انثى خلف اسوار الحرام

البارت الاول

#انثى_خلف_اسوار_الحرام
#للكاتب _ محمد_ ابو جود
#البارت_الاول

#وگتلك لا تفارگني
#وگتلي الفرگة يم #طاريك ما تنجاب
‏إذا #تذكر ؟؟ چنت #چذاب 🙂

مرحبا اسمي زمرد من الكوت مواليد 1985 من كنت طفلة خسرت امي و ابوية عندي اختي و مستودع اسراري اسمها اسينات

بعد وفاة اهلي اتكفل بينا خالي احمد و زوجتة ليلى كانو كللش حناين علينا و يحبونة عندهم اولاد 4 سجاد و رغد و نهاد و علي

زوجت خالي كانت علوية و دائما تعلمنا ع الصلاة و قراءة القرآن كانت مرة متقية ربها

العلوية ليلى : بنياتي اشوكت ما تضيق الدنيا بيجن لا اطلبن المساعدة من احد اطلبوها من الواحد الاحد اطلبن الحاجة من صاحب الحاجات رب العالمين انتي تردين شي و لكن الله يريد احسن شي للعباد

زمرد: كنة دائما نستمع لحديث عمتي ليلى كان كلامها درر و دائما بليل تحجيلنى عن احد الانبياء لو عن احد اهل البيت عليهم السلام و كل ما تخلص القصة تسئلنا اسئلة عن القصة و برمضان اتعلمنا ع الصيام و القرآن و علمتنا اشلون نجود بالقراءة

بسنة 2003 اتزوجت اسينات من ابن عمي وائل
عمي ابو وائل علاقتهم كلش حلوة ويا بيت خالي احمد
و عمي ابو وائل عندا اثنين ولد وائل و خالد

بسنة 2003 سقطت بغداد و سقطت حياتي وياها ادمرت بسبب ......

اسينات: يلة ولجن كوووووممن اليوم الحنة الله عليجن اريدجن تساعدني

رغد: الله اكبر الحنة العصر مو الفجر شوفي الساعة ابيش

اسينات: الله عليجن كومن والله النهار صغير

زمرد: ها ها هاااااااااا غضب الله عليج الواحد ما ينام ساعة

اسينات : ولج يا ساعة انتي نايمة من البارحة ساعة 9 و هسة ساعة 7 ما شبعتن نوم

رغد: كومي زمرد كومي هية بس باجر و نخلص من اسينات ههههه

زمرد: هههههه يرادلها هلهولة

اسينات: صدك مكيفات لان راح تخلصن مني و كعدت اسينات تبجي

زمرد: كمت حضنت اسينات و كمت اضحك

زمرد: هههههه لج مخبلة نتشاقة

نهاد: خايبات كومن الريوك جاهز خلي نتريك حتى نحضر البيت و نلحك نحضر نفسنا خايبةةةةةة يمةةةة تعاي شوفيهن يبجن

العلوية: يا امي ليش تبجن

رغد: لان اسينات راح تروح

العلوية: يا حبيبة كل البنات هاي اخرتهن يتزوجن لكن يضلن بين فترة و فترة يلتقن يلة كومن يمة بدون بجي ما يصلح

زمرد: باوعت على عمتي لكيتها هية تريدنا نسكت بس دموعها نازلة كلتلها هههه عمة انتي تسكتين بينا و تبجين

زمرد: كمنا غسلنا و لمينا الفراشات و عدلنا البيت و هوا اصلاً قبل بيوم نظفنا كلة بس سوينا تعديلت سريعة

خالي اتفق ويا مطعم علمود يسوي لفات للعشة و عمتي دزت ابنها على ورد و نفاخ جابوهن و عدلنا الاستقبال و نفخناهن

و عمتي للظهر و بدات تعدل بصينية الحنة و سوتها تخبل

و اسينات راحت لجوارينا تعدل البنات بالبيت سوتلها مكياج و تسريحة و خالي انطة فلوس لعمتي جابتلها فستان مال حنة و طلعت اسينات تخبل

بدات الحنة و وزعنة بالبداية ماي و العصير و بدينا بالركص و الاغاني و لليل اجة وائل حط حنة لاسينات

اني كنت اريد اخذلهم الكيك و العصير لاسينات و وائل من دخلت لكيت يمهم ولد اول مرة اشوفة

قدمت الكيك و العصير

وائل: زمرد اعرفج هذا اخوية خالد كان يدرس ابغداد

زمرد: باوعت على خالد و ابتسمت و كلت هلا بيك ... بس كلش ضجت من باوعلي و ما رد علية طلعت من الاستقبال اهذري

زمرد: كبر كون و بصفة مطي الحيوان ما يرد علية خايب من امداني لان سلمت عليك هوا مو مال احترام دارس ابغداد و شايف نفسة علينة

رغد: يبووووو اتخبلت البنية كامت تحجي وحدها

زمرد: خايبة ما اتخبلت بس هذا المطي خالد ابن عمي اسلم عليه ما يرد السلامة

رغد : اي ولج يكولون جان عايش ابغداد و كمل دراسة و اشتغل هناك و من صار السقوط رجع خايبة يكولون هوا دختور

زمرد:يالخوثة اسمة دكتور مو دختور وين عايشة انتي بالصحراء

رغد: بلكت الله يجي يخطبني

زمرد: اي خايبة روحي اخطبي من امداج ميتة عليه و هوا ما يعرف بالاصول

زمرد: راحو بيت عمي و اختي راحت غيرت ملابسها و سبحت و نامت و اني و عمتي و رغد نظفنا البيت كلة و بعدين نمنة ثاني يوم كعدنا من الصبح عمتي اخذت اسينات للصالون و كان نادراً واحد من عدنا يروح للصالون للظهر جابو اسينات طالعة تخبل

شويا و اجت الزفة و اخذو اخاي خالي ما قبل احد يروح من عدنا راحت بس عمتي ويا اسينات و لليل يلة رجعت

و هنا صار البيت وحشة على اسينات حتى خالي مقهور

ثاني يوم من الصبح رحنا اني و عمتي و رغد
لبيت عمي ابو وائل و عمتي اخذت وياها الريوك حس العادات عدنا

وصلنا لبيت عمي فتحلنا الباب خالد المغرور
دخلنا للبيت و اتلكتنا مرت عمي بعد السلام شويا و نزلت اسينات

سلمنا عليها و اني  كمت اساعد مرت عمي بتجهيز الريوك

مرت عمي: فدوة لطولج يحبيبة اشلونج

زمرد: الحمدلله خالة

مرت عمي : ما شاءالله صايرة عروس و تخبلين

زمرد: ضليت بس مبتسمة و اشتغل عمي صاح لمرتة و اني ضليت وحدي بالمطبخ اجة المغرور خالد

خالد: اشلونج زمردة

زمرد التفتت عليه و كلت: اسمي زمرد مو زمردة

خالد:عادي المهم انتي كرستالة نادرة

زمرد: ردت اطلع صار بالباب ما اكدر اعبر

زمرد: ميل عني اريد افوتن

خالد:هههه اسمها وخر او ابتعد مو ميل و اسمها افوت او اعبر مو افوتن

زمرد: هسة شني كاعد تعلمني الحجي وخر عني

خالد:اسمها شنو مو شني

زمرد: ترى انت كلش شايف نفسك مو هبالك درست ابغداد معناها براسك خير وخر لا بالعباس افضحنك هنا

خالد: احترمي نفسج من تحجين وياي المهم بس ردت اكلج ترى بيوم الحنة من سلمتي علية ما سمعتج من طلعنا يلة وائل كال ليش ما رديت السلام

زمرد: ديلة عاد انة ميتة ع السلام عليك ،،، عفتة و رحت للهول شويا و صبو الريوك و ما قبلو نروح الا نتريك وياهم تريكنا و ساعدت مرت عمي بتنظيف المطبخ و رجعنة لبيت خالي

زمرد: مرت الايام طبيعي و مرت عمي سوت حفلة السبعة لاسينات و رحنا الهم اني لبست ملابس عادية و اخذت وياية الفستان كلت هناك اغير ملابسي

وصلنا الهم و حضرنا كلشي و صعدت اريد اغير ملابسي رحت للحمام لبست الفستان كان فستان ماروني قصير

نسيت اقفل باب الحمام بس خلصت تبديل انفتح الباب اتفاجئت و اني اشوف خالد كدامي

زمرد: شني انت ما تستحي شبيك صافن اطلع عيب عليك يا ما تستحي

خالد دخل و قفل الباب: اعصابج ترى انتي الي مخلية الباب مفتوح

زمرد: عفتة ردت اطلع سحبني من ايدي

خالد: وين رايحة عندي موضوع وياج

زمرد: جيرة بكصتك اكو واحد يحجي بالحمام ميل عني ،،، دفعتة و طلعت من الحمام بس طلعت مشتعلة نار من العصبية

نزلت لاختي اسينات ردت اكللها بس سكتت لان عيب اخاف تصير مشكلة

للعصر بدات الحفلة بس ضليت مقهورة لان تصرف خالد كلش مو حلو

يتبع...

لا تنسون النجمة ⭐️

#للكاتب _ محمد_ ابو جود

مرحبا اني الكاتب الجديد محمد اتمنى اكون عند حسن ظنكم

هاي المحادثة ويا ايهم و هوا كلش قافل ما يريد يبقى