سأراك بقلبي (مكتمله)

الفصل السابع و العشرون

انا اسفه جدا يا حبايبي علي التأخير بس ولله النت خلص و لما اتدفع النور قطع و كان فصل مبهج الصراحه و طويل و بعدها كان في عندي محاضرات عشان كده انا بغتذر عن التأخر و انا بخلص اهو اول بأول و انزل استحملوني هما اخر ٣ فصول لينا مع بعض..شكرا♥️♥️

الفصل السابع و العشرون
يحييي بصدمه-امنيه
نادين براءه-ايه ده انت تعرف مامي؟
ابتسم- ايوه يا حبيبتي
امنيه بالهروب- فرصه سعيده يا استاذ يحيى..عن اذنك
- استني.. انتي كنتي فين كل السنين دي؟
امنيه وهي تبلع ريقها بتوتر- مفيش لزوم الكلام ده يا يحيى اعتبر انك مشفتنيش
كادت انت تذهب ولكنه امسك يدها ليوقفها- استني ارجوكي اقعدي انا محتاج اتكلم معاكي
سحبت يدها ونظرت لابنتها قائله لها- نادين يا حبيبتي روحي العبي هناك بس متبعديش..اتفقنا
- حاضر يا مامي
نظرت له بنصف عين وقالت بأقتضاب- تفضل
- اقعدي
جلست وهي تنظر بعيداً- امنيه بصي لي ارجوكي..انتي تغيرتي قوي
نظرت اليه وهي تمعن النظر به لقد تغير كثيرا- وانت كمان ..ملامحك تغيرت جامد و يمكن انا اللي نسيتها
- لا فعلا انا تغيرت ..نادين عامله ايه و في سنه كام؟.. وانتي ايه اخبارك؟
- انا الحمد لله و بالنسبه لنادين اول سنه ليها في المدرسه السنه دي.. حياتنا منتظمه
- نادين كبرت قوي لسه فاكرها وهي صغيره كأن السنين معدتش..كنت فاكر اني لما اشوفها هتكون لسه عندها سنتين
امنيه تركت غضبها منه بعيدا وتذكرت وسألت بلهلفه على الاحبه- نور ويوسف عاملين ايه وحشاني جدا..و طنط سلوى اتمنى تكون علاقتك بهم اتصلحت.. ونور اتجوزت ياسين بعد قد ايه؟
- حصل حاجات كثير قوي يمكن هما ثلاث سنين حصل فيهم حاجات ولا كأنهم عشر سنين
نظرت امامها وقالت بحزن- ثلاث سنين وست شهور و خمس ايام بعدت فيهم عن الناس غاليه عندي قوي عشان اعرف اعيش..مطمنتنيش عليهم
- البيت كله قاطعني بعدها عرفت ان نور ويوسف عانوا قوي من غيرك وبعدها انفصلوا ياسين ونور ونور اتجوزت هي ويوسف بعدها بشهور وساعتها بس كلموني لانهم اكيد سابوا بيت ماما
امنيه بضحك وسعاده و بصدمه- بجد نور ويوسف اتجوزوا.. بس ازاي.. بس انا فرحانه قوي هم كانوا لايقين على بعض.. اغلى اثنين عندي اتجوزوا بعض..طيب وعلاقتك بطنط سلوى بقت كويسه الحمد لله
ابتسم بالحزن- الحمد لله بقت كويسه
- فرحتني جدا بالاخبار دي سلم لي على النور ويوسف وبارك لهم
- دول لو عرفوا اصلا اني شفتك وهم لا هيقتلوني.. مش عايزه تشوفيهم
- اكيد نفسي بس مش هعرف
- ليه
- عشان الحدود اللي عملتها السنين بيني وبين ذكريات عيله نصار متتهدش في لحظه
اتاه اتصال رد عليه- ايوه انا جاي لك كمان خمس دقائق استنى
احرجت امنيه ظنت انها يمنى- طيب انا همشي اكيد مراتك عاوزاك
- دي مش مراتي دي المربيه بتاعه ابني حصل لها الظروف ولازم اخذ منها احمد ابني
امنيه بصدمه وفرحه مكسوره- الف مبروك..خلفت ولد واسم جميل ربنا يبارك لك فيها مبسوطه انك لقيت سعادتك ربنا يسعدك انت ويمنى
- يمنى ماتت
نظرت له بصدمه ولا تعلم لماذا وقع قلبها في الارض محطم تجمعت الدموع بعينيها- ايه.. ازاي
يحيى وعينيه مدمعه- ماتت وهي بتولد احمد من سبع شهور
تفاجأ عندما بكت وكانها حبيبتها وليس المراه التي اخذت منها زوجها وهي تبكي له- انت مش عارف الموضوع ده زعلني قد ايه..ربنا يرحمها وزعلي اكثر على البيبي اللي هيعيش من غير امه.. انا اسفه على اللي حصل
- شكرا جدا لمشاعرك الرقيقه دي انا عارف انك اكيد مكنتش هتفرحي بس مكنتش اعرف ان هيزعلك قوي كده
- الموضوع انساني اكثر من اي حاجه..ربنا يرحمها ويخلي لك ابنك ويسعدكم ويعوضكم في بعض.. بعد اذنك
نادت على نادين وهي تجمع اشيائها- يلا روح لابنك.. سلام
- استني يا امنيه مفيش لكِ رقم او عنوان
امنيه وقد عادت لقوتها مره اخرى- مالوش لزوم يا يحيى كل اللي فات راح واحنا روحنا معاه احنا مينفعش نكون في حياه بعض ولو عن طريق الصدفه كأننا متقابلناش يا ريت تحترم رغبتي دي ومتعارضنيش
يحيي بحزن- اكيد بس بعد اذنك ينفع اسلم على نادين للمره الاخيره
ابتسمت بسخريه خفيه- اكيد..نادين انا قلت يلا..سلمي على اونكل يحيى
نظر يحيى بكسره لامنيه وابتسم لنادين و انحني لها- انتي جميله يا نادين واسمك حلو هتوحشيني
نادين بتلقائيه وبراءه- شكرا يا انكل.. ابقي تعالي ..مش انت تعرف مامي؟
- حاضر..قريب يا حبيبتي.. سلام يا امنيه حقيقي اتمنى اشوفك ثاني
نظرت له بنظره تحمل المعنى العكسي آلمته ودعته وخرجت امنيه راكضه وعندما ركبت السياره بدات دموع الذكريات تتساقط من عينيها مسحت عينيها واشعلت محرك السياره لتهرب من الماضي
- طمنيني عليكي يا عليا..اختفيتي فين كل ده انا بقى لي اربع سنين ما شفتكيش و٣ سنين ٨ شهور مكلمتنيش
- انتي بتعديهم
- الناس الحلوه ذكرياتهم مبتتنسيش وخصوصا انا..عمري منسيتك ومهما طال الوقت كنت حاسه انك هتيجي لي واشوفك
- طول عمرك قلبك دليلك يا نور
- سيبك مني واحكي لي ايه اللي حصل معاكي طول الفتره دي؟
- في الاول كانت المعامله اكيد ناشفه وبعد كده كلمتك لما تحدد جوازي وبعدها اتجوزت عمار واكتشفت انه بيحبني قوي وكان سعيد جدا وانا كنت سعيده  و بعد جوازنا باسبوع عمي اتجوز واحده كده وجات ولعت الدنيا عشان تفرق ما بيننا وتكسب كل حاجه هي  وفي خناقه منهم عمي مسك التليفون بتاعي وكسره وحلف ما اجيب واحد وعمار بحكم اصول الصعيديه معرفش ياخذ قرار مع والده عشان عيب وانا اتقبلت ده.. وقعدت سنه من غير موبايل وفي عذاب من معامله..و من كثر المشاكل حصلي اضطراب نفسي و منه حصلي اضطراب في الحمل..هي  استغلت ده اكثر وعملت مشاكل وقالوا معيوبه بس عمار متحملش المشاكل كثرت وانا صحتي تدهورت  اكثر لحد ما انفصل عن ابوه وبعدها بشهرين عرفت اني حامل بعد ما كنت ناويه انزل لك مصر معرفتش..صحيتي كانت ضعيفه وط
اضطريت اقعد لحد ما اولد وبعدها البنت اتولدت و لحد ما تبقي كويسه اضطريت اقعد  و اتفاجئت ان عدي عليا ٣ سنين و٨ شهور.. على عيني
- ياااه يا  عليا.. انتي تعذبتي يا حبيبتي
- بس دلوقتي سعيده عمار كان اختيار كويس قوي مش ندمانه ابدا عليه
- و بنتك اسمها ايه؟
-تفتكري ايه؟
- اي.. وجيده عمار اسم رومانسي قوي ههه
- ههه وانا اللي كنت فاكركِ ذكيه وهتعرفي..نور
ابتسمت نور بسعاده وقبلت الطفله التي تقبع في احضانها- نوري مامتك سرقت اسمي بس ما يغلاش عليكي يا ست البنات هتطلع جميله يا عليا طالما انتب سمتيها علي اسمي
- ههه انا عارفه عشان كده سميتها كده..الا قولي لي اتجوزتي الدكتور القمر امتى؟.. وعايشين لسه هنا ليه ده انا جيت بالحظ كده قلت لو لقيتك يبقي خير
- يووووه انا قصتي طويله قوي يا عليا
- احكي انا معاكي لحد 8:00 بالليل
سردت لها ما حدث قبل سنوات منذ البدايه حتى النهايه عليا باشمئزاز- ياساااتر يا نور هو في ناس كده.. انتي كنتي لازم تمشي من البيت من الاول..طب ويوسف ده انتم الاثنين بتحبوا بعض ايه اللي حصل؟
- متجوزين بقى لنا ثلاث سنين
- ايه ده ازاي.. بجد
ابتسمت نور على صدمتها و سردت لها وهي تذكر التفاصيل
- هقول لك انا بعد ما سبت البيت ورجعت على هنا واهل الحاره معايا وفرحانين وعملوا لي زفه بعدها بأسبوع كانت بدايه شغلي في الفندق وبعدها بشهر بدايه دراستي وبقيت ما بين الشغل والدراسه لحد ما عدى علي ٦ شهور وانا من هنا وهنا و انا مبكلمش حد وعلاقتي قليله  لاني كنت مصدومه من كل حاجه وفي مره وانا خارجه من الفندق
قبل ثلاث سنوات
تلاقت اعينهم و هو يبتسم و كأن شيئا لم يكن
هل هو المجنونه ام ماذا؟
فرحت و ابتسمت وربما كادت ان تذهب معانقته لكنها تذكرت تركه لها كل تلك الشهور اخفت ابتسامتها وغضبت وسارت بحركه سريعه لحق بها سريعا- نور اسمعيني
اجابته نور وهي لاتزال سائره- مبكلمش اغراب
ليقول بتلقائيه مضحكه قاتله جعلتها تقف وتضحك- انا مش غريب انا اللمبي يا بنت (جمله من فيلم مصري)
وقفت و نظرت له هي تضحك بشده- ياااه وحشتني ضحكتك يا نور
نور وقد عادت لحزنها- ايه اللي جايبك بعد كل ده
- لو مكنتش معترف قدامك كنت اصدق سؤالك
- و لما سألتك قلت لي انسى
- عشان انا كنت مكسور يا نور ومشوش وكل ده كنتي انتي شايفاه على طول..انا كنت كويس لكن في اللحظه دي انا مكنتش شايف غير اني خسرت كل حاجه عشان ايه..عشان ولا حاجه
نظرت له بلوم و حنان- انا كنت جنبك
قال بدفاع- انا مكنتش عارف  مصيرنا ايه يا نور..ارحمي ضعفي في اللحظه دي
- غيابك عني ده كان كبير قوي انا حسيت اني وحيده وفجاه..كنت محتاجه لك..محتاجه لوعدك أنك متسيبنيش.. كنت فين..ولو انت كنت ساعتها متعصب..كل ده عشان تيجي ليه؟
- كنت بضبط ليا مكان اعيش فيه شغل والحمد لله بقى كله تمام..كنت براجع نفسي كل يوم لحد ما ابقى مسؤول عن الكلام اللي انا عايز اقوله لك حتى لو الوعد منفذتوش في ساعتها بس انا بنفذه دلوقتي.. حتى لو متاخر بس بنفذ وعدي
- وهو ايه الكلام اللي عاوز تقوله؟
- اني بحبك وعايز اتجوزك
نظرات له متسعه العينين واضطرب نفسها و صدرها يعلو و يهبط شعرت كأن الكون الفسيح يضيق عليها حركت يديها حول وجهه بسرعه حتى تحصل على الهواء وكان النسمه  العليله تحولت لنار كالجمر وكانها اول مره تسمع اعترافه ولكن لتلك المره لحلاوه
- ايه يا نور مالك
- ماليش.. بس.. يوسف انت عارف ان احنا مظلمناش ياسين بالعكس هو اللي ظلمنا بس انا خايفه لو جه اليوم اللي تفكر فيه اني كنت سبب من الاسباب اللي خسرك عيلتك في الحاله دي فكر كويس عشان متندمش بعد كده
- انتي مجنونه..اي عيله واي ياسين..ياسين اللي من واحنا صغيرين وانا شايف حقده و انانيته بس كنت مكبر دماغي عشان هو اخويا الصغير و في الاخر مقدرش ده و اهني و اتهمني اتهامات قذره..ولا العيله اللي دمرتها واحده كانت فاكره نفسها ام اللي محستش باقل حقوق ابنها بالعكس دي زادت في تدميره..نور انا عملت كل جهدي عشان محسش بالذنب اللي بتقولي عليه عشان محسش اني خائن لاخويا ..بس انا دلوقت ماليش غير حبك..حبنا مش غلط يا نور عشان اندم عليه ..احنا مناسبين لبعض
نور بأعتراف اهلكه- يوسف انا بحبك..بحبك من كل قلبي وفوق ما تتصور..انا غلطت في تحديد تصرفات ياسين ومشاعري ناحيته..حقيقي انا متمسكتش بياسين قدك..ومحسيتش براحه معاه قدك
يوسف بسعاده- ده احلى كلام سمعته وعمري كله..هنتجوز امتى
- بالسرعه دي
- طبعا انا مش عايز ابعد عنك ابدا يا نور عيني
- بعد اسبوع كويس
- ليه اسبوع كثير
- ليه هو انت هتكروتني ولا ايه؟
- اكيد لا طبعا بس احنا الاثنين مالناش غير بعض احنا هنعمل فرح على قدنا..الشقه لسه هجيبها انا كل ده عايش في فندق
- احنا هنعيش في شقتي لانها غاليه عندي و اللي هيكون مسؤول عن جوازي انا عم سمير البقال وام مينا وانت اخوك يحيى
- يحيى!
- انت مكلمتوش كل ده؟
- لا
- ازاي يحيي اخوك اللي بتحبه و دلوقتي بقى الوحيد
- طول الفتره دي كان كل تفكيري فيكي و فيا.. نسيت اني عندي عيله من كثر الدمار اللي اتسبب فيه كل واحد فيهم و يحيى واحد منهم..و امنيه اللي مشيت مكسوره بسببه
- بس ده اخوك
- عارف هكلمه
-تمام ولما تحدد الميعاد كلمني عشان احدد معي عيلتي  الخطوبه
يوسف باستغراب- خطوبه!
- ايوه وبعدها باسبوع نتجوز
- خلاص.. انا رجلي وجعتني من الوقفه.. متيجي نروح اي مكان مع بعض
- انت تعرف عني كده ..وبعدين انا بكره عندي محاضرات ولازم انام بس هكلمك لما اروح
- ماشي
شعر بالسعاده تغمر كل ضلع من ضلوعه وقلبه وروحه ذهب الفندق هو مقبل على الحياه لاول مره ويتمني من ربه بثقه كبيره انه لن يغير مصيره السعيد ابدا ،و بعد ساعات في الليل تحدث مع اخيه بعد توتر قليلا عسى ان يرفضه اخيه تلك المره
- الو يحيى
يحيى بلهفه- يوسف وحشتيني كثير
- وانت كمان.. ايه اخبارك؟
- كويس بقيت اسعد بكثير لما سمعتك قلت مش هتكلمني ثاني و هتنساني فعلا
- انا عمري ما انساك يا يحيي
يحيى بسعاده- حبيبي
- يحيى انا كنت بكلمك بما انك اخويا الكبير و عيلتي الوحيده وعايزك تخطب لي
يحيى بفرحه واستغراب- ايه.. وماما فين..اقصد الف مبروك ..بس...
- انا سبت البيت يا يحيى ياسين وماما مش عايزني
- ليه؟
- هحكي لك بكره لما اشوفك
- ده من امتى الكلام ده؟
- من ٦ شهور
- معقوله كل ده ومتقوليش
- معلش كنت محتاج انظم افكاري قبل ما اقعد اشكي وابكي..مش عايز تعرف مين العروسه
- اكيد هو انا اعرفها..استنى شروق بنت انكل امجد.. انت كنت شايف فيها مشروع كويس
- ههه..لا نور
- نور مين؟
- نور اللي كانت عايشه معنا
يحيى بسعاده مندهشه- بجد مبروك.. بس ازاي.. يوسف  احكي لي كل اللي حصل دلوقتي... مش هستحمل لبكره
- خلاص بس لو قلت لك النهارده بكره تلبس على المغرب وتتشيك ونروح نخطبها
-موافق
سرد له يوسف ما حدث بالتفصيل مما زاد كره يحيى لياسين اكثر
في اليوم التالي ذهبوا الى نور التي اخبرها يوسف ليلا وجهزت كل شيء بسرعه رهيبه وتكلمت بسرعه مع الحاج سمير وام مينا وتم مساء على يد مباركات ومرح فتيات مثل هاجر ابنه الحاج سمير ومريم وميري ابنه وزوجه ابن السيده ام مينا كانوا اكثر من اخوات لها وبالفعل يعتبر بعد اسبوع من التجهيزات لذلك اليوم اتي يوم الزفاف الذي يجمع الافراد ذاتهم ولم تستطع يمني في ذلك الوقت الحضور لسوء علاقتها مع الجميع كانوا جميعا سعداء و بالطبع لا يوجد  وصف يصف جمال العروسين ،صعدوا الى منزلها التي رفضت نور تغييره في الوقت الحالي لانه يذكرها بوالدها وبمجرد ان دلفا المنزل واغلق يوسف الباب وجدت نور من يعانقها من الخلف ابتسمت بسعاده و احمر وجهها بخجل- انت بتعمل ايه يا يوسف؟
- انتي متعرفيش لو كنت بوشي دلوقت كنت عملت ايه؟ فهمت ما يرمي اليه فأبتعدت- طيب بطل بقى..انا هغير فستان و اتوضأ عشان نصلي انا وانت مع بعض
كادت ان تذهب لكنه امسك يدها وجذبها نحوه- الحلم ده كان بعيد قوي...انتي عارفه تحقيقه يبقى بالنسبه لي ايه؟.. انا حبيتك حب مكنتش اتخيل في يوم هحب حد كده بمعنى الكلمه
عانقته وهي سعيده- انا حبيتك اكثر بكثير
ابتعد عنها وقال بخبث- ماعتقدش.. وبعدين يلا نصلي علشان في حاجات كثير قوي عايز اقولها لكِ
- ههه طيب
مرت ثلاث سنوات وقد قررا عدم الانجاب لتلك الظروف التي يمرون بها وعدم استطاعتهما في الاهتمام بالطفل و بالطبع واجه يوسف مشاكل في التعامل مع الحاره بعد ذلك المستوى الراقي الذي اعتاد عليه ولكنه تحمل لاجل نور وكانت السعاده عنوانهم
عادت من ذكرياتها على انشكاح عليا بتلك قصه جميله - مبسوطه قوي بسعادتك يا نور
- وانا مبسوطه اني شفتك..شكرا انك في حياتي
عليا بحب وسعاده- حبيبتي