နောက်တစ်နေ့တွင် လူတိုင်းက အိမ်တော်ဝန်းထဲသို့ ရွှေ့လိုက်ကြသည်။ ထိုသို့ ရွှေ့ပြောင်းလိုက်ရသောကြောင့် လူတိုင်းပင် အလွန်မောပန်းနေကြ၏။ ညဘက်သို့ ရောက်လာသည်မို့ အိမ်တော်တစ်ခုလုံး တိတ်ဆိတ်လျက် ရှိနေကြသည်။ အများစုမှာ အိပ်နေကြပြီ ဖြစ်၏။
အန်းကျီယန်က ပြတင်းပေါက်နား လမ်းလေးထက်တွင် ရပ်ကာ အပြင်ဘက်ရှိ ကြည်လင်လှသော ရေကန်ကို စိုက်ကြည့်နေလေသည်။ လရောင်ခြည်ပက်ဖြန်းမှုအောက်မှ လှိုင်းလုံးလေးများမှာ တလက်လက်နှင့် အလင်းရောင် မှိန်ပျပျကို ထုတ်လွှတ်၍နေသည်။ ရေမျက်နှာပြင်ထက်တွင်မူ ကြာရွက်အနည်းအကျဥ်းက ဟိုတစ်စ ဒီတစ်စ...။ တစ်ယောက်ထဲ...အလွန်အမင်း ညို့မှိုင်းလှသည့် ပုံရိပ်ကို ရောင်ပြန်စေကာ...သူက ရေအိုင်ထဲမှ လမင်း၏ ပြောင်းလဲမှုအဖုံဖုံကို ကြည့်နေလေ၏။ ခဏမျှအကြာ၌ သူ့အကြည့်ကို ရုတ်သိမ်းလိုက်လေသည်။
ထိုအခိုက် ညင်သာသည့် တံခါးခေါက်သံတစ်ခု ထွက်ပေါ်လာ၏။ ချိုးလန်က ဆီပုလင်းငယ်လေးကို ယူလာပြီး ဆီမီးအိမ်ထဲသို့ အနည်းငယ် ဖြည့်လိုက်သည်။
"သခင်လေး...အရမ်း နောက်ကျနေပြီ။ အိပ်သင့်နေပါပြီရှင်"
"ကျွန်တော် သိပြီ။ မင်း အရင်ဆုံး အနားယူလိုက်ပါ"
ထို့နောက် အန်းကျီယန်က အိပ်ခန်းထဲသို့ ဝင်သွားလိုက်သည်။
ချိုးလန်က နားလည်ပါကြောင်း အသံပြုလိုက်ပြီး အခန်းထဲမှ ထွက်သွားတော့၏။ မကြာမီမှာပင် သူမ၏မီးအိမ်မှ အလင်းရောင်မှာ ပျောက်ကွယ်သွားတော့သည်။
အန်းကျီယန် သူ့အကျ်ီရင်ဘတ်ထဲမှ အမွှေးအိတ်ကို ထုတ်လိုက်သည်။ ယင်းမှာ အရင်သခင်ကြီး ချန်ရစ်ခဲ့သည့်အရာပင် ဖြစ်၏။ အရင်သခင်ကြီးက စကားလုံးနည်းနည်းမျှနှင့် ထားသွားချင်ခဲ့ခြင်းကို ပြန်စဥ်းစားလိုက်မိပြီး ၊ အန်းကျီယန်က အမွှေးနံ့သာအိတ်ကို ဖွင့်လိုက်ချိန်မှာတော့ အထဲတွင် လက်ထပ်ပွဲနှင့် ပတ်သတ်သည့် သတင်းအချက်အလက် စာရွက်အပိုင်းအစလေးကို တွေ့လိုက်ရ၏။ ယင်းမှာ နာမည်တစ်ခုမျှသာ ဖြစ်ပေသည်။
STAI LEGGENDO
The Big Landlord(MM Translation)
Narrativa Storicaသူသည် မာနထောင်လွှားပြီး မောက်မာဝံ့ကြွားလှသည့် အန်းမိသားစု၏ သခင်လေး အန်းကျီယန် ကိုယ်ထဲသို့ ကူးပြောင်းလာခဲ့၏။ သူကြုံတွေ့လိုက်ရသည့် ပထမဆုံး ပြဿနာမှာကား အန်းကျီယန်သည် ပေါင် ၂၀၀ ကြီးများတောင် ဝတုတ်နေခြင်းပင်! "ထိုလူ ကပြောသည်...သူ့ကို မကြာခင် လွှတ်ပေးပါမည...
အပိုင်း (၂၁) - ဖူဖုန်းကျန့်|ဖူဖုန္းက်န့္|
Comincia dall'inizio
