بنات حجي جباك

البارت الثالث عشر

مساء الخير حبايب كلبي

ياساقي الحب
صب العشق ف كأسي
فأني قد غرمت بها
من قدمي الى رأسي
وأني قد سباني الشوق
فملك كل أحساسي
أيا ساقي بكأس العشق
ارحم لا تكن قاسي
ألم تعلم ب ان الحب
يسرق كل انفاسي❤

الكاتب abbas haji

جاسب،،، طبيت للبيت سناء دكت عليه كتلها ها سناء اتفضلي

سناء،،، شبيك حبيبي شو رجعت من وكت بيك شي

جاسب ،،، لا مابيه شي سناء

سناء،،، تعال للبيت طب

جاسب،،، والله مالي خلك سناء

سناء،،، تجي لو اجي اني

جاسب ،،، ماشي اجيت اني

سناء،،، شبيك حبيبي

جاسب،،، والله ما بيه شي بس تعبان وراسي يوجعني

سناء،،، ما رحت لدكتور وتشوف شبيك

جاسب،،، ميحتاج عيوني

سناء،،،حبيبي والله من اشوفك مريض اضوج  بيه ولا بيك

جاسب،،، سناء اريد اكلج شي

سناء،،، لا تكول حبيبي تعال طب جوه 

جاسب ،،، دفعتني بغرفه النوم حضنتني وكامت تبوس بيه وتفرك بجسمي واني عبالك ميت وخلت شفايفها على شفايفي نزعتني تيشيرت والبنطلون وووووووووووووالا اخرشي من خلصنه طببتني للحمام سبحتني  وكالت شبيك حبيبي من شنو تشتكي  كتلها سناء ما اعرف شكلج ما اعرف شلون اصارحها بلموضوع كلت بلكي حجي هوه حجالها واني اخلص منها  اجاني مكالمه من الحجي اتاخرت يله جاوبته

حجي،،، نايم لو كاعد

جاسب،،، كعدت على صوت المبايل حجي

حجي،،، تعال للكراج بساع خلي احجي وياك

جاسب،،، والله مالي خلك حجي

حجي،،، تجي لو اني اجيك

جاسب ،،، اجيت حجي سديته

سناء،،، شنو بس لا متعارك ويه جليل

جاسب،،، لا ليش اتعارك وياه

سناء،،، عليك الله بمجالك من توصل هناك خابرني

جاسب،،، الله كريم بس يصير عندي مجال اخابرج والله طلعت ورحت للكراج

حجي،،، جاسب تعال انته ليش مصعب الامور ابو علاء مو عمك خلي هوه يطلبها الك

جاسب،،، اذا مكدر لان تعرف هوه ميكسر كلام اخو

حجي،،، اني حجيت ويه البنيه وكتلها كل الامور
بس قافله شكللها اتكول ابويه يعرف

جاسب،،، مو كتلك حجي شغله مسدوده

حجي،،، لا مو مسدودة ابوها عنده محل قريب على السوك يبيع مخضر عوفه الباجر اني وياك نروح عليه شتكول

جاسب،،، حجي عوفه اني خل اشوف شسوي ويه البنيه

حجي جباك بكيفك بعد وشتكول اني حاضر وبخدمتك وكتلك اعتبرك مثل ابني

جاسب ،،، تسلم حجي مر اربع ايام علموضوع نايم  بلكراج اجاني مكالمه من رقم اني هم مجاوبته كتلة خلي يولي  كام يلح أربع مرات يخابر واني مرديت عليه  عفته واصلا تركت بيت رقيه ومو هنا المشكله المشكله سناء متعوفني ما اعرف شلون اخلص منها وهاذا الحجي يمكن مفاتح الموضوع يمها لان لو فاتح الموضوع معقوله البنيه مجلبه وما تعوفني ومنا كلبي محترك من رقيه والله يا رقيه بس خل اتزوجج اله اطلعها من خشمج كلها بسيطه معقوله هلكد يابسه وما تحسين بيه  مر اسبوع لاخ الحجي صاحني وكال روح جيب الخبز ورانه مهمه لازم نخلصها واحد شايل فلوس علمود يتسوك ولازم ناخذ كل افلوسه

جاسب،،، خلي غير واحد يجيب الخبز

حجي،،، لا انته روح ابني لا تضل هيج تلزم نفسك يمعود شنو سالفتك عفت زواج من الابنيه

جاسب،،، والله ما احب اروح اهناك

حجي،،، روح ابني بساع تعال لان شغلنه المغرب تصير

جاسب ،،،ماشي طلعت رحت دكيت الباب

رقيه،،، طلعت كبل طبت جوه  اجت اختها تفضل خويه هاذا الخبز

اخذت منها الخبز بس تعجبت ليش رقيه من شافتني ما حجت كتلها ممكن تصيحين رقيه

زهراء  ،،،شتريد منها  هيه كالت انطي الخبز

جاسب،،، كوليلها جاسب يريد يحجي وياج

زهراء،،، والله ما ترضه

جاسب،،، كوليلها ما يتحرك منا حد ما يحجي وياج

رقيه،،، زهراء فوتي شتريد  الخبز مالك جاهز ونطينا الك بعد شتريد

جاسب،،، شبيج رقيه

رقيه،،، مابيه شي  هاذا خبزكم وخلص يله اني عندي شغل افوت جوه

جاسب،،، ما اتحرك حد ما اشوف شبيج

رقيه،،،تعرف شبيه ميحتاج اكلك وعرفت بيك انسان ملعب وما عندك شرف بس تحب تلعب على بنات العالم

جاسب،،،، هوب هوب هوب شنو هاذا الحجي  اني شمسويلج ومو كافي كل هل حجي عليه انطيني مجال خلي احجيلج وضعي فد يوم وكفتي وسمعتي مني بس طردين بيه لو تنهزمين  فد يوم كلتي خل اشوف هذا الولد شلون عايش  انطيتج رقمي خابرتيني لو انتي انطيتيني رقمج اخابرج

رقيه،،، اوكف اربع مرات خابرتك مجاوبت لان الحجي كال خابري وحجي وياه وفتهمي منه واني خابرتك اربع مرات عتوالي بس شنو الفايده انته متجاوب اصلا مبين عليك متريد زواج بس تريد تضحك على بنات العالم

جاسب،،، انتي مخابرتني واني منين اعرف انتي داكه عليه

رقيه،،، بلي كلت للحجي تدلل اخابره

جاسب،،، محجالي الحجي

رقيه،،، حته اذا محجالك اربع اتصالات تجيك من رقم غريب غير تباوع عليه وتشوفه منو

جاسب،،، اقسم بالله ولا بالي انو انتي مخابرتني

رقيه،،، جاسب بعد كافي  لا تفضحني بل منطقه عندي شغل الدنيا ترى

جاسب،،، ماشي اروح وخابريني اريد احجي وياج بمجالج اكو هواي امور اريد احجيلج اياه

رقيه،،، هسه روح عود الله كريم

جاسب ،،، ماشي هسه رايح منتضرج اني طلعت مناك اخذتلهم الخبز اتغدينه   خلصنه الغده الحجي  لمنه كال باعو برادوه سياره رقم سليمانيه ما اريدكم تبوكوها  بوكوها وطلعو الفلوس الي بيها وحركوها كتله حجي زين البرادو وين متجها

حجي،،، اني انطيكم كل المعلومات السياره متجها للخالص وبيها 40 شده مال واحد مسؤال يريد يفتح مطعم هناك انريد كبل متوصل السياره نطلع شكو فلوس بيها وسياره نحركها

جاسب،،، يعني قصدك لازم سياره هم تنباك

حجي،،، اي لازم تنباك وما يبقى وراكم اي اثر حته سياره تصير سوده هلكد ما تحترك

علاء،،، بس حجي السياره اذا حركناها راح الحريق وشرطه تلحك عليها وطفيها

جاسب خل نتوكل بلوقت المحدد ونشوف شنسوي

حجي،،، باوعو يولد اذا نجحت شغلتكم صدكو بالله راح تضلون 4 سنين ممحتاجين شغل اقل شي كل واحد 9 شدات تعيشون ملوك بعد انتو هم ما اوصيكم الشغله اريدها تنضبط

جاسب،،، حجي شوكت العمليه

حجي استريحو هسه على غفله اكللكم اطلعو صباح انته وجاسب ترحون بعدين اني وعلاء نجي ويه سياره

صباح،،، شتكول احنه بالخدمه

حجي،،، جاسب ميحتاج اوصيك اتوكل ويه صباح وكفوبلطريق لا تستعجلون  اني وصيت صباح وهوه بطريق يكلك شنسوي
جاسب،،، ماشي حجي طلعنه اني وصباح وكفنه على طريق الخالص  صباح كال همه راح يبلشون بيهم احنه راح نبقى اذا طلعو من ايديهم هذاك الوكت احنه نتصرف احنه نبدي اجه اتصال الصباح منه كال ويا حمايه عوفو وتراجعو

صباح،،، جاسب يله امشي فشلت الخطة ويا حمايه منكدر نسوي شي

جاسب ،،،انته روح انطيني رقم سياره

صباح،،، شتحجي انته يكللنه ارجعو  راح اخابر الحجي

جاسب،،، لا تخابره

صباح ،،، اخابره والله الو حجي جاسب يريد يروح وحده

حجي،،، انطي تلفون خلي احجي وياه  الو جاسب شكلنه مو كتلك كافي اكعد عاقل

جاسب،،، ما اعوفه هوه حرامي اذا تنباك منه هل فلوس ميكدر يسوي شي ونطوني رقم سياره البي فلوس

حجي،،، انطيني صباح صباح لتعوفه وحده وسيارات برادو وجكساره الجكساره حمايه ترى

صباح،،، حجي ويا حمايه يموت واحد منه ويجوز نلزم

حجي،،، جاسب اثق بي لا تخاف  ضل وياه

صباح،،، ماشي حجي جاسب استر علينه وخلي نرجع

جاسب،،، صباح انته ابقى بمكانك انطيني سويج سياره وشكد رقم سياره يكول برادو البيها الفلوس مو الجكساره

بقيت واكف وصدك فاتو من يمي طلعت وراهم    طبكو يم مطعم  طبكت وراهم سويت خطه طبيت للمطعم  شباب طايشه كاعدين  رحت يمهم كلت الواحد منهم هاذ الولد يسب عرضك اني كلت هيج لزموالولد دك كتل اني طلعت بره لكيت الحمايه كلها طبت جوه بقى بس واحد  صارت صوت طلق بلمطعم الاخ انهزم فات جوه يم ربعه وعاف سياره ضربت الجام مال سياره طلعت منها جنطه اثنين  وخليتها بسيارتي واني فلتتت   شفت صباح  شلته وطبكت  على طريق كال ها اخذت الفلوس كتله اي اخذته  يم المطعم

صباح،،، المطعم خرب لشتك جاسب المطعم بي كامرات 

جاسب،،، يعني شنو

صباح ،،، يعني انكشفت بعد يمعود 

جاسب،،،روح اصعد بسياره لاخ وعوفلي هل سياره انت  بعد مالك شغل روح عبريه حد ما انشوف شيصير بالوضع

صباح،،،دقيقه اخابر الحجي  الو حجي اني راح ارجع عبريه الوضع ميطمن بخير

حجي،،، ليش ولك ميطمن شصاير

صباح ،،، من ارجع احجيلك

جاسب،،، يله انته روح

صباح،،، دير بالك تجيب اسمنه اذا انلزمت

جاسب،،، امشي روح جبان اني طلعت بسياره شسوي  ما اعرف ولكيتهم ولا واحد خابرني عرفت بيهم  يخافون حتى ميكدرون يخابروني  الحل الوحيد احرك سياره كلت حته اذا احرك سياره اني شكلي طالع بلكامره راح يعرفوني حاير واكف بطريق ما اعرف شسوي كبل طلعت البغداد بقيت بايت بسيارة اليل كله نمت هناك  خابرت
انعام كتلها محتاجج بشغله كالت كول

انعام،،،، كالت كول شعجب شعتب خابرتني

جاسب،،، محتاجج بشغله

انعام،،، كول

جاسب ،،، الدائره مالتج بي كراج

انعام،،، اي بي كراج ليش

جاسب،،، عندي سياره صديقي اذبه بلكراج شتكولين

انعام،،، ما اعرف شكلك جاسب  بس صعبه والله

جاسب،،،، شوفيلي حل ماكو شي يصعب

انعام،،، جيبه  ميخالف

جاسب،،، ماشي  طلعت بسياره ورحت لدائرة كتلهم سياره تابعه ست انعام الشرطي كال ماشي منطيتهم خبر صعدت فوك الغرفتها سلام عليكم

انعام،،، هلا بجاسب استريح 

جاسب،،، كعدت حد ما مشت معاملات ناس اباوع عليها صافنه بوجهي

انعام،،، ها جاسب جبت سياره خليتها بلكراج

جاسب،،، اي خليتها بلكراج شو تباوعين عليه صفح

انعام،،، مو شعجب ملابس دشداشه وعكال

جاسب،،، يمعوده سيارت صديقي  صارت بي عطل استحي اخذها اله حد ما اصلحها والمصلح كال خلي هل يومين وراها سراك

انعام،،، تعرف الكابوي وتيشيرت يلوكلك صاير احلى بزايد

جاسب،،، فدوه العينج ليش ما تكولين انتي طالعه حلوه  تخبلين والله

انعام،،، صدك جاسب ليش من عندك شغل تخابرني ومن متحتاجني لا تعرفني ولا شي

جاسب،،، والله بهاي حقج صدكي مجال ما عندي ومن يصير عندي مجال انتي تكولين اني بلبيت  ما اكدر اطلع

انعام،،، لعد مو مطلوب عزيمه شوكت تنفذها

جاسب،،، عن قريب والله اعزمج احسن عزيمه

انعام،،، يله نشوف بيا سنه راح تعزمني

جاسب،،، من بطن عيني جنج على عزيمه حبيبتي خلي لا اعطلج على شغلج لو باجر لو عكبه اجي اخذ سياره كالت  براحتك اي وقت تريد تاخذ سياره اخذها انت حر لان انطيت خبر للشرطه كتلهم اي وقت ياخذها براحته كتلها ديله حبيبتي راح اروح طلعت مناك ركبت تكسي نزلت باب شرجي افكر ويه نفسي معقوله اضل هيج متشرد شو الولد محد يخابرني لا الحجي لا احد ماعرف يجوز صاير شي ودك مبايلي طلعته باوعت على مكالمة طلعت سناء جاوبتها

سناء،،،، شبيك حبيبي شو ماكو انته صاير شي

جاسب ،،،لا مصاير شي بس عندي شغل

سناء،،، جاسب الحجي لون وجها مخطوف فد مره ماعرف شنو قضيته

جاسب،،، مكلتيله ليش شبيك مريض

سناء،،، لا بس خايف

جاسب،،، سدي هسه بعدين اخابرج هسه صار عندي يقين الشرطه دور عليه لهل سبب رجال يخاف لزمت تكسي خصوصي ياخذني للمطعم بس اريد اتاكد المطعم بي كامرات  وصلت للمطعم وباوعت يتبع

الحكايه قيد الكتابه

توقعاتكم حبايبي