قصة : { #قوينى_بيك } 💜🕊️
الحلقة الأولى { ١ } 🎀
*( سنة 2016 )*
( كان يومها بيبدأ ب ابتسامة من عيونه ، كانت تفتح عيونها ع خيال صورته ، كان ومازال هو كل دنيتها ، كان ف خيالها بيعشقها ب جنون ، كان قصادها بيضمها ل حضنه ب ابتسامه منه يحسسها ب الأمان ، وفجأه .................. يرن المنبه ⏱ )
ميادة وهي بتفتح عيونها : ي ربيييي ع كدة ، هخترع الباقي ازاي دلوقتي 🤦🏻♀
*( ملحوظة .. ميادة بنت جميلة ، بشرتها بيضة ، عيونها عسلي ، طولها متوسط ، جسمها مظبوط ، شعرها اسود طويل ، عندها ١٨ سنة ، بتدرس ف اخر سنة ليها ف الثانوي ، ميادة والدها ووالدتها اتوفوا ف حادثة وهي عندها ١٠ سنين ومن وقتها اخدها عمها تعيش معاه هو ومراته وولاده )*
( تمسك ميادة المخدة الي جنبها وتقعد تحضن وتشم فيها ، ودي مخدة احمد ابن عمها الكبير الي كل يوم قبل م تنام تروح تبدلها ب مخدة تانية وتاخد بتاعته ف حضنها ، وب كدة تبدأ يومها مع خيالها ، تقوم ميادة تاخد دش وتطلع تلبس ، من عادتها مبتحطش ميكب بتكتفي ب جمالها الطبيعي الي دايماً عندها ملامح طفولة جواه ، تخلص وتفتح باب اوضتها تلاقي ابن عمها بيخبط ع دماغها )
ميادة ب وجع وخضة : ااااه ، ايه ي بني انت دماغي 😮
ريان : لامؤخذة كنت لسة هخبط عليكي ✋
*( ملحوظة .. ريان ابن عم ميادة الوسطاني ، عنده ٢٢ سنة ، ف اخر سنة ليه ف الكلية ، ريان شاب وسيم ، بشرته خمرية ، عيونه لبني ، شعره اسود تقيل ، طويل وجسمه رياضي ، بيحب الهزار والضحك دايماً ، مش بيهمه حاجة ف الدنيا عايشها زي م تيجي عليه )*
ميادة : عاوز ايه طيب ؟
ريان : انزلي عشان تطفحي ي انسة 😊
ميادة : نازلة اهو
ريان ب زهق : خدام ابوكي انا اطلع كل يوم اندهك 🙄
ميادة وهي بتضربه ف كتفه : انت تطول تبقا خدامي اصلاً ي حقير انت 👊
ريان وهو بيمسك ايدها : طب انجري قدامي بدل م احدفك من هنا ☝️
ميادة وهي بتزقه : نازلة ي رخم ، وسع
( تنزل ميادة وريان ، يقعده يفطره مع الباقي )
ليلى ل ميادة : ايه اخبار الدراسة ي ميادة ؟
*( ملحوظة .. ليلى مرات عم ميادة )*
ميادة : خلاص قربنا ع الأمتحانات ، باقي كام يوم بس
العم : ربنا معاكي ي قلبي
ميادة : يارب ي عمي
ريهام : ومافيش معاكوا احنا كمان ولا ايه 🤷🏻♀️
*( ملحوظة .. ريهام بنت عم ميادة ، عندها ٢٢ سنة ، توأم ريان )*
العم : ومعاكوا ولا تزعلي
احمد : حشرية اوي 🙄
*( ملحوظة .. احمد ابن عم ميادة الكبير ، عنده ٢٥ سنة ، بشرته خمرية ، عيونه عسلي ، شعره اسود ، طويل وعريض جسمه رياضي ، احمد عاقل جداً ودايماً متحفظ ف كلامه وافعاله )*
ريهام : ايوة انا بحب اتحشر
ريان : غلبتي البقدونس 🥬
ريهام : بتقول حاجة ؟!
ريان : فين البقدونس ي جدعان ، مش قلت عاوزه مع الفطار فين الأهتمااام ؟!
ريهام : بحسب !
ريان ب قرف : لا اطرحي 😜
العم ب حدة : هضرررب 😑
ريان وريهام : احم !!
سلمى : احسن 🤭
