قالت مريم لمينا : حروح اودي ياسر للحمام .
حملت ابنها وخرجت ... سارت مينا باتجاه مشغل الاغاني ووضعت اغنية ( Alors danse)
اغنية فرنسية ولكنها حقا تصلح للرقص .. بدأت ترقص ولم تلاحظ وجودي .. اثناء رقصها التفت ووجدتني امامها ... نظرت لي بصدمة .. اما انا فانفجرت ضاحكا : هههههههههههههههه ... طلعتي بنية .
سارت بغضب باتجاه مشغل الاغاني وانهت الاغنية .. نظرت لي بحدة وقالت : انجب .
- ههههههه اني انجب .
- اي اي انت ... متستحي تباوع علية .
- حمدي ربج تأكدت انج بنية .
اخرجت لسانها وقالت : عابتلك .
- من الانجب وعابتلك اتاكدت انج مايكل .
- هففففففف مضوجني متعرف تستأذن ؟.
- بيتنا شكو استأذن ... بعدين بنتي حلو رقصج فوق ما امدحج .
- لتمدح .. غير الموضوع قائلة : شخبار هاي حبيبتك مدري شسمها .
- هههههه اريام ؟.
- اي .
- زينة .
- شون حتتقربلها .
- هي لمحتلي انها تريد تبدي حب جديد .
- شنو قلب لو تكسي بس ينزل احد تركب واحد لاخ .
- اعصابج عيني .
- هفففففففف انتوا ضوجتوني .
- هههههههه احنا منو ؟.
- كلكم ماحبكم .
- ههههههههههههه لا عاد الا اني المفروض تحبيني .
- ليش بلة ؟.
- ماكلين سوية فلافل .
- ههههههههههههههههه.
(( اريام ))
وسام لم يتصل بي طوال هذه المدة .. ماذا ان نسيني حقا ؟... تجرأت واتصلت به ... لم يجبني .. اتصلت به مرة اخرى .. ولكن في هذه المرة اجابني ..
- نعم .
استنكرت رده هذا .. قلت : اشو تقولي نعم .
- لعد شقولج ؟.
- طول هالفترة مسألت عني ولا...
قاطعني : ارجوج اريام لتزعجيني باتصالاتج .
فتحت عيني وانا مصدومة !... قلت وانا اشعر انني بدأت اختنق : شدتقول !.
- اني مرتبط حاليا .
- شنوووووووووو !.
- يلا ماريد اطول وياج خاف تتصل تلقاني مشغول عنها .
شعرت بالقرف من نفسي لأنني اتصلت به ...
انهيت المكالمة بسرعة وانا لا اتنفس بصعوبة .... لماذا يحدث لي كل هذا ؟.. مالذي الذي اقترفته ؟...
فكرت بخطة اجعله يندم لأنه تركني ... ببساطة ان ارتبط بعلي ... علي هو الحل المناسب ... اسندت ظهري على الكرسي وبدأت افكر ...
(( علي ))
في صباح يوم الجمعة رن هاتفي ... كنت قد استيقظت من فترة بسيطة ولكنني فضلت ان ابقى مسلتقيً على فراشي ... التقطت هاتفي من الطاولة التي بجانب سريري ورأيت اسم المتصل ... اندهشت عندما رأيت اسم اريام !...
اجبت : الو .
قالت بصوت ناعم ورقيق : صباح الخير .
ابتسمت واجبت : صباح النور .
- اسفة قعدتك من النوم !.
- لا عادي اني من شوية قعدت .
- شلونك ؟.
- الحمد الله انتي شلونج ؟.
- تمام ... شعندك اليوم مشاوير ؟.
- مادري والله .
- عادي نطلع سوية ؟.
بقيت صامتا ... استرسلت هي قائلة : اعوضك عن الطلعة مال ذاك اليوم ؟.
- اوكي .. وين ؟.
- شنو رأيك بمرسى الجادرية ؟.
- اوكي .
- حلو لعد اليوم ع الساعة 5 زين ؟.
- كلش زين .
قالت : اشوفك هناك لعد .
- اوكي .
نهضت من سريري بنشاط وانا اشعر ان هناك طاقة غمرتني بالنشاط ... دخلت لأستحم وبعد ان خرجت فكرت ان اتصل بمينا ..
اجابتني بصوت ناعس : ممممم.
قلت بحماس : قومي قومي قومي .
- شكو ؟.
- تعاي بيتنا .
- شدتحس ؟.
- احس اريد اشوفج ؟.
- ممممم .
- يلا قومي .
- مابية حيل .
- قومي حسويلج ريوق بيض وطماطة وجاي وجبن وكل الاكل .
- اذا هيج يلا هسة جاية .
- ههههههههههههه يلا انتظرج ام بطن .
انهيت المكالمة ولكن بعد ثانيتين اتصلت مينا ... اجبتها : ها شنو غيرتي رأيج ؟.
- لا طبعا بس شحتطبخون عالغدة ؟.
- مادري اقول لأمي تسويلج دولمة ؟.
- ياريت فدوة واهم شي حطو باجلة بالجعب وضلوع وحامضة وبيها حرورة ولاجعة احبها .
- هههههههههههههههههههههههه شدتحسين بربج !.
- احس بالجوع ههههههههههه .
- ههههههههههه يلا انتظرج .
(( اريام ))
كتبت على الفيس بوك لأجعل وسام يقرأ مانشرت ... ( OMG .. I 'm so exited for my date today .. with A )
بعد نصف ساعة رن هاتفي .. قفزت فرحا وانا اتناول الفطور ظننته وسام ولكن خاب ظني عندما رأيت اسم علي ...
اجبت بنعومة : الو .
- لهدرجة متحمسة للموعد مال يوم .
- ههههه قريت شكاتبة !.
- اي .
- احس رح نتونس وبعدين لتنسة القعدة وياك حلوة .
- القعدة حلوة بوجودج .
- تسلم ويلا روح دأسوي مونيكر .
- اوكي اشوفج .
- باي .
(( علي ))
اتت مينا وتناولت الفطور معها ...بعد ان انتهينا من تناول الفطور قلت لمينا امام امي : مينا ممكن تجين تعزلين وياي غرفتي .
امي : ابني عيب جان قتلي اسويها .
قالت مينا : لا لا عادي احب الشغل .
امي : فديتج معدلة .
غمزت لي ففهمت انها تريدها زوجة لي ... ضحكت لتفكير الامهات ... صعدت الطابق العلوي انا ومينا وهي تسألني : جايبني انظف افندي .
- لا عيني اريدج تختاريلي لبس لليوم .
- اوكي .
دخلنا الغرفة وفتحت خزانة ثيابي ... قلت لها : شنو البس .
دفعتني بيدها وقالت : وخر انت ع صفحة واني اشوف .
- خفي علينا جويل .
- طير بابا جويل منو يمي .
- باع الغرور ياربي .
نظرت لثيابي بعدها قالت وهي تضع يدها على خصرها : ملابسك معاجباتني .
- هذا الموجود .
- ممممممم لحظة ... جيبلي هذا التيشيرت الي بالجيس .
نهضت من على الكرسي واقتربت من الخزانة .. تناولت الكيس الشفاف الذي في الاعلى ... اخذته مني وفتحته قائلة : هذا الي ادور عليه .
- دطيري مالبس تيشيريت احمر .
- لعد شكو مشتريه ؟.
- صديقي سافر وجابلياها .
- هي بومة ولك هذا بولو يشكك .
- ماريد .
- مو بكيفك محد طلب رأيك ... باوع تيشيريت بولو احمر وعندك بنطرون صحراوي ع بني هيج شي ... وحذاء بني غامق .. وانت معضل يلوقلك لبولو خصوصا من يم الزند لأن عدك خوش عضلة يضب عليها .
نظرت لها بدهشة وقلت : انتي منيلج هالسوالف خبرة !.
رفعت رأسها للاعلى وقالت بفخر : ابني اني ذواقة .
- زين وبس هاي .
- شنو قابل تحطلك حمرة .
- هههههههههه عابت وجه الجوب .
- ههههههههههه وجه الطاوة .
- زين وشعري .
- شعرك هذا اختصاصي اني اسويه .
- لج انتي متأكدة بنية .
- بابا هنيال الياخذني البسه واظبطه واكشخه .
- اي والله هنياله .
(( اريام ))
وصلت للمقهى الذي اتفقت عليه مع علي بعد خمسة واربعون دقيقة من الموعد المحدد احببته ان ينتظر فالاميرات دائما يتأخرن وان كان يريديني فل ينتظر ...
نهض هو مبتسما عندما راني اسير باتجاه الطاولة التي يجلس عليها ... قلت بصوت ناعم : سوري تأخرت .
- لا عادي مو مشكلة .
بصراحة كان يبدو وسيما للغاية وذوقه رفيع في اختيار الثياب ... جلست على الكرسي الذي امامه ...
قال : طالعة تخبلين .
ابتسمت بخجل وقلت : عيونك تخبل .
نادى للنادل وسألني : شنو تشربين ؟.
- عصير فراولة .
قال هو للنادل : عصير فراولة وواحد برتقال .
انصرف النادل فابتسمت لعلي وابتسم لي ... قلت : بصراحة اذا اني هسة مرتاحة وبالي صافي فهو بسببك .
سألني مستفسرا : ليش ؟.
- لأني قدرت اتخلص من وسام ونسيته .
- صدق !.. يعني هاهية .
- هالشي بفضلك ... لأنك موجود بحياتي .. لوما انت جان الله اعلم شسويت بنفسي .
- قولي ياالله .
- شكرا علي على كل شي .
- مسويت شي هذا واجبي .
اتى النادل يحمل لنا العصير ... وضعه امامنا وانصرف ...
(( علي ))
بقيت اثرثر معها الى ان نظرت لساعتها وقالت : اووه تأخرت لازم ارجع .
نهضت وقلت : اوكي اوصلج .
نهضت هي وسرت بجانبها ... استوقفت سيارة اجرة وركبنا ... اوصلتها لمنزلها ولوحت لي عندما ترجلت من السيارة ... بعدها عدت للمنزل .. وانا في الطريق وردتني رسالة منها .. كتبت بها ( احبك علي ) .. قرأت الرسالة عدة مرات .. عاودت قراءة احرفها ... بعثت لها : اني !.
بعثت الي : ماتجرأت اقولكياها وجه لوجه ... بس اني ماطلب منك تحبني بقد ماحبك بس حبيت ابينلك شعوري تجاهك .
كتبت : شتقولين اني احبج اكثر .
بعثت الي وجها خجول ... ابتسمت بفرح اخيرا !!... عندما وصلت للمنزل اتجهت بسرعة لغرفتي وبدأت استمع لأغنية بلغ حبيبك ...
بسرعة تذكرت مينا وفكرت ان اخبرها بما حدث ... اتصلت به على الفور .. اجابتني بحماس : ها بشر .
- احبببببببببببببها ولج احبها .
- ههههههههه مبروك خبل شنو قتلها ؟.
- اي وقالتلي .
- اخيرا ... تستاهل كل الخير .
- فديتج انتي والله .
- اشكرك هههههههههه .
- باعي عازمج على كباب يلا تحضري حمرلج .
- هو هذا الحجي المفيد ههههههههههه.
- فد يوم حموتج انتي وبطنج لج كافي اكل .
- يعني هم حديقة وهم ماكل !.. ترضاها علية ؟.
- مو من كثرة الاكل حتظلين طول عمرج حديقة .
- اني مرتبط ببطني ههههههههههه.
- هههههههههههههههههههههههههه خبلة واحبج .
- ولك لتقول هالحجي الي قوله لحبيبتك .
- اي تحضري ولج خل اخابرها .
- طاح حظك وحظ كل المكبلين .
(( اريام ))
في يوم الاحد ذهبت للجامعة وانا ارغب برؤية وسام لاسيما ان راني مع علي ... جلست في الحديقة اعبث بهاتفي سمعت صوت احدهم بقربي : اريام .
رفعت رأسي ورأيت مينا .. قلت : نعم !.
- علي قالي ع انكم ارتبطتوا .
ابتسمت لها وقلت بتحدي : اي جاية تباركيلي !.
- لا ع شنو ابارك ؟.. بس سؤال من شوكت حبيتيه ؟.
- وانتي شعليج ؟.
جلست بجانبي وقالت : مو انتي تصفنين الواحد من كم اسبوع مسوية حفلة لحبيبج واحبك واحبج وهسة مرتبطة بواحد لاخ !.
قلت بغضب : ماسمحلج تدخلين .
- مامنتظرة انج تسمحيلي باعي علي يحبج وياويلج لو جنتي دتلعبين عليه .
- هو مو صغير .
- اي بس هو طيب ويصدق ناس جذابة .
قلت باستهزاء : مثلج انتي !.
- حبي ليش عبالج الناس كلها مثلج يعني اذا انتي جذابة غيرج لا .
نهضت بغضب وقلت : انتي غيرانة من عدنة تعرفين ليش ؟... لان محد معبرج غير علي وهسة حيعوفج .
- والله اني مو تافهة حتى افكر طول الوقت ارتبط بفلان واعوف علان وهالحجي الفارغ .
نهضت ببرود وغادرت !...
(( علي ))
دخلت للمقهى بعد ان انهيت محاضرتي .. رأيت مينا تجلس كعادتها بمفردها .. سرت اليها وحين وصلت بالقرب منها قلت : صباح الخير .
رفعت رأسيها وابتسمت قائلة : صباح النور تفضل .
- شعجب مدتاكلين .
- هههههههه ولي متريقة بالبيت .
- هههههههههه مو انتي عدج كذا ريوق .
- اي حتى اركز جاية ادرس يعني لازم اتغذى .
- هههههههههههههه .
نظرت لي بجدية وقالت : ممممم فكرت بالموضوع .
سالتها : ياموضوع ؟.
- موضوعك انت واريام .
- اي !.
- علي بدون زعل بس اريام شوكت حبتك ؟.
صمتت قليلا احاول ان اجمع اجابة لها ... قلت : اني اعرفها من بداية السنة واحنا جنا اصدقاء و...
- ماعتقدها بهالسرعة نست حبيبها .
- لا نسته لأن هو خانها والمرة من تنخان تنسى .
اشارت الى نفسه وقالت : المرة من تنخان تحاول تثبت نفسها .
- شون يعني .
- تبين ان اكو ناس بعد يحبوها ويريدوها مثلك انت .
- اريام متفكر مثلج ترا .
- هذا ابسط تفسير ع تغيرها الوحيد ومصرحتها بحبها الك .
قلت بصرامة : اريام متفكر مثل تفكيرج .
رفعت صوتها قائلة : ليش !.
قلت بغضب : انتي لتقارنين نفسج بالبنات لأن تصرفاتج مو مثل البنات .
لحظة انتهائي من نطق هذا الكلام ندمت ... نظرت لها وانا مصدوم من نفسي كيف تجرأت ان اتفوه بهذا ؟...
امسكت بحقيبتها ونهضت .. نهضت نا وقلت : مينا .
قالت بصرامة لي : وخر .
- مجنت اقصد .
- خل هذيج تفيدك .
- بلة هالحجي .
- هاي صوج الي ينصحك والي خايف عليك .
- ماكو داعي تنصحيني بعدين انتي دتقولين هالحجي عن اريام لأنج متعاركة وياها .
- اني هاية متهمني طز بيهة انت الي تهمني ماريد وحدة مثل هاي تلعب عليك.
اشرت بيدي قائلا : مينا روحي ماريد اسمع منج كلمة زايدة .
نظرت لي بعتاب وسارت لتخرج من المقهى ...
(( اريام ))
كنت اهم بالدخول لمحاضرتي ولكنني رأيت سارة تسير غاضبتاً باتجاهي ... ابتسمت وانا اخمن انها علمت بارتباطي بعلي ... توقفت امامي وهي تلتقظ انفاسها ... سالتها : حبيبتي شبيج ؟.
- انتي وحدة جذابة ومتستحين .
- احترمي نفسج شهالحجي .
- تنصحين بية ماعوف علي وانتي طلعتي دتلعبين عالحبلين مو بالله !.
- حبيبتي اللعب عالحبلين هاي اساليبج مو اساليبي .
صرخت : تستاهلين وسام يخونج عافج مثل الجلبة رحت تركضين ورا علي .
- ههههه مرح ارج على وحدة تافهة مثلج .
همت لضربي ولكن علي لا اعلم من اين اتى ولكنه امسك بيدها ... صرخ بها : احترمي نفسج .
قالت سارة بصوت عال : علي هاية جذابة متحبك اني احبك .
علي : سارة اني احبها وكافي تنزلين نفسج اكثر من هيج .
بدأت تبكي وتقول : الله يخليك لتصدقها .
قال علي بنفاذ صبر : روحي منا .
رحلت وهي تبكي والجميع ينظر لها بدهشة ... بدأت امثل واتظاهر بالحزن .. نظر لي وقال : حبيبتي شبيج دتبجين .
- سفة كله بسببي خربتلك صداقتك وياها .
- لا عيوني مالج علاقة .
رفعت رأسي وقلت بتمثيل مع القليل من الدراما : علي والله اني احبك ومدالعب .
- واني اموت عليج ومصدقج .
(( علي ))
مضى ثلاث اسابيع على علاقي باريام ... في الواقع اشعر انني لست حقا في علاقة حب لأن كلامنا عاديا جدا ... اتصالاتنا قليلة .. لا اعلم ان كانت تتحجج او انها حقا مشغولة ...
والاصعب انني لا اتحدث مع مينا على الاطلاق ... اراها احيانا في الجامعة ولكنها تتظاهر بعدم رؤيتي ...
اليوم هو يوم مولد ابن اختي لذ والدتي قررت ان تقيم حفلة له في منزلنا .. دعونا الاقارب .. وايقنت ان مينا لن تأتي فكم مرة اتت عائلتها ولم تأتي معهم ..
كنت جالسا في الحديقة على الارجوحة ... دخلت اختي وهي مبتسمة تحمل ابنها وزوجها .. نهضت وسلمت عليهم .. قبلت ابن اختي بعدها ذهبت لأغلق الباب خلفهم .. ولكنني صدمت بمينا !!!...
نظرت لها بدهشة ولكنها كالعادة لا تهتم ... لأول مرة كانت ترتدي فستان لونه وردي وشعرها القصير جعلته ( كيرلي )... قالت بنفاذ صبر : وخر دافوت .
ابتسمت وانا احاول ان استفزها : انتي منو ؟.
- هاهااها .. متضحك .
- منو قلج اضحكي .
- خليني افوت .
- ماكو مانخليج جايبين اكل قليل وخاف تاكليه .
- ماريد منكم شي .
- هسة صرتي ماريد منكم شي لعد وجداري الدولمة نسيتيها .
وضعت يدها على خصرها وقالت : توخر لو اضربك ؟.
- ههههههههههه لك هلا والله بمايكل .
- مايكل بعينك بعينك بعينك .. كل هالوردي وتقولي مايكل .
- لابسته علمودي ؟.
- خايب دطير البسه علمودك ابو حلك ليش ؟.. منو انت .
- يمة يمة من لسانج شنو هاي .
- انتوا تضوجوني .
- هههههههههههههههه .. وربي طالعة تخبلين .
- انجب .
- تعرفين لاحظت شغلة .
رفعت حاجبها وقالت : شنو ؟.
- انج من تستحين تقولين انجب .
- انجب .
- هههههههههههههه ها استحيتي .
- منو انت استحي منك .. ولك وخر شنو حبقة بالباب ؟.
- مو خاف اطبجج وتاكلين الكيكة .
- اني جاية علمود الكيكة .
- ههههههههههههههه حافظج .
(( اريام ))
كنت شاهد فيلم في غرفتي على الـ ( لاب بتوب ) عندما رن هاتفي .. نظرت لهوية المتصل انصدمت !!... وسام ؟...
بدأت يداي ترتجفان .. بلعت ريقي واجبت : أأ.. لو .
- هلو اريام .
- نعم .
- ادري متريدين تحجين وياية وضايجة مني .
- لعد شكو متصل ؟.
- اني اسف .
- ههه شتفيد ؟.
- سمعيني .
- قولي .
- بصراحة جربت من بعدج بنات بس ملقيت وحدة تحبني بقدج .
- تذكر من جنت اقولك محد يحبك بقدي وانت متصدق !.
- للاسف صدقت بعد فوات الاوان .
- لا .
- شنو لا .
- اني بعدني احبك .
- وعلي سمعت قالوا مرتبطة وياه .
- لاهو يحبني بس اني ماحبه .
بقيت اثرثر معه ... بعدها انهيت المكالمة وانا اكاد ان اطير من الفرح لأنه عاد الي اخيرا !!!... خطتي نجحت ... نظرت للساعة التي كانت تشير للحادية عشر مساءاً ... رن هاتفي مرة اخرى ... ولكن هذه المرة كان علي ...
اجبته : حبيبي .
- حياتي وينج مختفية اليوم .
- مقضيتها فرجة ع افلام هندية عشق .
- هههههههه لو تحبيني بقدهم .
- احبك اكثر بهواية .
قد تتسائلون لماذا مازلت اتحدث مع علي بعد ان عدت لوسام ... ببساطة ان حاول وسام التلاعب بي او اهملني سيكون علي موجود ...
(( علي ))
التقيت باريام في الجامعة .. بدأت اثرثر معها واثناء حديثنا اتت مينا مبتسمة وترتدي ثياب انيقة في الاونة الاخيرة ...
قالت : صباح الخير .
- صباح النور .
اشاحت اريام بوجهها للجهة الاخرى لا تريد ان ترى مينا ... قالت مينا : سوري ازعجتكم ؟.
قلت : لا لا عادي .
اريام : والله دتشوفين واحد وحبيبته وتعرفين هذا ازعاج .
- اريام !.. نظرت لاريام بصرامة .
قالت مينا: يلا بعدين اشوفك باي .
- مينا انتظري .
مينا : وراي محاضرة باي .
غادرت مينا فنظرت لاريام بعتاب .. قالت : لهدرجة تحبها !.
- شهالحجي .
- خلص خليها تفيدك .
نهضت هي فنهضت معها .. قلت : لتكبرين السالفة .
- السالفة مبينة .
وغادرت ...
(( اريام ))
كان وجود مينا حجة لأتشاجر مع علي واتركه فترة وان شعرت ان وسام اهملني ساعود اليه .. ولكن وجود مينا يقلقني بجانبه يجب ان افكر كيف ابعدها عنه ...
اتصلت بوسام مساءا ... اجابني بحب : حبيبتي .
- قلبي انت .
- محاجيتيني العصر .
- جنت نايمة .
- نوم العوافي .
- على قلبك .
- احسج بعدج ممسامحتني .
- ليش تقول هيج ؟.
- بالجامعة مداشوفج .
- مو .. لأن .. بنت عمي جتي بالجامعة اخاف تقول لأهلي .
- اها .. زين اريد نقعد سوية .
- شوكت ؟.
- مممم الاحد ؟.
- اي اوكي .. اشوف محاضراتها شوكت حتى لتشوفني .
- اوكي قلبي .
(( علي ))
اتصلت بي سارة مساءا لم اجبها ... بقيت تتصل وانا ازداد تجاهلهاً لها .. الى ان سمعت صوت باب غرفتي يُقرع .. نهضت لأفتح الباب فوجدت امي ..
قالت : علاوي سارة تريدك جوة تقول موضوع مهم علمود الكلية مدري شنو .
زفرت بقوة ونزلت للطابق السفلي .. دخلت غرفة الضيوف .. نهضت هي عندما رأتني ..
قلت بنفاذ صبر : شتريدين ؟.
- رح ابينلك ان اريام تجذب عليك .
- لتتهميها فاهمة !.
- ماتهمها بس يوم الاحد رح تقعد ويا وسام لانهم رجعوا لبعض .
- يجوز وسام يستدرجها انتي وياه متفقين .
- مو من مصلحتنا .
- لا من مصلحتكم ... روحي مرح اصدقج .
(( اريام ))
اتصلت بعلي في الساعة التاسعة مساءا ... لم يجبني في المحاولة الاولى .. في المرة الثانية اجاب : الو .
- وينك متردد !.. لو مسوي نفسك زعلان .
- لا مازعل منج .
- فديتك .. اني اسفة .
- لا لتعتذرين اني الاسف .
- مممم شنو رأيك نطلع يوم الاحد ماريد اروح الجامعة .
- تغيبين ؟.
- اي وغيب انت وياي .
- اوكي ماعندي مشكلة .
وهكذا اتفقت معه كي يذهب هو بمفرده وانا اذهب للقاء وسام ...
واتى يوم الاحد ... ذهبت للجامعة وضربات قلبي تخفق بقوة ... تأنقت وحرصت على ان انال اعجابه ..
وصلت لمقهى الجامعة ابتسم وهو ينهض من على كرسيه ... ابتسمت وقلت : صباح الخير .
- صباح الورد ... طالعة تخبلين .
ابتسمت بخجل وقلت : تسلملي .
جلست امامه .. نظر لي وسألني : شنو تشربين ؟.
- اي عصير .
- حقوم اطلبلنا .
- اوكي .
ولحسن حظي انه عندما نهض رن هاتفي ... رأيت اسم علي .. اجبت : الو .
- حبيبي وينج اني دانتظرج .
- حبيبي ازدحام ابقى انتظري .
- اوكي .
(( علي ))
انهيت المكالمة وانا انظر لها بقهر وهي تضحك مع وسام .. قالت سارة : ها شفت شلون !.
سرت باتجاهه طاولتهما .. قلت : اريام .
التفت خلفها وصدمت عندما رأتني !...
قلت : جذبت الكل علمودج وعفت الكل وانتي دتعلبين علية !!!.
نهض وسام وقال : ههه حتى لتلومني من اروح ويا وحدة غيرها .
نظرت لوسام بصدمة هي وقالت : وسام شتقول اني سويت كل هاي علمودك .
وسام : عبالج ارجعلج بعد مارحتي ويا واحد ثاني .
اريام : اني جنت وياه علمودك علمود تضوج وترجعلي .
ضحكت انا وقلت : ههههه انتي وحدة ساقطة .
قالت بغضب : وانت واحد متستحي تحبلك وحدة عدها حبيب !.
- معاج حق اني الغلطان احب وحدة مثلج .
وسام : يلا عن اذنكم .
امسكت بيده وقالت وهي تترجاه : وسام الله يخليك لتعوفني .
دفع يدها وقال : وخري بابا .
وغادرت انا ايضا والجميع ينظر لها وهي تبكي ...
(( اريام ))
مضى على ماحدث شهران وانا مصدومة ... لا احد يتحدث معي في الجامعة .. الجميع ينظر لي بقرف وكأنني قتلت احدا .. جالسة بمفردي على احد كراسي هذه الجامعة ... وحيدة لا يسال عني احد ..
كل ذنبي انني احببت شخص لدرجة الثملان !!... فعلت كل شئ من اجله .. تلاعبت بقلب شخص اجله .. وماذا فعل هو تركني بسهولة ...
(( علي ))
دخلت لمقهى الجامعة كالعادة ... وجدتها تجلس في مكانها المعتاد ترتدي ثياب جميلة جدا وحجابها زادها جمالا ... منذ شهر تقريبا قررت ان ترتدي الحجاب .. كنت فخور بها وفخور بما قالته : من ماما ماتت لبست اسود علمودها وهملت نفسي بس متأكدة مو هذا الي رادته ... حتى اخليها سعيدة بقربها قلت اتحجب وتفتخر بية .
ابتسمت وانا اتذكر ماحدث ... سرت باتجاهها وقلت : صباح الخير مايكل .
رفعت رأسها وقالت : صباح النور.
سحبت كرسي وجلست ... قالت : شونك ؟.
- الحمد الله .
- تعرفين ع قد ماحب هالمكان لاني اقعد وياج بيه ع قد ماكرهه يذكرني بــ..
قاطعتني : حتنسى وداعتك رح تنسى .
- شوكت .
- السالفة محتاجة وقت .
- زين عندي فكرة .
- شنو ؟.
- احبج وتحبيني .
- خايب دطير .
قلت بدهشة : خايب ودطير !.. متأكدة جاية من السويد .
- هههههههههههههههههههههههه اي .
- شنو متحبيني !.. لعد من كتلتي روحج حتى اعوف اريام شنو ؟ز
- دمشي ابو حلك احبك انت .
- شبية معاجبج .
- لا بعد وكت انسى ع راحتك وخلينا نعيش حياتنا والله كريم .
- صح كلامج .
- بعدين باوع ترا الحياة مو بس كلها حب .
- لعد .
- بيها اشياء اهم .
- مثل شنو ؟.
- مثل الاكل .
- ههههههههههههههههههه .
نهضت وقالت : قوم قوم اكو محل مال كبة فتح يم االجامعة يخبل .
- ههههههههه ام بطن متبطلين من سوالفج .
سرت بجانبها لنخرج من الجامعة ... اثناء سيرنا قلت لها : بس وعديني وعد .
قالت مستفسرة : شنو ؟.
- اذا نويتي تحبين متحبين غيري .
- ههههههههه اوكي تدلل ... انت انسى هسة وكل شي بوقته احتمال اجي لبيتكم بيوم واخطبك .
- والله مايكل تسويها انت .
- هههههههههههههه .
هي محقة ربما .. اغلب همنا عندما ندخل مرحلة جديدة ولاسيما الجامعة يكون همنا هو ان نحب ... ولكن الحياة ليست حب فقط .. هناك اشياء اخرى مهمة ... الحب مهم ونحتاجه ولكن كل شئ حولنا له حق علينا ... مستقبلنا ودراستنا .. صحتنا .. عائلتنا .. اخرتنا .. كل شئ ..
النهاية ...
@farahsabri_
بقلم : فرح صبري