الشيخه ليال

البارت السابع عشر

..........

ميسم : بدت فترت امتحانات وبد العذاب مالهه يعني نسحلت سحل نشرت كتبي بالحديقه وكعدت ادرس دخل يوسف لكاني مبسطه ضحك

يوسف : هههههه تقبل الله سعييج

ميسم : ههههه شكله ما راح يتقبل

يوسف : محتاجه مساعده

ميسم : باوعتله بقله وحيله وهزيت راسي كعد يمي وصار يدرس بيه وطبعا ما فهمت توترت لان جان قريب مني جاي يشرح ونتبهلي وكف دنكت بسرعه بس متت من الاحراج كال

يوسف : احم فهمتي لو نعيد

ميسم : هاا ي شكرا

يوسف : شرايج ناخذ ستراحه خل اطلعج اشمين هوا من الدراسه نتمشى شوي ونرجع

ميسم : ما اعرف

يوسف : كومي كومي يالله بسرعه بس لا تبدلين راح نتمشى ونرجع

ميسم : هههه اوك ....صعدت بسرعه لبست بشت فوك التراك مال البيت وشحاطه بناتيه ولفت الشال ونزلت كلت الماما وطلعت منتضرني بالباب تمشينه بتجاه المنتزه يمنه قريب وسولفنه سوالف عاديه بس الحوا يرد الروح صدك غير نفسيتي تذكرت شغله وكتله
صحيح يوسف مو كلت تريد تكمل دراسه وتسافر شنو صار بهاذ الموضوع الغه

يوسف :لا ما الغه متأجل حاليا لحد ما تنفتح الوصيه واعرف راسي من رجلي حلمي هذا اريد اسافر اطور نفسي حتى افتح الشركه الاحلم بيهه

ميسم: اوو حلو الطموح بالنسبه الي الكلام سهل بس التنفيذ صعب

يوسف : طول ما هاي الفكره براسج راح يضل صعب طلعيهه من راسج وفكري بالهدف وبس
مثل هذا الهدف البنهايه للطريق الي سحلتج حتى اوصله ههههه

ميسم : باوعت مطعم شاورمه لموجوده بالمتنزه .......ياريت كل الاهداف مثلةهذا امشي وراك واني مغمضه ....

يوسف : هههههه امشي

ميسم : دخلنا طلبنا سفري حتى للبنات يوسف بالكوا كاتم ضحكته عل شكلي واني اباوعلي بغيض لان كال بس نتمشى اخذنه الطلب وطلعنه وهوا يضحك علي واني اضرب بي بغيض ..... خبيث كلت بس نتمشى وبالاخير فوتتني للمطعم بهاذ الشكل

يوسف : ههههههه اخ ولج ايدج ثكيله بس والله شكلج تحفه

ميسم : ههههههه ضحكت ورفعت راسي صار بوجهي باسل جاي يمشي بتجاهنه لاا ياربي مو الهل درجه مشينه كلت اليوسف ....خل نمشي

يوسف : لا تعالي ناكل هنا ونرجع الجو حلو

ميسم : يوسف ما نتبه علي جاي نمشي وهوا صار قريب صرنه وجه بوجه باوعلي من فوك لجوا رافع حاجبه ودار وجهه وخطف من يمي
ياربي شلون غريب هل انسان والاغرب اني الي كل ما اشوفه اخاف وكانو واحد من بقيه اهلي وراح يحاسبي عل تصرفاتي اصلا كل ما يشوفني يحسسني مسويه جريمه كعدنه عل وحده من المسطبات ناكل شويه وطلع بيده علاكه اكل من شافنه كاعدين وكف ثواني باوع النه ومشى اخذت نفس من مشى وجوده يربكني خلصنا اكل وسوالف ورجعنه للبيت