الكاتبه يميم
ما قاب قوسين ولا قد قاب قوساً واحداً
بل أدنى مني قد دنى ..
لأنني لم اعطه ظهري ولو لِلحظة
من الامام عن رِضا ما كان ذنباً فد دنى
أحِبك أحِبك آحِبُكّ
لان الثلج لا يستطيع أن ينسى اثار خُطاك
حتى بعد ذوبانه....
أمره مو بيده اليتاني
الورقه ما تختار كللمة
الجفن ما يختار حلمه
البشر ما يختار إسمه
ثاري حته الفرگه قسمه...
و إنسجنه !!
واحد بنص روح واحد
انه كلمه ب حلگ أخرس
وأنته دمعه بعين فاگد
حته ما لحكت أكرهك
جدامك بگد ما خفيفه،،الگاع
ما ميزت وقعهن بل صعود و بل رجوع
چنهه منگار الزرازير التجوع
كلشي بل دنيا حجر
و يريدني أعثر
كلشي گام بعيني يزغر
جاي ادور بال فارغ..
الگبل وكت الشيب شيب
هذا جان هواي يسامح
الألم دافنشي الملامح
جاي ادور بال فارغ ..
مشتهي بأي بال أخطر
بلايه حس..چن غيبة أخرس
چن سمه بلا غيم تمطر
دورت بس كلشي مكتض
شفت حته البير يگطر
الجبل يتقيئ يصب بركااان يصلي
البحر هايج حيلللل هايج
چنه طاست ماي تغلللي
الفجر ما بي خيط أبيض
ضيجي ما يتحمله كووون!!
كل صبح من دون وجهك
ليييل مكيج روحه لون
حشم النجمه و كمرها
و لم شكو بأي شمعه حيل
الضوه المو من شمس ميلاوي ليل
الضوه المو من شمس
ما يلاوي ليل...
كون آنسه هواااي..اتمنه قليل
الناكرلهم ذاتي نكرولي الجميل
عيون الأعمى بوجهة ينعدن جروح
و المفارگ أعمى وجروحه تسيل
النار تچوي وما تحس بل ینچوون
ب برود المشكله يحرگوونك
حته ما باعوك يا گلبي نطوك 💔
الله لا ينطيهم الينطونك
الطيف أكرهه بلا عداله يضل يجيك
تشوف بي فد ناس ما يشوفونك
الندى احله من المطر چي شي قليل
شما تشح گدامهم يردونك
الجبل لو طبعه املس ما مشوه
لا تخشن طبعك يصعدونك!!
أنعم لغيرك لحد متصير مااي
حته ما يگدر يعيش بدونك
ولا تزعلك گمر و الدنيا ليل
تحسهن بلا داعي بيك عيونك
الگمر يضوي منو الگلك يشوف؟
عمر جبته يضحي ما يشوفونك
إبن ابوووي..
الماي يرجع اي فقير
خيري طش عل صاح والما صاحلي
ساجده لفنجاني گل دلة مضيف
كلشي بي حظ و بخت يرتاحلي
آنه طريت الدرب صحراء چان
مو ورد عاگول اذكر فاحلي
إنته مو شاطر ولا انه غشيم !!
و بنزوتك عُمر هلگد راحلي
اليحب بكيفه يقبل ینغلب
گلبي يعرف چان گلبك بي گلب💔
مو وراك تطبعت بل سلحفاة
البد بروحي من اشوفك وي غرب..
افتحلي إيدك هيه وحده من الثنين
لو حضن محبوب تك..لو تنصلب
چذبه حبك چنهه هلهولت شهيد
لسان يهلهل و الدمع عل خد يصب
رخيص...
چن ليل الشته شگد بي مجاال
غالي بس رخصوك چن دم بحرب
سهمك البارد اجاني وصدري حاار
گلي جاي أرجف دخيلك!!
گتله طب..
المواقف كلها ما غزرت بيك
چنها ماي غروب صايم تنشرب
النار ترجف بس تغطيها ، تموت
انته ما تدري شتريد شگد صعب
انته!!
ما تدري شتريد
شگد صعب...؟
.......
ياسمين:مر اسبوع بسرعه كلش بين توتر وخوف من مجهول مااعرف شنو راح يواجهني بعد خطوبتي من جبل وجنت حايره شلون راح اتعامل وياه امه لي شوف عزرائيل وماشوفني وبين ظهور حوراء وكلامها جان يدل انو لسه تحبه وماراح تعيفني بحالي جنت حاسبه حساب كلشي بحياتي ومخططه للمستقبلي بس رجوع جبل حياتي مره ثانيه وزواجنا ابدد ماجان بالي ماااكدر اجذب واكول نسيته بش دفنت حبه بكلبي وكملت حياتي اجه يوم الي راح يرتبط اسمي باسمه باسم شخص خذلني قبل سنين وتركني وكسرني وترك جروح بكلبي جان حالي يختلف عن اي بنيه بهذا يوم جنت خايفه من حياه مجهوله ومستقبل مامعروف ماانكر جان اكو فرحه بداخلي
برغم وجود امي وازل يمي بهذا يوم بس هذا ماجان كافي انو يخليني اهدء جنت اتمنى يطلع كل هذا حلم واكعد منه صحيت من صفنتي على صوت هلاهل رفعت راسي شفت دخل استقبال هو يضحك وفرحان عكسي تماما جنت بين مشاعر واحاسيس متخربطه بين حلم قديم جنت احلم بي اني اكون اله وبين خوف من خذلان وغدر وانو اثق بي ويتركني بنص طريق وينعاد ماضي وقتها مااعرف شراح يصير بيه خلصنه مراسم عقد وطلب يشوفني رحت اله دخلت استقبال وكعدت بعيد عنه
أنت تقرأ
لهيب ازل
Romance"شاهدتُك تُغادر مُنذ اللحظة الأولى بُبطء كِي لا ألمح خطواتك لكنِي لم أجعلك تشعر أننِي قد رأيت، شاهدتُك تندفع بقوة نحو طُرق لم تُخبرني عنها مُسبقاً ولكني صمتُ عن كُل هذا العذاب."
