يونس شدها من ايدها واخدها وخرجو.... اي رايك في المكان دا
قوت: انا مش فاهمه حاجه هو اي اللي بيحصل احنا فين
يونس لفها للبحر وحضانها من ضهرها.... اي اللي بيحصل اني حبيت اخطفك وابعد بيكي عن العالم دا كله في مكان اكون فيه انا وانتي وبس احنا فين في الغردقه في اي اسئله تاني
قوت مش مستوعبه اللي حصل ومش عارفه تتكلم
يونس: مستغربه ليه
قوت: اناحاسه اني تايها
يونس: تعالي ناكل الاول عشان انا هموت من جوع وابقي جمعي انتي بعدين واخدها ودخلو الشاليه والاكل كان جاهز قوت معالم الاندهاش واضحه
يونس بيضحك: هتفضلي مسهمه كدا كتير
قوت: مش فاهمه اي اللي بيحصل بس
يونس: كلي ممكن
قوت ابتدت تاكل وهي بتستوعب الموقف وبعد ماخلصو
يونس: قومي اجهزي عشان نخرج
قوت: انا مش معايا حاجه
يونس: لبسك جواه بسرعه يالا
قوت دخلت الاوضه وبتحاول تجمع الموقف وبعد مده خرجت كان يونس واقف منتظرها اخادها ومشيو وفضلو يتمشو كتير ووقفو في مكان هادي بس شكله حلو
يونس: عاجبك المكان
قوت:اه حلو اوي
يونس:اي مالك
قوت:حاسه اني بحلم اليوم كله مش مترتب وبعدين انت جبتنا هنا ليه
يونس مسك ايديها: ضاع من عمري كتير ف حبيت ابداأ من الاول معاكي انتي ويكون كل اللي جاي ليكي انتي وبس مفيش حد معانا
قوت بصاله بحب ومبتسمه
يونس:موافقه تكوني معايا علي طول
قوت هزت راسها باه
يونس:انا عارف اني طبعي صعب واني عصبي وانك بتخافي مني وانا لاقدر ابعد الخوف عنك ولااقدر اغير طبعي بس اللي انتي مش فاهمه اني بغير عليكي من اي حد عايزك تكوني ليا انا لوحدي ممكن يكون حب تملك.بس صدقيني ياقوت عشقي ليكي مالهوش وصف ولا مدي اتمني ياقوت مع الوقت تتعودي علي طبعي وتبطلي نظره الخوف اللي في عنيكي دي لانها اكبر عقاب منك
قوت: بس انا مابكلمش حد انت بتغير من ميين
يونس: هتصدقيني لو قولتلك من حبك لابوكي ولاخوكي
قوت اتصدمت: انت بتقول اي
يونس ضحك بغلب: انتي ماتعرفيش انتي عملتي فيا اي طول عمري عايش مفيش حاجه قدرت تهزني انتي جيتي دمرتي كل حاجه بنظره منك بكون طاير في سما ومن دمعه منك بكون نفسي احرق كل حاجه علي وش الارض عشان اتسببت ليكي في حزنك
قوت بصاله وهي مش مستوعبه كلامه معقول هو كدا اذاي
يونس: مستغربه كلامي مش كدا
قوت هزت راسها باه
يونس: وانا مستغربني اكتر منك عيشت عمري كله مفيش واحده قدرت تلفت ليا انتباهي امي حاولت كتير تجوزني لدرجه انها راحت ليشخ افتكرت اني معمول ليه عمل
قوت ضحكت وهو ضحك. معاها.... اه بجد انتي فكراني بهزر
قوت: مش واخد بالك انك بتتكلم ذي
يونس: معاكي بحب اكون انا مش يونس الجوهري حاكم الكفر
قوت: بس تصدق كدا احسن خليك كدا علي طول التاني دا
يونس رفع حاجبه : مالو
قوت: حبيبي
يونس ضحك وفضلو يتكلمو مع بعض ويضحكو لحد النهار ماطلع ويونس اخدها ورجعو تاني الشاليه عشان ينامو وقوت راحت لبوكيه الورد وبصت علي بلونه
يونس: عجبتك
قوت: يعني اي وتيني
يونس: يعني انتي
قوت: مش فاهمه
يونس مسك. ايديها وحطها علي قلبه الوتين دا شريان اللي بيوصل الدم للقلب لو حصل فيه حاجه البني ادم بيموت وانتي كدا بالنسبه ليه الحاجه اللي انا عايش بيها الهوا اللي انا بتنفسه هو انتي ياقوت
قوت: انت بتجيب كلام دا منين
يونس:بشتريه من البقال اللي جنب البيت عارفاه
قوت ضحكت ويونس اخدها وراحو ينامو وقوت نامت كتير اووي صحيت من نوم بتبص جنبها يونس مش موجود وهي بتفوق لقت ان في بلالين هيليم قدامه علي شكل عريس وعروسه ونازل منه حبل مكتوب فيه(البسي الفستان عشان نفسي اشوفك احلي واجمل عروسه في دنيا)
قوت بتبوص جنبها شافت الفستان وانبهرت بيه ولفت بيه كتير اووي وابتدت تجهز ولبست الفستان وسابت شعرها الطويل ولبست تاج وحطت بعض لمسات التجميل كانت جميله بدرجه ماتتوصفش
وخرجت بخطوات بطيئه كان يونس واقف ليها ومعاه بوكيه ورد ولمكان كله بلالين وورد وشكله مبهج جدا
قوت ضحكت: انت عامل فرح بجد وعملت دا كله امتي
يونس بصلها بانبهار وتابع كل تفصيله فيها.... بس ليا انا وانتي وبس تعالي
قوت:اجي فين المكان هنا حلو جدا
يونس:باره اجمل تعالي واخدها
قوت خرجت معاه وهي بتضحك وكان يونس حاطط تربيزه وحواليها كاسات من نار علي شكل قلب وفي سمعات وفي تورته واكل محطوط
قوت بانبهار : انت عملت دا كله امتي
يونس: مجهز بقالو كام يوم وانهارده كل حاجه اترتبت
قوت بتضحك. بسعاده ومش مصدقه اللي هي بتشوفه
يونس: تسماحيلي بالرقصه دي
قوت مدت ايديها ليه ويونس شغل اغنيه
(كل ماقرب خطوه ليك ) لساموزين وابتدو يتمايلو مع بعض علي كلمات الاغنيه وصوت نبض قلبهم بيذيد اكتر واكتر يونس ردد المقطع دا بهمس لقوت (((كل ماقرب خطوه ليك كل ماحس بشوقي ليك من نفسي حتي بخاف عليه من كل دنيا دي بغير عليه بحبه ايوه بحبه وهفضل طول العمر انا جنبه)))
يونس اتكلم بهمس من فيض مشاعره... مابشوفش الاغنيه دي غيرعليكي انتي وبس كل كلمه بتعبر عن اللي جوايا ليكي ومهما الكلام اتقل هيكون قليل علي عشقي ليكي
قوت بصتله واخدت نفس طويل اوي عشان تشجع نفسها واتكلمت بحب : أنت أول شخص أفتح ليه قلبي عمري ماكنت اتخيل انك هتبقي ليا كل حاجه انت بقيت ليا الاب والاخ والصاحب والزوج كنت كل حاجه اخدت كل تفكيري وبقيت فعلا كل حاجه ليا
انت الوحيد اللي بطمن مجرد انك موجود في المكان اللي انا فيه ترعبني فكرة اختفائك
يونس بصلها ومعرفش يقول غير انه ياخدها في حضنه ويلف بيها بكتير
صباح يوم جديد
قوت بتفتح عنيها كان يونس جنبها وبيملس علي شعرها ومبتسم....صباح الفل علي احلي عيون في دنيا
قوت ببتسامه:صباح النور
يونس بيبصلها ومابيتكلمش
قوت بتعجب:انت بتبصلي كدا ليه !!؟
يونس:دا العادي.
قوت:اذاي
يونس:من يوم.ماتجوزك وانا بحب افضل ابوصلك كدا وانتي نايمه بتبقي شبه الملايكه
قوت ابتسمت ورجعت شعرها ورا ودنها بخجل
يونس مسك.ايديها وباسها: انتي جميله اوي ياقوت وصعب وصفك باي كلام لان اي كلام.هيكون قليل في حقك
قوت:ليه
يونس: كل حاجه فيكي ليها تفصيله اجمل عيونك.اللي سحرتني ااول يوم شفتك فيهم وخصوصا وانتي بتعيطي كان لونها غريب انا شوفت ناس كتير عنيها لبني.لكن ذي لون عنيكي ماشوفتش ابدا واما هديتي لونها اتغير بقي شبه لون البحر غرقت فيها وخدودك اللي دايما فضحاكي وبتحمر تلقائيا من اقل كلمه تتحولي وتبقي شبه الطماطم
وغمزاتك اللي بتخطف قلبي اول مابتضحكي ببقي نفسي اخدك في حضني وقتها وابعدك عن عيون الكل عشان محدش يحب ضحكتك اوي يشوفها غيري وقلبك اللي بيسامح اي حد مهما اذاكي وانك مابتحبيش تزعلي حد منك او تاذيه وانك ممكن توقع نفسك في مصايب من غير تردد عشان بس تتقذي حد ورقتك اللي بتجنني دي حاجه.تانيه فيكي سحر غريب ياقوت بيقنع اي حد وبتجبريه انه يحبك.من غير اي مجهود واخر حاجه بقي هي شعرك اول يوم شوفتك.فيه اما جيت البيت وكنتي قاعده علي ارض اول حاجه.لفتت انتباهي هو شعرك لونه ونعوميته وطوله غير انه هو دايما ساندك.واما بتكوني مكسوفه ذي دلوقتي كدا بيخبي وشك.عني واما بتتوتر بترجعي ورا ودنك مش كدا
قوت موطيه وشعرها مانع يونس يشوفها وقلبها بيدق بسعاده من كلامه
يونس رفع وشهاورجع شعرها ورا ودنها.....اوعي تخبي عيونك مني او تداري مني فاهمه
قوت هزت راسها باه
يونس ضحك.:انتي ليه بتستكفي بحركه من دماغك تهزيها اما توافقي علي حاجه او ترفضي
قوت:عادي
قوت:-انت وصفك.ليا غريب اوي اذاي شايفني كدا
يونس:ومهما قولت مش.هيوفي كل كلمه عايز اقولهالك انتي اجمل.من اي كلام ياقوت.ومهما اقول ليكي عن مدي حبي ليكي مش هيوصف
قوت بصاله ومش عرفه تتكلم وكلامه هلاها تتكسف وماتبقاش عارف ترد عليه
يونس ابتسم وحب يخفف من توترها..... قومي خودي دوش كدا وفوقي
قوت:حاضر وسابته وقامت ودخلت الحمام وحطيت ايديها علي قلبها وابتسمت بسعاده.....بحب قمر ياناس وكلامه قمرين
يونس حضر الفطار لقوت بسعاده وجهزو ليها عقبال ماتخلص وشغل اغنيه(امل حياتي) لام كلثوم
وهووبيرتب الاكل كان بيدندن معاها (امل حياتي ياحب غالي ماينتهيش يااحلي غنوه سمعها قلبي ولاتتنسيش خد عمري كله بس انهارده خليني اعيش خليني جنبك خليني في حضن قلبك )))
قوت ببتسامه:اي روقان دا كله ام كلثوم وفطار اي جمال دا كله
يونس راح ليها وهو مبتسم....انتي تستهلي كل حاجه جميله وخادها وقعدها
قوت:انت بتحب ام كلثوم
يونس:جداااا
قوت:اممم.بتحب ليها اي بقي
يونس:كتتيرر اوي بس خصوصا امل حياتي
قوت:اشمعنا دي
يونس:عشان بتعبر عن كل كلمه جوايا ليكي وخصوصا اما قالت ياحبيي امبارح وحبيب دلوقتي وحبيب بكرا انتي حبيبتي في كل وقت
قوت ابتسمت باتساع وسكت ويونس عاد الاغنيه من الاول تاني
قوت بتعجب:هي ليه بتشبه الحب باغنوه
يونس:-لانها بتعلق مع إللى بيسمعها وبتفضلي تعيدي فيها ومبنرداش نغيرها
قوت: بس المزيكا بتيجى عليها وقت ونِمل منها ونزهق من تكرارها طب هي لية شبهته بـ المزيكا
يونس: عشان حتي لو مليتي منها بتفضل في قلبك زكراها زكري او يوم سمعتيها فيه لحظه رعشه قلبك وانتي بتسمعيها عمرها مابتتنسس ذي الحب بالظبط مهما بعدتي عنه وشغالتك الدنيا هيفضل جواكي محفور عمرك ماهتنسي اللحظات اللي مريتي بيها كل دقه اول نظره مابينكم كدا يعني عرفتي بقي اي تشابه
قوت:انت بتحلل الامور بطريقه غريبه
يونس:كل واحد بيشوف الامور من ناحيته هو
قوت: عاررف انا من كلام معتز عنك كنت بتمني اشوفك كان نفسي اعرف مين الشخصيه دي واما عرفت رفضك.لجوازي انا ومعتز واللي حصل منك وتصميم معتز وان فراقك كان ماثر فيه كدا كنت بستغربه اذاي انت قاسي وفي نفس الوقت محبوب وقتها معتز قالي انك مزيج غريب صعب حد يفهمه
يونس بصلها من غير تعبير:واما قابلتيني
قوت:قولت يارتني ماكنت اتمنيت اشوفك
يونس ضحك:للدرجه دي
قوت:واكتر انا كنت بخاف منك اووي كل.ماتشوفني تبرقلي وتزعق وشيفاك علي طول عصبي ومش طايق نفسك ومغرور جدا
يونس تنح:انا مغرور تصدقي ان انتي اول واحده تقولي كدا
قوت:عشان مابيشفوش وبيخافو منك
يونس ضحك:لسانك.طول اوي مش.واخده بالك
قوت: بس بيحبوك طيب اذاي
يونس:دا موضوع كبير كلي
قوت: بس عمري ماكنت اتخيل اني اعيش كل دا معاك. او انك يكون جواك.كل حب دا ليا كنت فكراك.مابتعرفش تحب
يونس ضحك:انتي مش معقوله ياقوت
قوت ضحكت بتوتر:مش قصدي انا بس
يونس:-مش عايزك.تبرري انا فهمك وعارف انتي عايزه تقولي اي
قوت ابتسمت:انا عايزه اطمن علي زين
يونس:حاضر وهخليكي تشوفيه كمان
قوت:بجد هتجيبه هنا
يونس:لا واتصل بالتليفون وبعد دقايق امه ردت واتكلمو مع بعض
قوت:زين فين ياماما
تحيه:نايم يابتي اما يصحي هخليكي.تشوفيه
قوت:طيب لفي الموبايل عايزه اشوفه
تحيه:حاضر ياحبيبتي ولفت ليه الموبايل وقوت بصتله بشوق كانها بقالها سنين ماشوفتهوش ونظراتها ضايقت يونس وبعد وقت قفلت وقوت كانت مضايقه
قوت:هو احنا هنرجع امتي
يونس بصلها واتكلم بضيق :انا عارف انه واحشك واحنا راجعين بكرا وسابها وقام
قوت حست انه يونس اضايق وانها محطوطه في خانه مابين جوزها وابنها راحت وراه
قوت:انا مش عيزاك تضايق انا مش.قصدي
يونس:مفيش حاجه ياقوت ولو حابه نرجع دلوقتي انا معنديش.مانع اللي انتي حباه انا هعملهولك
قوت: لا عايزه افضل انا وانت هنا مع بعض
يونس ابتسم وحضانها:يالا عشان نخرج
قوت:فين
يونس:احنا في مكان في بحر يبقي لازم نلف في البحر شويه ولااي
قوت بسعاده دخلت جهزت ويونس اخدها وراحو المركب وقضو وقت جميل اوي المنظر كان يجنن والهوا والبحر
يونس:عجبك الجوه
قوت:طبعا يجنن
يونس:احكيلي عنك كل حاجه
قوت اببتسمت: اشمعنا
يونس:عايز اعرفك واشوف حياتك بعنيكي انتي اتكلمي
قوت:تمام عايز تعرف اي
يونس:اللي عايزه تحكيه قوليه
قوت:انا كان عندي 5 سنين ماما كانت حامل وبابا صمم ياخدنا ويسافر عشان تولد في مكان تاني بعيد عن قنا اي سبب مش كان راضي يقول وقتها ماما كانت هتولد واحنا في القطر وبابا كان هيتجنن عليها مش عارف يتصرف واول ماوصلنا الفيوم اخدها وجري بيها علي مستشفي وولدت اخويا ياسين وكلنا روحنا علي بيتنا جديد وقعدنا كلنا مع بعض وبعدها بحوالي 3 سنين ماما توفت بابا فرغ نفسه لينا رفض انه يتجوز عشان مايحبش لينا مرات اب والدنيا مشيت وبابا كان احن ب شوفته في حياتي ودخلت المدرسه وكنت شاطره جدا وبطلع الاولي كل سنه لحد ما وسكتت
يونس:كملي وبعدين
قوت عنيها دمعت....لحد اليوم اللي حصل فيه والمدرس دا بابا رفض اني اكمل تعليمي او حتي اخرج من البيت ومن بعدها بقيت اقعد اقرا في كتبي القديمه وكتب ياسين لحد مادخل ثانوي وانابقيت اقعد اقري واذاكر في كتبه كل يوم
يونس بانبهار:وبعدين
قوت:بس
يونس:وانتي كان نفسك تدخلي كليه اي
قوت:طب نفسي كنت ابقي دكتوره عشان اعالج الناس بس بعد ماخلفت زين استغنيت عنه وقررت اني ازرع فيه هو حلمي واشوفه وهو بيحققه كاني انا حققته
يونس باس ايديها.... ان شااء الله يكون احسن مابتتمني
قوت: يااارب
يونس وقوت فضلو كام يوم.هناك وقوت بتكلم تحيه يوميا تطمن علي زين وتقعد تلعب معاه
وكانو من اجمل ايام يونس وقوت عشقهم في زاد وارتبطو ببعض اكتر واكتر
استووووووب✨🎀
اي رايكم.في البارت ؟؟وايه رايكم في رومانسيه يونس ✨🙈
وتوقعكم اي اللي هيحصل في اللي جاي 🙄🤔