😊
.
.
.
.
.
.
.
.
يلا نكمل قصتنه
.
.
.
ليث...مثل كل يوم كعدت وبدلت اليوم ماعندي دوام كلت اودي البنات وارجع انام طلعت وهم سمعت امي اصيح على البنات دخلت...صباح الخير
الام... هلا يمه صباح النور
ليث... نزلي يمه هسه يجون وراج
الام... فدوه على كيفك وياهم
ليث... ماشي... طلعت امي رحت ليارا... يارا انه اليوم هادئ ماادري ليش فالج من واحد للخمسه والكاج كايمه
يارا... اول مره ليث يحجي بهدوء طفرت بسرعه حتى قبل لايبدي يحسب... صباح الخير هاي اني كمت
ليث... صباح النور يلا روحي بسرعه... راحت يارا ورحت لبنيتي مثل كل يوم ابوسه واشم عطرها كعدت يمه... لارا لارا يلا كعدي موكلتي كعدني على كيف واني اكعد
لارا... جنت نايمه وسمعت ليث يحجي بهدوء عبالي جاي احلم حجيت واني ماادري بي حقيقه وهو يسمعني... واخيرا الغثيث حجه بهدوء شيصير لو يحجي هيج بالواقع مو بس بالحلم
ليث... 😂😂😂ولج هذا ياهو الغثيث
لارا... طفرت... انته صدك
ليث... لا جذب
لارا... شعجب
ليث... نازل بسرعه تنزلين وراي
لارا... لا انته اليوم صاير بيك شي
ليث... اذا عاجبج تنكفخين ترى عادي
لارا... لالا والله انزل وثواني واني وراك... طلع ليث اني بدلت بسرعه ويارا تحجي وياي وتضحك
يارا... ولج اليوم حلو مبين اول مره نكعد فرحانات
لارا... اييي اذا اخوج الغثيث اليوم صاير حباب... نزلنه رحت سلمت على عمو وخاله تريكنه على السريع وصلنه ليث للمدرسه مر اليوم عادي من طلعنه ماكو ليث تنتظرنا شكد ماكو....
يارا... لارا خلي نرجع مشي هياته البيت
لارا... لا أخاف ليث مايقبل وشفكنه ونوب شوفي هذول الولد شكد واكفين
يارا... والله متت من الجوع فدوه شعلينه بيهم نروح بسرعه
لارا... اففف امشي بس اذا حجه ليث انتي تحجين ويا
يارا... اي والله
لارا... طلعنه من المدرسه جاي نمشي اجه ولد ورانه ظل اذب حجي واحنه نمشي بسرعه هذا الولد جر ايدي... وووخر عني
الولد... وين ياحلوه بس رقمي اخذي
لارا... وخر عفيه عوف ايدي... ماحسيت الا اجت ضربه للولد طيرت وجه
ليث... نزلت صبحت على الكل وكعدت تريكت شوي ونزلوا البنات اشوف لارا فرحانه هيج اسلوبي فرحه طلعنه وديتهم للمدرسه ورجعت نمت اليوم عندي حفر راحت علي نومه كعدت شفت صاير على حلت البنات نص ساعه واني كايل لعمار لااروح عليهم نزلت ركض شفت امي بالباب... هايمه شبيج
الام... يمه البنات ماكو لهسه
ليث... اي اني نسيتهم رايح هسه... رحت عليهم قريب اوصل المدرسه شفت ولد لازم ايد لارا حسيت عقلي وكف نزلت انطيته بوكشي بنص وجه رأسا طاح بالأرض سحبته وذبيته بصندوك السياره ورجعت سحبت لارا ويارا وذبيتهم بالسياره رجعتهم للبيت نزلت ساحلهم اثنينهم ذبيت يارا بغرفته ولارا أخذته لغرفتي قفلته عليه ونزلت خابرت ولد وياي بلمركز حتى يجي ياخذ هذا
الام... ولك يمه شصاير
ليث... هذن موتهن على أيدي اليوم بس صبري
الام.... عزا العزاني ولك شسون
ليث... بعدين يمه بعدين... اجه الولد اخذ هذا الأدب سز ويارا يجي ابوي وحاسبه رحت لبلوتي لكيته كاعده على الجربايه بس دخلت وكفت
لارا... طلع ليث سحلنه واحد واحد رجعنه للبيت وحبسني بغرفته ورى فتره دخل وعيونه حمر قفل الباب واني وكفت... ليث والله ما مسويه شي
ليث... جبته براشدي
لارا... والله مااعرفه
ليث... جبته براشدي ثاني
لارا... ليث بس
ليث... ضربته الثالث خشمه ظل اذب دم... احجي بسرعه من شوكت تعرفي
لارا... والله ما اعرفه
ليث... رجعت ضربته... تحجين لو شلون
لارا... والله ما اعرفه ولا امسويه شي
ليث... لزمته كطعته تكطع من الكتل سمعت ابوي وعمار اصيحون... راجعلج
لارا...طلع ليث ورى ماكتلني اكو فراغ صغير بين الحايط والكنتور صاير مثل الركن رحت كعدت بي واني ابجي..
ليث... نزلت شفت ابوي منزل يارا ومكعده يمه
الاب... وين لارا
ليث... محد اله دخل عوفني اربيه
الاب... وهي شنو امسويه هذاك الكلب هو الجاي عليهم هي شنو ذنبه
ليث... شفته لازمه ايده بعيني
الاب... سمعت من عده
ليث... ماكو داعي
الاب... عمار تاخذ اخوك وتصعد للارا وتسأله شنو صار ومتاكد راح يطلع نفس حجي اختك وانته ليث اذا ماذي لارا حسابك عسير هل مره صدك هواي سكتتلك
ليث... صعدنه اني وعمار دخلنه ماكو بالغرفه شوي وسمعت صوت شهكته راح اله عمار ركض
عمار... لا يا.... على هلعمله ولك اذا شافه ابوي شراح اخلصك منه كومي عمو كومي
لارا... سمعت الباب انفتح متت من الخوف شوي واجه عمو عمار وظل يحجي على ليث... عمو فدوه اخذني وياك
عمار... اي عمو كومي وياي
ليث... ماتطلع اذا ماتحجي كلشي
لارا... والله ما مسويه شي
عمار... ليييث كافي لارا احجيلي شنو صار
لارا... حجيت اله كل شي
عمار... يلا امشي وياي
لارا... اخذني راد أدخلني لغرفتنه
سمعت عمو صاح
الاب.... لاااارا تعاي بابا
عمار... خلي ترتاح وبعدين تنزل
الاب... كلت هسه تنزل
عمار... امشي وطبه مرض ليث هو الجابه لنفسه
لارا... نزلنه وليث ورانه واني مجلبه بعمو عمار بس شافني عمو وكف
ليث... ساله عمار وحجتله كلشي صح السويته غلط بس غيرتي عليه موبيدي طلعوا وهي شعلتني فوك مااني ماشعوله مجلبه بعمار نزلنه بس شافه ابوي وكف راح عليه حضنه وهي بعده تبجي
الاب... كافي بجي بابا والله اطيحلج حظه هسه ام عمار اخذيه غسليله
الام... تعاي يمه سوده عليه
لارا... اجه عمو حضني وبعدين صاح على خاله اخذتني صعدتني دخلت سبحت وهي. جابتلي تراك لبسته وطلعت كعدت على الجربايه واني بعدني ابجي وهي اجت كعدت وراي وتمشطلي
الام... كافي لا تبجين ولج كطعتي كلبي
لارا... خاله جسمي كله ااذيني
الام... اجيبلج حبايه مسكن بلكت تهدئين
لارا... شدت شعري وراحت شوي واجت مها ويارا جايبيلي اكل وحبايه... أنطوني الحبايه فدوه
مها... اكليلج شي اول
لارا... مااريد... حاولوا بس اني قفلت اخذت الحبايه تمددت على الجربايه واني ابجي اجت يارا حضنتني ونامت يمي شوي ونمت ...
ليث... صعدت لارا وابوي صاحني اني وعمار للديوان رحنه بس دخلت اجالي راشدي فر وجهي فر ظليت مدنك واعصر بأيدي لا أكدر أعصب على ابوي ولا أكدر اسكت
الاب... هاي حتى مره ثانيه ماتفكر تمد ايدك عليه بعدني عايش وانته. لعبت لعب بيه لو اموت شسوي
ليث....
الاب... هسه سكتت مو بعد إذا شفتك حاجي وياها مجرد حجي ماتلوم الا نفسك وكول كال ابوي وهسه امشي ولي من خلقتي
ليث... رحت لغرفتي لميت غراضي مال سبوع وفوك وطلعت من. البيت ورحت للمركز اتفقت وي الظباط الي وياي اني ابقى بالمركز وقفلت نقالي رحت لهذا الولد كطعته اتكطع وقعته على تعهد وشمرته بالشارع...
لارا... كعدت ماكو احد بالغرفه ردت ادرس بس مالي واهس واصلا شكلي ماينطلع بي شي امورم وشي ازرك ظليت كاعده بالغرفه وحتى الضوه مافتحته مااعرف شكد مر من الوقت ونفتح الباب درت وجهي على الحايط اخاف يطلع ليث حسيت احد كعد يمي...
الاب... ها بابا ماكافي نوم
لارا... اففف همزين مو ليث خليت راسي بحضنه وهو ظل يلعب بشعري
الاب... يلا كومي صار شكد انتظرج حتى تاكلين وياي
لارا... هااا لالا ما انزل ابقى هنا
الاب...كومي بابا ليث مو هنا بلدوام وبعد حتى حجي اذا ما اعجبج تحجين ويا هم لاتحجين
لارا.....
الاب... يلا ولج متت جوع ي
لارا... كمت ويا عمو ونزلنه لكينه الكل كاعد ينتظرنه على العشى كعدنه وهم احاولون اضحكوني لو احجوني بعدين ذكرت مااريد اداوم... عمو
الاب... ها عمو
لارا... مااريد اداوم باجر
الاب... ليش
لارا... 😢 متكدر اطلع بهذا وجهي
عمار... ميخالف باجر من اوصل يارا اخذلج اجازه أربعاء وخميس وعندج جمعه وسبت خوش عطله
لارا... هزيت راسي ورجعت دنكت بس مااكلت شي طبعا اكو نسوان هم الي يشتغلون وخالتي عليه بس الغدى اجو يردون اشيلون العشى
الاب... لا بعد لارا ما كملت
لارا... مااريد
الاب... ماكو هيج حجي اكلي يلا
لارا... بس
إلاب... يلا بابا اكلي حبيبتي
لارا... اكلت شوي ووخرت
الاب... ولو ماعاجبني بس اليوم سماح
لارا... ابتسمت اله....اني صاعده
الام... وين يمه تعاي يمنه
لارا... رحت كعدت يمه وخليت راسي على صدرها وهي حاضنتني
عمار... اي عيني الحب كله لست لارا واني وهاي الفقيره نولي
الام... عزا شطولك وبعدك تغار
عمار... اي شنو يعني
لارا.... كعدوا يشاقون ويضحكون تالي كل واحد راح لغرفته يارا حضرت ملابسه ونامت واني ظليت كاعده ماكدرت انام تالي طلعت بالحديقة خاله السماعه بذاني واسمع اغاني لحد ما صار فجر رحت صليت وكوه يلا نمت مروا هاي اليومين عادي ليث ماشفته ابد صار يوم الجمعه وليث يوم الجمعه لازم بالبيت فظليت كاعده بغرفتي شوي وسمعت صارت هوسه جوه نزلت اباوع الكل لازم نقاله ويتصل مااعرف على منو وخالتي كاعده وتبجي...يارا
يارا... ها لارا شبيج
لارا... انتوا شبيكم
يارا... تعاي فوك اسولفلج السمعته
لارا... صعدنه لغرفتنه... اي احجي يلا
يارا... تذكرين بيوم الي كتلج ليث وتالي من نزلتي وامي اخذتج وصعدت
لارا.... اي
يارا... ابوي ماخذ ليث وعمار للديوان وهناك ضارب ليث راشدي وحاجي علي وراها ليث طالع عبالهم بالمركز يتصلون مغلق يرحون للمركز ماموجود
لارا... عزززا كله بسببي 😭😭
يارا... هسه انتي المن البجي
لارا... خلي يرجع واني ماطلع من الغرفة ابد والله عيب من عمو وخاله كله بسببي مااعرفون ليث وين
يارا... عود صدك محد طكه على ليده وكله تعال اكتل
لارا... يارا سكتي فدوه... اخذت تلفوني وكعدت اتصل وهو ماكو شلون ياربي والله فشله...
.
.
.
.
.
.
.
.
تتوقعون ليث وين