قصتي اليوم عن حبيبي الفلسطيني :$ كنا صغار احنا التنين وﻻد حارة وحدة :$ وكنت اكرهو من بين الكل :( !! كان يضل يربط ايدي ويحكيلي انا #قسامي وانتي #اليهود !! ويجيب تنكة ويحكي هي #القدس ! يربط ايدي ! ويصرخ #حرررتها !! وانا اعيييط ! ويحكيلي #يايهودي يا حيوان حرررت قدسنا عيط عيط !! اخر شي بفك ايدي وبحكيلي ليش تعيطي كنت امزح !! ويعطيني حبة ملبس ! ويحكيلي ازا بتحكي لاهلك بزعل منك وببطل احرر القدس ! وانا من هبلي افكر جد هو يلي رح يحررها واسكت ! عشان يحررها !! حبيبي كان امور كتييير ! وغير عن كل الاوﻻد ! بس يشوفهم بيلعبو كرة وﻻ #زكيطة بحكيلهم لعبكم هاد مابحرر القدس ياهبايل !! ويتجمعو عندو ويصير يحكيلهم قصص عن اليهود ! وكلهم يتحولو فجأة :$ ويصيرو شريرين !! بمرة وقت توفى حبيبنا #ياسر_عرفات !! حبيبي ترك البيت يومها ضلو اهلو يفتشو عليه يوم كااامل !! اخر شي ﻻقو متخبي بالمستودع !! وبيحاول يعمل سيف من الخشب ! دخل ابو عليه ﻻقى عيونو كلهاااا دموع وبعيط ! وبقلهم بديش اياه يموت بدي اياه يرجع ! وقتها ابو تركو ع حالو ﻻنو كلنا يومها توجعنا !! وحكالو ابو ماشي مش رح يموت ! حبيبي حكالو ﻻتكزب علي هو مات بس انا مامتتت ومش هموت ﻻرجع فلسطين زي مابدو ! ابعدو عني انا مش صغير ! اتركوني بحالي ! وضل حبيبي يومين على هاد الحال ! وبس اجى للمدرسة كان ﻻبس كوفية وجاي بدون شنتة ! وماسك حجر ✌ بإيدو ! ودخل على صفنا والدموع بعيونو وصار يصرخ على المعلمة ! ويحكيلها الدراسة هاي مابتحرر القدس ! قومو معي هﻻ نروح نحاربهم ! وكان يحكي والغضب بعيونو مولع !! وقتها حبيبي اخد انذار ﻻنو طول لسانو على المعلمة !! وضل غايب اسبوع مابداوم !! كنت اروح لبيتهم اسأل عنو :( يصرخ علي ويخليني ارجع لبيتي !! كان #حيوان معي ! بس كان قوي وهاد الشي يلي علقني في من وانا صغيرة ♡~
بعد أسبوع رجع حبيبي للمدرسة ! ومسكتو المعلمة بالحصة وحكتلو بدك تحرر فلسطين انجح بدراستك ! حاربهم بعلمك لتقدر تخترع #صواريخ #دبابات #طيارات وكل شي وتهزمهم !! #الجهل_مابيولد_نصر !! وقتها حبيبي قرر يكون الاول ♡ وفعﻻ صار يدرس وانا غرت منو وصرت ادرس ! كان هو الاول وانا التانية !! وضليناا هييييك لحتى صرنا توجيهي !! وكنا صحاب كتير ! وبس يتزكر شو كان يعمل فيي واحنا صغار يصير يضحك ويحكيلي اسف! حبيبي مانسي هدفو و لسا بدو ينجح بعلمو ليحرر بلدو !! مر التوجيهي علينا ونجحنا احنا التنين ! وصار وقت التسجيل بالجامعة ! كان مابدو يسجل بالجامعة بس مشاني سجل :$ ! و سجلنا تخصص #صحافة_اعﻻم !! كان هاد حلمو ليوصل للعالم وجعو ! وكلمتو ! كان هاد اول خطوة ليحقق هدفو !!
تعلقت في كتييير ! بالجامعة كل الوقت معو ! مابتركو لحظة دايما دايما معو !
بمرة كنا بنحكي ع الفيس ! بسألو شو أغلى شي بحياتك ؟ ضحك وحكالي 4 شغﻻت ! سألتو شو هما ؟ حكالي اول شي ربي ! تاني شي بلدي ! تالت شي اهلي ! رابع شي انتي !!! حكيتلو ﻻ يا انا الرابعة طيب منيح :) حلو تتهنى !! كنت هبلة مابعرف ليش زعلت !! قلي زعلتي؟ حكيتلو ﻻ طبعا ليش ازعل !! حكالي تعي احكيلك شي ربي اوﻻ ﻻنو بلدي واهلي وانتي بإيد ربنا بخاف اغضبو يضركم :) وبلدي تانيا لوﻻها كان ما جمعتني فيكي !! وأهلي تالتا هما يلي كبروني وربوني وعلموني ! وانتي رابعا يلي هتكون بحياتي متل التاني والتالت !! حكيتلو مافهمت ! حكالي بحبك ! سكتت وقتها والدموع ع خدي دموع فرح كانت ! حكالي هدافع عنك متل مابدافع عن قضيتي وهحترمك متل ما بحترم اهلي وهحبك متل مابحب حبيبتي :$ !! حتى غزلو غريب وفي الغاز ! وهيك بلشت قصتي مع أدم !! كنت احس كﻻمو اكبر من حجمو ! بحسو قبل مايحكي بتفقد حروفو وكلماتو ! مستحيل يغلط بالحكي ! دايما هو صح ! بدون مايجادل ماحدا بيقدر يسكتو ! او يطلعو ع غلط ! هو هيك غيييير الكل ! واحلى من الكل
