قوت صحيت وجهزت ابنها وهي مبتسمه وبصتله بحب..... عارف يازيزو احنا رايحين فين هنروح لتيته وعمو عشان تعرفهم ذي بابا ماطلب مني تفتكر فرحتهم هتبقي بيك اذاي اما يشفوك وانت قمر كدا وباسته
ياسين: يالا ياقوت احنا جهزنا
قوت : وانا كمان يالا
يونس في اوضته بيلبس وبيجهز شنطته
تحيه بتعجب: انت مسافر ياوالدي
يونس: اه ياماه عندي شغل في القاهره يومين وهعاود تاني
تحيه: خلي بالك من نفسك ياولدي ترجعلي بسلامه ياحبيبي
يونس باس دامغها... سلام ياست الكل
الوقت بيمر وتحيه قاعده بتكلم مع البنات اللي شاغلين عندها تشغل نفسها
وبعد مده وصلت قوت هي وابوها واخوها
مصطفي كان بيتلفت حوالين نفسه بلده وحشته اوي بس خايف من اللي جاي واخير سواق وقف قصاد البيت
قوت وقفت بتوتر واتخضت من حجم سرايا وشكلها الفخم جدا
مصطفي: يالا
راحو وخابطو وفي واحده فتحت وتنحت اول ماشافت قوت
مصطفي: الحاجه تحيه ويونس بيه هنا
البنت تركيزها علي قوت
مصطفي: انتي يابنتي
البنت بانتباه: اتفضلو اتفضلو.. واتكلمت بهمس... كيف عاد دي كيف الجمر وحلوه جوي جوي
مصطفي كان في المقدمه هو وياسين وقوت وراهم
تحيه اول ماشافته راحت ليه بسعاده ماتتوصفش.... اهلا اهلا نورت اتفضل
مصطفي بعد.... تعالي ياقوت سلمي علي الحاجه تحيه
قوت قربت منها بتوتر وتحيه بصالها بانبهار من جمالها بس استغربت الطفل اللي علي ايديها
تحيه: كيفك يابتي
قوت: الحمدلله اذاي حضرتك
تحيه: زينه يابتي وبصت للطفل.... مبروك. يابتي ربنا يخليهولك
قوت ابتسمت..... روح يازين سلم علي تيته
تحيه. بزهول: تيته كيف مين دا عاد
قوت استغربت صدمتها: دا ابني انا ومعتز
تحيه بصتلها بصدمه واخدته منها ودموعها نزلت عليه.... ياحبيبي ياولد الغالي ياحبيبي وفضلت تحضنه وتبوسه اللي خلف مامتش اللي خلف مامتش ياحبيبي ربنا عوضني عنك ياضنايا بحته منك ياحبيبي
قوت بصالها ومبتسمه وفرحت اوي بفرحتها بابنها
تحيه بصتلها وابتسمت:عشان اكديه معتز كسر كلام اخوه
قوت باستغراب:مش فاهمه
تحيه:ماتشغليش بالك يابتي بس هو جوزك ماعترضش علي مجيتك اهنيه
قوت:جوزي مين
تحيه:انتي مش اتجوزتي يابتي
قوت:انا مين قال كدا انا عمري ماهتجوز بعد معتز انا هعيش لابني وبس
تحيه ابتسمت بسعاده....ربنا يباركلك.فيه يابتي
مصطفي:هويونس بيه مش.هنا
تحيه:لا مسافر وهيعاود كمان يومين بت يانبويه
جت نبويه تجري....نعم ياحاجه
تحيه:جهزي اوضه الضيوف واوضه معتز بيه عشان قوت وزين بيه يرتاحو فيها
نبويه:-من عنيا
قوت:مالوش لازمه التعب
تحيه:كيف عاد دا انتي من ريحه الغالي
قوت:طيب هاتيه عنك.زين عشان.مايتعبكيش
تحيه.:يتعبني كيف عاد دا انا روحي ردت فيا من شوفته يانن عين سيتك انت عوض ربنا ليا يازين
اليوم عدي عليهم وتحيه اخيرا رجعت ليعا الفرحه من تاني وكان دا هديه ربنا ليها
مصطفي بيبص لقوت بلوم
قوت.:في اي
مصطفي: يارتني ماسمعت كلامك. يابتي
قوت بتعجب: لي يابابا في اي
مصطفي: الحاجه تحيه اتعلقت بزين اوي اعتبرته عوض عن معتز الله يرحمه
قوت: طيب واي المشكله.
مصطفي: المشكله انها مش هتتحمل بعاده عنها وانا مقدرش امنعها من حفيدها وخصوصا في ظروف اللي هي فيها
قوت: مش فاهمه باردو
مصطفي: سبيها علي الله وبكرا كل شئ يتعرف
وسابها وخرج. ودخل اوضته وهي مش فاهمه حاجه من كلامه بس حاسه انها محتاره حست بدفا غريب منهم وفضلت تبوص علي اوضه معتز وهي مبتسمه وحست انها عطشانه ف راحت تجيب مايه كانت تحيه بتفتح الباب
تحيه: اي يابتي راحه فين
قوت: راحه اجيب ماايه
تحيه: طيب يابتي انا هكلمهم بكرا يحطولك. مايه
قوت: متشكره
تحيه سابتها ودخلت وهي مبتسمه ومسكت صوره معتز: كان ليك حق ياوالدي تحارب عشانها البت ذي القمر وحلوه جوي جوي ياواد عرفت تنقي وشكلها مؤدبه كمان بس تفتكر هتوافق تقعد معانا اهنيه
وتاني يوم كان خبر جود ابن معتز انتشر في البلد كلها والكل جيه ييارك.ويهني ويشوفو مين مرات معتز دي اللي اتجوزها من باره البلد وكل كان بينبهر بجمال قوت
نواره وصلها الكلام وراحت تشوفها
نواره:اي ياخيتي كيفك
تحيه بسعاده:زينه جوي جوي جوي
نواره:ربنا يديم عليكي سعاده ياخيتي بس اي عاد فين زين وامه.
تحيه:نبويه بت يانيويه اطلعي اندهي ستك قوت من فوق بسرعه
وبعد وقت نزلت قوت.ومعاها زين
نواره مااقدرش تنكر جمال قوت...اهلا يابتي
قوت ببتسامه:اهلا بحضرتك ياطنط
نواره اخدت زين باسته...ربنا يياركلك فيه
قوت:شكرا
نواره:وجوزك فين عاد
تحيه:ماتجوزتش
نواره:بالله كيف والراجل سال وجالو ليه اكديه
قوت:بعد وفاه معتز انا طلبت من باباوياخويا يجيو يعيشو معايا عشان ماسيبش شقه معتز
تحيه بصتلها وابتسمت ونواره اضايقت من وجودها
الايام مرت وكل يوم تحيه تصمم قوت وزين يقعدو باي حجه وقوت بتسمع كلامها
مصطفي:انا هرجع القاهره يابتي اشوف شغلي ويومين وهجيلك
قوت:ليه يابابا خليك معايا
مصطفي:قعادي هنا مالوش لازم خليكي انتي معاهم يومين وانا هاجي تاني اخدك
قوت:طيب وياسين
مصطفي:هيجي معايا خلي بالك من نفسك ياحبيبتي وخلي بالك من زين وانا هكلمك. اطمن عليكي
قوت بحزن: ماشي
مصطفي مشي هو وياسين وقوت كانت قاعده زعلانه
تحيه:وه زعلانه ليه ياست البنات
قوت:بابا مشي هو وياسين
تحيه:ودا اللي مزعلك عاد وبعدين اهنيه بيتك باردك.
قوت بصتلها وسكتت
تحيه:روقي اكديه انتي اصغيره ولااي زعلانه ان بابا سابك ومشي مش هنخطوفك عاد بس هو ليه ماشي بادري اكديه
قوت ضحكت: عشان يلحق شغله
تحيه: اه اديكي جولتيها اه عنده شغل يقعد جنبيكي بجي ويسيب شغله يعني
قوت: مش. قصدي
تحيه: مش. مبسوطه معانا
قوت: بالعكس جضرتك طيبه جدا وانا حبيتك اوي
تحيه: وانا كمان حبيتك جوي يامرت الغالي تعالي في حضني بجي
قوت حضانتها وحست انها امها مش حماتها ودا حببها فيها اكتر
وبعد مده قوت طلعت ببنها اوضتهم تغيرله وتحيه دخلت المطبخ تشوف البنات بيعملو اي
يونس رجع كان البيت هادي ولاحظ نور اوضه معتز شغاله فهم ان فيه حد جوه ودا عصبه جدا وطلع بسرعه وفتح الباب بدون استاذان
كانت قوت منيمه زين علي سرير وهي قاعده علي ارض جنبه بتلاعبه وشعرها مداريها
يونس اول مافتح الباب اتصدم من وجود بنت وشعرها مغطيها مش ظاهر منها اي ملامح خالص
قوت رفعت وشها.... انت مين.
يونس كان متنح ليها مستغرب مين دي ودخلت اذاي هنا واي شكلها دا واذاي شعرها دا اذاي شيلاه علي دماغها كانت كالوحه فنيه جزبته ليها فضل مركز عليها وعلي ملامحها وفاق علي صوت قوت
قوت زعفت:انت مين انت واذاي تدخل كدا وجاب طرحتها حطتها علي شعرها
يونس:انتي اللي مين واذاي داخلتي اهنيه
قوت بغضب :هو المفروض مين اللي يسال انا ولاانت انت اللي داخل عليا وفاتحت الباب من غير ماتستاذن
يونس قرب عليها ونظراته ترعب :والمفروض استاذن قبل مادخل بيتي عاد كيف يعني
قوت بترجع لورا بخوف وحست انه هيتحول لوحش ويبلعها
وجت تحيه عشان تنقذها منه:يونس انت جيت ياولدي
قوت بصتله بصدمه.... يونس
يونس: مين دي ياماه وبتعمل اي اهنيه عاد
تحيه ببتسامه:دي قوت ياولدي مرت معتز الله يرحمه
يونس بصالها من غير اي تعبير ودا قلق قوت منه مافهمتش هو مرحب بيهم ولا مش حابب وجودهم.ولاشعوره اي بالظبط
تحيه راحت علي سرير وجابت زين وادتهولو....شوف ياوالدي معتز اللي صغير حته منه ياولد شوف
يونس اخده منها بايد بتترعش وقربه منه وباسه من ايده
تحيه:دا عمك يازين عمك يونس
يونس رفع وشه ليها وفرح جواه انها نفذت وصيه اخوه وقربه منه واتكلم.في ودانه بهمس....مش هسيبك ولالحظه يابن الغالي وان كنت قصرت معاك في اللي فات ف بوعدك ان اللي جاي مش هتخلي عنك.ولالحظه واحده حجك.عليا يابن الغالي مش هسيبك وهربيك.ذي ماعملت في ابوك وحطه علي سرير وخرج
قوت متابعه بقلق
تحيه:مالك ياقوت متوتره اكده ليه
قوت:شكله يخوف اوي ياماما هو دا اخوه معتز اذاي دول مختلفين عن بعض انا خوفت منه اووي
تحيه ضحكت:هما طبعهم مختلف عن بعض يابتي يونس اكديه عشان ماينفعش يبقي غير اكديه.
قوت بعدم فهم:يعني اي
تحيه:يونس شال مسؤليه كل حاجه ياقوت مسك.شغل ابوه وتربيه اخوه اللي صغير وكل حاجه بقيت فوق راسه بس مفيش اطيب من قلبه
قوت بصتلها بتوتر واتكلمت بهمس:دا طيب اذاي
تحيه:انا هنزل بقي اشوف البنته الواكل جاهز اجهزي وانزلي يالا وهاتي زين
قوت:ماشي
قوت وقف تعدل شعرها وهي سرحانه هي كانت نفسها تقابله من.كلام.معتز عنه بس ماتخيلتش شخصيته.كدا حست انه قاسي اوي شخصيه صعبه وحست بخوف منه غريب
يونس خرج من الاوضه وكان مستغرب نفسه اوي اول واحده تخليه يبصلها اذاي قدر يعمل كدا اي حكايتك عاد وحاسس انه شافها قبل كدا مش.عارف فين بس شكلها مش غريب عليه وافتكر البنت الصغيره اللي ساعدها قبل كدا
يونس:فيك.اي عاد واضح انك جنيت يايونس البت الصغيره طيرت عجلك اي اللي بتجوله دا
تحيه:يونس انت واقف اكده ليه
يونس:عادي ياماه هي جت ميتي
تحيه:اديلها يومين
يونس:واي اللي فكرها بينا عاد
تحيه: وه يايونس دي كانت حمله والواد لسه صغير في ايديها احنا اللي كنا لازم نسال عليها
يونس بصلها وسابهاومشي
قوت خلصت وجهزت ونزلت كان يونس.قاعد علي راس تربيزه وتحيه مش موجوده
يونس بيرفع وشها كانت قوت قدامه
قوت بتوتر من نظراته.... مممماما يامااما وجريت من قدامه
تحيه: اي يابتي في اي عاد
قوت: مفيش انا بس كنت عايزه اشوفك فين
تحيه: تعالي ياحبيبتي انا خلصت والبنته هيجبو الواكل تعالي
قوت راحت معاها بقلق وقعدت علي سفره والجو كان متوتر بينهم
الايام بتعدي وقوت ويونس بيحاولو انهم مايتوجهوش مع بعض
تحيه دخلت لقوت اوضتها تتكلم. معاها
تحيه.: كيفك. يابتي
قوت: الحمدلله
تحيه: عايزه اتحدتت معاكي
قوت: اتفضلي ياماما
تحيه: بوصي يابتي اول حاجه انا عدم سؤالي عليكي ربنا واحده اللي كان عالم بحالي واني عقلي مكانش فيا غصب عني وبعت ليكي حد يشوفك.بس قالي انك اتجوزتي ف عشان اكديه سيبتك ماحبتش اسال عليكي تاني عشان جوزك.مايضايقش
قوت بصالها وبتسمعها وساكته
تحيه:انا كنت بحب معتز جوي واما ربنا خاد امانته اتجهرت عليه بس ربنا عوضني بزين والده عشان يعوضني عنه وكل ماخده في حضني بفتكر ابوه عشان اكديه انا بطلب منيكي تخليكي معانا يابتي ماتفرجيناش انا مش قجدر اعيش من غير زين
قوت تنحت:ايه بس
تحيه:مابسش انتي هتعيش اهنيه معزز مكرمه محدش هيضايقك واصل ووقت ماتحبي تزوري ابوك واخوكي تروحي براحتك حابين يجو هما السرايا واسعه وتساع من.الحبايب ياما بس انتيي بلاش.تبعدي زين عني
قوت:بس انا مش عايزه اتقل علي حضرتك وممكن وجودنا ا
تحيه قاطعتها:يابتي انتي قاعده في خير جوزك.وورثه محدش بيبجي عليكي.معتز ليه نص سرايا عاد دا حقك وحق والدك يعيش في خير عيلته ليه تحرميه منه عاد
قوت بصالها ومش عارفه ترد تقول اي
تحيه: فكري براحتك ولو حد ضايقك ولو بجمله واحده صدقيني انا اللي هجفله
قوت ابتسمت بتوتر وسكتت.
قوت:انا هقوم.اشوف البنات بيعملو اي
تحيه:ماشي يابتي
تحيه مسكت زين:اطمن يانن عين ستك مش هتفارقني واصل ياولد الغالي انت
يونس:كيفك ياما
تحيه:زينه ياولدي
يونس اخد زين وباسه:كيفك يازين الرجال
تحيه ابتسمت:بكرا هيبقي كبير البلد كلها والكل يعمله الف حساب مش اكده ياولدي
يونس باسه:هيبقي زينه شباب قنا وكل يتمني يسلم عليه بس شكلك خواجاتي جوي وهمس في ودنه براحه واخد عيون امك.الزرقا
قوت اتصلت بباها وحكتله اللي حصل كله ومصطفي سمعها من غير ولاكلمه
قوت: بابا حضرتك ساكت ليه
مصطفي: مفيش ياقوت اعملي اللي انتي شيفاه صح وانا مش هعترض
قوت سكتت
مصطفي حس انها عايزه تقعد
مصطفي: خليكي ياقوت وعيش مع اهل جوزك هي معزوره ونفسها تشوف ابنها ودا عوض ليها واخوكي هيخلص امتحانات ونجي نطمن عليكي
قوت: ماشي
الايام بتمر ويبقي الحال كما هو عليه من غير اي احداث
قوت كانت حاسه امها جعانه وقررت تنزل المطبخ تجيب اكل
قوت:البس طرحه ولالا الوقت اتاخر واكيد كله نام هنزل بسرعه واطلع وخرجت ونزلت المطبخ وفتحت التلاجه وابتدت تاكل وهي جواه التلاجه بتلذذ وابتدت تجهز الاكل وبتلم شعرها عشان مضايقها....اوووف بقي تصدق انك.رخم مش مخليني عارفه لااكل ولااحضر الاكل و
يونس بعصبيه:انتي بتعملي اي اهنيه
قوت اتلفتت برعب:اي في اي
يونس.:بتعملي ايه اهنيه
قوت ببراءه:باكل في اي
يونس:دلوق
قوت:هوالاكل ليه مواعيد ولااي
يونس بحده:واذاي تخرجي.من اوضتك اكده
قوت بصت علي نفسها:مالي في اي
يونس:محدش جالك قبل اكديه ان شعرك دا يدار ولافرحانه بيه عاد
قوت برقت وحطت ايديها علي دماغها بصدمه
يونس:حزاري اشوفك طالعه باره اوضتك اكده مره تانيه فااااهمه
قوت هزت دماغها برعب وسابته وجريت علي اوضتها وهو متابعها وبص علي اكل وابتسم وراح ياكل من.اكلها وبعد كدا اخده وطلع بيه ليها وخبط علي باب
قوت:مين
يونس:انا يونس افتحي
قوت:عايز اي
يونس:افتحي
قوت جابت الطرحه وحطتها علي شعرها وفتحت الباب واتصدمت انه كان واقف ومعاه صنيه الاكل
قوت بصدمه:ها
يونس:امسكي وادخلي فاهمه وحزاري رجلك تعتب باب اوضتك وشد طرحتها واعدلي دي فاهمه وكلي
قوت:ها انت انت مالك
يونس:بتقولي حاجه
قوت هزت راسها بلا:انا هاكل خلاص
يونس: تمام. وسابها وخرج
يونس خرج ودخل اوضته واستغرب انهرهو مبتسم اي سبب الابتسامه وليه زعقلها هي كانت مديالو ضهرها كان ممكن يمشي ومفيش رجاله غيره في البيت اي سبب زعيقه ليها بالطريقه
قوت واقفه ورا الباب بتوتر.....ياربي اي دا مش بني ادم لادا اكيد وحش وهرب منهم اكيد دا اي بيت الرعب دا اذاي دا اخو معتز دا كان نسمه دا كفايه نظراته لالالا مش معقول
الايام بتمر وقوت بقيت طول الوقت في اوضتها خايفه من يونس ومش بتخرج منها غير بعد الحاح من تحيه ودايما علي اتصال بياسين وبتشجعه علي امتحاناته.
ياسين:انا مخنوق اوي ياقوت واعصابي تعبانه محتاجك اووي ماتيجي ياقوت بقي
قوت:طيب ماتيجو انتم عشان تغير. جو وتمشي اي رايك
ياسين:بس بابا ممكن مايوفقش
قوت:انا هكلمه ولو رفض هقولك تيجي انت وماما قالتلي لوعايزه اجي هتبعتلي عربيه ممكن لو بابا رفض ابعتهالك تجيبك
ياسين:ماشي
قوت قفلت معاه وكلمت بباها
قوت:اذيك يابابا
مصطفي:الحمدلله ياقوت انتي اخبارك اي وزين عامل اي
قوت:الحمدلله هو حضرتك مش هتيجو بقي انتم واحشتوني جدا وبعدين ياسين داخل علي امتحانات خليه يجي يغير جو
مصطفي:انا مش هقدر اجي عندي شغل وياسين مش هينغع يجي لا
قوت بضيق:ليه بس يابابا
مصطفي:هو كدا مش هنيجي
قوت:عشان خاطري يابابا انتم واحشتوني اووي
مصطفي:وحشناكي.تعالي انتي
قوت:يابابا هو محتاج
مصطفي:مرواح اخوكي قنا لع يعني لا فاهمه ياقوت انسيها اخوكي.مش هيجي عندك تاني
قوت قفلت معاه واضيقت من طريقه بباها وتحكمه فيهم الزايد دا ومش عارفه تعمل اي
يونس جيه قعد بهدوء ومتابعها من اول ماتكلمت من غير ماتخد بالها واول ماقفلت جيه قعد
تحيه:في اي يابتي مالك
قوت:عايزه ياسين يجي يغير جو قبل الامتحانات بس بابا رافض
تحيه:ليه
قوت:مش عارفه
يونس وهو ماسك فنجان قهوه.....انا هكلمه وهقوله يبعته وهبعتله عربيه تاخده من باب البيت قال كدا وقام من غير ماينتظر رد حد
تحيه:اه اتحلت اها خلاص ماتزعليش عاد
قوت ابتسمت بتوتر....بس تفتكري ممكن يقنعه
تحيه:وه مفيش حد بيقف جصاد يونس اطمني
نواره كانت واقفه بعيد بتسمع كلامهم بصدمه ووتعجب حست ان فيها انه وقررت تفهم اي اللي بيحصل
استوووووب🍁❤
اي رايكم في البارت؟؟؟؟؟
وتوقعكم.اي اللي هيحصل في اللي جاي🙄؟؟؟؟؟
وياريت فضلا يعني تسيبو رايكم.في كومنت بلاش تقرو في صمت كدا اتكلمو ياجماعه 🙆♀️😂😂😂