تعريف الاشخاص
يونس الجوهري كبير عيله الجوهري الحاكم الامر للعيله. ذات قوه بدانيه عاليه والكل بيعمله الف حساب و عصبي جدا طبعه حاد مابيسمحش بالغلط مهمها كان هو مين و في اواخر عقده الثالث رافض الجواز والارتباط لاسباب خاصه بيه ورغم محاولات امه لكن مبتقدرش تغير قراره
معتز الجوهري شاب في 26 من عمره يتميز بشخصيته المرحه وانه طبعه هادي عكس اخوه ف هو شخصيته اهدا بكتير منه ودايما منطلق وبيحب الحياه ومش بيحسس حد انه ابن كبرات البلد
تحيه..سيده في نهايه عقدها السادس تتميز بالطيبه وبتحب اولادها جدا وحكيمه في تصرفتها
الحاج مصطفي.رجل في نهايه عقده الخامس طيب جدا وحكيم اووي وقاعد في مكان بعيد عن الكل لاسباب هتتعرف بعدين وهو من اصول صعيديه
قوت بنت جميله جدا جمالها بيخطف الانظار لانه مميز عيونها مثل البحر تغرق فيه من جمالهم وسحرهم وشعرها الاحمر الناري الناعم لاقصي حد وطويل لحد اخر ضهرها كل من يلمحها يقع اسير عشقها
ياسين اخو قوت في17 من عمره في مرحله ثانويه العامه مزيج من خفه دم وجدعنه دايما بيحسس قوت انه هو ابوها مش.مجرد اخ ودايما بيكون ملجاء ليها
__________
في احدي ضواحي الصعيد يكون في حركه في بيت من اجمل بيوت الصعيد يتميز بزوقه الرفيع يدل علي ثراء المقمين فيه.....
تحيه:انچزو عاد منك ليها معتز علي وصول عاد يااااباي عليكم وعلي دلعكم.الماسخ عاد
بنت:وه ياحجه تحيه انت مستعچله جوي اكده ليه احنا بنعمل اهو ومعتز بيه مش راح يعاود.دلوق
تحيه:انتي عارفني زين يانبويه انا اتوحشته جوي جوي وهو دايما بيعاوج عشان يرجع وكل مره عم يسافر فيها بحس ان قلبي بينخلع
نبويه: هيرچع ياحچه ماتقلقيش عاد ولسه هتكمل كلامها شافت يونس جاي قامت تجري علي مطبخ
تحيه..... مالك ياولدي
يونس: مافيش ياما اني زين المهم البنته جهزو كل حاچه.
تحيه:امال ياولدي كل شئ چاهز وفي انتظار البيه اللي هيعاود.من بلاد باره
يونس هز راسه وسكت
تحيه....بقولك يااولدي ماتشوف حل اكده بدل سافره اكديه دا بقي ذي الخوجات يااولدي وراح ينطبع باطباعهم.ياولدي وينسا عادتنا وتقليدنا عاد
يونس بصلها:عمره ماهيكون اكدا ياام يونس وانتي عارفه اكده انتي خايفه عليه وانا ماقدرش اقف في طريق مستقبله وحياته اللي شجي وتعب عشان يوصلها ياماه مش عدل
تحيه بتوتر.....وه خايفه عليه يااولدي قلبه بيتخلع منه وهو مسافر ومتشعلق في الهوا اكده
