😭😭
.
.
.
.
.
.
.
.
.
.
.
.
.
يلا نكمل قصتنه
.
.
.
.
.
لارا.... طلعت من البيت اركض اخاف احسون بيه مشيت لحد مشفت رجال جبير بلعمر كتبتله... عمو تكدر توصلني للكراج
..... بويه انتي وين اهلج
لارا... كتبت... اهلي بلنجف ميتين وأريد اروح الهم فدوه تكدر
..... صعدي بويه صعدي
لارا... وصلني ردت انطي فلوس ماقبل نزلت ورحت على السيارة الي اصيح نجف شفت بيه كومه نسوان واكو رياجيل بس كبار كعدت يم مره ومشت السياره يلا ارتاحيت طبعا هذا كوله واني ما بطلت اكل لو اشرب حلا اخاف ينزل السكر واني ما واصله شوي وحجت المره
.... خاله انتي اهلج وين
لارا... كتبت... اهلي ميتين
.... وما عندج احد
لارا... بكلبي كلتله جان الي صاير الي ام وابو واخو وحبيب أشرت اله لا ونزلت دموعي
... الله اعينج يمه لا تخافين تفرج واصير سوالف
لارا... هزيت راسي بمعنى لا
... لا وداعتج يمه اصير سوالف بس هاي دنيا ويرادلهه صبر وان شاء الله مابقى الاقليل
لارا... باع هاي شتحجي وماتدري بيه رايحه لقبري برجلي خليت راسي على الجامه ونمت وكلساع افز من افز اكلي شي حلا وارجع لحد ما وصلت للنجف نزلت وسمعت واحد اصيح للأمام ركبت وياهم ذبنه يم التفتيش دخلت فتشتني وكالت
.... عيني ترى ماادخلوج للأمام بدون عباية راس
لارا.... كتبت اله... اي هسه حشتري... عبرتني شفت ابيعون عبي اخذت وحده ولبسته ورحت توضيت ودخلت للأمام. جان مأذن الفجر وطالعه الشمس دخلت زرت وصليت ورجعت دخلت يم الشباك وبجيت وضليت احجي بكلبي حسيت نفسي ارتاحيت طلعت من الحضره وتوجهت للمقبره واني حافظه مكان قبر امي وابوي ظليت امشي لحد ما وصلت خلص الحلا العندي وهو المطلوب كعدت بين قبر امي وابوي فتره طويله وبدت عيوني تغوش ابتسمت واني اشوف الدنيا اخر مره....
ليث... اتصل مصطفى بالبدايه مارديت بس من شفته لح والوقت متأخر كلش فتحت الخط... ها مصطفى شبيك
مصطفى... ليث انزل افتحلي الباب بسرعه
ليث... شصاير
مصطفى... انزل وتعرف
ليث... هسه راح اجي اني مو بلبيت
مصطفى... انتظرك بسرعه بس
ليث... رحت للبيت بسرعه شفته كاعد يم الباب... ها
مصطفى... امشي اروح لغرفتك لحد اشوفنه
ليث... امشي... أخذته وصعدنه بس فتحت الباب شفت ورقه شلته وخليته بجيبي ودخلته... اي احجي
مصطفى.... ليث عليك الله لارا وين
ليث... مصصصصصصطفى
مصطفى... اسمع صح اني اجيت خطبة لارا بس الله يشهد ماجنت خال عيني عليهه ابوي اقترح واني وافقت لا أكثر ولا أقل ومن عرفت هي خطيبتك صارت مرت اخوي بس
ليث... لزمته من ياخته... بس شنووو احجي
مصطفى... اليوم جنت جاي امشي من يم غرفة مريم وسمعته اتكول لصاحبته سويت الكلتي علي بس لهسه ما اجه خطبني سكتت ورجعت حجت اي والله رسلة من تلفون لارا لتلفوني رسائل ما يتوقعهم عقلج والله دخلت عليه وشبعته كتل يلا اعترفت كالت بالبدايه رايحه حاجيه للارا عن أهله ومن شافت ماكو نتيجه وهي اصلا من يوم الي عقدة اتراسلك بس بيوم العزيمه مال عمي ماخذه التلفون من لارا ومراسله نفسه وشفت الرسائل واجيتك بسرعه لان ادري بيك عصبي وهسه لاعب بلبنيه لعب
ليث... تركته ونزلت للمخزن ماكو لارا صحت بأعلى صوتي..... لارااااااااااا... على صايحي اجه ابوي يركض وورى عمار ومصطفى الكل متفاجئ من وجود مصطفى
الاب... ليث شصاير مصطفى شجابه لارا وين
ليث... خلي مصطفى يحجيلكم... طلعت اول ماكعدت بالسياره اذكرت الورقه الي لكيته طلعت رساله من لارا قريته وطلعت كبل للنجف خابر ابوي... اني طالع للنجف لارا هناك
الاب... منو كلك
ليث... تاركه رساله وكايله أتريد تموت يم امه وابوه... سديته وسقت كل سرعتي طرت طير وصلت للنجف وكبل للمقبره وكفت بالشارع وأهله لازم ننزل من السياره نمشي شوي يلا نوصل الهم مشيت بس الوكفني عبايه بين القبرين رحت امشي واني كلبي ادك سريع ورجلي اطك وحده بالثانيه وصلت كوه وخرت العبايه شفت لارا صح هي بيضه بس هذا بياضه أخوف دكيت على وجهه ماكو حضنته بكل قوتي وظليت اصررخ وابدي عبالك طفل وضيع امه ... ولج لارااا كعدي يابعد روح ابوج ولج كعدي لاتعوفيني كعدي ادري اذيتج كومي احجي وياي والله ما أكدر اعيش بدونج... على الصياح مالي التموا الناس واحد منهم حجه
.... ابني بس وخر عنهه شوي خلي افحصها اني دكتور
ليث... ماتكدر اظل فتره بدون حلا جسمهه يحرك السكر وصار فتره هنا ماتت راحت مني
.... بابا وخر عنه بلكت بيه روح
ليث... بعدت عنهه شوي وهو خله ايده على ايدهه بمكان النبض وفتح عيونهه بايده
.... ابني الحك عليهه بسرعه لاقرب مستشفى صح الأمل ضعيف بس اكو بيه روح
ليث... شلته بسرعه وخليته بالسيارة همزين اني اندل النجف شوي وظليت اسأل اخر شي صعد وياي ولد ابو محل وظل ادليني وصلني للمستشفى وراح نزلته ودخلت اركض واصيح اجوا اخذوهه مني واني حجيت للدكتور على حالته دخلوا يمهه واني كعدت يم الباب طلعت رسالته اقراها وعيوني اصب بحياتي ماباجي بس هسه خلتني غصب عني ابجي كعدت فوك ال٣ساعات وأريد احد اطمني ماكو دك تلفوني شفته عمار.... الو
عمار....احنه بلنجف انته وين
ليث... وصفت اله المستشفى
عمار... وين لكيته وشنو وضعها
ليث... تعالوا واحجيلكم... كعدت يمكن نص ساعة ودخلوا امي وابوي وعمار ويارا حجيت شلون لكيته بس لهسه مااعرف وضعها بقينه كاعدين بعد خمس ساعات طلع الدكتور... هاا دكتور بشر
الدكتور... والله مااجذب عليكم بس مجاي تستقبل العلاج نرفع سكرها شوي وتحركهه هاي ال ٢٤ساعه الجايه كلش خطره يا تعيش يا تموت وبصراحه الامل كلش ضعيف انو تعيش محتاجه دعائكم...
ليث...احس رجلي بعد ماتشيلني امي دك وتلطم وابوي خال ايدي على راسه وبس اكول ماصنت الامانه ظل اردد هاي العباره وعمار عيونه حمر اجت يارا كعدت كبالي..
يارا... اذا صار شي بركبتك ليث الف مره كتلك لارا ماتحجي عليك هيج ولك من جنت اسأله تحبين ليث لو لا اتكلي شايفه اشكد اتحبين امج وابوج جمعي هذا الحب هو اني احب ليث اكثر الله اخذ مني ابوي وامي وعوضني بلييييث ولييييث شسووووه وصله لهنااااا
ليث.... كافي يارا
يارا... لا ليش كافي خلي اسولفلك بعد على مخططاته جانت منتظره عيد ميلادك حتى اتكلك احبك وهسه يمكن راح. تخليه تحتفل وهي بلقبر
ليث... كاااااافي يارا كاااافي ماااا نااااقصج... اجه عمار سحبه من يمي بقيت كاعد مرت خمس ساعات ثانيه دخل الدكتور شوي وطلع كال ماكو تحسن عفت اهلي وطلعت رحت للأمام توضيت يلا دخلت ورحت للشباك لزمته وبجيت بجي بعد الناس كله استغربت سألني واحد... طايح بشده عفت بنتي بين الحياة والموت.. كلي هسه علي احله لاتهتم روح صلي ركعتين لوجه الله.. رحت صليت وكعدته قريت قرآن اخذتي صفنه على الكبه ماحسيت بنفسي من نمت حلمت عمي وخالتي اهل لارا وبينهم لارا ماخذينه ويردون يرحون ظليت اصرخ وراهم رجعوا أنطوني لارا وحجه ابوهه... هل مره رجعته مره ثانيه بعد ماارجعه دير بالك عليه.. واخذ خالتي وراح فزيت النقال يهتز لان بحضرة الإمام علي ادخلون النقال طلع عمار... ها عمار
عمار... انته وين
ليث... بلحضره
عمار... تعال لارا كعدت
ليث... شوي واني يمكم سديته ورجعت صليت وزرت يلا رحت دخلت للمستشفى ماشفت اهلي دخلت لغرفته لكيت اهلي يمهه وهي دايره وجهه عنهم اجه ابوي جرني وطلعني..
الاب... ولك مجاي تحجي
ليث... ادري
الاب... من شوكت
ليث... من شفته ورجعته كتله احجي أشرت مااكدر.
الاب... خوش امنوهه عندي باوع اسوينه بيه حتى ما ادور علينه شكد توسلنه وهي ابد
ليث... رجعنه دخلنه اريد اروح واحجي وياها بس ماالي عين وبنفس الوقت مشتاقله جانت امس كاعده يمهه وهي دايره وجهه رحت وكفت كباله هي دارت على امي وغمضت... لارا
لارا.... كعدت لا ياربي مااريد اعيش ماريد ظليت ابجي دخل الدكتور رادني احجي اخر شي جاب ورقه وقلم كتبت اله... مااكدر احجي من مده
الدكتور... متعرضه لصدمه هل فتره
لارا... هزيت راسي بمعنى
الدكتور... لا تخافين فتره ويرجع وهسه خلي اطلع اطمن اهلج عليج خطيه شصار بيهم
لارا... هزيت راسي بمعنى لا
الدكتور... شنو لا
لارا... كتبتله مااريد احد
الدكتور... اذا جان. عدكم اي خلاف مالي دخل العلي لازم أبلغهم
لارا... عافني شوي ودخلو كلهم ماعدا ليث ومها اجو رادو اسلمون علي أشرت بيدي يعني ما اريد بس خالتي كطعت روحه من البجي واجت كعدت يمي درت وجهي وحجه عمو
الاب... بابا لارا ادري احنه غلطنه والحق طلع وصدكي بس نرجع اخليج تاخذين حقج بيدج بس سامحينه
لارا.......
الام.... يمه كتبي اي شي بس احجي ويانه
لارا.... هذا حجيهم ما هز من شعره من اتكطع الحزام علي محد حجه من نحبست بلمخزن الي هو أكثر مكان اخاف منه محد حجه من جنت اموت علما يجي ليث وخليني اروح للحمام محد حجه من صوتي راح محد حجه هسه عرفوا شلون يحجون بس خلي اصبرون بقيت مانطيت اي ردت فعل حجوا حجوا وسكتوا شوي ودخل ليث اجه وكف كبالي درة وجهي هم كاعدين فغمضت عيون صاح باسمي هههههههه شعجب يحجي بهدوء واحترام جنت كارهه الكل بشكل مو طبيعي
ليث... مو احجي وياج
لارا....
ليث... انطيته الورقه والقلم... كتبي اي شي
لارا... اي مو تدلل... طلعوا اخاف شوفتي اضوجكم
ليث... لاااارا
لارا... هذا هم بعده اصيح علي درت وجهي ورجعت غمضت
ليث... اشلون تنرفزني دارت وجهه واني طلعت كعدت برا ظليت ادخن لحد ما حسيت بنفسي ارتاحيت يلا دخلت يمهم... انتوا روحوا ارتاحوا وباجر تعالو
عمار... اودي اهلي واجي يمك
ليث... ماكو داعي روحوا كلكم... راحوا سلمو عليه بس هي هم بعده دايره وجهه عنهم بس من وصلت يمهه امي جرت الورقه والقلم ومااعرف شنو كتبت وامي كعدت تقنعه..
لارا... ظليت مغمضه واحس كاعدين على كلبي ظلو يتفقون منو يبقى يمي واكيد الغثيث هو الي يبقى اجو سلموا علي قبل لا اطلعون من وصلت خالتي... أخذوا حتى الغثيث وياكم مااريد احد
الام.... لا يمه شلون اصير حبيبتي يبقى بس مايحجي شي لارا بنيتي تدرين بيه مااصدك الي حجوا عنج بس تعرفين عمج لاسوين بيه هيج والله اموت مااتحمل اسوين بيه هيج
لارا... باوعتله ودرت وجهي
الام... تردين شي حبيبتي محتاجه شي اجيبه
لارا... هزيت راسي بمعنى لا... باستني خالتي وطلعت بقى بس ليث كاعد اريد اكوم على كيفي لان بعد عندي دوخه كعدت وغمضت عيوني ولزمت الفراش حيل لان حيل دخت شوي هدئت الدوخه شفت ليث كاعد كبالي ويحجي شوي شوي يلا استوعبت شجاي يحجي...
ليث... شفته كعدت وبسرعه غمضت ولازمه الفراش ركضت يمه... لارا بابا شتحسين لارا بس باوعيلي حبيبت ابوج احجي شبيج
لارا... نتبهت علي من كال حبيبت ابوج ضحكت ضحكه مال استهزاء وكمت اجه راد يلزمني سحبت ايدي وأخذت الورقه والقلم وكتبتله... ديربالك تتقرب مني... شمرت علي الورقه ورحت غسلت وجهي بعد بي تراب بس ملابسي لا لان جنت لابس العبايه رجعت شفته كاعد على الجربايه وهز رجله وعيونه حمر سويت نفسي مو خايفه بس اني احس كلبي راح يوكف رحت كعدت على الجربايه من الجهه الثانيه..
ليث... ضحكت ضحكه مال استهزاء عبرته كلت هواي اذيته ولازم اتحمل ردت الزمه كتبت بلورقه وشمرته علي عصبيتي مااكدر اسيطر عليه همزين راحت شوي ورجعت كعدت من الجهه الثانيه دخلت الممرضه..
الممرضه... يلا نامي حتى اخليلج المغذي
لارا... كتبت اله... مااصير واني كاعده تعبت من النوم
الممرضه... عادي ماكو مشكله بس اكلتي شي
ليث... جنت اريد اسأل شنو تاكل.
الممرضه... عادي اي شي بس ورى لازم حلا
ليث... تمام... خابرت عمار كتله اجيب اله اكل وحلا رحت كعدت يمهه وهي دارت وجهه درت وجهه علي بأيدي وحضنته وهي تدفع... ولج بابا سمعيني ادري اذيتج بس صدكي اذيت نفسي وياج ولج احبج والنبي احبج تدرين بيه عصبي والله ما أكدر اسيطر على عصبيتي انتي ماسامعه الحجي السمعته... بقيت حاضنه واحجي شوي ودخل عمار من شافنه هيج كعد وسكت تقريبا نص ساعه وهي هدئت لان جانت تدفع بيه باوعتله لكيته نايمه والدموع بعينه سديت المغذي لان خلص ونيمته عدل رحت كعدت يم عمار
عمار... هواي اذيناها يرادله صبر
ليث... جريت حسرة الله كريم... بقينه كاعدين تقريباً ساعه وبلشت تتحرك اول مافتحت عيونه طاحت دمعته رحت يمه مسحت دمعته... يلا بابا كعدي حتى تاكلين
لارا... اجه حضني بس اني مااريد اضعف ظل يحجي وحاضني تعبت واني اقاوم ومنا العلاج نمت وما حسيت على نفسي كعدت بس فتحت عيوني طاحت دمعتي اففف ليش اني هيج ضعيفه ودموعي بسرعه اطيح اجه ليث عباله بهاي تصرفاته راح اسامحه ادري بي اريد اوكلني بس اذا ما اشلع كلبه ماارتاح هزيت راسي بمعنى لا ودرت وجهي..
ليث... هاي المخبله أتريد تشله كلبي رفعت راسه وخليته على صدري واني لازم ايديهه... عمار جيب الاكل هنا... كام عمار جابلي الأكل اني افتح حلكه وهو اخلي الاكل بي..
لارا... اجو علي ثنينهم خنكوني ظليت ارفس برجلي لان ليث مثبتني خلوني ارتاح شوي ورجعوا كملوا لحد ما خلصوا الاكل كله وشربوني ماي يلا وخروا...
عمار... عود اني جبت النه كل احنه شو هاي خلصته علينه
ليث... بله عليك هسه اني وين انطي وجهي ميت من الجوع
لارا.... اليسمعكم اكول اكلت بأيدي نمت وغطيت حتى وجهي
ليث... ابقى هنا اشوي واجي... عفتهم ونزلت اكلت لفه ع السريع وجبت عصير النه شفت واحد ابيع نفاخات جبتله كومه أشكال وصعدت لكيته نايمه صايره تنام هواي من الادويه وعمار كاعد ويضحك علي
عمار... هاي شنو ولك
ليث... شسوي بعد... رحت شديت النفاخات بايدهه طلع عمار واني رحت العب بوجهه وابوس بيه لحد ماكعدت...
لارا... طلع ليث وبقى عمو عمار اجه كعد يمي..
عمار... ادري احنه قسينه وياج بس ياعمو انتي شوفي الحجي وماكو شي يثبت مو انتي الحاجيه قدري وضعنه وادري بيج كلبج طيب.
لارا....
عمار... اخذي وكتج وفكري عدل وتشوفين حجي صح
لارا... رجع كعد بمكانه واني نمت كلش جاي انام هواي من انحبست بلمخزن اتعودت انام هواي كعدت شوارب ليث مضوجتني فتحت عيوني اشوف نفاخ فوك راسي باوعت الخيوط مالتهم مشدوده بأيدي جريت الورقه وكتبت.. هاي شنو
ليث... جايبهم لبنيتي
لارا... اموت واطير النفاخ كتبت... اريد اطيرهم
ليث... ليش
لارا... كتبت... حلو
ليث... كومي... ردت الزمهه حتى اوكفه لان ادوخ ماقبلت رحت فتحت الشباك اجت يمي فتحت الخيوط ونطيته النفاخ..
لارا... راد ليث يلزمني ماقبلت مااريد يتقرب مني راح قبلي فتح الشباك وكفت وهو فتح النفاخ وانطانياهم ظليت اطريهم وحده وحده خلصوا وبجيت راح ليث جابلي الورقه والقلم
ليث... شبيج ليش تبجين
لارا... كتبت... مابيه شي... انطيته الورقه ورجعت المكاني اففف اريد اطلع منا ضجت ومابيه شي أشرت اله يجي اخذت منه الورقه وكتبت... يمته نطلع منا ضجت
ليث... اففف ماادري شسويله والله حتاريت وياها... بس اصير صبح ونرجع
لارا...كتبت. اريد اروح لبيت عمو وارث
ليث... ليش
لارا...كتبت...مااريد ابقى يمكم لان تنزعجون من شوفتي
ليث... والصار بينه كله بسبب منو مو بسبب بت عمج المصون
لارا... كتبت... شنو شنو
ليث... كعدت كباله... لارا مريم الي كلتلج على اهلج مو
لارا... هزيت راسي بمعنى لا
ليث... صيحت عليه... لااااا جذبييييين لارااااا
لارا... خليت ايدي على ذاناتي وبجيت
ليث... استغفر الله... رحت حضنته... اسف ياروحي اسف بس لو حاجيه من البدايه جان ماجرأت وسوت هذا كله بينه
لارا... دفعته وخليت راسي على المخده
ليث... مسحت وجهي بأيدي ورحت تمددت على القنفه ماحسيت على نفسي ونمت..
لارا... راح نام وجانت الغرفه بارده وهو تكرفص اخذت الغطى مالتي وغطيته رجعت وكفت يم الشباك واباوع على الكبه صايره كبالي ودموعي لوحده اطيح مرت فتره طويله وحسيت...
.
.
.
.
.
.
.