عشق احفاد هاشم (مكتمله)

الـبارت الـثامن و الـعشرون

تقرب منها بسرعه و لزمها مـن شعرها وقربها لوجهه و حجه بنبره خلت سحرر ترجف مـن الخووف : اليوم مووتج على ايدي
بده فهد يضرب بيها و يضرب و يضرب بدون توقف ابدد و يصيح باسم لينا و يفشر على سحر
طبوا اسد و ناصر للغرفه و بسرعه كاملهم فهد وهو يوجهه السلاح على سكر : الي يتگرب منييي اكتلها ولله
تقرب منه ناصر بتحذير : فهد اسمعني
فهد وهو لازم شعر سحر الي مداميه : كتلللك اكتلها ولله وخرررررر

لزم اسد ناصر حتى يبتعد عن فهد الي اتهسترت حالته
اما فهد فهو ضرب سحر اخر ضربه و على اثرها وكعت بالكاع
دنك فهد و سحبها مـن شعرها و طلعها مـن الغرفه سحلل و ناصر واسد يمشون وراه و يصيحون ميكدرون يتقربون منه بهيج حاله
سحلها على الدرج و سحر تصررخ : ولكمممم وخرووا منييي رح امووووت

وكفت حنين و دنيا و ياسمين و الخوف ياكلهن اكل وهنه يشوفن سحر مداميه و فهد يسحلها مـن الدرج و يصيح وهي تصيح
سحلها للطارمه و ادمت رجليها و ايدديها مـن الكاع و تصرخ و فهد و لا حاس و لا رفله جفن
وصل للسياره و شمرها بداخل السياره

ركض اسد قبله و اخذ المفتاح مـن السياره و خلا بجيبه
تقرب فهد منه و حجه : انطيني المفاتح
حجه اسد بعصبيه : مـا انطييي
ضربه فهد على وجهه و رجع اسد على اثر الضربه ليوره : كتلللك انطيني المفتااح
تفل اسد الدم الي طلع مـن حلكه وحجه : كتلك مـا انطيييه

راد فهد يتقدم مـن اسد بـس ضربه ناصر على راسه خلته يوكع على اسد مغمى عليه و اسد مدد بالكاع وياه وحضنه بقووه ولازم راسه و ظل يبجي على اخووه شوون صـارت هيــچ حالته

نزلت سحر و ركضت تريد تطلع للشارع بـس ناصر جان اسرع منها و لزمها : ووووين يالكحب ... تردين تشرديين موو لتخافين انـي بيدي اوديج لاهلج العارااات
ركبها بالسياره و شخطها بسررعه و اخذها لبيتهم
و مـن وصل نزل مـن السياره و فتح الباب مالتها و نزلها مـن السياره

صاح بصوت عالي خله العالم تلتم عليه و مـنو ميعرفه ناصر حفيد الشيخ هاشم : شايفييين هاااي الكحب... بسببها هسه مره اخوويه بالمستشفى و اخويه متخببل
شمرها على ابوها الي طلع : اخذذذ بنتتتك و شيلوا منا تره ولله بـس يرجع فهد يشيلكم هـو منااا
و بعـدين ركب سيارته و عافهم وطلع
لزم ابو سحر بنته مـن ايديها ودخلها البيت وهو يضرب بيها والعالم صافنه عليه و متفاجئه مـن الي دا يصير و صارت سالفتهم على ڪُـل لسان

لليل جان فهد و اسد وناصر بالمركز يم دريد حتى ياخذون اقوال فهد و اميد بعد مـا فهد سبح و بدل ملابسه بـس مـا قبل أنــو دنيا تغسلهن ابدد و دنيا مـا كدرت تعانده ابدد
كله دريد أنــو قضيتك هي حق الدفاع الشرعي يعني ماكو سجن و و رافد متهم أنــو اختطف لينا و ضربها طلقه و جان حامل السلاح بوجهك و انـت دافعت عن نفسك
حجه فهد : عايش ؟
باوعله دريد و حجه : اي عايش بـس حالته خطره
رفع فهد راسه و باوع لدريد : حرامات توقعته يمووت