#لعبة_القدر_الحلقة_السابعه_بقلم_ميدو_غانم
ـ مقدرش اعمل كدا يا احمد مهما يعمل دا بابا
ـ طيب سلام انا بقا
ـ انت مش احمد اللي انا اعرفه احمد مش بيعمل كدا ايه اللي حصلك انت ليه بتعمل فيا كدا بحبكم انتو الاتنين مقدرش استغنى عن حد فيكم
احمد: همس انا ماشي
وقفته
ـ لو مش معاك يبقا مش من غيرك حضنته واول ما عربيه قربت هي نطت قدامها احمد ملحقش يمنعها انها تنط قدام العربيه اول ما العربيه خبتطها هو جري عليها لاقها لسه بتتنفس
احمد: مش هسيبك تموتي انتي فاهمه مش هسيبك حضنها وهي حاسه بيه
ـ بحبك واغمى عليها من اثر الخبطه
احمد شالها وركبها العربيه بتاعتها وجري بيها ع المستشفى استقبلوها ف الطوائ احمد طلبلها دكتوره من الاستقبال وبعد الفحوصات اتنقلت العنايه المركزه.
دكتور طمنيني عليها
ـ محتاجه دم فورا دي نزفت كتير
أحمد: انا انا هتبرعلها وفعلا سحبو منه كمية دم كبيره لدرجة ان احمد اغمى عليه والممرضه علقتله محلول وشربته عصير فاق بعد ساعتين اول ما فاق خرج جري راحلها العنايه ملقهاش سأل ممرضه كان في واحده هنا جايه ف حادثه راحت فين؟
ـ عدت مرحلة الخطر وهي ف اوضتها الوقت تقدر تشوفها احمد وصل عند اوضتها بص لقاها نايمه دخل وباسها من خدها هي ع طول نطقت اسمه احمد حبيبي انت جيت كنت عارفه انك مش هتسبني بحبك اوي احمد خرج قبل ما هي تفتح عنيها قامت احمد احمد انت فين انا عارفه انك كنت هنا الوقت حسيت بيك انت فين حبيبي وفضلت تنادي بصوت عالي لحد ما الممرضه دخلت ادتها مهدئ عشان تنام نامت احمد مش عارف هو بيعمل كدا ليه بيعاقبها ولا بيعاقب نفسه فضل معاها ع طول وبيراقبها من بعيد لبعيد ولما هي تنام بيدخل يقعد معاها وهي حاسه بيه لكن بتفضل مغمضه عنيها عشان يفضل قاعد معاها وف مره وهو قاعد معاها وهي حاسه بيه عملت نفسها بتفوق كدا وبتصحى م النوم هو ارتبك وخبط الكرسي وهو قايم عشان يخرج لكن هي ضحكت
ـ انت لو فاكر اني مش عارفه انك بتيجي تقعد معايا كل يوم ونا نايمه يبقا بتحلم انا اصلا ببقا صاحيه ومغمضه عيني عشان تفضل جنبي عارفه انك زعلان منى لكن عارفه انك نسيت كل حاجه لما شوفتني بموت والدليل ان لما اغمى عليا كنت ف حضنك والدم اللي بيمشي ف جسمي دمك الممرضه قالتلي انهم سحبو منك دم لحد ما اغمى عليك وعلقولك محلول عملت كل دا ليه لو انت مش بتحبني
احمد وقف: انتي عاوزه ايه مني
ـ عايزاك تسامحني
ـ وبعد كدا
ـ نرجع زي الاول واحسن نبداء صفحه جديده
احمد مردش عليها جاب كرسي واكتفى انه يبصلها
ـ انت ساكت ليه انت عارف اني بحبگ
ـ مهو المشكله اني عارف بس كمان انتي مش بتثقي فيا
ـ انا اسلمك نفسي وانا مطمنه
ـ دا كلام فاكره لما جيتلك وقولتلك الحقيني انتي فكرك يعني اني كنت محتاج مساعده منك واني مقدرش اضربهم
همس مهو دا اللي خلاني اشك انت تقدر تضربهم بسهوله ازاي عملو فيك كدا
احمد الحقيقه انا سبتهم يضربوني وجيتلك جري عشان اشوف رد فعلك هتقفي معايا ولا لاء وبصراحه ردك صدمني اخر حاجه توقعتها ان دا يكون ردك همس عيطت
ـ احمد انا بحبك ومقدرش استغني عنك ابدا وكانت لحظة غباء مني. مش هعمل كدا تاني بس متزعلش منى عشان خاطري وعيطت احمد حط ايده على خدها
ـ خلاص خلاص متعيطيش باسها لأول مره من شفايفها بوسه بغل وبحب ف نفس الوقت بوسه طويله جدا خلتهم ينسوا اصلا انهم ف مستشفى دخل مستر نادر عليهم وهما مش حاسين بيه وقف جنبهم بس هما ولا هنا لحد ما قال احم احم احمد بعد وقام عشان يخرج لكن نادر هو اللي وقفه
نادر: انا عارف يبني اني ظلمتك بس ارجوك سامحني ممكن نرجع زي الاول احمد قاله شكرا على كرم حضرتك بس اسف مش هقدر اقبل العرض دا اما اني اسامحك فأنا عادي ولا يهمك استأذن انا بقا
همس: احمد متسبنيش لوحدي
ـ شويه كدا وراجع
خرج احمد سأل الدكتور هي هتخرج امته رد الدكتور اطمن هي حالتها حلوه وتقدر تخرج ف اي وقت
احمد بسخريه: هو انا بسألك عن مزاجها، ع العموم شكرا
الدكتور بسخريه: ع العموم العفو ومش هينفع تخرج
احمد بإحترام مزيف: طب استأذنك اننا نخرجها من هنا الدكتور: اديني مهله اسبوع عشر ايام افكر وارد عليك
وبعد فتره من العناد وافق الدكتور
ـ هكتبلك تصريح خروجها وتقدر تاخدها وتمشي بس اهم حاجه الراحه النفسيه والجسديه متنساش انها لسه خارجه من حدثه
ـ حاضر يا دكتور عن اذنك
احمد رجع مكشر و لاوي بوزه سألوه مالك
ـ الدكتور قال مش هينفع تخرجي
همس بتسرع وإستغراب: ازاي مش هينفع وهو بنفسه عرض عليا اني اخرج من اسبوع ونا رفضت
ضحك احمد: يعني انتي قاعده هنا ومش عاوزه تخرجي
ـ لاء مش كدا انا كنت رافضه اني اخرج عشان انت بتيجي تقعد معايا ع طول لكن دلوقت هخرج عشان انت معايا ومش هتسبني حبيبي
ـ ماشي ياقلبي هنشوف الكلام دا بعدين نامي وارتاحي عشان مجهزلك مفاجئه
ـ بحماس طفولي مفاجئة ايه
احمد: ونا لو قولتلك هتبقا مفاجئه يلا نامي بقا وارتاحي وفعلا نامت كان احمد خرج
ولما هي فاقت كان كلم اهله عنها وقالهم كل حاجه عنها.
ـ باباه لو بتحبها يبقا تدخل البيت من بابه اللي انت بتعملو ده غلط
احمد: اعمل ايه يبابا بحبها
ابوه يبقا تتجوزها احمد فرح جدا ان باباه وافق وراح كلم مستر نادر وسأله عن رأيه
فقال انه موافق هو كمان واتفقوا انهم يخلوها مفاجئه وجابوا طقم شيك لهمس احمد طلب من الممرضه انها تلبسه ليها اول ما تصحى وخرج جري اشترى خاتم بكل فلوس الشغل اللي كانت معاه الخاتم كان شكله يهبل وتحفه اوي لو سمحت لفه ف علبه شيك اخده وروح اخد دش ولبس شيك جدا اشيك طقم عنده وراح لهمس المستشفي لاقاها قاعده زي المجنونه
هو راح فين احمد فين هو قالي مش هيسبني تاني دخل احمد وكشر وشه اول ما شأف حالتها
ـ في اي يا بنتي مالك
ـ احمد حبيبي صحيت م النوم ملقتكتش خوفت انك تكون سبتني تاني
احمد: كنت بحضرلك المفاجئه بس انتي بوظتي كل حاجه جتك نيله
ـ احمد حبيبي معلش كنت خايفه انت مش متخيل انا حسيت بإيه وانت مش موجود دخل احمد حضنها متخافيش مش هسيبك تاني من اليوم ورايح مش هسيبك لحظه واحده
همس بفرحه: بجد حبيبي
ـ مش هرد عليكي هنا يلا بينا عشان نمشي ادخلي خدي شاور وغيري ويلا عشان نمشي من هنا وطلعوا من المستشفى وركبت معاه احمد اخدها وراحوا الفيلا اللي كانو فيها قبل كدا وكانو حوالي الساعه 7 المغرب والدنيا ضلمه دخلو وهمس كانت خايفه اول مره تدخل الفيلا وتلاقيها ضلمه كدا مسكت ايد احمد جامد وهو ضغط على ايدها بخفه يطمنهاوأول ما دخلوا النور اشتغل ووقع عليهم ورد
فرحت اوي لما شافت كل صحابها وكل الناس اللي بتحبهم موجودين كانت حفله جميله بكل تفاصيلها واخيرا النور اتسلط عليهم هما بس واحمد طلع الخاتم من جيبه ونزل على ركبتو
ـ همس تقبلي تتجوزيني؟
همس وقفت مصدومه من كلامه وبتضحك
ـ انت مجنون
ـ اه مجنون بيكي ها تتجوزيني؟
ـ استنى كدا افكر لا بس هو شكله حلو وصعب عليا يلا هوافق احمد كشر وشه
ـ هو دا سؤال اكيد طبعا لبست الخاتم وهو حضنها وكان يوم ميتنسيش لكن زي ما بيقولو الحلو مبيكملش
)ونا اصلا بحب ارخم عليهم نيهاااااااااع) دخل عليهم عصابه ف الفيلا يسرقوها
وضرب نار
ـ كله يثبت ف مكانه احنا هناخد مستر نادر ونخرج عاوزينه معانا
احمد خرج لهم وضحك
مين بقا اللي هياخده؟ مين الزعيم بتاعكم هنا خرج واحد ضخم كدا باين عليه انه اقوى واحد فيهم
ـ انا الزعيم بتاعهم في حاجه ضحك احمد وقال تصدق خوفت يا مامي الحقيني عمو حلبسه طلع زعيم وضحك تاني الراجل الضخم اتعصب وراح عند احمد ضربه بالبوكس وقعه الارض احمد قام وخلع الجاكت
مش بطال ماشي حالك وكمل ضحك تاني المرادي الراجل اتعصب اكتر وسأله انت بتضحك ليه
ـ احمد: عشان مش عاوز اضربك قدام رجالتك وبعدين مزاجي حلو النهارده يعني مش هستفاد حاجه لما اضربك المرادي الراجل هو اللي ضحك
ـ تضربني انا
ثم اكمب بغرور: طب محدش يتدخل يا رجاله وريني نفسك احمد ضحك تاني
ـ خساره فيك شوية الضرب دول وبصراحه مزاجي بداء يتعكر دلوقت تقريبا كدا اتعصبت اليوم كان حلو وانت بوظته اوعى تكون فاكر اني خايف من السلاح اللي ف ايدك الراجل اتعصب اكتر وطلع يجري عليه عشان يضربه بالبوكس تاني لكن احمد كان سريع جدا ضربه بالبوكس ف وشه ولفو خلعله كتفه في ثواني كان جابه الارض
احمد:احب اعرفكم بنفسي احمد جاد استاذ ورئيس قسم تكسير العظام متستغربوش كدا انا عارف 2006 طريقة لكسر 206عظمه
ومسك كل اللي يقابله يكسرله ايد ورجل مسبش فيهم حد يخرج على رجله كومهم على بعض وطلب البوليس اللي على ما وصل كان احمد ضربهم كلهم
دخل البوليس
الظابط: ايه اللي عمل فيهم كدا
احمد: انا اللي عملت فيهم كدا كنت بدافع عن خطيبتي وحمايا
ـ بس انت عملت فيهم كدا ليه برضوا
احمد ببرود: اتعصبت
الناس اللي عملتلي فولو عشان الميمز اسف مش هبوظ تعبي عشان خاطر حد هيكون في لقطات بتضحك برضو اوعدكو بس مش هبوظ البارت زي اللي حصل ف البارت السادس كدا