لذلك اني جنت منتظر بباب بيت عمج حتئ اشوف شوكت ترجعين الي طلعتي وشفت تمشين وتبجين بيومها شلعتي كلبي من مكانه
اييي صدكيني والله من شفتج وحيده وتمشين بنص اليل والظلام محاوط صغر سنج ومحاوط روحج الحلوه تعذبت اكثر
جنت اباوعلج وامشي بسياره وراج واديه مقيده ما كدرت انزل الج اول مره احس نفسي عاجز كدام رهبة الموقف
ردتج تكونين الوحدج تحسين بحاجتي مثل ما اني بحاجتج
وما جنت اعرف شلون اواسيج شلون اطيب خاطرج وامسح دمعتج المحرومه
لزم وجهي بكفوف اديه وباسني بطرف شفتي واني دموعي تنزل بصمت وهدئت من ثورتي كال بحب ممزوج بحنية...شلووون اتخلئ عنج وانتي دوه جروحي
همست بعذاب وحزن...حتئ لو رجعت شام ؟
سحب راسي بقوووه وضمني الصدره بس مجاوب علئ سؤالي شهكت واني اسمع الدكات گلبه العاليه وسكوته عذبني...
ورجعلي الانهيار من جديد رفست برجليه دلاله علئ نوبة صرع قووويه هزت كل جسمي
واحس بي موعوووب عليه وهو يحاول يفتح اصطكاك اسناني وحسيت بزرق ابره بيدي بيها حسيت فقدت الوعي جزئيا...
..........................
جابر...
اول ما كالت جولييت ما اشوف جاسر اشتدت ملامحه وانخطف لوونه بسرعه لزم اديها وباوع للكل وامرنه نطلع
بسرعه طلعنه وهو ضل بس هو وياها والدكتور الكل جان متأسف علئ حالها...
بعدها ما نسمع بس بكاءها ونحيبها امي رضيه والبنات خطيه ضلن يبجن عليها
واني خليت وصرت علئ صفحه يالله هل بنيه ولا عندها حظ والله اعزها مثل ريهام
اني جنت ما اعرفها ولا شايفها بس مره من عزمونه شفتها بالمطبخ عبالي وقار واتذكرت وقار عيونها سود بس اني جنت مشايف وقار لان من انضربت بيدها
وبعدها من انهزمت من اخوها قتل اهل جاسر واني والله ما جنت انقذها بس هي تجبر الواحد ينقذها
بنيه فقيره وبريئه مدري بيها شئ يخلي الواحد غصبا عنه يساعدها...
ما اعرف جاسر شلون يقسئ عليها اني مرات اكول الوقار شلون يقسئ عليها ترئ خطيه صغيره وفقيره
دكول...لا مو قاسي وياها بس هي مرات متعرف تتصرف وهو يحبها ترئ ويدافعلها
جنت افرح من دكول هييج والله جولييت ما نضرت الها غير نظره اخت وجنت اتمنئ عندها اخت مثلها و وقار ما قاصره ومثل اخلاق جولييت الحمد لله...
واني هذا الي اسعئ اله اتمنئ اشوفها سعيده وياه مو ويه غيره هو ابن عمي واخووي
ورغم هو عصبي وهي هادئه بس ما اعرف ما اشوفها اله وياه وما اشوفها ترهم اله وياه...
YOU ARE READING
#جوليت وأسرها....
ChickLitقصه عراقية تتحدث عن فتاة جميلة تعاكسها الايام لتصبح زوجه للكاسر ويحدث مالم يكن بالحساب وهو قتل بنت زوجها واخيه وابيه علئ يد اخيها السفاح فتصبح اسيرة لدا الكاسر 💔 انا أسيرتك التي لم ولن يجرؤ اي رجل علئ وجه الارض مساسها غيرك هاا انا اراقبك بمدائن من...
البارت 21
Start from the beginning
