وداد__ حرت بيها هسه هاي شيسكتها
اشش اشش فدوه اسكتي يمعوده
ماكو مستمره بلبجي وجها انكلب
يبوو اروح منا وارجع احير اصفك
اكمز اغني كل صرخه تصرخها طفرني
ماعندي غيرها لها عوبه خابرتها
هااا
وقز القطا حيوانه شعرفلها وتشمريها عليه
_شكوو يا عززه وداد البنيه فحطت
شكالولج عليه مربية اطفال شسويلها
_شيليها افتري بيها
ميفيد
_باوعي خابري امي ترجع
بت الكل.... بنت اخويا لو اخوج
_اووو هي مره بلعمر تكرم عليه
بسوم وياخذني لمحله
ان شاء الله يكلب ليش مااخابره
واكله على دكتج
_عزه بعيني لج البنيه سويلها
ممه انتهت صوتها راح
معليه اذا ماتت والله
_ميخالف فدوه العمرج والله اعوضج
بس سكتيها على مااجي
امشي لج تعوضني ام حلك
عفتها دخت من عياط عسل سويتلها
ممه واني اول مره بحياتي اتعامل
ويه طفل شكد اخلي مي للممه
شووو باوعت رقم 4 وخليت حليب
4 قست ويه كل رقم مجياله
جاهله امرهم لزمتها شكدوتها
البربونه مالتهم
خليته بحلكها اخذته ترضع
ضليت افتر بيها بعدني بملابسي
ملحكت ابدل وحجابي وجواريبي
كعدت وهي بحضني ستوني انتجيت
اريح ضهري عاطت صحت وسم
رجعت ترضع كانو تفتهم
بعدني احجي وياها محسيت غير
امي فوك راسي عاكد النونه باوعلي
_نتر انطينياها
وعليكم والرحمه لا عوفه دترضع
_انطيني ومشكوره مقصرتي
لا عادي خل تنام واخذها لكاروكها
_كعد متنرفز ضل يدك بجهازه صااح
يوم تجين لو اكلب الدنيا عليكم
اييي المن طالعه وعايفه عسل وحدها
ايي ذيج الحيوانه مال دحايم اي خابرتني
ديله استعجلي راسي راح يطك
خله وصعد الدنيا طالعه من عينه
يمكن سمعني لمن كتلها وسم
اووي وطبه مرض فوكاها
ساعه وهي بحضني غافيه مدري
ليش انقهرت طفله بله ام ضاله من
ايد الايد بله ذنب امها تركتها
نزل مبدل سمعته يطكطك بلمطبخ
شويه وطب بيده صينيه كعد ياكل
دقايق وطب مرت عمي وياها بيبي
اخذت مني البنيه وهوه راسه بلصينيه
كمل وكام غسل وكعد يدخن
استغربت امين اول مره يدخن
كدام بيبي واحتمال جدو يطب
بلهول مهتم
مدري ليش ركزت بتصرفات
دااريد استنتج شنو اليدور
هنا وهلتغير ناتج من شنو
بيبي كعدت سولف وياا هي
وامه لا عيونه شافني رفع
حاجبه ورجع يكمل
لليوم هوه يدفع بحاضر
زوجته عمامي رغم ساعدو
ضل قسم عليه يقسط بيهن
فلوس سيارته مكفن كون
بوقتها حاضره وغايبه قوي
بذاك الوكت عمي تعارك
ويه زوجته لان حرجو كدام
الناس بيوم المشيه
وكعدت تقنع بي وخوش ناس
والفلوس مومهمه راح يعيشون
عمر واحنه ندور وجوه ومن
هذا الحجي سكتت عمي بي
واليوم اكلوها خلو امين
يدفع كل راتبه يادوب
يخلي مصرف اله
بنته من مسؤلية مرت عمي
حليبها حفاضاتها كل شي
يخصها
طبيت بدلت وطلعت اتغده
مشه اليوم عادي رنيم بس رجعت
امين لعب بيها لعب
عرفته ماخذ موقف مني لان
نترت بيها اااوووي ويطبه
عريجي
طبتلي رنو تحجي عليه
صحت بيها وشلي دخل كتلج
ذبيها عليه وهي متسكت
فتحت حلكها شعرف اني
_مو داخله روضه
اي روضه مو حضانه ياذكيه
_شدعوه عليج اذا تحملتيه ساعه
رنيم مااتحمل طفل وبته بس
تبجي وحرت مااعرف شنطيها
_كتلج سويلها مميه جوعانه
موسويتلها سكتت وشويه بجت
_لعد ليش امين رزلني
عيني لان كتلها وسم
_تحملي وداد اخويه على ساعه
ينفجر من مغفره
شعلينه احنه ممجبوره اتحمله
_اووو وداد انتي فد انانيه
اي ميخالف يله ولي اريد
انام
ضلت تهز بيدها مجرد غمضت
عيوني مرني طيف ذكريات
حنيني ياخذني اله رغم قساوت
كلونه رغم ايام المر شي بيه يدورله
عذر وشي بيه مايغفر
نضره نضره تحفر بداخلي همساته
بيوم صعدلته من شوقي وعيونه
الذبلت ونفسه التخربط
ويه دكات كلبي تعلن استسلامها
امامه تخضع كل جوارحي
اموت قهر بين دمعتي ونتي
تغمض عيني
عدت فتره متوتره عسل متنام
اليل كله تكضي بجي مرت عمي
بدت تتعب وضوج شكد ماشيل
بكلبها حب الها تبقه مومثل الام
بيبي تدعي وترجع ليوره مغفره
متنزل من حلكها مادام البنيه
تفرفح
مرات اروح يمهم اشوفها البنيه
بنيتها ضعيفه رغم معانيها دتوضح
شويه شويه
شهر وعسل على هذا الوضع مخلو
طبيب كشافه بخورات زوروها
البجي مستمر امين مل نص اليل
وينزل يشوفها وامه مرات تجينه
تناوبن عليها رنيم وياها ومرات
اني ومرات اعصب نوم مدانام
زين صوتها يوترنه
عمي ماجد اخذله ايام يروح يم عمامي
ايسر فوك مويمه الصوت
مستمره بدوامي وهاي هناء موتتني
يوميه جايبتلي واحد شكل
_زوجي دادا شعدج كاعده العمر يمر
وانتي مكابله شكولات بيت جدج
شلون ادلل بروحي هي قسمه
_نزول عليج ياقسمه كولي شطاره
وخبره شايفه هاي ام ... بناتها
زوجن نفسهن بنفسهن وشحالهن
لا شكل لا ثقافه لا منطق مدري
شلون يلوفن على الزلمه وياخذنه
يااا عيوني ترديني اصير مثلهن
لا يمه عيب شنو مشايفه لو كاتله
روحي
_حبيبه كتلج صيري مثلهن شناقصج
اشوو جنج تركيه صدك بلعزاز هاي شلون
بشرتج هيج صافيه جنها كيمر السده
هههههه عيوني ست اشو كلبتيها
_ غير نريد نورد مثلج
هههه فدوه لضربيني بعين مناقصني
_لا الرحمان والله احبج وهيج احاجيج
على كولت ابو المثل من حبك لاشاك
عادي اني هم اتونس وياج
صارت اقرب شي اليه بين
المعلمات هناء تجي تكعد يمي
سولف على جنتها وابنها
عده ولد واحد وبعد ماخلفت
من الله شكد راجعت رادت
زوجها ادمي خوش رجال
ميدور مقتنع وهي فد حبوبه
وطينتها مثلنه متحب صادق
غل مصلحه لو غايه هيج من
كلبها الترتاحله تبراله
يوم عن يوم امين تتغير اطباعه
نضراته طالت صفناته بوجهي
ضوجني اكوم متنرفزه
جكايره كدام عمامي وجدي
عادي موذاك اليهابهم ويحسبلهم
حساب
امه ملت من عسل على كولت
بيبي مخلت للداي دوه
وعدن الثلث اشهر واجتنه ورد
مفوله تريد جيب ماكو مثل مطبت منا
ساعتين وكامت تتلوه لليل زاد الوجع
نهاد ذبها وكال بس اكضي الشغل
العندي واجيكم خله بيبي تحجي
وصدك لليل ورد بلش عدها الطلوك
ركضو بيها وخابرو امين خابر
على كم طبيبه يعرفهن
تلكوها وهم بس بيبي خلوها تدخل
ومرت عمي جدي لحكهم وعمي
بسام وماجد بلحديقه كاعدين على
نار
واني ورنيم ضلينه وحدنه متوترين
وبالنه يمها من غير تلفوناته بيدنه
عمي بسام كام يصيح لحد دك بعد
دوختنه خنسنه منتضرينها
ساعه وخابرونه جابت يمه كلبي طفر
امي لاؤل مره تكون طبيعيه وتسال
عن خواني والصدمني تذكر كلشي
لحد ماكتلها ورد جابت
ابتسمت بقهر هاي دربها اخضر
بس الطاحت بيهم ميخلوها مرتاحه
مااعرف صدمتني بجوابها
لثاني يوم جابوها حرنه بيها
معلكيلها مغذي بيبي بس طبت
ذبت عباتها طلعت المعلاك
تشوي ومرت عمي سوت شوربه
ورجع البيت نخبص بلدخيل
الجديد عنونه فرفح كلبي من
شفته صغيرون واسمر على
ابو وكلشي مبين من وجها
غير كبر عيونه على والدي الله يرحمه
سبوع انشغلنه بيها نهاد يحومي يمها
لوماعيب يدخل للغرفه المستحه ميخلي
امه ضلت تروح وترجع ويا
خلص الاسبوع واجه اخذها بيبي
حجت رادت اني حجيت وياا
كال اني اخذت اجازه نداريها
يمنه بلبيت رانيا ملحكت تشوفها
منا طلعت ساعتين وطبت بيدها
جيس الجكليت
ايسر صاح بعد وكت مخليتي تطلع
الاربعين مانشوف رانيا غير شايله
الجبجير وتركض وراا
كعدت خجلانه بيبي والله عرس
حماتي والبيت كله طايح براسي
وين الحك وداد عليج الله مويوميه
اخابرج اطمأن عليها
كتلها انتي تمشين وره حجي هذا
_مو الحقير فشلني
عادي كلبي
_لا مادام بارق نازل ياخذني لعيالها
اباركلها
مشه اليوم
لليل وكفت اكلي كباب متعوده
على ايسر يلكط ايد نمدت بدون
مااحس ضربتها
التفتت واشوف امين صافن عليه
مصدوم يباوعلي بهتت مرتبكه على
القرب البينه وتصرفي الغبي
رجعت ليوره مد ايده لزم ايدي
ضليت واكفه انتضر شيسوي
رفعها باسها مدري صار بيه
بسرعه سحبتها وعفت كلشي
وراي الطاوه مشتعله وجسمي
يرجف
شديسوي هذا حيموتني والله
رنيم شايله عسل ترضعها ممه
سحبتها منها روحي عفيه الكباب
احترك
ضلت مستغربه رجفتي دفعتها
وشلت عسل افتر بيها وكلبي
دكاته احسه تنسمع
وين واني بلغرفه عسل نامت
وصاحوني على العشه مقبلت
كتلهم مااشتهي بس حاجيت
رنو تعزل لمي من تكعد اعشيها
كمت اتهرب منه اداوم وارجع
اكضيها اترقب وجوده بس اسمع
خطواته اطفر لغير مكان
تصدف نزلته ويه طلعتي يشوفني
يحاول يحاجيني اشرد لغير جهه
ولا جني وداد الحلفت الف حلف
ميرجفها بقيد شعره
لمسه منه نستني روحي ليش هل
ضعف اتنرفز واصير اعصاب من احس
بضعفي كدامه
يوم يوم ميعدي لابد اكو موقف
يجمعنه سوه وتبدي حرب القلوب
واني بيه وماابتعد بيه ومااحرك
كل رباط الوصل شجابك عليه امين
بعد ماااخذت كل شي حلو عندي
بعد خذلان
البجي
الحرمان
حركت كلبي
شتريد ترجعني وانت بيدك نفيتني
وين بأعز مااملك هوه حبي البريئ
وين كنت عني من تركتني نص الطريق
ومشيت ويه امك في سبيل تنال مرادها
كل حقد فز بيه
ايام الحركان
زمان العتب
اشيلك من كلبي صعب التنفيذ
اروح وارجع وهوه شاغل بالي
بردود افعاله مستغربه جرئته
مذهوله من حركاته التي تخلو
من الحياء وبلفعل صار انسان
اخر اكثر جرئه وقاحته برز
من عيونه تحكي كثر صلافته
حلفة بكل حرف من كتابه المقدس
اذا ماا اشوفه الشفته اشربه
الشربونيا بكاس من حنضل
صرت اتفنن بلبسي وعيت على
نفسي لازم اعيش الروحي فقط
محد يستحق دمعه
بكل طلعه ويه الكروب لازم ارجع
مشتريه نفنوف مره احذيه كعب
مرات شالات
لحد ما ترست الكنتور بناطير
بكل موديلاتهن سطرتهن
يوميه لبس شكل لفت الشال
اتقنتها عكس ايام المضت
رنو كامت شاركني مكيفه
داوم شرايحلها براسي
تاخذ وتضحك واني مطيتها على
مايحها تبقى اصفه كلب بيهم
اطلع من الغرفه واني بكامل
اناقتي من الحذاء للشال
اكسسوارات شي بنزاكه
شفت روحي مرتاحه كوني راضيه
انوثتي جمالي برز ويه شمرت حاجبي
بشي مرتب بناتي بيبي تصلي على النبي
نضرت امين ارضت كبريائي
اليشوفني مو كانو مدرسة روضه
من اطلع لحد مااوصل اشبع كلام
بكل لغات الغزل ميحرك بداخلي
بلعكس اكوم افور اسكت
علاجهم السكوت مااخلي روحي
بموقف اضطر ارد اجاهلهم كوني
اكبر من تفاهت فكرهم المنحط
ماانكر ازداديت ثقه بنفسي
بس كل جرت كحل ورسم
معالم وجهي اشوف عيون
امين
البس بتقان وشي مميز واتخيل
نضرته اشوف نفسي بعيون
اجمل فتاة على الارض
عدت الايام شي بيه تعود على
الترتيب نضام الصبح تنسيق
ملابسي جدول الطلاب
اسلوبي طريقة كلامي تصرفاتي
تعاملي اتقنت مجاملة الاخرين
بدون ملل اكسب الغير بضحكه
مرسومه ببرائه
ثنين من امهات التلاميذ
طلبني وحده لحماها
وحد لخوها
هناء سمعت اكلت راسي
يوميه زن وزن لحد ما انطتهن
العنوان
وبلفعل وره يومين اتفاجئه
بنسوان يمنه بيبي رحبت
بيهن بيومها العصر ستوني
سابحه وداامشط
رنيم طبت تتمضحك ياعروس
يردوج
ضيقت عيوني شكو
_اجوج خطابه وطك اصبع
بين المصدكه والمامصدكه كملت ضفر
طلعت ادري بيها شقاها ماصخ
واتفاجئ بيهن ثلث نسوان وحده
بيهن ام الطالب شافني ابتسمن
هاي الحجت بخواها وسوته سيد
وتايره بكد بغداد
ابتسمت مجامله سلمت عليهن
وكعدت بيبي تحجي وياهن
ومرت عمي وياها
وشويه وبلشن يحجن بمواصفات
العريس خليت ايدي على خدي
اتمعن واتخيله خلوق وحليو
وشاغول وكلها تحلف بي
وتعالو واسألو خو امه ابني
ياام ماجد عد عيناج وانتي
مامحلفتني يصوم الثلث اشهر
وصوم وصلا كلت بكلبي وخمس
وزكاا سلام الله عليه
بيبي تهز راسها اي والنعم منكم
الله يحفظه ويخلي سالم
خلصت المقدمه وكالت الامايه
نريد هاي المحروسه وكالتي
بنتي واجيت مااضيعها
وشتريد حاضرين وتعيش
حالها حالي واعتبرها بتي
بيبي منطتهن جواب غير
شورها بيد جده وعمامها
طلعن واني على كعدتي
ورنو طبت طك اصبع وتغني
شعندج صافنه وايدج على
الخد اخاف عاشكه وبالج احد
هزيت ايدي وكمت طبيت للغرفه
دك التلفون لما
سلمت عليها سالتها على
احوالها واحوال ماهر
الي حتى سلام ميذكرني
مقاطع الكل
ولما بلشت تشكي منه ومن
بروده وبس يدخن ومشغل
عقيل موسى اخاف نموت
غربه ومحد النه
من كد مااسمعها منه حفظتها
ولما دكمز من اسلوبه وياها
والعرفته متقربلها مره وحده
عادكعدت انصحها تتحمله
وتنطي مجال تبقه جانت
مرت اخوو وتتحمل لخاطر
الجهال وانتي تكدرين
تغيري بهدوئج بسلوبج
بعقلج الناضج وحده حيوعه
على نفسه حاولي تغيرين
بنفسج مو بشكلج جمالج
ميجيب بكد اخلاقج واطباعج الرزنه
مااهر اعرفه يحب الهادئه يحب المطيعه
يريد هوه يكون المتصرف الاول والاخير
لتعاندي كسبي كوني جنبه لتتطلبين
وتحملي فوك طاقته لمي وكوني
هواي ازوجو مثل ضروفكم بس بيهن
الحوته وبيهن الخربته وانتي احوي
الزواج مو فقط فراش الزواج بيت
وعائله واستقرار واطفال
كوني لينه بوكت الحق وصيري
صلبه من يبخس حقج
لما صديقتي لكن الوكت بعدني
عنه تغيرت من موت مهداوي
انصدمت رادت تعيش وحقها
من طلبت زواج كامل لجل
نفسها وجهالها حسبيتها
صح
لتكدر تعوفه اطفالها وتزوج
ولتكدر ضل اخوها ماعليه
اعتماد امها ايامها معدوده
وين اضل منو يتحمل مسؤليتها
وبركبتها ثنين
جدي وعمامي خنكوها بطلبهم
للجهال مخلولها منفذ غير
تطلب زواج على حسب
شرع والسنه
واني بجانبها مااهر اله يوم
يوعه على زمانه حب انته
وهوه النها بيده رنيم
متريد تعيد اخطائها زواجها
خلالها تجربه استفادت منها
بتها المحرومه منها وتتمنه
شوفتها الي كل ما تكبر يقل
عمرها
شي طوته من حياته لا تكدر
تعيش بلغربه ولا تكدر تتقبل
ماهر مثل قبل وترجع تحبه
موتت شكو بذره عكسي هي
نست اني مانسيت
يجي اليوم الي تلكه هذا
الانسان يزرع زرعه وينبت
بداخلها ويخضر
التهت جامعه ودراسه وبيت
نست شي اسمه ماهر اصبح
من العابرين
مااخفي لوعت اخويا وحركت
كلبه لكن قدرهم محتم عليهم
بلفراق
وعسى ان تحبو شيئاً وهوه شراً لكم
مشيئه الاهيه شي مكتوبلهم يشوفو
بيبي ماقصرت بس التمو عمامي
وجدي طرحت الموضوع
ايسر وامين طالعين
عمي بسام اخذ كافة المعلومات
يسأل بدون مياخذون رائيي
سكتت مااعرف شنو الخلاني
مااعترض كلام بيبي بيوم
الطلعت المره وشافت الرفض
بعيوني
شوفي حياتج بعد انتي توضفتي
وراتبج خير وبركه شمنتضره عمرج
طب بل 27 المثلج عدهن جهال
حبوبه اول تالي مكان المره
بيت زوجها
درستي وتخرجتي وعشتي مدلله
وطبين وطلعين مناويه تأسسين
بيت واطفال محابه تكونين
ام هاي اختج اصغر منج زوجت
وشافت حياتها متردين واحد
سندين عليه متردين تحبين
وتنحبين
يابيبي شمتانيه والبنت لو كبرت
وفاتها القطار منو يدك بابها اكو
غير المطلك والارمل لو المزوج
شوفي حياتج وتوكلي على ربج
لاضلين تحيرين وترفضين مثل
كل مره هذا الولد خوش ولد
وهم متخرج ومتعين وهم معايز
وانتي بعد بكيفج ماريد دكولين
حبوبتي لحت عليه لو غيرت
رائيي انت جبيره مو صغيره
واجبرج ولا اضغط عليج
من اذكر جهال رانيا لو رنيم
لو ورد يجيني طيف امنيه
يكون عندي طفل اشتهي
هاي الامنيه
االروضه مليانه اطفال لعبهم
ضحكهم ركضتهم واني وراهم
حبيتهم وحبيت الفكره
مرت الايام واجه عمي باقر
سألين والولد خوش ولد
وماعليه قصور
تعودت على صوت عسل
بدت تناغي الحليب سمنها
وغير ملامها صارت احله
وكلما تنشنش تحله
كمت اناغيها واضحكها
عرفت مقاس ممه مالتها
مرت عمي ذبتها علينه بوجودنه
من نكون بلدوام تكون يمها
اليوم مر الدوار من يم الروضه طلعت
المعاونه وكفته سياره ممليه ملابس
طلعت وياهن على الواهس واشوف
نفانيف اطفال بدون مااتردد اخذت
ثنين واحد ابيض والثاني جويتي
اطلب بيهن يخبلن وهي كبرانه
وصايره عسل اسم على مسما
متخيلتها تتغير من تكبر وصير
حلوه اذكر من جابوها تكش نفسي
على كولت بيبي الطفل اله سبع
وجوه
عيونها كبار الرصعه بخدها وخدودها
كبار على امها بس لون عيونها مميز
جوزي محددات بأطار اسود بارز بيها
اول مرجعت شلتها من كاروكها نايمه
بس فتحت عيونها عرفتني لبستها الابيض
طلعت دااشوفهم بااعو الحلو شجبتله
امين كاعد وعمو ماجد بصفه
بيبي بلكاع وجدي على التخم
مرت عمي ضحكت يمه فداوي لعسوله
هااي شنو شلابسه بنيتي
بيبي ابتسمت هم اشتريتيلها
هزيت راسي بدون صوت
مااريد يعرف قربي من بته ويفسره
غير تفسير
انطيتها لمرت عمي بعدني
بملابس الدوام بوجهي الها
بدلت طلعت اسمع عمي
يحجي بسالفة الولد صارله
صارلهم 3 اسابيع المره تريد
الجواب وبيبي دكلها صبرج
يمه عمامها يردولكم
بسرعه باوعت على امين اشوف
ردت فعله لكيته مثل متوقعت
مخنزر والف شيطان بوجها
ضل يستفسر منو وين شافها
وشوكت اجه وليش ماادري
بيبي مااقصرت شكو نكلك حبوبه
عمامها موجودين وهمه سألو
درت وجهي بغرور وطبيت اصب
غده الي
شلت الصينيه داافوت لوجهي صار
وجه مزنبر نتر بين سنونه
رايح للمخزن دقيقه مطولين
بادلته برود شكو
_اريد احاجيججج
عليمن
_وداد صيري حبابه لو ترديني
اسحلج غصب
معليك بابا موبكيفك امشي
_هااا
والله شايفني قبل خفت حتى
هسه ارجف منك
_هلو ياب محسيت غير شايل
الصينيه مني وحطه على الميز
بعصبيه بحيث صوت صار قوي
وجرني جررر من ايدي
.........يتبع
انتضرو البارت الاخير