"BAKLA ka, na-miss kita!" Malakas na sigaw ni Shannah at mahigpit niya akong niyakap pagkakita niya sa akin. Alam kong isang linggo lang kaming hindi nagkita pero 'yong fact na ang layo ko sa kanila this time ay parang na-miss ko talaga sila ng sobra.
Bumitaw siya sa pagkakayakap sa akin at tumingin sa suot kong damit. "Ay, taray, Battle Cry member na talaga ang Lola ninyo."
Lumapit din sa akin sina Trace. "Napakaangas naman nitong kaibigan natin." Nakangiting sabi ni Clyde.
"Ganda ng jersey, ah!" Puri naman ni Trace.
"Para kayong tanga, nakakahiya tuloy sa ibang tao. Pinagtitinginan tayo." Reklamo ko sa kanila at tumawa lang sila. Naglakad kami patungo sa gilid ng third floor at pinagmasdan ang mga players na nagpe-prepare para sa match mamaya.
Pinagmasdan ko ang Battle Cry. Kinakausap sila ni Coach Robert para sa magiging plano mamaya.
"Ang ganda ng Lineup sa 5v5 match na 'to. Sayang lang wala rito ang Black Dragons na mayayabang." Sabi ni Clyde habang nakatanaw sa ibaba.
"Huh? They are here." Sagot ko sa kanya at napatingin silang apat sa akin nila Tomy. "W-What?"
"Nandito ang Black Dragons?! Bakit hindi mo kami sinabihan? Sayang, e 'di sana nakapagpa-picture kami sa Season 3 champion ng Hunter Online!" Paliwanag ni Trace sa akin.
"Hindi ko naman alam na gusto ninyo ring magpa-picture sa kanila. Lagi ninyo kasing bina-bash ang Black Dragon sa tuwing natatalo nila ang Daredevils."
"Ka-bash-bash naman talaga ang ugali nila," ani Tomy. "Pero hindi maipagkakaila na magagaling silang players. Napanood mo naman ang laro nila last season, ang lupet." Which is really true, magkakasama kaming pinanood 'yon.
"Sure akong makikita naman natin sila later, sabi nila sa akin manonood daw sila ng match ngayon." Paliwanag ko sa kanila.
Bumaba muli ang tingin namin sa venue. "Iba talaga ang awra ng Daredevils at Phantom Knights kahit mga substitute players lang nila ang lalaro ngayon." Sabi ni Clyde.
Napatingin ako sa kanila. Oo nga, they are more relaxed and nagagawa pa nilang magbiruan. Samantalang sila Captain Axel ay seryosong nag-uusap.
"Isa sa inaabangan kong laban ay ang laban ng Battle Cry at Laxus Familia." Trace said. "Sana magkatapat sila sa araw na ito. Gusto kong makita kung makakabawi ang Battle Cry sa kanila."
Oh, ngayon ay alam ko na kung bakit uneasy sila Dion ngayon. Ang Laxus Familia ang naging hadlang sa kanila sa qualifiers. Masakit sa ego nila panigurado kung matatalo sila ulit nito.
Para sa mga normal na manonood na game, wala naman dapat katakutan sa Laxus Familia since nagagawa silang matalo ng ibang teams. Pero sa aming Battle Cry... Isa silang malaking threat.
"Kaya nila Dion 'yan." Seryoso kong sabi sa kanilang apat. "Nakita ko kung paano sila mag-practice sa competition na ito. Sila ring lima ang pinakamagaling na players ng Battle Cry. Mananalo sila." Seryoso kong sabi habang nakatingin sa ibaba.
"Uh... Yeah. Mukha namang natuto na ang Battle Cry sa mga mali nila last season." Sabi ni Clyde. "Ah siya nga pala, may regalo kami sa 'yo."
"Ha?"
"Oo nga!" Pumapalakpak na sabi ni Shannah at may kinuha sa kanyang bag. "Nag-ambagan kami rito para maregaluhan ka lang as a way to congrats you for becoming a professional player!"
May iniabot silang maliit na gift bag sa akin.
"Singkwenta lang iniambag ni Trace diyan." Sagot ni Tomy.
"Tanga, wala akong pera. Bakasyon." Natawa ako sa sinabi ni Trace. "Kapag bakasyon talaga katulong ako sa bahay pero hindi ako sumasahod. Sermon nga yata ang pinapasahod sa akin ng Nanay ko."
I opened their gifts and isang flashfrive ang regalo nila sa akin na may Spiderman design. "Seryoso ba 'to?" Natutuwa kong sabi.
As a Computer Science student, ang laking bagay ng flashdrive para sa amin lalo na't ang dami naming ginagawa na related sa programming stuff.
Yumakap ako sa Kulokoy Boys and kay Shannah. "Sobrang thank you sa inyo!" I happily said.
Naputol ang usapan namin noong mah dalawang lalaki na lumapit sa puwesto namin. Sa tingin ko ay kasing edad lang sila ni Oli. "Shinobi, puwede po bang makapagpa-picture?" Nahihiya nilang tanong sa akin.
Ngumisi si Clyde. "Miss famous na talaga."
"Baliw." Sagot ko kay Clyde at lumapit sa dalawang teens.
Nakakatuwa dahil sobrang na-amaze daw sila sa akin lalo na't ako ang unang babae na pro player sa Hunter Online at ako raw ang unang Hunter na nakatapos ng Hidden Quest.
Dati ay nawi-weird-an ako sa mga avid fans pero ngayong nae-experience ko siya ay ang sarap sa pakiramdam na marinig na may mga taong ginaganahang maglaro dahil sa mga pinapakita mo sa game.
Umalis na silat at bumalik ang tingin ko sa ibaba.
Dmitribels calling...
Sinagot ko ang tawag niya at nakita ko siya mula rito na parang may hinahanap. "Hello, bakit?" Tanong ko.
"Nasaan ka?" Tanong niya.
Nakangising nakatingin sa akin si Shannah ngunit 'di ko na lang siya pinansin. Parang si Kuya London din 'to, eh. Lahat issue.
"Nasa third floor," tumingala si Dion at naghanap sa ikatlong palapag. "Sa may right side, malapit sa pillar."
Nagtama ang mata naming dalawa at kumaway si Shannah kay Dion. "Bakit?" Tanong ko ulit.
"Baba na kayo, magsisimula na 'yong match."
"Puwede ba sa loob sina Shannah?" Tanong ko.
"Oo, sabihin mo na lang editor natin sila sa Battle Cry para papasukin." He explained. "Tingnan mo 'yong unang kalaban namin."
Napatingin ako sa LED screen at nakalagay doon kung sino ang unang maglalaban-laban.
Battle Cry VS. Red Swan
"Naalala mo pa ba sila?" Tanong niya.
"Oh, sila 'yong new established squad na gustong kumuha ng rare item ko last time." Iyon 'yong time noong biglang sumulpot si Vegas at Rufus para tulungan ako. Ang liit nga lang talaga ng mundo, ngayon ay makakalaban agad sila nila Dion sa unang match.
"Ipanalo mo 'yan." Nakangiti akong nakatingin kay Dion sa ibaba. "Kapag hindi, FO na tayo."
He chuckled at tumingin sa akin. "Baliw. Bumaba na kayo. Mahihirapan kayo pumasok kapag dumami na ang taong manonood."
Tumingin ako kanila Trace at in-end ko na ang call. "Gusto ninyo raw bang manood sa baba? Nag-reserve ng seats si Di—"
"Tangina, oo." Sagot ni Trace at sila pa ang kumaladkad sa akin pababa.
"Iba talaga kapag may tropa ka ng Pro Player. Makakanood tayo ngayon ng match ng mga Pro Players ng malapitan." Sabat naman ni Tomy.
Noong nakababa na kami sa ground floor ay may mga nag-hello sa akin na mga tao. I am wearing my jersey kung kaya't nakikilala nila ako. Mayroon ding iba na masama ang tingin sa akin lalo na 'yong mga Baby Bra Warriors ni Dion kasi close kami ng idol nila.
Sa bandang likod umupo sina Shannah habang ako ay sa tabi ng nga ka-team ko. Naghahanda na sa harap sina Dion dahil sila na ang susunod na lalaban.
Magkalaban ang Phantom Knights at Berserker Godz sa pagkakataong ito. Fast match lang ang magaganap since 5v5 lang naman ito.
To be honest, habang nanonood ako sa LED screen ay manghang-mangha ako sa play style na ipinapakita ng Phantom Knights. You can see that they are definitely one of the top squad here in the Philippines.
Malakas ang core nila.
[Phantom Knights] Skorpion
Level: 26
Class: Thief
Manghang-mangha ako sa bilis na ipinapakita nito. Kung sa amin ay vision ang mga assassin (since they are roaming around the map to shotcall), sa kanila ay ito ang core nila.
Noong may dumaan na mage sa lugar kung saan siya nagtatago ay malakas na tumalon si Skorpion at binagsakan ng dalawang maliit na punyal ang ulo nito. Pagkababa niya rin ay mabilis siyang kumilos para atakihin at hiwain ang tiyan nito.
He easily eliminated one of the enemy's strong player.
In that match, Phantom Knights easily won the battle. They just finished it in just 8 minutes. That was really a fast match.
After the match ay tinanggal na nila ang kani-kanilang mga nerve gear at nakipagkamay sa kalaban nila.
"Sino diyan si Skorpion?" Tanong ko kay Liu.
"Oh, si Genesis," turo niya sa isang lalaki na nagsusuot ng salamin. Wow, wala sa hitsura niya na isa siya sa nagagaling na member ng Phantom Knights. He have this black messy hair and 'yong mata niya ay parang bagot na bagot sa buhay. He rarely smile kahit pinupuri na siya ng mga kagrupo niya. "He is a great player pero binabangko lang siya ng Phantom Knights."
"Bakit?"
"May mas magaling silang core kay Genesis. Nilalaban lang nila si Genesis sa mga small competition na ganito pero wala pa siyang experience sa pagsabak sa Hunter Online Tournament." But he is really great though.
Sunod na sumalang ang Battle Cry. Si Mom at Dad ay pinicture-an pa si Oli bago nito isuot ang nerve gear. Sobrang naaliw talaga sila sa cheerful na ugali ni Oli kahit kaka-meet pa lamang nila.
Nakangisi ang Red Swan habang isinusuot ang nerve gear nila para sa laban. "Ang yayabang talaga." Mahina kong bulong.
Nagkatinginan kami ni Dion at malakas akong nag-cheer. Itinuro ni Dion ang Red Swan at nag-thumbs down na parang sinasabi na tatalunin niya ang mga ito. "Baliw!" I shouted and he laughed.
Nagkatinginan kaming dalawa ni Liu na parang jina-judge ako ng singkit niyang mata. "Makasigaw ka naman, Milan, jowa ka?" Reklamo niya.
"Hina-hype ko 'yong team natin. Ang basher mong pekeng Chinese ka." Sabi ko.
"Hina-hype 'yong team. Si Dion lang hina-hype mo, eh." Naiiling niyang sabi.
"Ayaw mo bang manalo ang Battle Cry?" Tanong ko.
"Luh? Sure win naman na tayo rito. Sino ba 'yang Red Swan na 'yan? Pangalan pa lang, talunan na." Pagmamayabang ni Liu. Tingnan ninyo, bash sila nang bash na ang yabang ng ibang teams pero sila rin naman ay may times na mayabang.
Kagaya nang inaasahan ko, mabilis na natalo ng Battle Cry ang Red Swan. Sobrang nakatulong sa laban ang ginagawang shotcall ni Axel at ni Kendrix dahil nalalaman ni Oli kung kailan siya papasok at aatake sa mga kalaban.
Hindi ring biro na mage si Gavin dahil siya ang may pinakamalaking damage na nagawa sa kalaban kung kaya't mabilis itong napapatay ni Oli. Si Dion? Hindi niya pinabayaan si Oli in the entire match at siya ang sumasalo ng damage mula sa kalaban.
This is how Professional players works. Sa tournament, may kanya-kanya kayong role sa laban at kung magagawa mo nang maayos ang role na naka-assign sa iyo ay malagi ang chance na manalo kayo.
After the match ay nakipagkamay sina Dion sa Red Swan at lumapit na sila sa amin para panoorin ang susunod na laban. "Ano, FO pa rin ba?" Tanong ni Dion pagkalapit niya.
Umusog si Liu at umupo sa tabi ko si Dion.
"Huy, Liu, issue ka." Dumungaw ako para makita siya.
Tumawa lang si Liu. "Huy, Milan, praning ka." Ganti niya sa akin kung kaya't parehas kaming natawa.
Kasama na sa Top 4 teams ang Battle Cry na maglalaban mamaya kung kaya't may time silang magpahinga kahit ilang minuto.
Bumaling ang tingin ko kay Dion. "Ikaw, ang yabang mo na, kakadikit mo 'yan kay Gavin." Naiiling kong sabi at natawa siya. Pero mayamaya lamang ay sumeryoso na ang mukha niya. "May problema ba?"
"Mas magiging seryoso na ang laban mamaya, makakatapat namin panigurado ang malalaking squad dito sa Pilipinas." He said while seriously looking in the LED screen. "Natatakot lang akong matalo sa harap ng ganito karaming tao."
"Ang makapasok sa top 4 teams na lalaro mamaya ay malaking bagay na iyon. At tsaka, huwag mo kalimutan 'yong sinabi ni Coach noong nakaraan na nandito ka para may matututunan na moves o play style sa kalaban. Uyon ang main objective nang pagsali ninyo rito." Paliwanag ko.
Naputol ang pagkukuwentuhan namin noong may dalawang miyembro ng Phantom Knights ang nagtutulakan papalapit sa direksyon namin ni Dion.
Napaangat kami nang tingin sa kanila. "Ah, Shinobi, puwede raw bang magpa-picture?" Tanong noong lalaki sa Phantom Knights habang tinutulak ang kasama niya.
Tumayo ako para makapagpa-picture kasama sa kanila. I mean, privileged iyon para sa akin since isa sa mga bigatin teams dito sa Pinas ang Phantom Knights. Noong makita na may lumalapit sa aking mga players ay biglang nasa likod ko na rin si Kuya London. Ang kapatid kong punong-puno ng issue sa buhay.
"Puwede rin bang mahingi number mo?" Nahihiya nilang sabi.
Lumapit si Kuya London. "Puwede ka rin bang makasuntukan?"
Hinampas ko ang braso ni Kuya. "Kuya, tinatakot mo 'yong mga players." Hilig kasi manakot.
"S-Sige 'wag na lang. Joke lang." Sagot nila.
Akmang aalis sila noong tinawag ko ang isang player nila. "Pakisabi kay Skorpion sobrang na-amaze ako sa laro niya kanina. Ang dami kong natututunan sa panonood sa kanya."
As a Player who aspire to be assassin in the game, marami talaga akong nakuhang moves kay Skorpion so dapat naman talagang i-credits sa kanya ang bagay na iyon.
"Bakit ka ba nakarating dito?" Tanong ko sa kapatid kong sinusundan pa rin nang tingin 'yong dalawang player ng Phantom Knight.
"Number-number, pitikin ko bumbunan noong dalawa na 'yon, eh." Napairap na lang ako, hindi pa rin talaga siya tapos. Bumaling ang tingin sa akin ni Kuya. "Sasama ka raw ba kumain sabi nila Mom sa KFC?"
"Mamaya na lang siguro, busog pa kami nila Oli." Sabi ko.
"Anong busog sila Oli? Kasama na nila Dad pumunta sa KFC kanina pa. Silang dalawa ni Gavin. Ewan ko sa dalawang 'yon kung Professional player talaga o professional PG." Natawa ako sa sinabi ni Kuya. Doon ko nga lang din napansin na wala na sina Gavin at Oli dito.
"Mamaya na lang ako, busog pa ako."
"Takeout na lang kitang fries?" Kuya suggested.
"Yes, please."
"'Wag ka ngang nagbu-beautiful eyes, Milan, kinikilabutan ako sa 'yo." Inarte ni Kuya at naglakad na papaalis.
Umupo ulit ako sa tabi ni Dion. "Anong sinabi sa 'yo ng kuya mo?" Tanong niya.
"Inaaya tayo kumain. Sabi ko busog pa ako dahil ang dami kong nakain kanina."
"Same." He chuckled. "Nanlalaki mata ni Tita kapag may natitirang pagkain sa pinggan ko kanina kaya napilitan akong ubusin."
"Pero nagpasabay akong fries."
"Bumili din si Sir Greg ng burger and drinks, eh." Ayon much better 'yon para hindi ganoon kabigat sa tiyan.
Lumapit kami ni Dion kanila Shannah para makausap sila (nakasama na namin sila sa Samgyup so medyo close na sila). Tuwang-tuwa sina Clyde noong makapagpa-picture sila sa Daredevil members. Fan sila, eh.
"Enroll-an na next week Milan, sasabay ka ba sa amin?" Tanong ni Shannah. Oo nga pala, sa Friday naka-schedule ang enrollment ng Department namin.
"Oo, magpapaalam na lang ako kanila Coach na maaga akong uuwi sa Friday." Paliwanag ko kay Shannah.
Tumingin ako kay Dion. "Habol na lang ako sa practice that day. Tutal sa Hunter Online naman ang practice natin that time, eh."
"Maiintindihan naman ni Coach 'yon." He said.
"Dion, tingin ka sa screen." Sabi ni Clyde at napalingon kami rito.
Next round:
Battle Cry VS. Daredevils
Phantom Knights VS. Laxus Familia
"Mukhang mahirap na laban 'to, ah." Bulong ni Dion.
Definitely, hindi biro kalaban ang Daredevils lalo na't pangalawa sila sa pinakamalakas na squad dito sa Pinas.