Slept with a Stranger #Wattys2015

CHAPTER 4

"Okay sige, sa office na lang tayo," blanko pa rin ang mukha nito at nakatitig pa rin sa mag-ina.

"Wait, mag-me-meeting kayo?" Madam Sonia asked.

"Yes mom. Siya ang interior designer na mag-aayos ng resthouse," Iñigo stated.

"Hija, if you want, I can look after him, habang nag me-meeting kayo. Para makapag-discuss kayo ng mabuti," Madam Sonia suggested.

"Naku ma'am, 'wag na po. Okay lang po," tanggi ni Andra

"Sige na hija, please, pahiram muna ng baby mo."

"Sonia, manghiram talaga ng bata," saway ng asawa dito. Napangiti naman si Andra.

"E kung kasi binibigyan ako ng apo ng anak mo, hindi ako manghihiram," may pagkadismayang wika ng madam..

"Siya nga pala, I'm Sonia, Iñigo's mother and this is my husband, Timoteo," pakilala ni Madam Sonia na may maluwag na ngiti sa labi.

"I'm glad to meet you ma'am, I'm Cassandra Lopez," nakipagkamay siya sa mag-asawa. Bumaling ang matanda sa bata.

"Gelo, tama? You want to play with me?" tanong ng Madam sa bata. Tumango-tango naman ang bata, kaya tuwang-tuwa naman ang matanda.

"See, he likes me. Hija, please! I'll take good care of him," madam was begging.

"Kaso baka po mapagod kayo. Makulit 'to."

"It's okay, sanay ako sa makulit. Iñigo such an energetic kid, noong kasing edad niya ang anak mo, kayang-kaya ko 'yan," ngumiti na lang si Andra. Binababa nito ang anak niya at umupo ito sa harap ng bata.

"You want to play with lola?" tumingin ang bata sa matanda at muling tumingin sa kanya.

"Yes, mommy," he said as he nodded his head.

"Behave ka ha?" tumango-tango uli ang bata. Hinalikan ni Andra ang anak niya sa labi, saka tumayo.

Umalis nga ang madam na kasama ang anak ni Andra, sumunod naman dito ang asawa.

"Let's go, Andra, sa office tayo," aya ni Iñigo. Tumango si Cassandra at nag-patiuna na ito sa paglalakad.

"May anak na pala siya. Tsk. Sorry dude," bulong ni Matthew at tinapik pa siya sa balikat.

Natigil sila mula sa paglalakad at napalingon ng may tumawag sa pangalan ni Andra. Si Reghie at isang lalaki ang papalapit sa gawi nila. Nang makalapit ang mga ito ay humalik si Reghie sa kasintahan. Lumapit naman ang lalaki kay Cassandra at humalik sa pisngi.

"Where's Gelo?" agad na tanong ng lalaki na bakas ang pag-alala. Naisip niya na baka ito ang asawa ni Andra.

"Andra, asan si Gelo? Hay naku naman talaga! Bakit mo pinabayan?" inis na inis at tarantang tanong ni Reghie.

"He's okay, nakita ko na siya, nandoon siya sa mommy ni Iñigo," Cassandra stated.

"Andra, naman! katangahan talaga pinairal mo na naman. Nagka-Gelo ka dahil sa katangahan mo, mawawalan ka naman ng Gelo, dahil din sa katangahan mo. Hay! Pambihira ka naman, halos paliparin ko na ang kotse sa pagpunta dito. Kung makangawa ka kanina," Inis na sabi ni Reghie.

"E nataranta ako. Saka umayos ka, Reghie ah, sasapatusin kita. Maka-tanga 'to." Pinangdilatan pa nito si Reghie.

"Andra naman, bakit hindi mo na lang kasi iniwan muna kay Precious si Gelo? O kaya tinawagan mo na lang ako, para sinamahan kita," wika naman ng lalaki.