ورد__ساعه وطب لكانه جاهزين
شاف وجهي التفت الخالتي
هاي وجها صار اصفر
خالتي _من النزف هسه بس
يجيكوها نرجعها يعلكولها دم
وداني للدكتوره كالت الطفل
نازل شهرين تنامين على ضهرج
درج ماكو مشي حركه ماكو
رجلج ميدنالج لحد ميثبت
واذا ضل الوضع هيج اربطلج
علاج ومغذيات رجعوني
نهاد سحب جربايت هاجر
وعدلتها خالتي ورتبوها
نزل اغلب ملابسي
كمت يادوب للحمام وارجع
الصبح خاله سويلي ريوك
وجيبه لكدامي انترس خجل
منها مره جبيره واستحي
متحسسني تتريك وياي
يله اكدر اكل نهاد رجع
من الدوام محمل مسواك
فواكه خضروات
بطاله عصاير طبيعي وحليب
من اشوفه ادير وجهي يحس
ويتركتي براحتي ميكدر
يحجي كون خالتي يمنه
ينام فوك واتخبل جهازي يمي
اروح على البرامج شوكت
اخر ضهور يله اطمأن من اشوفه
من وكت حتى الفيس يسده
طبيعته من ينام يسد الشبكه ميخليها
مفتوحه مثلي يله كلبي يرتاح وانام رغد
ثاني يوم طب العصر مستعجل صعد
نزل مبدل ويلبس بساعته من شميت
عطره عرفته طالع للناصريه
خالتي يمي رايح للعمامه
_خابرو يردون يسلمون البضاعه
يبات يضل
_اكيد يبات شيلحك بعد جلجل اليل فد
ساعه ويصير وطريق لا مايرجع
طب يوم رايح محتاجين شي
_لا حبيبي تروح وترد بلسلامه
التفتلي علاجج يمج وابرج خالتي
تجي تضربج هااا يمه حبوب الضغط
علميز شمرتهن
_هاي هيه بس نهاد صدك يمه اختك
متجي تره حيل ماعندي هلبيت
ضال لا كنس لامسح الله يسلم
مرتك جانت لازمته مااهتم
هسه مريتك نايمه على ضهرها
جيبه وياك ردها تعاوني ايدها وياي
اجيبها واحتمال مرت عمي جاسم
هم تجي من ذيج المره وصتني
وكتلها امرلج بطريقي
_هلا بيها شوكت متريد
يله فيمالا
ثاني يوم رجع مشت الايام حاول
ينزل بليل ينام يمي مااتحرك
يعرف بيه كاعده يعوفني وينام
بلكاع يفرش النفسه
لحد مطكت مرارته مني وهذا الاريد اوصله
نتر بغصبيه تجرين عدل لا اعدلج بسلوبي
رديت برود شسوي
_ورد لا تستفزيني باسلوبج هذا
ميعبرن عليه
التريده شنو تره ممسويه شي
_رجعي مثل قبل
ليش انت تحبني مثل قبل
_شمسويلج
تذكر تعاملك من رجعت
_خرب غيرتج ليش هوه منو
الضم عن منو مو انتي الخليتيني
مثل الاطرش بلزفه ومخليتيلي اعتبار
وضميتي حملج
اني ملي دخل عمي بسام خفت منه
اذا اكلك يزعل وزعله ثكيل
_وعمج اهم مني
باوعتله هزيت لا نهاد ماكو وجه
مقارنه بينك وبين عمو هوه
الربانه وانت زوجي وابو ابني
طحت بينكم
_دار وجها اخذ الجداحه بصفه
يدخن وساكت ضليت منصيه
شايله عليه
_نتر كمزني وانتي شنو مزاجج
برتقالي حصره ماحاجيتج
طرحين
اني المزاجي لو سوالفك المابيها
حظ
_عليج الله اكو وحده تغلط على
رجلها
متت خجل من ذكرت
_اي اي دنكي عود اعاقبج تالي
اني التعاقبت
مااعرف ليش ضحكت
_شافني رفع حاجبه ضايج وسم
بعدوييني ان شاء الله
_خلصها كام خالتي يم اختها
راح اجيب سمج موصي عليه
لتاكلين شي وكلي لمي
ساعه ونص طب بيده السمجه
هاجر بغرفته صاحها طلعت
حضرت الصينيه وخلتها بلكاع
جان واكف يصلي كمل
دار شافها ماكو صااح انتقاااام
طلعت هاااا
شيلي علميز
اففف افف
_شكو لج
تعبتني ساعه هنا ساعه هناك
_امشي لج مسويه المفلطح
كف مصلايته باوعلي ستوني اريد
لنزل من الجربايه اجه يمه جر دشداشتي
عدلها لزمني يمشيني
ضحكت اعرف امشي مومكرمه
نتر ايدي طبج طوب فات معاجبه
ضليت اضحك بسري على سوالفه
يمثل العصبيه وهوه ابرد من الثلج
يومين وهوه ينام جوه مااغفه لحد مااشوفه
كدام عيني يغط بلنوم مدامني على الجربايه
اباوعله
لليل خالتي نامت تعبانه ماخذه اختها
ام احمد للمجمع مشتريات غراض رجعت
تنوني من رجليها بس تعشت نامت
وهاجر رجعت لغرفتها من رجعت ولكتني
نايمه على ضهري اجتها من الله وتعزل روحها
وتاخذ راحتها بسوالفها
انتجيت اباوع بلجهاز متانيته يرجع
للعشر غفيت مكدرت مددت انام وبالي
يمه غطيت محسيت غير ايد تحاوطني
بقايه العطر تمتزج ويه ريحت الجسم
اخترقت انفاسي غصت بدفو صدره
جسمي ارتخه حركت اصابعه بفروت
راسي خدرتني حركت شفايفه بجبيني
همساته الدافيه كاعده
امممم
نامي كلبي دافيه
اممم
اغطيج اكثر
اججج
سكت يسحب نفسه من عطر شعري
همس اضل يمج لو ضايقتي
لا ترجمتها دفنت وجهي كله بصدره
عدل نومته نومني على صدره ضليت
مغمضه واغفي ويه كل حركه افز
افتح عيوني واسدها
لحد ماكعدت الصبح وعلى نفس نومتنه
رفعت راسي نهاد فاك حلكه ههههه ستخطيته
اسوي شي الجربايه مدري شلون مكفيتنه
هوه طويل واني هم موكصيره وسمنانه
على الحمل ملفلفني يمه
من يومها اصالحنه بلفعل محجينه شي
ولاعاتبنه بعض اني تعبت من الكلام
وهوه ماله بعد طاقه يبرر
مشت بينه الايام وعدت الاشهر
رانيا __طلعتي ردت انهي بيها المهزله
بنت خالته تركض ورا ولا هوه الرادهم
ولا هوه العايفني ومزوجها
يدك ماارد عليه كل حلفه يحلفها
يطلعها من عيوني لان طلعت
ومكتلها بعد المشاكل والصار
حلفت مااتنازل والجهال عسى
ماا يموتون جوع يطبهم طوب
تعبت زوجي وبنص بيته يجن
عينك عينك يردن يزوجها شهل
صلافه والوكاحه منين ماخذاتها
لو هوه يرد اعتباري ويكلهم ماازوجها
لو يعوفني حجيت لابويه ولجدي كلشي
كالو بس ينزل يصير الحجي مكابل
سبوع مره وضل على نزوله 3ايام
خالتي خابرتني لاعب بيها فلك
وحالف ميرجعني اني الطلعت
واني الارجع
مهتميت خلي راكب راسه بلفعل
من نزل وخابره والدي كله مطاردها
ولا مسويلها شي اجتكم مدمايه
مكسوره ايد رجل اي هاي هيه
تطلع برجلها ترد برجلها
ابويا ناتر بوجها وكايله انت واحد
بله مستحه واخلاق ضليت صافنه بارق
اذبحو ولا واحد يجاوز عليه وصدك لا عبرني
ولا عبر اهلي وهاي الي شهرين رغم دلال
اهلي ومحبتهم النه بس احس روحي غريبه
متعوده على غرفتي وعيالي
هواي امور انكشفت بهاي جيتي امين
وعيونه التحجي ندم ورجعن يحبن
ويركضن وره اطراف ثوبها
مشيتها ضحكتها همساتها على الاكل
ويه رنيم خجلها من جدي يوبخهن
لان يحجن والزاد حاضر
عيونه تروح بيهن ضحكه ويه رنت صوتها
خلاني اموت قهر لحد مالزمته بلصاله
يباوع لعبه وحده جدي وعمامي مموجودين
امين عيوني شدسوي
_هلا ام فضولي شلونج
زينه مغفره شلونها
_ يم اهلها
ليش دادا
_يابه شسويلها تريد ترتاح نوب
شنو دتعبها عليك الله
_هاي انتي نفس امي خرب ....
شمتعبها رانيا روحي شوفي
الشقه سويت كامل باارقه مكان
كله جاهز من طبت عروس القنفات
هي طكت جيسهن الاجهزه بكراتينهن
تذكرين لمن كلتي مااوخرهن علمود
ميكولون جايبيهن باله خلي علامتهن
تبين
كتله اي ياعمري ادري بس مامعقوله
البنيه هيج تعوج وياك
_متعرفين وين بالها رايح عباله
طبيب فيطي مثل ربعها اخليها
براحتها سيح شافت الوضع
ميصرفلها
زين ليش متريد الطفل
_من اول مزوجنه رادت تكمل
بلبعثه السووها وهي تقديرها
جيدجداً انقبلت كالت اروح
اني هم دوزنتها بالي وستونه مزوجين
شهر النه كلت اني هم اقدم على حسابي
بس حكومي مو اهلي جبتها منا رجعتها
منا عجبتني الفكره
عندي الشقه جيب خوش مبلغ والسياره
هم عم صديقي كال يكدر يشتري شقه
ينطي قسم من المبلغ والباقي يقسطونه
النه
كيفت واذا تخرجنه ونقبلنه بوحده من
المستشفيات البرطانيه هاي بعد
اي وشنو الصار
_اوكفي ادخن
يااا
_رفعلي حاجبه ضحكت دخن وحده
شوفي العينتين طلعت حامل بدون
ماادري ربج لوما صدفه اشوف التحليل
جان ذبته بدون ماادري
هي من هاي بلشت مشاكلنه متريدني
احاسبها رادت ذب الطفل علمود كمل
معاملتها وتطلع تلحك جماعتها
اني تخبلت على اي اساس شنو طرطور
كدامها خرب عود اسولف والله لهسه
الحركه بدمي من اذكر اكوم افور
على كيفك عمري طفله ومتفتهم هي
جان بالها شي وصار غير المتوقعته
_لج رانيا وكحه لسانها شطوله
ولج تفشر شايفتلج بنيه تفشر
ياااعززه صدك تفشر عليمن
_على ابوي يعني عليمن عليه
وشلون متحمل
_مااكدر اجيسه حامل بت الزفره
وحلوه كعدته هنا وصفناتك
دار عليه حس بيه منتبهتله
_وين اولي
لا تتامل عيوني انت
_شبيج رانيا شمسوي
عيونك فاضحتك ومااريد عمامي يحسون
تره بسام بس يعرف حتى من البيت يشحتك
وميخليك تكيسه بعد الصار
_ليش بله
شنو جديد عليك عمو وتعرف بي احنه
عده خط احمر وخصوصاً ورد وداد
لان هوه صار مسؤل عنهن وه وفات عمو
مشوفه سوه بنهاد
_شمسويلها يابه هنا اكعد لان ارتاح
الشقه تخنكني وحدي جني واحد ارمل
هههه علمودك حبيبي وحاسه بيك
الله يسامح امي بعد صارت وزوجت
ومرتك حامل انتبه عليهم وانسه
الفات
_اووو رانيا شبيج يابه قابل نايم وياها
هههههه داانصحك
_امشي لج تنصحني عايز نصيحتج
بس انتي ضليتي
ههههه فوكاها
_امشي لج
ماشيه ماشيه لدفع يااا هههههه شبيك
امين
_لضلين طابه طالعهطيرتي نص العبه
نزول عليك عود شوفه بلاعاده
_هسه غير تولللي
اي اي طالعه لصيح عابت
الشكول
عدت الايام والي يم اهلي شهرين
بارق يجي من الباب ياخذهم
يفرهم ويرجعهم بيدهم حلويات
ومصرف ايسر مرات يكله طب
ميقبل مستعجل والدي ميطلعله
بس جدي
عمامي ميدخلون بيه مدام ابويا
موجود هوه اليصرف واني مرتاحه
لهيج مااريد عمي بسام يدخل
هوه عصبي وبارق عصبي تاليتي
اطلك من وراهم يوم يوم يعدي
ساعة الاتندم على زواجي
من تمر ذيج الايام الخلت بكلبي
نبضة حب اتأمل ايامنه دون
مشاكل وتحت سكف واحد
شكد ارتاح لهيج حلم اعيش
بذاتي وبكوني رانيا برائت
كلبي بعاطفتي المفرطه
احن اله ولكل لمساته
عيشته حب مشايفه وشوفني حنان
ورجوله تخليني اغمض مطمأنه
انيم الجهال والزم الجهاز اتاني
دقيقه دقيقه يحن يمرله طيفي
مياخذه الاشتياق ليمي
اهون روحي وتنزل دموعي
دونك مااعيش ولا دوني تلكه
ثمره زرعتها ونبتت وعاشت
وتعايشت وياك بسلبيتك
وعصبيتك وعوضتها بحنيتك
بذيج الابتسامه تمسح شكو
ثقوب من ذنوبك اتجاهي
اتامل وامالي سراب
لحد مااجه يوم غير موازين
البيت دك امين مغفره طايحه
وصاير عدها ولاده مبكره
بعدها بلسابع نخبصنه
رحت وياها اركض لحد ماوصلنه
مطببيها للعمليات امين ماكو
امها موجوده وخالتها العيون تحجي
حقد بدهن ياكلنه امي ساكته وتدعي وسبح
وين اجه امين الوجه ميبشر بخير
يخابر طلع الدكتور الاجرالها العمليه
صديق والدها لمغفره
وين مرت الساعات على نار
طلع امين كان قريب حاجه
وبعدين عرفه بنفسه
كال حالتها زينه بس الطفله
ميؤس منها ومعجزه لو عاشت
نصه مقهور وعاكد حواجبه
امها كالت فدوه البنتي خلي
تموت لاحكه اهم شي
سلامت مغفره
امين عيونه صارن بكصته
والتهينه بمغفره امين اخذ
الطفله للخدج بيها روح
ومنتضرين رحمة الله
ثلث تيام مجموعه تروح
ومجموعه تجي مخليناها وحدها
من وعت تصيح بس امها ياهوه
اليتقربلها متريده تنفرنه
عاد جريت امي كافي مقصرنه
وياها متستحي تصيح بوجهنا
احنه الحبلناها لو الطيحناها
امين يعرف بسوالفها بس رجعنه
وهوه ستوه ديطلع لاكانه بلطرمه
كال هاا امي كالت يمه مرتك يمها
امها وخالتها وبنت خالتها واحنه
تعبنه
عكد حواجبه باوعلي شكو
ماكو شي تعبنه اجيت ابدل اسبح
جهالي مشايفتهم
سكت معاجبه خله وراح مرت الايام
بس امي وبيبي يزورنها كم مره رجعن
محقونات والوجوه مكلبه وبيبي هلكد
حجت على امي هاي الجبتيها وردتيه
دعتورره دعتورره
متت ضحك خلت امي فاكه حلكها من
تعيب
واجه الماجان بلحسبان طب امين وعمي بسام
ورا يصيح هذا يحجي وذاك يرد وثنينهم
اعصاب لحد ماابيبي صاحت بيهم شبيكم
متحجون
عمي نتر هذا الغبي طلك مرته
مرت عمي ضرب خده عزه العزاك
بيبي _ صدك امين
اي بيبي وديتلهم بلاغ
بيبي_ صدك جذب شجاك يمه شجاك
تخبلت
صااح مااريدها وعوفوني اني اصرف
بس عاد
وصار الراده عمامي مقابلين وناس
تأيده وقسم ضده وهوه يطب
يطلع مو اخويه الاعرفه تبدل
180 درجه اعصابه فارطه
مجرد يجي ياكل ويطلع اغلب
وقته بره البيت وداد ممهتمه
مالها دخل بي
بنته الها شهرين بلخدج العرفنا
امها متريدها خلت امي تحقد
عليها
امين باع السياره وانطاها
الحاضر والغايب
شكو غراض بلبيت كشتهن كش
ومع العلم معايزين اهلها متمكنين
مادياً بس طمع مدري تريد تلوي
امين
عمي بسام يكول حتى بنكات السكف
حلفت عليهن واخذتهن
صفحه وانطوت من حياته
وبيوم اعجن لمي جدي راد
خبز بسمسم وكفت امي
تخبز واني اشيل القبق
طب فضل يركض بابا اجه
امي كالت عوفي البيدج وطببي
للصاله بس جدج هنا
مقبلت اطلع رحت فتحت باب الصاله
وديت فضل يطببه ماما بلمنور ميشوفها
طب وجدي استقبله وداد ورنيم بلهول
لازمات تلفوناتهن صحت متكووومن
شكو
كومن ساعدن امي وحده علتنور
رنيم_مو انتي وياها
كومي ولتلغين اني راح اطبك التمن
راحت واني وداد وكفنه علطباخ
بين مااجه بابا وعمي باقر وياا
معدالهم اكو احد
ساعه واشتغل الحجي بين ابويا
وبارق لحد مكالو تعالي طبي
ركضت رفعت شعري ويمي قلم
حمره خليت رتبت روحي عسريع
طبيت بارق وبصفه عمي باقر
ابويه وجدي على جانبه كاعدين
ماجد__كعدي
كعدت مقابيلهم
ماجد__رانيا انتي غالطه عله رجلج
باوعتله سواها وكلهم كتله اي
بس مومثل ممصورين
اباويا وعمي باقر ثنينهن خزروني
بس انطوني مجال افهمكم
نتر بيه احجي
يريد يزوج بت خالته واني مااقبلت
يامره تقبل زوجها ياخذ عليها وفوكاها
شبعتني ضيم يوميه حجايه عليه
ومن غير تجي للبيت تلبس لبس
يخزي حتى حداد ملابسها الداخليه
مبينه وهي متجي غير من يكون نازل
شلون تريدني اسكت والله تعبت
ومليت فوك مامتحمله البيت كله
عليه واركض هنا وهنا من غير
جهالي وكاحتهم شصير والمن
التفتت نوب بنزلته عود ارتاح
لا والله قهر اكضيها بقهر شبيه
شناقصني ويجي يحاجي خالته
على بتها
بارق_اي خانم كملي كليلهم ليش
حجيت بيها
نبيت معصبه اخوك جان زوجي
وتعرف اخذني على حب مو بلساهل
اكدر اتأقلم وياك وانسه السنين الجمعتي
بنصر بجيت بحركه والله داتأذيني
وتحرك كلبي
ابويه صار عصبي كله عمي البنيه
طالع منها شي غير الكلته
هز راسه لا
ليش هيج وياها مقصر وياك ويه اهلك
_عمي رانيا مشهودلها واكفه لهلي وكفه
والنعم منها ماانكر بس عنادها ولسانها
الطويل مخرب عيشتنه
كتله بشنو معانده يعني من ارفض زواجك
هذا عناد لو من حقي
ضليت اجادل وياا حجيت كلش
الصار بذيج الايام جدي وابويا يسمعون
ختمتها ويااا بعد ما طرحت كل الاوراق
اني ارملة اخوك ماقصرت لميت جهالي
وحويتهم كونهم ايتام وصيت اخوك
كفيت وفيت
لهنا واكلك كافي اكتفيت ذاتياً
تريد تعال شوفهم بين فتره واخرى
تريدني بلشهود تخليلي استقلاليه
ليجن يتلزلزن بيك خل يحترمني
ويكولن هاي زوجته وعيب منها
اريد احس بقيمتي كدامهن داسن
عليه من شافن سكوتك اني بشر
مااكلك معصومه بس محترمه روحي
لتعديت عليهن وحدي ولا طابه بيتهن
يجن كون امك اختها مالي حق
امنع بس الي حق احرص عليك
وهم مالهن حق يفترن عليك
لان اني ارملة اخوك مو ذنبي
ولا ذنبك بس تعايشنه لجل
ذوله الجهال وتحملت ودااتحمل
بس مال يمحن كرامتي برجليهن
لا مااسكت يتعدني بوجودك
من تخليلي قيمه وقدر كدامهن
بذاك الوكت ارجع
تريد تزوجها ماامنعك بس
امنع نفسي منك
ترخصت طالعه بعد بابا يفصل
واليصير يصير
مرن اليومين اعرف نفسيته عزيزه
ويكابر وده امه ترجعني حجت
على الصار ممسوي شي غير بس
معتذر من خالته ورافض ارتباطه
رجعت بس رجعت رانيا بوجه
اخر جهالي تبهذلو دونه مااريد
احرمهم منه وهوه ينزل خمس
ايام ويصعد عشرت ايام
وداد__ المنحنيات اخذتني لعالم
ميخلو من القال والقلت بس تبقه
الوجه ضاحكه غيرت بنفسي لو
الشي قليل كدرت ارجع ثقتي
بروحي كافي عزله وحركان وبجي
محد يستاهل
كل الصار والمر مغير بنفسيتي شي
اتجاها انفصاله توتره عصبيته
اكتفيت بلمشاهده فروضي بوقتها
اشوف نفسي بله رضا الله اضيع
اهيم على وجهي
فتره مرت هدء البيت رجعت
بي الروح
اليوم جدي مخابر ماهر علمود
سالفة لما وبلفعل ماهر رفض
لحد ماجدي كله تنسه عندك ابو
رباك وفنه تعبه وسنين عمره
لراحتك
ماهر ضال ياكل بروحه سده جدي منه
وهوه طاح منا نخابر نريد ميفتح
لحد ما عمي باقر يعرف جماعته
الوياا خابرهم رايحيله لكو واكع
على وجها وخشمه نازف
وحتم الامر انو ماهر ياخذ لما
بعد عتاب وحركان دم وشهر
ماهر بشقته مطالع
شكد حاولت وردحاولت وياا
عمامي جدي حاجينه ميقبل
جديماخذ موقف كون ضحه باملاكه
في سبيل يهربه ويطلعه من الموت
ميقدرني ميكول هذا جدي فنه حياته
علمودي
كنت متصلهبيه واسمعه كلامه هلكد
بجه دموعه تنزل بدون توقف
متوقعت هذا ماهر العنتكه جدي ينزل
دموعه واجه القرار ثاني يوم بلموافقه
وبلشو يجهزون لما واوراقها وجوازاتهم
هي والجهال واسطه وعمامي يركضون
بيهن
واجه اليوم الي تسافر بي وراحو
وياها عمي باقر واخوها وزوجت اخوها
ثاني يوم تم الزواج وحسب الاصول
وانطوت صفحته بيت طيات الزمن
الغادر والاقدار العاثره ليس لكل
حبيب نصيب وليس لكل امنيه
محطه قد نكون بينهم عابرون
ازوج اخويه بغصه ولوعه والم
ماار اتخيل عظم معانات ولا اكدر
اخلي روحي مكانه مجرد ذكره
منه اموت بجي فكيف هوه
الله يكون بعونه رنيم مكان على
بالها ولا الها اي اهتمام
مشت الايام والاشهر بيوم
عصريا من عصريات الصيف
امين طب متلهف صاح يمه
تعالي وياي بلعجل
كامت مرت عمي شكو ياستار خيرك يمه
يحجي ويسحب نفس مستعجل
كلها خابروني البنيه صارت زينه
ياااصلاوات رحمتك ربي
رنيم يمه امين شنو بتك عاشت
هز راسه اي صارت احسن
طلعت مرت عمي تركض وتلبس
بعباتها اخذها وراح
ساعتين وطبو البنيه شايلتها
مرت عمي جوه عباتها عيونها
وارمه مبينه باجيه
رنيم ركضت شوفها بيبي من اجت
من بيت جيرانه كتلها انتضرتهم
شهرين مرن على وجودها مالي
شغل بيها اصلاً اضوج منها ومن
صوت بجيها اليل كله ميخلينه نام
.
.
.
بيوم ستوني واصله من الروضه
تلكتني رنو تريد تلحك هااج فدوه
شيليها عمو حيجي
منو تعالي يمعوده
يشكمني بس يوصل ويلكاني ممجهزه روحي
دهاج فدوه مميتها هياته بلملحق والحليب
يمج والحفاظ قبل شويه بدلتلها
مجرد شلتها كلبي رجف لهسه مشايفتها
المحها من بعيد من تكون بحضن بيبي
لو مرت عمي
شكد حاولو اشيلها مكنت اقبل
اتكش نفسي منها ضعيفه
والوجه معقج وملامحها مدري
شلونها
بعدني ستوني لازمتها عاطت
شمرتها على التخم حايره
خرب رنيم وين عافتني
......يتبع
اليوم بارت ماقبل الاخير
بلهواي بارتين وتنختم القصه