نيران قلبي

part 26

- شمممم لا تلحين ولي

سديته منه وكملت بجي لمن بيان صاحت بيه وسحلتني لجوه

مر الوقت سوت بيان عشه واني مالي نفس ابد

كضيت الوقت اتصفن ليال تحاحيني اصيح بيها

للساعه 11 اجه تمار تعبان طمني وراح نام

حجيت وي رنيم وبعدني مامرتاحه..

بعدها نمت ، وكعدت الصبح على صوت بره 

طلعت من الغرفه مفزوعه شفت تمار يصيح وبيان تمشي وراه

- شكووو

التفتلي تمار وباوعلي بحزن

- شمم بابا

- صار زين موو اكيد هسة حيجي؟

- ابوي توفففه

- جذاب ههههههههه تمار شقاك بايخ

- شممم بابااا ماتتت مات

هنا انهد حيلي وكعت بالكاع

- جذااااب ميعوفننيي والله مييرووح هوو كال منن ارجع اخذج لتركيااا تمارر روحح جيبهه فدوهه روح هسة منتظركك

نزل يمي حضني وكام يبجي واني وياه

- حباب تمار خل اشوفه هو زين مو

- شمم استوعبي

- مااا مااارريد اههئ فدوه اخذني يمهه صارلي يومين مشايفته

- لا ابقي هنا اني رايح

هو كال هيج واني كلبت الدنيه ملخت روحي صياح وضرب

- بياااان تعاي لبسيها اي شي خل اخذها راح تموت

- اي

اجت بيان جرتني وهي تبجي

- بيان بابا زين موو هسة حيرجع ويانه ويشوف ابن تمار ويشيله بيان شفتي شلون جان فرحان بحملج

- اي شمم اي

- لتضححكيين عليههه احججي الصددكك

- لججج كاففيي تعاي بدلي خبلتينه

- بدلت واني اردد ميعوفني ميعوفني

رحت وي تمار للمستشفى وطول الطريق احنه ساكتين

وصلنه واني اول ما صرنه يمهم ركضت على امي ذبيت نفسي بحضنها ولجيت لمن تعبت

- مااما تمار يجذب عليه بابا مابي شي مو

- شلون اقنعج يبعد امج

واني بحضن امي انجربت حيل ووكفت
شفته اسير عيونه حمر مبين باجي

- شجابججج هناا

- وخخخررر اجيت اشوف ابوي

- حسابج بعدين

رجعت بحضن امي واجانه اسير ياخذنه للبيت
- مااروح ابقه يم بابا هسة يريد يشوفني

- انتتتييي شبببيجج خبلهه