🔥🔥 روآيآت سـيف آلقمـآطـي 🔥🔥
#روآية-مـسـآلة-شـرف 🍯🧡
آلح ـلقة #24
لايك قبل القراءة ووصلوها 2000 لايك 😚
الضيء كان هارب هذا وين جيء وصلوها تفاعل كبير
فاطمة: معاش جوكم خطابة
أم رزان: قعمزت جنب رزان وشافت لبنتها وعيونها دمعن وشافت ل فاطمة،، لا مش مزال بيجيء وهيا في الحالة هذه حتى للي يسمع يؤخر 💔 حسبي الله ونعم الوكيل فيه الشخص للي دار في بنتي وفينا هكي
نجمة في سرها: أحلمي بيهم الخطابة ياماما وتبتسم 👿🙂!!
سندس: إن شاء الله لابس عليها وإن شاء الله خير يارب،،
عزوزتها: دايما شغلى القرأن كويس في الحوش وبالذات سورة البقرة كويسة كويسة الحق تذكروو حتى ولد نجية نفس الشيء مسحور والله قالت القرآن وذكر الله في الحوش دوية دوية حاولي انتي.....
أم رزان: والله إلا انولع لكن كان قرب الصوت ل دارها ولا داخلها مرات تهجم عليا ومعاش تعرف تتحكم في روحها 💔💔😥
نبيها ترجع تتكلم زي قبل واتقولي يا أمي
فاطمة: أمين امين يارب......
نجمة 🙄!!!
سندس: اطلقي حتى الصغار خلهم يجيو للعرس حرام ينحرمو في جرتكم....
أم رزان: يصير خير إن شاء الله 😐!!
.
.
.
.
.
.
ريهام قعمزت في داري بعد ماسكرت الباب انفكر في ولد فوزية حسام قالت يبي يتزوج معقولة ماسأل قبل؟؟
باهي زعما شن طبعه!!! انخاف نأخد قرار نندم معاه مع الوقت زعمك انواافق عليه او لا؟؟
لا لا ياريهام اكيدة مايعرفوش بالماضي متعك كان هذا مايوفقش عليك بكل،، حتى بعد علاقة وكان تعلقت بيه شن بنقوله الحقيقة مانتحملش نكسر قلب 😔!!
يارب شن بندير ؟؟ باهي علاش أمي ماقتلي ودست الموضوع.......
منها جد عمتي فوزية تبيني كانتها،،لا خلاص معاش اتفكري في الموضوع كيف ماقلت امبكري لا لا،،،
بس مصيري مش معروف امتا ح نرجع لحوشنا وامتا ح تبدأ القرايآ زعما نقعد في نفس المدرسة كيف ح اتكون ردة فعل الناس لما اتشوفني؟؟ زعما ريهام الاولى؟ زعما سمعو بالقصة؟؟
شن صار في خالتي ويزن والله خاطري نعررف؟؟ ماكملت كلامي سمعت أمي اتنادي فيها استغربت ليها مدة ماذكرت أسمي على فمها،،شن تبي ؟؟
نعيمة: ريهام ياريهام تعالى؟؟؟
ريهام طلعت ماشية ليها اول شيء هذه أمي منقدرش مانخدمها وفي حدود المعقول....
وقفت على باب الدار بكل بروود همم!!
نعيمة: مريضة مريضة من على الصبح صدااع حااد رأسي ح يتكسر وحرارتي مرتفعة وبطني حالة أسهال
ريهام: ان شاءالله لابس عليك،، تبي انديرلك شيء؛)
وجعني خاطري حسيت بينا نتكلموو فوق الرسمي رسمي وكأن من بنت وأمها 💔"
نعيمة: ديرلي أي شيء ايكون سخوون
ريهام: تمام طلعت على المطبخ وعاد عقلي وتفكيري ماشاء الله وكان اتموت وكان نقعد بروحي مع ان نتعاركوو لكن نحبوو بعض!!
نعيمة: رجليا مفاصلي حي شن جاني من قاعدة نتحرك بكل....... يارب معاااي سندت روحها على السرير وقعمزت........
ريهام: انولع في الناار وانحصلها حرقة قعدت انقز في المظبخ خفت منها الحرقة 💔😔!!!
درتلها شاهي وشوية زعتر ونعنااع وبعدها رفعتولها.....
ريهام: هاااك ان شاءالله اتنوضي بخير،، كان هذا انزلي عايني....
نعيمة: لا لا اكيدة بردة ماتستحقش يومين توا تمشي
ريهام: تمام اني في داري تبي أي شيء عادي.....
ريهام ماقدرتش نقعد معاها منعرفش علاااش
نعيمة تحساب روحها فوتتها لما دخلت الرجالة على الحوش غير ريهام ماتبيش تنصدم من أمها أكثر وأكثر 😥😥؛/
_____________________
نورا تبكي علاش سيبتنا يابوووي علاش 😥😥
سمير: يضرب في الحيط ويبكي مش مصدقين اتصال بس قلبت الدنيا وماتو اعز اشخاص على قلوبهم،،لكن يحملو كره على يزن مايوصفش!!!
فيصل: هي على الحووش
نورا: مسحت دموعها وانفها وناضت سمير قعد في المستشفى بيكمل شوي وراق ومايعلموش ب يزن بكل
يزن رفعوه الدكاترة ورقد في الدور الثالث يعني بعيد عليهم؛
نورا وصلت لحوشهم والقت الناس ملتمة للي كيف سمع وللي قاعد ماسمع نزلت قعمزت طول لوطاا وخالتها يحضنو فيها ويبكووو
فيصل: أي الذفن العصر؟
-: تمام كويس معاش ادور شيء ح نهتم بكل شيء
فيصل حضن صاحبه محمد والدمعة تنزل 😥😥
محمد: الله غالب هذا حال الدنياا
فيصل : الحمد لله الحمد لله على كل حاال؛
.
.
.
.
واصف حط يزن وطلع على البحر قاعد تحت تأثير الرعشة وعياااط هنادي
واصف بس استمتعت 😥!
هنادي: معاش فهمت شيء منه هالراجل يارب اهديه؟؟
هنادي خلى نتصل بريهام انفضفض شوياات
هنادي: أهلين ريهام
ريهام: اهلين كيف حالكم شن اخبارك
هنادي: بخير الحمدلله وانتم شن مدايرة
ريهام: بخير بسماع صوتك 🧡
هنادي: سلمك،،شن قاعدين في الشقة
ريهام: أي تعرفي مالة منها نتمنا لو نرجع لحوشنا الاول بس......
هنادي: ان شاءالله ،،بنقولك على موضووع
ريهام: تذكرت موضوعها متع حسام،،أي حتى أني نبي انرد عليك الشيرة.....
هنادي: اني طلعت امس ماشين اني والجارات المهم رجعت للحوش خشيت للحوش القيت رائحة ذخان وسرير متع دار النوم حالة!
ريهام: أي؟؟
هنادي: راجلي مايدخنش بكل ولما سالته تلبك ووجهه اصفر لما فتحلي الباب وسمعت صوت الباب الخلفي انفتح لما كان واقف على الباب يمنع فيااا......
ريهام: واضحة؟؟.
هنادي: شن💔💔
ريهام: جايب حد للحوش استغفر الله العظيم
ريهام: شفتي بالك في عطر نسائي ولا حاجة شمتي السرير وملابس راجلك!!؟
هنادي: قعدت تبكي 😭😭😭😭😭😭 باهي شن الحل تواا......
ريهام: انقولك اطلعي عند اهلك وديري مراقبة في الدار
هنادي: كيف ترا؟؟
ريهام: في برنامج كويس متع مراقبة للحوش كله زمان انشوف فيه في تليفون بنت خالتي حطيه في الدلاوب ولا مكان مكشووف على السرير.....
هنادي: حسبي الله ونعم الوكيل فكيني والله مانبي ننصدم فيه أكثر
ريهام: براحتك ان شاءالله ربي يفرجها عليك
هنادي: امين يارب،،ياريت ماات بس وماعرفت للي صار معقولة يدخل بنت او ولد للحوش وايديرو حاجة تمش حرام هكي!!
ريهام: ربي يهدي 🤷♀️🤷♀️
بنقولك جايني عريس لكن أني الحق مش عارفة شن اندير؟؟
هنادي: كيف ترا؟؟
ريهام: اني كنت مرتبطة بولد خالتي زمان وبعد القصة هذيكا انتي تعرفي معاش جاني خطابة بكل.......
قصة شرف تعرفي اني معاش في حد يفكر فيك المهم في واحد تقدملي ومش عارفة نرفض او لا!!؟
هنادي: اكيد مادام خطب وجي واتكملت امه معنها سأل عليكم انقولك اتزوجي وامشي اخدمي على رأسك
ريهام: وكان يصير شيء رسمي وبعدها يسمع بالحقيقة ح ايحط اللوم عليا ويتهمنا متع نتفكو منك وخلاص...
هنادي: انتي كوني واضحة من البداية واحكي كان عندك جرأة وتبي وكان هذا فوتي الموضووع من الاساس......
ريهام: نبيك اتساعديني مش هكي وخلاص؟؟
هنادي: انقولك مرات ربي باعتهلك عووض ويعوضك في كل شيء خوذي نصيحتي وافقي عليه....
ريهام: والله ماعارفة حايرة حايرة لين خلاص
هنادي: يارب فرجها علينا يارب هي سلامات
ريهام: بااي وسكرت الخط
هنادي: لما تسمع بمصائب الناس اتهون عليك مصيبتك يارب خيرآ 😥😥!!!
ريهام: وكان انوافق وبعدها يكسرني يارب.......
نعيمة كان مازادت حالتها وضعفت أكثر 😳!
🍯🍯 روآيآت سـيف آلقمـآطـي 🍯🍯
🍯🍯 روآيآت سـيف آلقمـآطـي 🍯🍯
ريهام تهت الحق يارب الهمني القرار والخيار الصح يارب
.
.
.
.
# تسريع-الاحذاث
بعد مرور اسبوعين..........
وأسبوع عرس سندس وجلال زاد اتعلق ب سناء في مدة قصيرة 😂❤ كانو 24 ساعة اتصالات وتعارف على بعض
جلال اهم شيء بعيد على أهلي
سناء: كيف؟؟؟
جلال: لا شيء 😐
سناء في سرها: خيره هذا شن يقصد بيها اهم شيء بعيد على أهلي؟؟؟ حطت ألف علامة استفهام على كلمته ومفروض مايقولها لمراته "
_______________________
فاتو اسبوعين على وفاة فرج أب يزن،، يزن ملوح في المستشفى مافيش حد دوره ولا سال عليه من خواته واستغربو كيف يزن ماحضر جنارة بوووه
مافيش حد دوره حس بالقيمة متعته كيف شخص من دون شعور ولا مشاعر شخص متحجز وكان تفكيره طمع بعض الشيء 😥😥😥!!!
سمير: وين خوك يزن ليا اسبوعين ماشفته؟؟
فيصل: باللهي ريحني منه
نورا: تشبحله والحقد في عيونها فوتوه حتى يرجع مافيش حد يكلمه
سمير: هذا في الاخير خوكم اخر شيء حتى انشوفو وين قاعد وين يأكل ولا أي شيء مش معقولة....
نورا: قلبك الحنون هذا وطبعك الطيب برا صدقهم ومعاش عندك ماادير بيهم هو سبب من وفاة امي وبووي مستحيل نسامحه ولا يعبآ عليه.......وح ندعى عليه كل ماندعى لأهلى بالرحمة!!
فيصل: نوضو ح نمشو ل خالتي نعيمة؟؟😳
سمير ونورا: 😳😳 شن خطر عليك توا؟؟ شن بدير عندها....
فيصل: اول شيء نعرفو سبب ماجوش ل موتة امي ولا بووي وثاني شيء امك طلبت منها السماح وضروري نوصلو فيها وخالتي وريهام اتسامحها على الاقل أمك ترتاح في قبرها؛/
نورا : هيا ماجت للموتة وح تستقبلك في حوشها شن يخرف هذا!!
سمير: تعرف ناسهم انت تمشي لخالتي تحساب روحك مشيت للجيران الدوة كلها تلقاها غادي وكان ادير العار اتلزنا من قدام الحووش 💔💔
فيصل : مستحيل خالتي نعيمة اديرهاا واني عارف إن في سبب منعهم من إنهم يجوو.....
نورا : نسيت ماقتلكم خالتي حنان والباقي مشو أول يوم لما بووي مات بس طقو مافيء حد وحتى لما امي مريضة ومشيت طقيت مافي حد!
فيصل:غربية معقولة باعو من اهني ورحلووو
سمير: راه كان هذا شفنا حد جيهة حوشهم ولا طلعلنا الراجل للي شاري الحووش طالع شن فيهم وضروري نعرفوو
فيصل: أي معاك حق توا نعرفو مع الوقت
نورا : اني عندي مش مهمين همي الوحيد انشد يزن نكسرله رقبته ونرتااح؛/
___________________________
ريهام فاتو عليا أسبوعين في حيرة لما نسمع بعمتي فوزية جاية نقعد نرعش ونتحشم قبل نلبد ولا منطلعش لكن توا حالة أمي كل مااتزيد ومش عارفة خيرها بكل 💔💔!!
بين يوم وليلة مرضت على حرارة وصداع إسهال،سعال حاد،طفح جلدي، حسيت حتى بوزنها نقص 😥😥
حسيت بيها ح اتموت خلاص.......
فوزية: والله مايصير منه الكلام هذا ضروري تمشي اتعاني توا الدكتور يعطيك دواء ترتاحي عليه؟
ريهام والله عييت فيها بس هيا مسكرة رأسها زي توا
نعيمة: خلوني في حالي بس عارفتها بردة اني لا أكثر
فوزية: في ناس يموتو منها البردة حتى نوضي بلا زهااق ريهام لبسي وساعدي أمك؛؛
ريهام وين شن بديري؟؟
فوزية: ح انكلم حسام يرفعها اتعاين حتى اني بنمشي معاكم......
ريهام سمعت حسام رعشت وفكرت شن بنقعد بروحي في الشقة باهي بنمشي معاها من دون شك؛
لبست أمي بالسيف بعد مامسحتلها العرق للي عليها درتلها عطر قووي 😥 وطبعآ كانت مش قادرة تمشي....
فوزية: حسام حسام؟؟
حسام في سره يارب السوق غطى رأسه بالمخذة ودار روحه رقد 😂😂
فوزية: نووض حسام وليدي نووض.....
حسام يتصرع خليني نرقد
فوزية: نوض خيرك عمتك نعيمة مريضة ونبيك ترفعنا مسكينة تاعبة....
حسام فتح عيونه شنو من المريض؟؟
فوزية: يازهاق قتلك نووض حتى ريهام ح تمشي معنا نووض.....
حسام لوح المخذة هي واتي هي بسرعة
فوزية: 😳😳
حسام: 😂😂 انبصر ح انخش انبدل 😀 خش فرحان لبس ومشط شعره على السريع وطلع عنده أهم شيء ايشوف ريهام / بس حرام كانو يتعلقو ببعض وبعدها!؟؟؟؟؟؟؟؟؟
💔😥!
نعيمة: خلوني مانبيش مانبيش
ريهام: معاش دورتها أمي بكثير مامتلبكة كيف بنركب مع واحد براني وقبلها مكلم أمه اكيدة فرصة ليه وح يستغلها من دوون شك؛/
فوزية: هي هي حسام يراجي لوووطا
____________________________
هنادي مشت باتت عندها هلها أربع أيام متواصل محرووق قلبها هلبا موضوع خيانة وموضوع الاخير طالع شن دار في الايام للي غبت شن كلي شن مداير وين مكسد 💔💔 اكيدة خدي راحته في الكلام معاها وماخلو عليش هذرزووو،،لكن اني بنقوول حسبي الله ونعم الوكيل بس!
انشوف فيه مهتم بالعمل متعه مهتم بالصالة الحديد مهتم بكل شيء إلا بيا أني وولدي وكل شيء يتعلق بيا ندمت اني تزوجته هو وتزوجت بكري 😥😥💔 شن كنت انفكر لما اتزوجت بعمر 16 سنة لكن بوووي قرر وظلمني لما زوجني منه؛/
هنادي: تبكي وتمسح في دموعها من لما شافت صهيب قرب لعندها حضناته والله لولاك راني مفكرة في الانتحار نأخد حبل وانريح روحي طول عمريي 😳😥
__________________________
مصطفى: انهار بدموعه يبكي على الحالة للي فيها هما تقطع تقطيع ايشوف في بنته قدامه اتذوب زي الشمعة وفي النهاية ح اتموت 💔😥😥!!
أم رزان: ربي معنا ربي معنا،،ربي في الوجود مستحيل ينتصرو عليا مهما طال الوقت 😭!!
مصطفى: كنت متوقع مع بداية الشهر ح تشفي بس شن هذا،، من للي داره لينا،،معاش حسيت ب ولا شيء ،
رزان: تبكي الدمعة مااتفرقش فيها لحظة معاش تقدر اتشوف روحها على المرايآ كل مااتحاول تتكلم حشاكم تنبح واتزيد النفسية تتعب أكثر وأكثر 💔
نجمة من اول يوم في العرس ولعت الاغاني وطلعت بيهم براا واتسمع في حوش خوهاا 😏😏 ماشية ايمين اتهز ايسار اتهز واتنشط في الجو مداااايرة روحها
أم رزان: حي الاغاني لهني وين الحشمة؟؟
مصطفى: وين جلال هذا مايعاركهمش بنات باللهي بنمشي مانبيش انهوب على الحوش وعارف نجمة تحرقلي دمي.....
أم رزان: مش لازم اتكلمهم خلاص شن مزال فيه الاسبوع!
مصطفى: اليوم الاحد 🌚!.
.
.
.
.
.
نعيمة ركبوها بالسيف هذه نوعية المريض والزهااق بدل ماتعرفيه بسرعة ايعاين ويروح تقعدي اتقنعي فيه....
ريهام كانو عيوني لوطا على شوية خشيت في السيارة متلبكة هلباا
حسام يتمعن فيها بمعنى الكلمة وحاول يساعد نعيمة ووصلها للسيارة "
فوزية اتهذرز بروحها بروحها مافيش حد مدورها نعيمة لاهية في مرضها والالم وحسام وريهام عيونهم في بعض كانو يحكو لبعض باللغة العيووون 😥😥!!
حسام:ريهام؟؟
ريهام: أمي وين خفت معاش عرفت شن انقوول!!
حسام: في الحجرة معاها أمي بنقولك على موضوع مهم مهم ❤ ❤
ريهام: أسفة مانقدرش نحكي معااك؟؟
حسام: دقيقة بس
ريهام: قلبي بيطلع وخايفة كيف بنتصرف شن بنقول كان فتحلي موضوع الخطوبة.......
حسام: اني شفتك قبل ومعجب بيك نبي انكملو مع بعض وأكثر شيء عجبني فيك انك عاقلة وواضحة ارزينة ومش هكي وخلاص اني واتي اكيدة تعرفي عليا شويهة شن قلتي؟؟!!
.
.
.
ريهام...........................! يتبع ❤
توقعاتكم للحلقة الجاية ح اتكون صدمة من للي بيمووت شن بيكون رد ريهام لحسام،، منو للي بتتزوج
واخيرآ بينكشف سر محمد بو ريهام 💔💔
شن الصدمة الجاية لريهام واحتمال منها ح اتمووت ولا شن بيصير فيها بالضبط!!
حلقة حماسية وناار كونو في الانتظار 👌🔥
لايك وأربع تعليقات 🧡🧡
#لسيف-القماطي 🧡