اجبتها : هلا حياتي .
- قلبي يوجعني .
- خير حبي شكو ؟.
- تعرفين هذا الاحساس من حبيبج يقولج كلام وانتوا هستوكم بادين علاقة تحسين بعدج ممصدقة .
- اي قلبي اعرف هالشعور ... بس شنو تحبين ومقايلتلي ؟.
- لا مو تونا بادين .
- زين منو واحد ويانا بالجامعة .
- علي .
قلت بدهشة : علي منو ؟.
- علي صديقنا كم علي نعرف !.
بقيت انظر لما كتبته ... علي يحبها !.. كتبت : انتوا مو اصدقاء !.
- جنا بعدين صرنا حب .
- اها .
- باعي .
ارسلت لي صورة لمحادثة بينهما يخبرها انه يحبها .... بدأ يسيطر علي ... حبهما سيخرب كل شئ !.. ولاسيما ان علم وسام بذلك سيعود لتجاهلني ...
رأيت رقمه في اعلى المحادثة ... نقلت رقمه وحفظته في هاتفي ..
(( علي ))
كانت الساعة تشير للحادية عشر قبل منتصف الليل ... وصلتني رسالة على تطبيق ( فايبر ) كتب فيها من رقم غريب : متوقعتك هيج مع الاسف .
كتبت : منو ؟.
- انت واحد ملطلط .
- هي هي منو انت\ي احترم\ي نفسك\ج .
- سخييييييييييييييييييف كلش كلش سخيف .
- اني غلطان ارد ع هيج ناس .
- اني اريام .
انصدمت !!... كتبت لها : اريام !.. شكو ؟.
- شنو بينك وبين سارة .
- شهالسؤال هي صديقتي واكثر من اختي ... بعدين شكو دتسألين وهيج تغلطين شبيج !.
- لأنك قايللها تحبها والبنية متأملة بيك واني اخاف ع صديقتي .
- شدخل !!.. اني ماقلت هيج شي .
بعثت الي صورة لمحادثة بيني وبين سارة ... ضحكت كثير عندما فكرت انها شعرت بالغيرة ...
كتبت : ها اشو سكتت .
- ترا اني احبهة مثل اختي ومتعود اقوللها هيج لأنها مثل اختي شقة .
- صدك !!.
- اي والله .
- زين قوللها لان هي قالت انك تحبها وحبيت اتأكد من مشاعرك احب سارة هواي وماريدها تنجرح .
- لتخافين اني حدبر الموضوع .
- اوكي ... صدك شونك ؟.
- الحمد الله انتي شونج ؟.
- بخير .
بقيت اثرثر معها للساعة الثانية عشر في منتصف الليل وبعدها انهت حديثنا لأنها ستتصل بوسام .... شعرت بخيبة امل كبيرة هو ببساطة لا يستحقها ...
في اليوم التالي ذهبت للجامعة باكرا كان هناك طلاب قليلين ... ذهبت لنادي الهندسة لأتناول الفطور .. اثناء دخولي للمقهى صدمت بأحدهم .. قلت له : اسف اخوية .
سمعت صوت نسائي : هيي شنو اخوك .
ركزت انها فتاة ولم انتبه لها .. كانت ترتدي بنطال قماش لونه رمادي واسع .. و ( سويتر ) اسود تغطئي شعرها .. كانت قصيرة القامة ملامحها ناعمة باختصار ( بيبي فيس ) ..
قلت : منتبهت .
رفعت حاجبها وقالت : ركز مرة ثانية .
احببت ان ستفزها فقلت : لبسي عدل واني حركز .
خصرت قائلة : شبيه لبسي .
- جنج ولد .
- ولد بعينك .
- باع باع الصوت البنية تكون رقيقة .
قبضت يدها وكأنها تريد ان تضربني : لتستفزني ترا اكتلك .
- ههههههههههههههههههه تأكدت هسة انتي ولد .
- اقول ترخص يلا .
سارت متجهة لتطلب لها الطعام سرت خلفها وطلبت ... اخذت قهوتي والفطيرة وجلست على احدى الطاولات .. كانت هي تجلس بالمصادفة في الطاولة التي امامي .. ابتسمت ونهضت سرت باتجاه طاولتها ..
رفعت رأسها ونظرت لي وهي ترفع حاجبها ... قالت : ماكو داعي تتأسف .
- هههههههههههه شتأسف منك ابو الشباب .
- لعد شكو جاي !.
- بس داقولج نصيحة من اخ لأخوه صيري رقيقة حتى لتبقين قاعدة بحدج وواحد من الولد يعبرج .
نظرت لي بحدة وقالت : امشي منا ملطلط .
اندهشت وقلت : اني ملطلط .
- اي شنو مصدوم حضرتك محد قالكياها من قبل .
- وانتي محد قالج انج جكمة !.
- مو مطرة اعجبك ولا اعجب احد من الي هنانة .
- دامشي مسوية بيها كاتي بيري عود .
تركتها وعدت لطاولتي ... بدأت احتسي قهوتي وانا اعبث في هاتفي .. كتبت لسارة رسالة : وينج خبلة !.
ردت : هسة حجي للجامعة .
- يلا انتظرج .
اتت سارة وجلست امامي بابتسامة ... قالت : صباح الخير .
- صباح النور شونج ؟.
- الحمد الله .
- شعجب جاي من وكت ؟.
- ملان هيجي .
- لا بربك .
- ههههههه والله .. انوبة شفت بنية قمت اتناقر وياها .
- هههههههه ليش خطية .
- موداقولج ملان .
- زين قوم اطلبلي .
- تدللين شتريدين ؟.
- بس جاي ماشتهي .
- اوك .
احضرت لها شاي وبعدها بقينا صامتين فكرت ان افاتحها في الموضوع ولكنني خفت ان اجرح مشاعرها ...
(( اريام ))
اتجهت للجامعة وانا في غاية حماسي لأن يوم ميلاد وسام بعد غدا لذا قررت ان اتفق مع صديقاتي لتحضير مفاجأة له ...
اثناء جلوسي معهن رن هاتفي .. نظرت للمتصل علي لم اجبه لأنني فكرت ان اقلل علاقتي به هذه الفترة كي لا تتوتر علاقتي بوسام ...
اتصل مرتان وبعدها توقف عن الرنين ... اتت سارة تسير باتجهنا .. جلست معنا وقالت : هلاو .
الجميع : هلاو .. هلا حبي .
ابتسمت وقلت : شونج حبي ؟.
سارة : بخير .. جنت داتريق ويا علاوي .
- البارحة طول الليل احجي وياه .
نظرت لي بصدمة .. كنت ساضحك على منظر وجهها ولكنني امسكت نفسي اللحظة الاخيرة ... قالت : ليش ؟.
- هيج دنسولف .
- شنو ووسام !.
- علي صديقي .. كلنا اصدقائه .
- هو حبيبي مو قتلج .
- باعي حقولج شي بس متزعلين ... البارحة جنة دنحجي وقالي انج كلش غالية عليه بس مثل اخته ... لتفهمين اي كلمة يقولها الج يعني صدك يحبج .
قالت : دروحي وانت شعرفج اصلا !.. ولتدخلين بينا اوكي !.
- ههههه هو صديقي .
نهضت غاضبة وانصرفت ....
(( علي ))
كنت خارجا للتو من محاضرتي .. وانا في طريقي رأيت تلك الفتاة التي صادفتها في الصباح ايضا تجلس بمفردها ..
ضحكت وانا انظر لها ... رفعت رأسها بالمصادفة ونظرت لي ... سرت باتجاهها وجلست على الكرسي الذي بجانبها .. قلت : انتي بيا مرحلة !.
اجابت وهي تعبث بهاتفها : سنة اولى .
- مبين بس فات جم شهر ع بداية الدوام يعني المفروض عدج صديقات .
التفت الي وقالت : انت شكد حشري !.
- اعصابك ابو الشباب !.
- لك اني بنيييييييية .
خلعت الغطاء الملتصق في ( السويتر ) من على رأسها وظهر شعرها القصير الذي يصل لنهاية رقبتها ...
قالت : هياته شعري هياتني بنية .
- ههههههههه اعصابج .
- هففففففف تضوجوني كلكم مضوجيني .
- ههههه منمة الي مضوجيج !.
- الناس الي هنا ؟.
- ليش انتي وين جنتي ؟.
- بالسويد وجيت ادرس هنا .
- ليش ؟.
- هيجي ببلدي .
- اوووه وطنية حضرتج .
- اي عيني .
- صدك شسمج ؟.
- مينا .
- عاشت الاسامي .
- تسلم .. انت ؟.
- علي .
- عاشت الاسامي .
رن هاتفي .. اخرجته من جيبي هاتفي واجبت ..
- الو .
سارة : وينك ؟.
- قاعد .
- تعال داحجي وياك بموضوع مهم !.
- شكو ؟.
- تعال .
- تعالي انتي مابية حيل .
نهضت وقلت : هاي صديقتي .
- اها .
بعد قليل اتت سارة كان يبدو عليها الغضب ... اقتربت وهي تنظر لمينا .. قلت لمينا : يلا اني اروح عن اذنج .
مينا : الله وياك .
سرت مع سارة .. سألتها : شكو .
- تعاركت ويا اريام .
- ليش ؟.
- البارحة حجيت وياها وقتلها ان اني لازقتلك !.
- اني !.
- اي هي قالت هيج .
- حجيت وياها البارحة وقتلها انتي مثل اختي بس مقلت اكثر .
- هسة اني اصدق منو انت لو هي .. تجذبون علية .
- هاي شبيج كفشة !.. اني مستحيل احجي عليج .
- هي اصلا تريد تخرب بينا .
- لا اريام مو هيج .
- علي باوع ماريدها تصير صديقتنا بعد .
- شهالحجي البنية مسوت شي .
- لا هي متحبني .
- تحبج والله .
- هفففففففففففف .
- ههههههه كفشة اهدي واني عبالي مشكلة وعركة وتكافشتوا ... عبالي علمود وسام مرة لاخ .
- صدق ترا عيد ميلاد وسام عقب باجر ... وهي تريد تحتفل وياه .
قلت بحزن : حلو .
- تحبه هواية هي .
- اها .
سألتني قائلة : صدق منو هاي الجنت قاعد وياها ؟.
- هاي بنية سنة اولى هستوها جاية الجامعة .
- جنهة ولد عوع .
- هههههههه اني هم هيج قتلها .
(( اريام ))
في المساء اتصلت بعلي بعد قليل اجابني : الو .
- مساء الخير .
- مساء النور .. هلا اريام .
- شونك ؟.
- الحمد الله انتي شلونج ؟.
- الحمد الله ... اريد اطلب منك طلب .
- اي تفضلي .
- باوع نريد نروح المول نطلع سوية .
- اني وياج !!... قالها بصوت مدهوش .
- اذا ماعندك مانع .
- لا لا بس مستغرب .
- زين تقدر باجر .
- اي تدللين العصر ؟.
- اي .
- فديتك والله انت اعز اصدقائي .
- فداج .
- يلا اشوفك باجر !.
- اي ان شاء الله .
انهيت المكالمة وانا سعيدة لأنني احتاج لذوق رجل اذا اردت ان اختار هدية لوسام ...
(( علي ))
في اليوم التالي ذهبت للجامعة لذات المكان الذي اذهب اليه صباحا .. رأيتها تجلس على ذات الطاولة .. كانت ترتدي ثياب دانكة كعادتها .. سرت باتجاهها وقلت : صباح الخير .
- صباح النور .
جلست امامها وقلت : شو من وكت !.
- ابن خالتي يجيبني لان وراه شغل .
- الله يعينج .
- صدك منو هذيج البنية البارحة مدري شون تباوع علية .
- هاية سارة مثل اختي .
- انت مقضيها صديقات وجاي تنصح بية .
- ههههههههه فقير اني مو مال حب وهالسوالف .
- يمعود الشعب كله يقول هالشي وهو مصادق مدري شكد .
- هههههههه لا اني غير .
- كلش .
- صدق انتي ايمو .
- لا .. رفعت صوتها : بعدين شبيك ابوية البارحة ولد وهسة ايمو !.
- هههههههههه مو ستايلج غريب .
- ابني شنو الغريب عاجبني هيج واحد قاعد من الصبح مابية حيل ابدل واخبص نفسي .
- لتخبصين نفسج بس لبسي الوان .
- اسود احلى ع روح المرحوم .
- ههههههههه يامرحوم .
- العافني محدقة .
- هههههههه بنتي بلا تكبيل احسن مرتاحة .
- اي والله الرياجيل ميجي منهم الا دوخة الراس .
- ع اساس النسوان شونكم ؟.
- ههههههه النسوان هم ابليس شريرات .
- اول مرة وحدى تعترف ... باعي اليوم عدي طلعة مهمة شنو تقترحين البس شي رسمي شي كجول .
- ممممم باوع .. البس جينز .. وقميص نيلي اسود .
- اي !.
- وافتح اول دكمتين ... والحذاء شايف هذا الترين شوز مو رياضي بس بيه قيطان .. جوزي .
- مممممم حلو .
- فديتني ذوووواقة .
- اي عفية عليج طلعتي ذواقة لعد متكشخين شبيج !.
- بكيفي .
- هههههه شكرا ابو الشباب .
- ابو شباب بعينك .
- صدك ليش ماسميج اسم ولادي .
- ديلا عادي متفرق .
- هههههه ممم شسميج ؟.
- مايكل .
- ههههههههههههه لا بربج .
(( اريام ))
بعد الظهيرة خرجت الى المركز التجاري .. حرصت على ان اتأنق كثيرا كي انال اعجابه وكي يبقى في حياتي ... وصلت هناك حيث اتفقت معه ان نلتقي في مقهى ...
نهض هو من على الكرسي عندما راني .. بصراحة هو ايضا كان وسيما فاللون الاسود عليه جعله اكثر جاذبية ...
قال : هلا والله منورة .
ابتسمت بخجل وجلست امامه قائلة : النور نورك .
- شلونج ؟.
- الحمد الله انت ؟.
- بخير .... شتشربين ؟.
- ممم ميلك شيك بالكاكو .
- اوكي .
نادى للنادل فأتى وطلب منه مشروبات لنا ... نظر لي مبتسما وقال : شعجب قلتي نطلع براالجامعة !.
- هيج تغيير وتعرف ملانة واريد اطلع .
- ليش ماقلتي لوسام ؟.
- اني من اطلع احب اطلع ويا ماي فريندز ارتاح وياهم .
- اهم شي تكونين مرتاحة وياية .
- اكيد .
بدأنا نثرثر بعدها قلت له : قوم خل نفتر .
- اي يلا .
بدأنا نتجول .. اثناء تجولنا قلت له : عيد ميلاد اخوية قريب وبصراحة محتارة شنو اخذله .
- شكبراته ؟.
- مممم هيج بقدك .
- زين تريدين نختارله سوية هدية !.
- اي ياريت .
بدأنا نتجول .. اخذت له ساعة راقية جدا ... عدت للمنزل وانا في غاية السعادة افكر هل ستعجب وسام الهدية ام لا ...
(( علي ))
في اليوم التالي كنت سعيد للغاية منذ الليلة الماضية من خلال كلامها لي ونظرات عينها شعرت انني قد امتلكت جزئا من قلبها ... كنت اضع السماعات اذني استمع لأغنية ( بلغ حبيبك ) ..
بلغ حبيبك وقله باخذك منه ... هذا هو الحل ومالي اي حل ثاني ..
ماقدر اقعد واشوفك بس واستنى ... كل يوم عنك بعيد يزود جناني ...
رأيت سارة في طريقي ... ابتسمت لي فخلعت السماعات وقلت لها : صباح الخير .
- صباح النور ... يلا تعال .
- وين .
- شوف المفاجأة الي مسويتها اريام لوسام بعيد ميلاده تخبل شون حفلة فد شييييييي.
صدمت !!.. كانت معي لتشتري هدية له !!!..
(( اريام ))
ملأت مقهى الجامعة ببالونات في الارض وساعدوني زملائنا في تعليث الزينة ... طوال الليل كنت اعد اصناف الطعام التي يحبها واحضرتها الى الجامعة .. اخبرت عائلتي انني اعد مفاجأة لصديقتي فصدقوني ... الكعكة وضعت عليها صورته وهو صغير .. تأنقت كثيرا من اجل ان يعجب بي ويزداد حبا بي ...
دخل هو المقهى مع صديقه كما قد اتفقت مع صديقه من قبل ان لا يخبره ... فوجئ بالجميع يصرخ بوقت واحد : كل عام وانت بخير .
بقي يقف متصنما وسعيد بذات الوقت ... بدأ الجميع يهنئه وانا انظر له بحب .. الى ان وصل الي وقف امامي وهو يبتسم ابتسامة عريضة ..
قلت بخجل : كل عام وانت حبيبي .
- وانتي حبيبتي وروحي .
- فديتك .
- ماعرف شقول تعبتج وكل هاي مسويته علمودي !.
- حبيبي فدوة الك هاي ولا شي .
وبدأنا نغني له ونحتفل ...
(( علي ))
رأيتها تقف بجانبه وهو ينظر لها سعيداً بما فعلته من اجله .... كانت تغني معهم .. تمنيت ان اكون انا مكانه .. بعد ان قطع الكعكة مدت له ذات الكيس الخاص بالهدايا الذي اشتريناه بالامس وقدمته له ... اخرج علبة الساعة منه واعجبته كثيرا ..
كم انا ساذج ... سمعت صوت من خلفي مألوف ..
- هههه شكد قشمر .
التفت ووجدت مينا تنظر لهم ... قلت : منمة !.
- هاي البنية هوسة مسوية لحبيبها وخابصة نفسها من الصبح هسة يقطها .
- شدراج !.
- همة هيج الولد .
- مو الكل .
- ياعم انا مالي هههه ... بس هوستهم ضوجتني اريد اقعد بالكافتيريا خابصيها خبيصة .
- هذا الهامج الاكل .
- طبعا لعد شنو يهمني !.
نظرت لثيابها وقلت : بربج شوكت تغيرين لبسج السبورتي كله اديداس وهوسة وبوتينات !.
- هيج اريحلي بكيفي ... خوما اجي بكعب بكد راسي .
- هههههههههه .
- هففففف اريد اكل .
- مممم تريدين نطلع برا ناكل !.
- اي اي باوع اكو محل فلافل يم الجامعة يخبل .
- اقول مايكل ماكلة بيه انتي !.
- اي البارحة اخذتلي لفتين بالطريق .
- بابا هذا كله ولد شيوديج هناك حتى قعدة مابيه .
- لا اكو هيج صبات .
- انوبة صبات !.. داشك بيج انتي منين !.
- ههههههههههههه سويدية ولك .
- مش باين ياختي .
- طيب ياخوية تعال نضربلنا فلافل تنسينا الدنيا .
- فوقاها نضرب باع المصطلحات .
- اقول تجي لو لا .
- يلا اجي اقدر اقول لا لمايكل .
خرجنا من الجامعة واتجهنا للمحل الذي تعرفه مينا .. قالت بصوت عال للبائع : حجي اربع لفات فلافل وزيدلي العمبة .
- صوتج نصيه .
- يعني شون يسمعني بلة !.
- وشدعوة اربعة !.
- اني ثنين .
- شدعوة بابا حتصيرين دبة .
- بكيفي بعدين اني العب رياضية ومحافظة ع جسمي .
- تعلبين بوكسنج ههههههههههههه .
- هههههههههه عابت ايروبيك .
جلسنا على كرسيات من البلاستيك موجود جانبا ... احضر الينا البائع الطعام ...
قالت : اذا اكو ولد جان ديفكر بيج بالجامعة فبعد لفة الفلافل هاي لغة الفكرة .
- اني اسوي اليعجبني ومو مشكلتي اذا معجب الناس .
- وشايفج متأقلمة كلش ويا الوضع .
- ترا عادي .
- يعني عفتي جامعات السويدي وجاية هنا بربج ليش .
- هيجي بكيفي ياخي .
ضربت كتفها بخفة وقلت : اعصابك مايكل .
- هههههههههههه عابتلك .
(( اريام ))
جلست انا وهو بمفردنا بعد ان انتهت الحفلة ... اتت فتاة هذه المرة الثانية التي اراها بها فالمرة الاولى ريتها عندما ذهبنا رحلة الى الزوراء ...
ابتسمت لوسام وقالت بدلع : هلو وسام .
وسام : ه.. هلا .
مدت يدها وهي تحمل علبة هدية وقالت : كل عام وانت بخير .
وسام : وانتي بخير تسلمين .
ابتسمت ورحلت ... قلت له بغضب : منية هاي !.
- زميلتي .
- وعادي تطيك هدية قدامي .
- شكو بيها .
- شنو شكو بيها سخيفة وانت شون تقبل بيها .
- اريام لتكبرين الموضوع .
- شنو لتكبرين الموضوع !!... خير ؟.
- باعي قاعدين ومتنسوين لتضوجيني وقتلج لتلحين انتي شبيج غبية .
- لتقولي غبية احترمني !.
- احترمي نفسج الاول .
نهض غاضبا وامسك بهديتها ورحل !!!.
(( علي ))
كان يوم الجمعة اعدت والدتي واختي الغداء لأن عائلة زوج اختي ستأتي للغداء في بيتنا ...
استقبلناهم هو وعائلته وعندما دخل الجميع وكدت ان اغلق الباب رأيت مينا !... صدمت هي عندما رأتني.. قلت وانا اضحك : شتسوين هنا !.
- جاية وية بيت خالتي .
- هههههههه محمد ابن خالتي ؟.
- اي .
- محمد زوج اختي .
قالت بدهشة : يا انت اخو مريم !!.
- ههههههههه اي .
- شهالصدفة .
- مكتوبلي اشوفك بكل مكان يامايكل .
- هههههههههه يلا شنو متطببني !.
- لا لا تفضلي ... اقصد تفضل .
- عابتلك .
دخلت معها نظرت امي لنا وقالت : شنو تعرفون بعض ؟.
- اي ماما وياية مينا بالجامعة .
امي : خوش صدفة حبيبتي مينا اعتبري علي اخوج شوكت ماتحتاجيه تلقيه .
قلت لمينا : ع اساس احد يقدر يضوجج قبل تمطليه بالكاع .
- ههههه طبعا شحده اليندق بية .
- ههههههههه جنى ع نفسه طبعا .
بدأنا نأكل جميعنا وبعد الغداء خرجت مع مينا الى حديقة منزلنا ... جلسنا على الارجوحة .. سمعنا صوت طرق الباب الخارجية لمنزلنا ...
نهضت لأفتح الباب .. فتحتها كانت سارة تحمل صحن حلويات ..
ابتسمت وقالت : هلاو .
- هلا والله تفضلي .
- شوف شجايبتلكم صنع ايدية .
- عاشت ايدج ست بيت .
نظرت لمينا التي تجلس على الارجوحة وتنظر للارض .. قالت : هاي مو الي شفناها بالجامعة !.
- اي طلعت عرف .
- عشتو شون عرف .
- تعالي اعرفج عليها .
سرت انا وسارة باتجاه مينا .. قلت : مينا اعرفج ع جيرانة وزميلتنا بلجامعة سارة شفتيها المرة الفاتت .
مينا : تشرفت .
سارة : انتي مسترجلة .
رفعت مينا حاجبها وقالت : وانتي شدخلج !.
- لا بس لأن ميشرفني اتعرف ع مسترجلات عوع شاذة .
قلت بصرامة : سارة !.
سارة : اني داخلة اسلم ع خالة .
دخلت للداخل وانا جلست بجانب مينا ... قلت : مسحيها بوجهي .
- لا متهمني اصلا .
- عاشو مايكل .
- ههههههههه اقولك ملانة .
- شتريدين نسوي !.
- عدك بايسكل ؟.
- لا .
- لعد خل نلعب طوبة .
- ياوووولد طلعت تلعب طوبة .
نهضت وقالت بحماس : يلا قوم قوم .
- ههههههههه يلا .
وبدأت العب معها ... كانت في الواقع ماهرة في اللعب .. قلت لها : لج هاي شون تعرفين ؟.
- جنت بفريق كرة القدم مال مدرسة .
- كلك حركات مايكل .
- ههههههههههههههه .
(( اريام ))
لا اصدق انه لم يتصل بي ليصالحني !.. بعد كل مافعلته من اجله ؟... ماذا ان هناك شئ بينه وبين تلك الفتاة !...
رأيته قد نشر على ( فيس بوك ) صورته مع اصدقائه وكان شيئا لم يكن .. وكأنه لم يتركني محطمة !..
لا حل لدي سوى ان اتقرب من علي كي يعلم انني استطيع العيش بدونه ...
اتصلت بعلي .. لم يجب للمرة الاولى ولكن في محاولتي الثانية اجابني : الو .
- هلو علي .
- هلا .
- شبيك !.
- شتريدين ؟.
- اسفة لأن جذبت عليك بس خفت تزل من اقولك ان الهدية لوسام .
- وليش اضوج اني شعلية ؟.
- يعني ... زين اني اسفة .
- اها .
- علي اريد اشوفك باجر اتفاهم وياك .
- بالجامعة ؟.
- اي .
- اوكي .
انهيت المكالمة وانا افكر في كيفية اقناعه ان نكون اصدقاء اكثر ..
(( علي ))
في اليوم التالي في الجامعة عند وصولي اتجهت للمكان المعتاد لأرى مينا .. كانت هي تجلس في ذات الطاولة تأكل فطيرة مع شاي ... قلت لها : صباح الخير .
ابتسمت : صباح النور .. تفضل .
- هاي البنات الزينات ياكلن مو ماشتهي وهيجي .
- هههههه وكت الجوع مو مال فيكة .
- ههههههههه عفية عليج .
رن هاتفي .. اخرجته من جيبي لأرى من المتصل .. اريام ..
اجبتها : الو .
- صباح الخير .
- صباح النور .
- انت بالجامعة ؟.
- اي بنادي الهندسة تعالي .
- اوكي جايتك .
انهيت المكالمة وقلت لمينا : هاي الحجتي هسة .
قاطعتني : هي الي تحبها .
- هههههه شدراج ؟.
- من عيونك وارتباكك وانت تحجي وياها .
- هاي شنو استاذ مايكل طلعت خبرة بالحب .
- ههههههههه شفت شلون .
دخلت المقهى اريام .. نظرت لعيناها مبشرتاً .. كانت حمراء ربما لأنها بكت كثيرا ..
سارت باتجاهنا وقالت : صباح الخير .
انا ومينا : صباح النور .
نظرت لمينا مستفسرة .. اشرت بيدي على مينا وقلت : اعرفج مينا قرايبي .
ابتسمت اريام وقالت : تشرفت .
قلت لمينا : اعرفج باريام .
مينا : تشرفت .
جلست اريام بجانب مينا ... قالت اريام : شلونك ؟.
- الحمد الله .
نظرت لمينا وهي تأكل بعدم اهتمام وقالت : هاي شون تاكلين لحم بعجين من الصبح يع !.
رفعت مينا حاجبها وقالت : شنو اليع بالموضوع جوعانة وداكل .
غيرت الموضوع وقلت لأريام : تشربين قهوة ؟.
اريام : اي اوكي .
نهضت لأحضر القهوة ....
(( اريام ))
وجود هذه الفتاة ضايقني كثيرا ثيابها السوداء .. غريبة الاطوار .. نهض علي ليحضر لي القهوة فانفردت انا بها ...
قلت : حبيبتي اذا احتاجيتي شي باللبس او الاناقة سأليني بهالامور صراحة ملابس مال مجدية .
نظرت لي بعدم اهتمام وقالت : علي قال ان اسمج اريام مو جويل .
- ههه متضحكين ترا .
- محد طلب منج تضحكين .
- تر دمج ثقيل وبعدين اني حجيت وياج بادب .
لم ترد علي ... بعد دقيقة من الصمت قالت : اني مقهورة عليج ترا ... البارحة جنتي مسوية مفاجأة لحبيبج واظاهر معجبته شوفي عيونج من البجي .
(( علي ))
سمعت صوت اريام تصرخ بغضب : انتي وحدة متستحين وقليلة ادب روحي شوفي نفسج مسترجلة .
سرت بسرعة باتجاه الطاولة رأيت اريام تحمل حقيبتها وتهم بالمغدارة قلت : شكو !.. شصار ؟.
قالت وهي غاضبة : قرايبك المو محترمة .
ورحلت ...
نظرت لمينا بعتاب وقلت : شقتيلها ؟.
- هي بدت تتجاوز علية وتستاهل .
- مينا قتلج هالبنية تهمني .
- شعلية اني .
جلست وقلت : مينا انتي ليش هيج غيري نفسج حتى لتطين فرصة لأحد يحجي عليج وع لبسج جنج ايمو .
نهضت وقالت : اني مو ايمو ولا مسترجلة وانتوا مدري شبيكم تتدخلون بية ... ليش لبسي كله اسود لأن امي توفت من 3 اشهر ها ارتاحيت !.
همت بالمغادرة فنهضت خلفها وانا اقول : مينا انتظري .
كانت تسير بسرعة ولا تجيبني ...
- مينا اوقفي ... ولج شكد سريعة .. انتظري .
توقفت وقالت : نعم ؟.
وقفت امامها وقلت : اني اسف .
- مو مشكلة .
- علمود هيج رجعتي ؟.
- اي جانت مريضة بالكانسر ووصت ان ندفنها بالعراق واني ردت ابقى هنا حتى اكون قريبة منها .
- الله يرحمها .
- امين .
بقينا صامتين لفترة بسيطة ... قالت : تروح ناكل فلافل .
- هسة !.
- يعني مقهورة غير انفه عن نفسي .
- ههههههههههههه اوكي يلا .
(( اريم ))
بعد ان خرجت من المقهى خطرت في بالي فكرة ... ابتسمت لذكائي .. اخرجت هاتفي من حقيبتي واتصلت بسارة ..
اجابتني بجفاء : نعم !.
- هلو سارة .
- هلا .
- انتي بالجامعة ؟.
- اي .
- اريد اشوفج .
وفعلا التقيت بسارة ... جلست امامي وهي تنظن انني اود ان اعتذر منها وفعلا قلتها : اني اسفة حبي انتي صدق تحبين علي وانت تستهليه وهو مثل اخوية.
- شغيرج ؟.
- لأن صراحة انتي صديقتي والوحيدة الي تحسين بية بعدين اني اموت ع وسام مستحيل احب غيره .
قالت بفرح : انتي ووسام تخبلون سوية .
- فديتج حبي ... بس اكو شغلة شفتها وضوجتني صراحة .
- شنو ؟.
- اكو بنية شفتها لازقة لعلي هالايام تخوف يمة جنها غراب اسود .
- اي هاي بومة قرايبهم .
- خاف يحبها ويعوفج .
- عزااا ناقصتها .
- لازم نشوفلها تصريفة .
- شون ؟.
- لتطيه مجال يقعد وياها .
- اوكي .
- ونحاول نكرهه بيها .
- اصلا مستحيل يحبها .
- اكيد .
(( علي ))
جلست معها أأكل ( لفات فلافل ) .. قلت لها اثناء اكلنا : ترا اريام حبابة بس اكيد غثيتيها بحجاية .
- اي قتلها عيونج حمر علمود حبيبها .
بقيت صامتا ... اردفت : حاسة بيك .
- بشنو ؟.
- انك تحبها .
- وشون حسيتي بية ؟.
- لأن احنا اصدقاء .
- تساعديني يعني ؟.
- تدلل .
- زين شنسوي ؟.
- حاول تتقرب منها تعرف شنو تحب .
- اي ؟.
- وسويلها الاشياء الي تحبها يعني اني اذا احد يحبني ويعرفني احب الاكل يعزمني ع لفة فلافل لو نفر كباب لو جدر دولمة .
- هههههههههههههههههههههههههههههه ... شهالحب .
- حب الكرش .
- وياريتج سمينة سنفورة .
- رياضة بابا .
- كلج حركات هههههههه .
(( اريام ))
خرجت من محاضرتي وسرت متجهة خارج المبنى ... صادفت علي في طريقي .. نظرت له بزعل وسرت محاولتاً ان اتجاهله ... استوقفني : اريام انتظري.
قلت : نعم .
- اني اعتذر بالنيانة عن مينا مجانت تقصد .
- لا تقصد .
- مو انتي عيبتي على لبسها .
- مجذبت شسوي اني وحدة صريحة .
- ترا امهة ميتة من جم شهر ولابسة اسود عليها .
وضعت يدي على فمي وقلت : اووه اسفة .
- لا عادي .. المهم انتي متزعلين .
ابتسمت وقلت : لا مازعل لخاطرك .
- شنو رايج نقعد سوية نسولف .
- اوكي .
سرت بجانبه وانا سعيدة اتمنى ان يرانا وسام ... ولكن لسوء الحظ لم التقي به صدفة .. جلسنا على كراسي في الممر جانباً ..
قال : تعاركتي ويا وسام ؟.
- اي هاهية عفته مليت من المشاكل .
- علمودج احسن صدقيني .
- ادري وهاهية اريد انسااه .
- ويا الوقت حتنسيه .
نظرت لعينه وقلت : واريد احب من جديد .
ابتسم وقال : كل شي بوقته حلو .
ثرثرت قليلا معه بعدها انصرف لأن لديه محاضرة ... خرجت من المبنى واتجهت للحديقة .. رأيت مينا تجلس بمفردها تحت ظل شجرة ...
سرت باتجاهها ... وصلت اليها فرفعت رأسها لي ...
قلت بابتسامة : مسامحتج .
قالت هي متسائلة : شنو ؟.
- سامحتج وعاذرتج الي بوضعج ميعرف شيحجي .
- ليش مخبلة شايفتني !.
- لا يتيمة خطية .
نهضت وهي تنظر لي بغضب ... قالت : تر انتي مريضة تتشمتين بهيج شي .
- ماتشمت حياتي بس مادامج حزينة حسي بغيرج .
- والله مادري منو المفروض يحجي هالحجي مو ع اساس انتي مجروحة من حبيبج شكو تذبين حجي للناس ؟.
- ااااااااف اني غلطانة احجي ويا جاهلة مثلج .
- ههههههههه خفي علينا يالجبيرة ترا سنة وحدة فرق .. ومرة ثانية لتنزلين نفسج لمستواي ولتحجين وياي اصلا .
- حقولج شغلة ... علي مستحيل يحبج .
ابتسمت وقالت : وحبيبج عمره ماحبج .
التقطت حقيبتها من على الارض ورحلت وتركتني مصدومة ..
(( علي ))
كنت عائداً للتو للمنزل بعد ان خرجت برفقة اصدقائي ... دخلت لغرفة المعيشة حيث سمعت صوت اغاني عال .. رأيت اختي مريم وابنها الصغير ومينا يرقصون ... دهشت عندما رأيت مينا ترقص ( يعني مثل البنات ) ... كانت جذابة للغاية ..لم يلاحظوا وقوفي بجانب الباب ... فغرفة المعيشة لها بابان باب خارجية وباب تطل على باقي ارجاء المنزل ..