😍😘
.
.
.
.
.
.
.
.
.
.
.
.
.
.
.
.
.
.
يلا نكمل قصتنه
.
.
.
.
.
.
.
.
.
.
لارا... ليث لا تعوفني ابد
ليث... اكو احد اعوف الأوكسجين
لارا... سويت اله مكان يمي... اريد انام بحضنك
ليث... ليش... اريد حجايه تفرحني ياربي
لارا... لان مااعرف شنو يعني امان الا بحضنك
ليث... كعدت يمهه وبسته براسه وبخده
لارا... تدري شنو امسميتك بالتلفون
ليث... اكيد الغثيث
لارا... لا باباتي
ليث... اممم واني تدرين شنو مسميج
لارا... لا
ليث... طلعت تلفوني وطلعت رقمهه (فراشتي🦋 🦋)
لارا... شوف الفراشه لهسه ما نزعته
ليث... بسته على مدالية الكلاده وهي رجفت بأيدي دخل الدكتور فحصها وحجه وي الممرضه الي ويا واشرلي اطلع كلش خفت طلعت ورى... ها دكتور خوماكو شي
الدكتور... المريضه اكلت شي
ليث... اي ليش
الدكتور... هي اليوم متعرضه الصدمه قويه مو
ليث... اي
الدكتور... بسبب الصدمه جسمه حرك شنو بي سكر هذا شي عادي بس هسه ورى المغذيات وحضرتك كلت اكلت نسبة السكر مجاي ترتفع
ليث... يعني شنو
الدكتور... يعني صارت مشكله بجسمهه يحرك اي سكر يدخل اله فلازم دائما اكون يمهه شي حلا واذا ظلت فتره طويله بدون حلا ممكن تفقد الوعي واحتمال جبير غيبوبه اذا محد نقذه ولا تتعرض الصدمه او شي اضوجه
ليث... زين ماله علاج شي حتى لو اسفرهه خارج العراق
الدكتور... للأسف ماكو سوي الي كتلك علي والله اشافيهه يارب
ليث... شكرا دكتور... راح الدكتور واني كعدت وخليت ايدي على راسي شلون ياربي كلشي ولا لارا هاي بنتي طلعت الممرضه من يمهه...
الممرضه... استاذ المريضه تبجي عليك كوه خلتني أشكل اله الكانونه لان هذيج اوتت
ليث... تمام مشكوره... دخلت للارا ياربي شلون راح اكلله باوعت اله جاي تبجي كعدت يمه... المن البجي
لارا.... اجه الدكتور فحصني طلع وطلع ورى ليث اجت الممرضه اتبدلي الكانونه بس اني اخاف... فدوه صيحي ليث..
الممرضه... هسه يجي الدكتور اريد يكتبلج علاج
لارا... اي انتظري
الممرضه... وراي مرضى كومه انطيني ايدج
لارا... شلعت كلبهه يلا خلتلي الكانونه والمغذي وليث مااجى بقيت كاعده وابجي دخل ليث... مو كتلك لاتعوفني
ليث... ماعفتج يم الباب جنت
لارا... شبيك ضايج
ليث... بنيتي سمعيني منا وجاي لازم تنتبهين لاكلج اهم شي تاكلين حلا يعني نستله نوتيلا
لارا... ليش
ليث... من ورى خبالج جسمج ظل يحرك السكر الي بي
لارا... 😢
ليث... مسحت دمعته... بابا حبيبتي ماكو شي أخوف بس تنتبهين ولا تخلين نفسج بدون حلا قبل لا اخلصون اتكليلي اجيبلج غيرهم خوش بنيتي
لارا... هزيت راسي بمعنى اي
ليث... تمددت وسحبت راسه لصدري وهي حضنتني ونامت واني ماكدرت انام بقيت بس افكر بيه خلص المغذي سديته اجت الممرضه شالت المغذي
الممرضه... بنتك
ليث... لا خطيبتي
الممرضه... الله اخليكم البعض امبينه هواي تحبك
ليث... ايي... طلعت الممرضه واني بقيت العب بشعرها اذن الفجر كمت صليت واني جاي اصلي دك تلفوني خلصت ورحت
شفته ابوي...
الاب... هاا بابا ليث شلونكم لارا شلون صارت
ليث... الحمد لله زينين... جريت حسره ... لارا هسه زينه
الاب... شبيه خوفتني
ليث.... حجيت اله كل الي كال علي الدكتور
الاب... بس لو الزم الحاجي
ليث... ماشفتوا تلفونه
الاب... لكينا مكسور عمار أخذه كال باجر اودي للمصلح
ليث... لا النقال مااروح للمصلح بي كومه صور اله اروح ياخذهم
الاب... لعد شلون نعرف
ليث... ماادري خلي انطلعهه والله كريم
الاب... الله كريم يلا بابا روح نام واني من الصبح تلكاني يمك
ليث... لا تجون خلي اشوف الدكتور بلكت اطلعهه واذا ماطلعت تعالوا
الاب... خوش انتظر منك تلفون
ليث... إن شاء الله... سديته ورحت يمه غطيته عدل واني رحت على القنفه تمددت وما حسيت الا...
لارا... من يحضني انسىى الدنيا والي بيه خليت راسي على صدره وما حسيت الا الممرضه اتخليلي المغذي خلته وراحت واني ظليت اباوع على ليث رايح بسابع نومه خطيه تعب خلص المغذي اجه الدكتور فحصني وكتب خروجيه وعلاج وراح الممرضه شالت المغذي وطلعت رحت كعدت يم رجلين ليث كلت نايم مااحس بشي ظليت امشي ايدي على وجهه ومن خليت صبعي على حلكه عضه.... اوووي
ليث... حسيت على ايدين ناعمه تمشي على وجهي من وصلت على حلكي عضيته صاحت اوووووي غير تشعلني شعل بهاي الاوي... شكم مره كلت لا تكولين اوي
لارا... اذيتني
ليث... سحبت ايدهه وبسته
لارا... يلا امشي نرجع للبيت
ليث... خلي يجي الدكتور اول
لارا... اجه وفحصني وكتب خروجيه وعلاج وطلع وانته فضحتنه بس تشخر
ليث... عود صدك
لارا... والله
ليث... اخذت الأوراق ورحت كملتهم ورحت لدكتور اطمنت عليهه ونبهني لازم دائما حلا موجود يمه شكرته ورحت للارا واني امشي خابرت ابوي وطمنته فتحت الباب لكيته كاعده تنتظرني... يلا بابا
لارا... طلع ليث واني لبست عباتي والحجاب ولميت غراضنه وكعدته انتظره اجه ورحت اله لزمت ايده باوعلي وابتسم رحنه للسياره قبل لا نوصل للبيت وكف يم محل نزل شوي وطلع جايب كوومه نساتل... شدعوه هذول هواي
ليث... طلعنه ورحت جبت اله نساتل مااريده اظل بدون حلا... هاي تخلين بكل مكان شوي وكلساع تاكلين لارا فدوه مو تنسين
لارا... إن شاء الله
ليث... سحبت ايده وبسته....لارا
لارا... نعم
ليث.... احبج
لارا... 🙈
ليث... هههههههه اروح فدوه لليخجل شو باوعيلي ااااخ ربي رحمتك باع الخدود
لارا... ليث فدوه كافي
ليث... عيون ليث هاي سكتت والله... اباوعله اذا صدك بعد احجي راح اطك وجهه دم وصلنه ولكينه امي واكفه بلباب..
لارا... وصلنه للبيت وخالتي واكفه نزلت بسرعه ورحت حضنته.
الام... بعد روحي ولج يمه ليش اسوين بيه هيج
لارا.....
الام... تعاي يمه دخلي
ليث... دخلنه والكل انخبص بيه وهوستنه سمعت الباب يندك طلعت شفت عمي دخلته هو وابوي يتفاهمون كافي المشاكل العندي سلم وشاف ايدين لارا ملفوفات
العم... خير عمو لارا شبيج
لارا... كاعدين ودخل عمو وارث وسأل شبيهه ايديج ظليت مصفنه مااعرف شنو اجاوبه همزين نقذني عمو...
الاب... امس لارا رادت اصير شاطره بشغل البيت وراحت غسلت المواعين واتكسروا اجت تلمهم وجرحت ايدهه فلفيناهم
العم... هاا الحمد الله على سلامتج
لارا... الله اسلمك... كعد واني طفرت صعدت للغرفه دورت نقالي ماكو اجت يارا... يارا نقالي ماشفتي
يارا... شفته مكسور ووديته لعمار حتى اصلحه بس ليث ماقبل كال بي كومه صور
لارا... هااا تمام راح ادخل اسبح
يارا... وايديج
لارا... ماادري هسه اشوف خاله... دخل ليث وبيده نستله
ليث... من سالهه ظلت مصفنه ابوي جاوبه ظل عمي كاعد يم ابوي واعتذر من عنده رحت للسياره شفته ناسيه نساتله ياااربي هاي شلون بيه أخذته ونطيته لأمي وفهمته على حالة لارا اخذت نستله وصعدت رحت لغرفته... لارا بلشنه اني شحجيت قبل شوي
لارا... اسفه بس والله نسيت
ليث... استغفر الله اخذي هاي اكليه وخلي اشوف شلون تصفى وياج... كعدت تاكل واني اباوعلهه
لارا... اكلت وليث واكف ويارا جاي اطلعلي ملابس... ليث
ليث... نعم
لارا... اريد اسبح بس
ليث... روحي يارا جيبيلي قطع نايلون
يارا... اي
ليث... طلعت يارا واني كعدت كباله بلارض ولزمت ايدهه وهي مدنكه... شلون ما احجي بس اباوعلج اصيرين طماطه وشلون راح اصبر وما اكل من هاي الطماطه
لارا... درت وجهي عنه كلش جاي اخجلني
ليث... لارا منو حجه وياج بلتلفون اخر واحد
لارا... ليث فدوه مااريد احجي
ليث... ليش ياروح ليث
لارا... 😭😭
ليث.... كعدت يمهه وسحبته لحضني.... المن البجي انتي بس كولي منو ما اسوي شي بس اريد اعرف حتى اندير بالنه من عنده
لارا... ليث اني كارهه نفسي لك اني سبب كل هاي المشاكل
ليث... شهل حجي بنيتي
لارا... ليث مااريدك طلكني اي اي لازم اطلكني ما اريد اجيبلك مشاكل.
ليث... لارا كافي اهدي
لارا... اطلع لا اصير بيك شي ااااطلللع
ليث... جانت تحجي بصوت عالي وترجف... كافي ولج تخبلتي... اريد الزمهه ما أكدر صارت كلللش قويه دخلوا اهلي كلهم على صياحهه... عمار تعال وياي... اجه اثنينه بلكوه يلا لزمناها وابوي راح خابر على دكتور اعرفه علما اجه هلكنه لان بس ترفس بس اجه ضربه ابره لان ابوي جان حاجيله على حالته شوي شوي بدت تهدء بس بعده تحجي
لارا... ليث مااريد ماريد ااذيك اخاف عليك عوفني
ليث... طلع الدكتور رحت ورى وعفت اهلي كلهم يمهه
الدكتور... ابني البنيه مصدومه اذا رجعت هاي الحاله مره ثانيه يحتاج دكتور نفسي واذا كعدت مشو الأمور عاديه كأنما جانت نايمه وكعدتت بس بنفس الوكت عينكم عليهه ومااكول غير. الله اساعدكم
ليث... راح. الدكتور دخلت للارا تفتح عيونهه وسدهم كعدت يمهه وظليت العب بشعرها لحد مانمت..
الاب... ليش صار هيج مو صعدت مابيه شي
ليث... سألته منو الي حجه اله عن أهله
الاب... بعد لحد يسأل سدو هذا الموضوع يجي يوم ونعرف
مها... زين عمو مااشكون باحد
الاب... والله ياعمو الكل يعرف بهاي السالفه مااكدر احدد
الام... يمه ليث روح نام تعبت
ليث... لا خليني يمهه
الاب... خلونه نطلع وانته نام بمكان يارا
ليث... هزيت راسي بمعنى اي... يارا جايبيلي شي خفيف البسه
يارا... اي هسه
مها... لا تنام راح اخليهم اصعدولك اكل
ليث... لا مشكوره ما جوعان من اجوع اكللكم
مها... على راحتك
ليث... طلعوا كلهم ويارا جابتلي شورت وتشيرت خفيف وراحت بدلت وتمددت بصف لارا سحبته لحضني ونمت...
لارا... كعدت احس اكو شي حاصرني باوعت نفسي بحضن ليث وهو نايم ومبين علي تعبان رجعت خليت راسي على صدره واسمع دكات كلبه لحد ما حسيت بايده تلعب بشعري اذكرت اني جنت اريد اسبح وليث جان يمي ليش نمت وما سبحت زين ليث ليش هنا حسيت بايده تلعب بشعري... انته كاعد
ليث... كعدت لكيت يارا نايمه على صدري... لا بعدني نايم
لارا... هااا لعد وخر اريد اروح اكل جوعانه
ليث... حتى اني جوعان كومي ناكل... أخذته ونزلنه لكينه بس امي كاعده..
لارا... نزلنه اني وليث بس خالتي كاعده رحت بسته براسه وكعدت يمهه... خاله جوعانه
الام... يخسى الجوع هسه اصيح على ام علي اجيبلج اكل
ليث... اشو نسيتني يمه
الام... شلون انساك هسه اوصي الكم ثنينكم
لارا... راحت خالتي شوي واجت وجايبه وياها نستله انطتنياها
الام... اكلي هاي علما يجي الاكل.
لارا... شنو حسويلي
الام... اليوم مسويه شلون مندي اجنن
لارا... هو انتي اكلج كوله اجنن... حضنتني خاله
ليث... شنوو هاي لعد اني اروح المن باقي.
الام... لا يمه انته الخير والبركه
لارا... اجت ام علي جابت الاكل النه وراحت كعدنه ناكل واجه عمو بس شافني ابتسم واجه كعد يمي...خاله لعد يارا ومها ماكو
الام... مها داخت واخذه عمار للدكتور ويارا راحت وياهم
لارا... يااا
ليث... خلي اخابرهم... خابرت كطعه.. كطعه يمكن جاي
الام... الله أسهل
لارا... خلصنه اكل ردت اشيل الصينيه.
ليث... كملنه اكل رادت اشيل الصينيه... هااي شجاي اسوين
لارا... اشيل الصينيه
ليث...عوفيهه اني اشيلهه... اخذت الصينيه وديتهه وجبت وياي بطل ماي وعلاجه ووصيت ام علي اسويلهه عصير وزيد الحلا بي رحت يمهم انطيته العلاج دخلت يارا خبصتنه... شبيج ثول
لارا... راح ليث رجع وبيده علاج وماي انطانياهم دخلت المخبله وخبصتنه...
.
.
.
.
.
.
.
.
.