رانيا__بين صياحه واعصابه المفرطه
رقيه حضنتني تناشغ وهوه ركع المخده
وطلع جان شايلها بيده من كاعد خالها
بحضنه
خالتي سكتت كالت هذا راح اطك روحه
ويفشلني ويه خالته وزوج خالته
صدك لليل اجه فاير ويعارك ذبان خشمه
عفته محاجيته سويتله عشه البنات كاعدات
نور كالت يام انتي موكلتي من يجي اخوجن
اخذ منه يله شوكت ينطينه
خالتي_ شوفنه صاير بارود غير هسه
يكون عليه عوفنه يهدء واحاجي
نسرين_اوووو يمه وراي تجهيزات كوام
وين الحك
خالتي_تلحكين بس هيدي شويه
نسرين__غير حاجزه وابو البدلات
كال اذا باجر مااجيتي اخذتبها يروح
حقج نبيعها
خالتي_ مااسكتين عني نسرين مشوفن
اخوجن مشتعل شلون اطلب منه فلوس
نور__وشعلينه احنه هوه وبيت خالتي
نضل ناطر لحد متخلص ماخلصت بعد
شهر شلون بله
اني صافنه كتلها انتن متحسن بخوجن
مدكولن خطيه دمه محروك وحاير بأمره
ورط روحه ويلوب صارله كم يوم حتى نوم
مينام وانتن حايرات بس بلشرايه وبنفسجن
نور__وليش هوه محملها هلكد شكو واذا
زوج دعاء وين يلكه منها عوجت حلكها
هااا عادي عدجن يزوج واني شنو هنا
موزوجته متوكفن وياي ويااا لو بس عدجن
بت خالتجن هذا المهم
نسرين__هوه ليش طلبها اذا ميريدها ليش
ورط روحه ودعاء تحبه وتريده تموت عليه
وبعدين انتي من الاول مجنتي تردي هسه
شنو التغير
كتلها تغير هواي امور صار زوجي وابو
بيتي ومستحيل اخلي ساخذها واعرفها
تتواصل وياجن وصللها لو تموت مااخليها
تنوله ولا تتهنه بي خلي تحفظ ماي وجها
وتعوفه مو هوه حلاوه وذابحه نفسها
اذا بيها حظ وبخت وتخاف الله خلي
دكول رجال عنده مره وجهال ويحبهم
وميريدني ليش اذب روحي عليه لو
من قلت الزلم كامت تلتف على المزوجين
نسرين نترت شنو بابا ميته عليه لو بس
اخويا موجود وبعدين بارق بنفسه كال
اريدها ومالكه احسن منها لو يشوف بيها
عيب ميطلبها
كتلها وهذا مبتغاها تريده ومااتت لحد
مطلبها وكان بحالت عصبيه وصليلها
رسالتي لو علاجها يمه من دونه تموت
اخليها تموت ولا يصيرلها
وريح حالج تاخذين زياد ميطير
وتلحكين تعرسين فلا تحركين
بروحج موزين عليج
عفتها تتكاتل والنار بكلبي مشتعله
اخذت جهالي وصعدت فوك طببتهم
عفتهم يلعبون اني الف حسبه بالي
المن اصير
على صفنتي دك جهازي باوعت امي
فتحت هلو يام شلونج
_هلو حبيبت امج شلونج انتي غاطه
لاتجين ولا سألين
انتي كلتيها غاطه بلبيت والجهال
_شلونه رجلج عمتج
زينين تعرفين بارق بين البيت والدوام
_الله ينطي الصحه والعافيه ويستر
الكم
الله يسلمج امين شلونه بيت جدي اخبارهم
_بيت جدج كلهم زينين بعد تعرفين من
اخر سالفه مال بت عمج وهاي عمامج
يوميه جايين كل شويه سالفه شكل
هااا وشقررو
_عمامج وجدج مصرين يطلكوها
يااا اسمالله هوه الطلاك هين حجي
لسان
_جدج كبر وتعب واكثر شي عمج
بسام حاد اسنونه وهي يشوفها
تلوب وبس تبجي شيردون يسون
وهذا رجلها ماينكحم ذاك اليوم
اجه حجه حاول ماقبلو حجه وياهم
بلعرف العشائري خل عمامج يفورون
يعني اخذها وغصب عنكم انتو ماتحكموني
عسى ماازوج اربعه بعد ابن عشاير
وتعرفين يصيرون لسانات ويلعبوها
صح
شنو هوه بكيفه يوم عنده ولد وضام
ويوم يرجع مرته هذا يلعبزين ورد
شنو قرارها
_بس تنوح وشمايكلولها دكلهم بكيفكم
هل عمامج مصدرين القرار وجدج يكلهم
ذوله مايهمهم المره تعبت عانت وضاجت
جاعت اهم شي كلمتهم كدام الوادم وبت
اخوكم ترفه ماتتحمل انطلكها وترجع يمنه
حالها حال الموجودين
اسمع من امي وكلبي يتفاورلو يعرفون
بمصيبتي شيصير بيهم
_واخوج محيرني ومامخليلي عقل
ياستار منو منهم
_امين
خيره
_ياخير ومرته متريد بزر
يااا هاي شنو جديده
_اي دكله وراي دراسه واخذ الدكتورا
يله افكر بلاطفال
شنو هي حامل
_اي حامل ومتريده تريد اسقط واخوج
متخبل عليها ومتحاجين ورايحه زعلانه
شجاهم ماصارلهم 4 اشهر منزوجو
_يايمه عيب هسه اليسألني شكله
زعلانه ونوبه اخوج يجيله ساعه ويشرد
من البيت يضل وحده بلشقه وبالي يمه
ميعرف يطبخ واضل هاا تغده هاا تعشه
اخابره اكله تعال يمنه يكلي بيت جدي
يخنكني بله عليج شسويله
يمه خلي على راحته ولازم ترحين انتي
وبيبي تفتهمون من مرته شنو ضاله زعلانه
ويمكن طيح الطفل بدون متدرون
_هل اني كلت البيبيتج كالت تفض سالفة
ورد باجر كعدتهم والولد كال اجيب عمامي
يمشاكلكم الماتفض
_يايمه منو من عدنه يدور مشاكل هي
العالم ماخالته على الله تمشي جفي
ديله حبيبه سلميلي على خالتج
والبنات وبوسيلي الجهال
ماشي يوصل
سديته منها خاف جنت عايزه التمت
عليه ويكلولي لتقهرين روحج لاتهتمين
واذا المني وبيه شايلهن
بعدني دااكوم انيمهم للجهال
طب بارق ينافخ نتر نزلي سوي
جاي
وهوه يفتح بقميصه جر التشيرت
والسويتر لبسهن ونزل بسرعه
عاد عفت الضوه مشعول ونزلت
وراا
تلكني بلهول خالته ام زياد تنفست
براحه جنت مختنكه فدلا اهل دعاء
سلمت عليها بوستني مره حبابه
ومابدرمنها شي تجاهي
سويت جاي والعروس كاعده توزع
ابتسامات والمكياج تارس الوجه
ودكول مدري منو خاطبها حتى
ثكل ممخليه لروحها
كملت وفضل نزل يمي هوه واخته
يلعبون ويفترون عفيه جهال ميتعبون
من غير الشرايه من المحل البصفنه
شهريتهم فوك الميه بس حلويات
صحته روح كل البابا تعال اخذ الجاي
شويه وطلع فاتح النونه ومسترخي
اخذه مني وطبلهلم رغم همه ولد
خاله بس طبتهم قليله مومثل بيت
اهل دعاء هواي يجونه وخالتي
والبنات يرحن
قدمت الهن جاي جانت جايه بس
خالتهم وحماتها هم مره مت سطت
العمر ضلت سولف وياي
اتفقو على الذهب والنيشان شكد
بشكد والزلم يتفقون على الحاضر
والغايب ابو الولد واخو الجبير وبارق
اثناء الحديث كالت حماته اسمها ام اسماء
ياحلوه ماعدكم مره بعد لو خلصتن
ضحكت اي عدنه المن
_ياصلات النبي اي وحلوات مثلج
لو لا
هههه شنو عيني دورون حلوين
_لعد شلون ابنه حلو هم نريدله
بنيه حلوه عاد نحسن بنتاجنه
خوماانضل نجيب مصلبخين
ردت ام زياد اي النوب ذاك اليوم
بت حماي زوجت ابن حماي ابن
العم وبت العم زر..... سليمه عينتن
هيه (اصير اخت ام اسماء)
ام اسماء__اي شفتها تشبه المرحومه
كتلهن شبيها موحلوه
ام زياد__ياخاله هونت الله لوكلتي
موحلوه غير متنشاف وهي المرحومه
جانت مريضه وراحت الدار حقها ماتت
ومحد متقدملها
يااا خاله خلقت ربج بعد هاي خلقتها
شسوي قابل هي مختار هذا الشي
ام زياد__ موهل دااكلج واحد يحسن
النسل نغير شنو يخلفولنه استنساخ
هس هاي البنت لو كبرت منو يدك بابها
نطت نور هم ابن عمها هههههه ويخلفون
سليمه ثري للجيل الثالث
سكتت كوه ضميت ضحكتي حسيت
ام اسماء شويه ضاجت
عاد كالت اي رانيا ماكتلي عدكم
ههههه يااا صدك تحجين
_اي وداعت جهالي عدن خير من
الله شباب دور على نسوان وانتي
شفناج وعاشرناج ماتتعيبين عاد
ندور كربكم
والله ياباجي مااعرف عدي بت عمي
اجيت اكول اختي وترددت هاي رافضه
الزواج ومتعقده من روحها
_كالت اي وشلونها حلوه للأمانه من هسه
علمود اذا رجعت نتوكل نشوفها
ردت خالتي ياهي تقصديها
كتلها وداد
_كالت يااا داده غير جمالها لبناني
ومعانيه مفصله كلش حلوه اني
شايفتها
كيفت وضلت دقق لحد مكالت ام زياد
هنه كلهن ماشاءالله عليهم حلوات
وردتلي وحده لبني الجبير وكالو محجوزات
كتلها اي خاله جانن كبل جدي حاجز
مثل شوايتكم بت العم لبن العم بعدين
تغيرت هواي امور وازوجن ضلت بس
وداد
خالتي كالت هاي الضلت احلاهن
ام زياد_لا والله انه اشوفج جنتج احلاهم
وابتسمت تجاملني
ام اسماء_مو كدامها كل دكول جنت بيت
ام نصير احله وحده بين جناين ابو حاتم
تقصد(جده لبارق )
كتلها الله يسلمكم عيونكم الحلوه
شويه واجه فضل يركض بيبي
جدو يكول يله
كامت ام زياد اي جايه جايه
جلبت خالتي ماقبلن يضلن
رنيم__واكفه منتضره دوري اخذ ملازمي
عدنه ممثل الشعبه يسجل اسماءالطلاب
اليريد الملازمه كل بداية فصل ملزمه
وحد واليريد وحده يروح المكتبه ياخذها
لان هناك ازدحام وطلاب وطالبات يوكفون
استصعبها اروح للمكتبه ازدحام وصير كتل
عليهم
اخذت الملازم وطلعت ويه البنات انتضر
الخط دنمشي دك جهازي طلعته من الجنطه
شفته امين رديت
_بعدج بلكليه لو طلعتي
رايحه للخط
_ضلي اني اخذج
وين انته
_يمج بلجامعه انتضريني يم الكافتريه
لو بحديقة البوابه علمو احرك واخذج
مناك
ماشي اني قريبه علبوابه
_ديله اني جايج
سديته قلقني مو من عادته
يجيني هيج ايام
انتضرته بلربع ساعه دك هورن
جنت اسولف ويا بنات كاعدات
هم ينتضرن الخط فيكعدن بلحديقه
ترخصت منهن رحتله صعدت مشغل
تدفئه والجو حلو ومثل برودت الايام
الفاتت كتله طفي حريت جنت امشي
ولابسه هواي
طفا وفتح الجامات حرك
كتله شعجب هنا
_اجيت علمود بحث على كم امراض
جراحيه
شنو تدرسون
_لا اجتهاد مني وكم طبيب مقيم هم قدم
هااا وعلي شنو
_شنو العلي
يعني جائزه
_ابتسم ومناضره الشمسيه لابسهن
دار عليه لا عمري كل جائزه ماكو
اذا نتائج البحوث النقدمها مطابقه
للعمليات والبحوث المقيمه عدهم
ونكدر نتوصل لو شي بسيط من
العلاج النه جوائز تقديره
واحتمال بحوثنه تتقدم كمشاريع
مستقبليه ونكدر نتوصل لعلاجات
بعض الامراض وهذا يساهم للدوله
تنطي منح دراسيه
فرحت من كلبي يعني الك نيه تكمل
_اي اكيد اكمل واخذ الدكتورا بس موهسه
لعد شوكت
_رنو الدراسه هنا مع الاسف بيها ومايكون
مستواها نحو الادنى رغم كانت مؤشرات
السنوات السابقه والاستبيان الدولي والعالمي
يجيدون بدكاترت العراق واذا ملاحضه اغلب
دكاتره العالميين هم العراقيين
ليش عود
_لان الدعم المعنوي اساس الابداع اني
مو ادرس واذب جهد بس بلمقابل عندي
ضغوط نفسيه جهدي ضايع من اشوف
سهر وتعب تجي ورقتي مقبول لو ضعيف
هناك الهم اساليب يخليك تبدع عدهم مجالات
واسعه للتقدم موشرط تكون طبيب او مهندس
او ...الاختصاصات الصاعده
عدهم كل اختصاص اله مكانته ومجاله يكدر
يمارسه من يتخرج مكانه موجود سواء على
الخاص او على الحكومي
حتله مشوف اكثريت اليتخرجون اسم
عدهم شهاده حتى حصيلهم العلمي
فارغ
_اي لان يدرسون للنجاح فقط يكلك
اليوم ادرس واتعب وطلعت درجه عاليه
شنو الفائده واني اتخرج منا اكعد بلبيت
صح وهسه انت وين ناوي تكمل
_اوو بعد وكت منا فد سنتين ثلاثه
لا هواي ضيع من عمرك
_حسب مو بكيفي واذا محصلت المنحه
اطلع على حسابي
وين ياادوله
_عدت دول خليته بالي كمعترف ب شهادتها
دولين
هااا ليش اكو دول ميعترفون بشهادتهم
_اكيد هواي شوفي هي صارت خبيطي
اكو دول مستوى بعض الشهادت غير معترف
بيهن يعني اني من خليت برطانيه ليش لان
من اتخرج منها شهادتي الها مكانتها بين الدول
تعتبر الدوله الاوله من حيث التحصيل العلمي
للطب لان مجال الطب تعرفين صعب وحيات
الناس بين ايدينا موهين مومثل بعض الدول
اكو دول عدهم النظام الاقتصادي اعله شي
لهذا خرجين الادارة والاقتصاد اذا راحو هناك
عدهم فدشي مثلاً استراليا عدها الطب البيطري
مرتبه اوله اعله معدل يروح طب بيطري
لهذا كل دوله ونضامها اكودول تقبل ابو ال50
طب لن تسلسل الطب بنضامها بلمرتبه الاخيره
برطانيه من الدول العظمه الي اجرت اصعب
العمليات وكدرت تجتازها لكفائت اطبائها
ابتسمت ربي يوفق وتنقبل بلجامعه البرطانيه
وتكون من انجح الاطباء بلعراق
_ضحك كثريلي من هذا الدعاء
ان شاء الله
وصلنه العماره الموجده بيها شقته
نزلنه فتح الجنطه نزل مسواك
هاي شوكت سوكت
_قبل مااجي يم تقاطع....واحد مفتح
ومحد يمه
خل اعاونك اخذت منه كم علاكه وصعدنه
دخلنه استغربت هوست الهول سكتت هوه
خل العلاليك على ميز الطعام بلمطبخ
ملابس وروب نوم والطبله متروسه كشور
حب وكرزات وماعون فواك بوكتها حتى
الفاكها ذبلانه رغم الجو بارد موحار
نركيلت امين والنحت مال الفحم صاير
على السجاد اشوف البيت مومال عرسان
التفتت عليه هوه واكف مدري شيسوي
يم ماكنت الكهوه شافني وخر
اجه يمي كال شبيج صافنه
شنو مناوي ترجع مرتك
_كعد تنهد سحب باكيته كدام على
الطبله الخشب ورث وباوعلي مخليها
معززه مكرمه محد طردها تريد ترجع
الباب مفتوح الها متريد براحتها شعندي
شغل التلفزيون من الريموت شوفي
الكهوه وصبي
متتغده
_مااشتهي ماكل اذا تردين سوي
لا اني اكلت قبل ساعه
رحت صبيتله كهوه والي هم صبيت
شربنه ساكتين يباوع مسلسل
شويه وكمت دالملم باوعلي عوفي
لا شعندي قابل اعوف المكان هوسه
سكت ودار يباوع للمسلسل
ضليت اعزل طبيت الغرفتهم
الله يساعد امين ادري بي
ميحب الهوسه شلون تحمل
كملت الهول ماعدهم شي وصخ
بس هوسه مبينه هي ماعدها ترتيب
صح ملابسها وملابس امين نضيفه
بس بدون نضام وكلشي بمكانه
كملت تعزيل رجعت للمطبخ شبه مطبخ
والحايط على الهول نص مفتوح
شقتهم يمكن 70 مساحتها بس شي
على شي حلوه وتفتح النفس الديكو
والصبغ وامين ماترك شي مسوا حتى
سقف ثانوي نقش مغربي سوه للشقه
كلها واضائه
كملت المطبخ مديت راسي احاجي
ركيته مدد وايده وره راسه ونايم
بيتهم دافي يشغلون تدفئة السبالت
جبت جرجف غطيته طفيت الضوه
كعدت اراسل وداد اكلها ابطي هوه
خابر امي بلطريق عليه
ساعه وكمت حضرت العشه معكرونه
واشياء خفيفه اعرف اسويها
فتحت الثلاجه لكيت عنده مشروبات
غازيه هزيت ايدي دكتور ويشرب بباسي
والدنيا صيح وتستريح مضر بلصحه
عدنه امين طبعه اذا شي يحبه حتى
اذا يضره ياكله ميخلي شي بنفسه
كملت صار وقت الغروب موزين نوم
هيج وقت شعلت التلفزيون على قرأن
شويه عليته ضليت ادور على مبخره
اذكر شايفه عدهم لكيته بلكاونتر على
الكهرباء خليته وخليت البخور
شغلت الاضويه ردت يكعد ماكو غاط
واكفه اعدل بلتحفسه صايره على الحافه
_رنيييم
التفتت هااا
_طفي صدعني
كاعد منزل رجليه وايديه على
راسه لازمه ويفرك بكصته
_ال..... صدعني
استغربت توتره وعصبيته
ركضت طفيت التلفزيون
ضل كاعد انتجه
_ كال باب الثلاجه بندول جيبي
شلون تاخذه على بطن فارغه
_راسي موتني
كوم غسل وستوني سويت اكل
_كايم
رحت ميت المعكرونه شويه واجه
طب شافني مكمله وداحمي كعد
كال من يمج حمي الفحمات
هزيت راسي
لليل بابا خابره كله رجعها
باوعلي ترجعين
اي ارجع ملابسي هناك وكتبي
_ ماشي
لو كايلي من الصبح جان جبت وياي
غيارات الباجر
_مومشكله
اباوعله ماكو بوجها فرحت شاب
ستوه مزوج وبعد عريس ومستقر
وممحتاج ويفكر بمصرف وعيشه
نلهني صوت تلفوني باوعت وداد
رفعته هاا ام الود مجرد رفعت
نضري دار عليه
تحجي وياي وهوه تلاشت ملامحه
رجع عكد حاجبه دار للتلفزبوم
باديه لعبه
مدامني احجي احس اذانه يمنه
بس عيونه على اللعبه والايد
كلامي سجلو هدف وهوه هادء
اي ردت فعل مااصدر منه
سديته منها عبالها بلطريق رادت
كم شغله من سوبرماركت
شويه وهوه كام بدل بلاستراحه
مال الشوطين كال هناك اكملها
رجعنه نص الطريق كتله تكدر
توديني لمحل ابو مهنه
_ليش شتردين منه
غراض محتاجتها
وصلني ونزلنه ثنينه ادور على
نوعية ككو رادته اكلب وارجع
لحد مالكيته وهذا اخر شي رادته
وصلت يم امين جان قريب يم ابو
السوبر واكف يمه شخص ضهره عليه
همست امين لكيته
الولد سوالي مجال انطيته لخويه
ورجعت على صفحه امين مقابيلي
والولد ضهره عليه
كمل امين دفع الحساب طلع الولد ويه
امين عبالي يروح ضلو واكفين يسولفون
اثناء ملتفتت اصعد بلسياره هذا فقار
مزين مخال شعر خفيف بس لحيته
ولابس كوت بيجي وسماره الطاغي
على بشرته مصورته هوه
امين سلم وصعد صرت من جهتا
باوعلي بنضره خاطفه وراح يتمشه
التفتت استحي اسأله ضليت ملتزمه
الصمت شجابه لمنطقتنه وراح مشي
وداد_ فاتحه كام ويه ماهر الي وجها
محتقن من سوالف جدي وبيبي
نبرته تعبانه يتنهد كتله كافي تاكل بروحك
_شسوي شوفين اني هنا ولاحكيني
ماادري حايره مثلك ومن سمعت لهسه
كلبي يوجعني ودخت من التفكير
_شسويلها وداد ابتليت اتحمل نتائج
غير كضيت عمري ادفع عمري لجل مهدي
ذنبي بينهم شنو اريد اعيش مثل الشباب
نتر بعصبيه تعالي شوفيهم يجون يتونسون
بنات وشرب وراكضين وراي يردون يورطوني
شفت من حياتي واجي اجملها
سكت يدخن وياكل بروحه اكل يسكت شويه
ويرجع يحجي بقهر وحركه لحد مسمعت صوت
الباب طبت رنيم كالت هاج ام عطوب كوه
لكيتلج الككو والنكها
ذبت روحها على الجربايه تفتح بشالها
كالت فنج اليوم منو شفت
باوعتلها وماهر ساكت يدخن ويباوع لبعيد
صافن
شافتني ساكته مووياج
صحت شكو
_صخونه اله مااكلج واخليها حسره بكلبج
بس والله صاير صاك
باوعلي ماهر ويه جملتها متعرف بي
وياي على الخط لامه رجليه والتلفون
متجيته عليهن مشوفه
_ضلت تفتح بقمبصها ولج وداد تدرين
شكله بالي بس حرامات مزوج
ضليت لا اخذ ولا انطي وماهر عاكد حواجبه
يسمع وهي تحجي امده حضي انطاني سيروان
ابوصماخ ياريت بي شوفه
التفتت عليه تلبس بجامتها طول الطريق
اني افكر بتغيير شكله الطول السمار
نوب مزين شعره خفيف من فوك
موكفشه وعيونه حاده والكتاف
عراض والكوت اويلي بوياا غير
يكولون مفصل عليه شنو من قيافه
اشررررررد جرتها بمياعه
لميت حلكي مااكدر اضحك وماهر
مسح وجها صار احمر التمت عليه
ضلت تتغزل بي لحد ماصاحت
_اددددري انتي ماعندج فضول خرسيتي
شبيج ولج واني شعليه
_رفعت حواجبها يعني هسه تردين تقنعيني
ماتردين تعرفي
هزيت راسي لا
_ضلت تباوعلي مااكدر احجي نترت شبيج
جنج واحد محصور
هناااا انفجرت من الضحك خرب يومج
رنييييم
_هزت ايدها والله ياالله شبيج بابا
راحت خلت ملابسها بلكنتور ودردم
وهم مااراح اكلج رجائاً وداد لتلحين عليه
وتعيد وتكررر ماهر من شاف سوالفه
يسمع شلون تحجي عود اني اريد
اعرف وهي متقبل تحجي لانت ملامحه
شبه ابتسامه بينت بخده
هنا كتلها دوختيني منو كلج اريد اعرف
_اووو وداد دكافي عاد مااحجي عيب
اعراض الناس وابن العالم شنو احجي بي
ياااا
_اي لعد شعبالج نستحرم ومنريد نجيب
طاري نعمت الله هم ناس الها سمعتها
ونخاف من العواقب لا نضربهم بعين
رنيم اليوم لكفتي
_لا والله بس صعد عندي السكر لعد
لو اضوك شيصير يشيلوني بسبب
سكته دماغيه
لا اليوم حالفه عليه
_اخخخ اسكتي يمعود غير كنافه
مددت فاتحه ايديها كنافه تموع
بلحلك
ماهر رغم حجيه مبتسم ويسمع
خليتها تحجي لحد مكتلها منو هذا
المدوخ رنوو الثكيله الفاهيه
_كولي منو ذوب كتلت الجليد
وتاشر على كلبها
رفعت حاجبي بله منو
_اخخخخ فقوري وداد ذوالفقار
تذكري ابن خاله ام حسين فديتها
على هلخلقه الحلوه
داسده من ماهر صاح فتحي مايك
هي بسرعه كعدت تباوعلي شنو منين
هذا الصوت
كلي فتحي مايك
ضليت اباوعله حايره وهي تباوع
على نضري وين
اجت ركض رادت اجر التلفون مني
كالت ايااا خاينه هذا منو
سكت باوعتله موهسه
كال لا هسه فتحي
فتحته كال ام لسان
خنست ضلت مصكصكه تباوع للتلفون والي
_باعي اذا بعد باوعتي لواحد وتغزلتي بي
اجي املص اذاناتج وين جنتي وين صرتي
منو علمج هااا دخلتي جامعه وستهترتي
خلت ايديه على حلكها فاتحه عيونها
_رنيم منو بيهم يستحق هذا الغزل ولج
كم سنه سوه ماسمعتج هيج ت صفين ولد
اني ممسمعتني هيج غزل من تالي الغير
تتغزلين
كعدت ميته بدمها وتضرب على خدها بدون
صوت وتعض بصبعها متحلفه بيه
_خليج رنيم القديمه تموت مستحه لو كتلها
مشتاقلج لتتعلمين شي اريدج مثل ماانتي
سكت يتنهد
_اريدج الي بت عمي صوني روحج اصون
نفسي لجلج
دنكت عيونها مغرغره
_همست بصوت هوه واني اسمعها
خليك لنفسك ماهر اذا جنه ولد عمه قبل
هسه صرن اخوان لا اني رنيم كبل ولا انت
ماهر الاولي كلشي بينه تغير حتى كلوبنا
كلي خلي تحاجيني وجه الوجه
هزت راسها لا لا مااريد عفيه
صاح ليش متخليني اشوفج ونحجي
مااريد الله يخليك
صار عصبي كلها مااكلج بس نحجي رنييم
ضلت حايره كتلها اخذي تفاهمو راح اطلع
لزمت ايدي بلزمتها طبت امها
كالت تعالي سون جاي لعمامج لتمو على
الطوبه
ركضت طلعت وياها
_كال راحت
اي
_بت..... شبيها شارده مني
ميخالف حبيبي شسويلها كلبها ملجوم
وبتها بعيده عنها لهسه مشافتها
_وداد اني قابل شرايد منها مجرد تنطيني
حجايه وشوف الماياخذها منو رب الحلو
تتغزل بفقار
لا ماهر كانت تشاقه واني وياها بيناتنه
صير
_ادري بس حركت كلبي
شويه وسداا وضل بالي يمه هذا
من الحركه والقهر لاينجلط
طلعت لكيت مرت عمي واكفه
تصب جاي وعمو دياخذ الصينيه
كعدت يم بيبي بلغرفه بس اني وياها
ورد مدد بجربايتها تباع مسلسل كوشي
بوكتها ستوها معروضه وبيبي سابيتنه
بيها
نتفرج عليه شميت عطر ضليت اخذ نفس
تمر نسمه منه واريد اذكر وارجع اخذ نفس
ضليت بلربع ساعه العطر شاغل بالي
قوه العطر كمت احد استنشقه ويوصلني
غمضت عيوني المن شامته بس مااذكر
شي لحد مااجاني ذاك الصوت الي كل
نسمه بيه مشتاقتله
نصيت بطبته عيني صارت على كلشي
اله هوه كامت ورد بوسته وكعد بصفها
على جانبنه بيبي بصفي بلكاع
سالته بيبي هاا حبويه شلونك
_زينه شنو شتباعين
مسلسل كوشي
_هههههه هندي كالبتها
حلوه تابعها
_هوه اني صاير مسلسل هندي
خيرك حبوبه
_دوام وخفاره وركض بلطوارئ صاير
فلم من زمن الثمانين
والحوبه ماناويه ترد
_ياهيه
مرتك اكلك بيبي اذا هي متريد
خلفه جاعليمن مزوجه تخليها
مزهريا روح حاجيها ترد لبيتها
وتعتني بلي بطنها وتستجن
_عايفها هي ترجع ماطاردها ولا
متمشكل وياها
بيبي انت ضل فكاكه شنو مطارده
اروح لهلها واكعدهم شوفو بتكم
كيت وكيت ومتريد طفل هاي وين
صايره الوادم تهفج هنا وهنا علمود
بزر وبتكم تريد اذبه
_بيبي موكلشي ينحل بلعصبيه
والحجي هي جبيره وفاهمه
وانطيتها خيارات وهي حره
موزغيره واجبره تخلف اذا
متريد كلشي يرجع لمكانه واكو
محاكم هاي اخرشي خالها
امه جانت تريد طب صاحت يااا
ياطلاك يمه شنو النوب طلك
امين_ هسه اني مطلك
ام امين_شنو السمعته
امين_ يام ماكو شي
ام امين احجي لاضل ساير
بيه ولك ماصارلك سنه من زوجت
ياطلاك
بيبي_حبوبه مومال طلاك شوفها
وتفاهم وياها وحاول تقنعها
امين_ ان شاء اللة بس سدو السالفه
بعده ستوه شرب جاي من امه واني
اباوع تلفزيون شون من قدره عندي
جاهلته تماماً
اول رفشتين اله من الجاي خله الستكان
بلصينيه وكام مستعجل لاحمام
مرت عمي راحت وراا ورنيم وبيبي
سمعنا يستفرغ
ضليت اني ورد نباوع بوجه بعض
فات للهول مدد على القنفه وامه
وبيبي يمه يسألن بي وهوه ساكت
امين _ماادري يوم لتلحين صارلي
هواي تجيني هاي الحاله وحدي استفرغ
مرت عمي _خاف بيك شي جرثومه
ماراجعت
امين_ماكو شي وحد مرات المعده
صيرله غبطه واكلي مخربط هليام
بيبي_ درتاح هسه ونام هنا لتروح
لبيتك
ضل ساكت مغمض عيونه رادت امه
طببه الغرفتها كلها عوفيني على
البروده جسمي حار
اباوعله مغمض الضوه طفته رنو
الصاله بيبها عمي ماجد وجدي
عمامي طلعو مناك
ضوه غرفت بيبي مشتعل بس يدير راسه
يشوفنه واني قريبه يم الباب
ضل كلبي يمه واي حركه مني مرت عمي
تلاحظ ولا اريد ابين اله هتمامي كافي
الشفته منه ومن امه
صافنه عليه وعيوني مفاركته شكد حاولت
مااباوع يخوني كلبي ويهرب يمه كلب
فتح عيونه ضل يباوعلي واني صافنه بي
شنو الينحجي انحجه بنضراتنه عتب مجروح
وكلب ملجوم وروح مكسوره بينه شمااطال
الزمن ينذكرن عدن بس ماانسن تحفر بذاكرتنه
توجعنه ذكراهن وتوسد عيون الدمع
مااكول كدرت اتخطى كلشي يمكن اتخطه
اي شي بس هوه مااكدرت اتخطى
غمضت واني كل ذكره حزينه مرت من يمي
خيانته غدره الي وحده غيري متابوع بوجها
واني كلبي يطير يمه من شمت عطره
نصيت همست ورد ترحين للغرفه
كالت اي صدك كمت وكامت وياي طبينه
للغرفه هلكد بجيت كوه سكتت روحي
مرت الايام ومغفره رجعت بشرط بس
هذا الطفل وبعد مسوي امين ضل
بستمرار يجي واغلب اكله هناا
اني اتحاشا ومااباوعله
ورد قضيتها معلكه نهاد يهد ويرد
اريدها مرتي مااطلكها
وعمامي وجدي ميقبلون ترجع وعمي
بسام حاد سنونه كلها ذيج المره رجعتي
غصب عني وهسه اجيتي هم زعلانه
هلمره اذا طلعتي من شوري ياورد اذبحج
ومايرفلي جفن اريد اسويله حل
حجاها بعصبيه وكل جديه خلاها دموعها عشره
عشره وتستاهل من عرفت عده ولد وطرحت
وعمي بسام كلها ارجعج اله بس بشروط
اكعدي وخليني اني اصرف
من وصلت للصدك رجعتله بقرار منها
ومن عمامي وجدي خلو عمي بسام
بضهرهم وضل اشهر ميحاجيهم
اليوم مبلشين بلكاونتر تعزيل وجلف
وترتيب من جديد
صاعده على الطبله عدنه الملحق بي
قواطع وبيبان الخانات جام مخلفات
داامسح لكيت ورقه مدحوسه ويه
حافت الجامه بيضه ملفوفه لف
جريتها فتحتها ورقه بعرض اصبعين
ومن تنفتح صير مثل الشريط الطول
مكتوب بطل الخل ينرش ويمس بي
الغرفه + والطاعم + البطل الابيض
يشرب لمدت ثلاث ايام (الكلام
بلحرف الواحد عن وداد)
استغرب شنو هذا شمرتها بلكاع
من غبائي جهلي نزلت الغراض
واشوف بطل خل اسود مدحوس
بلزاويه
بطل مال ببسي بي خل عرفته من
ريحته قويه رجعته المكانه
ورد واكفه هي ورنيم يعزلن رجعن
كلشي لمكانه
ورد دنكت تكنس الكاع واني يمها امسح
بلمرمرايه مال الكاونتر
دارجع بلغراض جريت بطل الغل وشمرته
يم سطلتة الزبل
_ورد مدنكه تكنس كال هاي شنو وداد
لتوصخين مابيه حيل ارجع مره لاخ
هوه بطل خل خايس شبيج
_الخل ميخيس عوبه
دشتمي ريحته تموت
شالته كالت مابي شي خلي بلثلاجه
ماعليه شي
طبيعت ورد من تكنس تكرف كلشي
كدامها من توصل للنهايه تبدي طلع
الجاروبه الخاشوكه عكسي
هي شايفه الورقه من قاريتها عارفتها
اجتني تركض وداد وداد
هااا
_باعي هاي
اي ورقه
_ادري اقري
شبيها قريتها
_صفنت وداد هاي مو ورقه عاديه محد
يكتب هيج بس
بس شنو
_هاي ملاحضات اخاف وحده تنسه تكتبها
اي وشكو بيها
_وداد هاي مال اعمال
صفنت عليها مااعرف يعني شنو
_يعني التريد سوي عمل تستخدم
الخل وغير شغلات وياا
صدك وهاي المن
_نسأل بيبي منريد نشيل ذنب احد
ضمتها ورد بصدرها رجعنه نكمل شغل
التهينه بلمطبخ واعمال التنضيف
مرت عمي جانت طالعه تسوك
ورنيم بالشه بغرفت بيبي
لليل اني نسيت السالفه بس ورد
ضاله بالها شويه وطبت ورد موعله
بعضها
لثاني يوم بيبي صاحت تعالن
طبيت ورد وراي ورنيم واكفه
تعلك البرده السلات وكع
تعلكه بلماسحه شالته سرسح من
يمه شي ابيض ورقه ملفوفه
بتيب شفاف بيبي منتضرتها تكمل
وطلعها صاحت رنيم شنو هذا الوكع
شالته وجابته ماادري بيبي مكتوب عليه
عقد لسان اخذته منها وضلت دكلب بي
اشوف بيبي تغير وجها سكتت كالت
كملن الغرفه بساع صارلي يومين هي
كن دجاج شجاجن صيحت
طفرنه رنيم علكيت البرادي واني ورد
كملنه ترتيب فرشنه جرابيهم هي وجدي
وطلعنه عليمن صاحتنه وعليمن كامت تعيط
يومين بيبي مو على بعضه ورد مثلها
وكل شويه يتبشبشن بيناتهن واني ورنيم
مثل الاطرش بلزفه
راحت ايام اجت ايام بيبي هادئه كامت متطلع
من البيت وتكعد بلهول رقيب على الطالع
والطاب
اليوم جيت اهل نهاد ونسوان عمامه
هم كعدنه من الصبح تعزيل وترتيب
ومرت عمي ويانه ايدها
للعصر طبكن السيارات ورد حاله
امر من حال طبت عمتها واختها
وياهن ثنين نسوان العرفته
نسوان عمام نهاد
بيبي رحبت بيهن الزلم بلصاله
ايسر نفس العاده طب جاياتكم
وماياتكم وكفنه اني ورنيم
على المطبخ جيب ودي ساعتين
عدل رجلينه وكعت بل اربع مرات
شربو جاي
من غير اصواتهم لعدنه واصله
والنسوان يسولفن ورد طلعت
سلمت واجت يمنه
حجن وياها جابنها منا ردنها منا
جوابها واحد الحل يم عمامي اني
مالي رايي بعدهم
خالتها مبينه حبابه سكتت عنها
وكالت حگهاوماالومها بعد الحجي
مدام يم عمامها عوفنها انه مااريد
اضغط عليها وخلها على راحتها
هي بتهم واني هم عدي بت والجرالها
مااقبل يجره على بنتي
مرت ساعه فوك الساعتين كالو يله
طلعو وعمي كعدو يتفاهمون
عمي بسام كال اني مو كايل ماكو نسوان
يجن المن جايبين نسوانهم علمو ياثرن
عليها بعلي اذا طخ عندي اخليهم
سالفه الماتسولف
كعده عمي باقر كلها اكعدي لا تثولنه
راسي صاير بكد البيت خلينه نفتهم
شي
جدي_بويه انت بسام وخوش بسام بس
هل العصبيه العندك لاتخرب شينك بزينك
اهدء وخلنه نتفاهم بلمراشد يبعد ابوك
هي موطلابه
.........يتبع