ملتزمه سكنت قلبي ❤😍

الحلقة الثالثه

لا تجعلي الدنيا  تخدعكي يا صغيرتي فكيف  لوردة جميله ان تنبت اشواك سامه فلا تخدعكي مظاهر لناس بل انظري الي ما يخبئونه في قلوبهم فكم من أُناسٍ اعجبتنا مظاهرهم وصدمنا عندما علمنا ما تحتويه قلوبهم 💔

♕_______________________♕

بعد نهاية اليوم عادت نور برفقت نورهان واميره الي منازلهم

في منزل نورهان♕

نورهان وهي تدخل المنزل: السلام عليكم ورحمة الله وبركاته

سماح (الام ) و حسني (الاب)  وشهاب (الاخ الاصغر والوحيد لنورهان) اجابوا جميعا في صوت واحد:  وعليكم السلام ورحمة الله وبركاته

ذهبت نورهان وقبلت يد والدها ووالدتها

سماح وهي تمسح علي راس نورهان بيدها بحنان امومي:  ربنا يباركلي فيكي يا بنتي ويرضا عنك ويوفقك في دراستك

نورهان بابتسامه:  يا رب يا ست الكل بس نسيتي دعوه مهمه جدا

سماح:  دعوة ايه دي هو في احسن من الدعاء الي دعتهولك

نورهان:  اكيد لا بس دا دعاء مهم جدا نسيتي تقولي ربنا يرزقكك بابن الحلال 😁☺️ ولا انتي عايزاني اعنس جنبك يا سوسو 😂

سماح:  يا رب يا بنتي يرزقكك بابن الحلال واتفك منك انتي واخوكي😂

نورهان:  اخص عليكي يا سوسو دا انا عسل دا انا الي هيتجوزني امه داعيه عليه اوبس🤭 اقصد دعياله وفي صلاة الفجر كمان 😂

شهاب:  فعلا والله 😂 دي الداعوه مستجابه كمان 🤭

نورهان:  ايه عندك شك ولا ايه 🤨

شهاب:  ابدا هو انا اقدر اشك 😁 انا متأكد مش عندي شك😂😂 ( واخرج لها لسانه وفر هاربان قبل ان تلحق به نورهان 😜) 

نورهان:  هي وصلت لكدا طب والله ما انا سيباك (وجرت بسرعه علشان تلحق به )

حسني:  هههه عيالك دول هبل يا سماح مهما كبروا هيفضلوا كدا الناس عيالهم تكبر وتعقل وعيالي انا عكس الناس كلهم يكبروا ويخيبوا😂😂

نورهان بعد انا سمعت كلام والدها: بتقول حاجه يا حاج
حسني🤨:  لا مش بقول حاجه هو انا معرفش اتكلم مع مراتي حبيبتي خالص لزقين ليا في كل حاجه

نورهان:  مراتي حبيبتي طب عن اذنكم بقي يا جماعه علشان الجو هنا شكله بقي رومانسي وانا قلبي الضعيف لا يتحمل هذا 🤭( وذهبت الي غرفتها لتؤدي فرضها وتذاكر دروسها)

________________________
عند اميره ♕

اميره وهي تدخل المنزل: السلام عليكم ورحمةالله وبركاته

الجميع في صوت واحد: وعليكم السلام ورحمةالله وبركاته

ذهبت اميره وفعلت مثل نورهان فهم من وقت التزامهم يقبلون كل يوم يد اهلهما احتراما وبرا بهما

سعده (والدة اميره ): ربنا يباركلي فيكي يا بنتي ويوفقك في دراستك واشوفك اجمل عروسه مع ابن الحلال الي يستاهلك

اميره وهي ترفع يدها: يا رب يا امي 🤲🏻

سعد (والد اميره ): اخبارك ايه النهارده يا حبيبي واخبار الكليه والمذاكره ايه معاكي

اميره: الحمد لله يا بابا كل حاجه تمام جدا

سعد وسعده: يا رب دايما يا بنتي

اميره: امال فين فارس ومحمد مش ظاهرين علي الخريطه ليه

فارس وهو ياتي من خلفها: بخ انا جيت 😂

اميره بخضه: يخرب عقلك يا فارس مش عارفه انت ليه دايما بتخضني انت عايزني اقطع الخلف وانا لسه في عز شبابي

فارس: ههههههه تقطعي الخلف مش لما يجي الي امه داعيه عليه 😂

اميره: ايه يا ابني هو انت مش شايف طابور العرسان الي واقف علي الباب وانا مش راضيه افتح لهم 😌

فارس وهو يضربها علي راسها بخفه: ههههه لا مشفتش اصلي خفت اجي من الباب دا يكونوا سدينه جيت من الباب الخلفي😒

اميره: طب بطل يا خفيف ظرافه علي العصر
صح يا ماما هو مفيش اكل ولا ايه انا هموت من الجوع

سعده: روحي غيري هدومك وثواني والاكل هيكون جاهز

اميره: تمام يلا سلام وذهبت الي غرفتها

(فارس سعد: اخو اميره الكبير عنده 25 سنه ظابط برتبة رائد   /  محمد سعد اخو اميره الصغير في اولي اعدادي )

________________

نروح للمجنونه التالته نور 🤭

نور وهي تدخل المنزل  : السلام عليكم ورحمة الله وبركاته

الجميع في صوت واحد: وعليكم السلام ورحمة الله وبركاته

وفعلت نور مثل اميره ونورهان وقامت بتقبيل يد والدها ووالدتها

هدي (او ناهد ):  عمله ايه النهاردة يا حبيبتي

نور: بخير الحمد لله يا امي

هدي: يا رب دايما يا حبيبتي

عز الدين( والد نور ): عمله ايه في  الكلية يا نور

نور: تمام الحمد لله يا بابا 

عز الدين: عايزك تجيبي امتياز السنه دي مش هقبل باقل من كدا وانا واثق فيكي

نور: ان شاءالله يا بابا مش هخيب  ثقتك فيا   (في داخل عقلها: بصراحه اشك في كلامي 🤭 ادعي دكتور محمود يرضي عني 😂) ثم ذهبت الي غرفتها لتؤدي فرضها وتذاكر  دروسها
ــــــــــــــــــــــــــــــــــــــــــــــــــــــــــــــ
في مكان اخر ( في منزل شيماء)

تجلس شاردة تفكر في ذلك الادهم وفي كلام صديقتها حنين عنه

♕فلاش باااااك♕
عندما كانت شيماء عائده الي منزله بعد رؤيتها لادهم

حنين من شرفة منزلهم: شيماء يا شيماء

شيماء وهي تنظر لاعلي لتري حنين تلوح لها: ايوه يا حنين

حنين: اطلعي عايزاكي في موضوع مهم

شيماء: تمام وطلعت لها المنزل فتحت لها حنين الباب دخلت شيماء وسلمت علي والد حنين ووالدتها واخوها احمد الذي يكبر حنين ب 5 اعوام  وبعد كدا دخلت مع حنين غرفتها

حنين: شيماء ممكن اعرف انتي كنتي فين

شيماء بقليل من التوتر : ها ابدا ي يعني هكون فين كنت عند عند الخياطه

حنين: بتكذبي ليه يا شيماء انا كنت عند الخياطه وانتي مكنتيش هناك  وسالت عنك في البيت قالولي انك رحتي هناك رحتلك ملقتكيش

شيماء: ها وانا هكذب ليه يعني ايوه رحت للخياطه ومشيت علطول

حنين: اه مشيتي رحتي فين بقي

شيماء: ما بس بقي يا حنين هو استجواب يعني ولا ايه

حنين: ايوه استجواب يا شيماء لما اعرف انك خرجتي من ورى اهلك علشان تقبلي الي اسمه ادهم دا يبقي ايه

شيماء: ايوه ايوه خرجت معاه وفيها ايه يعني ما ما كل البنات بتخرج مع الي بيحبوهم هي جت عليا انا

حنين: لا انتي اتغيرتي خالص يا شيماء اذاي بقيتي كدا انتي شيماء صحبتي الي لما كنت اقول امتي بقي الاقي الي يحبني واخرج معاه ذي البنات دول كانت تضحك عليا وتقولي لا انتي عمرك ما هتكوني ذيهم دول بنات بتخدع اهلها واحنا متربناش علي كدا  مش هو دا كلامك يا شيماء

شيماء بقليل من الحزن: بس ادهم مش ذي الشباب دول هو بيحبني ووعدني اول ما ظروفه تتحسن هيجي يتقدملي

حنين: كذاب يا شيماء دا مش بيجبك دا بيضحك عليكي لو بيحبك مش هيخليكي تخدعي اهلك وتكلميه او تخرجي معاه لو بيحبك هيحافظ عليكي

شيماء بحزن: طب قوليلي اعمل ايه يا حنين انا مش هقدر ابعد عنه 😔😢

حنين: لا يا حنين لازم تبعدي  وهو لو بجد بيحبك هيجي يتقدملك ويتحدي كل الظروف

♕نعود للحاضر ♕

شيماء بتفكير: يااااه انا بجد اتغيرت جدا بجد اتغيرت اذاي بقيت كدا انا كنت دايما بنصح اصحابي يبعدوا عن الطريق دا وبدل ما ابعدهم ادخل انا في الطريق دا 
♡  القلب: بس ادهم ادهم مختلف عن الشباب الي هما بيكلموهم
♡ العقل:  وانتي ايه الي مخليكي متاكده كدا 
♡ القلب: مش عارفه بس انا حاسه ان هو غيرهم هو وعدني انه هيتقدملي بس لما ظروفه تتحسن
♡العقل: دا بيلعب بيكي افتكري كلام حنين دا لو بيحبك هيخاف عليكي ومش هيخليكي تخدعي اهلك علشان تقبليه
♡ القلب: مش عارفه اتخذ اي قرار حاسه اني مش هقدر ابعد انا اتعودت علي وجوده في حياتي
♡ العقل: دا مجرد تعود واول ما تبعده عنه هتنسيه انتي مش بتحبيه متخدعيش نفسك  .............

ماذا سيكون قرار شيماء هل ستستمع لقرار قلبها ام لعقلها سنعرف ذلك قريبا؟؟
(حنين محمد : صديقة شيماء منذ الطفوله تحب شيماء كثير فهما ليس مجرد اصدقاء فقط بل هما اخوات  ولكن هذه الامل منذ ان تعرفت علي شيماء وهي اصبحت تبتعد عنها ولكنها لن تتخلي عن صديقتها ابدا مهما حدث ♡

♡احمد محمد : اخو حنين يحب شيماء منذ الطفوله ولكنه لا يظهر ذلك لاحد الا حنين فهي من تعرف كل اسراره وعد نفسه ان يتقدم لها عندما يكون نفسه فهو يعمل في نفس المصنع الذي يعمل فيه ادهم وكم يبغض ذلك الادهم فهو حاول اكثر من مره ان يتقرب منه خصوصا بعدما راءه مع حنين اخته ولكنه دائما ما يبعد عنه لانه يعرف اخلاقه جيدا )

♕--------________________-----------♕

لنذهب الي ذلك الحازم  في المساء

يجلس في غرفته ويتصفح  الفيس بوك
جذبه اسم تلك الصفحه التي ظهرت امامه ♡ اسميتها خديجه ♡ فكم هو جميل هذا الاسم دخل الي تلك الصفح ليرى منشورات تلك الفتاة منشورات كلها تتكلم عن الدين لتقع عينه علي هذا المنسور الذي يتكلم عن:
( شباب هذا العصر وكم هم غارقون في المعاصي والذنوب كم هم بعيدون كل البعد عن مسمي الرجوله والاخلاق  كيف هذا وهم حتي اهم فروض الدين بعيدون عنها (الصلاه) ماذا يحدث في زمننا هذا يا ساده حقا اصبحت اخشي الخروج من منزلي اخشي ان يتعرض لي احدهم اعلم انني ارتدي الزي الشرعي ولكنهم لا يتركون احدا  كم من فتاة خرجت من بيتها عذراء عادت اليه مدنسة شرفها منكسة راسها وكل هذا بسبب شباب عصرنا الذين نسوا كل شيء عن دينهم حتي انهم نسو وصية رسولنا محمد صلى الله عليه وسلم الذي قال: استوصوا بالنساء خيراً
افيقوا يا شباب الامه فالامه الاسلاميه تحتاجكم افيقوا بالله عليكم قبل فوات الاوان فزمننا زمن الموت المفاجئ افيقواااااا.)

كم اثر فيه هذا الكلام كثيرا واستمر في تصفح المزيد من المنشورات لهذه الفتاة وفي نهاية قرر ان يرسل لها طلب صداقة لعلها تساعده في الرجوع الي الطريق الصحيح  

من هي تلك الفتاة؟ وهل ستقبل طلب صداقته ام لا؟ وهل سيتغير حاله ام لا؟ كل هذا واكثر سنعرفه في الحلقات القادمه ان شاءالله.      

♡♡♡♡♡♡♡♡♡♡♡♡♡♡♡♡♡
اعتذر عن التاخير احبتي في الله ولكني حقا اشعر بخيبة الامل وكثير من الاحيان افكر في حذف الرواية لانني اظن انها لا تنال اعجب احد
ارجوا منكم ان تخبروني برايكم في الروايه وساحاول قدر استطاعتي الا اتاخر عليكم
جزاكم الله كل خير في رعايه الله وحفظه👋🏻❤