عشق احفاد هاشم (مكتمله)

الـبارت الـخامس عشر

تناسى فهد كُـل الكلام الي كالته لينا و ركز بكلمه اخر يوم
فهد بتوجس : اخر يوم شنـو ؟؟
لينا بنفاذ صبر : انتقلت لغير شغل ارتاحيت هسسه
نكدر نكول أنــو فهد حاليا يحتاجله كلمه وحده و يكلب المطبخ على راس لينا و حجه مـن بين اسنونه بغضب  : انـتِ دا تسمعييين لسانج شدا يحجيي !!! شغلييش الي انتقلتيي اله

تعصبت لينا مـن اسأله فهد و فضوله : ‎اڪولڪ عفيييه شبيييك اخذتني حاصل فاصل مـا كافي ؏ــــآد و هــاي حــيآتي و انـي حره بيهاا مـا الك اي حق تتدخل بيها
راد يجاوب فهد بـس نفتح الضوه مـال مطبخ و نداروا ثنينهم و لكوا مصطفى يباوعلهم بتك عين مـن النعاس

صفن عليهم مصطفى وهو يطوطح مـن النعاس و تحرك باتجاهم و فات مـن بينهم و فتح الثلاجه و اخذ مي شربه  و ظل صافن ؏ الثلاجه
اما فهد و لينا يباوعوله باستغراب و بعـدين ندار عليهم وهو لسه مفتح بـس عين وحده و حرك ايده باستهزاء : بنصاص الليالي تتعاركون
و بعـدين عافهم وراح و لا كأنو شي صاير

و اول مـا طلع مصطفى حجه فهد بعصبيه وهو يأشر بايده : باعي لـج انـي ابن عمج و غصبا علـيج أنــو اعرف كُلـشي عنج
لينا بغضب : و هااي مـن يـاا قااامووس طلعت هذا الكلام استاذ فهدد
تقرب فهد و لزم لينا مـن ايدها بعصبيه : مـن اول مـا خطت رجلج لهذا البيت

باوعت لينا لفهد بغضب و تحدي : انـت رجال مزوج حير بمرتك و عوفني
فهد بغضب اكبر : مـا مزوووج انـي و سحر ؏ الوررق و بسس
رفعت لينا حاجبها باستهزاء : ؏ الورق او مـــو ؏ الورق انـت رجال مزوج

نتر فهد ايده مـن لينا بقوه و لينا لزمت ايدها بآلم متعرف منين تجيها هــاي القوه و توكف هيــچ كدام فهد
اما فهد جان مجتف ايديه على صدره و يباوعلها و هـو يكرط بشفته بغضب و عصبيه : شسوي بيـج انـي هسه كوليلي شسووي

تقربت لينا مـن فهد و رفعت اصبعها كدام وجهه بتحدي : باااوعلي مـن هسه ‎اڪولڪ مـا الكك دخلل بيا بعددد فهمتتت كاافي تدخل بكولشي
اما فهد فهو عض شفته السفليه مـن بين سنونه و رفع حواجبه و ابتسم بسخريه : لا بربج !

احمر وجهه لينا مـن الغضب بسبب فهد الي يستهزاء بكلامه و عصرت ايدها كدام وجهه وحجت بغضب : اووووووووف
و عافته وراحت وهي تضرب الـكاع برجلها

اما فهد فهو جان يباوعلها و يبتسم على غضبها الي يحبه
بعـدين تلاشت ابتسامته و حلت محلها الملامح الغاضبه وهو يذكر أنــو لينا انتقلت لغير شغل و مخابره سرمد اله اللي تدل ؏ أنــو التقى بلينا
فهد بهمس : لازم ﭑ؏ـــرُف شنـو الي صـار بغيابي

بدت لينا بشغلها اول يوم بالمجمع الصحي الخاص بسرمد و اول مـا دخلت لكت سرمد ينتظرها بابتسامته الهادئه
مد ايده الها وهو يرحب بيها بحفاوه : صباح الخير دكتوره لينا نورتي المكان
ابتسمت لينا و صافحت ايده الممدوده : صباح النور استاذ سرمد