Twitter: Hunter Online Summer Cup
Just include that to your tweets and babasahin ko 'yong reactions ninyo para sa magaganap na Summer Cup. 👌
"BAKLA! Ang tagal nating hindi nagkita!" Sabi ni Shannah noong nagkita kaming dalawa sa Seven Eleven malapit sa BulSu. Maaga kaming nagkita para magpa-enroll this sem, ang haba pa naman ng pila tuwing enrollment.
"Kumusta ang paglalaro mo?" Tanong ko sa kanya.
"Level 15 na ako, kaunti na lang ay magiging magandang negosyante na ako sa Hunter Online," She flipped her hair while smirking. "Pero hindi iyon ang chika!"
"Ano?"
"May Publishing Company na interested na i-publish 'yong Wattpad story ko!" Umupo kaming dalawa sa vacant seat habang hinihintay ang Kulokoy Boys. Tuwang-tuwa ako para kay Shannah, she's an online writer for three years already (sabi niya) and ang laking opportunity nito para sa kanya.
"Congrats! I am so proud of you!" Tuwang-tuwa kong sabi.
She smiled. "'Di ba? I am proud of myself too! May pera talaga sa pagbababad sa internet!"
Sabi niya ay next week ay kikitain niya ang isang editor noong publishing company and she's looking forward for it.
"Pero hoy," hinampas ni Shannah ang braso ko at nakuha niya ang atensiyon ko. "Ano na score ninyo ni bebe #6 ko?" Tanong niya.
"Sino? Si Dion?"
"Oo! Magbabagsak ako ng tatlong major subject kapag hindi naging kayo! Bakla ka, umaasa na ako." Natawa naman ako sa sinabi ni Shannah pero sinabunutan niya lang ako. "Loka ka, huwag kang tumawa, seryoso ako."
"Baliw ka, magkaibigan lang kami ni Dion. Ang issue ninyong lahat." Naiiling kong sabi habang tinitingnan ang email sa amin ni Sir Greg sa match schedule.
"Ang landi ninyo tuwing magla-live kayo, malamang ma-issue kami." Sagot niya sa akin. "Ang dami kong binugaw sa 'yo last sem, may pinoy cutie, may koreano, may japanese, sa player ka lang pala babagsak." Inisa-isa niya pa iyon sa daliri niya.
Napailing na lang ako. "Hindi magiging kami."
I already set my boundaries sa Battle Cry boys. At isa pa, bakit ako magkaka-feelings sa kanila? Ang sarap kaya nila ka-barkada lahat. Nakakasira lang sa team ang makipagrelasyon sa kapwa player.
Ilang minuto lang ay dumating na ang Kulokoy Boys. "Kumusta naman ang tropa naming Pro player! Napakayabang!" Nakipag-apir sa akin si Trace at ganoon din sila Clyde.
"Napakaingay mo, hindi naman ako lalaro sa Summer Cup." Sabi ko sa kanya. Isinukbit ko na ang bag ko at naglakad na kami papasok sa school. Paniguradong ang haba na ng pila sa Federizo Hall dahil sa tagal nila.
"Ayon awit. Bangko, sarap sa feeling." Natatawang sabi ni Tomy at nag-apir silang dalawa ni Trace. Mga epal talaga kahit kailan.
"Okay lang 'yan, ilang beses na kami nakanood ng competition, malakas na ang Battle Cry. Maganda line up ninyo." Sabi ni Clyde at ngumiti sa akin.
"Alam ninyo, sa inyong tatlo, si Clyde lang ang may suporta. At isa pa, pumayag akong bangko ako this Summer Cup dahil alam ko naman sa sarili ko na marami pa akong dapat i-improve." Paliwanag ko sa kanila.
"Na-post na pala 'yong schedule ng Tournament, sa skydome pala gaganapin, eh. Lapit lang. SM North lang." Sabi ni Trace habang nakatingin sa kanyang post.
Honestly, hindi ko nga in-expect na sa ganoong kalaking venue gaganapin ang summer cup and it is a five days competition. Akala ko ay sa mga mall lang ginaganap ang mga Esports, eh. Paano pa kaya kapag Season 4 tournament na... Baka sa MOA Arena na 'yon ganapin.
Double elimination ang magaganap sa Summer Cup. Ibig sabihin, kapag natalo ang team ninyo nang dalawang beses ay laglag na ito.
"Sparks Again ang una ninyong kalaban. Based on Sparks Again previous matches, mas maraming mage sa lineup nila kaysa sa mga Marksman." Payo sa akin ni Clyde.
"May mga naka-ready kaming magic defense items IF ganoon pa rin ang strategy ng Sparks Again. Baka kasi binago na nila ang laro nila this season, hindi naman namin sila nakatapat sa mga nakaraang competition." Paliwanag ko.
Malaking bagay ang pagiging player ni Axel since season 1 dahil ang dami niyang alam pagdating sa kalabang team. Isama mo pa si Coach Robert na ang dami ring strategy depende sa kalaban.
Habang naglalakad kami papunta sa College of Science ay may tatlong lalaki ang nagtutungguan na parang gustong kumausap sa amin.
"Excuse me? May problema ba?" Tanong ko.
"Puwede bang magpa-picture sa 'yo, Shinobi?" tanong noong lalaking medyo chubby at may kulot na buhok. "Nanonood kami ng live mo." dugtong niya pa.
Napatingin ako kanila Shannah at mayroon silang mapanukso na ngiti. "Bakit ganyan 'yang tingin ninyo?"
"Hindi ka na talaga ma-reach, friend." Tinulak pa ako ni Shannah.
"Pro player 'yan, bangko nga lang."
Inirapan ko si Trace. "Epal."
Bumaling ang tingin ko sa mga nagpapa-picture at pinaunlakan sila.
Noong una okay lang, pero alam ninyo 'yon? Noong pumila na ako sa Federizo Hall para magpa-evaluate at pumili ng klase, dumami na 'yong noong nagpapa-picture. Especially freshmens.
Ngayon ay na-gets ko na si Dion kung bakit mapipilitan kang paunlakan sila kasi... Public figure ka na, that's the only reason.
'Yong ibang babae na walang alam sa gaming ay akala ay starlet ako sa isang TV Network o kaya naman ay model ng Frontrow.
Nakaupo ako sa bench habang nakapila para magpa-evaluate noong may nag-text sa akin.
Dmitribels:
Enroll ka na?
Bogus: (Si Dion ang nag-set niyan)
Nakapila pa lang para magpa-evaluate.
Haba ng pila.
Bogus:
Nagpapractice na kayo?
Dmitribels:
Mamayang alas dos pa.
Makakahabol ka daw ba sa practice, pinapatanong ni coach.
Bogus:
OMG nakakahiya kay Coach :(((
Hindi yata ako makakahabol
Feeling ko maghapon 'to, ang daming freshies na nagpapa-enroll.
"Teh, baka gusto mong umusog, ang layo mo na doon sa kasunod mo. Baka masingitan tayo sa pila." Napalingon ako kay Shannah at pinatay ang screen ng cellphone ko.
"Heto na, g ka agad." Natatawa kong sabi.
"Tutok na tutok ka kasi sa cellphone mong bakla ka." Hinila niya na naman ang buhok ko.
"Nanonood lang ako nang matches ng Sparks Again. Inaaral ko lang." Palusot ko.
Umupo ulit ako sa bench at binuksan ang phone ko.
Dmitribels:
Hulaan mo almusal namin dito sa Boothcamp ngayon.
Bogus:
Sermon ni Coach?
Dmitribels:
Bukod doon.
Bogus:
E'di 'yong usual breakfast ni Manang Martha, Spam tsaka Hotdog.
Tapos may shakes.
Dmitribels:
Tapsilog tapos Chicken sisig.
The best.
Buti na lang wala ka. 😂
Bogus:
Hoyyy! Bakit ang sarap ng breakfast ninyo today? 😭
Salbahe mo.
Dmitribels:
Bogus:
Buwisitin kita pagkabalik ko sa Boothcamp.
Gisingin kita.
Dmitribels:
Gagong trip naman 'yan.
Bogus:
Pikon. 😏
Dmitribels:
Lolo mo pikon.
Bogus:
Ay malapit na ako para magpa-evaluate.
Huy kapag may meeting or pinaliwanag si Coach, pa-record please. 🥺
Dmitribels:
Oks.
Balik ka na dito sa Boothcamp ng Sunday.
Bogus:
Ha? Bakit naman?
Dmitribels:
Sabay-sabay daw tayong pupunta sa opening sa Monday. Kilala ko lahi mo, lagi kang late.
Bogus:
Epal.
Sunday night ako babalik.
Dmitribels:
Ihahatid ka naman?
Bogus:
Pilitin ko pa si Kuya.
Dmitribels:
Gege.
Kagaya nang inaasahan, hindi na ako nakasunod sa Practice dahil alas-cuatro na kami natapos sa pagpapa-enroll. Instead na humabol ako sa practice, sinabihan ko na lang si Dion na sabihan ako if may bagong strat na itinuro si Coach.
"Buti, kaklase ka pa rin namin sa lahat ng subject," sabi ni Clyde habang tinitingnan niya ang COR ko. "'Di ba 'yong iba pinapaayos 'yong schedule para hindi humadlang sa training?"
"Ayoko maging irregular." That's the reason. Kung ipapaayos ko 'yong subjects ko ay baka kung sino-sino ang maging kaklase ko. As much as possible ay gusto kong kasama sina Shannah kasi stress reliever ko talaga sila sa Acads. "Tsaka matatapos naman na ang Summer Cup, next big tournament naman ay sa Ber months na. So feeling ko kaya ko naman."
"Hindi ka ba nahihirapan sa practice?" Tanong ni Clyde sa akin. Nahuhuli kami sa paglalakad dahil nauuna sina Trace, papunta kami ngayon sa Robinson Malolos para mag-dinner.
Honestly, mahirap 'yong practice. Especially kapag may mga pinapagawa si Coach na nahihirapan kaming gawin. Pero alam mo 'yon, hindi ko ramdam na stressful siya kasi ginagawang magaan ng Battle Cry ang mood sa Boothcamp.
"Kaya naman." I answered. "Medyo pukpukan lang talaga ngayon since Summer Cup next week."
"Kapag nahihirapan ka, you can talk to me." Sabi ni Clyde sa akin.
"Sinong pa-fall sa atin ngayon?" Natatawa kong sabi sa kanya. "Alam ko naman na nandiyan kayo nila Shannah."
"Pero manonood kami ng match ninyo. Suportahan ka namin. Cheer ka namin habang nakaupo ka sa bangko." He chuckled.
Mahina ko siyang tinulak. "Gago ka, Milan, nasa highway tayo. Masagasaan ako bigla, eh."
"Sorry na." Natatawa kong sabi. "Ikaw kasi."
"Ikaw lang talaga 'yong kilala ko na nagso-sorry tapos nanunumbat." Naiiling na sabi ni Clyde.
"Parehas kayo nang sinabi ni Dion!"
"Oh, 'di ba? Pati ibang tao napansin na."
Our conversation was interrupted noong napatingin na kami kanila Shannah na nakatayo sa lilim ng isang puno. "Baka gusto ninyong bilisan maglakad? Gutom na kaya kami!" She shouted.
Nagkatinginan kaming dalawa ni Clyde at napailing na lang.
KINAGABIHAN ay nag-online ako para makibalita kay Rufus kung ano ang ginawa nila sa Practice kanina. As expected, isang araw lang akong nawala pero ang dami kong na-miss.
"Buti pumayag kang mag-online," sabi ko sa kanya habang hinihintay namin na ma-upgrade ang Wakizashi sword ko.
Isa ito sa pinakabinilin sa amin ni Coach Robert. Hangga't kaya naming i-upgrade ang mga weapon and armors namin ay gawin namin. It will increase our attack and defense which is what we need in every Tournament.
"Hindi ako makatulog." sagot ni Rufus.
Kumunot ang noo ko to ask why. Umiling lang siya. "Don't mind me, nahihirapan talaga ako makatulog kapag may malaking Tourna na magaganap."
Matapos kong ma-upgrade ang weapon ko ay naglakad kami sa lokasyon ng mga monsters sa labas lang ng Hashina Town. Mga level 24-28 ang mga makakalabang monster dito kung kaya't makakapagpa-level ako.
"Naiintindihan ko, kahit ako rin naman ay nae-excite na ako." Sabi ko kay Rufus matapos kong mapatay ang isang serpent na level 25.
"Ang dami ko nang isinakripisyo para rito. Isinantabi ko muna ang pag-aaral ko, nalayo ako sa pamilya ko, pinriority ko ang gaming career ko. Isa lang ang gusto ko... Ang manalo." Rufus said.
Naikuwento na sa akin ni Dion na hindi niya naman gustong huminto sa pag-aaral pero tinuturing niya sa buhay niya na once-in-a-lifetime opportunity ang maging isang Pro Player under Battle Cry. It is his dream na magagawa niya lang hangga't bata or teen siya.
May mga taong ang baba nang tingin sa mga gamer dahil iniisip nila na wala gustong gawin sa buhay ang mga players. Pero ang totoo, they are also striving hard for their dream. Kung tutuusin nga ay parang mas maliit pa sa butas ng karayom ang tiyansa na maging pro player pero ginagawa pa rin nila. Why? Because they want to be recognize in the world of Esports, they want the championship trophy.
"Mananalo tayo." nakangiti kong sabi sa kanya. "We will dominate the Summer Cup."
Napailing si Rufus. "Mananalo tayo."
"Ay wait,"
You asked Rufus for a trade.
Kumunot ang noo niya sa pagtataka.
"Accept mo na lang."
He accepted my trade request.
Are you sure you want to trade to Rufus you Holy Black Cape [Rare]?
Yes
No
Ibinigay ko kay Rufus ang Holy Black Cape ko at mukhang nagulat siya sa ginawa ko. That is the only rare item na mayroon ako.
"Baliw ka, sure ka ba?" Tanong ni Rufus.
"Nakakadagdag sa defense 'yang cape. Magagamit mo 'yan. Sub player lang ako so... Ipapahiram ko muna sa 'yo, sayang 'yong effects kung hindi naman magagamit sa laro." Paliwanag ko kay Rufus.
Isinuot niya agad ang cape na bumagay kay Rufus dahil karamihan din sa armor niya ay kulay itim. I smiled to him. "Lucky charm natin 'yan para manalo."
Pumatay pa kami ng ilang serpents para lumevel up ako and luckily ay nag-level 26 ako ngayon.
KINAGABIHAN noong Linggo ay pumunta ako sa Boothcamp para maghanda sa mangyayaring opening ng match bukas.
Actually, madaling araw na kami natulog lahat pinanood namin ang laban na ginawa ng Sparks Again sa mga previous competition and live nila.
"They usually used their mages as their core members. Pino-froze nila 'yong isang target at doon nila ito pauulanan ng skills." Paliwanag ni Axel habang mabagal na pine-play ang isang match.
"Kung gagawin ulit nila iyon sa Summer Cup, puwede tayong mag-sacrifice ng isang player para gamitin nila lahat ang skill nila. Kapag skill cooldown na noong mga mage, doon kayo aatake." Suhestiyon ko. "One fighter ang isa-sacrifice at kapalit noon ang mga core members nila."
"Puwede rin." Axel considered my plan. "Puwede rin naman gamitin natin ang mga assassin members natin para maghiwa-hiwalay ang mga mage nila para hindi nila tayo ma-skill combo. In that way, madali silang mapipitas nila Oli."
"Paano kung hindi iyon ang gawin nila?" Tanong ni Kendrix.
"Iyon ang gagawin nila." Nakangiting sabi ni Axel. "Mage pa rin ang main core nila. Tingnan mo lahat ng live nila. Karamihan ng high level players nila ay mage users. Hindi nila ibabangko 'yon. Pataasin ninyo ang magic defense ninyo para hindi nila agad kayo mapatay. Especially, you, Oli."
"Okay. Ako bida dito sa Battle Cry, eh." Sagot ni Oli at isinulat niya iyon sa notebook niya.
Habang pinagmamasdan ko si Axel na mag-explain sa harap. Hindi ko ma-imagine kung paano magpa-function ang Battle Cry kapag wala na siya. Ang laking kawalan ni Captain Axel sa grupo, honestly.
Naputol ang discussion namin noong nadaan si Coach sa sala. "Bakit gising pa kayo?" Tanong niya.
"Nagpa-finalize lang ng plano, coach." sagot ni Captain.
"Matulog na kayo. Mas mahihirapan kayong lumaro bukas kung magpupuyat kayo. Ala-una na, maaga ang opening bukas." coach adviced and niligpit na namin ang kalat namin sa sala.
***
NAGLALAKAD pa lamang kami papunta sa Skydome ay grabe na ang kabog ng puso ko sa kaba. Iba pala kapag nasa mismong araw ka na, ang daming tao rito ngayon sa SM North.
Napapalibutan ng banner ang SM North na patungkol sa Hunter Online qt nakatutuwa na makita na nakasabit din ang Logo ng Battle Cry.
Nakapila kaming naglalakad at nangunguna si Captain Axel. May mga fans na nagchi-cheer at may iba naman na bigla na lang kaming hahatakin para makapagpa-picture sa kanila. Malayo pa lang din kami ay malakas naming naririnig ang maingay na tugtog sa Skydome ar mga sigaw ng mga fans na manonood.
Pumasok kami sa loob ng Sky Dome at ang daming tao, sa totoo lang. Marami ring teams ang nandito. Ang wala lang dito ay ang Raging Bull, Thunder Bird, Urban Muskeeters, at Rule Breaker dahil bukas pa ang laban nila.
For the opening of Tournament, nakakalula ang dami ng tao rito sa Skydome. May mga pailaw at mga commentator din sa right side na kung saan hina-hype nila 'yong mga viewers sa Facebook page para sa Summer Cup.
Iba 'yong feeling ko ngayong nasa Summer Cup na ako. Para bang sasabak ako ngayon sa giyera dahil handang-handa ang lahat ng team na nandito. Lahat ay determinadong manalo at maiuwi ang Kampyonato.
Tinawag kami ni Captain Axel at inikot para sa saglitang meeting. "Huwag ninyo sayangin ang ilang linggong paghahanda natin sa Summer Cup. Just do your best, map awareness ang pinakaimportante lahat. Enjoy lang, maliwanag ba?"
"Yes, Captain!" We answered at pumila na kami para sa magaganap na opening.