عند البحر
قرب منها أكثر، بس فجأة رن فونه، بلع ريجه لما حس ع نفسه ابتعد عنها شوي، بس للحين ماسكها
شاف فونه: هذا طلال، رد عليه: هلا طلال
طلال: .............
وليد: ايه حصلتها، الحين بالطريج يايين
طلال:.................
وليد: ايه ماكو شي لا تحاتي
طلال:..................
وليد: اووكي، يلا باي، سد منه وطالع عهد: يقول شفيكم تأخرتو عباله شي صار
عهد: انزين يلا خنرووح
وليد: زين صعدي هذي الصخرة
عهد طالعت: يممه حيل تخوف
وليد: يعني شلوون
عهد طالعته بنظرة براءة وخوف
ابتسم ووو: يبا تدرين شلون غمضي عيونج
عهد عقدت حواجبها: ليش شبتسوي
وليد: انتي غمضي وتمسكي فيني ولا تخافين
عهد طالعته وبعدها غمضت عيونها: اممم اوكي
وليد ابتسم واهو يشوفها شلون خايفه، انحنى شوي وحط ايده تحت ركبها والثانيه تحت ظهرها وشالها ع ايده
عهد شهقت وتمسكت فيه أكثر
صعد ع الصخور، وبعدها نزلها: خلاااص
تنهدت براحة وبنفس الوقت بحيا من قربه: يلا نروح
وليد ابتسم لها: يلاا
ببيت منيرة
كانت قاعده وللحين الصدمة ع ويهها
ليال بعد م نام بندر، راحت لها وقعدت يمها: هيفاء
هيفاء رفعت راسها: عشان جذي اليومين اللي طافت امي كله سرحانه وتفكر طلعت تبي تتزوج
ليال: هيفاء لا تقولين جذي، امي من حقها...
قاطعها بحدة: شنو من حقها انها تتزوج ومعاها بنت م فكرت فيني ابدا
ليال: هيفاء شهالحجي اكيد فكرت فيج، وبعدين اهي قالت لج راح تكونين معاها
هيفاء بقهر: ليال لا تتحجين عن شي م تعرفينه، انتي تبيني اضيع، شعليج قاعده بيت ريلج ومرتاحة
ليال تنهدت، امهم قالت لهم أن مديرها عمر اللي بالشغل يبي يتزوجها، وهيفاء م اقتنعت ابدا
هيفاء: مادري شلون لعب بعقلها
ليال بجدية: هيفاء انا صج بالبدايه م اقتنعت بالفكره، بس بعدها فكرت، امي تزوجت من واهي صغيره م عاشت حياتها، وبعدها ابوي خدعها وراح واهي معاها بنتين، تعبت حيل علينا وشلون تأكلنا وتدرسنا وتلبسنا، وكا انتي الحين دشيتي الجامعه ودرستي وما رضيتي تشتغلين وتتعبين ع نفسج، واهي وافقت تشتغل بهالشركة بس عشانج، والحين لما يا دورها عشان ترتاح وتشوف حياتها توقفين بويهها
هيفاء سكتت وما ردت عليها
ليال: تدرين شي بعد، امي لو تبي تتزوج من حقها، واحنا مالنا اي حق نردها عن هذا الزواج، ولو اهي م تبي م راح تقولنا وراح تتزوج بدون علمنا، بس اهي بالبدايه يات وقالت لنا
هيفاء طالعتها بقهر وسكتت
بهاللحظة دق حسين ع ليال، قامت ليال: انا اقول فكري عدل بهالسالفة ولا تكونين أنانية وفكري بأمي شلون تعبت علينا، يلااا انا بروح حسين وصل
وراحت، دشت تشيل ولدها وطلعت لحسين
يوم الأحد
الصباح
بالجامعة
كانوا عهد ورفيجاتها قاعدين بالكانتيين
ندى: شيووم صج اللي سمعته
شيماء: شنو اللي سمعتيه
ندى: زواجج الأسبوع الياي
عهد وحنين فجو عيونهم: شنوو، واحنا ليش م ندري
شيماء: ههههه شفيكم شوي شوي علي، اهو كان يبي بس انا قلتله اصبر ليما نخلص الفصل
عهد: ايه ع بااالي
ندى: انتي بس قوليلي إذا عارضج بشي انا اوريه لج
الكل: هههههههههههه
شيماء طالعت مكان وسررحت
حنين: ها شيوم اشوفج سرحتي ف حبيب القلب
شيماء: لا وين طاعي جدامج بسس
الكل طالع، وانصدم، كانت منار واقفه ولابسة
وضحكتها واصله لأبعد مكان
ندى بسخرية: ما شاء الله شهالضحكة المايعة
حنين: خلاص لا تطالعونها مالنا شغل فيها
شيماء: وييي كاهي يايه صوبنا
عهد: اففف انا شلون بتحمل بسس
وصلت منار واهي تمشي بدلع: هلوو قايزز
الكل قال ببرود: هلوو
منار: وااي حدي اشتقت لكم، عيل وين البوديقارد مالكم
عهد انقهرت: مالج شغغل
منار: افف سوري حبيبتي لا تعصبين،
الكل يطالع بعض ومستغربين منها
ندى: منارووو شعندج
منار وعينها على عهد: ولا شي حبيبتي
بهاللحظة وصل طلال: اااه حده غثا هالدكتور
منار: وصل البوديقارد، يلا انا بروح باااي
راحت منار والكل مستغرب منها اليوم مو من عوايدها
ندى: اكيد برأسها شي، قامت لها بسرعه: هيي وقفي شوي
منار تخاف منها: هلا ندى
ندى: شاللي براسج اليوم هااا
منار: هههه شاللي براسي يعني ندى
ندى حرتها بعيين: تحجي احسن لجج
منار: ماكو شي صدقيني، باي معاي محاضره
راحت بسرعه وندى ردت لهم وقعدت،
طلال: ندووه شفتيها شلون خافت منج، هههههه
ندى واهي تلعب بشعرها: احم احمم
الكل: ههههههههههههههههههه
بالمستشفى
هديل: الحمدلله ع السلامة خالتي
خالتها حصة بتعب: الله يسلمج يماا
هديل مسكت ايدها: إن شاء الله كلها يومين ونرد مع بعض البيت وتنورينه
حصة: م اظن ي يما لي رده للبيت
هديل دمعت عيونها: لا تقولين جذي يالغاليه، الله يخليج لي
بهاللحظة دش نايف: صباح الخير
الكل: صباح النور
د. نايف: شلونج اليوم خالتي
حصة: الحمدلله يما، الله يخليك
هديل؛ دكتور متى راح تقدر تطلع من هني
د. نايف: راح نخليها تحت الملاحظة يومين وبعدها نشوف
حصة: خلاص يما انا بخير، روحي أنتي لدوامج
هديل: شلون اخليج بروحج خالتي
د. نايف: افا عليج هديل، لا تخافين ع خالتج احنا معاها
هديل ابتسمت له وانحنت وباست رأس خالتها: يلا عيل خالتي ديري بالج واي شي يصير دقي لي
حصة: إن شاء الله يما
ببيت منيرة
كانت قاعده واهي تفكر برده فعل هيفاء من درت بسالفه زواجها، م كلمتها من ذيج الساعه، واهي م قدرت تروح اليوم الدوام م تبي عمر يضغط عليها
شالت فونها واهي تشوف ٥ مكالمات منه: اففف
طلعت هيفاء وشافت امها قاعده، كانت لابسة
هيفاء بتردد: ليش م رحتي الدوام
منيرة: ابي اريح شوي تعبانه
هيفاء اللي فكرت طول الليل بقرار امها، فكرت بعمر أن معاه شركات يعني اكيد غني، وراح تبتعد عن حياة الفقر، بس بنفس الوقت خايفه امها تخليها
هيفاء: اممم يما انا موافقه
منيرة: موافقه على شنو
هيفاء: موافقه على زواجج
منيرة تفاجأت، لأنها أمس كانت م تكلمها ووايد شايله عليها شلون اليوم تقول انها موافقه
منيرة: شاللي غير رايج
هيفاء: فكرت أكثر وشفت أن القرار لج، بس يما انا خايفه تخليني بروحي عشان جذي بالبدايه م وافقت
منيرة: يما شلون اخليج، انا من البدايه قلتله أهم شي بنتي ومابي اخليها، واهو وافق
هيفاء ابتسمت: زين عيل قومي الحين بدلي ملابسج عشان توصليني الجامعه وبعدها تروحين الشركة
منيرة طالعتها تبي تتأكد من قرارها
هيفاء: يلا يمااا لا نتأخخر
قامت منيرة واهي تضحك براحة ودشت تبدل ملابسها
بالجامعة
حنين وعهد قاعدات مع بعض
حنين: انزين وشنو قالج رايه
عهد: اهَو م قالي قراره بشكل مباشر، بس انا اللي حسيته أن مو عنده مانع، تدرين ابوي م يعبر عن رأيه، بس انا متأكده انه محتاج مره بحياته تداريه
حنين: اهو صج انا بعد احس جذي، خصوصا اهو قعد ١٠ سنوات بدون مره، اممم انزين أحد ببالج
عهد: والله تبين الصج للحين مادري، بس بكلم يارتنا اللي يمنا يمكن تعرف احد جريب منا
حنين هزت راسها وسكتت
عهد: شفيج
حنين: اممم شرايج فيها
عهد باستغراب: اممم منو اهي
حنين طالعت جدامها: هديل
عهد واهي تطالع، شافت هديل قاعده بروحها: اممم تصدقين م فكرت فيها بس هديل تستاهل كل خير، بس تهقين توافق ع ابوي وأنه معاه عيال
حنين: مادري، بس اهي صار عمرها بالثلاثين يمكن توافق انتي كلمينها وشوفي شبتقول
عهد قامت: يلا قومي معاي نكلمها
حنين فجت عيونها: الحين؟
عهد بحماس: ايه ايه قومي يلا
قامت حنين وراحت معاها حق هديل اللي قاعده بروحها، اول م قربو منها، حنين مسكت ايد عهد: انا راح انطرج هني وانتي كلمينها ولا تتأخرين
عهد هزت راسها بايه، وراحت، اول م وصلت: قوة هديل
هديل اول م شافتها ابتسمت: الله يقويج، هلا والله
قعدت يمها: شلونج وشلون خالتج الحين
هديل: الحمدلله، وخالتي اليوم صحت
عهد بابتسامه: صج، الحمدلله على سلامتها
هديل: الله يسلمج حبيبتي
عهد سكتت واهي مو عارفه شلون تبدأ: اممم
هديل عقدت حواجبها: عهد فيج شي
عهد: صراحة ابي اكلمج بموضوع ومو عارفه شلون ابدأ
هديل: افا عليج قولي اللي عندج
عهد: اممم هديل انا ابي ازوج ابوي
هديل تنطرها تكمل: اييه
عهد: للحين م لقيت مره له، بس الصراحة انا فكرت فيج لانج انتي رفيجتي وو
هديل قاطعتها: شنو يعني
عهد: هديل انا ابيج زوجة ابوي
هديل وصوتها صار يرجف: لا عهد انا م افكر بالزواج
عهد عقدت حواجبها: ليش هديل انتي عمرج مو صغير
قامت هديل ودَمعتها بعينها: خلاص عهد قلتلج ما ابي اتزوج
راحت هديل، وعهد للحين محتاره برده فعلها
بنهاية الدوام
بشركة عمر
كانت قاعده بالكافتيريا اللي بالشركة، واهي متردده تقوله عن موافقتها ع الزواج، لانها م التقت فيه من بداية الدوام، توقعت انه زعلان لأنها م ردت على اتصالاته: اففف شسوي الحين
قطع عليها صوت السكرتيره: منيره تبين شي انا بطلع
منيرة انتبهت لها: لا حبيبتي
طلعت السكرتيره، والموظفين قلو، لازم الحين تروح له
أخذت نفس وصعدت لمكتبه، شافته للحين قاعد، تقدمت من مكتبه وطقت الباب
سمعت صوته: تفضل
أخذت نفس وظلت شوي، كانت لابسة
بعدها شجعت نفسها ودشت: مساء الخير
عمر رفع عيونه ونزلها: مساء النور
تجدمت وقعدت ع الكرسي اللي مقابله: اممم استاذ عمر
رفع عيونه لها بدون لا يتكلم
منيرة: بخصوص الموضوع اللي كلمتني فيه
عمر للحين يطالعها يبيها تكمل
بلعت ريجها واهي تشوف رده فعله، اففف شلون اقوله الحين واهو جذي بارد وما يرد علي
قامت بسرعه وبصوت يرجف: لا ماكو شي عن اذنك
راحت تبي تطلع، بس وقفها بسرعه واهو يمسك ذراعها: وين رايحة
بلعت ريجها وحست الدموع بعينها
عمر: منيرة شفيج
منيرة نزلت راسها: ماكو شي
عمر: تعالي قعدي
ردت منيره وقعدت ع الكنبات اللي بزاويه المكتب، وقعد عمر يمها: يلا انا اسمعج
منيرة تحس مو قادره تتكلم
عمر: منيره قلتي تبين تكلميني عن موضوع مهم، كاني اسمعج
منيرة غمضت عيونها: موافقه
عمر: موافقه على شنوو
منيرة مو قادره تقولها: اممم موافقه ع اللي قلته
عمر: شنو قلت انااا
منيره قامت ودَمعتها نزلت من التوتر: بروح انا
عمر مسك ايدها: منيرة شفيج
منيره تعبت: مو انت قلت لي تبيني للزواج انا موافقه خلاص
عمر ابتسم: انزين ليش جذي متردده ومستحيه
منيرة: اففف عمر لا تسوي جذي
ضحك عمر وحضنها له: شحلاة اسمي من لسانج
بلعت ريجها وبعدت عنه بحيا: استاذ...
قاطعها: انا بصير زوجج وانتي تقولين استاذ
منيرة نزلت رأسها واهي مو قادره تطالعه
مسك ايدها: خلاص حبيبتي، انا راح ايي باجر وراح اخطبج وبعدها نتفق على الزواج، اوكي؟
هزت راسها منيره بايه و: يلا عن اذنك
عمر: ديري بالج ع عمرج
منيرة ابتسمت: إن شاء الله، مع السلامه
بالليل
ببيت حسين
بدلت ملابسها، ولبست
بهاللحظة دش حسين، تعشوا مع بعض وبعدها قعدوا يسولفون،
كانت قاعده تقوله عن قرار امها بالزواج، وشلون كانت ردة فعل هيفاء، لأنها للحين م تدري ان هيفاء غيرت رأيها
حسين بتفكير: مادري يعني، بس خالتي تستاهل اهي للحين صغيره ويبيلها ريال يكون معاها
ليال تنهدت: ادري بس هيفاء مو راضيه تقتنع
حسين: م عليج منها، بالبدايه بس رفضت لأنها تفاجأت بالخبر بس بعدها راح تفكر أكثر وتغير رأيها
ليال ابتسمت: إن شاء الله
حسين: صجج بندر نايم
ليال: لا ويين، طلول من شوي يا وشاله ههههه
حسين: وانا ع بالي نايم، زين سوا شوي ناخذ راحتنا
ليال واهي تشوفه مقرب منها: هييي هييي ترا للحين انا نفاس لا تنسى نفسك
حسين: اففف متى راح تخلصين
ليال: ههههه مو باجي شي حبيبي، كلها ١٠ ايام وراح اخلص
حسين واهو يحط راسه ع فخذها: اففف وااايد
ليال واهي تلعب بشعره: مو وايد حبيبي، اصبر بس
قطع عليها رن فَونها، شالته لأنه يمها: هلا هيووف
هيفاء: هلا فيج شلونكم
ليال وللحين ايدها بشعر حسين: الحمدلله انتو شلونكم
هيفاء: انا تمام، اممم صج ليول خلاص انا وافقت
ليال عقدت حواجبها: على شنوو
هيفاء: هههههه نسيتي، وافقت ع زواج امي، وامي اليوم كلمت عمر وقالها باجر راح ايي يخطبها
ليال استانست: صججج، زين سويتي هيوف، امي تستاهل كل خير وبعدين لا تخافين انتي معاها
هيفاء: ايه عشان جذي انا مرتاحة
ليال: يلا عيل باي ببشر حسووون
هيفاء: ههههههه يلا باااي
سدت ليال وأهي تنحني تبوس خد حسين: حسين باجر بيون يخطبون امي، هيوف وافقت
حسين: شفتي انا شقلت لجج
ليال: ههههه ايه والله، يلا قوم نروح نبشر عمي، اكيد راح يستانس، وبعدين اهو راح يكون معانا
حسين: يلاا
بقصر النادر
كانوا قاعدين مع بعض
عهد تكلم نايف: نيوف صج خالة هديل صحت
نايف: ايه اليوم الصبح صحت، وزين ذكرتيني لازم اروح لها الحين اشوف قيمها عشان باجر اكتب لها خروج
عهد: يعني بتروح الحين المستشفى
نايف قام: ايه بروح الحين، وبعد اكو ملفات مهمه بييبهم معاي
عهد: زين نيوف عفيه خذني معاك، بروح اشوفها
نايف: زين يلا قومي،
قامت عهد: ببدل وايي لك، صعدت بسرعه دارها،
طلعت لها ملابس، ولبسست
ونزلت بسرعه عشان تلحق ع نايف
عهد: طلوول نايف طلع
طلال: ايه ينطرج بالسيارة
راحت وبسرعه وفتحت الباب وووو: اوب
حسين ضحك: هههههه شفيج يبا طايره
عهد بدلع: بابا خرعتني، ينطرني برا بروح معاه المستشفى
حسين خاف؛ ليش شفيج
عهد: ماكو شي بس خالة رفيجتي تعبانه وبروح أشوفها
حسين: زين يلا روحي لا تتأخرين
بالمستشفى
وصلوا عهد ونايف، نايف راح مكتبه وعهد راحت تشوف حصة خالة هديل، طقت الباب ودشت: السلام عليكم
حصة: عليكم السلام يما
عهد تجدمت منها وباست راسها: شلونج خالتي
حصة: الحمدلله، بس م عرفتج يماا
عهد ابتسمت: انا عهد اصير رفيجة هديل، واخت د نايف
حصة: ايييه هلا فيج يما
عهد: الله يخليج خالتي، شلون صحتج الحين
حصة: والله شنو اقولج يما، الحمدلله على كل حال
عهد هزت راسها: الحمدلله، عيل هديل مو هني
حصة: كانت تعبانه وقلت لها روحي البيت ريحي وباجر الصبح تعالي لي
بهاللحظة دش نايف: قوه خالتي
حصة: الله يقويك يماا
د. نايف: قلبي عهد شوي روحي برا علما اخلص الفحوصات
عهد: إن شاء الله، طلعت عهد وقعدت تنطر برا
بعد م خلص طلع: انا بروح المكتب شوي وبعدها نروح اوكي
عهد: اوكي انا بدش شوي عند خالتي
راح نايف واهي دشت عن حصة
حصة: زين يما ييتي ابي اكلمج بموضوع
عهد استغربت وراحت تقعد يمها: آمري خالتي
حصة: بنتي هديل، ولا مره شفت معاها رفيجات تقعد معاهم، عشان جذي انا استغربت شوي من قلتي انج رفيجتها
عهد: ايه هديل وايد هاديه ومو اجتماعيه
حصة: عشان جذي يما انا ابيج تكونين معاها، اهي مالها احد غيري بهالدنيا وإذا رحت م راح يكون لها سند، وبجت
عهد مسكت ايدها: افا عليج خالتي لا تقولين هالحجي، وانتي ان شاء الله راح تقومين بالسلامة
حصة: يا يما انا تعبانه، واحس ايامي معدوده عشان جذي
عهد بحزن: الله يخليج لها يارب
حصة سكتت واهي تمسح دموعها
عهد بتردد: خالتي يصير اقولج شي
حصة: قولي يماا
عهد: اممم خالتي بخصوص هديل، انا كلمتها عن الزواج بس كانت رده فعلها حيل غريبه، اهي صاير لها شي
حصة بلعت ريجها: أهي قالت لج شي
عهد: لا بس انا من اول م قلت لها زواج، حسيت انها راح تبجي وما قدرت اسألها قامت بسرعه
حصة نزلت دموعها: لا حول ولا قوة الا بالله
عهد: خالتي تكفين قوليلي هديل شفيها
حصة طالعتها بتردد تقولها أو تسكت
عهد؛ خالتي لازم تقولين لي، هديل الحين عمرها ٣٥، اكيد اكو سبب يخليها ترفض، وانا راح اكون معاها وما راح اخليها بروحها بس ابي اعرف
حصة: راح اقولج يما، لاني من شفتج حسيت اني ارتحت لج، بس ابي هالشي بيني وبينج
عهد: ولا يهمج خالتي، بس قوليلي شفيها هديل
حصة طالعتها وبحزن: هديل.......
انتهى