صباح يوم جديد 🌤
يونس صحي كانت قوت لسه نايمه قام دخل الحمام وبعدها بدقايق قوت صحيت
يونس خرج من الحمام كانت قوت بتفوق لسه
قوت ببتسامه:صباح الخير
يونس رد باقتضاب:صباح النور جومي اجهزي عشان نرجع قنا
قوت بتعجب من طريقته: مالك في اي
يونس: مفيش وراح ناحيه الدولاب عشان يطلع هدوم ليه وقوت قامت بصتله بتعجب وخرجت من الاوضه
يونس بص عليها اما خرجت.....انتي غلطتي ياقوت وانا مابسمحش في الغلط ومش هقدر اعاقبك مش هقدر اشوفك بتتالمي بس لازم يكون في عقاب عشان ماتكرريش عملتك دي تاني
قوت واقفه في المطبخ مستغربه طريقته معاها واتكلمت مع نفسها.... هو اكيد زعلان مني عشان سيبت ليه البيت انا عارفه انه دا غلط اوووف بقي وكملت تحضير الاكل
يونس بيتلفت كان زين صحي راحله وشاله.... صباح الفل علي اجمل زين في دنيا
زين بصله وابتسم بطفوله
يونس باسه... اجمل ابتسامه علي صبح اكده عارف ياض انت انا بحبك جد اي انت عوضتني عن ابوك وفراجه اللي وجع جلبي وثانيا انك شبها قوت اه مش شباها جوي بس كفايه واخد لون عنيها الجميل دا تفتكر ياض انت انا هقدر افضل مخاصمها كدا كتير انت مش عارف امك دي عملت فيا اي انا ببقي واحد تاني وانا معاها
قوت:اي دا هو صحي امتي الفطار جاهز باره
يونس قام من علي سرير من غير ولاكلمه وخرج وقوت خرجت معاه
قوت: هو انت بتيجي هنا علي طول
يونس: مش كتير
قوت: امال الحاجه اللي في تلاجه دي جت اذاي
يونس: اخر مره كنت هنا جبتهم
قوت: بس كدا هتبوظ
يونس: انا باجي هنا كل فتره
قوت بصتله وحست انه مش عايز يتكلم ف سكتت والوقت مر بيهم وجهزو واتحركو ويونس طول الطريق ساكت مش بينطق ولو قوت اتكلمت بيرد علي باقتضاب طريقته بتخليها تتكسف تتكلم معاه ف بتسكت وبعد مده كانو وصلو قنا واول مادخلو السرايا نيره جت تجري عليه واول ماشافت قوت معاه اتصدمت انها رجعت تاني ولسه هتقرب من يونس عشان تحضنه يونس بعد واتكلم بضيق..... في اي عاد مالك بتبكي اكده ليه
نيره ببكاء مزيف: عمتك يايونس بيه ضربتني وبهدلتني ومامتك كمان كانت واقفه حتي ماكلفتش نفسها تدافع عني وتردوني يايونس بيه
قوت ابتسمت: والله ياعمتو انتي بتعملي حاجات ذي العسل
يونس:وهي عملت اكده ليه
نيره:معرفش لوحدها كدا انا ماتكلمتش وماردتش اروح القسم اعملها محضر عشان خاطر حضرتك وقولت اكيد يونس بيه هيجيب حقي مش عشان هي عمته وانا واحده غريبه هيضيع حقي
يونس:تعالي معايا ومشي وهي مشيت وراه وقوت بتابعها بضيق
قوت:صح اكيد عملتي مصيبه مش هتضربك من الباب للطق كدا
نيره:انا معملتش حاجه هو اه انتي اماضربتك كنتي
عملتي مصيبه لكن انا لا
قوت بصتلها وتنحت ومعرفتش ترد عليها تقول ليها ودخلو البيت وكل رحب بقوت وكانو فرحانين برجوعها
تحيه حضانتها:-اكده تسيبي بيتك اوعاكي تكرريها بيتك دا ماتفرجهوش مهما حصل
قوت:حاضر ياماما
نواره:احنا لازمنا جاعده مع بعض عشان ماتتركيش بيتك واصل بس المهام حمدلله علي سلامتك ياحبيبتي
قوت:الله يسلمك هو بابا وياسين فين
تحيه:ابوكي بيصلي اما ياسين بجي نايم ياحبه عيني لحد الفجر كان صاحي باره في جينينه
قوت عايزه تطلع وفي نفس الوقت عايزه تعرف اي رده فعل يونس
يونس:انتي ضربتي نيره ياعمتي
نواره بصتلها:انتي اهنيه جيتي تاني
نيره استخبت ورا يونس
يونس:ليه ياعمتي عملتي اكده دي ضيفتنا
نواره:وه وه هي راحت واشتاكتلك ومجالتش ليك انا ضربتها ليه عاد
يونس بص لنيره:لع
نواره:جوليليو يام لسان جوليلو انا ضربتك اكده ليه
نيره بتوتر:انا معملتش حاجه
نواره:لع عملتي الهانم اللي انت مضايفها في بيتك خوفا عليها كانت بتجول حديد عفش عن مارتك
يونس: كيف يعني جالت اي
نواره: مدام روحتي واشتكيتي بجي.... جالت ان قوت هربت عشان في واحد عاجبها وهربت معاه يرضيك اكده يايونس تجول عن قوت اكده وتتهم البنيه
يونس اتلفت ليها بشر.... انتي جولتي اكده عن مارتي
نواره برعب: اااااا انا انا
يونس: ردي عليا انتي جولتي اكده ولسه هيقرب منها مصطفي بعاده
مصطفي بص لقوت:الغلط عندينا احنا هي ملهاش صالح ياوالدي امشي من اهنيه
نيره واقفه متنحه....
مصطفي زعق :جولتلك امشي من اهنيه
نيره خرجت تجري ومصطفي اتلفت لقوت وراح ليها....انا ربيتك علي اكده انا ربيتك انك تسيبي بيتك وتهربي
قوت وطت في الارض ومش عارفه ترد
مصطفي زعق:ردي عليا انا ربيتك علي اكده
قوت: يابابا الموضوع مش ذي مانت شايف انا
مصطفي ضربها بالقلم: انا دلعتك زياده عن لزوم ولازم ارجع اربيكي من تاني
يونس بعصبيه مكتومه راح ناحيه قوت وطبطب عليها ولسه هيضربها تاني يونس منعه..... هي علي زمه راجل ياعمي هي غلطت لكن دا مايدكش الحج. انك تمد يدك عليها وهي علي زمتي
قوت مسكه في يونس وبتعيط في صمت
مصطفي:دي بتي واعمل فيها اللي انا عايزه واربيها بمعرفتي واديك سمعت بودانك اتسببت ليا في كلام ماسخ وبكرا تبقي قنا كلها ملهاش
يونس:لو حد جاب سيرتها بكلمه واحده مش هيلحق يكملها اي ان كان هو مين واخد قوت وطلع بيها اوضتهم
يونس:بكفياكي بكي بجي
قوت بتعيط ومش بترد
يونس: حجك عليا ماتزعليش هو كان خايف عليكي
قوت:بابا اول مره يضربني انا غلطت بس كل بسببك انت
يونس رفع حاجبه: وه وانا مالي عاد انا اللي جولتلك امشي من البيت
قوت: ايوه انت سبب
يونس بعدها عنه وقبل مايتكلم اتصدم من شكلها ان وشها احمر ومعالم.صوابع مصطفي معلمه علي وشها
يونس بيضغط علي ايده عشان يتحكم في انفعالاته بس كانت عنيه مش بتبشر بالخير
قوت برعب: في اي انت بتبصلي كدا ليه انت هتضربني انت كمان ولااي انا معملتش حاجه كفايه بقي
يونس شدها عليها.... اهدي ماتخفيش محدش هيقربلك اهدي وباس دماغها وقام جاب تلج وابتدا يمشيه علي خدها
قوت بوجع: براحه هو في اي
يونس: مفيش حاجه وبعد كدا نشف المايه وحطلها كريم وهو كان جواه نار من شكلها كدا بس مش هيقدر يتكلم لانه ابوها
يونس: ارتاحي انتي وانا هاخد زين وننزل تحت
قوت:خليه عشان مايعزبك
يونس:ماتشغليش بالك انتي نامي انا بعرف اتصرف معاه
قوت ابتسمت ونامت ويونس نزل كان كل متابعه بتوتر بس هو دخل علي مكتبه
مصطفي طلع لياسين صحاه
ياسين: سيبني انام بقي يابابا
مصطفي: قوت اختك رجعت
ياسين قام بسرعه: امتي هي فين
مصطفي: من شويه
ياسين: انا هروح ليها
مصطفي: استني بس
ياسين: في اي
مصطفي: اصل هي وحكاله اللي حصل
ياسين تنح: انت بتتكلم جد انت ضربت قوت طيب ليه عملت كدا
مصطفي: اول ماشوفته داخل خوفت عليها منه نظراته كانت ماتطمنش ف قولت لو قسيت عليها قدامه يمكن يستكفي ومايعملهاش حاجه
ياسين:انت بتهزر يابابا مهو لوكان هيعمل كان عمل وهو هناك كانو لوحدهم.هيجي هنا قدام الكل وياذيها
مصطفي:اهو بقي اللي حصل
ياسين بصله ومردش وقام
مصطفي:انت رايح فين
ياسين:هشوف قوت
وسابه وخرج وراح اوضه قوت كانت نايمه ف سابها وخرج ونزل ليونس وخبط عليه ودخل اما سمح ليه ياسين داخل بتوتر يونس كان واقف قدام شباك بيدخن في سجارته بشرود
ياسين بتوتر:عمي يونس
يونس هووعلي نفس حالته:عايز اي
ياسين مش عارف يقول ايه ولايبدأ كلام منين
يونس اتلفت واتكلم بعصبيه....انت داخل اهنيه عشان تسمعني سكوتك ولااي
طريقه يونس رعبته اكتر:انا عارف انك مضايق بس بابا كان
يونس:دا لوكان حد تاني غير ابوك انا كنت دفنته مكانه
ياسين:هو اب ومش عايز يحصل مشاكل وحب يعالج الموقف بعد كلام.نيره
يونس:موجف اي وزفت اي ونيره بتاعت اي دي اللي يعمل ليها جيمه من الاساس
ياسين:بكرا تبقي اب وهتحب انت تعاقب بنتك اهون من جوزها يعاقبها
يونس بصله بتعجب:اي اللي انت بتجوله دا عاد
ياسين:قوت غلطت اما سابت البيت اي ان كان سببها اي مكانش ينفع تخرج
يونس:ابوك ضربها خوفا عليها مني وانا لوكنت عايز ادبها علي غلطتها ماكنتش علمتها الادب اهناك.وانا وهي لحالنا هاجي استعرض جدامكم يعني ولااي
ياسين:هو دا كان تفكيره هو اب وبيخاف عليها
يونس:ابوك مايعرفش قوت عندي اي والمفروض يكون عارفني زين انا عمري مامديت ايدي علي حرمه يوم امدها هتكون علي قوت مارتي كيف دي كيف كان تفكيره
ياسين: كل واحد وليه تفكير
يونس بصله بضيق وسكت
مصطفي كان مانب نفسه انه ضاربها وصعبان عليه بنته ف حب يروح يصالحها ويتكلم معاها وخبط علي الباب
قوت صحيت علي صوت الباب....ادخل
مصطفي دخل وقعد جنبها...انتي نايمه
قوت بحزن:ايوه
مصطفي:ماتزعليش مني حقك عليا انا مادرتش بنفسي انا سمعت كلام المجصوفه دي الدم غلي في عروقي يابتي وانتي غلطانه اكده تهملي بيت جوزك وتروحي بيت جوزك التاني كيف ياقوت انتي جنتي اكده مافكرتيش فيه هو اه اخوه بس هو راجل انتي غاطك اكبير جوي
قوت بصتله بخجل من تصرفها:انا مافكرتش كدا
مصطفي:لع لازم بعد اكده تحسبي كل خطوه وتعزري منه كمان يابتي لانك غلطتي في حج الراجل مرتين ودا غلط ومهما حصل بيناتكم مشاكل اوعاكي تهملي جوزك ولابيتك فاهمه ياقوت حطي الكلام دا في مخك يابتي
قوت:حاضر
مصطفي باس دماغها وسابها وخرج وقوت بتفكر في كلام ابوها معقول تكون هي ضايقه يونس كدا ف قررت تنزل تشوف وتعتزر منه
يونس واقف في مكتبه بيعيد احداث اليوم كله مش عارف يفرح انها بقيت تحبه ذي مابيحبها ولادا وهم بس مروحها شقه معتز دا وجعو منها اوي.....سيطرتي عليا ياقوت بطريقه انا ماكنتش اتوقعها اني ممكن اوصل ليها في يوم من الايام واخد نفس طويل عشان يحاول يهد نفسه وسمع خبط علي باب.
يونس بشرود:ادخل
قوت داخلت وكانت متوتره....يونس
يونس اتلفت ليها بلهفه....اي ياقوت كيفك دلوج.
قوت:الحمدلله
يونس:طيب اي اللي نزلك
قوت بصتله ببراءه....انا عارفه اني غلطت في حقك وان اللي حصل دا ماينفعش يحصل غلط اني اسيب البيت وامشي وانا زودتها وروحت شقه...وقطعت كلامها... ونزلت عنيها في الارض وبتفرك في ايديها انا اما سمعت كلامهم عنك وعن نيره كنت حاسه اني بموت حسيت ان كل حاجه عشتها معاك كانت وهم انا عيشت نفسي فيه وزادت اكتر اما قرات مزكراتك الكلام اللي مكتوب فيها بيبين مدي عشقك ليها وهي بتتكلم دموعها اتجمعتفي عنيهاماحبتش اكون عائق في حياتك انا وابني ومحبتش اروح لبابا عشان هيسالني ليه عملت كدا وانا مكنتش حابه اضايقك او اسبب ليك مشاكل انت وقفت جنبي كتير ومن حقك انك تحب ووتتجوز اللي بتحبها
يونس رفع وشها:وليه الدموع دي
قوت بتبصله ومش عارفه تتكلم بس دموعها نازله من غير توقف
يونس مسح دموعها:انا مابحبش اشوف دموعك دي لانها بتوجعني انا
قوت: يعني مش زعلان
يونس:مابعرفش ازعل منك
قوت:طيب ووو
يونس حط ايده علي وشها....انا متجوز اللي بحبها ومستحيل اتجوز غيرها هي الوحيده اللي سرقت قلبي من اول يوم شوفتها في وهي عيله بضفاير وكانت منهاره من العياط وكانت عنيها لونها غريب توهتني من يوم ماشوفتها وانا مابقتش عارف اشوف حد غيرها
قوت متنحه مش عارفه تجمع الكلام اللي هو بيقوله حاسه كانها بتحلم
يونس:انتي ساكته ليه
قوت:انت بجد
يونس:انتي شايفه اي
قوت:طيب ونيره
يونس بصلها وضحك:وقت زفته دي دلوق...انا جولت جبل سابج ياقوت هي مجرد واحده طلبت مساعدتي ذي اي حد اهنه ماتفرجش عنه
قوت:بس هي معجبه بيك
يونس:واي يعني المهم انا بحب مين
قوت ضحكت باتساع....صح
يونس باس غمزاتها....تعرفي اني بحبهم اوي
قوت اتكسفت وخرجت تجري خبطت في تحيه
تحيه:حاسبي يابتي مالك مستعجله اكده ليه
قوت:ها لا
تحيه:مالك ياقوت فيكي اي ومال وشك احمر اكده ليه
يونس خرج من مكتب وكان مبتسم....اي ياماه كيفك
تحيه:زينه ياوالدي بتضحك ياوالدي ربنا يروج بالك
يونس:يارب ياحبيبتي
تحيه بتبوصله وبتبوص لقوت....مش ناوين بجي تخاوي زين هيفضل لوحده اكده
يونس حضن امه وباس دماغها....جريب جوي هيشرف الجوهري الصغير مش اكده ياقوت وغمزلها بعنيه
قوت اتكسفت من كلامه وسابته وطلعت علي اوضتها من غير ماتنطق ولاحرف ويونس تابعها وهو بيضحك
تحيه:اكده كسفتها ياوالدي
يونس ابتسم وسكت
الايام بتمر علي في توالي علاقه قوت ويونس بتتحسن اوي مصطفي استقر في بيته القديم وياسين بالاسم قاعد معاه لكن طول الوقت في سرايا يونس
قوت بتتمشي في سرايا وهي شايله زين واتفجئت بياسين واقف بعيد مستخبي كان حد بيجري وراه وهو بيتخفي منه اتسحبت براحه وراحت ليه
قوت:انت بتعمل اي هنا
ياسين:يخربيتك خضتيني
قوت بتبوص حواليه....بتعمل ايه انطق بتشرب سجاير
ياسين تنح: سجاير اي
قوت بضيق عنيها : امال مستخبي ليه
ياسين:مش مستخبي ولاحاجه عادي يعني
قوت:لاكدا الموضوع في انه نروح لبابا ويجي هو يسال
ياسين مسكها بسرعه:حيلك بس اهدي
قوت:بتعمل اي
ياسين ابتسم وبص ناحيه الجنينه قوت بصت مكان مابص ومافهمتش حاجه....اي في اي
ياسين:مفيش خلاص
قوت:استني بس انت بتبوص علي مين مفيش غير هدي اللي قاعده انت بتبوص علي مين في اي وسكت حطت ايديها علي فمها بصدمه....
ياسين بقلق: في اي يابت
قوت: انت بتبوص عليها ليه
ياسين بتوتر: ها مهو انا هفهمك بس استني
قوت: تفهمني اي دا يوم اسوح انهارده تعالي بس كدا لحسن يونس يرجع وهيولع فينا تعالي واخدته اوضتها وقعدته ووقفت قصاده
ياسين بيبصلها بتوتر
قوت بضيق عنيها : عايز منها اي مالك بيها
ياسين: مش عايز منها حاجه انا بس
قوت: ماتكدبش عليا عشان ماعوكهاش فوق دماغك انا بقولك اهو
ياسين: انا فعلامش عارف انا عايز اي
قوت: يعني اي
ياسين: يعني مش عارف عايز افضل ابصلها من بعيد اتابعها وهي علي طبيعتها من غير ماتخد بالها دا اسمه اي بقي مش عارف
قوت: انت عبيط
ياسين: تفتكري
قوت: مهو ياما عبيط ياما عبيط ملهاش حل تاني
ياسين: ليه يعني انا اوقات بحس اني بحبها واوقات لا اوقات بحس انها جزء مني وساعات لا
قوت: دا ذي عمرو دياب اما قال انا عايش ومش عايش
ياسين: انتي بتهزري ياقوت
قوت ضحكت: خلاص كفايه هزار انت اتكلمت معاها طيب
ياسين: لا بس بحاول بس بصراحه خايف من يونس عشان كدا بتكلم اما يجي مناسبه مهمه
قوت بصتله: مدام لسه ماخدتش القرار يبقي خلي كلامك معاها في اضيق الحدود
ياسين: اشمعنا
قوت: عشان ماينفعش تعلق حد بيك وانت لسه مش عارف تحدد مشاعرك نحيته متخليش ف يوم من الأيام يتقالك لما مشيت حياتي اتدمرت تحت أي مسمي هيجي يوم وتبقي بعيد ل مليون سبب وسواء كان البعد فترة أو بعد نهائي متوصلش نفسك انك تكون سبب في تدميرها وكفايه اللي هي شافته مش هتتحمل خزلان تاني
ياسين بتعحب:تاني قصدك اي
قوت:ولاحاجه المهم انت ركز في كليتك الدراسه قربت قدمت ورقك ولالسه
ياسين:جوزك دبسني في بترول وقدم ليا خلاص المفروض هروح اعمل كام حاجه هناك بس
قوت:اسمها جوزك واي دبسك دي مش دي كانت حلمك ولاانا بيتهيقلي
ياسين:مش عارف
قوت:اناعايزه اقولك علي حاجه انت لسه صغير وممكن.تكون مشاعرك ناحيه هدي مجرد اعجاب مش اكتر ودا هيبان مع الايام اذاي كنت بتحبها ولامجرد اعجاب سافر وشوف حياتك انت
ياسين:انتي شايفه كدا
قوت:اكيد لو مكتوبالك هتبقي ليك لو مش مكتوبه ليك هيكون مكتوبلك غيرها وربنا يسعدكم ويوفقكم انتم الاتنين
ياسين حضن قوت....انا بحبك اوي
قوت:وانا بحبك اكتر انت اغلي حاجه في حياتي
يونس واقف بيسمعها والغيره بتاكل جواه ف خبط بالعصايه بتاعته علي ارض
ياسين بعد عن قوت برعب وعينه علي يونس.... انا كدا انتهيت
قوت بصتله بعدم فهم: ليه بتقول كدا
ياسين: انتي مش شايفه بيبصلي اذاي دا هياكلني
قوت بتبص ليونس وواضح عليه الضيقه.... في اي
ياسين: طيب استاذن انا بقي عشان ااامشي وخرج يجري
قوت: هو ماله دا
يونس: هووكان بيعمل اي هنا
قوت: كان قاعد معايا في اي
يونس بصلها وهو متغاظ منها فاسبها ومشي نزل مكتبه تاني
يونس بعصبيه:افهمهالها كيف دي ان مابطجش حد يجرب منيها والزفت تاني دا اما شوف بس وسمع صوت موبايله بيرن
يونس رد عليه وكان مصدوم....انت متوكد من اللي بتجوله دا
استووووب🎀✨🌻
اي رايكم في البارت 🤔
وتتوقعو اي اللي هيحصل في اللي جاي 🙄
واي قصد يونس 🙄