#حظي_العسر
Part 8
ناريمان: اطلبي الي تحبيه يا حبيبتي
زينه: اساعد حضرتك في البيت يعني مثلا اتعلم الطبخ وابقي مسؤوله عن المطبخ
ناريمان بحزم: لا طبعا انتي دكتوره مش شغاله وعلي فكره انا بفكر انقلك جامعه هنا في القاهره وتبداي تذاكري تاني انتي مش هضيعي كل تعبك السنين الي فاتت دي
زينه بسخريه: انا مش فاكره تعب السنين الي فاتت دي صدقيني مش فارقه ودكتوره او غيره المهم اعمل حاجه وصدقيني انا هتعلم بسرعه
ناريمان: سبق وقولتلك ان كلامي بيتنفذ من اول مره انا مش بعيد كلامي
زينه: اكيد يا طنط انا مش هعد هنا وتصرفو علي اكلي وشربي ولبسي وتعليمي انا عمري ما هعرف ارد الجمايل دي كلها طب علي الاقل هنزل ادور علي شغل واصرف علي نفسي أي رأي حضرتك
ناريمان بتفكير: مفيش مانع لو تحبي ولو اني مش شايفه ليها لزوم شرطي الوحيد تكون شغلانه كويسه ف انتي خليكي في البيت مش هتنزلي تدوري علي حاجه انا هسال صاحبي كدا ولو في حاجه مناسبه هاجي ااقولك
عند عمرو في الشركه
سيف: انا مش عاوز فلوس انا عاوز اتجوز اختك قولت ايه
عمرو قام وقف بصدمه وخبط علي المكتب وبص لسيف بغضب: انت بتدخل بيتي وتبص لاختي انت اتجننت
سيف برعب: هو انا لاسمح الله ببصلها وحش يا عمرو دنا جاي اطلبها منك
عمرو بغضب وصوت عالي: انت نسيت نفسك يلا ولا ايه فوق دي كنزي السلماني احنا الي بينا شغل وبس
سيف بدا يزعق هو كمان: شغل وبس احنا صحاب من اعدادي يا عمرو وانت شايف ان كل الي بينا شغل وبس
عمرو: الكلام دا يا حلو قبل ما تشاركني في شغلي الي انت عارفه انا مامنش علي اختي مع واحد زيك ليل نهار في الكازينوهات وشرب وتجاره مشبوهه
سيف بسخرية: لا وانت مبتقومش من علي السجاده مشاء الله ما الهم طايلني وطايلك
عمرو: يمكن شغلي مش مزبوط اه بس مش انسان قذر زيك برضو ولا روحت اتقدم لواحده عشان ابهدلها معايا تقدر تقولي بما انك كت مرعوب انهارده انك تتمسك لو كت جوزها وكت اتمسكت اختي كان هيكون شكلها ايه
سيف باستهزاق: كت هجيب سيرتك تقدر تقولي انت عيلتك كلها كان هيكون شكلها ايه
عمرو مسك سيف من قميصه وقربه منه واتكلم بصوت مرعب: بص يا سيف لو قربت من اختي تاني او حتي لمحتها بعينك انا همحيك من علي وش الارض ما بقاش الا انت الي هسلمه اختي كمان
سيف بعد ايده عنه وبصله بتحدي: متخدلش معايا في حرب انت عمرك ما هتكون قدها يا عمرو
عمرو: انا اد اي حاجه يا سيف واعتبر الشغل الي بينا خلص ولو بتفكر تبلغ عني ولا حاجه ف خليك فاكر ان كل حاجه باسمك في الصفقات المشبوهه ومحدش هيروح في داهيه غيرك مفهوم
سيف بصله بغضب وزق كرسي علي الارض كسره ومشي
عمرو مسح علي شعره بعصبيه وقال: الخامورجي جاي يطلب ايد اختي اقسم بالله لو طلع بينهم حاجه ولا لو كنزي تعرف هي حره
وخد مفاتحيه وحاجته وروح البيت
في اوضه كنزي
كنزي بعياط: يعني ايه يا سيف عمرو صاحب عمرك ليه رفض حاجه زي دي
سيف بعصبيه: بقولك معرفش يا كنزي قالي مرفوض من غير سبب وطردني من الشركه
كنزي: طردك طب طردك ليه طب ايه الي حصل
سيف بنفاذ صبر: اغنهالك يا كنزي قالي من غير اسباب واقفلي بقي يا كنزي لاني علي اخري
كنزي بعياط: لا يا سيف مش هقفل ومش هسكت انا بحبك ومش هسيبك ومستعده اعمل اي حاجه عشان اكون معاك
سيف بتفكير : اي حاجه عشان تكوني معايا مهما كانت
كنزي وهي بتمسح دموعها: ايوه يا سيف اي حاجه انا قد كلامي
زينه لبست فستان اسود ساده وضيق من علي الصدر وفي حزام سلفر بيلمع من الوسط ونازل علي واسع وطرحه بنفس لون الحزام و جزمه سمرا بكعب وحطت ميكب خفيف وراحت لكنزي اوضتها وسمعت كنزي وهي بتكلم سيف
كنزي: ماشي يا سيف انا موافقه اتجوزك من وراهم بشرط العقد يكون رسمي عند ماذون
سيف بخبث: دا اهم حاجه ان يكون العقد رسمي دانا اتشرف بيكي قدام الدنيا كلها يا حبيبتي
كنزي: طيب يا سيف اقفل دلوقت وهكلمك بليل عشان في. بيخبط علي الباب
وقامت فتحت لزينه
كنزي بإعجاب: اوووووووو ايه الجمال دا كله يبنتي دانتي طلعتي جامده اوي
زينه بخجل: متشكره اوي دي عنيكي الي حلوه انتي ليه مجهزتيش مش قولتي هنروح فرح صاحبتك
كنزي بحزن: لا انا تعبانه مش قادره اروح في حته متزعليش مني يا زينه
زينه بتفهم: ولا يهمك يا حبيبتي انا كمان مش عاوزه اروح في حته...كنزي انتي مش عاوزه تقولي حاجه انا زي اختك وصدقيني اي حاجه هتكون سر
كنزي بتلعثم: حاجه حاجه زي ايه لا طبعا وصدقيني لو في حاجه هقولك
زينه: الي يريحك يا كنزي بس متعمليش حاجه تندمي عليها فكري كويس قبل ما تعملي اي حاجه
كنزي: انتي قصدك ايه
زينه: ولا حاجه انا بس حبيت اقولك كدا يلا اسيبك ترتاحي بقي( وفي دماغها كانت بتفكر تتصرف ازاي في الي سمعته ومش عارفه تعمل ايه)
تحت في الفيلا عمرو جه وفضل يزعق وينادي علي كنزي وناريمان طلعتله
ناريمان بخضه: في ايه يا عمرو بتزعق كدا ليه ايه الي حصل
عمرو بنرفزه: الست زينه هانم فين عاوزها في مكتبي
ناريمان: في ايه يبني بس قولي حصل ايه
عمرو: في ان الاستاذ سيف جه طلبها مني
ناريمان بغضب: اوعي تكون وافقت علي الواد دا عشان صاحبك
عمرو: اكيد موافقتش
ناريمان باستغراب: غريبه دي انا قولت انت وافقت
عمرو: انتي زعلانه اني رفضته انتي عاوزه ايه بالظبط اوافق ولا ارفض
ناريمان: لا ترفض طبعا بس برضو مستغربه سبب الرفض انا طول عمري بقولك تبعد عن سيف دا لاني مبستريحلوش وانت رافض وتقولي دا صاحبي ليه رفضته
عمرو: مش معني أنه صاحبي اني ائتمنه علي اختي الوحيده سيف مبستحقهاش ولو كت شايفه كويس او حتي في امل يتغير كت وافقت انا بعدي حاجات بمزاجي اه بس مش اهبل
زينه كانت نازله علي السلم وسمعتهم وهم بيتكلمو
ناريمان: طب انت عاوز كنزي ليه هي مالها
عمرو: عشان اكيد البيه مجاتلوش الفكره كدا فجاه اكيد متفقين سوا ولو دا طلع حاصل هي حره
ناريمان: لالا معتقدش ان كنزي تعمل كدا ابدا
عمرو: لا انا بقي اعتقد بنتك معجبه بيه من وهي عيله وانا كت فاكره لعب عيال وراح لحاله بس الظاهر كدا لا
ناريمان: عمرو ملكش دعوه بكنزي هي مش صغيره انت رفضته وخلاص
عمرو لسه هيتكلم خد باله من زينه الي كانت واقفه علي السلم لسه مش عارفه تقولهم غلي الي سمعته ولالا عمرو مكنش عارف ينزل عينه من عليها كانت احلي مره شافها فيها فضل باصصلها لحد ما هي خدت بالها وبصت في الارض وبدات تنزل السلم وهو لسه باصصلها
ناريمان: عمرو عمرو روحت فين وبصت وراها شافت زينه
ناريمان: بسم الله مشاء الله ايه الجمال دا يا حبيبتي اللهم بارك
زينه بخجل : ربنا يخليكي يا طنط
عمرو : وحضرتك بقي لابسه ومتشيكه وراحه علي فين خير رجعتلك الذاكره وهنخلص منك اخيرا ولا ايه
زينه: انا بس كنزي كانت متفقه معايا نروح فرح بس هي نامت
ناريمان: ولا يهمك تعالي معايا النادي
عمرو بضيق: نادي ايه يا ماما الي هتروحه كدا دا لبس افراح انتي عاوزه تفرجي علينا النادي
ناريمان: وانت مالك انت وبعدين ايه علينا دي انت جاي معانا
عمرو : اومال هتروحي لوحدك يعني
زينه باحراج: احم لا متشكره انا كمان تعبانه وممكن انام شويه
عمرو: :احسن برضو وفرتي
وراح اوضه كان عاملها زي جيم كدا فيها كل الاجهزه الرياضيه
زينه كانت طالعه اوضتها وبعدين لقت اوضه المكتب بتاعه عمرو مفتوحه وسمعت صوت جوا ودخلت الاوضه شافت خيال حد بيتحرك وقبل ما تتكلم حد زقها اتخبطت في المكتب ووقعت اغمي عليها
#يتبع
بقلمي حبيبه وليد