أسيرة في حضن عزرائيل

31

الحلقة 31
كانو الناس كل ملمومين على طاولة الفطور ادهم مهزش عينه على فتنة لين شلق على روحو بوه ولا حمحم غادى وين فاق على وضعو تبسم على جنب غمزها حسب روحو بربش فى تليفون  ماتت مسكينة بالحشمةوجهها ولى احمر كى كعبة الطماطم جورى  كانت قاعدة بالجنبها جهامة بلا روح  مش معاهم ماهيش مركزة فاش يقولو ولا حتى فاش يحكيو كانت فى عالم اخر حاسة راسها باش يطرشق بالوجيعة معديتها ليلة كاملة بكى و نواح حاسة روحها ضعيفة لا عندها اخت لا صاحبة تشكيلها حتى ميمتها تحرمت منها على صغر سنها تخلى كل شى فى قلبها لين تمرض يرجع على بدنها متصورتش روحها تجى نهار و تبكى قدامو مقهرها كان كى قالها اختى.. ذبحها بسكينة حافية قسملها قلبها بالكلمة.. تتمنى كان تنجم تنحيه من مخها متخممش فيه اما شى اى حاجة بسيطة ديما تذكرها فيه حتى كى يبدا يحكى تستمتع بكلامو صوتو بالنسبة لها مهدئ...فيقها من غيبوبتها صوت عمها كى ناده.. ياسين عيش ولدى كمل فطورك اخلط عليا للبيرو فما موضوع نحب نحكى فيه معاك انتى زاد ادهم هزلو روسهم زوز بالباهى..قعدت تثبت فيه عينه زرق كى موج البحر شعرو اكحل مرجعو التالى تغزر تليفونو شعل شافتو يتبسم.. حست يالنخرة فى قلبها دموعها محصورين قريب يهبطو.. إلهام كانت تراقب فاها كلام منصف طلع صحيح جورى تحب ياسين حاسة باها كيفاش متوترة مركزة معاه جورى بنية عاقلة تربية و رزانة محسوب هى مربيتها حاسبتها كى بنتها و اكثر تحب تتهنى علاها و حتى على أولاد قبل منام عينيها اما خايفة لا ياسين مبادلهش نفس الشعور تولى مشكلة خايفة علاها لا تتازم تعملش حاجة فى روحها... يابوڨلب مشبعتش من بكرى انت تبعث ططرشقش علينا زادا كى فاشكة  وهو هاذى تنقع هاذى تضر ا معلم مسمعتش بوك كى قال اخلطو عليا... تراتينا فى يدو و يحكى انتى بابا شنوة مقلقك بدن بدنى انى حر نوكل قد ما نحب اليوم شاهيتى محلولة دبر فيا زيد بابا مقالش قصو على فطوركم اخلطو عليا وتوا نقص عليا حسك خلينى نكمل فطورى رايض.. جورى عيش اختى مدلى حكة اكا معجون.. مداتهلو هى تضحك ديما تشيخ عليهم كى يبداو يتنڨروا قول مش أولاد عم الى يراهم قول خوات.. كول بابا كول انى هانى سبقتك انت اخلط.. اممم باهى فمو معبى بالماكلة الهام و حليمة قاعدين يتفرجو عليهم كان فتنة قاعدة باهتة فى عجب ربى أول مرة ترا ادهم اخر يفدلك عامل جو... كان فى بيروه قاعد يقرا فى جريد سمع باب يدق.. ادخل.. دخل سكر الباب وراه عمى حاجتك بيا.. ايه ياسين اقعد وينو ادهم... مازال يعلف صبح شاهيتو محلولة... هيا مش مشكل هو بأساس حاجتى بيك انتى.. علاش شفما...نحى lunette نظر متاعو.. طبق جريدة غزرلو.. مفما شى شبيك مفجوع فما كان خير تهنى نحبك تسمعنى مليح ياسين كلام الى باش نقولو مهم بارشا.. ركز معيا اسمعنى للاخر بعد اعطى رايك انى عمك فى مقام بوك و نعرف مصلحتك مليح .. باهى تفضل... أول حاجة شقولك فى جورى...عمى شمدخل جورى فى حكاية.. جاوبنى انتى على قد سؤال و شيهمك .. شعندى نقول ينت عمى متربيه و ماريت علاها شى محسوب كى اختى.. متقوليش كى اختى مفما اختك كان من أمك و بوك.. كلام عمو معجبوش حسو وراه حاجة اما محبش يسبق الأحداث نتبعو السارق لباب الدار... زيد جورى بنية مثقفة ألف راجل يتمناها حتى فى الزين مشاءالله علاها... عمى مفهمتش وين تحب توصل جايبنى باش تحكيلى على جورى انى شمدخلنى فاها..معادش تقص عليا كى نبدا نحكى اسمعنى مليح منعرش على ساعتى وقتاش هاك ترا فيا بالسيف نتحرك عمى لطف لواه هالكلام.هاكى دنيا وليد خويا ماهو قاعد فاها حد دايم كان وجه ربى انى ريت من مصلحت الناس كل انتى تعرس بالجورى و ادهم بالفتنة . شنوة.قام من كرسى كى ملسوع.. عمى فاش قاعد تقول اما عرس يهديك جورى راهى كأختى.. يزينى من هاذى اختى متوكلش الخبز انى قلت الى عندى هذا اخر قرار.. حس عصب ركبو كلام عمو نرفزو لتوب جى باش يجاوب بعد سكت فى اخر هو عمو حاسبو كى بوه عليه فضل كبير مجيش يطيح القدر معاه.. جى خارج ناده.. ياسين.. عمى عيشك خلى نحكيو بعد حاول كون هادى على قد ما يقدر.خاتر كان باش يتكلم باش فسدها ممكن كلام مش وقتو جملة . يمشى فى كلوار كى ثور هايج عرضتو حليمة طالعة فى دروج سألها على جورى قاتلو راى شافتها قاعدة فى جنينة.. كانت قاعدة تقرا فى كتاب 📚 .. محست كان بشكون نطرهولها جابو فى حشيش مقلوب... هزت راسها مصدومة تشوف فيه واقف قدامها جهامة علاها متبانش قدامو وجهو مبشرش بالخير ظاهر منرفز و لا شبيه... ياخى لياس انتى اكاك  الكتاب ملا مجودر هذا ربى فرج عليك..
. شدها من زندها قريب يخلعو عينه حمر جمر من غش دنيا ظلامت فى عينه باب العرس مسكرو من اكا عام عمو حطلو ملح على جرح 😵🤕😢 اه كتفى شبى عزاك.. انتى مش قلت عمى نحب نعرس بالياسين.. نعم.. اكيد ما تكون كان انتى خاتر مستحيل يرفضلك طلب اما حط فى بالك  مستحيل نعرس بيك... ركبلها  بالعصب  بكلامو اسمعنى مليح يا شسمك منيش ق**** باش نرمى روحى على أولاد الناس بالك ترا فيا بايرة و لا ملوحة عليك اصلان شكونك انتى بكلك على بعضك متهمنيش كلامها طريقة حديثها زادو شعلوه ميعرش على روحو كيفاش هز يدو عطاها كف .. تراس متع صوابعو قعدو فى خدها... شعرها هبط على وجهها.وخر خطوة التالى يراجع فى روحو.مش مصدق روحو شعمل  يديه يرعشو جمد فى بلاصتو مازال ماستوعبش الى صار غشو عماه معاد را شى قدامو مازال شبح 👻 الماضى تبع فيه توا الى صار عليه عامين التالى مازال محفور فى ذاكرتو مازال موجوع هزت راسها تغزرلو دموعها محصورين كان فما شكون من شباك الفوق شاف كل شى.. منجمش زيد يقعد اكثر هز روحو خرج تخنق فاكا بلاصة خلاها غارقة فى دموعها خطف كرهبة و ديمارا؛
#ياسين_يحكى : عمرى لا كنت نتصور روحى جى نهار نمد يدى على طفلة لا و شكون جورى بالرغم الى منتفاهمش انى و اياها ديما ننعاركو نعملو فى عملات لبعضنا اما عندها معزة فى قلبى و منطيق فاها الشى اما كلامها ستفزنى وخلانى نفقد اعصابى توصف روحها انها وحدة **** كلمة هاكى بذات قداش نكرها ديما تذكرنى ب رحاب و عملتها الى قعدت نكتة كحلة فى حياتى خلاتنى منعاودش نربط روحى بالحتى مرا اخرى يعدها... قرار عمى صدمنى دخلنى فى حيط صحيح هو عمى فى مقام بابا كلامو على عينى و راسى اما قرارو معجبنيش انى و جورى نعرسو هاذى حاجة من سابع المستحيلات...قرار عمى خلانى نسيب غشى كل فاها معرفتش كيفاش هزيت يدى و عطيتها كف 👐 .. مشى فى بالى عمى حكالها هى وافقت فى اخر طلعت ما فيبلها بالشى..نحس فى راسى باش يطرشق بالوجيعة مالصباح ما كليت شى قاعد كان نرحى فى دخان فى جرة بعضو... اعصابى حسيتها تلفت من تخمام... بانا وجه باش نقابل جورى بقية عايلة خاصة عمى كان يسمع انى عطيتها كف ما يحرب الدنيا... مكنتش ناوى نعمل اكاك اما الله غالب منجمتش نتحكم فى اعصابى توا غزرتها ما بين عينيا نتذكر كيفاش حطت يديها على بلاصة الكف عينها مدمعين منجمتش نتحمل منظر ديراكت نسمع فى صوت شهقتها حسيت قلبى تقسم احساس يتأنيب الضمير باش يقتلنى معادش عارف شنعمل... كان باش نكسر كلمة عمى باش يتغشش انى مستعد نضحى بحياتى منشوفش متغشش عليا لقيت فيه حنان الأب الى فقدتو عندى سنين...اما كان سمعت أمى بقرار عمى الا ما تقلب دنيا نعرفها تكره جورى بالصفة مش عادية وين تتلقى معاها لازم باش تسمعها كلام قطر كى سم 💀💀💧💀... حاس فى روحى دوامة 🍥🌀🌀 منيش منجم نخرج منها تسكرت من شيرات الكل... شكون قال جى نهار انى و جورى نعرسو... دنيا هاذى متفهمهش كل مرة تحظرلك مفاجأة اقوى ملى قبلها نحكى مع ادهم  بالك عاونى
منصف متقوليش وين ماشى... عندى قضية صغيرة نعملها ونجى شبى وجهك مقلوب انتى.. الى كنت خايقة منو صارقتلك ما تعمل شى قبل ما تاخذ رايهم انتى زاسد صحخت راسك .. علاش شفما زادة سمعنا علم الخير.. بكرى فى جنينة شفت ياسين عطى جورى كف عيط علاها... شنوة لا هذا اكيد هبل من وقتاش نمدو يدينا على نسانا وينو هو توا.  ريتو هز كرهبة خرج الله واعلم وين مشى .. خلينى نرجع و حسابى معاه انى نقولك فيه كيفاش جورى هاكى خط احمر حد ما يقريها... ظاهر فيه ياسين محبهش معتبرها كيما اختو.. عمرى لا تراجعت فى كلامى عرس باش صير باش يصير جمعة جاية زادة  يحكى بالعصب وكشاكشو طالعة .. شبيك راجل.. علاش هالزربة كل هاربين هوما.. الهام انتى موضوع هذا مدخلش فيه توا ابعد من قدامى برا بحذا جورى متخليهش وحدها اكا كلب حاسبو مبعد ماهيش باش تتعدلو بالساهل خرجو كوبرا يدز بيه فى كرسى ركبو فى كرهبة و مشاو.. إلهام مشات تشوف فى جورى كيما قالها منصف.. دقت مرة لولة و ثانية شى مجاوبتهش ولات دخلت تلقها فوق الفرش ضامة ساقيها صوت شهقتها يتسمع قلب وجعها علاها ما تستحقش الى صار معاها حالتها تسخف الحجر شعرها طايح على وجهها تراس الكف توا قاعد.. قربت منها قعدت بجنبها على الفرش تمسحلها على شعرها بالحنية قعدت ساكتة مالقات ما تقول.. ابكى يا ميمة ابكى خرج الى فى قلبك الكل كى تبكى تتفرهد تنحى غمة على قلبك... تعبت يا أمى والله معادش عندى جهد باش نتحمل شى نلعن روحى الف مرة على نهار الى حبيتو فيه قلبى ذلنى مرمدنى ياليتنى سمعت كلام عقلى بعدت قبل ما نغرق.. جورى تنادى الهام امى هى منبها علاها تنادها اكاك خاتر فى مقام امها..احكيلى كيفاش وقتاش وخاصة علاش هو بالذات..علاش والله لا نعرف منعرش على روحى وقتاش حبيتو شى بدى من فترة مراهقة متاعى كنت ديما نغزرلو نثبت فيه تعجبني لبستو ريحة بارفنتو كيما اى طفلة فاكا فترة اما مع وقت لاحظت كى غغيب شوية نتوحشو خلى بلاصتو كان بعد فقت لانى نحبو جورى قعدت تحكى مع الهام خبرتها بقرار منصف قررت انها تحكى معاه تقولى الى ماهيش موافقة...حبست كرهبة بحذا البحر كان فما قهوة صغيرة طقس كان صافى على محلاه عانو كوبرا باش يهبط وصلو وين طاولة رجع بحذا كرهبة.. عسلامة سى المنصف شنحوالك.. نحمدوه و نشكروه اما نحب نعرف علاش  جبتنى هنى لواه مجيتش انتى لدار ماكش برانى و علاش متحبش ادهم يعرف بمقابلتنا...ههه شنوة سى منصف بديت دبراكت بأسئلة بالشوية قلى ساعة شتشرب.. برا هات قهوة...كلامك فى تليفون يا ازر وليدى دخلنى بعضى قلبى مش مرتاح..هدى روحك ما صير كان كاتبو ربى انى اخترت نحكى ليلك انتى قبل ادهم خاتر نخاف يتهور يعمل حاجات يضر روحو.. شفما ازر.حيرتنى راك..تعرفها سعاد اخت الهادى الرايس الراجل الى مربى فتنة بنت خوك خطفها من الى هيا صغيرة.. انتى منين تعرف هذا كل شكون قالك ادهم خبرك علامات دهشة على وجهو.. مش مهم كيفاش عرفت .. قولى ساعة تعرفها ولا... بالوجه لالى نسمع باها وبرا زيد مرا ميتة عندها اكثر من 20 عام شمجبدك فاها... ماهيش ميتة وعندها بنية الى هى بنت خوك.. اه يا ازر وليدى ما قتلى خير كيفاش حية خوها جانى قالى.. نعرف قص عليه مخلاهش كمل.. 24 عام الى تعداو كل كذبة اسمعنى توا شبشنقول نحبك قوى خاتر الى باش تسمعو ممكن ميعجبكش اما هاكى الحقيقة باش جى نهار و تتكشف..سعاد اخت الهادى كانت تعيش فى امريكا ولدت رمال غادى الى هى بنت خوك و فى نفس الوقت بنية الى ادهم ولدك حبها شوف صدفة ربى كيفاش.. مركز مع عينه واسعو ملى يسمع فيه اما هاكى حقيقتنا فماش هروب.. استعملت نفوذها اسمها هربت من البلاد  فبركت حقيقة موتها وقت الى سافرت تعرفت على واحد اسمو اركان من اكبر مافيا عرست بيه غادى ولدت رمال حطت فى مخها حكاية انتقام فى جرة خوك الى لعب باها و عداها علاها قررت انها تمحى اى واحد عندو علاقة بعايلة العابد بدات بخوك و مرتو بو جورى و بعد أولادك تيم تيسير.. المنصف معادش فيه كلام الى سمعو طيح الأرواح على خاطرو كمل ازر يحكيلو كيفاش رمال معلمها بالشى من عمايل امها هى زادة عايشة فى كذبة احمد ولد خوه يحبها خبر هبطت عليه كى الصاعقة حس فى دنيا دارت  بيه خايف من ردة فعل ولدو كى يسمع  .. كان قاعد فى شريكة شوف فى خدمة وقت صونا تليفون لقاه ياسين من الصباح ما راشى..  ا*** وينك .. هانى ادهم تنجم تجى بلاصتنا متع العادة.. حس من نبرة صوتو فما حاجة.. باهى..محبش يسألو كى يمشى توا يعرف... وصل للبار يلقاه قاعد كاس ويسكى فى يدو يشرب فى عز النهار.. اكيد فما حاجة... البار فارغ مفماش حس يحكيو على راحتهم.. جى قعد بالجنبو هات شفما.. مصورتش روحى نمد يدى علاها كسرة فى يدى انشاء الله.. هز حاجب هبط اخر مفهمش فاش يحكى.. فى شكون تقصد.. جورى انى عطيت جورى كف.. اه شنوا ياخى هبلت.. حكى ادهم كل شى بالتفصيل تنرفز عليه سمعو ما يكره كيفاش يمد يدو على بنت عمو معجبوش قرار بوه محقوش دخل
حب يزيد يقعد فى بار اكثر ادهم مخلاشى.. كان تحسب روحك بالهروب باش تحل مشكلة راك غالط متخممش من جهة خايبة شباها جورى بالك جى نهار و تحبها...  هاذى حاجة مستحيلة..علاش.. كان باش تقولى على خاتر رحاب سامحنى فى كلمة عشيرى وحدة ق*** كيفها متستحقش انك دمر حياتك على خاترها تسكر قلبك تحلف على نسى لا يا صاحبى هى مراتش بالعشرة خانتك فى دارك همها الوحيد كان فلوس خانتك مع واحد ميكساب شى من رجولية متخليش الماضى يقعد حاجز على مستقبلك كون فى علمك جورى راهى تحبك.. تلفتلو مصدوم.. شنوة.. متغزرليش اكاك..هاكى حقيقة تحبك ليها سنين كنت نراقب فاها كيفاش تراقب فيك تبدا ديما مركزة معاك اعطاها و اعطى روحك فرصة. حل قلبك من جديد.. انتى تحكى هكا ادهم هذا الى قلت بعد رمال مستحيل نحب... منيش ناكر فى كلامى قلت اما بعد اكتشفت الى حب عمرو ماكان لحبيب أول اكهو.. ملى دخلت فتنة حياتى بارشا حاجات تبدلو موازين تقلبو... ظاهر فيك غارق معاها..للاخر والله منيش متجم نعبر على نحس فيه معاها احساس خلينى نطير سابع سماء نجنح كل حاجه فيا تفرح بالمجرد انى نلمح خيالها من بعيد نتبسم وحدى اسمع كلامى ياسين جرب حب جورى تقرب منها توا تشوف هى قداش تعشقك.. تعرف علاها من اول جديد .. و كى نعيش نفس وجيعة مرة اخرى.. علاش تقارن فى جورى باكا مسخة... علاش متشائم هكا متأكد مستحيل تلقى وحدة تحبك قد جورى.. جرب اغزر لعينها توا تشوف كمية الحب قداش هى فانية عليك.. بعد الكف الى عطيتهولها صعيب ياسر باش تسامحنى كمل كان سمع عمى ماهوش باش عدلى بالساهل جورى بالنسبة ليه خط لحمر.. توا منيش مستوعب كيفاش هزت علاها يدى لا عمرى عملتها شيطان حظر لحظتها... بابا خليه عليا.. جورى انتى احكى معاها اطلب سماح فرغلها قلبك متقوليش تحسبها كى اختك مفما اختى كان من لحمك و دمك كان باش نقعدو نخبيو حبنا وراء ستار الإخوة باش نخسرو بارشا حاجات.. زعما ادهم يا خويا.. اصدم يا صاحبى مولاها ربى.. اما انتى يا وحيد تعلمت تنصح ظاهر فاها فتنة جابتك لثنية.. ههه عقبة ليك.. ههه انشالله هيا قوم قوم لالهام ليلة تقلعنا وذنا...روحو زوز يلقاو دار فارغة الى هذا فى بيتو توا نص ليل.. فما كان الهام خارجة من بيت جورى.. شافت ياسين ديراكت ڨحرتلو.. تتكلم بالشوية باش ميسمعهمش المنصف الى ملى روح فى بيتو مخرجش.. قلى شبيك هبلت اكاك طفلةريت الى عملتو فى جنين كل والله يا ادهم كان مجاش ليل و الناس تسمع ولا رانى وريتك كيفاش.. امى.. ادهم انتى متتدخلش برا فتنة متاعك توا تلاجى تستنى فيك تبسم على جنب مشى و خلى ياسين وحدو واحل.. امى شنوة طبق فى يديك.. عشى جورى رجعتو كيما هو محبتش تاكل..هات عليك توا انى نخلاها توكل.. اما.. امى متخافش غلط مرة معادش نعاود انت ادعيلى اكهو. برا وليدى  ربى يسهلك فى كل ماهو صعيب.. عيشك يا غالية برا ارقد على روحك ارتاح جورى معيا منصف  رواهو يستنى فيك.. مبلدك.. هيا طير ورنى ذراعك.. دخل بيتها من غير ما يدق يا هول الصدمة.. جات كف و غرزة هو و إياها.. خارجة من دوش شعرها قطر بالمى هابط على بدنها كاب دوبان ساتر كان لازم فى لازم.. قعد مصمر فى بلاصتو شى من لوطة باش يطرشق يبلع فى ريقو بالسبف.. فففتنة..  نرجعو ياسين الى دخل لقى جورى راقدة او بأحرى حاسبة روحها راقدة ملى دخل ربحتو سبقتو كبست على مخدة تحاول متشلقش اما وين فاق باها.. قرب منها بعدلها شعرها هابط على وجهها.. نعرف لانتى فايقة تسمع فيا قوم خلينا نحكيو ميسالش صيح عيط كان لزم اضربنى مهن اسمعنى شباش نقول يد الى تمدت عليك كسرة و قصة فاها كان مازالت تتمد.. تكلمت من غير متشعر سملا عليك معادش تقول اكاك.. هبطت راسها.. سامحني كلمة زرفت من فمى.. عينها حمر من كثر بكى علاش انى جورى...هزت راسها مستغربة مفهمتوش شيقصد.. نقصد علاش حبيتنى شنية حاجة خلاتك تعلق فى مقابل انى نعتبرك كى اختى يعنى من طرف واحد اكثر حب عذب.. متسألش شكون قالى .. جاوبنى على سؤالى..مسحت دمعتها هبطت حطت مخدة وراء ظهرو قعدت بالجنبو.. كان جى بيديا نمحيك من حياتى و نفسخك من قلبى نلعن روحى الف مرة على نهار الى حبيتك فيه من نهار هكا عايشة كان وجيعة و قهرة نحب نكرهك ياسين.لا لا. حط صبعو على شفايفها سخان شهيو حس برعشة بدنها.. بعد شوية محبش حشمها.. منحبكش تكرهنى بلعكس تخلينى نحبك موجوع رانى يا جورى الحب اكثر حاجة نخاف تعرف علاش على خاترنى اكبر وجيعة جاتنى منو وليت معادش نحب نقرب حتى مرا.. احسب روحك أول مرة ترانى تعرف عليا من جديد. ياسين.. اشششس متقول حتى كلمة خمم توا ليلتك زينة خرج خلاها هايمة غارقة فى بحر من افكار ادهم مازال واقف فى بلاصتو سخانة طلعتلو ثانى مرة يتحط فى نفس موقف ميعرش كيفاش ساقيه حملوه ناحيتها كل ما يقدم خطوة هى توخر لين لسقت حيط حصرها بيديها زوز وجهها احمر كى فرازة شفايفها روز شوافرها مبلولين عينها ڨرى فلاها فليان جامدة فى بلاصتها متحركتش عينها مرشوقين فيه تستنى فيه اش يعمل.. ادهم... صوتها ضعيف رقيق كلو إغراء كمل على ما بيه.. اشششش متحكى شى فتنة يزى ما حكيت توا جى وقت فعل  #يتبع😁😁😂😂