غيث..، دفعته على الحايط واتقربت منه وكلت ..اراويج الأسد علمود تتئكدين انو انتي ابعرينه. .اتقربت من شفايفه وهيه تدفع بيه وتحجي عليه من اتقربت كلش ضمت شفايفه ...
واتباوعتلي وكفت انه واتباوعتله ابشر وكلتله ..
اذكرت شي انو لاسد ما ايبوس ايعض ....
فتحت اعيونه على وسعهن كلتله ... اعترفي انتي ابعرين لاسد
ورد.،،، ادفعه ماكو اريده ايوخر عني ماكو ..،خوفني من كال الأسد ايعض ...كلتله ...ما ما انه ما داخله العرين أسد والله اصيح اذا عضيتني
غيث..،. خليت ايدي على حلكه وكلتله بستفزاز ...حليت المشكله خلاص...
قربت راسي من زنده وعضيته هيه بقت اترافس جواي ...عضيته حيل ..
رفعت راسي كلتله ...تتراجعين ..هزت راسه لا كلت ابساطه ...
ماشي ..رجعت عضيته من متنه الثاني ...هم بقت اترافس كلتله
..هسه ...هزت راسه لا كلتله ...
انتي يمكن امكيفه وعاجبج الوضع ...هزت راسه لا ...رجعت عضيته من خده بقت ادفع بيه كلتله ...هسه شنو ...
هزت راسه اي ... وخرت ايدي بس بقيت حابسه بيني وبين الحايط كلتله ...يله اتراجعي وكولي دخلت عرين الأسد
ورد..،، عضاته قويات الحقير ..من عض خدي خفت لا أصير علامه فوخرته. ..واستسلمت وكلتله ..ماشي اتراجع عن كلامي وانه دخلت العرين الأسد
غيث.،، اتقربت منه كلش وكلتله ..ما يدخل عرين لاسد اله واحد منو
ورد..، اتوترت من قربه وبلعت ريكي وكلت ...منو
غيث.،، ابتسمت وكلت ...البوه ... والأسد ماايخلي لبوته وحده اله ياخذ الي ايرديه وانه اريد أخذ من لبوتي شي ازغير. .،
ورد،،، خفت واتوترت وكلتله ...اشجاي تحجي غيث وخر
غيث،،،،ما اهتميت الكلامه واتقربت منه كلش الشفايفه تحت دفعه الي ومحاولاته الفاشله انو تطلع من جواي ..اتقربت كلش وهيه استسلمت ..ردت ابوسه وانفتح الباب ..،تجيت راسي ابيئس وغضب على متنه ... وهيه اتريد اتوخرني .... سمعت صوت علي كال وبعدين سكت
علي.... استاذ موضوع الملف وهو ...خرب شنو هاذا المنضر بقيت بس ارمش
غيث... درت وجهي اله وهيه دفعتني ... لزمته من معصمه ...وما خليته تطلع كلت ..،نعم علي شكو
علي .،ابتلعثم. .. بس أ الل اللمملف
غيث.... بعدين عليه تكدر تطلع ... طلع علي وسد الباب بقت ورد اتريد اتوخر ايده عفته جان راحت يم الباب وكالت
ورد..، متت من الخجل من علي وانه الغبيه استسلمت اله غبيه ...اطلق صراحي. بعدت عنه رحت يم الباب جان كلت ..،
اسحب كلامي وانه دخلت الوكر ثعلب مكار خاين وغدار هم ،.،
كلت هيج وطلعت امعصبه وسديت الباب ابعصبيه .،،وكملت شغلي ابهدوء ..
خلص الدوام ،. طلعت وهو وراي ما رحت الكراج سيارته ،،، سمعته صاح وراي درت راسي وكلت ابرود، ،
غيث،،، خرب بعليوي خرب عليه الحضه ،،اوف ،،،
بقيت اشتغل وعلي حصله رزاله مني ،،،
وهو ما همه بس يضحك عليه ،.، خلصت شغلي وطلعت ،،،.
شفته تمشي كدامي عبالي اتروح لسياره .،بس ما راحت صحت وراه.... وردد
ورد... ابرود....نعم أستاذ
غيث.،..تعالي صعدي
ورد ،شكرآ استاذ
غيث .،ابحده ،،،وردد صعديه ابسرعه
ورد... ما اريد هيه كوه
غيث،،، وهو يتجهله. .اشو انه ليش احب الصعب هيج واخذج لسياره .....
جريته من ايده ورحت لسياره ،،رادت اتمانع كلتله ابحده ..
ورد بدون فضايح يله اصعدي .،.فتحت الباب ودخلته بلصدر ،..
صعدت ،وانطلقت للبيت قريب وصلنه نزلت انه هم نزلت ... صعدنه بلمصعد صارت كدامي .،شبكته من خصره وتجيت حنكي على متنه اجمدت ...كلتله ابهدوء .،،، الحد شنو وعلاوي خرب علينه
ورد،،، صعدني جبر المهم وصلنه وصعدت بلمصعد ..اجمدت من حسيت بيده على خصري وشبكني ونفسه على خدي صحيت ردت اوخر ايده ما ايوخره كلتله ،،،غيث إيدك لا ايشوفنه أحد
غيث..، بست خده وخرت عنه بس خليت ايدي على متنه .وكلتله. ،،، وخرت يحلو
ورد،.. اريد اوخر منه ماكو واخيرآ وصلنه ابسرعه وخرت عنه ورحت للبيت ....
سبحت وبدلت اشويه وكعدت أكلب بلتلفون .... ..
اشويه واذن ..صليت شفت ماكو شي اسوي عشه ...
ماكو شي عجبتي ... لبست شالي وكوتي ... وطلعت للسوبر ماركت ..
قريب من العماره مالتي كلش ..،المهم جاي اشتري ولكيت غيث يشتري ..ردت اغلس وامشي بس هوه انتبه وصاحلي
غيث... دخلت للبيت بدلت وسبحت. ..غفيت اشويه ...
كعدت على الأذان. .صليت. ... طلبت صاج ... ونزلت اشتري بيبسي وكم مشروب طاقه على كرزات. ... رحت لسوبر ماركت ...
اخذت كم مشروب طاقه ...رحت القسم الكرزات لاكيت ورد رادت تجاهلني صحت وراه... كتكوت اشعدك طالع بليل وحدك
ورد،،، درت وجهي وابتسمت ابتسامه جذبيه وكلتله ...وياي
غيث.،،، يس نعم افت اي وياج اكو غيرج
ورد،.،. ابرود ... ماكو شي بس ردت أخذ كم شي احتاجه للعشه
غيث..... ماشي يله انروح اذا خلصتي. ..
ورد،،،، أي ماشي ....مشيت ردت ادفع الفلوس ...
بس هوه سبقني ودفع كلتله ...غيث عندي انه ادفع الي عليه
غيث... رادت تدفع ... هاي اشبيه ما تعرف شي كلتله ابحده ...
من انه وياج ربع ما يطلع من عندج ويله امشي كدامي ...
كالت بس ..كلت ابعصبيه ... يله ورد كدامي بدون كلمه ...مشت كدامي وانه وراه صعدنه بلمصعد ...
صارت عيني على زر بلمصعد بس اضغط عليه يوكف المصعد ..
.ابتسمت ابطرف شفتي ... وكفت كدامه مقابل الزر ... اتباوعتله وكلتله ...هاي ورد مدري شنو طاح منج .
.،هيه دنكت للكاعه وانه ضغطت الزر وكف المصعد ابقوه هيه فزت ابخوف بقت تتلفت. .. ابسرعه ضغطت على زر طفيت بيه لاضويه كله هيه صاحت ابخوف وكالت
ورد.،، من حجه ابحده ردت اعترض بس هو حجه ابعصبيه ...
اتلبكت ومشيت اكباله وصلنه للمصعدت صعدنه كلي طاح منج شي ...
بس دنكت اهتز بينه المصعد وكف وبعدين طفه الضوه ...متت خوف صحت ابصوت بيه رجفه. ..غيث ووينك
غيث... اتقربت منه واخذت ايده بيدي وكلتله ...هذا انه يمج لا اتخافين. ..اتقربت مني كلش وكالت
ورد،..، كلش خفت وحسيته منفذي الوحيد. .رحت يمه ابخوف وكضيته من قميصه وكلتله. ..غيث خايفه اشصار بلمصعد
غيث..، خليت ايدي على متنه ومسحت على ضهره وكلتله ... لا اتخافين انه يمج واكيد عطل بسيط اشويه ويرجع ... فكرت ابشي اقوه كلتله ...قربي رجلج مني وتعالي لزاويه
ورد،،،، بارتباك ..،ليش
غيث... ليش ما شايفه هذا الفلم الرعب بلمصعد حقيقي
ورد..، اتقربت منه كلش وطوقت خصره بيدي وراسي على صدره وكلتله ... لا
غيث... شبكت الي اقوه وكلتله .... أي بعد احسن لأن ما تتحملين اشوفين الجن يسحبهم من رجلهم. ..
ضغطت على خصري حيل ...
ههه ابتسمت عليه حصلتلي حضن وحنان ،
،بست راسه على كيف وكلتله ... هاي لأن وحده باقيه بس هسه انه وياج ما ايسوي شي ...حسيته هزت راسه اي ...
كسرت خاطري بقت ترجف. ..
ضغطت على الأزرار واتحرك المصعد واشتغلت الاضويه. ..
اتباوعتلي وابتسمت اله ...
هيه وخرت عني ابتوتر واخذت حاجاته من الكاع بعد ما ذبتهن من الخوف المهم ...
انه هم رحت الشقتي ..اشويه وصل طلبي ردت اروح انطيه وحده من الصاج الي جايبهن بس اتراجعت اشويه وطفت الكهرباء. .،
اوف اصار ... جبت لايت من غرفتي وخليته بلهول. ...
كعدت أكلب بلتلفونه لأن عندي يو بي اس مال نت ...المهم اشويه وسمعت الباب يندك استغرب منو يجي هيج وكت ... رحت فتحت الباب ولكيته
ورد..، كلش خفت بلمصعد .. احس كلبي ايريد يوكف بس وجوده اشويه أمني. ..
دخلت للبيت وانه كلش خايفه هسه بقيت وحدي هوه كال اذا وحدج. .
.بس بس هوا كال عن المصعد ..
ههه اصلن ايجذب عليه ...
جذب ماكو هيج شي وحقيقي يمكن اكو افلام ..اروح اشوف ...
كتبت الجن بلمصعد ... طلعلي اشكال ...
متت خوف طفت الكهرباء زاد خوفي بقيت متلبكه وخايفه ..،
ما حسيت غير شي على رجلي فتحت عيني على وسعهن ابخوف وخليت افلاش المبايل على رجلي شفت ايد بيضه ...
كمت بقيت اصيح واكمز وابجي ...،
ابسرعه اخذت جاكيتي وجنت بتراكه فضفاض من المتن ...
ابسرعه اخذت غطاء وجاكيتي. .،
وطلعت الشقت غيث ..ادك الباب وانه ابجي واتلفت لوره ....
فتح الباب انه ما صدكت ابسرعه رحت شبكته من خصره وبقيت ابجي هو انخبص بس ايريد ايسكتني اخذني للكرويته وانطاني ماي .... بقيت اشهك طوق وجهي بيده وكال
غيث.... فتحته استغربت ورد ،،، ما طال استغرابي لأن كبل شبكتني وتبجي اتخبلت هاي اشبيه وجايتلي ابغطه ،
،طاح كلبي كلت واحد دخلله وهيه هيج خايفه كلبي راح انجلط ...
فقدت اعصابي طوقت وجه وكلتله ابهدوء،،،، وردتي كتكوتي منو وياج ها كولي يله باباتي
ورد،،، اشهك واحجي .،،انته انته حجيت عن عن الجني بلمصعد مو وو
غيث.،،بست راسه وكلتله ...جذب والله كله جذب اشاقه وياج والله بس لا تبجين
ورد،،، وهيه اتهز راسه ابلا، ،،لا لا صدك جنت كاعده وايد بيضه على رجلي والله والله شفته ابعيني صدك صدك لأن وحدي غيث خايفه والله
غيث.،،، شبكته الحضني وراسه خليته على صدري بست فروة شعره وكلتله ..،
وداعتج اشاقه وياج وكله جذب بينه وبين الجن غشاه او جدار ما نكدر انشوفهم.
ونادرن ما ايشوفونهم الناس الموزينه انته موزينه .،،
هزت راسه ابلا ...كلتله ...جا اسكتي هههه خوفتيني طيحتي كلبي كلت دخلو عليه باكوه لو رادو ايخطفوه. ..
رفعت راسه وابتسمت ...
انتبهت الوضعه بدون حجاب وصدره طالع ومتنه وركبته بلعت ريكي ...
اتباوعت لعيونه.
.بعيوني ... جريته من خصره الي بقت تدفعني عنه قربت وجهي كلش منه وببهامي مسحت دمعته الي على خده وكلتله ...
خوفتين عليج وادموعج زرفن كلبي وهسه شكلج نهه كلشي بيه ورد ميت بيج ....
رادت تحجي ما اتحملت خليت راسي ابركبته ابقوه وبسته حيل وابشمه ...
حسيت لأول مره بعد سبع سنوات يدخل هوه الرئتي من صدك ...
بسته حيل وابقوه وابسرعه. ..
بختصار بسته بخباله ....
وخرت راسي من ركبته وانه اتنفس ابسرعه ..ايكلك داخل ابحرب ...
هيه جانت امغمضه اعيونه ... بست خده وكلتله ...راح اشوف شكو ابشقت ...ردت اروح بس كضت ايدي وكالت
ورد.،، هدئت ... من حضني ...
حاجاني خجلت ...قربني منه كلش ردت اوخر عنه بس هوه كلش حيل شبكني استسلمت الأنفاس الحاره على شفتي اتقرب مني بس ...
راح الركبتي اتوجعت من بوسته بس حبيته ... بين شغفه بيه ..،
وخر عني ..راد ايروح خفت كضيته من ايده وكلتله ...عفيه ابقه يمي بعده الكهرباء طافيه
غيث... رجعت كعدت كلتله وانه ابتسمت ... اذا ابقه يمج هيج تره ما اكض روحي هااا أعذر من انذره
ورد.،، اتلبكت خليت الغطه على راسي واتلفلفت بيه هو ضحك وكام
غيث..، ضحكت على حركته ...
كمت بست راسه وكلتله ...
اشاقه وياج يله رايح اجيبلج غطه ومخده ماشي ..
هزت راسه اب اي ...
رحت جبتله غطه ومخده انطيتهن اله .،ودوت الكهرباء كلت .،،
الهم صلي على محمد والي محمد واخيرآ يله انتي نامي ماكو شي تره وهاي راح اشغلج قرأن ... شغلتله على التلفزيون ..
ربطته على النت ...
خلت راسه على المخده ،،كعدت على الكاع ...
ابجهت راسه وبقيت امسح على راسه ... واقره ايات ...
اشويه واتنضم نفسه ... بس راسه ورحت الشقته. .طبعن شغلت قرأن ابتلفوني هههه طبعن هذا جن مو لعبه حته هو حقيقي ومذكور بالقرأن. .
،المهم رحت الغرفته اتباوعت ماكو شي ..،سمعت صوت ..من جوه الجربايه ...
رحت اتباوعت. ..هاي بزونه امدنفشه بيضه كلش حلوه يمكن مال جيرانه الي فوك. ..
شلته واخذته للبيت مالتي ...أخذت مفاتيح شقت ورد ...
وقفلته. .. أخذت البزونه خليته ابغرفتي جانت ورد نايمه ...
انه هم سديت الباب ونمت كعدت على صوت حركه بلغرفه. ..
كمت فتحت الباب ابهدوء لكيت ورد .،، ماكو .،رحت للمطبخ لكيته هيه اهناك لابسه الشفقه مالت الجاكيت مالته. ..
رحت من وراه وبست خده دارت وجه الي متوتره وخايفه ابتسمت وكلتله ...اليوم الحلو امنور بيتي
ورد،،.، نمت وهو يمسح على راسي كعدت الصبح ...
كمت سويت ريوك رتبته على الطاوله بس اصب الجاي ... وهو فاجئني من اجه من وراي وخرت عنه اشويه وكلتله ابتوتر ..،،امنور ابوجودك. ..غيث
غيث..، رحت للطاوله مال صوره هسه اتخبل ...صاحتلي كلتله ...اعيونه
ورد.،، ابتوتر ..سالمه اعيونك بس اريد مشمر منكه تشيرت شي بيه شفقه
غيث... اتباوعتله وكلتله ... أي اكو واحد ابيض بلخزانه بس مشمر كله ازغار
ورد.،،، ها ماشي حلبسه على ما تخلص ريوك اتروح وياي للبيت اخذ ملابسي
غيث..،، ماشي روحي ....
راحت للغرفه ..انه طلعت تلفوني وصورت السفره ..وخليته استوري وكلت واخيرآ نورت المطبخ وراح اتنور معتي 😂😂...ضحكت ..اشويه اجت وبيده البزونه يووو نسيت السالفه وكفت مقابيلي وكالتلي
ورد... رحت البس التشيرت ... واشم ابملابسه يا الله عطره ..اشويه وسمعت صوت بزونه ... شفته اتخبل وبيضه امدنفشه ...
كملت لبس واخذت البزونه ورحت يم غيث ..، كلتله. .،هاي من اشوكت عندك هل حلو ..،احجي وانه الاعب البزونه
غيث،،،، يوووو نسيت اكلج مو انتي البارحه نمتي وانه رحت الشقتج طلع الجني هو هذا الحلو
ورد... شنوووو
غيث..،، أي هيه بزونه جايستج وانتي ميته خوف شوفي ايده بيضه خبله ما فرقتي شعر من ضل ابيض
ورد،،، ابغيض ..أي اشندريني انته البارحه خوفتني هسه انته متئكد هيه بزونه
غيث..، أي متئكد وهسه راح اوديه للراعيه وشوفي بس خلي نتريك وانتي بدلي وانروح. .. ما كالت شي .،المهم خلصنه ريوك
..بدلت وبعدين رحت الشقته سبحت وبدلت وطلعنه صعدنه لفوك ... وطلعت صدك بزونته. .. هيه اطمنت ..
.اتئخرته على الشغل ...كلتله وانه اتباوع الساعتي واريد اصعد لسياره ..شوفي اتئخرآ على الشغل كله منج
ورد،،،، ارتاحيت من طلعت بزونه .،بس بعدني خايفه لأن وحدي راح ابقه بلشقه ..المهم كلتله ...يا والله كله ابسببك لو ما امخوفني البارحه جان هسه ما صار هيج
غيث..،، ديله يله اصعدي ..صعدت اشويه ودك عليه علي كلتله ..،
ها علي خير ...،
اهوووو رحمه لأهلك عوفهم. ..،
علي فدوه شوف حل. ...
والله تلعب نفسي ما اريد اجتمع بيهم ....،
اهوووو يابه كوه ما اريد اشترك وياهم ......
مصرين يعني .....،
ماشي خلي بعد أسبوع بس ها تره من وره خشمي ...،
خوش خوش ما اتقابلهم انته ..،
أي آي اعذارك البايخه. .،،
ديله يله سده وصلت تره ..
سديته منهم جان كالت ورد
ورد،،،، استغربت من كلامه منو ذوله كلتله ...اسفه اذا جاي ادخل بس منو ذوله وشكو
غيث..،،لا عادي ولج ذوله فد لزكه وخبثاء واعرفهم كلش زين شنو نيتهم
ورد .،، ليش شنو ايريدون ومنو همه
غيث.،،، ذولي ايريدون .....،،
2013 كلمه ...باجر البارت نار نارررررر من صدك
اريد البارت 250 صوت علمود انزل الجاي ابسرعه
بأي
kokaeen97jk تصويت القصصه. ..تره دعمته بدون ما يدري
😁😁😁😀😀😀 اخبال كاتبتكم هسه ايطكني ابوري وايكلي منو كالج ادعميني 😂😂😂😂 واللله لو ايسويه اله أصور الحجي والرزايل وانزاله بلبارت الجاي عواقب الي يتصرف من يمه 😂😂😂😂