وداد__امين طول بضلته جاب جنطه لملابسه
وجنطه لأحذيته وكتبه
مرت عمي مكدرت تحجي ويااا عصبي
وميتحاجه والذبانه متوكف على وجها
الكل ساكت مستغربين انفعاله وعصبيته
مشايفنه كبل هيج
يجي مجرد ينام يكعد يسبح يبدل
ويطلع بسيارته لليل يرجع وكت
العشه يتعشى وشويه يكعد يسولف
ويه جدي ويصعد فوك
مرات يطلع ويه جماعته لو يروح لعمامي
واغلب الاحيان يلتمون بلصاله
واني بس الله اليعلم كلبي شبي
شكد مااحقد ارجع اليوره الف
مترد ويحن
شكد مااكول هاي حوبتي مخلتك
ترتاح بزواج واستغفر كلمن يشوف
قدره وهذا مكتوبله
واحترك حرك بصدت عيني اليه
هلكد شايله عتب هلكد اشوف
الندم بيها
مااعندي حيل بعد لا للحجي ولا
للدمع التزم السكوت وكلت ربي
حقي اشوفه بلدنيا كبل الاخره
مادامي ابريت ذمتي وحبيته
واهلصت اله يبقه هوه بشر اعماله
وكل هذا ذكريات تحاوطني
والله احترك حرك دموع مضلت
عندي اختنك وينعصر كلبي
اناشغ وايدي على صدري
اركض افرش السجاده شبيه
عتب وحمل اذبه امام ربي
كمت مااكدر من القهر والضلم
الشفته اريد انصاف منو الينصفني
ابويا
مهداوي
امي
ماهر
وكلهم بين ايدين ربهم حالهم
امر من حالي المن اشكي واناجي
غيرك معبودي والاهي
اتعب من البجي وره ساعه ارتاح
يله يجيني النوم
عدت الايام وبيوم اني واكفه
احط غراض بيبي بلكنتور ارجعهن
بعد ماصفطناهن
ويمنه جدو طب عمي ضايج
مرت عمي طلعت من الغرفه
كالت عمه لبيبي
اريد شوفولي چاره وياا وتأشر
على عمي معاجبه
كالت خير ياستار
مرت عمي يعني ولد بطوله
يريد يضربه
بيبي فزت يااا عليمن
مرت عمي على امين
التفتت على عمي ليش يمه ولد
جبير شون تريد تمد ايدك عليه
عمي مارد
نبت مرته يعني عمه اجبره
يحجي ويرجع مرته ناكز
منها والف سيف وماارجعها
شسويله عمه فهميني طفل
واقنعه لو اضربه مراهق
وامد ايدي وأدبه
يكلي حاجي ابنج انتي الجبتيها
وانتي التفتهمين منا شسوي بهاي
الحاله حرت بينهم
ذاك لحد يحاجيني يصيح وهذا كدامج
حاصرني لو تحاجي لو ترجعيها
جدي كال اول تالي ماجد شنو صغير
انت وهي تعالج الامور ولد بطولك
ومو زغير ونجي نضغط عليه
عمي كال يابه اخوها خابرني خلاني
بهدومي يكلي انطيها الكم ترجع
مضروبه وخشمها يخر دم
من شوكت امين يضرب مره
يايوم عدنه واحد يستقوي
على حرمه موعيب اني
هيج ربيته
جدي كال هاي شوكت الحجي
عمي كال قبل سبوع
خلها عليه اليوم يجي نشوف
شنو علته
انتها النقاش واني كملت كنتور بيبي
وطلعت لاكتني ورد وجها معصور
كتلها شبيج كالت ولج خالته
ام احمد شافتني بلسوك اني وبيبي
من دخلت للعياده
اي
_فدلا يعرف نهاد
واذا عرف
_باع هاي وعمي بسام شيقنعه
اني مكايلتله
خاب دروحي عبالي شو شكو
واذا عرف قابل جايبته من الشارع
وبعدين عمي بسام شمدري
_وداد فكي مخج لصيرين ثوله
عمي بسام حذرني اذا عرف نهاد
بعد يشيل ايده مني وماله دخل
ونهاد بس يعرف ميسكت راح
يجي ويعارك وهنا عمج طخ
عده منو كل النهاد بحملي
اكيد يذبها براسي هااا افتهمتي
اي وسم افتهمت وهم اكلج عادي
هي كايسه كايسه
_خرب حظي اغم روحي ولي
مني ولي الله شايل عقلج ومدد
بي مطي
عفتها اضحك منفعله وتحرك بروحها
لليل صعدنه اني ورنيم نعزل المخزن
جدي راد العده مال البواري
ندور ونسولف الباب جان مفتوح
صاح امين شسون
جفلت رنيم دارت عليه ندور صندوك
البي ادوات البواري فتحهن وشدهن
ماارد خله وطب الغرفته شويه
وصاحها اجر الزوليه اطلعها
راحت ادردم عليه بلفعل امين
صاير مينجرع تصرفاته كلها
تغيرت هدوئه تبدل بكتله
من العصبيه متوتر على طول
طلعت القطعه خلتها بلهول مقابيل
الغرفه الفوك جدي مسوي المخزن
الجو للمواد الغذائيه
وغراض البيت الزايده فوك نزلت رنيم
لكيت الصندوك سحبته وجدي يصيح
من جوه كمت اردم اريد بس انزل
ويه طلعتي هوه ستوه طالع من الحمام الفوك
بركضتي ضربت طرف رجله من قوت الضربه
مااشوف بس الدم وصيحت امين
ثوووله انتي ثوله اخخخ يااربي
دنك على رجله
ذبيت الصندوك من ايدي مهبوطه
اشوف الدم يفور من اصبعه والله ماادري
عاط شالج الله
امين والله بدون قصد جدو ثولني
رفع راسه متألم انتي ثوله من اساسج
دنكت اشوف وياا اصبعا يمه مشيول
الاضفر نصه طاير مديت ايدي بيها طرف
شالي
محسيت نفسي غير متكومه على ضهري
صااح دولي عميه بلقرأن عميه ودربج
ماتندلي مزروع هنا مطي موعقل
ضليت فاتحه عيوني مصدومه اسلوبه
هضمني دمعت وخرت منه هوه طب
لغرفته واني نزلت بس اريد انطيهم
الصندوك جدي بس شافني استلمني
نمتي لوماانمتي ادري سنه يله تجين
ياااجدي
عفته وركضت الغرفتنه دموعي
يسابقن اريد منفذ ربع ساعه
والخنكه وصلت البلعومي
كمت كوه اجره النفس كعدت
افرك بلعومي رفعت راسي اجر
هوه لحد ماهدئت
امي صافنه همست يمه وداد
هدري التمن وصيحي اخوانج
من بيت جدج
مرديت تعبت من وضعها
كل مره هيج تذكرهم واني
اضل احرك بروحي عليهم
بعد مرتاحيت طبت رنو تلهث
ضربت البيدها بلكاع نترت
موعيشه والله مليت وصلت
لخشمي
ضلت تحجي واعصاب بس بدون
صوت متريد احد يسمعها ويجون
اني مدده وايدي على راسي مااكدر
ارد عليها واشوف شبيها
ثواني نفتح الباب مرت عمي
كالت ولج رنيم صعدي نزلي
ملابس اخوانج الوسخه
صاحت معليه معليه اعتبرو
رنيم ماات ونفتكت وندفنت
وصارت نفط ضربت ايد بأيد
ماكو رنيم مااكو وهاي اني لامه
هدومي واولي يم عمامي
امها خنزرت عليها كومي لج
بله زعططه اخوج وحاجاج
ماكفر تحملي نفسيته تعبانه
فتحت عيني بعد مجنت مغمضه
كالت كومي امي تحنلي هذا امين
ابو الكلب الحنين هسه يحس على
روحه ويجي يصالحج
ردت رنيم بغضب مااريد يصالحني
بس يجفيني شره
اجانه صوته من وره امه بسرعه
صدت عيني عليه اشوفه واكف
يباوعلي
طفرت كعدت اعدل بروحي جريت
الشال خليته على جتفي جنت لابسه
تراك ابو الكيمونه غطيت ايديه وصدري
التفت لخته هاا ولج منو خلي يكفيني شره
رنو نصت وملامحها مدخنه
تعالي وياي
باوعتله
اي كومي ولج منو يرتبلي هوستي
دار وجها وقبلها وجهلي نضره
خلتني ارجف كل مشاعري انتفضت
ضدي بلحضه بنضرت ثانيه غيرت
مزاجي نصيت مغمضه اعيد ذيج
الحضه شنو معناها
حب
اعتذار
شغف
اسف
.
.
.
ماعرفت افسرها عبرت عن كم من
المشاعر المتناقضه
مكدرت اكعد طلعت اركض وره
كلبي كانو صار عندي مسح للمواقف
المؤذيه
صرت من وداد المتكبره الا وداد
العاشقه
حاولت الملم ويه مرت عمي كملنه
سوينه عشه نزلت رنو هلكانه
ورد ويه بيبي مااعرف يومين هنه
يدنفسن بلغرفه تغيير وترتيب
عدت الايام وعمي ماجد مشاكله
ويه امين زادت كامو مينجمعون
على سفره وحده
لحد مابيوم نزل امين نار يفور
صيح وغلط ولم البيت
ضليت مصدومه بيبي ولك
بيبي صوتك يمه الناس التمت
علينه
مارد لبس ترانشوز وطلع
صاحن عليه طلع نار صاير
مرت عمي خابرت على عمي
تستفسر منه
كالت ماااجد تريد تموت الولد انت
منعرف شرد عليها وسده وياها
بيبي كالت شبي
عمه ماجد راح يسودن الولد وشب
بيناتهم نار انت ياا ابو تدري بي
ميريد يرجع مرته ليش تروح
تحاجيهم وتحجاي اهلها وترجعها
بيبي_ يااام امين ليوين ضل زعلانه
والبنيه حبله ابنج وين يريد يوصل
اول تالي ترجع بعد ليش راكب راسه
شيماء_شوفت عينج عمه ميقبل
نحاجي ولا يقبل يرجعها وصاير
مينجرع هاي كدامج متحمل وطلع
بيبي_وتالي شنو ويااا الولد ماينفر
منها هيج بدون سبب هاي البنت
متعبته وكولي عمتي كالت
ورد__ التهيت بيت جدي والتوتر
الموجود بطني بدت تبين
نهاد معايفني مرتين اجه على جدي
وعمي ماجد مكدرو يجفون الشر
من عمي بسام هم رجع طابك
هاي على هاي
راد يشوفني تعذرو منه خالتي خابرتني
تعتب ولياا دوب ضلين يم بيت جدج
صيري سبعه وشوفي مصلحتج وين
وحاجي عمج تره المره مكانها بيت زوجها
ياما مرت علينه مشاكل وعبرناها وعدينه
لجل عين تكرم الف عين
مكدرت ارد عليها الحيره زيد بيه بيوم
صارت عندي تقلصات شلعت بطني
اخذتني بيبي تركض هناك والحظ يجيب
اخت خاله ام احمد لجحتني
بيومها ضليت اكل بنفسي ومبينه
داخله للعياده دكتوره نسائيه بشارع
السعدون
ماعده الاسبوع والضهريه الجو حار
رغم الصيف ماجاي متعوده انام الضهر
فززتني مرت عمي وداد ورها طبت
صاحت ولج كومي رجلج بره
وشنو الجديد
شيماء__كومي عمه طلعي وياا عمامج
بلكت من يشوفج يهدء
من حجت هيج كعدت شكو شبي نهاد
وداد_ غير اجه هداد
كمت اركض سحبت الشال لبسته وطلعت
للصاله كلهم موجودين حتى ايسر
بس عمي بسام ماكو
شافني نهاد خنزر صاح اضمين حملج ورد
عليه اني
سكتت جدي كال ابني مالها دخل عمها منعها
نهاد__عمها شكو اني زوجها بيناتنه طفل
ومانعها مني ومخليت احد مااحاجيته
يحاجي شجيب بعد السستاني
جدي__على كيفك ابني لتصيح عمامها
بكانو ابوها الله يرحمه والهم حق
نهاد__ حجي اجي وياك عمها واله حق
صارلها شكد يمكم احسب من الشهر
10 واليوم نهايت شهر ال12 موكافي
يعني ليوين يريد يوصل بسام اطلك
واني مااطلك يبقيها يمه على اي اساس
حامل وماادري بيها شنو ناوي شكد
يضم عليهلحد ميجي للدنيا
يعني شنو باله بسام گليلين شر لو
ماعندي عشيره ويلوي ذراعي بيها
شنو حل هل موضوع خل يكلي ضرب
على صدره بيده واني مستعد اسوي
ماجد__ اصور كلنالك شرطنه طلك
بت عمك مرتك ترجعلك غيره ماعدنه
نهاد_عمي رحمه الوالديك طلع بلساني
شعر وانتو ماتقتنعون املاكنه كلها يمهم
ارجعهن وانعل والديا المايطلك هي مو
بت عمي واني اكولها كدامك اشوف
دم سنوني ومااشوفهم
ماجد_ابني ليش تعبنه وتعب روحك
طلك وتعال اخذها
اني واكفه مكدرت احجي شي
شاف ماكو نتيجه طلع منا والتلفون
كام يشتغل دك كم مره مرديت عفته
ادري بي عصبي ومااتحمل كلامه
ولا الي خلك ارد واحجي وابرر
كلت يهدء كم يوم واخابره
ساعتين واجه عمي بسام حجوله
كال هاي هيه خليكم هيج واشوف
تاليها ويا شنو
وشنو اليدور بعقل عمي بسام
منعرف جدي حاجه وعمي ماجد
ماقبل اي مجال للرجوع
بسام تفكيره يختلف عن عمامي
شكد مايساير اللنسان ويبينله شي
ومن نرجع للواقع يطبق غير شي
بكد ماكانت علاقته طيبه ويه
نهاد بكد مااداس بي هلمره
حتى من يروحله للمحل ميطلعله
لو يعوفه يحجي ويدير وجها
نهاد كم مره كلي بس بطريقه
لامبالا حجاها
وهذول الثنين مدوخيني واحد
الوت من الثاني ولهذا بسام
باله شي وهل خانك نهاد
رغم يعرف نهاد كلش زين
شنو اليريده وصادق بكلامه
وبلفعل نهاد جاب صديقه واجه
بيت جدي وبيومها مسوين ثواب
لخويا والابويا
طب ايسر صاح على جدي وعمي
يريدكم برنو صفنو منو هذا
سوه حركه بيده يضرب طلق
طاااه طاااه
وباوعلي عمي صاح بي احجي دماغسزز
منو هنا
كله اكو غير الاستاذ زوج الأفنديه
جدي كام استحجي يابه ليسمعك
ايسر_واني شحاجي صدك برنو
ماجد_ انت متبطل السرسر لوغيه
ايسر_ليش ابطل عايش عليها وداعتك
ماجد_امشي حيوان
ايسر_ يابه تره دشكك بجيناتك
جدي مشه صار يمه دفعه ليكدام
لتلغي بابا وصير بله شخصيه
اريدك رجال رجال
وعمي ماجد ورا طلع وايسر
واكف يم باب الصاله فتحها
الهم ويسويلهم حركت الاستقبال
خله رنيم وداد يخربن ضحك وهوه
يهز بحواجبه طب وراهم وسد الباب
كعدت انتضر يم البنات بيبي سبح
وتتنهد وتدعي يصفي النفوس جنت
اتمنه ارجعله تعبت من البعد والشك
الملازمني شكد مااحاول ابعد روحي
عن التوتر مااكدر مدامه يروح لبيت
عمه واني بعيده عنه يضل كلبي
يلعب والف فكره تجيني
سوت وداد جاي اخذه ايسر
اصواتهم طبيعيه عكس القبلها
عدت الساعاتين واي خبر ماكو
ايسر بعد مااطلع دكينه عليه
التلفون طلع بلمطبخ
عدت الساعه الثالثه وصار الغروب
نفتح باب الصاله جدي واكف
كال يله يابه عشاجن
بيبي اشرتله تعال طب
ورا عمي ماجد طب
كال ام امين كولي شمحتاجه
ايسر يجبلج التردي
كالت بيبي شنو الجماعه ضالين
كال اي
جدي_صار وقت صلا زحمه يطلعون
كالت بيبي هلا بيهم هسه ام امين
تجهزلهم العشه يله يبنيات ايدجن
ويه مرت عمجن
ردتهم يحجون ماكو عاد كمت ويه
مرت عمي نحضر بلاكل
دااثرم بلبصل وعيوني رايحه اجاني
صوت عمي بسام اخخ اخخ شنو
هلروايح
ضليت اثرم ومنطيته ضهري
اخاف اشوف تعابير وجها
ويصدمني
كام يلكط خيار وطماطه بصفي على
الكاونتر
وراا ايسر طبلنه يدبج ليله رجعت
لعيالها طير السعد يبرالها
ليله رجعت لعيالها طير السعد يبرالها
ويدبج خلانه صافنين طبكت وياارنيم
دكمز وجراني بنصهم ضليت اضحك ومااكدر
عمي بسام يمه حمسه على ركبته
صااا لااااا خرب عموو
كله وجعاااا
اله ماازفك
عايزلك
اااا بطلت وغمزله
عمي بسام ضحك وفات
مرت عمي كالت يله كملن خلصو صلا
لليل راحو العرفته مقنع عمو بسام
شلون ماادري لان رايحله قبل ميجون
بحيث عمو بسام من اجه للثواب بيبي
خابرته هوه وعمو باقر يتغدون يمنه
مكال نهاد اجاني ولا جابلها طاري
وداد كاضه رنيم وتحفلها نسولف
ونضحك نفسيتي تغيرت
وداد صاحت انتقام اثبتي
رنيم__اهئ اهئ يوجع والله
وداد_ شقري وخلاص
رنيم__لا يبين بلضوه
وداد__لعد دني ولاضلين كل شويه
باعده وجهج تره تعبتيني
رنيم مدت وجها بعده ستوها وداد
حفتلها عاطت محسينه غير وداد
جابت رنو براشدي خلتنها باهته
من قوت الراشدي رنيم ضلت لا تكدر
تضحك ولا تبجي
وداد مخنزره وبحلكها الخيط
صحت صدك وداد شجاج
كالت بعصبيه طبها مرض تعبتني
شلعت كلبي وهم يخدر وجها
هزيت ايدي ورنيم لازما وجها
وخرتها وداد تضحك ولجج
مكانها صار احمر
رنيم_ كسر كون
وداد __تستاهلين
ضلن يتناكرن متت ضحك
لحد مادك جهازي شلته حبيبي
ضحكت وجاوبته الوو
_هلا
هلا كلبي
_شكد يحتاجلج وتجين
قصدك احضر روحي
_اي
يعني هيج اسبوع يجوز سبوعين ههههه
_حددي ورد
ضليت اضحك يي صدك شبيك
_تنهد بتعب ورد عندي شغل وامي
ضاله وحدها هاجر راح اخذها اذا
معندج شي حضري نفسج ونطيني
خبر اجي اخذج
حجاها ناشفه وبجديه سكتت ماعنده
اي لهفه رايدني ارجع علمود امه
طال سكوتي
_فكري ورجعي خبر اذا تأخرتي اخذها
وياي يله محتاجه شي
لا
_ هلا
هلا وسده يومين عدن كلت اذا ماتصل
معناها بي شي انتضرت
متت القلق اكلني شبي كالب كاتل
روحه يرجعني ومن قبل عمي
تغيرت احواله شنو القلبه
بيبي خابرت ماهر وصلتله كلام
لما ماكمل وياها سده
دك عليه كال حاجيلي رنيم
راح اتخبل اذا رفضتني
حاولت وياا حبيبي متريد
شسويلها كومه ديجوها
حتى وياها بلكليه رافضه
_كال شسوي فهميني مااريد
اضيعها من ايدي تعبت
خويه عوفها متفيدك باله وكلبها
بتها تعال شوفها سوهي عليها
_والله مستعد اسحب بتها واكلب
القضيه عليه
ماهر شدتحجي صدك جذب قابل هي هين
لعبه تخلي ابوها يتنازل عنها
_صاح فهميني شسويلها راح اطك
مااعرف شصرف حرت لا اكدر
اجبرها ولا اكدر اقنعها
مجرد سديته منه طب رنيم
تبجي صاحت والله اذا جبرتوني
انتحر عوفوني
شبيج
كومي كليلهم مااريد فقار
باوعتلها التمت عليج
ضلت كاعده منتقمه ودردم
على ابوها عمي هاوي فقار
وامها دكلها الولد يعزلج ومره
متاكل مره وهي جن جنونها
وداد__ طلعت للسطح لميت الملابس
ويه طبتي لاكاني على الدرج
تعديته بدون مااباوعله
ضل واكف طبيت للغرفه طريتهن
بلكاع صاحت بيبي تعالي شيلي
جرجف جربايت جدج نكلب عليه
مي
رحت غيرت الجرجف انطتني
صم جكليت كالت حلال مشاكل
وزعي
انطيته الرنيم توزعهم
طبيت للغرفه عزلت الملابس
كلمن بجها وخليتهن بخاناتهم
ليش صايره افور من اشوفه
وتصعد عندي الحراره توصل
بيه لو بيدي احط عليه نفط
واحركه
مشتته مااعرف شصرف بوجوده
صادف يوم جمعه مرت عمي
كالت اروح ازور بيبي جلبت وياها
رنيم هم ورد سمعت كالت
اروح اغير من نفسيتي ايسر
طلع سفره ويه عمامي لليل
يرجعون
صفينه بس اني وجدي بلبيت
وعمي ماجد وامين
البيت فرغ سويت غده جدو صله
كال مااريد سويلي ستكان جاي
عمي ماجد اكل وامين جان بره
دخلت بغرفتي امي مدده كاعده
وكلتها قبل الكل وغسلتلها
مرت ساعه ضجت البيت اذب
بيالابره تنسمع عمو نام وجدي
مدد بغرفته
ضليت افتر طلعت للطرمه غسلتها
كضيت بيها وقت مدنكه اكتس بلحديقه
من الورق حسيت بخطوات بشر
وكفت اباوع امين طب من بره
وسويجه بيده لابس نضارات
شمسيه
مانتبه لوجودي لحد موكفت داار
وكف نزع نضارته ضل على وكفته
يباوع دقيقه و طب
مااعرف شلون كملت وطبيت للبيت
اشرد فتت للهول واكف جوه الدرج
يغسل داافوت للغرفه
وكفت من كال لحضه جمدت
تقدم واني متحركت كانو اهرب
من نضراته مااريد اشوف بيهن
شي واحن
تعداني وكال تعالي وراي وبيده
المنشفه ينشف بيديه وجها
فتت وراا واحس النفس يتخربط
شمر المنشفه على التجوه
كعد على التخم نصيت موخجل
هروب من لهفتي من رجفت
ايديه
سمعت تنهيدته كعدي ليش واكفه
كول التريد تحجي
_شكو مستعجله وراج شي
اي امي عفتها وحدها
_خايفه متباعيلي
رفعت راسي اجت عيوني بعيونه ابتسم
حجيتها بثقه ماعندي شي اخاف منه
_رجع ضهرها بهدوء وحجه مو اكول
بت عمي اعرفها اشرس منها مااشوف
همزين تعرف هذا الشي كول امين
شرايد
_ ذاك اليوم مااعرف شلون طلغتي بوجهي
وضربتي اصبعي طيرتي الاضفر قسيت
وياج بلكلام
باوعت صدك اصبعه ملفوف ببلاستر
ابتسمت نص ابتسامه عادي مااعاد
اتأثر لتهتم
_ مردت يضل بخاطرج
راح زمن جبر الخواطر لتهتم نتحمل
مزاجك اكيد انت مضال لحد مترجع
زوجتك لتخلي بالك
_صفن متفاجئ هيج متردين وجودي
هنا
لا يابه شعليه بيت جدك مثل مابيت
جدي والنه كلنه بس حسب ماانت
عازل بيت وحدك اكيد استقرارك
بيتك موو
_ضيق عيونه يعني تردين دكولين
وجودك مؤقت
ماادري هذا الشي يخصك ضل
تروح وكتلك بيت جدك مالي
حق امنعك
_شنو المتغير بيج
هنا ضحكت ماكو شخص يضل
على وضعه الحياة تغير والتجارب
تعلم لهذا الانسان قابل للتغيير
ماكو شخص يضل على ماهوه
عليه
سكت وعيونه مفاركت ملامحي
طال سكوتي وطالت نضراته
محتاج شي بعد
_وعه على روحه هاا لا اخذي راحتج
عفته يباوعلي وطبيت للغرفه
شكو حركه شكو لوعه ذبيته
بلبجي ورجعتلي الخنكه
الايام مرت لحد مااجه يوم
نهاد خابر على ورد ياخذها
منا طلعت ورد بليل طبت رانيا
زعلانه والله بوكتها ايسر
طب شافها تبجي صاااح
يبوووووهم زعلانه خررررب
بيت الارامل والمطلقات
والزعلانات بنات الاوادم
متواعدات
صاحت بي انجب
يعني هاي انتي ضلين هنا
وجهالج يمج وهم يجي
عنتر بن شداد ويسوي
روحه العاشق الولهان
ويمثل دور المحب
الفقير وتعال الجايجي
ايسر جيب الجاي ودي
الجاي بااعي لج شوفيلج
جايجي لرجلج اذا راد
يجي
اني ورنيم طكينها بضحكه
حتى جدي من الغرفه صاح
صوتجن
ورانيا ابتسمت على نفعاله
يحجي صدك
كال والله بيبي بربج نهاد
بعدله يجيبله خيمه ويخيم
بابنه وعمج متنحر ميقبل
يرجعها وهذا يجي
وتعال ايسر حير بجايهم
وفوكاها شيوخهم مانشربه
اذا تردونه
رانيا كالته دولي مني هاي
عونتك الي عايف مشاكلي
وحاير بروحك متريد تعب
نفسك
صعد الدرج وصاح اي شوفولكم
جايجي
مرت عمي كالت الله يطيح صبغك
كل غيره على خواتك ماعندك
بيبي كالت دعوفنه متدرن بي
يلاشيكم
ضلت رانيا تشكي من بارق
وتعامله وياها
ساعه كامله رانيا دموعها على
خدها
عمي ماجد بس طب وشاف
رانيا تبجي ملامح وجها خلتنه
ندنك واني ورنيم غير
طكينه نضحك بخنيك
نصدم بوجوده خطيه تعب
من المشاكل يوميه وحده
زعلانه
وزامنن وحده وره الاخ
كعد وهم حجتله تنهد ساكت
كلها عوفي يصير خير الي
كعده ويااا
يومين وصار الماتوقعته بيوم
صدفته الكهرباء طكت بليل والكل
نايمه فزيت على امي كالت وديني
للحمام اخذتها بلعربانه
طلعتها اضويلها بلجهاز كملتلها ورجعتها
طلعت اغسل محسيت بي وهوه ينزل
خركته هادئه لهذا ميطلع صوت بمشيته
محسيت غير كال شنو طكت
فزيت صحت يمه
اجه يغسل داابتعد سد الطريق
بهتت منصيه وخر
ساكت يباوعلي كلبي كام يدك
سريع
رفعت راسي دااكله وخرر سكتتني
نضراته الهايمه رجعني لقبل سنه
ونص نعكد لساني اريد ابعده
تبنجت انفاسه علت ويه دكت كلبي
همست عفيه وخر
همس لي في قلبك من الغفران شيء
......... يتبع