يُقال:*"الغائب عن العين غائب عن القلب"*
جمله بسمعها كتير اوى بس مش بحس معناها
ومش بحسها صح اصل لو كانت مكنتش هبقى لسه
بحبه
قطع تفكيرى دخول ماما
_ليله
=نعم يا ماما
_يلا عشان تنضفى الشقه معايا
=ليه يماما هنعمل حمله التنضيف ليه
_عشان ابن عمك جاى بكرة
=ابن عمى مين
_يوسف ابن عمك
سالتها باستغراب = جاي ليه يماما
_ لما بابا يجى ابقى اساليه ويلا قومى
=يماما ما الشقه نضيفه اهيه
_قومى يا بت وبلاش دلع بنات
=حاضر قايمه اهوه
*انا ليله وعندى عشرين سنه
ابن عمى يوسف دا اكبر منى بتلت سنين *
تانى يوم
_ماااما انا راحه الكليه
=ماشي متتاخريش عشان يوسف جاي
_ماشي يماما
وصلت الكليه
وخلصت بدرى عن المعتاد
الحمد لله اغلبيه المعيدين مش كانوا موجودين
وروحت انا وصحابي
=النهارده ناكل بيتزا بقا
-لا هناكل كريب وشاورما
=ليله هتاكلى ايه
_لا مش هاكل يوسف جاى النهارده وماما قالتلى متتاخريش
=بس احنا بدري اساسا هناكل ع طول ونروح وهيكون حبيب القلب لسه مجاش
برقت ليها وخدودى احمرت
بخوف مصطنع=اقصد يوسف
-ليله انتى تعرفى شكله
_لا معرفش شكله خالص
-ليه مشفيتوهوش بقالك ادايه
_من لما كان عندي سبع عدى انتى بقا لى اد ايه
=طب يلا وصلنا هناكل بيتزا
-خلاص ماشي ناكل بيتزا المرة دى
=ماشي يختى
دخلنا المطعم وطلبنا الاوردر
دخل شاب بعدنا بشويه وبص ع المكان كدا
وبعدها بص عليا وحسيته ابتسم كدا
وراح قعدا قصدنا كان قاعد قصادى
حسيت بهزه ف الشنطه بتاعتى كانت ماما بتتصل
_هيا امى بقت ساحرة ولا ايه
-مامتك اللى بتتصل
_اه
_السلام عليكم
وعليكم السلام خلصتى ولا لسه
_اه لسه خارجه يماما
ماشي ابن عمك خلاص قرب يجى
_ماشي يماما
مع السلامه متتاخريش
_ماشي سلام
=ايه جيه
_ع وصول بس اكدلك انه وصل بس قاعد دلوقتى بيطفح بيتزا فى مطعم
ولسه بخلص كلمتى لقيت الشاب اللى كان بيبصلى بيشرق بصيت عليه حسيت انى اعرفه
-زمان ابن عمك بيشرق زى اللى ورانا كدا
=مشمعنا هيروح ياكل بيتزا هو مش هيروح يتغدا عندكوا
_اصله مدمن بيتزا بيحبها اوى ممكن طول اليوم ياكل بيتزا ويقولك انا جعان
-يلا انا خلصت يلا خلصتوا
_اه اسبيقينا ادفعى
-ماشي
وقمنا عشان نمشي و حسيت حد بيبص عليا
بصيت ورايا لاقيت نفس الشاب بيبصلى وبيبتسم
حسيت احساس غريب حسيت انى اعرفه
"ايه دا ممكن يكون هو.. لا لا مش هوا.... هو كان قصير...انما دا طويل اوى.... وبقيت ف صراع بين القلب والعقل.... العقل مش هوا...
القلب..... هو الغايب هو اللى وعدنا زمان
العقل لا مش هو"
=ليله روحتى فين
_لا معاكوا
-اه بين
=ماشي تمام احنا ماشين
_ماشي مع السلامه
