نجم..❤

..

l9rxr1
اليوم ميلادك..
"جابك الله لي هدية من السماء"..❤
...

اليوم 3 نوفمبر..
يا حظي والله أنا والدنيا بهاليوم.. ويا حظ من حولك بك لأن وربي وجودك نعمة بظل أحمد ربي عليها دوم..❤
...

طلال كبرت سنة ومرت هالسنة وراحت بكل ما فيها مرت وانت بعدك موجود.. صمدت فيها وعشتها بكل ما فيك من شعور عشتها بأيامها الحلوة والمُرة يا عسى أيامك المُرة ما تعود...
...

الحين أنت أبتديت عام جديد من عمرك وهذا أول أيام هالعام أضحك به وأبتسم فيه ولا تحرم نفسك من الفرحة لا تخاف منها تطمن بإذن الله ما بتنقلب هالفرحة ابد وبتزيد وبتزيد اكثر لين تغمر داخلك وتفيض منه.. لين ترضى نفسك وترتاح.. لين يجبر داخلك ويخف كل ما فيه من شعور لين يرتاح ويهدأ...
...

طلال عيني أنت تذكر هالشيء دايم "كُل مُر سيَمُر" و بعد "دوامُ الحالِ مِن المُحال"..
طلال مصير الحال يتغير ويتعدل ويصير أفضل وأحسن بكثير من قبل.. مصير أنفسنا تشوف النور من جديد.. مصير كل هالظلام يروح بكل ما فيه.. طلال النور بداخلك أكبر بس أنت مو شايفه زين هو موجود وينتظرك تلقاه.. تذكر يوم قلت لي ودك تصير مثل النجوم طلال أنت نجم وعمر النجوم ما أنطفى نورها...
أنت نجم وبتظل دُوم بسماءِ عالمِي موجود..❤
...

"لِكُل أمنيةٍ مَوعد"..
أمنياتك آمالك وأحلامك كلها مصيرها تتحقق بإذن ربك بتتحقق حتى لو تأخر موعدها.. تذكر شيء لو تأخر الفرح مصير العوض يجي من عند ربك كبير حيل طلال تذكر ربك كريم وعادل ورحيم ولا يخيب رجاء من يرجوه مستحيل يردك خائب بيوم.. عيني أنت أبيك تتذكر هالشيء...
...

أبتسم..
أبيك مبتسم دايم حارب ظروفك لأجل هالشيء.. أبيك تعيش حياتك وتكمل الباقي من عمرك مرتاح صح مرات صعب هالشيء بس أنت عليك أنك تسعى وتجاهد لأجل هالشيء.. أبعد وأبتعد عن كل شيء ممكن يضايقك إسعى لراحة نفسك وما عليك من إلي يلومك كل شخص وده يرتاح ودام هالشيء بيريحك سوه..
أبتسم، ترى أبتسامتك غطت على الغيم بكل ما فيها..
أبتسم يا صاحب البسمة الحلوة..❤
...

عينك حكاية بكل ما فيها..❤
عينك ما يليق عليها الحزن.. يا ليت لو أخذ ضيقتك لو أخذ حزنك وتعبك بس أنت لا تضيق أبد.. أبيك بخير دايم أدري هالشيء صعب شوي بهالدنيا بس بنحاول سوا وانت بتظل بخير.. أتمنى هالشيء...
...

في النهاية كل عام وأنت بخير يالخير بكل الأعوام.. كل عام وأنت عايش بسعاده وراحة بال يا فرح عيني.. كل عام والحزن ما يعرف لعيونك الحلوين درب الله يحرمه على عينك.. كل عام وكل عام وكل عام وانا مدري وش اقول فيك يالشيء الكثير..❤
...

الله يحقق آمالك وأحلامك الله يحقق لك مرادك ومبتغاك.. عسى ربي يسعدك سعاده تغمر قلبك وتفيض منه لين يضحك وجهك من كبرها.. الله يحفظك ويحفظ روحك الحلوة من كل شيء ممكن يتعبها.. الله لا يفجعني بك ولا يريني فيك مكروه.. الله ييسر لك كل ما تعسر..

وبأخر كلامي..
"تعايش مع حياتك مثل إلي يقول: لا تحسب أن الليالي كل أبوها ربيع..!"
لأن طبعا: "لازم تلوفك هبوب القيض وسمومها"..
...
الحياة بها خير وشر حزن وسعادة تعب وراحة.. تعبت اليوم لين ضاقت بك الدنيا وما فيها؟
تطمن داخلك مصير الراحة تزوره وتبقى به دايم..
حزنت لين أمتلت عينك من الدمع لكبر حزنك؟
خفف على نفسك عينك مصيرها تسعد والله يعجل بهاليوم ويجيبه بأسرع وقت..
حسيت أن حياتك كل من بها فيه شر؟
هونها على نفسك الخير موجود وأنت المثال على هالشيء.. إيه أنت الخير على هالأرض..❤