#أنتقام للعشق 🥀
البارت 42
بقلم : نور حيدر
noorhaidar18
مساء الخير عليكم متابعيني 🦋🌿..
............................................
وجان توصل اول قصة كتبته للمليون مشاهد
ان شاءالله بااقي القصص توصل 😊💕
واعتذر جدا على باارت البارحة الي جان مليئ
بلحزن و القهر و ان شاءالله نختصره
و اتمنى منكم ما تردوني و تابعون حسااب هاي الكاتبة و دعم روايته ( ريتني الك )
هذاا حسااابه 👈zhrasa1 و كلوله من طرفي 😍❤
...............................
شهاب /
كاله :هاا بابا توجعك لا ..
هز راسه بنفي مثل المصدوم كال بعصبية :
دكتوور رجلي ليش ماكدر احركهن؟
باوعتلهم مصدووم همه هم ظلوو واحد يباوع بوجه
الثاااني شنوو يعني فاارس انشلل لا يربي ..
اجيت همست يم غساان: ولك بس لا فااارس انشل ..
غمض عينه و رجع باوعله حجه بخنكة :
هو هيج صاااار ..
باوع على وجوهنه فاارس صااح بعصبية :
شبيكم تباوعولي هيج هاااا ؟
رحت يمه لزمت ايده :
اهدئ فاارس شبيك ..
وخر ايدي و حجه بنتر:
احجووو انتم شبيه اني و ليش هيج تباوعولي ..
حجه الدكتور : بابا اهدئ ماكو شي ان شاءالله
و هسه العلاج اطور و تكدر تسافر و تتعالج ..
صاح عليه و وجهه صاار احمر كوه يتنفس :
اسكتت انت شنوو العلاج اطوور احجي شبيه أني
ليش رجلي ماكدر احركهن ليش ماحس بأي شي ..
وخر اللحاف من رجله شمره بلكااع و باوع عليهن
مجرحاات ضربهن بقووة بقبضة ايده يضرب و يصيح
: ليش ماحس بأي الم مع انو جنت مسووي حادث
ليش ماحس بوجع ..
صرخ بصووت عاالي : احجي ليييييش ؟
فزينه كلنه من صياحه اباوع على ابوه كعد بلكاع و هو تعبان و دموعه تنزل ..
رحنه اني و ليث لازمين اديه نريده يهدي
ليث صااح عليه : كول يالله فاارس شجاااك اتخبلت..
دفع ليث و صاح عليه :
من تنشل و تشوف نفسك عاااجز عن كلشي كلي مراح تتخبل ..
باوعله ليث و مصدوم من كلامه بس سكت لان يعرف بوضعه ما ينتبه على نفسه و كلامه ..
باوعنه لكيناااه وخر الكانونة من ايده بقسوة و ايده تجري دم اجينه عليه اشر بأيده و صااح :
لحد يجي عليه وخرو من يمي ..
دمعة عيونه و كال : ااخ زيااااد لو اخذتني ويااك و لا هيج يصير بيه هاااي خاف حوبتك بيه ..
صاح عليه أبوه بعصبية : استغفر ربك شنو تعترض على حكم الله ..
ما حجه اي أبوه بس كام يسند نفسه بلميز الي بصفه
و يريد يساعد نفسه يريد يكوووم مايكدر و دموعه تجري كال : دخيلك ربي كومني ..
اخر شي دنك للكااع يريد ينزل و ما نسمع بس صوت الركعه بااوعنه لكيناااه واكع بلكااع و يبجي و يريد يكوم مايكدر .
صحنه كلنه بصووت عالي : فاااارس ..
باوعلنه و دنك راسه و جسمخ يختض اول مره نشووف فارس بهيج حاله فاارس الي نكول عليه ابرد من الثلج الي ما يهمه شي قووي الشخصية و كله اتهاابه هيج يصير بيه لا اعترااض على حكمتك يا ربي ..
دموعي كامت تنزل و اني اشووفه هيج بهاي الحاله
ركضنه كلنه عليه نريد نسنده محمد لزمه من كتفه و اني رحت لزمته من ايده اجه عليه غساان لزم وجهه
و صااح عليه : ولك اصحى شجاااك ما جنت اتوقعك هيج ..
كال بخنكة و دموعه تنزل : ولكم تعبااااان كلبي يوجعني صررت شخص عاااجز ..
اجه محمد و كال : سلامتك خوية من التعب عسى يجي عليه ..
دنك راسه اجيت اني بسته من راسه و كتله :
لا تنزل راسك فااارس راسك دووم مرفووع خوية ..
اجه بسرعه حضني و بس نسمع صوت شهاكته
و جسمه الي يختض كال بخنكة : بعد ماكدر امشي شهااب ..
: كالك الدكتوور الطب اطوور و تكدر تعالج نفسك ..
كال الدكتور : ابني انت الحمدلله عندك أمل ترجع و تمشي بس خلي املك بالله جبير ..
هز راسه و كال بهمس و بحزن :
ساعدوني اريد انام تعباان كلش ..
ابتسمت : تدلل ..
اجيت اني خليت ايده على كتفي و اجه شاهر من الصفحة الثانية هم سند ايده على كتفة و غيث لزمه من خصره يريد يسنده يكووم ..
اجينه سندناااه و خليناااه على السرير ساعدناه تمدد على الجرباية و داار وجهه من يمه و ما يحجي شي بس صاافن و عيونه مغوركة ..
اجه الدكتور جااب ابرة مهدئة حتى يرتاح و ينام
ضربة الابرة و شوي شوي كام يغمض بعيونه ناام غفى بس انتبهت دمعة طفرت من عيونه ..
كعدنه على القنفة و نص بلكااع و صافنين نبااوع على حالته اجه أبوي و عمي عليه من سمعو بلخبر و ضاجو كلش بس اخذوو عمي أبوه لأن تعب كلش ..
صفنه على حالته و نباااوع غيث جان كاعد بلكاع و ساند راسه على الحايط و يباوع على فارس
كال بهمس : هذااا شلون راح يهدئ من يشوف حالته هيج ..
شاهر : شقصدك غيث ..
كال بتعب : الولد هسه و كام ينهاار لان من يشوف غيره يمشوون و يقضون حياتهم شلون و هو يكره احد يشفق عليه و مايريد احد يساعده يعني تبديل ملابس اوو ..
قاطعه محمد : كافي غيث هسه خليه لبعدين و احنه ويااه نتناوب عليه عمك تعباان و مايكدر تساعده لا امه و لا اخته ..
محمد كال : الي صادمني لحد هسه موت زياااد ما مصدك صارلي اسبووع اريد استووعب عقلي يريد يستوعب الي يصير ماكو الحادث وفاة زياد و هسه فاارس ..
حجه بخنكة شاهر : كسر ظهري زياااد بوفاتة هذاا اخو جان و صديق النه كلنه اذا تصير ويانه شدة لو موقف اول واحد نشووفه هو زياااد..
سمعنه شهكت غيث باوعنه لكيناااه على نفس كعدته
بس يبجي و يشهك كال : اخر مره شفته بيه قبل وفاتة بيومين و جنت ضايج و رحت يمهم ماقبل امشي و اني ضايج خلاني بايت يمهم و ينصح بيه ويضحكني يريدني اغير جوو اااخ ربي يرحمك يااا زياااد والله جان و نعم الأخ الي ..
كلبي مكسور عليهم ولد عمي سلمان يحبوون زياد يعتبروه اخوهم الخامس متربي وياهم من صغرهم لحد ما كبروو
كتلهم بهمس: الله يرحمة ان شاءالله و يصبر اهله ..
حجه ليث : امين يارب خطية الله يساعدهم و ميامين من شفته اولت البارحه شكله يكسر الكلب حتى كلت لجوري خل تجيبه يمنه شووي يخف وجعه لان ابيتهم تذكره بس ميامين رفضت كالت شلون اعوف اهلي وحدهم ..
غسان : خطية الله يساعده ..
بحجينه و نسمع صوت فاارس يون فزينه كلنه
شفنااه مغمض عينه و عاكد حواجبة و يهز راسه
كال بهمس : زيااد انتبه ..
صااح بعلوو صوته بخووف :ولك زيااااد انتبه اجت علينه
رجع صررخ : زياااااد انتبه ..
فز من نومه رحنه عليه ركضنه و هو بعد يصرخ :
زياااد انتبه ولك اجت عليك.
رحت عليه :فاارس تعوذ من الشيطان شبيك ..
باوعلنه و كال بخووف : وين زياااد شلونه هسه شصااار
بعدين اتذكر الي صااار كام يبجي كال :
والله كتله انتبه مو اني السبب صح هو كالي فارس باوع لطريقك بس هيا السياارة اجتنه بسرعه ..
كاله غسان : فاارس كافي لا تحجي هيج ..
لزم ايد شاهر يباوعله بتوسل : كول مو اني السبب بوفااة زيااد كول هذاا قضاااء الله وقدره مو اني السبب بلي صااار مو سبب أهمالي او ما انتبهت لطريق..
ابتسم اله شااهر كال بخنكة و عيونه مغوركة
: لا مو أنت السبب هذاا قضااء و قدر الله هو كتب هيج يصير ..
هز راسه و رجع تمدد و هو يحجي وحده خفت عليه لا يتخبل من الي صااار كال : يي صح مو اني السبب هذاا قضااء و قدر ..
رجع بجه مثل الطفل : زيااد ليش رحت ولك تعال شوف صويحبك انشل مايكدر يتحرك لو ماخذني وياك و ما عايفني ..
ما تحملت اشووفه هيج كبل طلعت من الغرفة
و كعدت بره بلكااع و مدنك راسي ابجي
ابجي على فااارس و حالتة هيج ما شفته ابد بهيج حالة لو ابجي على زيااااد الي جنت ما حب اشوفه
وهسه متندم على كل كلمة حجيته ويااه بني آدم ما يعرف يمته يموت و تبقى اله بس الذكرى الحلوة مثل زياااد ..
شفت رجلين واكفات كباالي رفعت راسي شفت شاهر عيونه حمر و حاله مو احسن من حالي اجه كعد بصفي بلكااع و ساند راسه و كال بتعب : اااخ زياااد كسرنه كلنه بموته ..
بجيت و كتله : اريده يسامحني على السويته وياااه ..
ابتسم و كال : زياد الله يرحمة كلبه طيب و ما يشيل على احد..
باوعت لكيته دمووعه تنزل كال :
احنه الزلم صعبه دموعنه تنزل بس اذا نفكد عزيز على كلبنه نبجي و نتوجع بس استحي ابجي كدام احد و اجيت هنا بصفك ابجي و خل الناااس تشوفني ما يهمني لان الي راااح هذااا عزيز الكلب ..
كال بخنكة : ولك شااهر جانوو اعتبرهم اكثر من اخواني و حزام لظهر أنت و زياااد هذا أخوي الي اتربى ويااي الي كبرنه سوووه و هسه يرووح ما مصدك ..
ظلي يبجي و يحجي بصوت عالي و الي ماار يشوف حالنه و يهز راسه متأسف علينه لو الي يكول :
خطية الله يساعدهم فاكدين غالي ..
اجيت بسرعه حضنته و هو نصه راسه مايريد احد يشوفه و ظل يشهك بلبجي : ولك ماكدر اصدك لحد هسه زياااد يروووح دخيلك ربي بعده ترى شاااب ما شاف كلشي من حياته هو حجه بلسانه كالي شاهر عندي احلام و طموح هواي اريد احققهن ..
كتله : كاافي شاهر مايصير هيج نحجي ..
وخر من يمي و مسح دموعه كال :
أنا لله وأنا إليه راجعون..
ما تحملت كمت و كتله :طالع اني هسه بعدين اجيكم ..
ماحجه شي وياي طلعت من المستشفى لأن اختنكت كلش منه اخذت موبايلي و اتصلت على جوري محتاجله كلش ..
صعدت بلسيارة اريد احرك و هيا فتحت الخط
كالت : الوو شهاب ..
عرفت من صوته تعباانه كتله :جوريتي تعبان اني ..
سمعت بصوته نبرة قلق : شبيك شهااب ليش تعبان ..
:مابيه شي بس من شفت حالة فاارس تعبت و هسه طلعت من المستشفى و اريد اشوفج ..
سكتت و كالت : ماشي اني هسه ابيتنه تعال نلتقي بلبستان لان بليل اريد اروح لميامين ..
: خووش ..
رجعت حجت : شهاب فارس شلون وضعه هسه شنو ردة فعله من عرف..
كتله بتعب : تعباان كلش فاارس و انهاار من عرف بخبر وفاة زياد و انهار اكثر من عرف نفسه مايكدر يتحرك بعد ..
حجيلته كل الي صااار و اني اسووق و اسمع صوت شهكاته و بجيه اخر شي كطعت الخط من يمه وصلت للبيت و كبل نزلت و رحت للبستان مشتاقله صارلي هواي مشايفه و تعبان اريد احجي وياها ..
وصلت للبستان و جان اشوفه هنااك كاعده يم الشجرة
وصلت يمه و كلت بتعب : جوريتي ..
هيا فزت و باوعتلي كامت من مكانه تباوعلي
لابسه عبايته و منزلته على كتفه و لابسه الشال الاسود هيج بأهمال باوعت لابسه اسود حزنانه و وجهه مغيم حزن و تعبانه اكثر من يمي ..
دمعة عيونه و اجت عليه بسرعه اخذته بينه احضااني
حضنته بقوووة و اريد ادخله بين ضلووعي دموعي تنزل و اني اشووف الي يصير كدامي يمر بلمح البصر
كتله : شلونج يبعد الرووح انتي ..
خلت راسه على صدري و تشهك و شهكاته يزرفن كلبي زرف كالت بشهكة : مو زينة تعباانة كلش ..
حضنته اقووى : ليش ياا بعد كل هلي ..
باوعتلي و كالت بحزن : زياااد ماات ..
هزيت راسي و كتله : هذااا امر الله مانكدر نعترض عليه ..
: يي بس راح و اني مزعلته ..
لزمت وجهه بأثنين اديه و عيونه الحمر
كتله : ليش ..
خلت عينه بعيني و كالت بهمس :
لان شكم مره بمره طلبني لزواج و حبني بس اني كتله اعتبرك مثل اخوي و هو يبتسم الي و يكلي ميخالف نبقى مجرد اصدقااء و اخوه .
رجعت بجت و حضنتني :زياااد زعلته هواي بحياته
كضه عمره كله من قهر الى قهر كلشي مشاااف ..
حضنته و بست راسه : الحب مو غصب و هو جان يعرف من هيج ما زعل عليج و هو صدكي ما شايل بكلبه و لأن يحبج يريد السعادة الج هسه ما تجوز اله بس الرحمة ..
حاوطته بأثنين اديه من كتوفه و مشيته كعدنه يم الشجرة و كتله بهمس : هسه دورج انتي تحجين وياي و تهديني ..
بدون اي ردة فعل تمددت و خليت راسي على رجله
كتله بتعب : خلي ايدج على شعري مشي ايدج عليه تعباان كلش ..
كالت بهمس : شهاب لحد يجي و يشوفنه وخر ..
: حتى لو شافونه زوجتي مابيه شي ..
خلت ايده متردده اخر شي خلت ايده على شعري و ظلت اتمسد بيه و اني صاافن على العصاافير و الحمام الي يجن يمنه لو يرحن يم ساكية النهر و يشربن مااي
هسه لو احنه طيور و كل ما ضاكت بينه الدنياا نفتح اجناحتنه و نطير و نروح لأي مكاان نشرد مناا ..
غمضت عيوني بتعب و ماحسيت على نفسي الا و اني غاافي ماحسيت لا صوت جوري تكعد بيه ..
رفعت راسي عليه و اني بعدني متمدد و راسي على رجله : هاا جوري ..
: كوم شهااب راح تغرب الدنياا و أنت نايم ..
كمت من يمه و كفت وظليت انفظ التراب من دشداشتي وهيا من عبايته ..
باوعتلي و كالت: اني راح اروح اليوم على ميامين خطية وحده و محتاجتني
بست راسه و كتله : روحي الله وياج ..
عفته و مشيت رحت للبيت سلمت على اهلي كعدت يمهم شووي و حجيتلهم عن فارس و صعدت فوك سبحت و بدلت و اجه عليه ابني علي..
حضنته و بسته من راسه : هلااات بأبووي هلا يبعد عمري شلونك بوية مشتتاقلك هواي ..
ابتسم و كال : زين و اني هم مشتاقلك ..
صفنت عليه و كتله و اني ابوس بخده :
بوية من يندار عمري على عمرك ياارب ما يشوفني بيك مكرووه غير اموت ربي يحفظك اليه ..
...............................
زينب/
من صااار الحادث و اني متهسترة خايفة لا يصير
بأخوي شي هذااا اخوي وحيدي ماكدر من دوونه
ما نمت و لا ضكت النوم و لا الراحة خايفة كلش عليه ..
و من اجتنه الصدمة زياااد مااات انقهرت عليه
و ظلت ابالي ميااامين من رحنالهم و شفت أهله
شلون حاركين نفسهم عليه ..
و خاصة مياامين مصدومة من حالتة تضرب على وجهه
و تملخ بشعره بحيث وجهه طلع من دم و ازرك صاار من الضرب و شعره يوكع خفت و ظليت ابجي ماريد اشووف هذا الشي بفااارس ..
بس اجانه خبر الحمدلله كعد و حالتة مستقرة
بس الي كسرنه و رجع هيج مواجعنه من عرفنااه انشل و عرفناه من كلام ابوي انهااار كلش ..
رحت صعدت لغرفتي و ظليت ادك و الطم بس ابجي
اخووي حزام ظهرري هيج يصير بيه نمت من التعب و البجي ..
كعدت على لمسات هادئة تمسد بشعري بااوعت الصورة مغووشة رجعت غمضت عيوني و فتحتهن ..
شوي كامت توضح الصورة عندي باوعت لكيت ليث
كاعد كبالي على الجرباية مبتسم و يسمح على راسي
همس كال : كعدتي ؟
فزيت و كعدت كتله بعدم تصديق :
ليث هذاا انت ؟.
كال : لا خياله يي اني ليش مستغربة ..
كتله : شعدك داخل لغرفتي و من يمته و شلون ..
: شبيج اهدي دخلت لغرفة زوجتي و اجيت ردت اشوفج و كالو نايمة و تعبانة و طلبت الأذن من عمي و كال اخذ راحتك و يمته قبل ساعتين ..
باوعت لكيت الساعه ب١٠ الصبح
بلعت ريك و اشوفه شلون يباوعلي اتذكرت فاارس
و نسيت زعلنه : ليث فااارس شلونه ..
جر نفس و كال : ادعيله ينطيه القووة و الصبر لان تعباان كلش ..
دموعي ظلت تنزل و ابجي كتله : هاهية يعني مراح يمشي بعد ليث اخوي انشل ماصدك ..
خله ايده على راسي و كال : اشش زينب لا تسوين هيج كدامه اتماسكي و صيري قووية لا ينهار من يشوفج هيج و احنه ردنه من الله يهدئ ..
دنكت راسي و غطيت وجهي بأثنين اديه و بجيت
و اشهك كتله بشهكة : ماكدر ليث ماكدر اشوف اخوي هيج حالته و تريديني اتماسك ..
ماحس غير بدفوو احضااني لمني لصدرة و يمسح على راسي و كال : تكدرين ولج صيري سباعية زينب و اخوج يطيب ان شاءالله و ناخذ نسفرة يتعالج و اكو ترى امل كلش جبير انو يرجع مثل قبل ..
وخرت من يمه : صدك ليث تحجي ..
ابتسم : يي صدك ..
ظليت صافنه على عيونه و هو هم صفن عليه
ابتسم و اقترب من يمي استحيت اني من شفت شكلي و ملابسي لابسه دشداشه قصيرة نص ردن و شعري مفتوح و صاير هوسة ..
اقترب من يمي و بعد الشعر الي على وجهي لمه كله بصفحة وحده و كال : هيج احلى ..
خجلت و دنكت راسي ماحس غير شفايفة انطبعت بخدي رفعت راسي بسرعه فازه من حركته و صاار وجهي مقابيل وجهه مبتسم ..
ابتعدت بسرعه متوترة و كلبي يدك بسرعة
كال : كومي جهزي نفسج اخوج راح يجي خل يشوفج قووية ..
فزيت من مكااني و كفت :صدك تحجي ..
باوعلي و رافع حاجبة كال : يي صدك ..
كعدت خجلت من نفسي هو عافني و طلع من الغرفة
كمزت من مكاني رحت سبحت و بدلت و نزلت جوه
امي مخبووصة و البنات يمنه و النسوان و كمنه نحضر بلغده و جابو ذبيحة ..
الساعه صارت ب١ و اجوو رحت طفرت يم البردة
و شفتهم دخلووو السيارة الي هو بيه ..
نزل شاهر الي جان يسووق و شهاب كدام كاعد
و اجه محمد و غساان و الولد كلهم ..
فتحوو الباب و اجه غيث جاب الكرسي المتحرك
واجه شاهر لزم ايده و شهاب هم شالووه و خلوه بلكرسي شهكت و خليت ايدي على حلكي و اني اشوفه هيج سودة عليه ياخوية ..
اجه ليث جااب الخروف و خلاه يم الكرسي
اشوف شفايفة تتحرك يمكن يقره و ذبحه ..
فاارس ابد ماحجه شي بس تعباانه دخلوو يمنه و رحت حضنته و ابوس بيه هو بس يهز براسه و امي تبجي سمه و تحضن بيه و هو باس ايده و راسه ..
دخلوو للغرفة الجوه و صبينه الغده لزلم و النسوان و صار العصر و كله راحت علمود فاارس يرتاح ..
الولد دخلوو يمه و اني لبست حجاابي و دخلنه اني و امي و شفناه متمدد و كال : اريد ادخل للحمام شلون ..
وجهه صار احمر و منزل راسه من يحجي و الحاف شاد بيه بقبضة ايده خجلااان ..
كام شاهر و شهااب سندووه و دخلوو لحمام طلع شهاب و بقه بس شاهر اني ما تحملت و طلعت شلون بيه هيج فاارس ما يتحمل ..
صارله يومين من اجه و الولد معافوو سوو عليه نوبات
الصبح يجي عليه شهااب و ليث و العصر غيث و محمد و شاهر صارله يومين التحق و بليل غسان و ليث يجي يبات يمه ما يعوفه ..
اتقيد اني لازم الحجاب ماذبه و ما تحرك من مكاني
و همه هم خطية متقيدين لان ما متعودين هيج ..
فاا ليث كال بالاستقبال بس بصوت ناصي لا يسمعه فارس : شوفو ادري انتم ما ماخذين راحتكم و متقيدين بلكعده و بلطبه ..
محمد : شتحجي ليث ..
: شبيك محمد احجي الصدك و اني الوحيد بيكم زين ما متقيد لان بيت انسابتي و عندي حل الكم ..
شهاب : و شنو الحل بله ..
: الصبح تجون و يمه و الظهر عادي و اني هناا باقي يمه و اباات يمهم علموده و بيت اهل مرتي و محد بيه فا اكدر اخذ راحتي و العصر يمه و اذا عندي شغل تعالو انتم يمه ..
رجع كال :و اني كلت لأبوي و ايدني بلكلام ..
وافقوو بكلام ليث و كامو ينابون عليه يجون الصبح و مرات الظهر و هيج العصر يسيرون عليه بس ما يطولون و بقه ليث يمه حتى ملابسه جابهن هنا و اذا راد شي يروح لبيتهم و يرجع ما تركنه ابد ..
كاام يجي يبااات يمنه مره نام فارس و كعد يمنه
بالاستقبال يشرب جاي كاله ابوي :
عمي انت كاعد تدولب ويانه و غراضك كل ساعه بصفحة
كاله :لا عمي شنو السالفة
: خل احجي بوية اخذ غراضك و صعدهن فوك بغؤفة مرتك ما يصير انت مدولب حتى بلنومة و غرفت مرتك موجوده و هم بأعتباار غرفتك ..
ردت احجي بس هو سبقني حجه و يباوعلي مبتسم ؛
صاار عمي تدلل اليوم ان شاء الله اصعد غراضي هههه ..
يتبع ...🦋
noorhaidar18
انتهى البارت اتمنى يعجبكم 💕
لا تنسون الايك +التعليق ✔
............................................
💔☹