وداد __عتني عت اخذني
يمشي سريع الخوف تملكني اريد
اوخر ايدي من قبضة ايده مااكدر
وصل للمخزني طببني بدفعه وسده
يفور ضليت اباوع بعيوني منتضره
شيريد مني
_باوع بعيوني شنو رايدته
المن
_للمصخم الجايج
مااعرف هل العقليه الاجتني
منين خلتني سريعة البديهيه
غايتي العب بأعصابه ومقنعه
بلزواج
ليش اشبي اذا ممعيوب عليش
ارفضه
_واذا طلبتج اني هم خوش انسان
رفعت حواجبي بستهزاء امين
دتسألني لو مقرر
_ تغيرت ملامحه حسيتهن
لانن اي وداد اريدج ومقرر
اطلبج انتضرت الوكت
المناسب وافاتح جدي
نصيت مااريد اضعف ملامحه
نبرت صوته يشدني اله دااحس
كلبي يكلي لتخسري مو هذا
التمنيتي يرجعلك
_هااا وداد
امين البينه منتهي وتعرف بي
ومااعتقد افيدك ولا البينه
يصلح
_ انتي بت عمي اقرب شي
الي وتعرفين المريت بي
ملي دخل حجيتها بجفاء
_ليش وداد عشتي وياي
صرتي شاهد على الصار
العب بيها اريد اوكف
على رجليه بيج انتي اقرب
شي الي وتفتهمين عليه
باوعتله بغل دفين هيج
الك عين تطلب بكل صلافه
وانت شفت عذابي وحركت
كلبي بيدك ذبيت النفط
وشعلتني
فرك وكها بعصبيه واني احجي
بحركه جاي من بعد ماوكفت
بعد مااسنتين اكلن من عمري
عمر بكد سنين حياتي
شفتني مرتاحه كلت خلي
اخرب عليها بعد شتاخذ اكثر
من الاخذته خانني دموعي
غرغرن عيوني اريد اسيطر
مو اخذت عهد ماابجي دمرتني
وكابرت بروحي كل ليلك التكضي
بحضن مرتك اني اتلوه انيني
رنيم كانت شاهد عليه
هاي الحياطين لو الهن لسان
جان شهدن عذابي ولوعتي
لك كمت ماانام اذا مو صورتك
كبال عيوني اتحسر دموعي خلصن
لتجيني من تالي تطلب واكلك
تم تأمر ماكو شي يغفرلك
مسويت بيك السويته بيه
ماكنت اتقبلك فرضت روحك
وصرت اعز من روحي
كمت اشهك تالي سويت
صحت سويت امين مااعفتني
اتلوع تمنيت ابويا موجود
تمنيت امي صاحيه تمنيت بيتنه
وحد بجي مااكدر ابجي كدامهم
كدام عيوني زفوك وانت طاير
بيها غصيت بلبجي انحنيت
اجر النفس تقرب وعيونه خايفه
وخرررر لتتقرب مبيه شي
مسحت عيوني امك حارت
شسوت وشحجت عليه
اشكال التهم اتحمتني هناا
شككت بشرفي واني اشرف
من قومها
لتعرفها وتحرفها لعبالك احسب
حساب لمعروفك القدمته
تعبت وصبرت عليه وعالجتني
ماانكر فضلك
_مد ايده ديلزم وجهي ابتعدت
حقج وماكو كلام يمحي خطائي
درت وجهي النشغه بصدري
_وداد شنو اليبرد كلبج
منو كلك بابا مدشوفني عايشه
حياتي بحالك اني
_واني
شعليه بيك
_ماكو ولو ذرة رحمه
جريت نفس لتتأمل عيني
شوف نفسك وعوفني مرتاحه
لتغثني رجاً لو متعرفون
اله تسودون عيشة الواحد
_ايديه على خصره مسح وجها
حيل يريد كلشي حار ومكسب
وهذا قابله بي
معليك امين دتفتهم عليه معليك
اواقبل ارفض هاي حياتي واني
حررره حررره مالك عليه شي
_نترر اااي افتهمنه لتنعثلين
اي خوش وخر هسه
مشيت دااطلع
كال انتي مصيرين الغيري
وراسج وراسي يشتمن
الهوى محد يلزم طرف
ثوبج غيري
رجف كلبي من حجايته عفته
ورد_جبت رامي بخير وسلامه
وهسه عمره شهرين يناغي
ويضحك وعيونه مثل عيون
ابويا
اخذ جانب جبير من حياتي
خالتي داير مدايري نهاد
معايفني
عمه مشه شغلهم واني مرتاحه
كونه يمي وكدام عيني كل حركه
تبدر منه اكبر عقلي وييااا
مااريد غيرتي تنغص عيشتنه
مأمنه بحجايه واني بحضنه
مكتفي بيج ونفسي متدنه لغيرج
رامي ماخذ سمار ابوو وملاح
والدي
وكفت على حيلي رجع البيت
من مسؤليتي وكلشي مسويتله
نضام
خالتي غصبت هاجر تعاوني بتنضيفه
وهاجر تعانده لان رفضت حبيبها عقاب
الها
مشت الايام وهي حربها من جوه لجوه
العرفته علاقتها منتهيه بيت عمها
لان رفضت ابنهم وبناتهم قاطعنها
لحد هسه هي محرومه من التلفون
واشوف بوكاتها لجهاز امها نص اليل
ترجعه قبل ميأذن كنت شاهد على
افعالها
مرات ينكسر خاطر واني اشوف دمعتها
تلالي من تسمع كلام امها وهي تكعد يم
رجليها تتوسل تقبل بيهم
وخالتي راسها والف سيف مدخله بيتها
ولا تناسبهم وهذا من اخطر الحروب
الي جنت شاهد عليها كانت ذكيه من
خططت تحرم بتها كعقاب لفعلتها
وعقاب لفعلت الولد
كل يوم يمر هاجر تذبل ودمعتها تلالي
مصورتها تحبه بهل كميه
مرات اروح وراها واسمع همساتها
وبجيها وتوسلها يصبر ويتاني
اليوم واكفه الولي لرامي فحطان
حليبي مديشبعه واخاف انطي
ممه
نهاد جان بلمطبخ طب بيده
كوب الجاي
مدكليلي شبي
خالتي نبت جوعان يمه الطفل
ميت جوع
_ليش مترضعي
داارضعه بس ميشبع تعبت طول
اليوم كاعده وبس اله
خالتي: هوه حليبج يلالي وين يشبع
نهاد: شنسويله يام
خالتي:مو اكلها حولي على الممه
حليبها خفيفي
خاله والله دااكل كومه تمر ودبس
شسويله هوه جوعي
خالتي: طفل حبيبه لازم يرضع
هواي شلون يكبر وانتي احنه
بختج وينه اكلج هل كيمرات
والبسكت عايشه عليهن
ضلت تلوم بيه حولته على الممه
يله
نهاد _وحده صار عصبي صاح
مشبعي شبيج مدكليلي لو كله
عناااد يا محمممد
يااا شكو نهاد تره اني امه قابل
مرت ابو مداحوله على الممه
استخطي لازم يشبع منج
خالني:بنتي ميشبع منج مادامج
ماعندج حليب دسم وبيج فقر دم
واكلج كل فيتامينات مبي
حولي على الممه وخلي الولد
يكبر وتقوه عضامه
سكتت وصدك بليل جاب حليب
وممه حاولنه ردنه ياخذها
ماكو يناحط مناحط
تعبت وخالتي لنص اليل وياي
اكعد تكعد انام تنام
نهاد شارد فوك من الصوت
يتخبل من البجي ونومته
عزيزه
اليوم واكفه اسوي مركت باميه
تشريب طبكتها وعيتي على رامي
اشتغل بعجل علمود اشوفه ليبجي
ويريد رضاعه كملت البيدي
بين منيمته طبيت سبحت طلعت
بسرعه شسورت شعري
اذن الاذان واني اخلي مرطب
ليديه رحت غسلت وتوضيت
كملت الفرض الاول دك جهازي
شلته امين استغربت ميتصل
اله لضروره
هلاو عيني
هااا كول
لا والله منتضرين نهاد من دوامه
ونتغده سوه
ماشي بس اكمل اني ادكلك
لا عليمن حبيبي عادي تدلل
سديته وبالي شيريد امين
ديحاجيني بشغله
صدك خابرت نهاد بلطريق
كملت الفرض وكمت حضرت
الاكل خالتي صلت وكعدت سبح
كدامي على الميز طب سلم
وصعد يبدل نزل توضه وصله
للعصر منتضره نهاد يطلع
مااريد احجي كدامه واحرج
امين كال سالفه بينه متطلع
لحد
سمعت محرك سيارته اطمأنية
دكيت طلع انتضار
شويه واتصل
هااا عيني
_اخباركم
بخير بيت جدي زينين
_ زينين زينين
همس بتعب وياها تنهيده
بدون مقدمات طلب اقنع
وداد
دامه يحجي اني ساكته
طال شرح وضعه واني
متفهمه امره كوني
اعرف الصار والسوته
امه وهوه غافل عن الوضع
شرحلي هواي امور واني
اخذ وانطي ومره اعذر
ومره الومه
يسكت ويجر النفس طكة
الجداعه توصل ليمي
مرت الساعه وهوه يبرر مره
ومره يتعذر ومره يندب حضه
ومره يلوم امه واصرارها عليه
ختمتها ويااا اقنعها انت
اذا متثبت هذا الشي وداد
عاقله مومتهوره لتخاف من
فقدانها اذا حاربت وشافتك
تستحقها تتغير الفكره
واني اعرف اختي
عنوديه واضح نيتها
ومستعده دوس على كلبها
وتزوج اليختاره عقلها دام
اكو قناعه والشخص المقابل
ذات كفائه
وداد __ وكفت اتريك عسريع
تاخرت من وره اني بدلت ملابسها
اخذ من وقتي كمت اركض
لابسه كعب منفصل وتنوره ويه
حافت القدم الفوك لبست وياها
كالون شفاف مال نفانيف التنوره
فتحه بيها من وره يبين كرشت
رجلي
نصيت اطلع تلفون ادك لهناء توقع بدالي
على مااوصل محسيت غير امين
_صاااح تعالي هاااي هيج طالعه
التفتت متفاجئه
شكو شبيك مخبل
_ تخلين للصاحي عقل انتي ياشر
هاي شنو ملابسج بيبي مشافتج
صاااح حجيييه شووو تعالي
دهر خزااني صوته شعلوه بنص
الطرمه واني قريبه علباب
طلعت بيبي تلف بشيلتها
هم امين شكو بيبي تصيح ودنيه
صبح شجاك
نترتعالي شوفيها هذا لبس بربج
لبس عليمن بعد انقد واحجي بلعالم
بيبي التفتتلي خزرتني مرادت تحسسه
هوه الصح لا حبوبه متطلع هيج امشي
لبسي صايتج اشششو ناسيتها علقنفه
دااحجي عضت شفتها يله حبوبه
وانت لا على كلشي وسويتلنه هوسه
الزم اعصابك
تقربت يمي مخلتني افتح حلكي
بس طببتني للهول ضلت دفع
انتي تردين تخزينه تغافليني وطلعين
بهذا المضياك شكالولج عدنه مكرنين
احمدي ربج طلعت اني لو جدج وعمج
موجود جان بطلوج على دهررر انتي
مخجلتي وجسمج بارز ومحدد
وعلي هسه اكسرج تكسر امشي
ادبسززز كلش استهترتي شفتينه
منحاسبج كلتي اخذ راحتي
محسبتي لجدج والعمامج
بيبي لبسي مبي شي شمبين
مني
اجت مزنبره عليه جرت التنوره
هاااي مو لاطشه عليج وديده
تتأدبين وترجعين مثل كبل
موتعينتي وستهترتي حيوانه امشي
يله يلللله
المن صلاتج وقرأنج لتفرفر بي
المن ضابه روحج علمود خوش
يتخيلوج
بيبي نفعلت مخلتني احجي واباوع
بلمرايه صح مقسم جسمي بس مدااشوف
بي شي لبست البشت الخليجي ورحت
مرت فتره وامين يحومي مرات كدامهم
يصخرني كومي سويلي عشه غده
مرات يدورله زله علمود يغرد واني اغلس
بيبي اشوفه وساكته احاجيه دكلي ابن
عمج وغص عنج يصخرج ويحاسبج
هذا بمكان ماهر تلطمني على حلكي
عسوله كمت اموت عليها سمنت صارت
جنها كيكه الوجع بس خدود وغمازته
من تضحك اكوم اكزكز
يجي من دوامه كبل يدك الباب يطب
ياخذها بحضنه يشبعها بوس وهي
تناغيله
مرات من يشوفني اكعدها بحضني
واشربها حليب عيونه تغرغر
مداتتقبل اعذاره امه شويه
متغيره من شافت تعلقي
بعسل موكونها بنته
كلبي رغبها اشوفها ماله ذنب
تعلقي بيها فاق حد مااكدر
استغني عنها داحسها بنتي
كمت ماايمر الدوار اذا مصاحن
المعلمات وداد صاحبج اجه
وصدك اطلعله صار معكيلي
راتبي كله عليها ملابس والعاب
كام كل موديل يجيبه لازم
يعزلي على صفحه اجيبله
اهلها وكت الموشله يسجله
دين وراس الشهر اسدد
هناء تغم بيه ضلي صرفي
ولاضميلج شي للوكت
كلمن يرد لهله
من يكول مابعد يومين امها
ترجع متاخذها بعد تذكرج
تذكر صرفج عليها امي
هذا الوكت ابنج من دمج ولحمج
مايباريج ويذكر شكاج وتعبج
حبيبتي شوفي نفسج وعفي
بزر غيرج وهاي طيبت
كلبج متفيدج
شكد ماايأثر بيه كلامها ضحكه
من عسل تمحي كلشي انزرعت
بيه وصدك اتخيل لو اخذوها
وافكر بكلامها هم يجي يوم
ترجع امها وتستغني عني كلبي
يكوم يوجعني تغرغر عيوني
احضنه حيل مااريد اتيها
ابوها قضيه وهي قضيه ثانيه
عيوني مشوف غيرها متنزل
من حضني
اني ورنو سوينالها مجال يم
ملابسنه المعلكه جبت تعلاكات
صغار نفانيفها
بيبيتها كانت جيبلها ميطلعن
على حجمها ضميتهن
مشت الايام وامين مبطل من
مضايقاته الي نوب تعودت
كمت اني ادورلي على سالفه
اخلي يفور اجته المره بيوم
كنت طالعه اني وعمو باقر
ورنيم دنجهز لحفلة تخرج
ايسر
طبيت لكيتهن بلهول رنيم دارت
تلعب بحواجبها ضحكت
سلمت عليهن وطبيت ابدل
رنيم تبدل وتغني
كالوا هلي خذلك مره
وديت خطابه اربعه
جابولي مرتي مكبعه
كل السنون مشلعه
وانا اعور بلا من دره
كالوا هلي خذلك مره
لملمت كل فلوسي
وتوجهت لعروسي
وامي تصيح ضروسي
وانا اشتغل بالسيطره
كالوا هلي خذلك مره
جابوها لي تمشي صفح
والليل متنامه تكح
وعلى هالرنه للصبح
هي مره لو مرمره
كالوا هلي خذلك مره
شلون بدله اعليها
كواني ومخيطيها
من الوصخ رجليها
طبكه على طبكه مسطره
كالوا هلي خذلك مره
صفك بله صوت وتغني
غميتها وهي ميته ضحك
عاد صاحت بيبي تعالي يمه
طلعت كعدت كدامهن مهما امتلك
من شخصيه يبقه طابع الانثوي
طاغي خجلت ونصيت راسي
الامايه ملامه حلكها من الابتسامه
اختها فرحانه اكثر منها كل شويه
ويتمعنن بيه
ضليت ساكته وبيبي تحجي
كالت هاي كدامجن ردتنها
الام__اروحن فدوه لهل وجه
عيني ام ماجد عليمن
بيبي اشرت هياتها امها وراج
عليها
الام_لا والله احله منها شنو
عدكم وحده ثانيه
ضحكت بيبي شنو ناويه تاخذيهن
كلهن
الام __اي والىه عندي ولد ثاني
يستحق الزواج فرد نوب ثنينهم
وهم خوات احسن يصرن كلب
على كلب
بيبي __بس بت عمها وتدرس
الام __همست ماينطوها والله
اخليهن بعيوني ومشيلون همهن
بيبي_ والله يااعيوني مااضم عليج
هاي امها كدامج البنيه قافله متزوج
هسه شكد عالجنه ردنه متقبل
وتعرفين وكتنه تغير مومال اغصبها
على راحتها ويجي نصيبها
دارت على بيبي فدوه متصيحيها
اشوفها
بيبي ستوها طبت ويه بت عمها
الام _لا والله منتبهت عليها
ضحكت بيبي وكالت المرت عمي
تجي رنو
راحت مرت عمي وماطلعت
شويه وطلعت كالت نايمه
ندهتها ردت متقبل
عاد بيبي كالت هاي كتلج تريد تكمل
دراستها
المره سكتت اني ضليت اسولف ويه
بتها اكبر مني بسنه ومزوجه وهي
18 سنه لبن خالها
المره حتمت نردلهم الجواب
لليل صار الحجي وجدي كاعد
جنت حاسمه الامر اقتنعت كونهم
عائله مرتبه الولد شفته بلصوره
ماعليه قصور مشيت وره المثل
اخذ اليحبك ولا تاخذ التحبه
يجوز الله كاتبلي السعاده
جربت الحب مرتين وشفت المر
خليني امشي وره المكتوبلي
بعد مااشفت اصرار امه ولهفتها
عليه مدامها هي المختاره
ربي قادر علي منتضره جدي
يشور عليه وانطي موافقتي
دقايق وجدي كال ام ماجد اصرفيهم
درت نضري عليه
بيبي_ ليش رشيد
جدي__ طلبوها الاحق منهم
بيبي __منو شوماكايلي
جدي_جنت ادرس الموضوع
واريده يستوي وبذاك الوكت
اكوله
بيبي__اي منو غير تفهمنه تشور
علينه يجوز ذولاك احسن منهم
جدي _ مااضور احسن من امين
بيبي لمعت عيونها التفتت الفرحه
تارسه وجها كالت صدك يمه صلاوات
ويم المنه وطكتها بهلهوله
اله اني دمي فار مرت عمي كاعده وساكته
باوعتلها مبتسمه استغربت
جدي يباوعلي شافني ملامحي
تغيرت للجمود وغضب مكتوم
داخلي
كلي هااا بويه شكلتي
هزيت راسي بلرفض
كال ااا ليش يابه
نطقت بصوت يرجف جسمي
كله يختض
جدو اعفيني امين نفسي طابت
منه يريد يزوج لايجي يمي
جدي_ ليش بنتي امين شبي
واحق من الغريب
مااريد
جدي_وذوله الناس
اذا خوش ولد قابله
جدي_ليش ابن عمج رافضته
وذاك قابله بي
هناا طلقه وضربني نضرت الشك
بعيونه وطريقت حجايته خلتني
اموت بمكاني عرفت قصده
ماعندي شي وياا تردون تقبلون
ترفضون كيفكم بس امين مالي
نفس بي ولا جبروني عليه لان
ذاك الوكت احرك روحي
طفرت للغرفه اغلي شلوناني ماارتاح
كتل شكو حب بداخلي كرهته وكرهت
شكو شي يخصه بجت عسل ورنو
تدرس صحت بيها
انجبببييي
_رنيم فزز شبيج
سكتيها مالي خلكها
_شكو
يعني شكو اخوج مناوي يفك ياخه
مني مومليت ضيعني بحب كاذب
وضحك عليه وعافني مثل الثوله
لج خبلني ليش تغير بيوم وليله
ضليت اسوهي شاف بيه عيب
ونفرني
وتالي يخطب وكدام عيني ونزف
واني حرارتي فول يردوني ينزلوها
متنزل هسه جاي ويريدني غصب
والقرأن احرك روحي ومااصيرله على
مرامه
ضلت صافنه واني دموعي تنزل
غطيت وجهي ابجي شنو ذنبي
بينكم
شنو ذنبي وامج عملت العمايل
وفرقتنه شمسويه هاي اخذتله
الدكتوره شستفادت مااشمرته
وشمرت بته ولا كأنووو
شكد حاولت بيبي تهدئني كمت
اشوف دم سنوني ولا اشوفه
كدام عيوني
عرف جوابي وتخبل يريد يحاجيني
واني قافله الغرفه رنيم بره
ضليت وحدي اله اعيشك المر
ويجدد بداخلي الحقد
عمامي عرفو وسكتو مستغربين
انفعالي مجرد عمو بسام حجه
نطيت من البجي كمت اشهك
جسمي يرجف اديه مدااسيطر
عليه رجعتلي حاله مااهدء
اذا موعلاج الاخذه يريح
اعصابي ويرخيني عن
الشد العصبي
عافني مصدوم مااريد اصير
واني بداخلي نار تجوي ويمكن
احاربه وهم منتوفق شما يكون
الحب بينه
عافوني وامين عيونه محاوطتني
من كان شاهد على دموعي ورفضي
سكت عني خايف لاتنتكس حالتي
وارجع ادمن مرت الايام
ورجعت الحياتي بس بقه السكوت
بيناتنه يحجي ويعبر عن البداخلنه
بيوم رنو راحت يم رانيا البيت
هدوء صادف بدايت الصيف
والجو حلو نام علبنكات
غاطه بنوم حسيت بنفس
يطخ وجهي اصكصكت
من الخوف قلصت روحي
جسمي نمله متوتره لااتحرك
ويطك عضمي
دقيقه جسمي خدر مااكدر
اضل على وضعي من عطره
وانفاسه الهدئه
يسحبها بعمق كأنو يريد يشبع
عرفته هنا اعلنت الهدنه
ارتاحيت كانو جنت بحرب وانطونه
الصلح نفسي اعتدل بعد مكانت الهث
لا اخربط ويحس اصابعه اتجولت
على طول وجهي اجاني شعور
مريح اذكرت ايام الاهرب بيها
واصعدله بلختله
كلبي اجه يوكف واحس بشفايفه
على نهايت حلكي كلبي دكاته
الف نفسي رجع تخربط
حنيت واشتاقيت ولهفتي
رجعت ذيج الجانت مدفونه
كانو منتضرات الفرصه هيج
كل شي بداخلي متت طفرت
دمعه مني حاسه بي مغمض
كانو ديستمتع بكل انش من الثانيه
اجزاء ميريد يعبرها
ديبجي امين ديبجي شهكته
بأذني ونته حفرت كلبي برطمت
حس بسرعه باسني
صرت بعالم التمنيته عشت هذا
الشعور دموعي غركن مخدتي
ويه شهكته وخر يجر نفس
مرر اصابعه يمسع دموعي
نصه كصته على كصتي مكنبص
همس كاافي عمري انتي
اذيتني امي حركتني واني عدله
_حوبتي ماتخطتني اخذت حيلي
عوفني الله يخليك
_صدك تحجين وداد دااموت دونج
ستوني شتميت الهوه هسه حسيت
بطعم الحياة تردين تموتيني
بجيت بحركه انت سويتلي مااموتتني
_نتر غبي غبي وطلي هم ضيعتج
مره مااضيعج هسه
جر ايدي يبوس بيها عيشيني
دونج ضايع اشوفج كدامي واحترك
بنتي تحتاجج واني كلج على بعضج
محتاجه حنيتج قوتج برائت عيونج
رنت ضحكتج تلعب على كلبي
عوفي الراح خلينه نعيش سوه
ونموت سوه
دورت وجهج بلكل مالكيته حاولت
اطلعج وعيونج تسحبني خدودج صيحني
حلم احلم ابوسهن واعضهن
لضيعيني ماخذ عهد لو انتي لو
اعيش عمري لبنتي وبس
متخيلت يوم امين دموعه تنزل
الي فقدنه مهداوي مشفته بجه
ايدي مفاركها كانو اخر فرصه
اله تنهد مغمض
احجيلج سالفه كعد انطاني ضهره
منتجي على الجربايه بلكاع
تحملي الاكوله همس بتعب مره مغفره
متحضرتلي بذاك اليوم بيبي حجتلي
حجايه ضلت ترن بأذني
مكدرت اتقربلها جبرت روحي عليها
مااريد تلزم عليه نقطه كونها دارسه
وتعرف كل حركه مني
بدون قصد مني صحتها بأسمج نص
الحميمه دفعتني صيح وتعيط
من عهده زادت مشاكلنه قاطات
صرت مااطيق اعيش وياهاا
فوك انانيتها اكشفت نقطه ضعفي
وصلت لحد تنفر حتى تغسل
ملابسي يوميه عركه
يوميه مشكله ونفس السؤال
شنو البينك وبينها
مليت وتعبت لحد ماا حلفت
بلقرأن يضل بينه وهناا
كأنو حبل نجاتي منتضر الامان
بديت احجيلها من اول مااحبيتج
لحد اخررر نفس بينه
ماطنت مصور هاي لعبتها
ولعبتها صح هددتني تحجي
لهلها اذا كااطلك من غير
يوميه تعيرني انت لو رجال
مااتترك الحبتك
وبلفعل كلامها صحيح اعترف
والوم ونفسي لو الوم الكان السبب
هواي امور مااكدر احجي بيها
الحجايه الاطلعها تمسني وتحرك
الاول والاخر
وداد مااطلب منج غير تنطيني
فرصه دار عيونه تتوسل
لروح مهداوي مااطلب غيرها
والتردي حاضر وهاي اخر
مره اجيج
وكف واني عيوني تفتر ورااا
نصه باسني بكصتي وطلع
ايام كضيتها التفكير اكلني
استشير ورد دكلي لضيعي
منيدج والفات ماتت وامين
يموت عليج ومرت عمي
متغيره عوفي الحقد والانتقام
مراح تحصلين غير ضياعكم
بيبي تهون عليه وكلامها مثل ورد
واني كلبي اله وعقلي وذكرياتي ضده
لحد مااوصل بيه الوضع اختنكت
طلبت من عمي باقر ياخذني للامام
يدليني الطريق تعبت مااريد اضلمه
واضلم روحي
من العصر بيبي حضرت نفسها
اخذنه دخلت ولاول مره ادخل
بكل خشوع زرت وطلعت
صليت لوجه الله كم ركعه ورجعت
طبيت وكفت مقابيل الضريح
بلزويه اباوع وكلبي محتصر
نصيت معصوره
غمضت وياها نزلت دموعي
مااعرف شحجي صفي
نيتي ياسيدي دليني دربي
انخاك وبكلب صافي لاتردني
اكفلني بحق كافل اليتامه
اكفلني بجاهه كافل زينب
اكفلني بعليل كربلاء
بجيت من كلبي نخيته
يسهلها ويفتح كلبي
مااطلعت لحد ماا كلبي فرغته
طلعت حملي ذبيته يمهم
بيبي منتضرتني رجعنه وعمي
باقر راد يحجي بيبي سكتته
مر اسبوع واني حايره من غير
ورد تلح بيبي تقنع واني مااعرف شنو
المسكتني كلبي يلعب وبيوم كعدت
امي فاازه ركضت عليها جنت ارتب
بلمجرات
كالت يمه حلمت بيج
استغربت شنو
_يمه اجه واحد اسمه موسى وانتي يمي
ورنيم بصفج شمر عليج ثوب ابيض
وباوع لبت عمج كلها خلصن
يمه والله اجه ابن عمج ذاك
الوجه النوراني مو جنه هوه
هوه بيده لبسه الج طلعتي
هلكد حلوه وانتي تبجين
متردي وهاي فزتي
صفنت ركضت البيبي سولفت
ابتسمت بيبي _كالت حبوبه هاي
بشارتج من الكاضم بيومها بيبي
سوت ثواب للامام
وكان قراري منتضر اشاره
انطيت الموافقه البيبي
........يتبع
اعتذر كد مااحاولت اقلص بلاحداث
ردت انهيها بارت اليوم مكدرت
ضل القله القليله