بعد مرور شهرين…
بلا جديد يُذكر...
احمد ونسرين زي ما هم وحبهم كل يوم زايد…
رامي وشهد نفس الشي بس شهد بتمشي المقابلات براها وداسة موضوع مرضها من رامي…
انس وألين بقو بتكلمو 24ساعة...
ياسر وعبير برضو بتكلمو كتيييير...
امجد ودانة م قعد يتلاقو كتير وحتى لو اتلاقو بيناتهم مف كلام..
الجمعة...
كل العيلة مجتمعة في فلة حجة عواطف…
امجد:صحي كلامك والله ي انس..محتاجين لينا طلعة زابطة كدا
عبداللّه:امشو المزرعة اخدو ليكم فيها يومين
احمد:المزرعة الا نكون مؤجزين
انس:ليه؟...ممكن نمشي الخميس المسا ونجي الجمعة المسا
امجد:صح..وممكن نمشي الخميس م الصباح
انس:انا عن نفسي الخميس اوف
احمد:انا ورامي شغالين الخميس نمشي المسا
امجد عاين لفهد:اها وانت ي فهيدان؟
فهد:شغال الخميس برضو
عبدالرحيم:امشو الخميس المسا وتعالو السبت خلاص..بتقدر ي فهد؟
فهد حرك راسو:اي ممكن
امجد:خلاص اتفقنا الخميس الكل:ان شاء الله..ربنا يبعد العوارض
اتفقو انو يمشو المزرعة يوم الخميس الجاي…قامو اتغدو وورو البنات عن الموضوع
ألين:يييييي فلللة💃🏻
انس عاين ليها وابتسم…
بعد المغرب…
قاعد قدامو في البلكونة وبسمع في كلامو وقلبو بتقطع مع كل كلمة
انس:م عارف ياااخ..المهم بقيت احب احكي ليها اي حاجة ونقعد نتشاكل…يومي م بكمل الا اسمع صوتها..بعد مرات نص الليل بحس اني عايز اتكلم معاها..اتخيل؟!بدق اصحيها من النوم عشان مشتاق لصوتها..عاين ليهو..دا حب؟
فهد عاين ليهو مسااافة بعدها قال:الشايفو في عيونك دا؟...حب
انس نزل راسو وابتسم،همس:ألين
فهد بعاين ليهو ومن جواهو بتقطع
انس رفع راسو:اعترف ليها؟
فهد:اعترف
انس وقف علي حيلو:لا لا لا...ح اتقدم ليها
فهد بخلعة:تتقدم؟
انس قعد قصادو:اي ي فهد..انا م عايز اضيع وقت المرة الفاتت اتأخرتا لمن..لمن ران حبتك
فهد نزل راسو
انس:بس المرة دي لأ..انا ح اتقدم ليها طواالي
فهد بلع ريقو:ولو رفضتك؟
انس عاين ليهو بتردد بعدها قال:لا لا م ح ترفضني..فهد انا حاسي انها بتحبني انت فاهمني؟
فهد حرك راسو نظام اي فاهمك
انس رجع بضهرو في الكرسي بورا:هظارها معاي..اهتمامها بي..خوفها علي دا كلو معناهو شي واحد وهو انها بتحبني
فهد بلع ريقو بمرارة بعدها ابتسم لانس
امجد جاهم منكشح:ي سانات مالكم مفّردين براكم؟
انس ضحك:ولا شي بس فهد دا عندو مشكلة صغنونة كدا
امجد عقد حواجبو:مشكلة شنو؟
انس:مشكلة عابرة كدا وهسي اتحلت
فهد:كذااب
انس وامجد عاينو ليهو
فهد:مشكلتي عمرها م ح تتحلا
انس عقد حواجبو باستغراب امجد:قول مشكلتك بس ونحنا حضرانين
فهد ضحك:عان ديل ما صدقو
ومشا خلاهم
امجد عاين لانس:مالو الود دا؟
انس وهو بحاوط اكتاف امجد بيدو وبلوح باليد التانية:م مالو كان عندو مشكلة رخصة وهسي اتحلت
امجد بعدم اقتناع:اممممممم
المهم مشو اتونسو كدااا بعدها كل زول مشا بيتو…
بعد مرور يومان…
صباح الاثنين..
الثامنة والنصف صباحا....
دخل جامعتو لقى اسيل ومهيب واقفين مع بعض في نص الحرم الجامعي وقف في مكانو وهو بعاين ليهم عايز يشوف نهايتهم شنو..عقد حواجبو لمن شافها عايزة تمشي ومهيب وقف قدامها..ورفع حواجبو بصدمة لمن مسكها من يدها وفي كسر من الثانية لقى روحو واقف قدام مهيب وبديهو بووكس..
اسيل صرخت ومسكتو من كتفو:اممممجدد
امكد نتق يدو منها وكورك:انتي حاسبك بعدين
مهيب وقف علي حيلو:انت مالك ومالا؟
امجد جراهو من لياقتو:مالي ومالا دي حاجة بترجع لي..انت تخرس خلاص وتبعد عنها مفهوم؟
ياسر جاهم جاري وقف جنب اسيل البتبكي
مهيب:لا م مفهوم..م مفهوم ي امجد عبداللّه م ح ابعد عنها لأني بحبها وم بقدر اعيش من غيرها
ياسر طير عيونو بخلعة
اسيل بتعاين ليهو ودموعها جارين
امجد ابتسم بسخرية:بلااااي..مسك ليقاتو..طيب ي عم الحِبيب انت تاني لو لقيتك واقف معاها م تلوم الا نفسك اااا؟وانا م بعيد كلامي مرتين
لزاهو اتلفت علي اسيل مسك يدها وجراها وراهو لمن شنطتها وقعت ياسر شالها وجرا وراهم وهو بكورك:امممجد
امجد طبعا جاري اسيل وداها قاعة كدا دايما بتكون فاضية وقفها قدامو وكورك بعصبية:دا شنو الهبل الحصل برا دا؟
اسيل نزلت راسها بقت تبكي امجد:بتكلم معاااك اناااا؟!دا الخليتيني عشانو؟
ياسر:امجد براحة عليها
امجد:لا م براحة ي ياسر م براحة..جاتني يوم من الصباح وبقت تقول لي نحنا اصحاب وعلاقتنا فقدت طعمها ولاب لاب لاب...قلتا خلاص ي امجد البت صحبتك وم عايزة تخسرك بس طلعتي خليتيني عشان مهيب..مهيب ي اسيل؟مهيب؟
اسيل:خليتك؟ليه اساسا انت حبيتني في يوم؟انا كنت بحبك..لا م بحبك انا بريدك ي امجد وم عايزة اخسرك
امجد:انتي خسرتيني وانتهي الموضوع..خليتيني زي ما زمان دانة خلتني
اسيل:امجد لا
امجد رجع خطوة لورا:اي ي اسيل..اي
ومشا خلاهم..ياسر بقى واقف وبعاين ليهو متحير يمشي معاهو ولا يقعد مع اسيل البتبكي دي..حسم ترددو لمن سمع شهقاتها
جا عليها وهو بقول بصوت هادي:اسيلوو
اسيل اترمت في حضنو:كنت عارفة انو ح يزعل عشان كدا م وريتو..كنت عارفة انو م ح يتقبل مهيب
مسح راسها وهو بقول:هشششش..انتي عارفة امجد؟
اسيل شدت يدينها علي حضنو وهي بتبكي..
المهم ياسر هداها ومشا جاب ليها موية وكدا..بعدها دقا لأمجد م رد ليهو…
موقف عربيتو في مكان عالي مُطل علي النيل ومتكل عليها…اتنهد وكل الاحاسيس الحساها لمن دانة خلتو بقت تتعاد ليهو اي نعم هو م بحب اسيل ولا بحس اتجاها نص المشاعر البحسها لدانة..بس فكرة انو اتخلت عنو شبيهة بفكرة دانة..نفس شعور الخذلان الحسا بيهو زمان هسي حاسي بيهو...اتملكتو فكرة مُوحشة بتقول ليهو "انت انسان بائس ومف زول بقدر يكمل معاك💔"…خطرت في بالو اتمني لو رمي نفسو في حضنها..بكل ثقلو وبكل همو بكل العصبية المسيطرة اللابساهو دي بس تاني اتذكر انها السبب في دا كلو..هي ببعادها عنو زرعت جواهو شعور مرير م ح يقدر يتجاوزو ما حيا....
فتحت عيونها بصوت التلفون..جرت التلفون من الشاحن في الكومودينة وردت بنعاس:هههممم
فتحت عيونها لمن سمعت صوتو المتوتر بقول:عبير
عبير:ايوة ي ياسر
ياسر:امجد دقا ليك؟
عبير:لا..قعدت علي حيلها..ليه؟
ياسر وهو بدعك جبهتو:الصباح حصل خلاف كدا بينو وبين اسيل وطلع بدق ليهو م برد
عبير:خلاف؟ ليه يعني السبب شنو؟
ياسر:بسبب مهيب..متذكراهو؟
عبير:الود البتشاكل معاهو داك؟
ياسر:اي..مهيب طلع بحب اسيل
عبير:دقيقة دقيقة..اسيل الوحدة دي؟
ياسر:اي
عبير:اها
ياسر:امجد داقي جرس قايلها خلتو عشان مهيب
عبير بعصبية:هي فعلا خلتو عشان مهيب
ياسر:امجد اساسا م كان بحبها
عبير:بحبها ولا لأ في النهاية كانو مربطين تجي تخليهو عشان مهيب بحبها؟
ياسر اتنهد بتعب:عبير م ح نتاقش في الموضوع دا المهم هسي امجد
عبير:ومالو امجد؟ اكيد م ح ينتحر عشان ست اسيل
ياسر اتنهد..عبير زعلانة برضو قال:خلاص المهم لو دقا ليك وريني
عبير:طيب
قفلت ودقت لأمجد..م ردا اتنهدت وهي تقريبا حاسة بشعورو الحاسي بيهو هسي..دخلت الحمام…
ران اشرت لألين بعصبية نظام اررررح
ألين وهي بتتكلم بالتلفون اشرت ليها نظام اصبببري
ران جرت ليها يدها
ألين:ثواني ي انس..غطت سماعة التلفون..ران مالك انتي مشكلتك شنو؟
ران بصوت واطي لكين معصب:ملالة تملك ارح المحاضرة بدت
ألين:امشي قلتا ليك م تتعاوري
ران:ماشة اصلك شكلك ح ترسبي بسبب ازفت دا
ألين لوحت ليها بيدها بلامبالاة وختت التلفون في اضانها وهي بتقول:الووو
انس:اي معاك..في شنو؟
ألين:مف شي دي ران كانت عايزاني ادخل المحاضرة
انس:عندك محاضرة؟خلاص يلا لبعدين
ألين:لا لا م ضروري
انس:انتي لسا واقفة؟...يلا علي المحاضرة يلا
ألين ضحكت:طيب ل تتصل لي متين؟
انس بتفكير:اممممممم..لمن ارجع البيت
ألين:تمام يلا
انس:يلا
قفلت وهي مبتسمة ومشت دخلت المحاضرة ،قعدت جنب ران وهي بتهمس:هدا قفلتا ارتحتي؟
ران بنفس الهمس:قافلة ليها شنو المحاضرة نصها انتهت
ألين ركزت مع الدكتور وم اشتغلت بيها...
واقف في مكانو من الصباح...وساعدو علي ذلك انو الجو مغيييييييييم والشمس مف…تلفونو دقا للمرة العورشمية وخمسة...المكالمة فصلت بعدها جاتو زي 3 رسايل ورا بعض..طلع التلفون من جيبو فتح الرسايل وزي ما اتوقع لقاهم من عبير محتواها "امجد رد علي"
"انت وين هسي؟"
"انا جاية عليك رسل لي اللوكيشين"
لوكيشين شنو ي ماما اسمها وصف لي مكانك😂👋🏻
عاين للرسايل مسااافة عارفها مستحيل تخليهو وم ح توقف مكالمات الا تعرف هو وين اضافةً لأنو بالجد محتاج ليها جنبو…اتنهد وكتب ليها هو وين في رسالة...
دانة في جامعتها اتنهدت وهي بتعاين ل مايرا صحبتها بس عقلها م معاها..م سامعة من كلام مايرا ولاا حرف…حاسة انو في سم ثينغ رونغ حاصل لأمجد بس م قادرة تحددو شنو…
بعد مرور ساعة…
تلفونو دقا ردا لمن لقاها متصلة عليهو،امجد:اي ي عبير
عبير:انا وصلتا انت وين؟
امجد:بالجهة الشرقية
عبير:ثواني..خلاص شفتك
اتنهد وقفل التلفون
عبير جات وقفت جنبو وقالت:راجلي
امجد عاين ليها ورجع يعاين للنيل وقال بدون نفس:مرتي عبير اتكلت في الكبوت وهي بتعاين ليهو واقف من غير حركة
لمن لاحظت سكوتو طال قالت:ح تفضل واقف كدا كتير؟
امجد اتلفت عليها ورجع عاين للنيل
عبير:اسيل غلطانة ي امجد
رجع خطوة لورا من غير واتكل علي العربية بقت هي قاعدة وهو متكل
امجد:جاتني يوم من الصباح وقالت لي ي امجد خلينا نكون اصحاااب..ي امجد انا م بحبك…ي امجد خلينا نتخلص من العلاقة الخانقانا دي…وي امجد ي امجد ي امجد..نزل راسو..قلتا مااااشي البت صحبتك ومشاعرها كانت جايطة وهسي اترتبت مع انو مف مشاعر بتجوط ل4 سنة…بتجوط يوم يومين شهر شهرين..بس 4 سنة؟ لا…بس قلتا معلش البينا م هين..يخ يااخ انا كنت ببكي قدامها…عاين ليها...متخيلة حجم الموقف ي عبير؟...بقعد قدامها وببكي ببكي وبقول ليها دانة خلتني..دانة كسرتني…دانة غدرت بي وقهرتي….جات هي الليلة عملت نفس الشيكتو ليها زمان…كل الناس مستغربين في علاقتنا دي انو انا م بحبها لكين برضو متمسك بيها…انا متمسك بيها لأني ممنون ليها..اشر علي رقبتو..عندها دين في رقبتو ح افضل شايلو ليها العمر كلو..دين لأنها اكتر وحدة ساندتني وقت حبيبتي البحبها خلتني..استحملت عصبيتي وطبعي..دين انها عمرها م حسستني اني تقيل عليها اسيل حسستني اني الراجل الوحيد في الدنيا دي
عبير والعبرة خانقاها:انت بتحبها؟
امجد:لا لا لا لا انا بحب دانة..اشر علي قلبو..دا لدانة ومحرم غيرها..بس اسيل كمان صحبة عمري البعزها وبحترمها..الاتنين مشو خلوني صحبتي وحبيبتي "انا قاعدة انفع؟😁"…اي انا صعب وعصبي وكتوم وم بعبر لزول عن مشاعري بس م سئ لدرجة انو م يستحملوني صح؟..عاين ليها..انا سئ للدرجة دي؟
عبير اشرت ليهو براسها نظام لا لا وهي دموعها 10/10 عاين ليها مساافة بعدها ابتسم بسخرية واتلفت علي النيل
عبير ببكى فتحت ليهو يدينها:ممكن احضنك؟
امجد عاين ليها مساافة بعدها اترمي بحيلو كلو في حضنها...تلقائيا رجعت لورا حاوطتو بيدينها او بالاصح حاولت بقدر الامكان تحاوط جسمو بيديها الصغار...
امجد ابتسم وهو خاتي راسو في صدرها ويدينها حولين نصو…فكاها بعد مسااافة
ابتسم وقال:شعروك شنو بلاي وانتي حاضنة امجد عبداللّه علي سن ورمح؟
عبير ضحكت بين دموعها:ي ود اتلهي..اساسا م بتعرف تحضن ولو عرستا دانة وحضنتها كدا تخلعك في المحكمة
امجد بقى يضحك باعلي صوتو
عبير ابتسمت وهي بتعاين ليهو
امجد وهو مبتسم مسح ليها دموعها:بتبكي ليه خلاص امسحي دموعك
عبير نزلت راسها ورجعت شعرها ورا اضانها
امجد:جبتك فزع بقيتي لي وجع..بدل تسكتيني تبكي قبلي؟
عبير ضحكت:لقيتك م بكيت قلت ابكي انا في الجو الشاعري دا
امجد ضحك:شاعري قلتي لي؟..ناقصو ياسر بس..وغمز ليها
عبير ضربتو بتلفونها في كتفو:حيواان اصلك م بتبطل حركاتك دي
امجد:اعمل شنو ديل الكلب عمرو م يتعدل
عبير ضحكت:هي بمناسبة ياسر المفروض ادق اطمنو عليك..الصباح ضرب لي وكان مقلق شديد
امجد ابتسم بحب لصحبو ورفيق دربو
عبير دقت لياسر طمنتو وكدا…المطرة بدت تنقط دُقاق دُقاق ركبو العربية عشان يرجعو قبل تشد اتونسوووو لحدي ما وصلها بحري وقف علي العربية وهو بقول:يلا كت يور فيس
عبير: انت مشكلتك انو اسيل خلتك ولا انو مهيب بحبها؟
امجد عاين ليها
عبير:مشكلتك فكرة انو في ولد بحبها ولا انو الولد دا مهيب؟
امجد بضياع:م عارف ي بيرو..كل العارفو اني لمن شفتها معاهو وهو قال لي انو بحبها حسيت نفسي فقدتها..حسيتها مشت خلتني زي ما دانة عملت
عبير ابتسمت:عارف اني معاك ومتسحيل اخذلك؟
امجد ابتسم ليها:عارف
عبير:ولو عنستا يعني وم لقيت ليك بنوتة..تعال بعرس ليك بتي
امجد ضحك:بتك مرة وحدة؟
عبير:اجل نعم..وابقى نسيبتك وهيكا يعني😴
امجد:سمح ي نسيبتي ممكن تنزلي عشان اتوكل قبل المطرة تزُرني؟
عبير ضحكت:تمام نتلاقي
امجد:الجمعة ح تمشي معانا المزرعة؟
عبير:نهي تومتم
امجد:ليييه
عبير:م قادرة والله عندي تست السبت
امجد:اممممممم..يلا اتشايلي عبير نزلت واشرت ليهو نظام باااااااااي…
مساءً...
الحادية عشر منتصف الليل… قاعد في البلكونة بعد المطرة كبت ووقفت فتح تلفونو جاتو كمييييية من الرسايل اتجاهلها كلها كتب في الاستوري "مساء الخير..كل الخير لمن تُركو علي الطرقات، لمن خاتنهم الدقات،لمن كانو محطات وظنو انهم وجهة😴💔"
نظرا لأنو الدنيا ليل الناس كلهم ماسكين تلفوناتهم..قبل يتم دقيقة الناس بدو يشوفو..اول واحد شافو فهد طبعا الكلام مسّاهو بقى يقرا في مسااافة..حرفيا هو تُرك في نص طريق الحب..خانتو دقة قلبو الاولى لمن دقت لبت بتحب غيرو..اتنهدت وردا ليهو ب "علي طُرقات المنتظرين رجل شاب شعر رأسه من حب امرأة اصبحت اماً...وعلي ذلك الصريف البائس نفسه تربعت عجوز تهمس للعابرين حذاري ان تصدقو الوعود فتموتو ألما.."
بعدو شافتها عبير كتبت ليهو "نحن يُندم علينا واننا لسا بنادمين..نحن الخسائر وليس الخاسرون😴✋🏻"
اسيل شافتو وعيونها رقروقو…
ران شافتو وكتبت ليهو "وكل من اُصيب بغير قلبه مُعافى💔"
ياسر شفاها وكتب ليهو "واقف براك والهم عصف…
ريحاً كسح زهرة صباك..
ليلاً فتح شرفة وجع..
قمراً رحل فارق سماك
جدد عذاب الارصفة
ضو المصابيح البعيد اتعب عيونك وانطفى.."
واخيرا…دانة كتبت ليهو "وقد تظن انك هامش في قلب احدهم..بينما انت الفؤاد وما يحتويه✨🌸"
طبعا امجد بس بقرا في الاقتباسات دي وببتسم بألم علي حالهم…كل واحد فيهم عندو وجع شاركو معاهو بإقتباس….
*"أجمل ما تفعله بنا الإقباسات شعور الشراكة مع الآخر المجهول،كلنا نحمل نفس العلل التي تجعلنا نجتمع حول النص المُعبر🥀🖤"*
سوري علي الاخطاء الاملائية😴🖤
#يُتبع…
mosha🌸✨