الربتج " حالك الاسوداد "

P22

‏"الأيام التي تكسرك هي ذاتها التي تصنعك ،
أنت حصاد اللحظات التي اعتقدت أنها لن تمر ومرّت."

وماذا لو انا سألتك ، هل
انتَ كتوم ؟؟

^^^^^^

- شُعاع :- ااابووو نووح هذاااا !!!!
- الشذام :- اسم الله شبيك خويه منو هذا ابو نوح ؟؟؟
- شُعاع :- ااااخ لك هذا الـــــ**** المسؤول عن النعل
ومن بطن داع١١ شجابه
البغداد هذا الـــ***
- الشذام :- ههههههه هذا فساد العراق العظيم

التفتت عليه رفعت حاجبي
- شُعاع :- كول كمل كلامك لك ..
- الشذام :- ههههه أعوذ بالله شبيك شُعاع مابي
قصد كلامي
- شُعاع :- اي لا تذب لك بسامير ترى اعرف اني مو غبي
عشت ويا **** واعرف
الدرابين كلها مو غشيم
ف لا شمر بساميرك خويه
- الشذام :- ااهووو يعني احجي كلمه ترد
عليه بمحاضره شطولها ، ترى ادري بي شنو
سكتت

طلع الباكيت الجكاير من جيبه و ورثت
الجكاره سحب نفس بقوه وزفره

- شُعاع :- خلي نطبك السياره هنا ارجع ..
- الشذام :- شُعاع خلي نودي المسواك الهم بالأول
وبعدين نرجع هنا
ننتظر شكد ما تريد
- شُعاع :- اكلك
- الشذام :- كول
- شُعاع :- شو جيب البقلاوة اشتهيتها خلي اكل منها
وعوف سوالفك
- الشذام :- هاك الزم بالعافية ، صار ياكل بقلاوة
ويشرب بالجكاير شلون رهمهن
سوه ما اعرف

- الشذام :- شُعاع لا تصدك كلامي الي كلته
- شُعاع :- سحبت نفس وزفرته ، لا افاا تكفى انا ابي اشك بأ أبوي ههههههه
- الشذام :- هههههه شلون عليك سوالف ، هسه شنوو
الي راح تسوي
- شُعاع :- سهله اكرز حب ع كبره
ضحك ربت ع كتفي
- الشذام :- والنعم ابن ألفا...
- شُعاع :- اي اي كمل كلمتك كول ابن الفاسد
والله اكسر سنونك هسه بحلكك ،
رفع اديه يصيح
- الشذام :- لاا أعوذ شلون احجي ع ابوك
- شُعاع :- اي دير بالك ..
- الشذام :- انا اخوك

- شُعاع :- سديت علبه البقلاوة انتبهت عليه يضحك
بوجهي ، اكلك
- الشذام :- ها كول
- شُعاع :- شو انتَ حلو ، ضربي ع كتفي يتموع
ابن الحلوه
- الشذام :- خجلتني عوفك من جمالي هسه
وكول الي هذا شنو يسوي بالبتاوين ؟؟؟
- شُعاع :- معروف شنو يسوي هل المهتلف
- الشذام :- زين واضح
من كلامك هذا *** خلي نلزمه ونلقي القبض عليه

هزيت بأيدي
- شُعاع :- لو ما تستحرم انتَ جان هسه
أجرك ب *** الا اخلي السياره تهز جتف ويا البطانه
تطبه اله بمسدس
- الشذام :- هههههه لا بالقلاوه
- شُعاع :- لازم نخلي واحد هنا يوكف يراقبه
واحنه نروح نكمل شغلنا ونرجع
بس منو ؟؟
- الشذام :- عابـــــد ..
- شُعاع :- لاااااتكولهااا عابد عايشش ؟؟؟؟؟
- الشذام :- اي والله
- شُعاع :- والله سبااع ، خوش لا تكول اله عليه رجعت
خلي نكمل بالبدايه بعدين اشوفه
- الشذام :- لا ما اكول اله لان راح يلتهي بيك
ويخرب كل شي
- شُعاع :- لعد اتصل عليه خلي يجي هنا واحنه
نروح
- الشذام :- صار..

سحب جهازه واتصل عليه سريع فتح الاتصال
وفتح السبيكر ..

- الشذام :- لك هااا اسبريسو شلونك ، رد متذمر
- عابد :- هلا شذام خير كول من الاخير شنو رايد
قاطعت جوي الحلو
- الشذام :- شبيك **** رايدك بشغله تفيدك
- عابد :- وشنو هيَ
- الشذام :- مو تريد تكتل واحد وايدك تحكك
، رد بصوت عالي
- عابد :- اااااااي ، الله وأيدك كول وين واني اجيك ،
بس لا يطلعون ورى ويطكونا بفصل
اريده هيج طاير ، مابيه حيل للفصول والكعدات
- الشذام :- ههههههه لا تخاف جبت لك فحل
محد ورى ولا كلب ينبح
بس هذا راح يتعبك
- عابد :- افاا مايصعب عليه دجججيبه ومعليك

- الشذام :- تمام راح ادز لك الوك وتعال الهذا الموقع
- عابد :- شني حبي ادزلي ملابس هذا يا لوك الي تحجي عليه
- الشذام :- لا حبي ادزلك الاحممم استغفر الله اللهم بارك بينا يا الله
- عابد :- شذومي اني لو مُتدين مثلك وبهذا الإيمان
والخشوع جان الله انطاني حوريه
من حور العين الي
بالجنه
- الشذام :- عابد عوفنا من سوالف وتعال ماعندي وقت
يلا امشي هز طولك
- عابد :- ها يعني تريد اركص لك اي ليش لا
تعال شوفني شكلك الحلو واني اركص
لك
تدلل ابو شُعاع
- الشذام :- خاب طير من عندي ، لزمت وسديت الجهاز
بوجهة..

شُعاع :-
مر الوقت إلى أن وصل عباد واحنه منتظري
انطى اشاره ع وصوله
واحنه بدون ما ننزل تركنا وطعلنا
متوجهين للمكان ، اسمعني شذام ..
- الشذام :- ها خويه
- شُعاع :- لازم نروح للشركه الي مكانها بالـــــ×××
- الشذام :- ميخالف لازم من طلعت
من البيت رحت تفتر وادور مو
- شُعاع :- افااا انا شُعاع مو شويه ما تفوتني شغله
- الشذام :- عمي تااج وباج انتَ
خلي نوصل الهم الأغراض ونروح للشركه لان نتأخر
- شُعاع :- هذا هوَ يلا بسرعه ..

وصلنا الأغراض للبيت وطلعنا بسرعه
متوجهين للشركه ..

- شُعاع :- خاب اوكف خلي انغير ملابسنا مو خست
- الشذام :- عض شفته ، شكد نظيف الخاطر الله
- شُعاع :- ما ارتاح الا بملابس نظيفه شبيك
- الشذام :- هاهي يلا ننزل نغير ونطلع
- شُعاع :- يلا
- الشذام :- نزلنا غيرنا ملابسنا لبسنا اسود
أخذنا كمامات وكاسكيتاات والكفوف
شُعاع اخذ مني السياره شغلها وشخطها وطلع سريع
إلى أن وصلنا للشركه اباوع الشركه حيل حيل جبيره
وضخمه
نزلنا من السياره من بعد ما لبسنا وخفينا
وجهنا ومشينا بداخل الشركه
وكفت بصف شُعاع وهذا انطلق يصوفر ..

- شُعاع :- شوف شوف هاي الشركه عباره عن
فلوس كلها فلوس مال الحرام
والا ع ايدي انظفهاا الـــــ**** مسوي تغطيه للشركه
بحجه همَ يشتغلون بالملابس
وهمَ اساساً شغلهم أقذر منه ماكو
راحت هواي بشريه بسببهم
امشي شذام نروح للمكتب المدير العود خلي اشتغله
- الشذام :- وياك خويه يلا
شُعاع :- صعدنا المدير الشركه صار السكرتير
مالته كدامنا
منعناا انُ ندخل دفعته بخفة شو هذا طار و وكع
تركته تقربت
للباب ودفرته بكل قوتي انفتح
المدير ورى المكتب كاعد فز وكف ع طوله
حطيت الجكاره بحلكي سحبت نفس قوي وكتمته بداخلي
شمرت الجكاره جوه رجلي ودست عليها
حيل كدام نظراته
زفرت الدخان ، ضحكت بوجهة ..

- شُعاع :- لك هلااا با أحلى تاجر بالعراق، تقربت منه ،
تاجر إلى درجه عبرت الهدف وصرت اتاجر
بأعضاء الناس ؟؟؟
- الشذام :- خويه واني مشتاقلك مو عزمتك ليش
ماا اجيت شكلك جنت خايف
- شُعاع :- اااااخ لك حقه اذا تلكا طامس بالملاهي

صاح المدير من يمه خايف بسبب
دخولهم المفاجئ
- منووووو انتوووووا شنو تسوون بالشركه
ومنو سمح الكم تدخلون

- الشذام :- انتبهت ع ايده مدها ع الجرار الي بالمكتب
وسحب السلاح وجهة ع شُعاع
ماكدر يضرب لان شُعاع تقرب عليه بلمح البصر
ودفر ايده وكع السلاح من ايده
يصيح

- شُعاع :- اششششششش صوتك ما اسمع لك
وكلامي هنا هو المسموع
- الشذام :- شُعاع الحراس صعدوا وهسه تلكاهم
مبلغين الشرطه
- شُعاع :- سريع اقفل الباب شذاام
- الشذام :- قفلت الباب وراح شُعاع يمه
طلع جهازه من جيبه ويحجي ويا حط الجهاز مالته ع
المكتب وهذاك وجهة صار
اصفر من شاف الجهاز
- شُعاع :- شوف ياحلو شايف هذا التصوير وين
يوديك ؟؟ مو بس انتَ يسحلوك لا حتى
اهلك كلكم تخيسون بالسجون
وماكو واحد يعتب عليه إلا ما يت*** بنص خلقتكم
الزفره
- الشذام :- اندك الباب وصاروا يصيحون برى
- شُعاع :- هسه تكول الهم ماكو شي
وخليهم يروحون لا اشوفك الي ماشايفه واخلي الكل
يتفرج عليك
وتطلع ويانه بدون اي مشكله ولا هوسه
لا اطشررر راسسسك

هز راسه وهو عيونه خايفة بس مو راضي يستسلم
صاح عليهم
- روحووو ماكو شي ..
وهمَ من سمعوا صوته وكفوا دك الباب وراحوا

- شُعاع :- تدري ماشتي شنو تكول ؟؟؟ هو صفن بوجهي
ضحك بوجهة تكول اكل تبن ..

- الشذام :- واكف اني واضحك اخر شي عاط بي
- شُعاع :- شبيك مااايع هيج هي ***** لازم
الملاهي الي تروح الها مأثره عليك حبيبي
يلااا امشي كداااامنه
يلاااااااااااا، كدامنااااا امشي ..
- الشذام :-

- الشذام :- طلعنا من الشركه بهدوء ماكو
احد فتح حلكه ويانه
وشُعاع حلكه ما سده ويا بس يصيح عليه
ويحجي

- شُعاع :- اااخ الله شوف شوف الشركه
شوف شلون تلمع وهي من جوه كلها أعمال خيسه
بشكد اخذتها ، هااا ما تحجي اي يُبا سهله
شو اصعد للسياره للللك
صعدته وسديت الباب وكفت رميت طلقات صلي ،
خوووووبي خووووبي خاااالييي

سحبت الجهاز واتصلت
شُعاع :- لؤي حبيبي جهز النا البيت محتاجي ، اي هسه جاي وجايب وياي
شغله تازه تلوك لهل وجه ، اي اي بس اخليها بالبيت
واطلع عندي غير شغله ، يلا حبيبي جايك ..
التفتت الشذام - يلا شذومي نودي
ونطلع بعدين نرجع اله
- الشذام :- تدلل شُعاعي

- الشذام :- وصلنا للبيت نزلنا المدير خلينا بالبيت الي جهزه
لؤي ورتب الوضع النا
شدينه اديه وطلعنا نرجع للبتاوين عند
عابد لان بعده مراقب ابو نوح
اول ما وصلنا للبتاوين صاح شُعاع
- شُعاع :- بسررررعه شذام اطبك السياره هناااا
اليوم الا طحين نسوي هذا ال****
- الشذام :- طبكت السياره ونزلنا منها سريع
عابد نزل من السياره من شافنه
شُعاع جان بعده لابس الكمامه والكاسكيته
من نزعهن ضحك بصوت عالي و وكف كدام
عابد وهذاك بقى صافن من المطي ..

- شُعاع :- شبييك لك صافن تعاال فتحت حضني
اله واني اضحك
مصدوم ما مستوعب
- الشذام :- اهووو راح تصير هنا محاضن ولا كأن انتوا
هسه بالبتاوين
شو خليني اني ابقى لابس الكمامه احسن الي
لان طبيج على غليج
- شُعاع :- لك هاااا تعال شو صافن
عابد :- رد بصوت مبهوت ، شُعاع !!!!!!
- شُعاع :- لعد خياله يُبا
اجه يركض دخل بحضني حاضني بقوه مامصدك حضنته ودكيت ع ظهره ، اششش ابني أهدأ

- الشذام :- فضحتونااا

- شُعاع :- لك شلونك يا بطل ، اشش لا تبجي لك عابد
- عابد :- شُعاع وووين جننننت
- شُعاع :- هههههه جنت العب ويا السنافر ،
ابتعد شوي
_ عابد :- شلووووونك شنو اخباااارك ، شو خليني ارجع
احضنك مشتاقلك والله
- شُعاع :- شو وخر ولك شبيك بس تحضن
ادري معوز حنان
اشششش عابد لازم ندخل بالموضوع ونكمل شغلنا
هسه عوفن المحاضن ع جهة وبعدين
اني يمك موجود
اشبع براحتك واذا تريد حتى انام فوكك بس واليسلمك
هسه خلينه نكمل رحمه للكائنات..
- عابد :- هاهي ماشي

- شُعاع :- هسه انتبوا لازم النا قوه هنا
حتى بوقت نلقي القبض عليه نكدر نودي هو والويا
ورى الشمس
شذام خابر عليهم ع الفريق هسه وخليهم
يتجهزون
- الشذام :- صاررر
- شُعاع :- يلا وهسه بلش الجد ..

تقربنا من البيت الي دخل بي ابو نوح
رفعت رجلي ودفرته بقوه انفتح نردم بالحايط
دخلت بهدوء اصيح
- شُعاع :- لك ااااابو نووووح الورررد وووينك حبيبي ،
ماكو اي صوت
دورت جوه مالكيته التفتت العابد
لك عابد وينه هذا ااااالنذذل ليكون طلع ؟؟؟؟
- عابد :- لا والله ما طلع من البيت
- الشذام :- ههههه لك خويه هسه يطلع خاتل بالبيت
من حس بالوضع ضم نفسه
- شُعاع :- شو خلي نشوف هناك فوك ..

صعدنا فوك ندور عليه فتحت اكو مثل المخزن
فتحته وشفته كدامي
- شُعاع :- الله الله هذا هنا موجود الورده لك ابووو نوح
الحب كله ،
لزمته وسحلته من ملابسه طلعته من المخزن
وهو يصح
- ابو نوح :- منوووو انتَ ؟؟؟؟
- شُعاع :- خاف ماتعرف خليني اذكرك حتى تعرف
اني منو وانتَ منو وشنو راح اسوي
لك

" يُبا اني زوجها البنت علي "

تعرفها موو ؟؟؟ اي اكيد تذكرتها بنت علي
شنو سويت بيها
تعرف شلون عذبتهااا لك *****
دفرته بطنه بكل قوتي وهو يصرخ كل ما اتذكر
نارا احس نار وتشب بكلبي
رجعت ضربته وهو ثار يريد يضربني
رديت
ضربته بوكس ع وجهة طشرت الدم من خشمه
تقرب شذام دفره وعابد لعب بي طوبه
عبالك كدامه جيس ملاكمه
- شُعاع :- جيب الي حبل بسرعه
- الشذام :- هاك الزم هذا الحبل
- شُعاع :- معدل الزم اديه خلي اربطه ، اييي وهسه
خلي اشوف ياك**** راح يطلعك
مره ثانيه
الا اوديك للخيسه
سحبته من رقبته وطلعنا برى لكيت الفرقه كلها
موجوده هناك
سلمته الهم ، ياولد هذا حصتكم الي تريدوا
سوو بي
سريع من ايدي لأيدكم للسجن
ردوا عليه واخذوا ومشوا ..

ماحسيت الا واحد وحاضني ضحكت
من عرفته عابد
- شُعاع :- لك ابني شبيك ع كيفك ، شلونك
- عابد :- رد بعبره ، والله مشتاقلك ماتعرف شنو صار بينه
وراك
- شُعاع :- هانت كله راح هاي اني هنا ورجعت
- الشذام :- هههههه ولكم فضحتونااا بنص هاي الناس
عيب عليكم
- شُعاع :- شنو حارك دمك انتَ شنو تغار ولك
- الشذام :- استغفر الله اغار شنو
- عابد :- واضح ما يغار وهو عينه علينا ماشالها
- الشذام :- دطيرواا ..
- شُعاع :- هههههههه امشوا نرجع
- عابد :- ما اعوفكم رجلي ع رجلكم
- الشذام :- اهووووو لزكه
- عابد :- شو الزم السانك ماناقصني الا انتَ

- شُعاع :- شكد تتعاركون امشوا ورايه لا اهفكم ،
تركتهم وراي صعدت السياره وهم اجوي
صعدوا
- الشذام :- شُعاع
- شُعاع :- ها
- الشذام :- ليش ما أتريد اهلك يعرفون انتَ عايش ؟
ليش ما تروح الهم وتشوفهم
- شُعاع :- بعد مو هسه
- الشذام :- غير اعرف ليش
- شُعاع :- لازم اتأكد من شغله يلا وقتها اروح
و اوكف بوجهم
- الشذام :- البالي مو
- شُعاع :- اي هيَ
- الشذام :- اذا هيج حقك ، ان شاء الله خير
- شُعاع :- الله كريم ...

شُعاع :-
وصلنا للبيت ونزلنا دكيت الباب ماكو احد فتحه
رجعنا دكينا اقوه
وهم ماكو احد ولا اكو اي صوت
شكو وينهن ؟؟؟
- الشذام :- ماعرف شو دك اااقوه شُعاع
- شُعاع :- كلبي لعب صاير شي ولك شذام ، بقبضه ايدي
خسفت الباب وماكو اي واحد طلع
الباب سميك ماينكسر ولا ينفتح
صحت بصوت مااااااششششاااا ، ووووينكككمم
هم ماكو احد رد ولا فتح الباب

ورى شويه انفتح الباب شفنا ابن شذام
شُعاع الصغير
واكف بالباب ويبجي
ركض شذام لزمه صاح بي
- الشذام :- شبييييييك ؟ ااااامك وييييين
رد وهو يبجي
- شُعاع الصغير :- ماما ماااتت ماااما راحت
- الشذام :- شتحجججي انتَ لا تخبللللني
- شُعاع :- بس ع كيفك ويا الطفل شذام شبيييك
- الشذام :- راااح يخبلنننني ماتشوووف ماكو
احد بالبيت ووووووين راااااحن
- شُعاع :- صحت بي واني كلبي نار ، ااااتصل ع زوجتك
سرررريع
هو طلع الجهاز يرجف اتصل وانفتح الاتصال

- الشذام :- اااالووووو وينجججج ، لا تخبليني
شبيييهااا ؟؟؟؟؟ يا مستشفى!
جااااين لا تتحركين مسافه الطريق
- شُعاع :- لك اوكف لا تركض فهمني شنو صااااير
- الشذام :- مرتي مرتي ماعرف شبيها ماخذيها
للمستشفى شُعاع بروح ابوك امشي
- شُعاع :- هسه نروح ، عاااابد اخذ الطفل ودي
يمك اهلك والحكنااا
- عابد :- صاااار
- شُعاع :- ركضنا للسياره صعدنا وطلعنا سريع
شذام طول الطريق يتمتم
ويدعي
وصلنا للمستشفى ونزلنا منها بسرعه كل شوي
ننردم بواحد
إلى أن شفناها كدامنه ...

نارا :- كاعدين سوه اني وعنقاء هي تتمكيج وتحجي
وياي واني بصفها
تسولف الي عن اخواتها وعن اختها الصغيره
شوفتني صورهن
وحيل حلوات مثلها بالضبط
اني من تحجيلي عن أخواتها ابقى صافنه واتذكر
اخواتي حيل انقهر واصفن
صفنت صفنه وماحسيت الا صوتها العالي تصيح
فزيت مخترعه اباوع عليها
مو ع بعضهاا ..
- عنقاء :- نااااارراااا بطني بطني راح امووووت
- نارا :- ركضت عليها لزمتها اهدي بيها
احس كلبي وكع من شفتها ، ع كيفج اهدئي
- عنقاء :- وووولج يييييمه الحكيلي ، نااارا الوجججع جاي
يزيددد ما اتحممممل
- نارا :- وجها صار اصفر وروحها راحت
جبت الها مي اشربها وهي تبجي ، حبابه اتنفسي
لا هي تسوين
- عنقاء :- ااااااااااااه بطننني ناااراااا سويلي شي
رااح اوووولد..

- نارا :- طلعت برى اركض بس خليت
الشال ع راسي فتحت باب الشارع الرئيسي ولكيت واحد
بالشارع ديغسل بسيارته
صحت عليه ،
خووووويه فدوووه ساعدني ماكو احد بالبيت واختي
راح تولد
- جيبيها بسرعه اختي اني راح اجهز السياره
- نارا :- بدون ما ارد عليه رجعت
دخلت للبيت اركض اسمع صوتها شلون تصرخ
اني كلبي ينمرد عليها
نوب شُعاع الصغير يصرخ ويبجي
حرت بينهم اروح المنو
ركضت عليها خليت الشال ع راسها وغطيتها بالعباه
مالتها
حضنتها من خصرها و وكفتها
اخذت التلفون مالتها لان ماعندي اني
ومشيت ع كيف وياها لان ما تكدر تمشي وبس تبجي
التفتت ع ابنها وصحت بي

حبيبي لا تطلع ابقى هنااااا هسه يجي
بابا عليك ولا تفتح الباب مال البيت الا اذا سمعت
صوت بابا
ترى برى اكو وحش "
خوفته حتى ما يطلع
وهو سوده عليه كعد يبجي اخذت عنقاء وطلعت
برى لكيته ينتظرنا
صعدتها بالكوه وصعدت وياها
هو سريع شغل السياره وطلع بينا سريع
اباوع عليها عركت فد مره وصارت تلوب لو تعض الشال
مالتها ماتكدر تصرخ
وكل شويه تحجي " راح اموت " حتى اني
انخبطت
رفعت ايدي أدلك كتفها وظهرها وبطنها ع كيف
بس أريدها ترتاح
وصرت اقرا عليها يارب يستهل ولادتها
ومايصير بيها شي
وصلنا للمستشفى بطلعان الروح

نزلت من السياره اركض حافية
جوه دخلت اصيح اختي ساعدوها راح تموت
طلعن وياي الممرضات يركضن جابوا استديه وطلعن
خليناها عليها ودخلنا للمستشفى نركض بيها
بوقتها اتذكرت اسراء
صديقتي الي ماتت بأيدي هنا حسيت انتهيت
اذا صار بعنقاء شي انتهي ادمر
نزلت دموعي احس كلبي صار يأذيني حيل خايفة
رحت يم الباب كعدت
انتظرهم يطلعون تأخروا هواي
رفعت ايدي ادعي
" يارب لا تختبرني مره ثانيه بصديقتي يارب ما اتحمل "
مسحت دموعي وصرت ادعي
وادعي ما قطعت الدعاء
إلى أن انفتح الباب وطلعت الدكتوره
وكفت ع طولي وركضت الها

- نارا :- طمنييييني الله يخليج اختي شلونها ؟؟
ابتسمت بوجهي وردت عليه
- الدكتوره :- الحمد لله اختج زينه هي والبيبي
- نارا :- من فرحتي حضنت الدكتوره حيل فرحانه ، شكرررا شكرااااا
- الدكتوره :- العفو حبيبتي ما سويت شي
- نارا :- ابتسمت بوجهي وراحت

باوعت الجهاز بأيدي يدك
عرفت هذا الشذام فتحت الاتصال وهو عاط بيه
قبل لا احجي عباله اني عنقاء
حجيت اله وانطيته العنوان وكال راح نجي
اني بقيت انتظرهم وانتظر عنقاء
ورى ربع ساعه ماعرف شكد ماحسيت الا
صاروا كلهم فوك راسي
رفعت راسي انتبهت عليهم وياهم ولد ما اعرفه
اول مره اشوفه
استغربت منو هذا
حتى بقيت صافنه فجأة باوعت ع شُعاع اشو هذا
خزرني لان اباوع ع الولد الي وياهم
دنكت راسي سريع
خجلانه والشذام سألني ..

- الشذام :- شلووونهاا هسه ؟
- نارا :- الحمد لله هي والطفله بخير
- الشذام :- الحمدلله ياربي
- نارا :- اباوع عليه وجهة صاااير اصفر مثل اليمونه
وروحه رايحه شكله مهبوط عليها
هواي
،رجعت الدكتوره طلعت من يم عنقاء
راح الها الشذام يسألها
- الشذام :- ها دكتوره شلونها زوجتي
- الدكتوره :- حاليا وضعها زين والحمد لله جبتوها
بالوقت الصحيح
لان هي ما تكدر تولد طبيعي الا عمليه
جان تأذت هي والطفله
- الشذام :- اسم الله عليهن وهسه اكدر اشوفها
- الدكتوره :- هي زوجتك تردد باسم شُعاع
- الشذام :- اي هذا ابني
- الدكتوره :- ومنو شذام ؟
- الشذام :- اني زوجها ، اريد ادخل اشوفها
- الدكتوره :- تكدر تشوفها هسه وضعها مستقر
- الشذام :- شكرا الج

- نارا :- انتبهت ع شُعاع اخذ صديقهم الجديد ومشوا ع جهة
اني مشيت وابتعدت عن المكان اريد
اطلع
مشيت مسافه وطلعت من المستشفى
ماحسيت الا واحد جرني من كتفي التفتت مصدومه
لكيته شُعاع
صاح بوجهي وهو يرفع حاجبه الي شكله عصبي
- شُعاع :- خيرررر وين رايحه
- نارا :- مو طايقه اشوفه درت وجهي ومشيت حجيت ويا
اني وامشي ، عوفني راح ارجع للبيت
- شُعاع :- شنوووو هيَ هيته حتى تروحين
الوحدج لو العراق باسمج لو اسم اهلج
- نارا :- باوعت عليه مصدومه لان ذكر اهلي دفعته حيل من ايده ومشيت بدون
ما اجاوبه
مشيت سريع رفعت ايدي وكفت تكسي
هو ورايه ردت اصعد هستوني خليت رجلي
ولزمني سحبني من ايدي

- شُعاع :- لج شو انتَ شكد صلفه شبيج تعاااي تعااااي
وين رايحه ماتروحين المكان
- نارا :- حجااايه وحده ما اريدك تحجي وياي
شكوو جاي يمي
وووخر عني
شو هذا ما اهتم الي سحبني ع جهة وحجه ويا صاحب
الاجره
- شُعاع :- خويه تكدر تكمل طريقك
- نارا :- صرت نااااار وصاحب الاجره صافن بوجهنه
من شاف شُعاع هو عافني وراح
عضيت شفتي من القهر واريد اطلع قهري كله بي
درت وجهي عليه متعصبه ،
شنووو تررريد مني شُعاع شنوووو تريد ؟؟؟؟
ايده بعده لازم ايدي رفع الي حاجبه

- شُعاع :- وين موليه ؟؟؟
- نارا :- زفرت انفاسي بقوه ، للبيت يعني وين اروح
تركنا شُعاع الصغير الوحده
هناك هسه خايف
لا يصير بي شي
- شُعاع :- لا مو الوحده هسه موجود ببيت عابد
- نارا :- ومنو هذا
- شُعاع :- صديقنا هذاك نفسه الي اجه ورانه
- نارا :- رفعت راسي شفت اكو واحد واكف
قريب من يمنه
ونفسه الي اجه وراهم يعني هو هذا عابد
باوعت عليه وهو باوع عليه وابتسم بوجهي اني بقيت
صافنه عليه
ردت وجهي الشُعاع سألته ..

- نارا :- متزوج صديقك ؟؟؟
رفع حاجبه وباوع عليه بطرف عينه رد عليه بنتر
- شُعاع :- ها لازم تريدينه ؟؟؟
- نارا :- رفعت كتفي بعد مبالاة ، لا بس شكله اشرف
منك .
دفعته من ايده وعفته ورجعت دخلت للمستشفى
بس اعرف بي هسه صار بركان
واذا الوحدنا الا يسحلني بس خلي يستاهل عباله
ارجع ويا مثل قبل واحجي
طبيعي

لكيت الشذام بعده يم عنقاء رحت كعدت
وكف شُعاع يم عابد
بقيت صافنه حسيت بواحد صار يمي رفعت راسي
لكيته شُعاع
كز ع اسنانه يحجي وياي بعصبيه

- شُعاع :- هاي الكلمه الي حجيتيها بوجهي
اذا ما اندمج عليهااا ما اتسمى شُعاع
- نارا :- هههههه يعني اخاف ؟؟؟
- شُعاع :- لااا فريختي لا تخافين
- نارا :- شنو شنووو ؟؟ شنو يعني فريختي
- شُعاع :- هيج
- نارا :- اسسمع لا تتجاوز عليه احسن لك
ترى اندمك ، شو هذا ضحك وغمز الي

- شُعاع :- ماشي يامخططاتي الاحبها

بهت وجهي
نارا :- مخططاتك؟؟؟
- شُعاع :- وتفكيري
- نارا :- وتفكيرك ؟؟
- شُعاع :- وخوفي ودمعتي الي ما وكعت بس عليج
هو انتِ الابراص والنور مال البدر كله

بقيت فاتحه عيوني مصدومه
هذا شبي شو صاير رومانسي بالزايد
واني رغم ماحجي ويا بس احس دكات كلبي زادت
وماريد ابين اله، ديت عليه..

- نارا :- عود شُكرا
- شُعاع :- منا منا
- نارا :- ماكو بس شُكرا ، خلصن فلوسك ، هو صاح ععابد يحجي ويا
- شُعاع :- لكككك عابد
- عابد :- هااا
- شُعاع :- ناااولني فد ١٠٠ خلي اجدد الكعده هناا
حبيب
- عابد :- بالخدمه مولاي
- نارا :- ابتسمت واني اسمع الهم هو التفت الي
- شُعاع :- ااااخ الله هاي شنو غمازه يم شفايفج
اني سامع بالغمازه بالخد مو يم
الشفايف
- نارا :- انصدمت ، شنو اني عندي غمازه ؟؟
- شُعاع :- اي والله هاي ..
- نارا :- قرب ايده مني راد يلزمني ورجعت راسي ابتعدت
عنه وهو ابتعد عني زفر نفسه
ورجع ظهره للحايط سند
نفسه ويباوع عليه
واني احس روحي رايحه من نظراته اتجاهي

طلع الشذام من يم عنقاء وهم راحوا اله تحمدوا اله بالسلامه للطفله والزوجته رد عليهم
اباوع عليه شلون يحمد الله ويردد بالدعاء والحمد
من يمي جسمي قشعر لكل كلمه نطق بيها ..

- الشذام :- الحمدلله وهبني الذريه سليمه الخلق والعقل
اللهم احفظهم بحفظك يا قوي يارحيم ولا ترني بهم سوء
يا أكرم الاكرمين، اللهم كما حسنت خلقهم فأ حسن
اخلاقهم يا الله ، وأحفظ عقيدتهم واجعلهم من اهل القرآن الكريم يا الله اجعلهم في قلبهم حباً للحُسين واهل البيت بحق ابراهيم وال ابراهيم انك حميد المجيد .

- نارا :- بقيت صافنه عليه شلون يحجي بخشوع حتى عيوني مابعدتهن من عنده حسيت بالاطمئنانيه شكد حلو
حتى اتذكرت ابويه بيه هم جان هيج ويانه ويهتم بينه ويدعي النا ويخاف علينا من الهوى
طلعني من صفنتي صوت شُعاع يحجي .

- شُعاع :- خلي ناخذ النا كم يوم بكربلاء نروح
- نارا :- نطيت من يمي بحماس ، ااااي اااااي خلي نروووح حباااب اريد اروح اني
- شُعاع :- ياهو ماخذ رأيج انتِ
- نارا :- خزرته ، احترم نفسك اني ما رايحه وياك
حسيت شذام صار يمنه حجه وياي ورد ع شُعاع بنفس الوقت بحيث ريح كلبي بكلامه ..
- الشذام :- خويه تعالي صيري هناا مو توكفين هناك
- نارا :- وخرت من يم شُعاع ورديت ع شذام ، اي هو لاطش بيه اتخيل
- الشذام :- اي خويه جاي اتخيل شكد لاطش بيج
- نارا :- ياا شبيك انتَ الثاني شو عليه
- الشذام :- اي غير انتِ بحسبه اختي وما اقبل ع اختي

- نارا :- مجرد ما كال هاي الكلمه حسيت بالفرحه صعدت الراسي من كال الي انتِ اختي شفت بي اخويه
الي انحرمت منه بقيت مبتسمه والفرحه مبينه ع وجهي
صارت عيني بعين شُعاع خزرني واشر الي اجي بصفه رفعت اله حاجبي وعاندته كز اسنانه بحيث شفت فكه اشتدت دلاله ع عصبيته بس هم ما اهتميت اله عباله
اني ضعيفه واخاف منه يححلم

- الشذام :- لا عبالج بس هيج لا حتى من يتقدم الج يجي يطلبج مني وعود وقتها يا نوافق عليه يا نطرده
ومن نوافق عليه وقتها صيري يمه و اوكفي بصفه
- نارا :- ضحكت والابتسامه شكت حلكي شُعاع صاح
علينا
- شُعاع :- لككك شذااام شنو هاي الاختلافيييه شنو
جاي تسوي
- الشذام :- والله عاد هي اختي واني اتصرف بعدين انتَ
اجمع مهرها يلا تجي مو عبالك هيج بلاش تاخذ من عندنا نسوان
- شُعاع :- بسيطه شذام بسيطه

- نارا :- صاروا يضحكون بس شُعاع خازرني شلون اني كيفت للموضوع يستاهل اني اريد اسحله وما اتسمى نارا بنت علي اذا ما سحلتك الا اخليك تكول التوبه اذا عدتها
بيج مره ثانيه..

التفت الشذام حجيت ويا ..
- نارا :- بس مايصير نروح هسه هي تعبانه ومو زين
عليها واليوم تبقى بالمستشفى لازم لان هي عمليه
- الشذام :- لا خويه اكيد مو هسه خلي شويه توكف ع حيلها ونروح
- نارا :- تمام

مرن كم يوم وعنقاء صارت زينه واني وياها ما تركتها ابد
صح بعدها متألمه بس اهون من اول يوم
الي كعدت بي وبس تبجي حتى اني خفت عليها ، اهتميت
بالطفله وبعنقاء كُلش حتى امها اجتي وشفتها وشكد حنينه حيل حبيتها مرن كم يوم وكالوا جهزوا نفسكم حتى
نروح الكربلاء ونبقى هناك كم يوم وبعدين نرجع
اني الفرحه ترست روحي ودي اطير بس لازمه نفسي بالكوه
شكد جنت اتمنى اروح وازور وصار الي سنين ما رايحه اخر مره رحت ويا عائلتي وبعد مارحت ،
شلت الطفله وطلعت اني وعنقاء صعدنا ورى بالسياره
وشُعاع الي يسوق والشذام بصفه
ورى شويه اجه عابد صديقهم و ويا وحده
انتبهت عليها حيل حلوه همست العنقاء سألتها ..

- نارا :- منو هاي الحلوه ؟؟
- عنقاء :- حبيبتي هاي لُجين زوجه عابد
- نارا :- الله عليج يعني هو متزوج
- عنقاء :- هههههه اي ليش
- نارا :- مو كلت هيج بس اسأل
- عنقاء :- كون يسمعج شُعاع الا يكلبها علينا
- نارا :- خلي يطير اني أعلمه
- عنقاء :- الله اليستر منج شنو ناويه تسوين بالرجال
- نارا :- كل الخير حبيبتي

مشينا وطول الطريق عابد يرواغ سياره شُعاع وكل شويه
يجي يمه يتسابقون
من تجي سياره عابد يمنه اسمع صوت الاغنيه
مشغلها حيل عاليه
بوقتها حتى الكلمات مالتها صارت بأذني تتردد
" ماتدري ماتدري لأجلك ارخص عمري "
ومن يصير يم السياره يهز ركبه الشذام والشُعاع
وشذام من يشوفه هيج يتهستر يصيح عليه
" طفيييهه ادري وين رايحين العرس " وهذاك مستمر
ولا عبالك يرزل بي
مشت السياره سريع والحماس غلبهم وعنقاء صاحت بيهم

- عنقاء :- ييييمه عمليتي راح تنفتح ع كيفكم

همَ يزمرون وعبالك عندهم عرس وعابد قلب الجو
سوه انقلاب تام صار ازدحام وكفت السيارات
رفعوا الجامات ومقبلول ينزلوهن لان ازدحام صارت سياره عابد بصفنه
الصوت عالي وماحسينا الا وطكها بهلهوله من يمي خربت من الضحك
عابد طلع راسه من الجامه يصيح " وووولك شذااام بنتك الابني "
وشذام يصيح عليه حتى يسكت وهذاك ولا هامه رجع يهلهل
وصلنا للسيطره وكفوا طلعوا جماعتهم بهاي السيطره
ويعرفوهم من شافوهم نزلوا يسلمون
عليهم ع واهس عابد صاروا يهوسون وياهم
والناس تباوع اني مني يمي فد خجلت علكوها عبالك عندهم عرس
شذام مايقبل يشغل اغاني ويحجي ويا عابد
حتى يطفي يريد يشغل وهذاك منطي وضع التطنيش خربنا ضحك

وصلنا الكربلاء ودخلنا صار ازدحام فد مره ع الطريق
ونزل عابد بنص الطريق يم السياره
نزلوا واكو جماعه شذام هواي من كربلاء وعابد هم
ومن شافوا شُعاع انصدموا بي
صارت الفرحه فرحتين
جابوا جكلين ويطشون ويهوسون
شُعاع مايحب هيج أجواء ركص واضح حتى ما تحرك
واكف ع صفحه يباوع عليهم ومبتسم الهم
صعدوا السياره ومشينا واكو بيهم اجوي ويانه
إلى أن وصلنا للأمام نزلوا
همَ واحنه بقينا بالسياره نباوع كدام الامام صاروا يهوسون طلعوا كل المنتسبين
الموجودين هناك من جماعه شذام
وكدام العالم فرحانين والناس فرحانه واكو بيهم
صوروا شلون يهوسون
احنه بس نباوع وبعيدين شوي عليهم
دخلوا يهوسون ..

تقرب عابد شمر هوسه الشُعاع وهو يباوع عليه ..
عابد " صبابه لمصبوبه لخوه بيني وبينك "
،رجع دخل واحد من جماعتهم يهوس
" والحر شيخلف شاهينه والحر شيخلف شاهينه "
النسوان كل الي بيدها جيس جكليت صارت
اطش فوكاهم
وهذول يهوسون وهلاهل واحد منهم صاح بصوت عالي
- وووسعووا وسسسعوووا " هاااا هاااا وانتَ التستاهل فص عيني وانتَ التستاهل فص عيني "
تقرب شذام من النص وهتف
- الشذام :- " هلا وميه هلا بهل العزوبيه بعد هاي المسافه ونكول بعد نضربهن ب ١٠٠ خالي جيتكم
عصابه وكله حنيه " ...
كمل الثاني وهتف " بس كول عباده الكاع نهزها وبس كول عباده ... "

إلى ان خلصوا وراحوا رجعوا نزلنا اني وعنقاء
وشفت لُجين
تقربت من يمنا واحنه هم صارت كدامنه
خرب هاي البنت حيل نازكه
سلمت علينه وتعرفنا عليها
ودخلنا حتى بدون تفتيش دخلنا جوه اني من شفت المكان
بجيت يا الله شكد مشتاقه اله اكعد هنا وارتاح
زرت وصليت وقريت قرآن
إلى أن ارتاحيت وبعدها طلعنا اني وعنقاء و لوجين للمكان الي
كالوا ننتظرجن بي لكيناهم هناك

عنقاء حيل تعبت ورادت تتمدد شذام كال خلي نروح
البيت خالتج ما اعترضنا ولو اني احس خجلانه
وما اعرف شلون اتصرف
وصلنا البيت خاله عنقاء نزلنا واني بيدي بنت عنقاء شايلتها اول ما فتحوا الباب ودخلنا صاروا
يرحبون بينه ويهلون وشكد عندهم بنات خير من الله وكلهن حبابات ..
وهم نسوان الكبار صارن يهوسن العنقاء وفرحانات بيها
واني بس صافنه اول مره اشوف هيج أجواء
بحيث الي تسلم عليه أصفن بوجها
إلى أن دخلت عنقاء تمددت جوه واني ضربتها الابره
ارتاحت فتره واني بقيت كاعده يمها
أخجل اطلع وافتر يمهن مع العلم هنَ فرفوشات ..

ماطولنا عندهم هواي وطلعنا رغم شكد أصروا
نبقى يمهم بس ماكدرنا وحتى
الولد ما قبلوا أصروا نروح
وصدُك شلت البنت بحضني والبنات الباقيات ساعدن
عنقاء حتى تصعد بالسياره
اني جنت اخر وحده بيهن منتظره حتى اصعد
يم عنقاء
ماحسيت الا صار وأحد بصفي
رفعت راسي لكيته شُعاع
شو هذا نظل راسه وهمس بأذني من دون ما احد
ينتبه
- شُعاع :- هينه يا خاتون اني اعلمج ..
ابتعد عني واشر الي اصعد للسياره خازرني اوووو
هذا شبي من صدُك تخبل
يمكن لان ما انطي عين ولا اهتم شكله مايحب احد يخلي
مو من اولوياته
صعدت بالسياره وانطلقنا ..

ورى ما رجعنا زرنا مره ثانيه حتى ناخذ فندق
ونبات هنا بكربلاء
دنمشي جان يصادفنا واحد طلع يعرف شُعاع وصديقه
بحيث حضنه بالخمس دقايق وهو حاضنه
مامصدك بيه ويبوس بوجهة وشُعاع خجلان منه
يطبطب ع ظهره ويضحك ويا ..
ورجع
بقوا هواي برى والناس هم رجعت تتفرج وفرحانين
ع فرحتهم
بعدها دخلنا زرنا مره ثانيه إلى أن ارتويت
صليت ودعيت
وطلعنا بالصحن

انتبهت ع الشذام كام وكف وراح يم شُعاع حضنه
بكل قوته ويحجي ويا
- الشذام :- هنااا كل يوم ادعي بالامامين كون
ترد اليه وما خاب ظني ورجعت الي ياخويه
- شُعاع :- عيني ونظرهااا يمك اني
- الشذام :- وما تعوفني للموت
- شُعاع :- وعد وهاي هنا بين الأمامين
- الشذام :- عضيدددي ..

فز عابد من مكانه وصاح بيهم ..

- عابد :- قححط شبيكم ولكم عبالك متزوجين شو وخروا
خزيتوناا
- الشذام :- احترام للمكان الي احنه بي ما ارد عليك
- عابد :- لا الله عليك رد شنو خوفتني دطير
- شُعاع :- بسكم يُبا كاافي الناس تتفرج عليكم شنو
ما تستحون زلم كل واحد شواربه تارسه وجهة
ويتتناكرون
- عابد :- ها اها سديت حلكي
- شُعاع :- عفية عليك

بعد ما طلعنا صار اليل ولازم نبات هنا لهذا رحنا للفندق
أخذنا غرفتين غرفه النا احنه البنات
وغرفه الهم
عنقاء بيومها صخنت والطفله صارت صفره الواضح صار بيها ابو صفار وطلبت منهم يجيبون علاج العنقاء و للطفله يجيبون الها ثوم وشويه أغراض
واني خليت الها الكانونه واهتميت بيها
حتى لُجين جانت ويانه خطيه هم تعبت بقيت اني مانمت خايفة لا ترتفع حرارتها مره ثانيه
ورجعت للطفله علكت عليها ٧ ثوميات شايفه ماما
قبل تسويهن لعلي من صار بي ابو صفار ويروح وتخلي
جوه الضوه او قريب منه
بقينا تقريبن يومين هيج احنه بكربلاء وهم الولد
يطلعون ماعرف وين ويرجعون
تحسنت صحه عنقاء والطفله واني ويا لُجين
صرنا صديقات بهاي اليومين لان سوه بقينا
إلى أن رجعنا البغداد ...

وصلونا وقبل لا يطلعون عنقاء ممنوع نطلع
برى واذا احتاجينا شي نروح ع حماها العنقاء نتصل
عليه وهو يجيب الي محتاجين اله
وصدك تركونا وطلعوا واحنه بقينا بالبيت ..

طلعوا من البيت ..

- شُعاع :- اكلك شذام خلب نروح لابو نوح
- الشذام :- ليش ؟
- شُعاع :- عاجبني اشوف وضعه شنو حتى كبل طنن
- الشذام :- ههههههه هاي انتَ دومك اتطنطن
- شُعاع :- يلا سماارات يلا يلا امشي ،
رحنا لابو نوح وصلنا للمكان الموجود بي ونزلنا
جاي نمشي حركت راسي والتفتت الشذام
اكلك شذام
- الشذام :- هاا
- شُعاع :- شو عاجبني اخذ الشركه .
فتح عينه مصدوم
- الشذام :- من كل عقلك ماتعرف بيها مصدر ما خيسه
- شُعاع :- اي يُبا غير انظفها من قذارتهم واخذها اني
- الشذام :- يعني تصير تاجر ؟
- شُعاع :- مممم نحتوي

صفن يباوع بوجهي بعدها رد عليه ..

- الشذام :- اكلك شُعاع
- شُعاع :- ها
- الشذام :- انتَ بس امي ما اخذتها ، ماخذين العراق كَباله هذيج الشركه وهاي الشركه وبعد وبعد
- شُعاع :- هااا يُبا وشفيك نبحت انهبد ما اسمع لك حس
اشششش
- الشذام :- قابل اني مجذب
- شُعاع :- لا عيني لا اغاتي كلامه صحيح هسه عوفك
منه وتعال نشوف هذا التيس
- الشذام :- خوش ..

دخلنا جوه لابو نوح للمكان الي حاطينه بي
صار كدامي ضحكت
- شُعاع :- ها شلووونك ولك ؟ رفع راسه يباوع الي بخزره
دفرته برجلي ، لككك عينك لا تباوع هيج
بعدين انتَ وين اريد توصل ...

- ابو نوح :- اااامحيك وامحي حتى الي جانت يمي وصارت يمك

من جاب سيرتها رفعت رجلي ودفتره بقوه
ع وجهة بحيث خشمه صار ينفر دم جنت لابس تمبرلاند
والضربه مالتها حيل قويه حسيت عظام وجهة تكسر
صح بي
- شُعاع :- شحدددددك أصول الها لك ****
ام النون محد يكدر يوصل الها ولا الاظفر منها والي يوصل الها اني انحي من وجه الأرض ، ااااحجي لك انتَ
تابع المنووو
- الشذام :- يعني راح يخاف ويحجي ؟
- شُعاع :- اذا خاف او ما خاف واذا حجه او ماحجه
مايهمني لان اول وتالي راح اقلع راسه عن جسمه
صاح بصوت
ابو نوح :- تخسسسه تقلع راسي
- شُعاع :- افتريت وفريت رجلي رفعتها وضربته بدفره قويه اجتي بكلبه صحت بي ، تخسسسه اذا عدتهااا
بوجهي اشوه وجهههك ايااااك

سحبت سجينه ام لياي بجيبي طلعتها تقربت
منه وشخطت وجهة خليته ينفر دم
وهو ما اهتز ولا بين ضعفه كدامي ضحكت بوجهة

- شُعاع :- تبين كدامي قوي مو بس لا انتَ ولا عشره من امثالك ولا دولتك ولا حتى جماعتك تباوعلي بهيج نظره
لك انتَ بأيدي مثل النمله ادوس عليها واجعصها جوه رجلي
- ابو نوح :- أعلى ما بخيلك اركبه
- شُعاع :- شذام شوف هذا
- الشذام :- شفته شفته
- شُعاع :- لك لازم ظهرك حيل قوي
- ابو نوح :- أعجبك
- شُعاع :- تقربت منه ، ظهرك لو ظهري
- ابو نوح :- نجرب
- شُعاع :- ميخالف ، رفعت نفسي ورجعت دفرته بقوه وكع
بالكاع وطلعت وهو يصيح ويهدد النذل ، شذام روح ارجع انتَ
واني عندي شغل
- الشذام :- وين ؟؟؟؟
- شُعاع :- روح هسه وبعدين افههك
- الشذام :- هاهي خويه براحتك انتبه النفسك

طلعت للشركه وجهزت كل شي وكل الإجراءات
وتأخرت بيهن بعدين رجعت للبيت وبيدي الملف
صار شذام بوجهي
- الشذام :- وين جنت ليش تأخرت
- شُعاع :- رفعت الملف بأيدي
- الشذام :- شنو هذا ؟؟؟
- شُعاع :- الشركه صارت الي ...
- الشذام :- فتح عيونه مصدوم ، كول والله يعني سويتها
- شُعاع :- شنو شايفني اتشاقه
- الشذام :- ههههههه كفووو والله صدك انتَ قول وفعل
بس شلون وشغلها
- شُعاع :- ارتبه اني واكيد راح انظفها واي واحد
يجي واشك بي ينعلس
يعني ما يطير طير الا ما يحط يمي وكل خياساتهم
راح تكون بأيدي
خاصه بعدهم ما يعرفون المدير منو
- الشذام :- الله لك شُعاع طلعت انتَ دااااهيه مو هين
- شُعاع :- اشرت ع راسي ، اهم شي تشغل هذا
وكل شي يصير جوه ايدك
- الشذام :- دومك ذكي
- شُعاع :- الباجر ضروري اتواجد بالشركه
- الشذام :- لازم بديت بيها
- شُعاع :- اي يُبا بديت ..

ثاني يوم صباحاً ..

- نارا :- انتبهت ع شُعاع مختلف حتى ما يبقى بالبيت
وضعه غريب وماعرف شنو بي كعدت من الصبح ع الصوت
طلعت لكيت شُعاع كدامي خرب غير بقيت صافنه عليه
بهت وجهي وفلت من شفت منظره كدامي
جان لابس قاط اسود من فوك للجوه حاضن اكتافه وهو اكتافه عريضه والحذاء مالته يلمممع لمع وشعره مرتب
ارتب من حياتي والعطر مالته اصل السابع جار حيل قوي
رفع راسه واجتي عيني بعينه ابتسم بوجهي وغمز
الي واني ضاعت علومي

ماحجه وياي ولا شي سحب السويج مال السياره
وطلع من البيت بكامل اناقته بقى عقلي يضرب اخماس بأسداس وين راح وشنو يسوي ويا منو راح يطلع هيج بهاي الاناقه بقيت اطحن بنفسي..

شُعاع :-
دخلت للشركه بكل هدوء انتبهت الموجودين نظراتهم
عليه إلى أن وصلت المكتب المدير دخلت وكعدت ورى
المكتب هنا صارت ضجه حيل جبيره وخبصه وكفت ع طولي فتحت زر الستره سحب جكاره خليتها بأيدي
وطلعت الهم

جانوا كلهم متجمعين يتهامسون بينهم من صرت كدامهم سألوني عن المدير واني بدوري وضحت الهم الشركه انباعت وصارت الي واني حالياً المدير وصاحب الشركه والكل الموجودين يبقون بشغلهم والراتب يبقى
جاري إلى أن اطمنوا ورجعوا الشغلهم
كلفت واحد بيهم يجيب كل الملفات حتى اشوف شنو
طبيعه الشغل ورحت للمكتب
كعدت انتظره اندك الباب قبل لا ارد انفتح ..

رفعت راسي انتبهت دخلت بنت اول مره اشوفها
يعني الواضح هي من من الشركه عقدت حاجبي مستغرب
خاصه طريقه كلامها وتصرفاتها جانت سافره ولبسها فاضح تقرب يم المكتب وكعدت اني
رجعت سندت ظهري للكرسي رفعت حاجبي ..

- شُعاع :- اتفضلي ؟؟
- اريد المدير
- شُعاع :- تفضلي
- لا اريد المدير ، انتَ المساعد مالته ؟
- شُعاع :- لا وياج المدير بنفسه ، شو هاي نظراتها تغيرت وصارت اطك بعلجها كدامي حتى صوتها تغير
- شو انتَ حلو
- شُعاع :- رفعت حاجبي ، اعجبج ؟
- اني احب هيج مُزز
- شُعاع :- وكفت وتقربت تفر بنفسها صارت يمي
كعدت كدامي ع المكتب صارت قريبه مني
اني ساند ظهري تارك مسافه
- شكد عمرك انتَ
- شُعاع :- جبير ..

مدت ايدها ع ازرار القميص صارت تلعب بيهن وعيونها عليه مركزه رجعت رفعتها وصعدت تتلمس بصدري
سحبت ايدها سريع هي فزت من حركتي
وكفت لفيت ايدها ورى ظهرها
- شُعاع :- من يا جماعه انتِ ؟؟؟
فزت خايفة
- شنوو ؟؟؟
- شُعاع :- سألتج انتِ من يا جماعه
- شنو تحجي انتَ
- شُعاع :- ماحجي اني شي بعدين يصير الحجي هسه تطلعين بدون اي صوت وياي اي كلمه او حرف
تنطقي اطلع بروحج مفهووووم ، هزت براسها
بسرعه البرق
- اي اي
- شُعاع :- يلاااا كدامي ..

سحبتها من ايدها وطلعتها وياي مشت كدامي
واني وراها إلى أن طلعنا من الشركه مشيت مسافه
واتصلت ع الشذام اجه فهمته الوضع
واخذها النفس البيت الي موجود بي المدير شمرها بي
واني رجعت اكمل شغلي بعدها
،رجع الي شذام خلصت الشغل ورجعنا للبيت ...

نارا :- دخلوا للبيت اثنينهم وشكلهم حيل تعبانين
اني طول الوقت ويا عنقاء والأطفال اهتم بيهم
همزين راح يوصون ع الاكل
سألونا شنو نريد و وصيناهم جابوا كباب وتكه
وتعشينا واني طول الوقت افكر وين راح وشنو سوه بس ما انطيته وجه ولا احجي ويا
ورى شويه استغربت من عنقاء فتحت الموضوع وياي.

- عنقاء :- حبيبتي كافي خلي نعقد الكم حتى يحل عليج
وتكدرون تكونون سوه بدون قيود إلى متى تبقون هيج
وانتِ ماعندج احد بس شُعاع يعني اذا لكه بيت واشترى
شلون تروحين ويا وانتوا ما عاقدين ها فهميني
ع الاقل خلي بينكم عقد سيد واذا ع الي سوه وياج ف انتِ
عاقبي وطلعي روحه
- نارا :- بقيت صافنه بكلامها بعدين همست الها
" موافقه " ..

اول ما عرفوا اني موافقه كعدنا سوه رفعت راسي
شفت شُعاع الفرحه تارسه وجهة يباوع عليه ويلعب يشواربه اني ماعرف ليش خجلت نزلت راسي
وكل ما ارفع راسي اشوفه عينه عليه إلا أن حجه ويا
الشذام بعد نظراته عني ...

- الشذام :- لازم تروح الاهلك يلا نعقد
- شُعاع :- لا أخذها الاهلي وهي بأسمي الا وهي زوجتي
- الشذام :- هاهي مثل ما تريد المهم انتوا الاثنين بينكم عقد حلال
نارا :- بقيت خايفة خاصه من حددوا القعد بعد ٣ ايام
بطني طول هاي الايام ماغصتني
عنقاء اتصلت ع اخواتها واجني للبيت وياي يجهزن بيه
بس هنَ حيل حلوات خاصه اختها الصغيره
وحل حبابات واريحيات ورى ٣ ايام
صار يوم الخطوبه واني خفت خوفه بس الله الي يعرف بيها
عنقاء والبنات جهزني ولبسني ورتبن كل شي واني
ضاربتها صفنه وكلبي يدك بدقيقه ماعرف شكد
اجوي هوااااي ناااس عائله عنقاء وعائله الشذام والاصدقاء كلهم وعابد وزوجته وناس هوووواي
بحيث من شفتهم انرعبت

اسمع برى هوسات وجماعتهم يهوسون وحتى الشذام
يهوس وأكثر واحد عابد عبالك زواج مو خطوبه
ولا عقد بسيط
كالوا راح نعقد ولازم اكعد قريبه من عند الباب
كعدني البنات وسوون الي كامل الطقوس الي تحلم بيها كل بنت واني الدمعه صايره بطرف عيني
فتحن القرآن وحطن اديه عليه
سمعت السيد صار يقرأ ويردد ماعرف شنو ماسمعت اي
شي
سأل شُعاع ورد عليه موافق رجع عليه
سألني
- نارا علي موافقه ع شُعاع..
اني بقيت ساكته كلبي يدك بقوه واديه صارت ترجف رجف
مو طبيعي تذكرت كل شي صار وياي
بوقتها ..
من شافني ساكته رجع كرر السؤال عليه عنقاء يمي تهمس الي حتى اجاوبه
رفعت راسي آلها باوعت عليها بعيون مدمعه هي هزت راسي حتى اجاوب ابتلعت ريقي بالمره الثالثه سألني
هزيت راسي وجاوب السيد ..

نارا :- لاا ..

^^^^^^^^^

خَل تفَض يلتلَمح تريّد نگلَك و تَرفض
ما عايَز مَريض يَسوي هَيچ وياي
انا مِن گاعَي مَتمرض
كَسرة بَشر يَسوة
ولا مَزاج يَرض
أريَد اخلَص أريَد اگطَع
ألي يَغمض عيونَه ويبچَي ما يَسمع
طلعَت روحَي هاي وعوّد ما بادين
چا بآخر ايامـَي ببيّش راح اطلَع .
يتبع ..

التوقعااااااات بسسسسرعه
.

.