كلش رزنه للومه التصنف وتقلد عليه ويقلد عليها. مموجوده. روحها بس جسد كاعد بصفه بالصدر
ابد مكال رغم لاحظ اكتفى بانني المهم موجوده ويا وبيومها. كملنا مسواك كلي عازمج مال عزيمه شكر مالوضيفه.
راسا رفضت
لاشكرا رجاءا رجعني عسل وحدها
اول مره قابل موصغيره عسل لللومه
باوعت بعينه رفعت تك حاجب بثقه وبرود رديت
اذا مرجعتني انزل اخذ تكسي
ابتسم وخله اصبعه جوه خده وارتجه باليده مال الباب بصفه
اكو شي يضحك
سوال واحد للومه وجاوبيني. كلمه وحده
غمضت ليش متشكيلي صايره بس اني اشكي شنو التغير
ماريد اشكي بعد لان ملوني فتحت الباب ونزلت لان شفت روحي حبجي
صيح
تعاي تعاااي
مرجعت وكفت تكسي عفت حتى المسواك ونزلت. صعدت
عفت كلشي يمه حلفت مااارجع بعد تعبت
وصلت للبيت. ونزلت لكيته يطبك ورايه. صاح
اوكفي دقيقه
فتحت الباب وتركتها مفتوح وطبيت جوه مدخل هو سفته من الشباك نزل الغراض بالطرمه وسد الباب وراح
٣ ايام ماخذه اجازه. عسل تصعد وتنزل واني بالغرفه حابسه روحي
ازل حارت بيني وبين اساور
بس هالايام كافيه حتى احدد موقفي وحددته. خلص هاهي
اعتزل مايؤذييييك وان كان. عضوًمن اعضاء جسدك
رجعت للدوام مخابرات يدك ماارد والمراسلات ماافتحها. ليش اصغر. روحي
تخبل. بالمكالمات احس ميمل يسده ويرجع يتصل اسده ويرجع يتصل
سبوع مر واني عادي اروح واجي وي الخط نفس قبل
رجعت لروتين قبل اكعد من وكت وانام من وكت مااخفي اشتياقي وتعبي بس اشتاق لانسان اكناله كومه مشاعر بالقابل يبادلها ببرود
حدما اجه يوم تغير. البيت واحساسه اول مره احس بالبيت ناقص شي
توني اغفى وصعدت ركض ازل فوك
دكت الباب بصوره مرعبه
فزيت ودخلت تعدل بشالها ووجهه كهرب
ازل- للومه. اني حروح بيت اسو خابرتني تكولي. تعاي يمي.
شبيها
والله مادري ساعه١ اتصلت اني خابرت السايق كال جايج اوكي باي
الله وياج ياستار ياحافظ يارب
ازل- نزلت ركض كلبي احس ممرتاح.
اخذنا قباس البدله. وحجزناها. بدلات الحنه. هم انحجزت سبوعين ونحتفل باجمل عروسين
جانت طايره فرح رغم على غفله. تتعب لان الدوه اللي تضل تاخذه ٥ شهور قوي
كملنا تجهيز البيت حجزنا حتى المله. التسوي المولود والكيك اختارينا منين ناخذه والاكل
راكان كان ينتهز الفرصه حتى بضل وحده وياها.
صفناتها. الحلوه تجنن عيونها التلمع. فرح
وغم شعرها القصير بس التوربان فعلا حلو عليها
طلعنا كم مره اشترينا ملابس نوم. تضحكني من تباوع عليهن صافنه
لج بابا بخبل شبيج
عززه والبس هذا كدامه عيب استحي
ههههه غير رجلج ديله. يله بعدين انتي تكومين تغري بارادتج
عزه صدك هيج
والله مادري يكلون
وانتي شمدريج
مسلسلات. تكول مواني
عمو رائد اللي تعلم اول ميطب بعد ميصيح اسو. يكول لعد ازل وين
تعلقت بيها اكثر من قبل صارت جزء ميتجزءمني اذا عبست وجهه متالمه روحي تشوغ
بس للومه تضوج من ابات عدهم
كنت توني راجعه منهم. راكان. اجه يمها واني رجعت سبحت وحضرت هدومي ونمت توني اغفى ودك تلفوني اسو
الو ها كلبي راح راكانج
همست بصوت يرجف
ازل
ها عيني شبيج
ازل تكدرين تجين
هي حجايه. شنيه حجايه واكمز من الجربابه للتعلاكه لبست جبتي
شبيج اسو فدوه
تحجي بهددوء وتوسل
تعاليلي حبابه
دقايق دقايق واني يمج
سديته منها وركض اتصلت بالسايق خطيه كعد كال تحضري
اخذت اذن للومه وطلعت وصلت الهم البيت اضلم ومقفلين من دكيت الباب طلع عمو كوه يمشي مبين عليه النوم. والخرعه
همس مهبوط ويفتح القفاله
ها عمي شبيج
دفعته وارد
للا ماكو ماكو وطبيت ركض مدري شكوله خاف ينهبط خاف ماكو شي خاف اكوووو شي
وصلت لغرفتها راكان نايم على قنفه الهول كام
كال
شكو
اشرتله
ماكو شي
ليش متصلت بي اذا بيها شي ليش اتصلت بيه
طبيت للغرفه شفتها نايمه شغلت الضوه فتحت عينها ملش قليل كالت
ازل
ها كلبي جيتج. شبيج
ابقي يمي لتروحين
هاهي ماروح عمو ورايه ذبيت الشال وشعري انكفش. لان اجيت مفلول ولبست فوكه الشالوالصايه
توه يتقدم واجه راكان. مد ايده عمو يوكفه
ملابسه حجابها يابه. ماكو شي
انداريت على اساور مغمضه
اسو شبيج
ماكو شي شتاقبتلج.
ابتسم عمو وهز ايده وطلع
ولان اني اعرف رفيقه عمري مو بهالتفاهه متاكده بيها شي
طلع عمو وسد الباب
تلمست بشره وجهه تدنت سوتلي مكان نزعت صايتي ونمت بصفه وحضنتها بايدي
يولي مورجلج. جان يمج
حبيبي سوده عليه. وكلني بيده ويبوس بيه.
لعد شسوين بيه
هبطتج مو
مابات عد اهلي بعد
ابقي يمي حد مااتزوج حبابه
صار هاهي
ساكتين واني صافنه. شبيها شحست. توني افكر وحجت بهدوء
ازل
همم
لابا شون اذا تركته
ليشتتر كي
ااذا تزوجت
تبقين يمن
فالنفرض تزوجت بره وبعد ميشوفني منو يبقاله
باوعتلي وهي بحضني تعاين بتوسل تريد مني وعد
اساور شدتحجين
سايريني وردي
شتريدين ارد عليج
واعديني متعوفين بابا
غمضت ودرت وجهي
ازل واعديني بداعت خوتنا متعوفين بابا
يعني شسوي
مادري حببي بالدنيا وابقي ساندته.
اساور شبيج شيوجعج
فتحت عينها كلها وانصدم.
جوه عينها دم كوه اسود
فزيت
لزمتني ودمعت عينها
بروح ابوج متحجين شي
لالالا عفيه لا لازم اكول لعمو يحاجي الطبيب
توني احجي وطبت بيبي
طبيبيش شبيها اسو. شبييكم
بجت اساور وغطت وجهه وبيبي صيحت
شجاااج يووم كليلي
واني ارتعش بببيبي صيحي عمو فدوه
اساور- لاازل فدوه بابا تعب من ورايه
اششش اسكتي
ركضت بيبي تكعد عمو من النوم واجه مفزوع ولزم وجهه نزل جفنها وغمض حضنها ويمسد عليها
ماكًو شي بابا ماكو شي يوجعج. شي حبيبتي
اساور- لابا با. اني مخايفه ولاشييوجعتي.
ليش الخوف ابويه نامي ارتاحي وباجر نخابر الطبيب
طلع عمو واساور
نزلت تنام واني نمت بصفها مكدرت اهدا بس دموعي تجري ىهي تمسد بشعري مدزي اواسيها مدري هي تواسيني ارتفعت حرارتها وعركت
غفيت حسيت على عمو طب للغرفه تقرب منها قاس حرارتها بمقياس الحراره وكال
دكتور٣٨ درجه حرارتها انطيها خافض اي ماشي لاباجر من الصبح احجز واجيبها واجي
همست
بابا حبيبي
عمر ابوج انتي حبيبتي يوجعج شي
جج
نامي ارتاحي
مرتاحه كلش لزمت ايده قوي وباستها انهاريت بجي كتمته. حتى متحس
وجع باس ايدها
كالت
تتذكر من جنت صغيره اكولك مشتاقتلك شوكت ترجع من السفر
اي حبيبتي
اني دااحس مشتاقتلك وانت هنا اني اسعد وحده بالكون لان انت ابويه محسيت بيتم ابد
جر نفس وتلمس وجنتها حنت اباوعهم وكلبي معصور
ترك الغرفه وطلع متحمل بعد
واني شددت حضني
كالت
خطيه راكان هبطته تدرين ازل
همم
تدرين وسناء اللي رابع كهرباء من شافته جاييني للجامعه شثصار بيها من شافته مكدرت تشيل عينها حدما عرفت هذا خطيبي نصت راسها مباوعتله بعد
اي ادري شفتها
خطيه فقيره. وهم يتيمه جتني قبل فتره كالت مبخالف ابوج يشغلني اي شي حتى لو منضفه بالشركه. بس كون محد يدري
يا عزه خطيه
اي والله باعي احنا شعدنا ملابس ندزها بيد السايق لبيتهم اندليته عدها اربع خوات وابوها مستشهد بالانفحار
اويلي يا الله
اي خطيه
ميهم
اني كلت لبابا كال الله كريم
نامت بعد هالكلمه ورجعت كررتها
الله كريم. حبيبي ياالله. رحيم كريم
واالنعم بالله
غفينا وايدي بيدها
على اذان الفجر سمعت همسه بيبي ترد للاذان
شهد سمعي وبصري ان لا اله الا الله.
يا رب عليك يارب
ازوله يمه ماعدج صلاه حبيبتي
فتحت عيني هزيت راسي اي بيبي
لتوعين اساور خليها ترتاح خطيه
لالا ماكعدها
داابتعد عن ايدها شفتها محكمه القبضه. كلش ساده ايدها على ايدي
فتحت ايدي على كيف ادري بنومتها خفيفه. والكه ببطن ايدها حلقتها باوعتلها ليش نازعتها داابتعد من الفراش ايدها من الجربايه فززت روحي
اني الماعشت وداع امي لصغر عقلي
ولا عشت وداع ابويه. لان ملكينا جثه.
شدااا. احس شنو هالتنميله اللي براسي صارت شنو الدااحسه شنو الفصل بيه.
شنو النسيته وتذكرته بعلاقتنه
منو اني ومنو انتي
روحين روحين اساور وخليتيتي بطرك روحي
يتيمه
ام
واب
واخت ودنيا كلهااا
—- يتبع