فصلية الشيخ فهد🔞

بارت الـ27..

#فصلية_الشيخ_فهد

#للكاتبة_انوار_الجبوري

ــــــــــــــــــــــــــــــــــــــــــــــــــــــــــــ

غزل:-راحت فردوس تسويلي نومي بصرة واني روحي مفرفحه وراسي احسه يريد ينفجر وعيوني مغوشه

ما اشوف بيهن عدل اعاين للساعة احسهن ساعاتي الاخيره من صدك لو دخلت على حياتي اني وفهد مناهل

معناها راح نخرب  وكلشي چان بينه يوكف عاينت للساعة بـ2 صارت يعني بعد ساعة وشخص راح يصير ملك فهد غيري شخص راح يشاركني بفهد

عاينت لميز التواليت تذكرت عندي موس وصلت بيه لحاله ما فكرت بأبني ولا بأي شي

وكفت واعاين لنفسي بالمرايه عيوني حمممر وجهي احمر وعيوني تهمل احجي ويه نفسي مثل المخبله وصلت لمرحله ابچي على نفسي وعلى حياتي لما شفت منها غير الهم والعذاب

انتي لازم تموتين يغزل لازم انتي ضليتي وحيده محد الج اشو
فهد وراح
والي ربوج مو اهلج
وحرموج من شبابج
بعد شمتانيه الدنيه تدوس عليج،، اخذت الموس وخليته على ايدي من ناحية الوريد غمضت عيني بقوه

ربي سامحني والله غصب عني الي دا اسوي بس ماتحمل اشوفه ويه غيري وهوه صار كل اهلي وناسي،، سحبت الموس اباوع وعيوني مغوشات،، الدم ملى الگاع ومن بعدها ما حسيت بشي  ..

فردوس:-صعدت وديته الها فتحت الباب ودخلت شفت عمري ما توقعت اشوفه

ولججججججججج غززززززل لاااااااا

المنظر الكدامي مررررعب بشعع بشكل ماكدر اووصفه ماكدرر ماكوو غزل ماكوو عباره عن كتلة دم والارض غرگانه بدمها ضليت متحجره واكفه بمكاني ما جاي استوعب الي ديصير
رجليني ما گادره اشيلهن

فزززني فهدد بصووته وهوه عـ الدرج يباوعلي بشك

فهد:- ولجج فردوس احجيي شبيج  ..

_ اء اء غ غ غزل واشر بأيدي عليها  ..

_ شبيهااااااا غزززل شبيهاااا  ..

_ دفعني ودخل باوعلها وانبهر بالمنظر الگدامه وصدمتة اكبر من صدمتي  ..

فهد:- لجججججججج غززززززل  ..  تحركيييي فرررردوس راح تروح منيي صيحي لشعلاان يشغل السياره

_ شالها وركض بيها وانا رحت ركض صحت لشعلان ونزل يركض وفدعة نصبتلنه عزه وانا عيوني ضليت ماشوف بيهن من دموعي

يمممه ماتخييل غزوله تروح سمعت صگر يصرخ ركضت شلته بالگوه سكت
ياربي يا حبيبي رجعها لخاطر هالطفل رجعها،، عساج لا تنهنيتي يمناهل دامج مدمره حياة لبنيه
سوده عليه ولجج غززل ليش سويتي هيج ليش  ..

فدعة:- يمهههه راح تروح لبنيه والعباس فهيدان يتخبل والعباس الله لا ينطي كلمن جان السبب  ..
عساه بحضه وبخته  ..

فردوس:- ما قصرت فدعة ضلت تضرب بيهن بواري وهنه ولا چنهن يباوعلها بنضرة مستفزه هيه وامها  ..

مناهل:- وهسه شلون يعني ما نعقد الى هسه تنتحر  ..

فردوس:- والله خوش فوگ شينج گوات عينج انتي من يا مله مصنوعه ما تگليلي ما يأنبچ ضميرج ما عدج حساس،، والله الج خلگ ابوج ميت ما صارله سنه وتردين تعقدين وشارگه لضحكه حتى حلگج راح ينشك والله عيب عليج دامج مفشلتنه يمناهل

اشوو هاي گامت تريد تهد علي  ..

مناهل:- ولجججج محتررگه گلوبنج فهد يريدني ويريد ياخذني غصبن عليج لو مو تنتحر لة تموت غزل هم ياخذني واذا مو برضاته بالغصب فهمتتتن محروگه گلوبجن راح اصير مرة الشيخ فهد ونشالله ام الاكبر  ..

ندى:-  ما عاش وما كان الى ياخذ مكان غزل تبقى غزل مرة الشيخ فهد مو انتي  ..

فردوس:-  اي والله وهيه ام صگر وام الاكبر وجهاله بعد ترى فهد ما سوه هيج وما يريد يعقد الى وراه سالفه  ..

مناهل:- لا حبيبتي يريدني ويحبني انتن شكووو  ،،  كش من عيونجن الحسوده  ..

فدعة:- خايبة ما تكليلي منو يحسدج خلروح اتفل بوجهه  ..

مناهل:- دروحن اني عروس ومالي خلگجن بالله لا تعكرن مزاجي  ..

فدعة:- عضت اصبعها السبابه وحجة من حرگة قلبها  ،،  عروس تكلي عروس خايبه انتي خلگ نعجه ويريد يستر عليج الما يتسمى مو صوجج هوه لا والله صوچه  ..

فردوس:- عفناهن وصعدنه اني وندى نضفنه الغرفة سوده عليه نمسح بالدم وماكو شفت الموس وقلبي ضل يوجعني ليش سويتي هيج يغزل ليش

ندى:- سوده عليه الله يگومها بالسلامه وترجعلنه بجاه الحسين الشهيد  ..

_ الله يسمع من حلگج والله قلبي يمها  .. اكلج دگي على نهر  ..

_ يي هسه  ..

_ دگت عليها وگلتلها وهيه تخبلت جن جنونها تقريباً ربع ساعة واجت تبچي وتلطم على راسها  ،،  هيه شافت الدم وهيه تخبلت  ..

نهر:- لاااا لاااا ما صدگ ولججج غزززيله يبووووي هالبنيه ما عاشت يوم بي راحه شگول عليكك يفهد شگول  ..

فهد:- يسوق شعلان وهيه بحضني خايف افقدها خايف والله اموت وراها والله ما تخيلتها تسوي هيج ما تخيلتها سابحة بالدم گدامي واني صرت من دمها كلساع واتلمس نفسها اخاف ينگطع والله حتى ما عرف شعبر والله

وصلنه للمستشفى شلتها واركض استقبلوني الممرضين وخلوها بالسديه وركضو بيها للعمليات بعد ما شفتها

ضليت اروح واجي وحاط ايدي على قلبي خايف عليها بشكل مو طبيعي

ساعتين وماكو خبر ضلت اكل بروحي بس لا صارلها شي معقوله افقدها معقوله  ،،  طلعت الممرضه تصيح

الممرضة:- نحتاج متبرع دم لان المريضه هواي نزفت  ..

فهد  ..  انا اتبرعلها  ..

_ امشي وياي  ..

_ ودتني واخذو مني بطلين دم  ،، طلعت دايخ كلش بحيث بلگوه لازم نفسي اتلگاني شعلان  ..

شعلان:- ها شيخ خلجيبلك عصير وجهك اصفر  ..

_ لا ما يحتاج   ..

_ لا رايح رايح  ..

_ راح وعافني بحدي اعاين لباب العمليات اريده ينفتح ماكو  ،، اجه شعلان بيده علاگه شربني عصير برتقال گوه  ..

طلعت الدكتورة وگفت على حيلي
بشري دكتورة بشري  ..

دكتورة:- الف الحمدلله  ،،  تلاحگنه عـ المريضة بأخر انفاسها وچانت نازفه دم كلش هواي لذلك ردنه دم حالياً حالتها استقرت ونشالله لليل نتأكد من حالتها ونطلعها ونشالله  العافيه عدها  ..

_ اگدر اشوفها دكتوره  ..

_ اي اتفضل شوفها بس شخص واحد لان لبنيه تعبانه  ..

_ شكراً دكتوره  ..  راحت الدكتورة ودخلت شفتها وجها اصفررر كركم من گد ما نازفه دم وحتى ما حست من دخلت  گعدت گدامها وكاض ايدها وابوس بيها واحچي وياها مثل لمسودن

هسه لو خاسرچ ولچ ورايحة مني منو النه انا وصگر ولچ بوية هاي الغيره وخبالج لهنا وصلنه الف الحمدلله والشكر ما رحتي من ايدي چاا هسه انا مثل لمخبل

بأثناء جاي احجي وياها دخلت الممرضه وگالت نحتاج هاي الابره للمريضه انطتني الراجيته ورحت جبتها ضربتلها الابره بالمغذي وراحت وانا ضليت اتانيها تگعد  ..

فدعة:- خايبة ما منهم خبر ولج قلبي واج نار من اشتعل شيب الخلفوني  ..

مناهل:- ترى ما يصير هيج حتى السيد راح وشيخي ما هو  ..

فدعة:- شنهييي ولجج ما اسمع بالله عيدي  شيخي گالت شيخي تهي بهي
خايبة انتي والله تغنين بخرابه ام جهالة ضيم حالها وهاي تكول شيخي
دجيبلي نعال الطها على حلگها  ..

مناهل:- اكلج انتي شبيج وياي ما تكليلي محترك قلبج الحمدلله والشكر،، ضلت تهز بأيدها وايدها الثانيه على خصرها  ..

جاسم:- مناااااااااااااهل صوووتج ما يعلى على جده فدعة لا انيمج هنا طايحححة الحظ  ..

مناهل:- اهوووووو شوو دوخرو خلروح لغرفتي  ..

فدعة:- عساج مارجعتي يالفگر  ..

فردوس:- اباوعلهن يتعاركن ومالي خلگ ارد وادافع بالي يمها وبطني ضلت توجعني و صگر كله بأيدي وما هاد ابد بس يبچي ويون يريد امه

وبالنه يمهم وهمه ماكو منهم لا حس ولا خبر متنه بدمنه خاف صاير بيها شي بالعباس نموت وراها والله الكل يحبها ام صگر عيونها حمر وفدعة دگ وتنحب عليها وايناس وندى بس يبچن  ..

بهالأثناء دخل شعلان وفهد شايل غزل وجها اصفر وبلگوه تمشي سوده عليه كلنه گمنة وضلينه صافنين اجت داء الصفنه بينه اريد اتحرك جمدت بمكاني
صاح بينه فهدد

فهد:- وينجننننن هيييي نضفتن الغرفة ولچن ردن  ..

_ اي اي نضفناها  ..  صعد اخذها وهيه تسحل بروحها سحل سوده عليه وبلگوه فاتحة عيونها سوده عليه ،، ركضت وراه اخاف محتاجة شي لگيته منومها على الچرباية (سرير)

علمني على علاجها شون اشربة الها وطلع باوعتلها لگيتها نايمة غطيتها وطفيت الاضوية وعفتها نايمة نزلت سويتلها اكل حتى تاكل وتشرب علاجها دخل فهد انطاني علاگه

فهد:- هذا معلاگ اشوب الها وخليها تاكله خسرت هواي دم  ..

_  انشالله  ،،  كصصته وغسلته وشويته وسويتلها طماطمة شوي وعصير برتقال وصعدلتها الصينيه دخلت لكيتها نايمه بعدها سوده عليه

كعدت يمها وضليت امسد على شعرها واحاجيها غزوله حبيبتي اكعدي ياعيني رحت فدوه لطولج بنيتي

غزل:-ممممم ايدي توجعني  ..

_ هسه تشربين العلاج وتصيرين زينه يروحي انتي گعدي اكلي فدوه لگلبج  ..

_ م م ماريد ارد انام تعبانه  ..

_ حتى لو اكعدي شوية ورجعي نام  ،،  بلگوه گعدتها اكلت لگماين بلگوه وهم اني وكلتها تخاف من ايدها لا تنلچم شربتها علاج ورجعت نامت

مر اسبوع على هذا الحال وشوية تحسنت غزل بس الكارثة الصارت بهالاسبوع والكل يمتنى غزل متسمع هالكارثة صدمتين بخبر واحد

همزين جاسر خلاني ابقى يمها اني اعتني بيها شوية بدت تگدر تحجي لان جانت تحجي كلمه وتتعب

وكل ما اضمدلها جرحها تموت تفرفح من الوجع وتضل تبچي،، چان عميق وچبير معجزة من عاشت غزل على الدم الشفته وشگ ايدها بحيث 10 اخياطات بأيدها 

كل ما اشوفها انقهر سوده عليه اذيتي روحج وما اهتملج وفوگاها يريد يأذيج بالزايد ما يريد يخفف عليج

عفتها نامت  ،،  ونزلت جوه بهالفتره كلش تعبت لدرجة صار عليه ضغط بس كلشي يهون لخاطر غزوله شفت بنين تسوي اكل

بنين هاي المن  ؟؟

بنين:- هاي للعرسان ليش  ..

_ خاب والله تغنن بخرابه ترى هوه بس عقد عليها شجابها عروس  ..

_ المهم زواجهم تام واول امس ليلة ليلة عرسهم وشفت نيشانها بعينج بعدد شكوو  ..

_ وسممم حتى سمم كرمينة بسكوتج وصگر وين  ..

_ عد الشيخ  ..

_ خوش  ،،  ضليت اكل بأضافيري من القهر والتوتر وهمي كله يمها شوي بس عقد اهون مو يتممون زواجهم سوده عليه غزوله هنوب ما عدها اهل ويدافعولها ويوكفون  بوجها
بجاهك يبو فاضل كون يطلعون اهل غزل وتكسر شوكة فهيد بيها وتفتك من عذابه

غزل:- من صحيت وفك عني البنج جرحي بده يأذيني بشكل مو طبيعي وما احس بإيدي احس روحي مشلوله
ومن فردوس تضمدلي الجرح اشيل روحي واطگها بالگاع،،  مرات اسوي روحي نايمة حتى فردوس تطلع واطلع ضيمي  ،،  اكعد ابچي لمن امل ادري بي ادري عقد عليها وتمم زواجهم كلشي ادري عود يريد يعاقبني

لان حاولت انتحر واني السبب مني خليتله اهميه بس والله مو بيدي ساعة شيطان مدرس عصبية مدري هوس

محسيت بنفسي من سويت هيج معقوله لهالدرجة چنت فاقده وما احس بشي  ،،  تطلع فردوس واني انهد بالبچي مو بيدي يا ناس من شي غالي عليك وتريده الك وحده ويجي واحد عدوك ويكرهك وميريدلك الخير

ويشاركك بي صعععبه كلشش صعبه الله لا يخلي كل زوجة بهالموقف شلون اشوفه يدخل غرفتها شلون اشوفه يتأمر عليها مثل ميتأمر علي

خصوصاً اني وفهد غير اني كبرت وتربيت جوه ايد فهد كل عذابي جوه ايد فهد عمري 16 سنه واجيت هنا وهسه 18 سنه عذبني اذاني ضگت المر من ايده ورغم كلشي حبيته

وتعلقت بي صار هوه ابوي وامي واهلي وناسي وابو جهالي رغم فرق العمر البينه وهواي فروقات وردته بس ذلني وماعندي احد اروحله

يا ناس الاهل عزوه سند ضهر لو عندي اهل چان ما صار الي صار هسه والله چان ما صار شحال الما عدها اهل مثلي شحال اخخخ اخخ محد يحس بالجرح لبداخلي الى لمجربه

حسيت على الباب نفتح سويت روحي نايمة، دخل عطره قبلي طبع بوسة دافيه على جبيني وراح هوه طلع

واني الله ذب عليه البچي متت من البچي عيوني ضلن يحرگني من كد ما بچيت

ليش هيجي سويت ليشش فهد مو اني بنيتك مو اني ليش تقهر بيه واعرفك تبچي على مبچاي وتضحك على ضحكتي وتحزن على حزني وتفرح على فرحي  ليش تسوي هيج وتأذيني وتأذي نفسك

وانا ادري بيك ما هاويها ليش يا فهد ليش دخلت عليه فردوس اجتي تركض

فردوس:- شبيج شبيج عيوني انتي ليش هالبچي  ..

_ فدوه فردوس اريد صگر صارلي اسبوع مشايفته فدددوه جيبي الي  ..

فهد:- اجيت ادخل وسمعتها تحجي ويه فردوس على صگر تريده

ماكو صگر بعدد يحرم عليج  ..

غزل:- شنووووو ابنيييي اريده!!!!!

يتتتبع

ملاحظة/ حبايبي انتو اتمنى تعذروني على التأخير وها طولت البارت والله امس چان عدنه عرس ابن عمتي ولتهيت ومنشرت

+ كلتلكم اختصر القصه مقبلتوو فگلت لغزل گالت ماشي لعد احجيلج كلشي ونشري وما ادري يمته تخلص القصه او كم بارت بقت حسب طول البارت واني دا اطول بالبارت حتى انهيها وانتو تكولون قصير

+

يوميه ما اكدر انشر اعيد واكرر السبب هوه حتى اطول بالبارت ونشالله اذا كدرت باجر هم انشرلكم مفاجئ

لتنسون الـ⭐⭐⭐⭐⭐.

شكراً لوصول القصه 41 الف مشاهده  ..

اختـكم الجـبـوريـة♥✍️.