الـسـوالــف كلـهـا تگضـي 💔
#وانــه سالفتـي #طويلــه
#وهمـي مــا سـولفتــه #لأحــد 🥀
#خــاف يحسبنــي #اشتكيلــه
______________________
دخل احمد وشافني اضحك وحيدر لازمني من ايدي ديگومني
بس شنو من شافنه هيج تخبل هوه كان راجع شارب ويمشي ممتوازن بس مااعرف منين اجا الحيل
لزمني من التشيرت مالتي
وضل يشيل بيه ويركع بالكاع
الولد حاولو يبعدو عني اخذني وركض بيه
للغرفه مالت بابا وقفلها غرفة بابا من توفه بقت على وضعها كل فتره انظفها ومحد يدخل الها غيري
هوه اخذني هناك لان ملحك يصعد
كطعني تكطع ضل يضرب بيه الحد مفقدت الوعي بعد معرفت شنو صار
سناء : اني كنت كاعده يمهم ومتونسه
اتفرج عليهم شلون يلعبون ويتشاقون
وامي نايمه
من دخل احمد وشفت وضعه
كانت هاي اول مره اعرف احمد يشرب
تفاجئت بي ضرب وتين وبعدين من شافنه نحاول نبعده عنهاشالها ركض بيها للغرفه
الولد اربعه واني كلنه ملحكنه بي على السرعه الركض بيها قفل عليها غرفة ابوها
وبس نسمع صريخها وهوه يغلط ويفشر
اخير شي كسرو الباب الولد
لكيت بنتي كلها دم ملابسها ووجهاا كله دم وفاقده الوعي همه ركضو الاحمد
وصارت مشكله كلش كبيره بين حيدر واحمد
واني محتاره اريد البنيه تنتبه ماكو اجه ساهر وماهر يركضون شافوها تخبلو
اخذناها للمستشفى ضمدو الجروح البيها وضربوها ابره بقت تقريباً بالثنتين بالليل
انتبهت بس مقبلو يطلعوها اله يحققون وياها
بس احمد بعلاقاته سد الموضوع ومحد اجه سألها الصبح طلعناها للبيت لكيت امي متخبله على وتين
خطيه دخلتها كبل للحمام
سبحتها وغيرت ملابسها وهيه تون اي مكان الزمه بجسمها تون منه طلعتها
خوالها والولد كانو كلهم بالصاله كاعدين
واحمد من ضمنهم
هيه اول مطلعت اجاها خالها
ساهر :تعالي بنيتي كعدي هنا خلينه نفتهم الموضوع
وتين : خالو ميهمني الموضوع ولا السبب الي خلا يضربني اني اريده يطلكني
ويطلع من حياتي لأن تعبت والله تعبت
ماعندي بعد طاقه اتحمل الضرب والأهانات والظلم كاااافي كااافي الله يخليكم خلصوني والله تعبت ياناس اني بشر مثلكم ليش محد ديحس بيه
احمد : نجوم السمه اقربلج طلاك مااطلك اله اخليج معلكه لاانت للسمه ولا انت للكاع
وتين : ليش اني شنو سويت اني وهيچ دتسوي بيه
احمد : لا حشاج كلشي مامسويه
بس علاقه وحبيات انت وابن عمي
حيدر : انچب للللك ادب سز انت شلون تطعن بزوجتك بهلطريقه لك هاي قبل لتكون زوجتك فهيه بنت عمتك وعرضك بس انت الضاهر الشرب خلاك تصير ارعن وحتى غيره على عرضك ماعندك
لك بس اريد افهم اكو رجال صاحي يطعن بشرف مرته
احمد : تنكر انت تحبها من هيه صغيره وكنت منتضرها تكبر وتخطبها واني سبقتك بدون مااعرف طبعاً
حيدر : ماكو هيج كلام وانت واحد كذاب
احمد: كذاب زين شوفو هذا الفديو
راح جاب فيشه ربط الفون على التلفزيون وحوله
طلع حيدر ومصطفى يسولفون
مصطفى : يعني الى متى راح تبقه هيج
تره هاي رابع وحده تجيبها الك امي
وانت ترفض تتزوج
يعني انت شنو منتضر تلكه وحده مثل
وتين لو بعدك تحبها لو شنو فهمني؟
حيدر : مصطفى اكذب عليك اذا اكلك بطلت احبها بس هسه وتين زوجة اخويه
وابن عمي احمد يعني صارت اختي
بعد مستحيل افكر بيها غير تفكير وبالنسبه الكلامك انو اريد الكه وحده مثلها هذا الشي مستحيل لان هيه بعيني تختلف عن الكل
اما ليش هاي رابع وحده ارفضها
فالسبب انو مااريد اضلم بنات الناس وياي
اني انسان ميت من الداخل
عايش بس كدام الناس داخلي محطم منتهي
مصطفى : بس هيج انت مراح تكدر تنساها وراح تبقه تتعذب
حيدر : اني كلتلك هيه هسه زوجة اخويه
ومستحيل افكر غير هذا التفكر بس الي ديعذبني
معاملتهم الها محد راحمهادتشوف شصاير بحالها
لك هاي وتين تعرف شنو وتين يعني لازم تنحط بالگلب وينقفل عليها الي ديصير وياها ديعذبني ويحرگ روحي مو بس گلبي لك دتذبل مثل الورده المگطوع عنها المي
وتين : من الصدمه ضليت اباوع للشاشه وارجع اباوع الحيدر شفته كعد وخله ايديه بشعره ودنك
ساهر : حيدر احجي كلمه برر الشفنا وسمعنا
مصطفى : عمو الشفتو وسمعتو واضح حيدر صحيح يحب وتين بس من تزوجها احمد هوه مفكر بيها غير كأخت وانتو كلكم سمعتو وحتى ابويه يعرف
ماهر : كلام مصطفى صحيح احنه منكدر نلومه على مشاعره لان هذا الشي مو بأيده
احمد : ههههههههه يعني قصدك اشد كرون واباوع على قصت حب مرتي وابن عمي موووو
حيدر : احمد وتين ماالها علاقه هيه هسه يله عرفت وياكم عمري محسستها بهذا الشي بالبدايه كنت اخاف ااثر على برائتها وطفولتها وبعدها صارت زوجة اخويه وعضيدي ابن عمي شلون تتوقعون ابوح بهاي المشاعر الها شلون تشكون بأخلاقي وغيرتي او تشكون بأخلاق وتين وهيه تربيتكم ربت كدام عيونكم رفع راسه باوع على احمد
كال احمد وتين فتحت عينها عليك انت اول انسان بحياتها وانت زوجها وحبيبها لا تخلي عقلك يصورلك غير شي تره لو تفر الدنيا مراح تلكه بنقاء كلبها ولا ببرائتها
ولا تتوقع اني ماعندي غيره واخلي عيني على مرتك لا اني مااسمح لا الك ولا الاي احد غيرك يتهمني بهذا الشي ديرو بالكم تفكرون بيه هيج اني دفنت هذا الحب بكلبي ولو ما انت اليوم تجيب هذا الفديو مجان عرفت وتين
احمد : كام وكف وضل يصفك حيل كال عاشت ايدك خوش تمثل هههههههه
لك لو ما اختك بنت امك وابوك هيه الفضحت علاقتكم وهيه الدزتلي هذا الفديو صارله ٤ اشهر عندي بس محجيت ردت اراقب واشوف والحمد لله الله كشفكم الي البارحه وشفتك شلون لازم ايدها وتضحكون منطلقين
حيدر : احترم نفسك احمد الجاي تحجي بشرفها مرتك
احمد : تنكر كانت بينكم علاقه قبل لا اتزوجها
حيدر :لا مكانت اكو اي علاقه لك هيه طفله اصلاً تفاجئت انت شلون انطاك كلبك تغتصب طفولتها وبرائتها وتتزوجها بهلعمر
احمد : للللللك طفله وانت كنت مخلي اختك مرسال بينكم يا سا******
حيدر : ماكو هيج شي كذب كذب وتين متعرف اي شي بخصوص مشاعري تجاهها
احمد : كذاااااب انت واحد نذل وهاي السا******انذل منك ثنينكم قذرين وانذال
هدى حجتلي كلشي اول متزوجتها الهاي
ال *****بس مصدكت بيها وضربتها لذلك جابتلي هذا التصوير دليل يثبت نذالتك وحقارتك
رجع باوع عليه كال وانت حقيره مسويه نفسج بريئه وشريفه وانت ممشيه المي من جوايه
ساهر : احممممد احترم نفسك واحجي عدل انت شبيك خاف بعدك سكران
احمد : لا اني هسه صحيت كنت سكران ومعمي بحبي الها وهسه صحيت وكشفت شنو من انسانه نذله ومقشمره الكل بقناع البرائه الي لابسته حتى تغطي على سوالفها وعلاقتها بهذا النذل
هسه عرفت شلون مستغفليني بس هين يا وتين اني اعرف شلون اخذ حقي منكم اثنينكم انت وابن عمي ال******
وتين : لك اي حق دتحجي عنه والله اني هسه عرفت عن هذا الشي وياكم وحالي حالكم متفاجئه لان عمري محسيت حتى نضره من حيدر توضح حبه الي والله اني معندي شي ويا
احمد لتطعن بشرفي اني عرضك والله حرام عليك
احمد : اسسسسكتي مااريد اسمع صوتج ولا اريداسمع اي تبرير منكم
وتين : باوعتله واني الرؤيه شبه محجوبه عن عيوني بسبب الورم والدموع كلتله احمد طلكني
احمد : ههههههههههههههههاااي اي حتى يخلالچ الجو وي حبيب الگلب مووو
جان يطفر عليه حيدر ويضربه بوكس على وجها
حيدر لك نذلللل لتحاجيها بهلطريقه كلللب
احمد رجع ضربه وصارت عركه كلش كبيره بينهم الولد وخوالي يحاولون يبعدون
واحد عن الثاني ماكو جان يجن البنات وام احمد وام حيدر ضلن يجرن بولدهن ويغلطن ويدعن عليه
ام احمد : الله لاينطيج العافيه يا گ******
لعبتي على الولد ثنينهم وخليتيهم يتواكلون برب*******
تزوجتي واحد وصاحبتي الثاني والله عمي كلمت گ*******قليله بحقج
تحجي وتجر بأبنها وام حيدر واكفه تصيح ماما حدوري فدوه العينك كافي يعني هسه هاي السا***** تسوه هيج تسوي الخاطرها لك ابني لتسوي بنفسك هلشكل وتخسر ابن عمك الخاطر وحده تايها وبلا اصل لك ابني اسمعني
اني واگفه وابچي ماعندي طاقه حتى احچي بعد وادافع عن نفسي
الولد تعبو وهمه متعبو
الحد متخربطت بيبي وخالو ماهر صاح بصوت عالي يممممه
همه انتبهو على الصوت يله بطلو ضرب ببعض
وكفو وجوههم مشوها وملابسهم مشككه
وواحد يباوع للثاني بتوعد ماما قاست سكرها طلع مرتفع هوايه ضربتها انسولين واخذتها للغرفه
وخالو ضل يحجي عليهم رزلهم اثنينهم
ساهر : انتو ثنينكم مامؤدبين ومتحترمون الاكبر منكم واحد يضرب اللاخ وتغلطون على بعض
وهنا الاخ يطعن شرف زوجته ويجي سكران للبيت ولا كأنو اكو احد كبير موجود اني وابو حيدر وبيبيتكم وعمتكم وامهاتكم واكفين
وانتو ممهتمين عبالكم الرجوله بالضرب والتجاوز ياحيف تربيتي وتعبي بيكم
ام حيدر : رجاً ابو احمد ابني لتدخلو بمشاكلكم احنه مو مشكلتنه اذا جنتكم مو مؤدبه وتركض وره ابني
ساهر : ام حيدر انت شفتي الفديو لو اجيتي بالاخير تحجين بكيفج
ام حيدر : اي فديو ؟اني مشفت شي بس ابني اني مربيته صح واعرف مستحيل يطعن ابن عمه ويخونه بس هيه سايبه لاحسيب ولا رقيب كلشي ممكن يطلع منها
ام احمد : اي والله صحيح وحتى من تزوجها ابني خلته يصير بأيدها ودارت هنا حتى تاخذ راحتها ومحد يلزم عليها شي لان تعرف هناك بنصنه متكدر تسوي شي لأن راح تنلزم بس هنا الوضع يختلف تگدر كلشي تسوي ومحد يدري بيها
ماهر : الله اكبر ولكم الظلم حرام انتن مو عدجن بنات ليش تطعنن بالطفله بلا متعرفن الموضوع صح بس حتى تبرن اولادجن باوع الام حيدر كلها انت من كاعده تحجين عن الحسيب والرقيب بنتج اكو عليها حسيب ورقيب ولج عمرها ١٤ سنه وعدها ٣ اخوان زلم وام واب تعرفين شنو سوت؟
ام حيدر : انوب دخلتو بنتي بالموضوع شسوت المسكينه شو هسه كعدت من النوم على هوستكم غير؟
والبارحه كاعده يمي وسمعنه صياحهم وعركهم بعد شسوت بنتي؟
لوتريدوت تركبون سوالف هاي براسها
ماهر : مسوت شي بس صورت اخوها وهوه يشكي همه وضيم كلبه الاخو ودزت التصوير الاحمد وكلتله اخويه وزوجتك بينهم علاقه ومن قبل زواجكم كنت اني مرسال بينهم
اباوع الهدى ضلت تبلعم وتباوع الاحمد وترجع تباوع الحيدر
ام حيدر : ماكو هيج شي كذب بنتي متسوي هيج شي اصلا هيه طفله وين تعرف بسوالف الحبيات قابل هيه وتين الكتلت نفسها حتى تتزوج وهيه توها داخله ١٤ سنه
ساهر : تعرفون شنو الفرق بين هدى ووتين؟
اني اگول الكم
هدى عدها ام توكف بوجه الكل وياها سواء على حق او باطل
بينما وتين امها ماتت وخلتكم تنهشون بيها رغم كل دفاعنه عنها ورغم حبنا الها بس محد من عدنه كدر يحتويها
كلنه نخاف على عوائلنه ونخاف نخسرهم او يتشتتون بسبب دفاعنه عنها او وكفتنا بجانبها
سناء : ليش اني وين رحت مو اني امها
ساهر : انت ضعيفه يااختي ضعيفه كل التكدرين تسوي الها انج تطيبين خاطرها بكلمه وتاخذيها الحضنج وبس
متكدرين توكفين بوجه احد علمودها
واحنه عود خوالها الزلم هم مثلج من توصل بينه نتخير بين وتين وعوائلنه راح نختار عوائلنه بدون تردد او تفكير مع الاسف هيه هاي الحقيقه المره الي لازم نعترف بيها
سناء : يعني شنو انتو راح تتخلون عن وتين وتخلون احمد يطعن بشرفها ويأذيها وتسكتون
ساهر : لا اكيد مراح اسمحله وراح اوكف من جانبها بس برأيج لو سلطان الله يرحمه عايش وصار هذا الموقف وي بنته راح يكتفي بأنو ميخلي احمد يحجي بشرف بنته وبس؟
سناء : لا اكيد چان اصلاً احمد مكدر يجبر وتين على الزواج منه وچان هسه هيه بعدها بالمدرسه وتروح وتجي ومحد يكدر يكلها على عينج حاجب
ساهر : بالضببببط هذا القصدته هذا الفرق الاكلچ
عنه اني من ابني كال اريد اتزوجها واني اعرف بيها طفله ومو بعمر زواج ومموافقه بس مع ذلك سكتت
واجيت اني اقنع بيها في سبيل اسعاد ابني يعني مخلص الكلام محد يحل محل الاب والام الحقيقيين مهما صار
وتين : اسمع كلام خالو واني دموعي تنزل عشره عشره
صحيح كلامه كله صحيح يعني احمد لو رايد يتزوج هدى كان خالو ماهر مستحيل يسمح وهيه بهذا العمر
مع العلم هوه اجه وضل يقنع بيه اقبل اتزوج احمد وخالو ساهر نفس الشي فضل مصلحة ابنه وسعادته على سعادتي ودمار مستقبلي بسببهم لان محد منهم وكف بوجها
وماما انسانه مسالمه وضعيفه لابعد الحدود يعني مستحيل تعرف تواجه احد
بينما بابا الله يرحمه كان انسان شخصيته كلش قويه والكل يحسبله الف حساب يعني لو موجود ابد مراح انحط بهيج موقف
ولا اي واحد راح يتجرأ يمسني بكلمه وحده
بس منين اجيبه وشلون اشكيله منهم ومن الظلم الشفته
احمد : كال اني هذا الكلام كله ميهمني ولا راح تأثرون عليه بي اني حتى لو اعرف بيچ بريئه ومتعرفين بهذا النذل يحبچ بعد چزت نفسي منچ مااريدچ ولا الي نفس بيچ اصلاً تلعب نفسي اباوع بوجهچ بعد لان انت بنضري وحده قذره وحده عااااار تعرفين شنو يعني عااااار
بس طلاگ مااطلگ
خل يكون بعلمج تبقين على ذمتي الآخر يوم بعمرج تبقين معلكه لا انت للسما ولا انت للكاع
وتبقين تحت امري وماراح يرف گلبي عليچ بعد هليوم وراح اخليچ تتمنين الموت بكل لحظه تمر عليچ اله اخليچ تعيشين العشته ياوتين
ام احمد : طلكها يمه والله ازوجك اغاتها
احمد : اتزوج لاتخافين بس هم مااطلكها
وتين : ليش هيج والله حرام عليك اني ممسويه شي
احمد : وين الحرام الشرع حلل اربعه اني مراح اتزوج اربعه لا راح اتزوج وحده بس
وتين : تزوج ممانعتك بس طلكني اول
احمد : لا لا لا لعد شلون اخليج تحسين احساسي تعرفين شنو حسيت من عرفت بي الهذا النذل يحبج وانت مرتي
وتين : واني شنو ذنبي
احمد : انت اكيد تعرفين حتى لو ممعترفلج اليحب يبين من نضراته من تصرفاته من كل حركه يسويها يبين وانت كنتي حاسه بس عاجبج الوضع ومغلسه
وتين : لا والله والله مكنت اعرف والله وروح بابا ابد مكنت اعرف ولا حاسه حيدر كل عمره يعاملني بهلطريقه اني من اجيت للدنيا واني اشوفه اخويه وابد مشفت منه شي يحسسني غير هلشي
احمد : لچ من كلتلچ لتكعدين يمه من يجي كتلتي نفسچ تتذكرين من تكليلي حيدر كان اقرب منك الي عبالج انسه اني انت اعترفتي على نفسچ بس اني كنت غبي معمي بحبچ وانت مستغفلتني
وتين : والله لان اعتبره اخويه الكبير والله مكان عندي قصد ثاني بيها ابد صدگني احمد وروح بابا
احمد : وهسه شتردين نفرض صدكتچ شنو راح يتغير
وتين : طلگني الله يخليك طلگني
احمد : انت من كل عقلچ اطلگچ؟
والله لو تموتين انت الي وتبقين الي محد راح يكدر يقرب منچ ولا يلمس شعره منچ افتهمممممتييي
وتين : ليش انت مو تگول مااريدچ ولعبت نفسي منچ طلگني واخلص مني وخلصني منك الله يخلك كافي اطلع من حياتي والله تعبت منك ومن هلزواج هذا
احمد : حتى لو مااريدچ هم مااطلگج وتبقين بس الي متصيرين الغيري مو حباً بيچ لاااا
بس اني هيچ من زمان الشي الآخذه حتى من اذبه بالزباله مااقبل احد يشيله ورايه
يتبع #