هبه عليك الله افهميني ياخ انتي ما ممكن تكوني انسانه مستفذة للدرجه دي ياخ انا م عايزة اسمعك ولا عندي وقت ليك انا نازله امتحان الشهادة بعد اسبوع وما فاضيه لي قصص حبك دي عليك الله اختاني بس يا هبه ياخ خمسه دقايق بس م بضيع من وقتك عاين ح تمشي ولا امشي انا؟!خلاص ماشي بس اتأكدي ح يجي يوم واتكلم معاك واليوم دا م بعيد .
.
.
.
بسم الله انا هبه 16 سنه ممتحنه شهاده 🤓 امي سيدة اعمال في قطر وانا في السودان الجميل الرائع🙂قاعده مع صحبتي اسيل من بدايه السنه😂نظرا لانو اهل امي كلهم في كجبار (محس واجرك على الله🤓)واهل ابوي علاقتي معاهم سطحيه شديد عندي عمتي وحدة واقلب الوقت هي برة السودان وهي اكتر وحدة مغربه لي😘ابوي متوفي ليو 8 سنين (ادعو ليو بالرحمه❤️) نرجع لروايتنا.
.
.
اسيل اسي الولد الثقيل دا كرهني المكتبه زاتو ممكن كل م اجي القى في وشي انا شايفه باقي الايام دي نشوف لينا مكتبه تانيه اي ي هبه بكون احسن لانو الولد الثقيل دا شكلو م ناوي على خير
هبه:عايني انا جوعتا شديد نازله الكفتريا تحت اجيب لي حاجه اكلها اجيب ليك معاي؟
اسيل:لا م نفسي والله
هبه:طيب
عاين لو سمحتا اديني اتنين طعميه وم تكب شطه
:🥯🥯
هبه:الحساب؟
: 100ج
اسيل هاك انتي من الصباح م ماكله حاجه وكدا م ح تقدري تركزي 😘
طيب يعني اصريتي وجبتي لي😂عارفاني م بكثفك😂
خلاص اكلي عشان نخلص ونرجع على البيت لانو امك نبهت علي قبيل قالت م نتأخر لانو هي ومحمد اخوك طالعين والبيت ح يكون فاضي
اسيل:لي ابوي وين؟
هبه:الليله شغال في المستشفى وح يبيت هناك لانو عندو عمليه الصباح بدري وم بلحق لانو البيت بعيد والزحمه
اسيل:طيب ظابط
اسيل خلاص كفايه لليله خلينا نقوم لانو زاتو بعد دا م بنلقى لينا ركشه الا نكدرها بس😂ارح ارح زاتو نشم هوا
رككككشه🖐
سلام عليكم عاوزين نمشي بيت المال ببنزل منك في الصينيه
بشيل منك 200:🧔
لي ي عمو هي كلها بس قطعه الكبري دا بنديك 150 بس 😒
يبتي م بنفع والله هو زاتو بنزين ماف🧔:
انا ما لي علاقه بالبنزين والمشوار دا مشوار رجلين بس احنا مستعجلين 😒
خلاص امشي برجلينك😘 :🧔
وفووو مشى😂
هبه يزق مالك طفشتي الراجل اسي تاني نلقى لينا ركشه وين؟😒
اسيل بطلي كسل وارح كلها قطعه الكبري 😘
ارح طيب امري على الله👭
#اقتباسه
*" نُحن لا نحُب حين ننبهر، بل حين نطمئن."
يتبع..