رواية صاحب الظل الطويل "باللهجه السعوديه"

البارت ١٢

البارت الثاني عشر
جودي: تصدقون انا من امس ما كليت شي
غزل: افاااا الحين نطلبلك
رفعت غزيل السماعه وطلبت ثلاث عصيرات واكل
غزيل: الاصدق بعد بكره السابع واخيرا
غزل وهي تذكر: جودي وصلت الفساتين
غزيل: تعالوا نلبسها ونرقص يعني نعمل بروفه للسابع
غزل: ايه وبالمره ندرب جودي على كم حركه
جودي: لا عيني انا كل يوم اشوف الموت وانا راكبه السلم لااا
غزيل: اوكي شرايكم نرسل السواق يجب لنا شريط انشادي بدفوفو وندرب عليه
غزل: والله فكره اصلا المطربه الي جايبنها بس دفوف ومؤثرات صوتيه بدون موسيقه
غزيل: غريبه رغم انه هلنا مو ملتزمين بس افراحنا تكون كذا
جودي: بس زفتي كان فيها غنى
غزل: هي بس الزفات الي يكون فيها غنى وتصدقي احسن يعني نحمل وزر غيرنا حنا ناقصين
دق دق دق دق
البنات ناظروا في بعض وانا بسرعه دخلت الحمام
غزل حطت عصيري جوت درج الكمودينه
غزل: منو
مرياتي: انا
ارتاحوا البنات
غزيل: دخلي شو تردين
مرياتي: هدا يقول تمرين(السواق اسمه تمرين) حق انت
غزل خذت الكيس: شكرا بس مامتي تحت
مرياتي: لا قبل شو هي في روح مع ماما مزون سوسوا
غزل: مرسي
خرجت وسكرت الباب وراها
غزيل: آنا للقمر ان يظهر
خرجت: هههههههههه
غزل وهي تكلم غزيل: تعالي انا بصراحه بديت اشك في اخلاقك من متى تعلمتي هـ الغزل
ضحكنا
غزيل: حبيبتي هذا اسمه تتدريييب يعني منا لين يجي نوستي اكون حافظه كل شي
غزل:هههههههههه الي يشوف من المطار على الماذون سيييييده ماكانه بتصبرين لين يصير عمرك عشرين
غزيل: ومن قال بصبر لاعيني بتصبرين انت كيفك بس انا لااااااا
غزل: الي يسمع كلامك
غزيل: عيوني اصلا انا في راسي موال وبنفذه
غزل: شو من موال اطربينا
غزيل: باتحرى الفرص
غزل وهي تحرك يدها بانه ماعندك ماعند جدتي: عدااااااال بتتحرين الفرص
غزيل شمقت على غزل: عيوني بظهرلوه في الوقت المناسب
عزل الي شدها الموضوع: شلون
غزيل: يعني يكون جالس في مجلسنا وانا اسوي عمري مو داريه عنه وادخل جري واجلس جنبه بحيث اكون لاصقه فيه يعني اني اظن انه واحد من خواني ويدخل ابوي ولا واحد من خواني وياليييييت لويدخلون كلهم المهم مايخرج انس الا وانا على ذمته
فتحنا فمنا انا وغزل على افكارها المجنونه
غزل بتريقه: لا انا اعتقد انه لو تنطين في حظنه ذاك الوقت يكون احسن
غزيل: والله فكرت فيها بس استحي شو يقول عني الرجال
غزل بتريقه: عادي بيقول شو قلت الادب هذه لهـ الدرجه ملهوفه عـ العرس وتعرفين انت انس طبعه نذل يعني ممكن ياجل الموضوع اربع سنوات ليما تعقلين
غزيل: الله لا قال ان شاءالله انت ليش انا
غزل: ان شاءالله انت ليش تدعين علي
غزيل: ان شاءالله انت
جودي: خلااااص بروح
غزل: انت ماتسمعي هـ الخبله الي تفور الدماغ
غزيل: انا ولا انتي الي تفقعين المراره
غزل: والله انت تجيبين الجلطه للواحد
غزيل: وانت تجيبين الاسهااال هههههههههههههه
جودي: ههههههههههههههههه
غزل عصبت: وجععععععع شو الالفاظ الوسخه
جودي: هههههههه
غزيل وهي تكلم جودي: عجبتك
جودي: حيييييييل كثري منها
غزل: الله يقرفكن هذا مستواكن
غزيل:والله انتـ
رن المنبه ووقفت على حيل
جودي: شاو صار لازم اروح
وقفوا غزل وغزيل: اوكي
..دخلت بسرعه ودقيت في غزل
غزل: مين
جودي: خدمتكم
خرجت غزل وشافت الشغاله: انه روحي جيبيلي فيفادول
غزيل: وانا جيبيلي لبن
غزل: ليش
غزيل: لاجل يمسك بطني بعد الاسـ
عصبت غزل وخبطت غزل: انت هبله ولا شو وجع
غزل وهي تكلم انه: انه بسرعه روحي هاتيلي بندول
غزيل: وانا موز
غزل وهي تمسك غزيل وتدفها لدارها: لا تخرجين فاهمه لاتخرجين ولايكون اخر يوم بعمرك.. خرجت وهي معصبه
غزل وهي تصارخ على الشغاله: انت للحين هنا بسرعه روحي
تحركت الشغاله وهي خايفه
وهن بسرعه راحوا للبرنده
جودي: اما بصراحه احس بدوخه اشلون اعدي
اتفاجئن البنات
غزل: كثير ولا قليل
جودي: ما ادري
غزل: شلون يعني
غزيل وهي تقاطع غزل وتكلمها: شلون شلون يعني البارحه مسقطه طبعي اليوم تشعر بدوخه
غزل: انت هبله ولا شلون يعني ماشفتها تصلي قدامك حتى نقول ممكن انها تكذب علينا
ناظرت الساعه:يييييي والله وصل صارلنا ربع ساعه
وبسرعه طلعت فوق الكرسي وبديت احبي عليه وانا ارتعش احس اني دايخه وراسي مفور من الحراره وبرجع والحمدلله وصلت وبسرعه دخلت وسكرت الباب حتى ما انتظرت البنات رحت الحمام..
خرجت ورميت عمري على السرير احس بتعب شو الي صارلي توني محلاني حسيت بيد توها انحطت عـ راسي بسرعه وقفت وخرجت..ما ادري متى وصل وووووووووولالالاللالاال لايكون شافني وانا داخله من البرنده لا ما اعتقد هذا مايضيع فرصه الا ويجرحني فيها
دخلت داري وانسدحت عـ الشزلون وانفاسي متسارعه شو صارلي اعوذ بالله من الشيطان الرجيم
سمعت الباب ينفتح نظرت له
جهاد: لايكون عاجبتك نومت السرير
..ارتحت الحمدلله ماكان موجود..
وقفت بسرعه ووقفت عند المغسله احس بغثيان ورجولي ترتعش مو شايلتني
حسيت بيد حولي تساعدني عـ الوقفو
ظليت واقفه دقايق وراسي عـ البزبوز
بس اخر شي وقفت وابتعدت وجهاد مثل ما هو ماسكني ويساعدني جلسني عـ الكنبه
جهاد: طبيعي تمرضين جسمك مو متحمل ...بس مسك لسانه بغى يقول السم اخر شي قال.. الجوع
قطع تفاحه وناولني قطعها وقرب الطاوله مني وحطت الطبق قادمي
جهاد: كلي التفاحه لين يلطلعون العشى
حسيت بدوخ وكليت التفاحه وانا مسدوحه
يعني من صحيت وانا مدورخه بس شوي بس شو الي زادني فجئه
وصل العشى وتعشيت وهو عطاني حبوب شكلها غريب خذيتها ورديت انسدحت عـ الكنبه
جهاد وهو يمد يده: قومي خلين اوصلك دار
قاطعته: لا ما يحتاج انا اقدر اروح بروحي ووقفت بس احس اني اتخدرت زياده ويالله لين وصلت وانسدحت على الشزلون
ـــــــــــــــــــــــــــــــــ
غزل: جودي انت البارح شو صابك تركتينا حتى ماالتفتي لنا
جودي: آآآآآه بس الحمدلله
غزيل: فجعتينا شو صار لايكون جهاد اكتشف
غزل: ياذكيه لو اكتشف كانت صارت علوم
غزيل وهي تتكلم بجد: اولا شكرا لادعي كل شوي تمدحيني وتحسسيني بانه مستقبلي يدهور شيئا فشيء بينكم ثانيا علوم ولا رياضيات
ناظرتني غزل وقالت: اسمحيلي الغاليه جاتها الحاله هي من فتره وفتره تمر بهـ الحاله وبخلي ابوها قريب يوديها عند شيخ يقراء عليها
غزيل: اصلا انا عااااااارفه ما تقولين كذا الا وانت غيراااااااااانه مني
غزل: اشدعوا اغار من جمالك ولا ذكائك
غزيل: الحمدلله انا واعوذ بالله من كلمة انا
جودي: خايفه عمرك ههههههه
غزل وغزيل: ههههههههههههه
غزل: يالله خلينا نلبس فساتينا ونعمل بروفه
جودي: ايه لانه المغرب مو جايه لكم
غزل وغزيل: ليييييييييييش
جودي: بسم الله كليتوني لا لانه احتمال جهاد يرد مبكر
غزل: ما اعتقد
غزيل: ايه مامتي البارح ماما موضي خبرتها بانك سقطتي واحتمال يمرونك اليوم
جودي: متى
غزل: اعتقد قالن الساعه عشره لانه تعرفين العصر والمغرب مشغولات وبكره السابع
ناظرت ساعتي شفتها عشره الا ربع يالله متى الحق
وبسرعه جلست عـ السرير بس طق الباب صلبني
دفتني غزل وطحت من السرير عـ الارض بس اشوه انه في زل شعر ولاكان صارت علوم بس بعد تعورت وماحسيت الا بدبها الكبير فوقي واللحاف وسمعت قربعه في الحجره مالها اول من تالي وكل شوي احس بانه في شي يترمى علي
موضي: شو تسون
غزل: نلعب
موضي: شو تلعبون الحجرة معد هي حجرة صارت زباله
اسير وهي تطلع فوق السرير وتنط على جبل الالعاب الي فوق جودي: ليث ثويتوا تدا(ليش سويتوا كذا)
سحبتها غزل: كنا نلعب
اسير وهي ترد تطلع فوق السرير وتنط: حتى انا بلعب
غزل: لا لاتلعبين
موضي: ليش خليها تكمل على هبلكم عمتها خالتها..قالتها وهي تاشر عليهن... اكيد بتصير خبله مثلكن
واسير تلطع على السرير وترد تنط عجبتها اللعبه على بالها ملاهي
غزل: ماما كنت تريدين شي
موضي: ايه مزون والعنود جو يزور هـ العله بس دقو الباب مافتحت لهم حتى تلفون وجه الفقر ما ترد عليه
غزيل: خليهن يتصلن بـ جهاد يمكن صار لها شي
...غزل ناظرت غزيل بقهر صدق البنت هذه هبله..
موزن وهي داخله: صدق والله كيف ما فكرنا فيها
غزيل: ايه سمعت جهاد البارح يقول انها تعبانه
..غزل هنا ودها تقوم تكفخ هـ الهبله..
موزن: ايه انت نامي نامي واصحي بعد خراب مالطه يعني من جت الاجازه مانشوفك الي وقت العشى حتى نوم رابطي هنا وبعدين عندك العلوم وماتخبرين
غزيل: عيب اخلاقي ماتسمحلي انقل اسرار بيوت
الكل: هههههههههههههه
موضي: انا لو عناد يصير اخو لـ غزل كان عادي عطيتكم هي بالمره
مزون:ههههههه انزين عناد مايرد الي بعد ما ينتهي دوامه
موضي: لا ما نبي الولد يضايق في بيته
مزون: اش دعوه و
غزيل وهي تناظر اسير: كملوا سوالف بعدين يمكن البنت ماتت ولا شي
العنود وهي داخله وشايله ولدها: انتوا شفيكم صيفتوا
مزون: وين كنتي
العنود: رحت جلست في الصاله مافيني على رجت الهبلتين اخاف عـ ولدي من يجتمعن عنده كل شوي يكز
مزون: العنود دقي ع اخوك خليه يرد يمكن زوجته صارلها شي
العنود: اوكي وخرجت
غزل: اقول ماماتي شرايكن تاخذون جوله لين نرفع دارنا
موضي وهي تجلس ع كرسي التسريحه: انا امنيت حياتي اشوفكن تشتغلن
غزيل: اجل بتموتين وماتحققة امنيتك
مزون الي رمت غزيل بـ البارني بس هي بعدت وطاح عـ جودي
مزون: ووجععععع اني ماتستحين تاسفي منها
موضي:ههههههههههههه
غزيل وهي تحب راس موضي: اسفه حقك على
موضي: والله ما طلع لك هـ اللسان الا من الافنديه الي وراك وكانت تقصد غزل
غزل الي كانت تناظر اسير بقهر وشافت صرصورها اللعبه شاتته ووصل عند رجول امها: وووو صرصور
الكل وقف وشافوه لانه كبير ::ووووووو وظهرن من الحجره
غزل مسكت غزيل الي بتشرد: وين يالخبله
غزيل: وهي توقف على السرير واسير مسكت في عمتها وهي خايفه:ووووو يمه صرصور
غزل: خبله هذه لعبه
غزيل: والله هههه
غزل وهي تحط يدها على فم غزيل: سكتي بيردون اذا سمعوا حسك
غزل: بيرد الحين جهاد وجودي هنا
غزيل الا تذكرت:ووووو شكلها ماتت
وبسرعه راحت غزل سكرت الباب
غزيل وهي تبعد الاغراض: جودي انت بخير
ابعدت الاغراض واللحاف وانا بموت انكتمت خرجت ووجهي محمر والعرق يصبصب من وجهي وجسمي متكسر: الحمدلله مامت
سحبتني غزل ودخلتني الحمام: غزيل ادخلي معاه
غزيل: ليش شو يدخلني
غزل: ناقصين عبطك
مسكتني غزيل ودخلتني الحمام
جودي: بغسل وجهي
غزيل: لا ماينفع لانه لازم يرد جهاد ويفتح الباب ويشوفك كذا تعبانه
اشك في هـ البنت تستعبط في اوقت وتقول حكم في اوقات
صدق خذو الحكم من افواه المجانين
جلست على حافت البانيو مو قادره اسند طولي شلون امر من فوق السلم وانا كذا
غزل شافتهن جالسات في الصاله يعني جودي لازم تمر من هنا لانه باب البرنده هنا
غزل: انت اشفيكن شفت الصرصور مر من هنا
موضي وهي توقف: متى ماشفنا شي
غزل: انا شفته وانت كيفكم تبون تتسامرون معاه هذا شي راجعلكم
وتركتهم بس هم وقفوا وراحو للقسم الثاني
وغزل سمعت امها تقول: بكلم جهاد يدق على الشركه تجي تنظف
وجري جري جابوا جودي وغزيل خذت اسير وراحن للحريم لاجل اسير ماتقلد جودي في المستقبل
جودي: غزل والله تعبانه جسمي مكسر اخاف
غزل وقفت على السلم
جودي: شو تسوين
غزل: بوصلك
جودي: اجلسي بطيحين
غزل: انتي هاتي يدك
وقفت على السلم وصرنا نمشي عليه بس انا احس اني مازلت مكتومه وبالقوه اصلب طولي.. بس رجلي اليسار جات على طرف الخشبه وزلقت وغزل مسكتني والحمدلله وقفت يعني حتى لو طحت هو سلمين بجوار بعض بطيح عليهم بس اتجرحت من الخشب في ساقي
وصلنا ونزلنا وانا مستنده على غزل
غزل: اشفيك
جودي: والله تعبانه مو قادره اسند طولي
دخلتني حجرة جهاد
جودي: اقول غزل وديني الصاله
غزل: اوكي
دخلنا الصاله بس سمعنا خشخشت مفاتييح
جودي: ادخلي هنا
دخلت غزل داري وانا ظليت واقفه مكاني
دخل جهاد وطاحت عيني في عينه تقدم مني وموضي ومزون والعنود خلفه وشفت غزل استغلت الفرصه وخرجت
بس في يدين اجبرتني اناظر صاحبها.. شفت نظرات اول مره اشوفها شفت خوف يختلف عن الي قبله.. شعرت بالم في صدري..
عيونه وساع وكحيله وخصله من شعره تلامس جفونه..
أبكي على نفسي
حزن واسى
مشاعر افتعلتها ولا احس بها
تخنقني تعذبني اصرح بها
تحركي.. تمردي.. اخرجي
كوني بركانا ينزف دما
من دموعي.. وانيني.. واهاتي
من سنين عمري من حياتي
من حاضري.. وامسي.. وغدي
اغرس اظافري داخل اعماقي
كي انتزع ذاك النائم
كي انتشل ذاك البارد
كي اختنق ذاك الخائف
قلبا خاليا من الامال
روحا انهكته الاهوال
عبر عما بداخلك
اصرخ وردد اهاتك
ارحل في دروب العمر باناتك
لاتمل.. لاتكل.. لاتتعب
قد ياتي يوم من جديد
ويذوب ذاك الجليد
وتعود كما كنت في البعيد
نقيا.. بريئا كذاك الوليد
جهاد: شو صارلك اكلمك
جودي: هااا
...كرهت عمري انا شوعملت في نفسي شلون تحركت مشاعري شلون اللتهبت على الجليد..
جهاد: اشفيك انت اليوم
نزلت راسي وحاولت ابتعد: ولا شي
بس مسكني: كلميني شو تونسين
جودي: ما ادري بس احس اني تعبانه
جلسني عـ الكنبه ودخل حجرته
الكل جلس
مزون: الحمدلله على سلامتك ماتشوفين شر
جودي: الله يسلمك والشر مايجيك
العنود: سلامات والله يعوضك بالذريه الصالحه
ودي اضحك: الله يسلمك
العنود: جودي شو هـ الدم الي في بلطلونك
كنت لابسه بلطلون بيج فاتح وتيشيرت بني
نزلت راسي شوي ورفعت رجولي اليسار شوي وشفت دم على البطلون
جهاد: خذي هـ الحبه...ناولني الحبه ومعاه كلاس ماي..
ونزل على الارض وجلس ركبه ونص..
من شفت الحبه عرفتها هي نفسها حقت البارح
جودي: بس هذه تنومني
جهاد: معليه خذيه
خذيتها..وهو رفع بلطلوني
جهاد: شلون تعورتي
ارتبكت..شو اقول: طحت
جهاد: وين .....تفحص الجرح.. كان واضح انه سببه انزلاق رجولي بس على اعمق شوي..
سحبت رجولي بحجة انه يوجعني
جهاد: اشفيك
جودي: يالمني
جهاد: خليني اشوف هذا شكله فيه شي عالق خليني انظفه لاجل مايصدي
وقفت.. والله شكله بيكشفنا.. شو هـ الورطه ما طحت الا اليوم
وقف جهاد: على وين خليني اشوف الجرح
مزون: خليه الله يهديك هو شوي بيعورك
جودي: انزين بس بروح الحمام قبل
وصلني للحمام
جهاد وهو يصر على اسنانه: وين تعورتي
حاولت ادخل بس هو ماسكني..سحبت يدي بس تركها هـ المره
دخلت وانا انفاسي من شفته توترت شو صارلي شو الي حرك مشاعري للااااااااااااااااااااااا مو معقول انسيه هو مو لكِ شلون غلط على عمري ليش هو الي جرحني هو الي عذبني بس للاسف غصب عني مشاعري تحركت.... بس هو هو اصلا مايحمل لي أي شي هي مده وبنطرد من هني هي مده اييييييي انا شو جالسه اخربط أي حب واي كلام فاضي فوقي لعمرك قبل خراب ديار... غسلت الجرح وهو مازال ينزف شفت فيه خشب عالق كانت كبير شوي يعني كبر انمله..آآآآآآآآه تالمت وانا انزعهاباظافيري كان لازم اعمل كذا جهاد بيكتشف اني متعوره في خشب بس وين اخبره اني متعوره
جهاد: جودي تسمعيني
جودي: ايه لحظه شوي
حطيت المنديل على الجرح وووو طاحت عيني على قنينه طويله داخله زرع طبيعي حطيت اصباعي على الجرح ومسحت بها طرف القنينه وهي حاده بقوله طاحت علي
خرجت وانا ثانيه نفسي لاجل امنع الدم
جهاد شهق:يييه انت شو عملتي ليش غسلتي الجرح شوفي اشلون نزف
المنديل كان كله دم
مزون: عدلي نفسك ما يصير وانت توك مسقطه تظلين كذا بتتعبين بعدين
جهاد: عدلي وقفتك
عدلت وقفتي ومشيت وانا اعرج وجهاد يسندني
جلست على الكنبه وبديت اطفي شكله من كثر ما انزف ولا من الحبوب..ما ادري
اسير وهي شوي وتبكي: انا عوتت(انا عورتك)..ضعيفه على بالها انها عورتها لمن كانت تنط عليها
العنود: لا حبيبي هي طاحت
اسير: لا انا هناته عند عمه رذل(لا انا هناك عند عمه غزل)
غزل الي توها استوعب قصد اسير: لا عيوني هي شيطانه بس تنطنط لاجل كذا اتعورت
عيوني مزغلله وجهاد موترني جالس عند رجولي
جهاد: ابعدي يدك
كنت جالسه على الكنبه ومايله لقدام ماسكه رجولي ما اباه يمسكني احس ببراكين النار تتفجر داخلي.. شو هـ المشاعر الي افتعلتها
جهاد وهو يصارخ: وبعدين معاك ما امزح انا ابعدي يدك
ابعدت يدي وانا منحرجه أي مشاعر اافتعلتها والي قدامي حتى مشاعري مايحترمه... ضاعت حياتي بيدي....
الجرح كان في ساقي اليسار على الجمب الايمن بس لرورى شوي
جهاد وهو بنفس الحده والعصبيه: شلون تعورتي الجرح عميق شوفي بغبائك شلون صار ينزف اكثر عن قبل
...غزل ومض مخها تذكرت انه ممكن يكون في اثار دم على الارض في حجرة النوم.. تحركت وهي تراقب بعينها الموجودين وبهدوء لين وصلت لباب الحجره واتنهدت بارتياح مافي دم شكله كان ينزف على البلطلون دخلت وسكرت باب البرنده وخرجت
حطيت يدي على يده: والله تعور حرام عليك والله تعور انا شو عملتك ليش تعاملني بقسوه
مزون: تحملي لازم يشوف الجرح
جهاد وهو حيل معصب: لا اخر مره اسالك وين تعورتي
دمعت عيوني وصوتي اهتز: في القنينه الي في الحمام
ناظرني وانا غمضت عيوني..صرت محترفة كذب من جيت هنا شكلي باخذ جايزة نوبل.. بس خلاص بنااااام الحبوب خدرتني
جهاد: غزل هاتي شنطت الاسعافات
راحت غزل وجابتها
عقم الجرح
جهاد: اعتقد يبيله خياطه...غزل لو سمحتي هاتي عباتها ولبسيها بوديها المستشفى الجرح عميق ويبيله خياطه
..وقف جهاد ودخل الحمام وشاف القنينه وخذها معاه وخرج حطاها على الطاوله
جهاد: جودي شلون تعورتي
لا رد
جهاد وهو معصب: اكلمك انا شلون تعورتي
مزون: يالوليدي اشفيك بالاول داويها وبعدين حاسبها
غزل وهي خايفه: جهاد الحق علي ماتتحرك
راح لها بسرعه بس تذكر المخدر الي عطاها ايها وهو خفيف بس يمسك معها بسرعه لانها ماتشرب منبهات كثير وبالذات القهوه..طبعا هو يعطيها هـ الدواء لاجل الكميه الي كانت في العصير كانت كبيره ومشت في جسمها ولانها ماكانت تشرب منبهات كثير فمسك فيها وهو بهـ الدواء يسحبه على خيفيف لاجل ماتصاب بتجلطات في الدم وطبعا هالنوع جاي من اليهود حتى مخدراتهم قاتله مثلهم الله يلعنهم وياخذهم اخذ عزيزٍ مقتدر..
<معلومه طبيه حقيقيه غير المخدرات المدمره لشبابنا اسرائل تصدر مخدرات اشكال وانواع وكلها تدمر في وقت قياسي ماتحتاج لوقت مثل أي نوع اخر>
فتحت عيوني وشفت المكان متغير علي.. حسيت بالم وحنين هـ المكان مو غريب علي.. تذكرت بس انا شو جابني هني..جلست وضغت على زر في السرير وفتحت اللمبه الي فوقي..
شفت جهاد حط يده على عينه ووقف جاء جلس جمبي
تلكمت لانه الهجوم خير وسيله للدفاع: شو جابني
جهاد: خيطنالك الجرح وانت اقل مخدر ياثر فيك بس اسألك انت ماتشربين كوفي
جودي: يعني
جهاد: شلون يعني
جودي: يعني ماكنت اسلذه بس لي فترة بسيطه اذوقه بس على قليل
..ماخبرتكم صرت محترفت كذب اصلا في بيت ابوي كانوا حارميني منه..وهنا ولاني ما اجلس في المكان الي فيه الخاله موضي فما اشرب الا اذا كانت الخاله مزون فيه.. وابتسمت لاني تذكرت كوفيه الي اذوق من منه وحنا رايحن لمكه..
جهاد: يعني تعترفين انه كان حقكم سيء
..يالـله شلون هـ الانسان قاسي كل كلمه اقسى من الثانيه..
جيت اوقف بس هو وثقني من ايدي وظليت مثل ما انا على السرير
ظليت اتأمل الصوره الي قدامي وكل احساسي مع الصخر الي جمبي.. شو يريد
جهاد تكلم بعد فترة: شلون تعورتي
سويت نفسي ماسمعت السوال: الا صدق يعني شلون يقولون انه مافي اسره فاضيه وانه في ازمه في المستشفيات الحكوميه فترة المواسم وانا على جرح منوميني في جناح
جهاد ابتسم وبتريقه: يعني على بالك انك في مستشفى حكومي
جودي: ليش انا وين
جهاد: وين تعورتي
ييييي رد لسوله مانسى: متى نرد البيت
جهاد: قبل ما اعرف شلون تعورتي
جودي: مثل ما خبرتك
جهاد: على بالك الكذبه مشت علي
يييي هذا شو يريد لايكون لمحنا بس حنا في الخلف: شفت صرصور وانا في الحمام ووقفت على البانيو ولمـ نزلت احتكت رجولي بي القنيه واتجرحت وطحت في الحمام
..طلع صرصور غزل بطل اليوم بنعطيه جايزة اوسكار..
جهاد: بس على كلامك لازم القنينه تتكسر لانها خفيفه
جودي: ما ادري اسالها
جهاد: لمـ اكلمك لاتخفيفين دمك وياي فاهمه ولا لا وبعدين لاتتعدين حدودك وياي
نزلت راسي عرفت مصيري وانه الي افكر فيه غلط ولازم ابعد قدر الممكن عن طريقه لاني بتعذب وانا كافي العذاب الي فيني
جهاد: على العموم انسانه في مستوى اخلاقك شو باخذ منها غير الكذب
قالها ووقف... حتى اخلاقي حكم عليها..تنهدت
جهاد: لبسي عباتك بنرد البيت
ـــــــــــــــــــــــــــــــــ
دخلنا البيت على الساعه احدعش
شفنا البنات جالسات يتابعن فلم
جلسنا معاهم
جهاد: متى بتنامن
غزل: بس ينتهي الفلم بنطلع ننام
جهاد: غريبه انتو عوايدكم سهر طول الليل ونوم في النهار شو صار لكم في هـ العطله
غزيل: تغير روتين لا اكثر
وقف جهاد وانا ناظرته وهو اشرلي ووقفت معاه
غزل: اقول جودي اجلسي شوي
جهاد: لا خليها ترتاح
...قهرررررني يعني متى يعطيني افراج...
غزيل: لا خليها لانها ماقيست فستانها وبس ينتهي الفلم بنطلع نشوفه اذا تمام عليها ولا لا
جهاد بتريقه: ماشاءالله وانت اصلا شو مجلسك عندنا يالله قدامي على بيتكم
غزيل: اخاف اروح في الليل
جهاد: قومي انا بوصلك
غزيل: جهاد والي يعافيك بجلس عندكم تراني اطفش هناك
جهاد: اجلسي مع امك ولا العنود
غزيل: مايعطوني وجه
جهاد: اكيد مايعطونك وجه يعني وجهك يقطعي الخميره
غزل وغزيل وجودي:هههههههههههههه
بس انا سكت اول وحده لانه ناظرني بكره يعني مايحقلي اضحك شكله كره عمره لانه ضحكني..وخيت راسي وانا مبتسمه
جهاد وهو يكلمني وبتريقه واستخفاف: لهـ الكثر عاجبتك الكلمه
غزيل: ههههههه ايه اول مره تقول شي يضحك
جودي: هههههههههههههههههههههههههههه
ضحكت هو كان يلكلمني وغزيل على بالها انه يكلمها
عصب جهاد ومسك غزيل وهي ميته ضحك خرج يوصلها لبيتهم
غزل: شلونك الحين
جودي: الحمدلله
غزل: اشفيه زوجك معصب
جودي: انا ما قد شفته رايق
غزل: هههههههه لا تعودي هذا طبعه
جودي: احسه جدي زياده عن اللزوم
غزل: بس حبوب
جودي: يمكن بس حرام طلع حرته في غزيل
غزل: هههههههههه لاتخافين بترد
جودي: شلون ترد وهي تخاف
غزل: عادي عندها لو تصحي ابوها من نومه
دخل علينا جهاد: يالله قدامي كل وحده على دارها
وقفنا ومشينا وهو سكر الكهرباء
انا كنت اعرج بس على خفيف وغزل تمشي جمبي وماسكه يدي
غزل: الله يكون في عونك شكله مولع اليوم زياده على اللزوم
جودي: عااادي تعودنا
غزل: بس هو ماقلك شي
تذكرت: غزل سكرتي باب البرنده
غزل: ايه لاتخافي
جهاد: روحي انت انا بساعدها
تركتني غزل: تصبحون على خير
جودي: وانت من هله
وصلنا الجناح وقفت في الصاله وهو دخل حجرته
احترت بس في الاخير رحت حجرته ولقيت الباب مفتوح ودخلت ورحت للدولاب وخذيت ملابسي وسكرت الباب ولفيت بوجهي شفته خرج من الحمام وهو حاط منشفه على خصره وتوصل لين نص فخذه وماسك منشفه صغيره ويمسح بها وجهه ورفعه لشعره بس انصدم بوجودي
رجولي انشلت شو هـ الموقف المحرج ابعدت نظري عنه وتغطيت بطرحتي لاني مازلت لابسه حجابي.. مشيت وانا ميتتت حيا بس اشوه اني غطيت وجهي.. خرجت وسكرت الباب خلفي
ـــــــــــــــــــــــــــــــــ
صحيت الساعه وانا في قمت نشاطي.. الحمدلله انا لو نمت يومي كله لو احط راسي انام ثاني.. يقولن المحروم من النوم ظالم.. الحمدلله انا مظلومه مو ظالمه وهذا شي اعتز فيه.. وبس اظلم نفسي بالمعاصي..يالله الله سامحني ويهديني.. احلا شي هنا انه صوت الموذن ينسمع والواحد يصح على صوته وينعم باحلى صوت الحمدلله
:يمه شلون دخلتن
غزل: لقين الباب مفتوح
جودي: غريبه ليش ما قفله
غزيل: اكيد بعد ماتعورتي البارح تاب
جودي: ما اظن هذا هو السبب
غزل: ليش
جودي: اصلا هو مو مصدقني اني طحت على القنينه
وخبرتهن بالسالفه
غزل وغزيل:هههههههههههههههههههه
جودي: ايه اضحكن شو وراكن
غزيل:هههههه اما صدق صرصورك يشبهك مميز يباله وسام
غزل: وجعععععع انت ماتثمني الكلمه قبل ما تنطقينها صدق هبل
غزيل: اشفيك قلبتي علي انا قلت شي
جودي: هههههههه
غزل وهي تذكر: انت مالبستي فستانك
جودي: والي يخليك تشائمت منه كل ماذكرناه طحت في مصيبه
غزل: مايجوز تتشائمين
غزل: تعالي وياني بنقيس ونشوف اعمارنا قبل السهره
غسلت وجهي ورحت معاهن وانا لابسه بجامتي كانت برمود وهي ثلاث قطع ولونها عسلي
لبست فستاني
جودي: شرايكن
غزل: جناااااان
رحت للمرايه وفتحت شعري وحركته شوي ورجعته على ورى
...صرت مفتونه بعمري ما كنت اشوف عمري الي في الحمام لانه مو مسوح لي ادخل حجرة الحيزبون بس اكثر الاحيان اناظر عمري لمـ اخذ كف محترم ويعلم في وجهي.. كنت لابسه فستان مموج بين الفوشي والفستقي والبرتقالي والاصفر يعني لونه جريء عملته طويل ومفتوح من الطرف اليمين والصدر عملته صدر دارين لون فوشي والوسط مكلف بس نفس ارضيت الي تحت
غزيل: بصراحه جريء وحلوا
التفت لهم: خفت اني تسرعت لمـ خذيته
غزيل: حتى انا بس كان خاطري اعمل كذا بس خفت يخرب فلما سألتيني قلت حلوا لانه عاجبني بس خفت اعمل شي جريء لانه ماما بتلبسني هو غصب انتي ماتعرفينها
جودي: اما نذاااله بصدق
غزل وهي تكلم غزل:ههههههههههههههه والله انك تحفه
ـــــــــــــــــــــــــــــــــ
ناويلك على نيه
بس انت اصبر شويه
اذا ماعلقك فيني
وهواك يصير بيديا
والله لااشغل افكارك
واشعل بالهواى نارك
واسكن قلبي بدارك
واعلمك الرومنسيه
ودي اسمع اني احبج
بصدق يقولها قلبك
واشوف الشوق بعينك
بالروحه والجايه
وناويلك على نيه
بس انت اصبر شويه
...كنت جالسه على الكوشه واناظر البرنسيستين يرقصن بس الكلمات احسها موجها لي بس اتراجعت لاني اعرف جهاد..بس جهاد مثل كل الرجال ممكن يجي معاي ويتعلق فيني مثل ما انا تعلقت فيه لالالاللاالااااا بديت اخربط اعوذ بالله من الشيطان الرجيم..ابليس ركب راسي وبيخرب افكاري..
حسيت بخبطه على كتفي ناظرت الي خبطني
غزل: لاااااااااا وين رحتي ردي يا ماما انتي هنا في الارض
جودي: ها
غزيل وغزل:ههههههههههههه
غزيل وهي تشهق: ييييييه شوفن من حضرت
ناظرنا للمكان الي كانت تناظره غزيل..انصدمنا شفنا إنغام هي وامها داخلات..هي تقرب للخاله مزون يعني ام انغام تصير بنت خالة الخاله مزون..بس علاقة الخاله موضي بام انغام اقوه لانه صديقات من ايام الدراسه في الخارج
انغام كانت لابسه احمر لين نص الفخذ والجزء الي فوق شفاف بس الصدر الي مغطه..طبعا ماكنت شايفتها تمام لانه نظري ضعيف
جودي: قليلة ادب
غزل وغزيل: ههههههههههههههههههههه
غزل: آآآآآه قلبي اشتب نار
غزيل وهي تغني: بغار عليك بغااااارعليك
غزل وغزيل: ههههههههههههههههههههه
جودي: مالت عليكن
..بجد ليش احس اني محروقه واني اشتعل اف قهر شو هـ الشعور احس اني اريد ابكي..
غزل: اقول جودي احس انها قنبله موقته وبتنفجر
غزيل: الا صدق ليش جات
غزل: لاجل يبين انها مو مهتم واصلا ماماتي كلمتها بنفسها لاجل تحضر يعني تعرفين ماما تحب صديقتها
غزيل: بس تصدقي ماما رغم انها بنت خالتها بس ماتحبها
جودي: خلاص فكونا من هـ السالفه
على الساعه احدعش انزفت العنود وهي شايله ولدها وجمبها متعب وبنتهم تمشي قدامهم وهي ماسكه كومت بلالين بشرايط ورقيه و اول ما وصلو الكوشه
المفروض من اسير تترك الشرايط بس البنيه معنده ماتريد وحنا متنا ضحك عليها
العنود: ماما اتركيها خليها تطير لاجل الناس يقول شوفو البنت الشاطرة طيرت البلونات
تركتها اسير وارتفعت البلونات لين اصطدمت بالسقف
اتوزعت الهدايه على الاطفال
ودخلوا الحريم البوفيه
..كان ودي ادخل البوفيه تذكرت جود: ودي انعزم في فرح فيه بوفيه كل الي نعرفهم ماعندهم غير الكابلي..
جودي: اقول غزل انا جوعانه
غزل: اوكي خلينا ننزل ..ونادت على غزيل: غزيل بنروح نتعشى تجين ويانا
غزيل وهي مرتبشه مع الاطفال لانها الوحيده الي ماتغطي من متعب: ايه بس انتظروني
غزل: لا انت لحقينا
ومشينا وانا ماسكه في يد غزل لاني لابسه كعب واعرج بسبب رجولي
جلست على طاوله وغزل راحت تجيب لنا عشى
غزيل: وين غزل
جودي: راحت تجيب لنا عشى
ام انغام: شلونك غزيل
غزيل: بخير خالتي انت شلونكم
ام انغام: الحمدلله
انغام: ماما تعالي نروح المرتزقه هني كافي انها خطفة خطيبي ااخاف تخطفك هالمره
جودي: ليش شايفتني شاذه مثلك
ام انغام: انت قليلة ادب وتربيتك تربيت شوارع
جودي: الي بيته من قزاز لايرمي غيره بحصى
ام انغام: الغلط مو منك الغلط مني انا اني واقفه مع وحده من الشارع
وتركت المكان وراحت
غزيل: هههه اقول جودي سكتيه والله هذه ام لسان محد يقدر عليها
غزل: شو صار ليش اصواتكن عاليه
غزيل: خلينا نتعشى الحين وفي البيت بنكمل سوالف ماينفع هني
جودي: انا بصراحه انسدت نفسي
غزل: اش دعوه متعبتني في الاخير ماتتعشين
موضي وهي معصبه: شو الي عملتيه
انتفضت من الخوف بصراحه هي من الحموات الي يخوفن لها شخصيه جدا قويه..مارديت كنت اناظر القلاس الي قدامي
موضي: اوقفي
وقفت
غزل: يمه خليها تتعشى ماصار شي
موضي: ماصار شي هاا ام انغام حالفه ماتدخل وهـ العله موجوده
وقفت ومشيت وغزل وغزيل لحقوني خرجنا ورجعنا جلسنا قريبين من الكوشه
جودي: اما صدق متعب شخصيه
غزل: ترا جهاد نسخه من متعب
جودي: شلون مافي وجه تشابه ماشاءالله عليه باين انه متعاطف ويحب يبتسم
غزل: اصلا العنود كانت رافضته لانه كان جدي وهو مازال جدي بس تغير شوي ولمـ يكون مع العنود تقول انه ماشاءالله شيء ثاني زي الحين
...كان يبتسم للعنود ويسولف ولاكانه في حد وياهم.. والمصوره تصور فديوا.. نزل متعب وحنا طلعنا
فسخنا حجابنا وغزل ترقص على اغنية الاماكن
طبعا وقفت المغنيه وشغلوا كسيت ومابقى احد في الصاله غير العنود وغزل وغزيل وانا واسير وحمودي الصغير الي كان في مهده وطبعا كلنا فوق الكوشه
غزل: جودي تعالي ارقص وياي
العنود: انت وين عقلك مالها كم يوم مسقطه ولا رجولها متعوره شلون بترقص
غزل:ههههههه عادي برقبتها وخصرها
غزيل وهي تذكر: ايه جودي وري العنود شلون تطقي خصرك
... احرجوني بس ابتسمت: لا عيوني اخاف على نفسي من العين
الكل:هههههههههههههه
غزل:وووووووو لالالا شوفو اخوي جنااااااان ماشاءالله عليه
غزيل: ووووووو عنابي اموت على العنابي
ناظرت للمكان الي يناظرونه شفت الخاله مزون ووياها واحد لابس ثوب عنابي وغتره بيضاء وحاط العقال بشكل شوي مايل لليسار ورافع الغتره من جه ومنزلها من الطرف الثاني..بس الوجه ما شفته
جودي: هذا منو
غزل: بسم الله عليك هذا جهاد اشفيك فقدتي الذاكره
جودي: لا ما اشوف من بعيد
غزل: وانا اقول انت ليش تنقلين مني وما تنقلين من السبوره امم انزين ركبي نظاره
جودي: لا ما احب
غزيل: انزين لبسي عدسات ولا اقول سوي الليزك وريحي عمرك
مزون: شو رايكم صدتلكم صيده
ابتسم جهاد وهو يناظر الخاله مزون احسه يحبها اكثر من امه يعني رضعته وهي اصلا مبين عليها انها تحبه كثير
غزيل: كليتي الرجال
..احرجتني وبعدت نظري وكاني لمحت وحده واقفه عند باب البوفيه الي مقابلنا يعني هو فيه بابين واحد يخرج على الصاله الخارجيه والثاني الي مقابلنا
غزل وهي تساسر غزيل: غزيل ما كانه هذيك انغام
غزيل وهي تناظر: ايه هي
غزل: تعالي بنخليها تموت قهر
غزيل: ههههههه شريره لا انا اخاف اؤثم لاماتت
غزل وهي معصبه: ما ادري انت شنو من البشر مزحك زي وجهك اوووف
غزيل وبصوت عالي: جهاد خذ صوره عاطفيه انت والمدام دام انه المصوره موجود
..بسرعه وجهت نظري لجهاد شفته رافع حاجبه الايمن عرفت انه عصب..
غزيل: عادي لاتستحي تراك كنت مزرقن يوم زواجك يعني كنت موطايقها بس الحين الحمدلله حتى مرابط عندها طول الوقت حتى الديوانيه ماتروحلها
..شفته ضغط على عينه اليمين يعني هو الحين يتوعدلها بشي يسنعها عقب ماتروح امها..
مزون وهي مبتسمه:وهي صادقه خذوصوره عاطفيه على قولت غزيل هه ههههه
الكل: هههههههه
طبعا عدا انا وجهاد الي ماضحكنا
غزل وهي تساسرني: اقربي منه ترى انغام تناظره وبتموت اذا شافتك عنده
بس الخاله مزون كانت اسرع مسكت جهاد وقربته مني
مزون: جهاد حبيبي ابتسم لاجل خاطري
ابتسم جهاد ابتسامه احس انها ذوبتني...ماكنت اسمع شي
بس حسيت بنار على خصري..نزلت عيوني وشفت يدينه على خصري.. ابتعدت شوي وهو مازال ماسك خصري رفعت راسي ابا اتاكد من الي يصيرلي
مزون: هههههه جودي عادي هي صوره اشفيك
غزل وغزيل:ههههههههههههههههههه
غزيل: تصوري اشعليك بعمرنا ومتزوجه
مزون: انت ابا اعرف متى تعقلين
جهاد: هههههههه
الكل:ههههههههه
مزون ووهي تكلم المصوره: صوري
خرجت الكميره وعدلتها طبعا صور فيتوغرافيه
..انا كنت اناظر جهاد الي مازال على ابتسامته..
العنود وهي تناظر جهاد: والله صدق مايغير الرجال الا الحريم
ابتسم جهاد لها وانا ناظرتها غمزة لي بصراحه احس اني بغوص في هدومي من الحيا..درت بوجهي للجه الثانيه وسمعت ضحكهم
غزل: جودي يالخبله لاتخربين على عمرك بحياك
ناظرت إلها فعلا لازم اجبره انه يموت فيني غصب طيب لازم يحبني
ولمحت بعيني وحده ومثل ماهي واقفه عند الباب ابتسمت غصب صرت شريره غصب عني بس خلاص صار لي وماراح اتنازل عنه
غزيل: جودي لاتكوني دِلخها حطي يدك على صدره
..صرت مسبه كل وحده تسبني وانا ساكته..
مزون: هههههه اشفيك سمعي كلامهن نصائح بسب
الكل: ههههههههه
..حطيت يدي وهي ترتعش على صدره ورفعت راسي اناظره ابا اشوف ردت فعله هي نفس الابتسامه طبعا هو كان يناظر الخاله مزون...
المصوره: خلاص بدي اصور هلا
ناظرني وطاحت عيني في عينه
المصوره: اوكي الحين اسندي راسك على صدره
...ارتعشت من هـ الفكره...
غزل وهي تصفر: ووووووووو عشنا وشفنا جهاد مبتسم ومطيع
الكل:هههههههههههههه
هم يضحكون وجهاد بنفس الابتسامه اخاف انه وقفوه برمود وهو على ذا الشكل..
غزيل: اقول جودي انت صايره اليوم طنشه من اول الحرمه تقولك اسندي راسك على صدره
..اسندت راسي على صدره وهو تلقائيا رفع يده وحطها على شعري وغرس انامله فيها ولاني ماكنت عامله تسريحه بس سشوار وممكر على فوق ومن قدام مفروق بالنص وممسوك بـ اشارب وعلى جنب ربطته وحطت لي فيونكه فوشيه..غمضت عيوني غصب عني.. ليش حبيتك وليش تسايرهم وانت بطلقني.. ليش تجرحني بكلامك وتداويني بفعلك
غزيل:هههههههههه جودي نامت
الكل:ههههههههه
ابعدت راسي وانا منحرجه
غزل: بروح اكلمهم يشغلوا موسيقه وعاد نبيكم ترقصوا سلوا
...وراحت وتركتني هـ البنت بتجيب اجلي..
موزن: عادي جهاد في فلم فاضي يعني للذكره وترا شكلها بيتغير مع اول طفل لكم مابتظل كذا بيبي بيصير شكلها حرمه وبتندم صدقني
جهاد:هههههههههه اقول يمه تراك منتي هينه
الكل: هههههههههههههههههههه
مزون:ههههههههه عاد سوالف تعلمنا من كثر مانحضر افراح
غزيل: لا والله يمه انا شفت صوركي وانت في بريطانيا عاد عشتي الدور مضبووووووووووووط
الكل: هههههههههههههههههههههههههه
ضربت مزون غزيل على كتفها وهي منحرجه:وانت من متى تنبشين في اغراضي
غزل: من زماااااااااان
انصدمت مزون
وغزل وغزيل ماتو ضحك عليها
...انا كنت اضحك وارتعش ما ادري احس باني اشتعل نار وفي نفس الوقت احس بالبرد..
ارتفع صوت الموسيقى وناظرت جهاد وذبت في نظراته هي نفس النظرات ونفس الابتسامه..ماا اقولكم موقفينه على هـ اللقطه.
غزيل: جودي اشفيك حطي يدينك حولين رقبته
..لا والله سايرتكم كثير ما العب بالنار انا انا الوحيد الي بتكوين النار وبيظل اثرها معلم فيني وقت طويل ويمكن ماتنمحى..
ابتعدت
مزون: هههههههه
العنود: جهاد معاليك فيها امسكها هههههههه
مسك يديني ورفعها حولين رقبته..ناظرت عيونه هذا اشفيه شكله مبدلينه اليوم ولا شارب شي كنت رافضه اني ارقص بس غصب ذوبني..رفعت راسي له وقربت شفايف من اذنه
همسة له في اذنه: ليش تحب تعذبني
قرب راسه من اذني: مثل ماعذبتيني وحرمتيني النوم
...غمضت عيوني غصب عني.. يذكرها وانا بين احضانه اصعب شعور .زوجيت ابتعد..حسيت بيدينه تضغط على وسطي رفعت راسي له..هذا اشفيه رجعت لي ذكرى بريطانيا..بس
ووووووووو للللااالاالالالالالااااااا احس اني طايره في الجو رفعت رجولي وانا اصرخ
الكل: ههههههههههه
دار شوي فيني وانا كل نظراتي موجها لعيونه.. اقص يدي لو هذا طبيعي..نزلني وانا احس بدوران
حضني
موضي بقهر: خلصتوا ولا باقي
ابتعدت بس جهاد مسكني وحط ذراعه على ظهري
جهاد: خلصنا بس انتو خلصتوا
موضي: فضيت الصاله مابقى غيرنا واهل انغام لانهم بيروحون مع عناد بس هو راح يوصل اغراض للبيت وتاخر الله يهديه
وناظرتني بقهر وراحت
جهاد: اوكي انا تعبان وبروح وانا الي بوصلكم يالله عشر دقايق والاقيكن جاهزات
مزون: غزل غزيل قدامي بسرعه نشوف شو فضلنا
ابتعدت عن جهاد وانا اعرج بشده لانه لم نزلني ضغط على رجلي اليسار
العنود: سلامات شكلك تعبانه
ابتسمت: الله يسلمك لا بس رجلي تالمني
رحت لعباتي ولبستها وسحبت الايشارب من شعري وربطه على رقبتي
رحت لـ حمودي وشلته وظليت ابوس فيه
العنود: الله يعوضك
ابتسمت لها
جهاد مد يده وناولته حمودي: ولدك احسه ضعفان تغدي عدل مو تجيبين لنا صعاليك
ضحكت على تعليقه:ههههههههههههه
العنود: هههههههه نشوف عيالك لاجو كيف بيكونوا
..نظرت له ابا اشوف كل حركه يسويها ابا اسمع كل كلمه يقولها..
ابتسم لها جهاد ورفع حمودي يبوس فيه
العنود: الله يعوضك ياخوي بالي احسن منه ما ادرك يمكن لا عاش بيكون عاق ادعي ربك بانه يعوضك خير مثل ما علمنا ابوي
...شعرت بالم في صدري احس اني تسببت في تعاست الانسان الي شالني من العذاب.. نزلت دمعه مني غصب عني.. انا الي دوم اقاوم دموعي انا الي ظنيت اني دموعي جفت انا الي ظنيت اني اقدر اقاوم دموعي امام الكل..نزلت هـ المره ونزلت وهي تحمل الكثير من الاحزان الماضيه والحاضره نزلت وانا اتألم بالم شلون اخلي هـ الجليد يذوب او شلون ارد لهـ سعادته مافي غير انه يرد لـ انغام هو هذا الحل انغام..لازم ابعد بسرعه مثل مادخلت عالمه بسرعه..لازم اخرج من عالمه بدون ما اترك
جهاد: شكلك بتنامين هنا
رفعت راسي ماشفت احد حتى معظم اللمبات مسكره..
وقفت ومشيت بس وقفت وانا احس بالم في رجلي
بس كملت مشي وانا اتالم في صدري واتجاهل الم الجرح الي برجلي
مسك يدي ومشينا في الممر وانا اعرج واللمبات تنطفي خلفنا لين وصلنا لبوابة الصالة نظرت لورى وشفتها ظلاماء.. احلى ذكره اتولدت هنا وقررت اني ادفنها هنا.
خرجنا على الساعه ثنين ونص
في سيارة عناد ركبت ام انغام وبنتها
في سيارة جهاد
الخاله موضي جمب جهاد وغزل وغزيل وانا خلف جهاد
طبعا لانه بيمشنا عـ الكرنيش ويا حلات الكرنيش ايام الشتى جناااااان بس الزحمه هي الي تقهر.. طبعا انا ماكنت اشوف الكرنيش الا في التلفزيون..
ركبت وياه وانا كل الي اريده اني اوصل لداري واختلي بعمري محتاجه اختلي بعمري شوي محتاجه ارجع حساباتي
في سيارة متعب العنود وامه وعيالهم
وصلنا الساعه ثلاثه بس عـ الطرف لانه زحمه والمكان الي حنا فيه بعيد عنهم شوي
موضي: الله يهديك ما جبتنا الا عند المصنع
جهاد: وين يمه المصنع بعيد حيل بس من كبره يبين انه قريب
موضي: شم العفن الا يخرجه
جهاد: تحملي الغاليه لو دخلنا لجوه ما بنلاقي مكان هذا اولا وثاني بياذن الفجر وحنا ماوصلنا البيت
فرش فرشه وخرجنا وانا اعرج.. جلست ااول وحده لانه رجولي ماعد تتحملني جلست ورفعت ركبتي اليسار وحطيت راسي عليها
الكل جلس
عند البنات
غزل: الاشو رايك في رقص الـ سلو
جودي: يجيك يوم يجيك يوم
غزل: ان شاءالله قريب
غزيل: ولا اشرايك في فكرة الصور العاطفيه
البنات: هههههههه
كنا كلنا في فرشه وحده ومتعب وجهاد جالسين على السجاده
جهاد وهو يوقف: شو تشربون
موضي: على ذوقك
جهاد: اذا على ذوقي مافي غير كوفي يدفينا في هـ البرد
الكل: اوكي
جودي: احس اني انزف
غزل: من وين
جودي: من ساقي يعني من وين
غزل: يعني قلنا مسقـ
ضربتها على كتفها ع خفيف: شو هـ الافكار الي تجيكم
غزل: اذكري الله
جودي: ماشاءالله بس ياليت لو تبعدونها عني لاني الوحيده الي اتورط في افكاركم
غزيل: الحمدلله انا افكاري جنااااان
غزل: قول مثل وجهك
جهاد: بسرعه خذو مني
خذينا الكوفي
متعب: عنوتي تعالي نمشي شوي ونلعب اسير
العنود: لا مافيني تعبانه خطوتين زياده واطيح على وجهي
متعب: عادي بشيلك قبل ماطيحين
غزيل: ياماما اشهدي هم الي يخربونا وانت ما عندك غير تقولين ستار ومستار
الكل: ههههههههههههه
متعب: انت بكبرك خربانه
موضي: عااااد متعب كله ولا غزيل
متعب: ايه دافعي خطيبت ولدك يحقلك تدافعين بس خذيها نصيحه مني اذا تبين السعاده لـ انس شيلي غزيل من راسك
الكل: ههههههههههههه
غزيل انحرجت وودها تنط في بطن متعب
العنود: لا والله اصلا سعادة انس ماتكتمل الي بغزيل
متعب: والله كيفكم انا نصحتكم
جهاد: يااخي بنتك لصقه كم مره بغت تكب الكوفي علي
ووقف وترك متعب وجا جلس عندنا
جهاد: اقول غزل انت وغزيل رحوا الجه الثانيه ودي انسدح ظهري انكسر من الشغل
متعب: اشعليك طبيب اطفال مو متعود على الشقى
جهاد: هههههههه يعني انت الي تحمل اثقال وانا ما ادري
مزون: جهاد طلبتك قول تم
جهاد: تم وتعرفين لو تطلبين عيوني عطيتك هي في طبق من ذهب
مزون: تسلم لي ياالغالي
متعب: ما ادري انا ولدك ولاهو تحبينه اكثر مني
جهاد: يالطيـــــــــــــــــــف حسد
مزون وهي تطنشهم لانها تعرف انها ماراح تخلص منهم: تذكر على نهر سيلي وكان الجو كذا حلو شو غنية احس انها تحمل ذكرى حلوه تلك الايام لنا ياليت لو تغني
متعب: يووووو عاشت الوالده
جهاد: هههههه تعرف شو مشكلتنا
متعب: انه امهتنا متعلمات
جهاد: ولا في الخارج بعد
موضي ومزون عصبن
موضي: صرنا مشكله ها
جهاد:هههههههه لا مو هـ القصد
مزون: شو قصدكم
غزيل: ماما هم يقصدون يعني لو سو مصيبه بتكشفونهم وانه اي حرك يسونها لـ اي احد مابتعدونها كذا بتفهمونها
متعب: احلى تكلمت ام العريف
جهاد: تعال هنا شكلك بردان
متعب: لا مرتاح
جهاد وهو يقاطعه: تعال يارجال لاتستحي
لصق جهاد فيني وعطاني ظهره
متعب وهو يجلس: تعال وين شارد
جهاد: ماتشوف بنتك بتنام حطها على الارض
متعب: لا حبيبتي تنام على الارض وراسي يشمى الهواء مايصير
مزون: جهاد شكلك نسيت ولاتناسيت
جهاد: ههه والله استحي يعني انا كنت لحالي وانت سمعتيني صدفه
مزون: كيفك
جهاد: افا بغنيلك كله ولا زعلك بس عاد تحملوا بس بغيرها يعني لاجل تغيرين بين المناسبتين والمحلين
دار لي وعاطني كوبه
جهاد: امسكيه زين
اخذت كوبه وشفت تقريبا نفس الي شربته وبدلت صرت اشرب من حقه وبعطيه حقي...غصب احس حقه غيييير
اذهلني صوته
علمني حبك اناحزن
وانا محتاج منذ عصور
لامرأة تجعلني احزن
لامرأة ابكي فوق ذراعيها
مثل العصفور
علمني علمني علمني
علمني حبك اناحزن
وانا محتاج منذ عصور
لامرأة تجعلني احزن
لامرأة ابكي فوق ذراعيها
مثل العصفور

لامرأة تجمع اجزائي
كشظايا البللور المكسور
لامرأة تجمع اجزائي
كشظايا البللور المكسور
علمني حبك سيدتي اسوأ عاداتي
علمني افتح فنجاني
فى الليلة آلاف المرات
واجرب طب العطارين
واطرقباب العرافات
علمني اخرج من بيتي
لامشط ارصفة الطرقات
واطارد وجهك فىالامطار
وفى اضواء السيارات
وألملم من عينيك ملايين النجمات
يا امرأةدوخت الدنيا
يا وجعي يا وجع النايات

ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان

ادخلني حبك سيدتي مدن الاحزان
وانا من قبلك لم ادخل مدن الاحزان
لم اعرف ابداً ان الدمع هو الانسان
ان الانسان بلا حزناً ذكرى انسان
ان الانسان بلا حزناً ذكرى انسان

علمني حبك ان اتصرف كالصبيان
انارسم وجهك بالطبشور على الحيطان
علمني حبك ان اتصرف كالصبيان
انارسم وجهك بالطبشور على الحيطان
يا امراة قلبت تاريخي
اني مذبوح فيكي
منالشريان الى الشريان
علمني حبك كيف الحب يغير خارطة الازمان

علمني انيحين احب
تكف الارض عن الدوران
علمني حبك اشياءاً
ما كانت ابداً فىالحسبان
فقرأت اقاصيص الاطفال
دخلت قصور ملوك الجان
وحلمت بأن تتزوجنيبنت السلطان
تلك العينان اصفى من ماء الخُلجان
تلك الشفتان اشهى من زهرالرمان
تلك العينان اصفى من ماء الخُلجان
تلك الشفتان اشهى من زهرالرمان
وحلمت بأني اخطفها مثل الفرسان
وحلمت بأني اهديها اطواق اللؤلؤوالمرجان
علمني حبك يا سيدتي ما الهذيان
علمني كيف يمر العمر ولا تأتي بنتالسلطان
ولا تأتي بنتالسلطان
ولا تأتي بنتالسلطان

ادخلني حبك سيدتي مدن الاحزان
وانا من قبلك لم ادخل مدنالاحزان
لم اعرف ابداً ان الدمع هو الانسان
ان الانسان بلا حزناً ذكرىانسان
ادخلني حبك سيدتي مدن الاحزان
وانا من قبلك لم ادخل مدنالاحزان
لم اعرف ابداً ان الدمع هو الانسان
ان الانسان بلا حزناً ذكرىانسان
ان الانسان بلا حزناً ذكرىانسان
غزل: ووووووووو جوجو عيد بسجله لاجل اسمعه صديقاتي
جهاد وهو معصب: ياخي في ناس ماينعطون وجه موليه
غزيل: هذه اختك خبله دوم تسوي حركاتها الخبله الي زي وجهها
الكل:هههههه
غزل: انتي الهبله ولاتسوين عمرك عاقله لانه العنود مدحتك ادري فيك بتموتين وتزوجين
الكل:هههههههه
متعب: ياخي شفت الحرميه لمـ يختلفون شو يسون
العنود: متعب والي يسلملي عمرك دخل اسير مافيني تمرض
وقف متعب: تامرين امر كم في القلب
غزيل: ماما عدي انت واغلطي...وهي تقصد غزل متعب والعنود..
جهاد: وين قهوتي
جودي: تفصل
متعب: اقول ياجماعه الساعه اربع باقي ساعه الا ربع عـ الصلاه خلينا نلحق الفجر في المسجد الي عندنا