Advanced AN:
Yung "Ariel" po ay pangalan ng babae, Little Mermaid ba. Hindi po yung sabong 7.50 :)
———
Prince So Charming — Prologue
"Bakit, ano bang dream wedding mo nang mapaghandaan ko?"
Napangiti si Belle sa tinuran ng kasintahan niyang kasabay ng pagsara ng pinto ng elevator ang pag-akbay sa kanya.
"Gusto ko yung mala-fairytale."
"Fairytale?" nakangiting ulit ng lalaki, animo siyang tawang-tawa sa ideya ng nobya. "How old school!"
"Of course not!" sagot ni Belle. "Ang KJ mo! Eh sa gusto ko nun eh. Para naman sa kasal pa lang natin eh feel na feel ko na yung spirit ng happy ending."
Pinigilan ng lalaki ang sariling lalong matawa. Ni wala siyang balak na alukin ng kasal ang dalaga ngunit heto ito, tila ba nagpaparamdam.
Tumaas ang kilay ni Belle, "What's funny?"
Nakangisi siyang hinarap ng binata. Hinawakan siya nito sa bewang. Yumuko pa ito para isandal ang noo sa kanya.
"Hindi totoo ang happy ending," aniya. "Kasi ang pagmamahal, dapat walang ending."
Napangiting muli si Belle, lalo noong itinaas ng lalaki ang kanyang mukha. Ngayon ay halos hininga na lang ang pagitan nila.
"Parang yung pagmamahal ko sa'yo," patuloy ng lalaki. "Wala 'yong ending."
Hindi na nakatiis si Belle. Kinapitan niya ang batok ng bolerong binata at hinatak ito palapit sa kanya upang mapagsaluhan nila ang isang mainit na halik.
Itinulak ng lalaki si Belle pasandal sa malamig na dingding ng elevator. Patuloy sila sa kanilang tila walang bukas na paghahalikan.
Hatak-hatak ni Belle ang itim na kurbata ng nobyo. Unti-unti niya itong hinubaran ng suot nitong amerikana. Binuhat siya ng kasintahan. Agad niya namang ipinulupot ang mga hita sa bewang ng lalaki. Ang kulang na lang ay may mangyari sa kanila doon.
Bumukas na ang elevator. Nasa 23rd floor na sila kung nasaan ang unit ni Belle pero wala yata silang balak huminto at bumaba.
Nakarinig sila ng mga yabag ng sapatos.
Klak, klak.
Mula iyon sa pares ng sapatos na may mataas at manipis na takong. Palakas nang palakas ang tunog, marahil ay papalapit sa direksyon nila ang sinumang nagmamay-ari ng sapatos.
Wala pa rin. Patuloy sila sa mapusok nilang paghahalikan. Wala silang pakialam kahit pa may makakita sa kanila.
"My Prince?"
Agad napalinga ang lalaki sa babaeng nagmamay-ari ng pamilyar na boses na umistorbo sa kanila.
"A-Ariel?" sambit ng lalaki. Naibaba pa niyang bigla si Belle. Tinakpan niya't kinusot ang kanyang mga labi, animo nais niyang alisin ang kumapit na lipstick roon.
"My Prince, anong ibig sabihin nito?" tanong ng babaeng nagngangalang Ariel.
"Excuse me?" sabat ni Belle. Nakataas ang isa niyang kilay nang humakbang siya palabas ng elevator at palapit kay Ariel. "Your Prince? You must be mistaken cause he's MY PRINCE."
Tumawa si Ariel sa narinig. "Oh, really? How can he be your prince when he's my boyfriend? You bitch!"
"Hey, watch your mouth, bitch! Sino bang kahalikan niya? Hindi ba ako... na girlfriend niya?"
"Whow, whow, whow! Hindi porke magkahalikan kayo, kayo na. What do I know? Ah, pokpok ka siguro!"
"Ano?" asar na sabi ni Belle sabay lingon sa kanina pang tahimik na lalaki. "My Prince, sabihin mo nga sa babaeng 'to na ako ang girlfriend mo!"
Humalukipkip naman si Ariel. "No, tell this bitch, whoever she is, na ako lang ang girlfriend mo."
Tumikhim ang naiipit na lalaki. "Well, uhm..."
"Hey," si Belle ulit, "don't tell me GF mo nga siya? Niloloko mo ba 'ko?"
"Actually ano eh..."
"Ano?" pilit naman ni Ariel.
"Ano nga?" dagdag ni Belle nang hindi pa rin magsalita ang binata. "What? Are you two-timing me?"
"Wait, let me explain," ika ng lalaki.
"Eh sa'kin, hindi ka mag-e-explain?" sabat ni Ariel.
"Girls, relax! Chill! Magpapaliwanag ako," paniniguro ng lalaki. Nakangiti pa siya't kalmado kahit sa ganoong sitwasyon. Para bang katatawanan lang ang lahat sa kanya.
"Fine," si Belle. "Explain! Tell her na ako talaga ang girlfriend mo!"
"Oh, pwede ba?" asar na sagot ni Ariel. "Wag ka ngang feeling!"
Nang hindi pa rin magsalita ang lalaki ay tinapunan siya ng tingin ng dalawa. Magkakrus ang mga braso ni Belle. Nakataas naman ang kilay ng nakapamaywang pang si Ariel.
Ano na? waring tanong ng mga ito. Nagpasalin-salin lang ang tingin niya sa dalawa. Kailangan niyang makaisip ng palusot.
Mabuti na lang at nabasag ang katahimikan nang tumunog ang cellphone niya.
Tumikhim siya't pasimpleng dinampot ang cellphone niya mula sa kanang bulsa ng kanyang pantalon.
Snow calling
Lihim siyang napangiti. "It's a business partner, I need to take this call."
Hindi na niya pinansin ang naging reaksyon ng dalawa. Tinalikuran na niya ang mga ito saka siya naglakad palayo. Narinig niya pa ang pagtatalo ng dalawa sa likod niya.
Naglakad siya papasok sa fire exit ng condo. Doon niya sinagot ang tawag.
"Hello, pretty! You missed me?"
"Yeah. What took you so long to pick up? May kasama ka siguro 'no?"
He grinned. "Nope, kalalabas ko lang ng banyo. All the while thinking of you."
Narinig niya ang mahinang hagikgik ng babae. "Hmp! Ikaw talaga! So are you coming here tonight?"
"Sure baby. Hintayin mo 'ko. I'll be there in thirty minutes."
Ilan lang sila sa mga kasalukuyang girlfriend niya. Si Snow, si Belle, si Ariel. Mga babaeng kapangalan pa ng bida sa iba't ibang pambatang libro.
Sa dulo ng bawat kwento ay ang sikat na tagline na and they lived happily ever after. Plot twist? That's until they realized one thing. They all fell for the same man—the rich, noble and womanizer Prince Charming.
———
Ang nobelang ito ay ang ikalawang libro ng napagtripang kwento ni Cinderella este Cindy ng The Wicked Cinderella... at syemperds, ng kanyang (frog) Prince Charming.
Hindi sa hindi ninyo maiintindihan ang book 2 without reading book 1 (may sarili pa rin itong kwento)... pero mas masaya siguro kung babasahin na rin ninyo yung book 1 para lang ma-gets ninyo yung hugot ng characters lol
Third person narration pa rin po ang gagamitin ko rito. Pero magkakaroon ng POV si Cindy sa loob ng iba't-ibang chapters, parang yung sa last parts ng Last Wicked Chapter.
General Fiction = NON-TEEN FICTION
Capslock para intense. Naka-bold pa! This story has mature theme targeted to mature audiences. No BS though. Don't expect any.
Tweet me your thoughts! #WattpadPrinceSoCharming