ﺧﺎﻟﺘﻲ _ ﺷﺮﻳﻔﺔ _ ﺍﻟﺢﻟﻘﺔﺍﻟﺮﺍﺑﻌﺔ
ﺭﻭﺣﺖ ﺧﺎﻟﺘﻲ ﺷﺮﻳﻔﺔ ﻭﻫﻴﺎ ﺍﺗﻘﻮﻝ ﺍﻟﻠﻪ ﻳﺎﻓﺘﺤﻴﺔ ﻗﺪﺍﺵ ﺭﺑﻲ ﻳﺤﺒﻚ ﺍﻟﻠﻲ ﺣﻄﻚ ﻓﻲ ﻃﺮﻳﻘﻲ ﺑﻌﻮﻥ ﺍﻟﻠﻪ ﺍﻧﺪﻳﺮ ﻣﻌﺎﻙ ﺟﻬﺪﻱ ﻛﻠﻪ ﻭﻧﺨﻠﻴﻚ ﻟﻼ ﺍﻟﻼﻻﺕ ﻭﻣﺎﻳﺘﺸﻤﺖ ﻋﺎﺩﻱ ﻓﻴﻚ ﻭﺍﻟﻠﻲ ﻣﺎﺩﺍﺭﺗﺶ ﺍﻟﻨﺎﻧﺎ ﺣﺴﻨﻴﺔ ﺍﻧﺪﻳﺮﻩ ﺍﻧﻲ ﻟﻴﻚ ﻭﻳﺎﺭﺏ ﺍﺷﻬﺪ ﻋﻠﻴﺎ ﺭﺍﻫﻲ ﻓﺘﺤﻴﺔ ﻓﻲ ﻗﻠﺒﻲ ﺍﺑﻨﻴﻪ ﻣﻦ ﺍﺑﻨﻴﺎﺗﻲ .... ﻭﺗﺎﻧﻲ ﻳﻮﻡ ﺍﻣﺸﺖ ﺧﺎﻟﺘﻲ ﺷﺮﻳﻔﺔ ﻝ ﻓﺘﺤﻴﺔ ﻭﻣﺎﺟﺒﺪﺗﺶ ﻣﻌﺎﻫﺎ ﺳﻴﺮﺓ ﻻ ﻋﻠﻰ ﺳﻠﻔﺔ ﻭﻻ ﺩﺍﺭﺗﻠﻬﺎ ﻓﻲ ﻗﻠﺒﻬﺎ ﺣﻴﺮﺓ ... ﻛﻞ ﺍﻟﻠﻲ ﺩﺍﺭﺍﺗﻪ ﻣﻌﺎﻩ ﻛﻤﻠﺘﻠﻬﺎ ﺑﺎﻗﻲ ﺍﻟﻨﺼﺎﺋﺢ ﻭﻛﻴﻒ ﺍﺗﻨﻈﻒ ﺍﻟﺤﻮﺵ ﻭﺗﺮﺍﻛﻴﻨﻪ .... ﻗﺎﻟﺘﻠﻬﺎ ﻋﻼﺵ ﻳﺎ ﺑﻨﻴﺘﻲ ﻫﺎﻟﺒﻘﻌﺔ ﺍﻟﻜﺤﻠﺔ ﻓﻲ ﺍﻟﺰﻟﻴﺰ !!! ﻗﺎﻟﺘﻠﻬﺎ ﻓﺘﺤﻴﺔ ﻭﺍﻟﻠﻪ ﻳﺎﺧﺎﻟﺘﻲ ﻣﺎﻫﻲ ﻣﻨﻲ ﺭﺍﻫﻲ ﻣﻦ ﻟﻤﺎ ﺍﺟﺮﻧﺎ ﺍﻟﺤﻮﺵ !!! ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﻳﺎﺣﺴﺮﺓ ﻋﻠﻰ ﻫﺎﻟﺤﻮﺵ ﺍﻳﺎﻡ ﺍﻟﻨﺎﻧﺎ ﺯﻳﻨﻮﺑﻪ ﻛﺎﻥ ﻳﻀﻮﻱ ﺿﻮﻱ ﻭﻛﺎﻥ ﻫﺎﻟﺰﻟﻴﺰ ﺍﺣﻤﺮ ﺯﻱ ﺍﻟﻤﺮﺟﺎﻥ ﻳﻠﻤﻊ ﻣﻦ ﺍﻟﻨﻈﺎﻓﺔ ﺍﺗﺸﻮﻓﻲ ﻓﻴﻪ ﻭﺟﻬﻚ .... ﻭﺑﻌﺘﺎﻟﻲ ﺗﻮﻓﻮﺍ ﻟﻜﺒﺎﺭ ﻭﻃﻠﻌﻮﺍ ﺍﻟﺼﻐﺎﺭ ﻛﻞ ﻭﺍﺣﺪ ﻟﺠﻴﻬﺔ ﻭﻗﻌﺪ ﺍﻟﺤﻮﺵ ﻟﻼﻳﺠﺎﺭ .... ﻟﻜﻦ ﻳﺎ ﺑﻨﻴﺘﻲ ﺩﻳﺮﻱ ﻓﻴﻪ ﺟﻬﺪﻙ ﻭﻧﻈﻔﻴﻪ ﻭﺗﻘﺪﺭﻱ ﺍﺗﺮﺩﻳﻪ ﺯﻱ ﻣﺎﻛﺎﻥ ﻗﺒﻞ ... ﻭﺍﻧﻲ ﺣﺎﻳﺮﺓ ﻓﻲ ﻣﻮﻟﻰ ﺑﻴﺘﻚ ﻛﻴﻒ ﺍﺟﺮ ﺍﻟﺤﻮﺵ ﻣﻦ ﻏﻴﺮ ﻣﺎ ﻳﺼﻴﻨﻪ ﻭﻳﺘﻜﻤﻪ !!!! ﻗﺎﻟﺘﻠﻬﺎ ﻓﺘﺤﻴﺔ ﻣﺎﻫﻮ ﻳﺎﺧﺎﻟﺘﻲ ﺟﺖ ﻃﻠﻌﺘﻨﺎ ﻓﻲ ﻟﺤﻈﺔ ﻏﻴﺾ ﻭﻻ ﻓﻜﺮ ﻭﻻ ﺣﺼﻞ ﻭﻗﺖ !!! ﻟﻜﻦ ﻫﻮ ﻧﺎﻭﻱ ﻫﺎﻟﻴﻮﻣﻴﻦ ﻳﻮﻗﻒ ﺷﻐﻠﻪ ﻓﻲ ﺍﻟﺪﻛﺎﻥ ﻭﺑﻴﺠﻴﺐ ﻟﻠﺤﻮﺵ ﻋﻤﺎﻝ ... ﻗﺎﻟﺘﻠﻬﺎ ﺍﻣﺎﻻ ﻫﺎﺗﻲ ﺍﻧﻈﻔﻮﺍ ﻫﺎﻟﺒﻘﻊ ﺍﻟﻠﻲ ﻣﺤﺎﺩﻳﺎﺕ ﺍﻟﻨﺎﻓﻮﺭﺓ ﻭﺍﻟﻠﻲ ﺟﻨﺐ ﺍﻟﺪﺭﻭﺝ ... ﻗﺎﻟﺘﻠﻬﺎ ﻳﺎﺧﺎﻟﺘﻲ ﺭﺍﻫﻢ ﺻﺎﺑﻐﺎﺕ ﻛﻴﻒ ﺍﻟﺪﺑﺎﺭﺓ ﻣﻌﺎﻫﻢ !!! ﻗﺎﻟﺘﻠﻬﺎ ﻋﻨﺪﻱ ﺍﻣﻴﺔ ﻓﺮﻕ ﻟﻠﻪ ﻟﻌﺠﺐ ﺍﺗﻨﺤﻲ ﺍﻟﻠﻲ ﺻﺎﺑﻎ ﻣﻦ ﺳﻨﻴﻦ ﺗﻮﺍ ﻧﻤﺸﻲ ﺍﻧﺠﻴﺒﻬﺎ ﻭﺍﻧﺠﻲ .... ﻗﺎﻟﺘﻠﻬﺎ ﻓﺘﺤﻴﺔ ﺷﻦ ﻫﻴﺎ ﻫﺎﻟﻤﻴﺔ ﺍﻟﻠﻄﻒ !!! ﻗﺎﻟﺘﻠﻬﺎ ﺍﻣﻴﺔ ﺯﻱ ﺍﻟﻨﺎﺭ ﻭﺻﻨﺘﻬﺎ ﻗﻮﻳﺔ ﺍﻳﺼﺒﻮﺍ ﻣﻨﻬﺎ ﺷﻮﻳﺔ ﺑﺲ ﻋﺎﻟﺰﻟﻴﺰ ﻭﻳﻄﻠﻮﻩ ﺑﻴﻬﺎ ﺍﺗﻮﺭﻳﻚ ﺍﻟﻔﺮﻕ ﻭﺗﺮﺩﻟﻪ ﻭﺟﻬﻪ ﺍﻻﻭﻝ ﻟﻜﻦ ﺭﺍﻫﻲ ﻣﺴﻤﻮﻣﺔ ﻻﺗﺨﻠﻴﻬﺎ ﺗﺘﻨﻄﺮ ﻋﻠﻴﻚ ﻭﻻ ﺗﺸﻤﻴﻬﺎ ﻭﻟﻤﺎ ﺍﺗﺴﻴﻘﻲ ﺑﻴﻬﺎ ﻟﻔﻲ ﻋﻠﻰ ﺧﺸﻤﻚ ﻭﺯﺭﺍ ﻭﺑﻌﺪﻱ ﻭﺟﻬﻚ ﻋﻠﻴﻬﺎ ﻭﻋﻠﻰ ﻏﻴﺮ ﻃﺮﻳﻖ ﻗﻴﻤﻴﻬﺎ ... ﻭﺍﻣﺸﺖ ﺧﺎﻟﺘﻲ ﺷﺮﻳﻔﺔ ﺟﺎﺑﺖ ﺷﻮﻳﺸﺔ ﺍﻣﻴﺔ ﺍﻟﻔﺮﻕ ﻭﺻﺒﻮﺍ ﻟﻤﻴﺔ ﻓﻲ ﻭﺳﻂ ﺍﻟﺤﻮﺵ ﻭﺧﻠﻄﻮﺍ ﻣﻌﺎﻫﺎ ﺷﻮﻳﺔ ﻣﻦ ﺍﻣﻴﺔ ﺍﻟﻔﺮﻕ ﻭﺍﺑﺪﺕ ﻫﺪﻳﻜﺎ ﻓﺘﺤﻴﺔ ﻓﻲ ﻃﻠﻲ ﺍﻟﺰﻟﻴﺰ ﺑﻜﻞ ﺟﻬﺪﻫﺎ ﻭﺧﺎﻟﺘﻲ ﺷﺮﻳﻔﺔ ﻭﺍﻗﻔﺔ ﻋﻠﻴﻬﺎ ﺍﺗﺸﺠﻊ ﻓﻴﻬﺎ ﻭﺗﻮﺭﻱ ﻓﻴﻬﺎ ﻛﻴﻒ ﺍﺗﺤﻚ ﻭﻛﻴﻒ ﺍﺗﻨﺸﻒ ﻭﺩﻭﺭﺓ ﻭﻟﻰ ﻫﺪﺍﻛﺎ ﺍﻟﺰﻟﻴﺰ ﺍﺗﻘﻮﻟﻲ ﻣﺶ ﻧﻔﺴﻪ ﺍﻻﻭﻝ ... ﻓﺮﺣﺖ ﺧﺎﻟﺘﻲ ﺷﺮﻳﻔﺔ ﻭﻓﺮﺭﺭﺭﺣﺖ ﻓﺘﺤﻴﺔ ﻭﻗﺎﻟﺖ ﺍﻟﻠﻪ ﻛﻴﻒ ﻭﻟﻰ ﺍﻗﻨﻴﻦ .... ﺿﺤﻜﺖ ﺧﺎﻟﺘﻲ ﺷﺮﻳﻔﺔ ﻭﻗﺎﻟﺘﻠﻬﺎ ﺍﻣﻼ ﺷﻨﻮ ﻳﺎ ﺑﻨﻴﺘﻲ ﺍﻟﻨﻈﺎﻓﺔ ﺑﺎﻫﻴﺔ ﻭﻳﻘﻮﻟﻚ ﺳﺎﻋﺔ ﻣﻦ ﺍﻟﻨﻬﺎﺭ ﺗﻤﺴﺢ ﻣﺌﻪ ﻋﺎﺭ ﺍﻫﻮ ﺷﻦ ﺍﺧﺬﻱ ﻣﻨﻚ !!! ﻭﺍﺑﺪﺕ ﻫﺪﻳﻜﺎ ﻓﺘﺤﻴﺔ ﺗﺴﺮﺡ ﻣﺎﺷﻴﺔ ﺟﺎﻳﺔ ﻓﻲ ﻭﺳﻂ ﺍﻟﺤﻮﺵ ﻭﻫﻴﺎ ﻓﺮﺣﺎﻧﻪ ﻭﻣﺶ ﺍﻣﺼﺪﻗﺔ ﺍﻧﻬﺎ ﻧﻈﻔﺖ ﻭﺳﻂ ﺍﻟﺤﻮﺵ ﻭﺧﻼﺗﻪ ﺯﻱ ﺍﻟﺠﺪﻳﺪ .... ﻭﺧﺎﻟﺘﻲ ﺷﺮﻳﻔﺔ ﺍﻣﻘﻌﻤﺰﺓ ﻣﺒﺘﺴﻤﺔ ﻭﻓﻲ ﺧﺎﻃﺮﻫﺎ ﺍﺗﻘﻮﻝ ﺍﻟﺤﻤﺪﻟﻠﻪ ﻟﺒﻨﻴﻪ ﻣﻄﻴﻌﺔ ﻭﺣﺎﻃﺔ ﺑﺎﻟﻬﺎ ﻣﻊ ﻛﻞ ﻛﻠﻴﻤﺔ ﻣﻨﻲ ﻭﺍﻥ ﺷﺎﺀﺍﻟﻠﻪ ﺍﻟﻤﻮﻟﻰ ﻳﺴﺘﺮﻧﻲ ﻣﻌﺎﻫﺎ .... ﻭﻗﺒﻞ ﻣﺎﺗﺮﻭﺡ ﺧﺎﻟﺘﻲ ﺷﺮﻳﻔﺔ ﻗﺎﻟﺘﻠﻬﺎ ﻫﻮﻳﻨﺎ ﺯﻱ ﻣﺎ ﻭﺻﻴﺘﻚ ﺧﻮﺫﻱ ﻟﺬﻥ ﻣﻦ ﻣﻮﻟﻰ ﺑﻴﺘﻚ ﻭﻧﺴﺘﻨﺎﻙ ﻏﺪﻭﺓ ﺍﻟﻌﺸﻴﺔ ﺭﺍﻫﻮ ﺍﺑﻨﻴﺎﺗﻲ ﻛﻠﻬﻢ ﺟﺎﻳﺎﺕ ﻋﻠﻰ ﺧﺎﻃﺮﻙ ﺑﻴﺘﻌﺮﻓﻮﺍ ﻋﻠﻴﻚ ﻭﻓﺮﺣﺎﻧﻴﻦ ﺑﻴﻚ ﻫﺪﺍﻛﺎ ﺣﺪﻫﻢ ﻣﻦ ﻛﺘﺮ ﻣﺎ ﺣﻜﻴﺘﻠﻬﻢ ﻋﻠﻴﻚ .... ﺭﺩﺕ ﻋﻠﻴﻬﺎ ﻓﺘﺤﻴﺔ ﻭﺍﻟﻔﺮﺣﺔ ﻏﺎﻣﺮﺗﻬﺎ ﻭﻫﻴﺎ ﺍﺗﻘﻮﻟﻬﺎ ﺑﻌﻮﻥ ﺍﻟﻠﻪ ﺍﻧﻜﻮﻥ ﻋﻨﺪﻛﻢ ... ﻓﺘﺤﻴﺔ ﺧﻼﺹ ﺍﺑﺪﻱ ﺍﻟﺘﻐﻴﻴﺮ ﻟﻼﺣﺴﻦ ﻣﻄﺒﻮﻉ ﻓﻴﻬﺎ ﻭﺍﺑﺪﺕ ﺗﻌﺮﻑ ﺍﺗﻤﻴﺰ ﺍﻥ ﻫﺬﺍ ﺍﻣﻨﻈﻒ ﻛﻮﻳﺲ ﻭﻫﺬﺍ ﻻ .... ﻭﺍﺑﺪﺕ ﺗﻔﻬﻢ ﺍﺻﻮﻝ ﻛﻞ ﺷﻲ ﻭﺷﻦ ﺍﻟﻠﻲ ﻳﻠﺰﻡ ﻭﺷﻦ ﺍﻟﻠﻲ ﺍﻟﻤﻔﺮﻭﺽ !!! ﺣﻄﺖ ﻏﺪﺍﻫﺎ ﻋﺎﻟﻨﺎﺭ ﻭﻛﻤﻠﺖ ﺗﺮﺗﻴﺐ ﺣﻮﺷﻬﺎ ﻭﺗﻔﻮﻳﺤﻪ ﻭﻫﻴﺎ ﺍﺗﻘﻮﻝ ﻓﻲ ﺧﺎﻃﺮﻫﺎ ﺍﻟﻠﻪ ﻛﻴﻒ ﻛﻨﺖ ﻧﺮﺿﻰ ﻧﻜﻨﺲ ﻭﻧﺘﺮﻛﻦ ﺍﻟﻐﺒﺮﺓ ﻓﻲ ﺗﺮﻛﻴﻨﻪ !!! ﻛﻴﻒ ﻫﻜﻲ !!! ﻭﻛﻴﻒ ﻛﻨﺖ ﻧﺴﺘﻘﺒﻞ ﻓﻲ ﻣﻮﻟﻰ ﺑﻴﺎﺗﻲ ﺑﻨﻔﺲ ﺍﻟﻘﻔﻄﺎﻥ ﺍﻟﻠﻲ ﺣﺴﺖ ﻭﺿﻤﻴﺖ ﺑﻴﻪ ﻛﻴﻴﻴﻴﻒ !!! ﺍﻟﻠﻪ ﻳﺎﺧﺎﻟﺘﻲ ﺷﺮﻳﻔﺔ ﻧﺒﻴﻚ ﺑﻴﻦ ﺍﻫﻞ ﺍﻟﺠﻨﺔ ﻣﺘﺮﺑﻌﺔ ﻭﻓﺮﺣﺎﻧﻪ ﺍﻧﺖ ﻭﻛﻞ ﺍﺣﺒﺎﺑﻚ .... ﻛﻤﻠﺖ ﻏﺪﺍﻫﺎ ﻭﺗﺮﺗﻴﺐ ﺣﻮﺷﻬﺎ ﻭﺧﺸﺖ ﺍﻟﻬﺖ ﺑﺮﻭﺣﻬﺎ ﻭﻗﻌﻤﺰﺕ ﺍﺗﻜﻤﻞ ﻓﻲ ﺗﻄﺮﻳﺰ ﺑﺨﺸﺘﻬﺎ ﻛﻴﻒ ﻣﺎ ﻋﻠﻤﺘﻬﺎ ﺧﺎﻟﺘﻲ ﺷﺮﻳﻔﺔ ... ﻭﺷﻮﻳﺔ ﻭﺳﻤﻌﺖ ﺑﺎﺏ ﺍﻟﺤﻮﺵ ﺍﺗﺼﻜﺮ ﻭﺧﺶ ﻛﻤﺎﻝ ﺭﺍﺟﻠﻬﺎ ﺍﻟﻠﻲ ﺍﻭﻗﻒ ﺍﻳﺸﻮﻑ ﻟﻨﻈﺎﻓﺔ ﻭﺳﻂ ﺍﻟﺤﻮﺵ ﻭﻛﻴﻒ ﻓﺘﺤﻴﺔ ﺍﻣﻘﻌﻤﺰﺓ ﻋﻠﻰ ﻛﺮﺳﻴﻬﺎ ﺗﻄﺮﺯ ﻓﻲ ﺗﻘﻌﻤﻴﺰﺓ ﺍﺗﻘﻮﻟﻲ ﻋﻠﻴﻬﺎ ﻟﻼ !!! ﺍﺗﺒﺴﻤﺘﻠﻪ ﻭﺭﺣﺒﺖ ﻣﺶ ﺯﻱ ﺍﻟﻌﺎﺩﺓ ﻻﻥ ﻛﻞ ﻳﻮﻡ ﺍﺗﺰﻳﺪ ﻋﻠﻰ ﺗﺮﺣﻴﺒﻬﺎ ﻛﻠﻤﺔ ﻭﺍﺗﻨﻴﻦ ﺯﻳﺎﺩﺓ .... ﺍﻓﺮﺡ ﻛﻤﺎﻝ ﻭﻓﻲ ﺧﺎﻃﺮﻩ ﻗﺎﻝ ﻭﺍﻟﻠﻪ ﻳﺎﺧﺎﻟﺘﻲ ﺷﺮﻳﻔﺔ ﺗﺴﺘﺎﻫﻠﻲ ﺣﺠﺔ ﻭﺫﺑﻴﺤﺔ ﻋﻠﻰ ﻫﺎﻟﺘﻐﻴﻴﺮ ﻭﻫﺎﻟﻨﺘﻴﺠﺔ .... ﻭﻫﻤﺎ ﻳﺘﻐﺪﻭﺍ ﻗﺎﻟﻬﺎ ﺍﻣﺎﻻ ﺟﺎﺗﻚ ﺧﺎﻟﺘﻲ ﺷﺮﻳﻔﺔ ﺍﻟﻴﻮﻡ !! ﻗﺎﻟﺘﻠﻪ ﺍﻳﻪ ﺟﺘﻨﻲ ﻛﻴﻒ ﻋﺮﻓﺖ ﻗﺎﻟﻬﺎ ﻻ ﻏﻴﺮ ﻻﺣﻈﺘﻚ ﻟﻤﺎ ﺍﺗﻜﻮﻥ ﺧﺎﻟﺘﻲ ﺷﺮﻳﻔﺔ ﻋﻨﺪﻙ ﺍﻟﺼﺒﺢ ﺍﻧﺮﻭﺡ ﻧﻠﻘﺎﻙ ﻓﺮﺣﺎﻧﻪ ﺍﻛﺘﺮ !!! ؟؟ ﻗﺎﻟﺘﻠﻪ ﻭﺍﻟﻠﻪ ﺻﺪﻗﺖ ﻳﺎ ﻛﻤﺎﻝ ﺧﺎﻟﺘﻲ ﺷﺮﻳﻔﺔ ﻫﻴﺎﺍﺍﺍ ..... ﺍﻗﺮﻳﺐ ﻗﺎﻟﺘﻠﻬﺎ ﻫﻴﺎ ﺍﻟﻠﻲ ﻏﻴﺮﺗﻨﻲ ﻏﻴﺮ ﺍﺗﺬﻛﺮﺕ ﻭﺻﻴﺔ ﺧﺎﻟﺘﻲ ﺷﺮﻳﻔﺔ ﻟﻤﺎ ﻗﺎﻟﺘﻠﻬﺎ ﻟﻤﺮﺍ ﺍﻟﺤﺎﺩﻗﺔ ﻣﺎ ﺗﻔﺘﺤﺶ ﻋﻴﻮﻥ ﺭﺍﺟﻠﻬﺎ ﻋﻠﻠﻲ ﻳﻨﻘﺼﻬﺎ !!! ﺷﻮﻱ ﻋﻠﻰ ﻃﻮﻝ ﻗﺎﻟﺘﻠﻪ ﺧﺎﻟﺘﻲ ﺷﺮﻳﻔﺔ ﻋﻮﺿﺘﻨﻲ ﻋﻠﻰ ﺣﻦ ﺍﻣﻲ ﺍﻟﻠﻪ ﻳﺮﺣﻤﻬﺎ ﺭﺍﻧﻲ ﻳﺎﻛﻤﺎﻝ ﺍﻧﺤﺮﻣﺖ ﻣﻦ ﺣﻦ ﺍﻻﻡ ﻭﺍﻧﺖ ﺗﻌﺮﻑ ﻭﺍﻫﻮ ﺭﺑﻲ ﻋﻮﺿﻨﻲ ﺑﺨﺎﻟﺘﻲ ﺷﺮﻳﻔﺔ ﺭﺑﻲ ﻳﺤﻔﻈﻬﺎﻟﻲ .... ﻋﻠﻰ ﻃﻮﻝ ﻗﺎﻝ ﻛﻤﺎﻝ ﻭﻫﻮ ﻣﺒﺘﺴﻢ ﺍﻣﻴﻴﻴﻴﻦ ﺭﺑﻲ ﻳﺤﻔﻈﻬﺎﻟﻨﺎ ... ﻛﻤﺎﻝ ﻛﺎﻥ ﻓﺮﺣﺎﻥ ﻫﻠﺒﺔ ﺑﺎﻟﺘﻐﻴﻴﺮ ﺍﻟﻜﺒﻴﺮ ﻭﺍﻟﺴﺮﻳﻊ ﺍﻟﻠﻲ ﺻﺎﺭ ﻟﻔﺘﺤﻴﺔ ﻣﻦ ﻛﻞ ﺟﻴﻬﺔ ﻭﻛﺎﻥ ﻳﺒﻲ ﺍﻣﻪ ﺍﺗﺸﻮﻑ ﻫﺎﻟﺘﻐﻴﻴﺮ ﺷﻮﻱ ﻗﺎﻝ ﻟﻔﺘﺤﻴﺔ ﺷﻦ ﺭﺃﻳﻚ ﻳﺎ ﻓﺘﺤﻴﺔ ﻧﻤﺸﻮﺍ ﻷﻣﻲ ﺍﻟﻴﻮﻡ ﺍﻫﻮ ﻟﻴﻨﺎ ﺍﻳﺠﻲ ﺍﺭﺑﻌﺔ ﺷﻬﻮﺭ ﻣﻦ ﻟﻤﺎ ﻃﻠﻌﻨﺎ ﻣﻨﻬﻢ ﻣﻌﺎﺵ ﺍﻣﺸﻴﺘﻴﻠﻬﺎ !!! ﺳﻜﺘﺖ ﻓﺘﺤﻴﺔ ﻭﻗﺎﻟﺖ ﻓﻲ ﺧﺎﻃﺮﻫﺎ ﻭﺍﻟﻠﻪ ﻣﺎﻧﻤﺸﻴﻠﻬﺎ ﻟﻴﻦ ﻧﻨﺸﺪ ﺧﺎﻟﺘﻲ ﺷﺮﻳﻔﺔ ﻭﻧﺎﺧﺬ ﻣﻨﻬﺎ ﺍﻟﺪﺑﺎﺭﺓ ﻗﺒﻞ .... ﻭﺭﺩﺕ ﻋﻠﻰ ﻛﻤﺎﻝ ﻗﺎﻟﺘﻠﻬﺎ ﺍﻟﻴﻮﻡ ﺍﻧﺤﺲ ﻓﻲ ﺭﻭﺣﻲ ﺗﻌﺒﺎﻧﻪ ﻭﻏﺪﻭﺓ ﺑﻌﻮﻥ ﺍﻟﻠﻪ ﻋﺎﺯﻣﺘﻨﻲ ﺧﺎﻟﺘﻲ ﺷﺮﻳﻔﺔ ﺑﻨﺘﻌﺸﺎ ﻋﻨﺪﻫﺎ ﺟﺎﻳﻴﻨﻬﺎ ﺑﻨﺎﺗﻬﺎ ﻭﺗﺒﻴﻨﻲ ﻧﺘﻌﺮﻑ ﻋﻠﻴﻬﻢ ﻭﺭﺍﻫﻲ ﻗﺎﻟﺘﻲ ﺧﻮﺫﻱ ﻟﺬﻥ ﻣﻦ ﻣﻮﻟﻰ ﺑﻴﺘﻚ ... ﺳﻜﺖ ﻛﻤﺎﻝ ﻭﻗﺎﻟﻬﺎ ﺍﻳﻪ ﻋﻼﺵ ﻻ ﺍﻣﺸﻲ ﻭﺑﻌﺪ ﺻﻼﺓ ﻟﻌﺸﻲ ﺍﻧﺠﻴﻚ ﺍﻧﺮﻭﺡ ﺑﻴﻚ .... ﻓﺮﺣﺖ ﻭﻗﺎﻟﺘﻠﻬﺎ ﺭﺑﻲ ﻳﺤﻔﻈﻚ ﻭﻳﺒﺎﺭﻛﻠﻲ ﻓﻴﻚ ... ﻭﺗﺎﻧﻲ ﻳﻮﻡ ﻣﻊ ﻭﻗﺖ ﻟﻌﺸﻴﺔ ﻻﺑﺴﺖ ﻓﺘﺤﻴﺔ ﻭﺗﻜﻤﺖ ﺭﻭﺣﻬﺎ ﻭﺗﻠﺤﻔﺖ ﺑﻔﺮﺍﺷﻴﺘﻬﺎ ﺗﻠﺤﻴﻔﺔ ﺍﻗﻨﻴﻨﻪ ﻋﻠﻤﺘﻬﺎﻟﻬﺎ ﺧﺎﻟﺘﻲ ﺷﺮﻳﻔﺔ ... ﻭﺗﻮﻛﻠﺖ ﻭﻋﻠﻰ ﺍﻭﻝ ﻣﺎ ﻃﻘﺖ ﻋﻠﻰ ﺣﻮﺵ ﺧﺎﻟﺘﻲ ﺷﺮﻳﻔﺔ ﺟﻮ ﺍﻟﺼﻐﺎﺭ ﻳﺠﺮﺭﺭﺭﻭﺍ ﻓﺘﺤﻮﻟﻬﺎ ﺍﻟﺒﺎﺏ ﻭﻓﻲ ﺟﺮﺗﻬﻢ ﺧﺎﻟﺘﻲ ﺷﺮﻳﻔﺔ ﺍﺗﺮﺣﺐ ﻭﺗﻬﻠﻞ ﻋﻠﻰ ﺳﻼﻣﺘﻚ ﻳﺎ ﺑﻨﻴﺘﻲ ... ﺳﻠﻤﺖ ﻓﺘﺤﻴﺔ ﻋﻠﻰ ﺍﻟﺼﻐﻴﻮﻳﺮﺓ ﻛﻠﻠﻠﻠﻬﻢ ﻭﺧﺎﺻﺔ ﺍﻋﻮﻳﻠﺔ ﺻﻐﻴﺮﺓ ﻻﺣﻘﺔ ﺍﻟﺼﻐﺎﺭ ﻛﻴﻒ ﺑﺎﺩﻳﺔ ﺗﻤﺮﺩ ﺟﺘﻬﺎ ﻓﺘﺤﻴﺔ ﺗﺠﺮﻱ ﻗﺎﻣﺘﻬﺎ ﻭﺍﺗﻐﻤﺮﺗﻬﺎ ﻭﺣﻀﻨﺘﻬﺎ ﻭﻧﺎﺿﺖ ﺍﺗﺒﻮﺱ ﻭﺗﺘﺤﻨﻦ ﻋﻠﻴﻬﺎ !!! ﺧﺎﻟﺘﻲ ﺷﺮﻳﻔﺔ ﺍﺛﺮ ﻓﻴﻬﺎ ﺍﻟﻤﻮﻗﻒ ﻭﻋﺮﻓﺖ ﺍﻥ ﻓﺘﺤﻴﺔ ﻣﺸﺘﺎﻗﺔ ﻟﻌﻮﻳﻞ ﺑﻴﻦ ﺍﻳﺪﻳﻬﺎ !!!! ﺧﺸﻮﺍ ﻟﻮﺳﻂ ﺍﻟﺤﻮﺵ ﺍﻟﻘﺖ ﺑﻨﺎﺕ ﺧﺎﻟﺘﻲ ﺷﺮﻳﻔﺔ ﻭﺍﻗﻔﺎﺕ ﻣﺒﺘﺴﻤﺎﺕ ﻭﻳﺮﺣﺒﻮﺍ ... ﻭﺍﺑﺪﺕ ﺍﺗﺴﻠﻢ ﻋﻠﻴﻬﻢ ﺑﺎﻟﻮﺣﺪﺓ ﻭﺧﺎﻟﺘﻲ ﺷﺮﻳﻔﺔ ﻭﺍﻗﻔﺔ ﺍﺗﺸﻮﻓﻠﻬﻢ ﻓﺮﺣﺎﻧﻪ ﻭﺭﺍﺿﻴﺔ ﻋﻠﻰ ﻫﺌﻴﺔ ﺷﺮﻳﻔﺔ ﺍﻟﻠﻲ ﺟﺖ ﻓﻲ ﻗﻔﻄﺎﻥ ﺍﻗﻨﻴﻦ ﻭﻣﺘﻜﻤﺔ ﺭﻭﺣﻬﺎ
ﻭﺻﻨﻪ ﺍﻟﺰﻫﺮ ﻓﺎﻳﺤﺔ ﻋﻠﻴﻬﺎ .ﻗﻌﻤﺰﻭﺍ ﻓﻲ ﺍﻟﺪﻭﻳﺮﺓ ﻭﺍﺑﺪﺕ ﺍﻟﻬﺪﺭﺯﺓ ﻭﺍﻟﻀﻴﺎﻓﺔ ﻭﺍﻟﻀﺤﻚ ﻭﺍﻟﻨﺸﺪﺓ . ﺯﻭﺯ ﻣﻦ ﺍﺑﻨﻴﺎﺕ ﺧﺎﻟﺘﻲ ﺷﺮﻳﻔﺔ ﺍﻳﺤﺒﻮﺍ ﺑﺸﻜﻞ ﺯﺍﻳﺪ ﺍﻟﻠﺒﺲ ﻭﺍﻟﺘﺘﻜﻴﻢ ﻭﻣﺘﺎﺑﻌﻴﻦ ﺍﺧﺮ ﺗﻄﻮﺭﺍﺕ ﺍﻟﻠﺒﺲ ﻭﺍﻟﺰﻳﺎﻥ ﻭﺑﺘﻮﺻﻴﺔ ﻣﻦ ﺍﻣﻬﻢ ﻭﻣﻦ ﻏﻴﺮ ﻣﺎﺗﺤﺲ ﻓﺘﺤﻴﺔ ﻭﻓﻲ ﺍﻟﻮﺳﻂ ﺍﻟﻬﺪﺭﺯﺓ ﺍﺑﺪﻭﺍ ﻳﺘﻜﻠﻤﻮﺍ ﻋﻠﻰ ﺍﻟﻨﺰﺍﻛﺔ ﻭﻛﻴﻒ ﻻﺯﻡ ﺍﺗﻜﻮﻥ ﻟﻤﺮﺍ ﺍﻟﻤﻘﺪﻭﺩﺓ ﻭﻛﻴﻒ ﺗﻜﻮﻥ ﺍﺗﻘﻌﻤﻴﺰﺗﻬﺎ ﻭﻛﻼﻣﻬﺎ ﻭﺍﻟﻔﺎﻇﻬﺎ ﻭﻏﻴﺮﻩ ﻭﻏﻴﺮﻩ !ﻭﻫﺪﻳﻜﺎ ﻓﺘﺤﻴﺔ ﺗﺴﻤﻊ ﻭﻫﻴﺎ ﺣﺎﻃﺔ ﺑﺎﻟﻬﺎ ﻣﻊ ﻛﻞ ﻛﻠﻤﺔ ﺍﻳﻘﻮﻟﻮﻟﻬﺎ . ﻓﺎﺕ ﺍﻟﻮﻗﺖ ﻛﻠﻪ ﺍﺗﻘﻮﻟﻲ ﻓﺘﺤﻴﺔ ﺍﻣﻘﻌﻤﺰﺓ ﺑﻴﻦ ﺍﻣﻬﺎ ﻭﺧﻮﺍﺗﻬﺎ ﻭﻫﺪﻭﻛﺎ ﺍﻟﺼﻐﻴﻮﻳﺮﺓ ﺍﺗﻘﻴﻢ ﻭﺍﺣﺪ ﻭﺗﺤﻂ ﺍﻟﺘﺎﻧﻲ . ﻭﺗﻌﺸﺖ ﻭﺗﺒﺤﺒﺤﺖ ﻭﺟﺎﻫﺎ ﺭﺍﺟﻠﻬﺎ ﻭﺳﻘﺪﺗﻬﺎ ﺧﺎﻟﺘﻲ ﺷﺮﻳﻔﺔ ﺑﻌﺸﻲ ﻟﺮﺍﺟﻠﻬﺎ ﻭﺭﻭﺣﺖ . ﺑﻌﺪﻫﺎ ﺑﻴﻮﻡ ﻗﺎﻝ ﻛﻤﺎﻝ ﻟﻔﺘﺤﻴﺔ ﻫﻴﺎ ﻧﻤﺸﻮﺍ ﻷﻣﻲ ﺍﻟﻴﻮﻡ !! ﺷﻮﻱ ﻗﺎﻟﺖ ﻓﻲ ﺧﺎﻃﺮﻫﺎ ﺣﻲ ﻳﺎﻭﺍﻟﻠﻪ ﻋﻠﻴﻚ ﻧﺴﻮﺓ ﺍﻧﺴﻴﺘﻬﺎ ﻭﻣﺎ ﻗﻠﺘﺶ ﻟﺨﺎﻟﺘﻲ ﺷﺮﻳﻔﺔ ﻋﺎﻟﻤﺸﻲ ﻭﺍﺧﺪﻳﺖ ﻣﻨﻬﺎ ﺍﻟﺪﺑﺎﺭﺓ . ﺷﻦ ﺑﻨﻘﻮﻟﻪ ﺗﻮﺍ ! ﻗﺎﻟﻬﺎ ﻛﻤﺎﻝ ﺧﻴﺮﻙ ﺍﺳﻜﺘﻲ !! ؟ ﻗﺎﻋﺪﺓ ﻭﺍﺧﺪﺓ ﻋﻠﻰ ﺧﺎﻃﺮﻙ ﻣﻦ ﺍﻣﻲ !! ﻭﺍﻟﻠﻪ ﺭﺍﻫﻲ ﺍﻣﻲ ﺍﺗﺤﺒﻚ ﻭﻛﻞ ﻣﺎ ﻧﻤﺸﻴﻠﻬﺎ ﺗﺴﺄﻝ ﻋﻠﻴﻚ ﻭﺍﺗﻘﻮﻟﻲ ﺧﻴﺮﻫﺎ ﻣﺎﺟﺘﺶ ﻣﻌﺎﻙ ! ﺷﻮﻱ ﻗﺎﻟﺘﻠﻪ ﻓﻲ ﺍﻻﻭﻝ ﺍﺧﺪﻳﺖ ﻋﻠﻰ ﺧﺎﻃﺮﻱ ﻭﻗﻠﺖ ﻣﺤﺮﻑ ﺑﺨﺘﻲ ﻣﻦ ﻣﺮﺕ ﺑﻮﻱ ﻻﻻﻱ !! ﻟﻜﻦ ﺗﻮﺍ ﺍﻋﺬﺭﺗﻬﺎ ﺍﻟﻼﻱ ﻭﻣﺎﻓﻲ ﻗﻠﺒﻲ ﺷﻲ ﻋﻠﻴﻬﺎ ﻭﺑﻌﻮﻥ ﺍﻟﻠﻪ ﻗﺪﺭﻫﺎ ﻋﺎﻟﻲ ﻭ ﺣﺒﻬﺎ ﻓﻲ ﻗﻠﺒﻲ ﻣﻦ ﺣﺒﻚ .ﻗﺎﻟﻬﺎ ﻛﻤﺎﻝ ﻋﻼﺵ ﺍﻋﺬﺭﺗﻴﻬﺎ ﺗﻮﺍ ! ﻗﺎﻟﺘﻠﻪ ﻛﻨﺖ ﺍﻏﺸﻴﻤﺔ ﻭﻏﺎﻓﻠﺔ . ﻗﺎﻟﻬﺎ ﺣﺎﺷﺎﻙ ﻳﺎ ﻏﺎﻟﻴﺔ ﻟﻜﻦ ﺷﻦ ﺍﻟﻠﻲ ﺗﻐﻴﺮ ﺗﻮﺍ !ﻭﻛﻠﻪ ﻛﻠﻪ ﻟﻴﻨﺎ ﻃﺎﻟﻌﻴﻦ ﻣﻦ ﺣﻮﺵ ﺑﻮﻱ ﺍﺭﺑﻌﺔ ﺷﻬﻮﺭ !!ﻗﺎﻟﺘﻠﻪ ﺑﻨﺎﺩﻡ ﻛﻞ ﻳﻮﻡ ﻳﺘﻌﻠﻢ ﻭﻳﺴﺮﺡ ﻣﻊ ﻓﻜﺮﻩ ﻭﻳﺨﻤﻢ ﻭﻳﺤﺎﺳﺐ ﻧﻔﺴﻪ ﻭﻳﻄﻠﺐ ﺍﻟﻤﻮﻟﻰ ﺍﻳﺪﻟﻪ ﻟﻠﻲ ﻳﻘﺒﻠﻪ ﺍﻟﻘﻠﺐ ﻭﺍﻟﻌﻘﻞ .. ﻗﺎﻟﻬﺎ ﻛﻤﺎﻝ ﺭﺑﻲ ﻳﺤﻔﻈﻚ ﻟﻴﺎ ﻭﻳﺰﻳﺪﻙ ﻣﻦ ﻫﺎﻟﻌﺮﻑ ﻭﺍﻟﻔﻜﺮ ... ﻭﺗﻮﺍ ﺷﻨﻮ ﻧﻤﺸﻮﺍ ﺍﻟﻴﻮﻡ ! ﻗﺎﻟﺘﻠﻬﺎ ﻛﺎﻥ ﻗﻠﺘﻠﻚ ﻻ ؟ﻗﺎﻟﻬﺎ ﻏﻴﺮ ﻗﻮﻟﻲ ﺑﺎﻫﻲ ﺗﺮﺑﺤﻲ ﻗﺎﻟﺘﻠﻪ ﻭﺍﻟﻠﻪ ﻣﺎﻳﻬﻮﻥ ﻋﻠﻴﺎ ﺍﻧﺮﺩﻟﻚ ﻛﻠﻤﺔ ﻟﻜﻦ..ﺷﻦ ﺭﺍﻳﻚ ﺍﻧﺨﻠﻮﺍ ﺍﻟﻤﺸﻴﺔ ﻟﻠﻌﺮﺱ ﺍﻫﻮ ﺷﻦ ﻣﺎﺯﺍﻝ ﻋﻠﻴﻪ ! ﻋﺎﻻﻗﻞ ﺍﺗﻜﻮﻥ ﺍﻟﻼﻱ ﻓﺮﺣﺎﻧﻪ ﻭﺗﺠﻲ ﺧﺸﺘﻲ ﻋﻠﻴﻬﺎ ﺑﺎﻟﻔﺮﺡ ! ﺍﺳﻜﺖ ﻛﻤﺎﻝ ﻭﻗﺎﻝ ﻓﻲ ﺧﺎﻃﺮﻩ ﺣﻖ ﻋﺎﻻﻗﻞ ﺍﺗﻜﻮﻥ ﺍﻣﻲ ﻓﺮﺣﺎﻧﻪ ﻭﺑﺎﻟﻬﺎ ﺯﺍﻫﻲ ... ﺷﻮﻱ ﻗﺎﻝ ﻟﻔﺘﺤﻴﺔ ﺧﻼﺹ ﻋﻠﻰ ﺭﺍﺣﺘﻚ ... ﺿﺤﻜﺖ ﻓﺘﺤﻴﺔ ﻭﻗﺎﻟﺘﻠﻪ ﺭﺑﻲ ﻳﺤﻔﻈﻚ ﻟﻴﺎ . ﻭﻛﻤﻠﺖ ﻛﻼﻣﻬﺎ ﻭﻫﻴﺎ ﺍﺗﻘﻮﻝ ﻭﺑﻌﺪ ﺍﻟﻌﺮﺱ ﺍﻥ ﺷﺎﺀﺍﻟﻠﻪ ﺑﻨﻌﺰﻣﻮﺍ ﺍﻟﻼﻱ ﻭﺍﻟﻌﺮﻭﺳﺔ ﻭ ﺑﺎﻗﻲ ﺍﻟﻌﻴﻠﺔ ! ﺍﻓﺮﺭﺭﺭﺡ ﻛﻤﺎﻝ ﻭﻗﺎﻟﻬﺎ ﻭﺍﻟﻠﻪ ﻧﻌﻢ ﺍﻟﺮﺃﻱ .ﺷﻮﻱ ﻗﺎﻟﺘﻠﻪ ﻟﻜﻦ ﻗﺒﻠﻬﺎ ﻻﺯﻡ ﺍﺗﺠﻴﺐ ﻋﻤﺎﻝ ﻟﻠﺤﻮﺵ ﻧﺒﻴﻪ ﺯﻱ ﻣﺎﻛﺎﻥ ﻗﺒﻞ ! ﻗﺎﻟﻬﺎ ﻛﻤﺎﻝ ﻗﺒﺒﺒﺒﺒﻞ ! ﻛﻴﻒ ﻛﺎﻥ ﻗﺒﻞ ! ﻗﺎﻟﺘﻠﻪ ﺍﺣﻜﺘﻠﻲ ﻋﻠﻴﻪ ﺧﺎﻟﺘﻲ ﺷﺮﻳﻔﺔ ﻛﻴﻒ ﻛﺎﻥ ﻋﻠﻰ ﺍﻳﺎﻡ ﺍﻟﻨﺎﻧﺎ ﺯﻳﻨﻮﺑﺔ . ﺍﻟﻨﺎﻓﻮﺭﺓ ﺍﻣﻌﺒﻴﺔ ﺍﻣﻴﻪ ﻭﺍﻟﻐﺮﺱ ﻋﻠﻰ ﻛﻞ ﺟﺎﻧﺐ ﻭﻓﻲ ﺍﻟﻤﺮﺑﻊ ﻟﻤﻘﺎﺑﻞ ﻛﺎﻧﺖ ﻓﻲ ﻳﺎﺳﻤﻴﻨﻪ ﻭﺟﻨﺐ ﻋﺘﺒﺔ ﺍﻟﺪﺍﺭ ﻛﺎﻥ ﻓﻲ ﻓﻠﺔ ﻭﺍﻫﻨﻲ ﻛﺎﻧﺖ ﻓﻴﻪ ﺟﺮﺓ ﻛﺒﻴﺮﺓ ﻣﻨﻘﻮﺷﺔ ﻭﺟﻴﻬﺔ ﺩﺍﺭ ﺍﺧﺰﻳﻦ ﺩﺍﻟﻴﺔ ﻣﻄﺮﻭﺣﺔ ﻭﺍﻟﺤﻴﻂ ﺍﺑﻴﺾ ﻭﺍﻟﺒﻴﺒﺎﻥ ﻟﻮﻥ ﺍﻟﺒﺤﺮ ﻭﻣﻮﺟﻪ . ﻗﺎﻟﻬﺎ ﻛﻤﺎﻝ ﺍﻣﺎﻻ ﺷﺪﻱ ﻓﻲ ﻳﺪﻙ ﺍﺳﺒﻮﻋﻴﻦ ﻭﻳﻜﻮﻥ ﺍﻟﺤﻮﺵ ﺯﻱ ﻣﺎﺗﺘﻤﻨﻲ ﻳﺎﻏﺎﻟﻴﺔ..ﻓﺎﺗﻮﺍ ﻳﻮﻣﻴﻦ ﻭﺟﺖ ﺧﺎﻟﺘﻲ ﻟﻔﺘﺤﻴﺔ ﺑﺎﺵ ﻳﻤﺸﻮﺍ ﻟﻠﺨﻴﺎﻃﺔ .... ﺣﻄﺖ ﻓﺘﺤﻴﺔ ﺻﻔﺮﺓ ﺍﻟﺸﺎﻫﻲ ﻭﻗﺎﻟﺖ ﻏﻴﺮ ﻗﻌﻤﺰﻱ ﻳﺎ ﺧﺎﻟﺘﻲ ﻋﻨﺪﻱ ﻛﻼﻡ ﺑﻨﺸﺎﻭﺭﻙ ﻓﻴﻪ ﻗﺒﻞ ﻣﺎﻧﻤﺸﻲ ﻟﻠﺨﻴﺎﻃﺔ !! ؟؟ ﻗﺎﻟﺘﻠﻬﺎ ﺍﻥ ﺷﺎﺀﺍﻟﻠﻪ ... ﻗﺎﻟﺘﻠﻬﺎ ﻳﺎﺧﺎﻟﺘﻲ ﺷﺮﻳﻔﺔ ﻛﻤﺎﻝ ﻳﺒﻲ ﺍﻳﺠﻴﺐ ﻋﻤﺎﻝ ﻟﻠﺤﻮﺵ ﻭﻳﺒﻲ ﺍﻳﺨﻠﻴﻠﻪ ﺯﻱ ﺯﻣﺎﻥ !!! ﺑﺎﺍﺍﺍﻫﻲ ﺑﺎﻫﻲ ﺭﺑﻲ ﻳﻌﺎﻭﻧﻜﻢ ﻓﻴﻪ ... ﻗﺎﻟﺘﻠﻬﺎ ﻟﻜﻦ ﻳﺎﺧﺎﻟﺘﻲ ﻗﺎﻟﻲ ﺑﻨﺮﻓﻌﻚ ﺗﻘﻌﺪﻱ ﻋﺸﺮﺓ ﺍﻳﺎﻡ ﻓﻲ ﺣﻮﺵ ﺑﻮﻙ ﻻﻥ ﻻﻳﺎﻡ ﻻﻭﻟﻰ ﺍﻟﺨﺪﻣﺔ ﻛﺒﻴﺮﺓ ﻭﻻﺯﻡ ﺍﻳﻜﻮﻥ ﺍﻟﺤﻮﺵ ﻓﺎﺿﻲ ... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﻋﻨﺪﻩ ﺍﻟﺤﻖ ... ﻗﺎﻟﺘﻠﻬﺎ ﻳﺎﺧﺎﻟﺘﻲ ﻣﺎﻧﺒﻴﺶ ﺭﺍﻫﻮ ﺯﻱ ﻣﻦ ﺧﻨﻘﻨﻲ ﻟﻤﺎ ﻗﺎﻟﻲ !!! ﻣﺎﻧﺒﻴﺶ ﺍﻧﺸﻮﻑ ﻣﺮﺕ ﺑﻮﻱ ﺍﻟﺸﻮﻣﺔ ..... ﻭﺍﺑﺪﺕ ﺗﺒﻜﻲ ﻭﺍﺗﻘﻮﻝ ﻳﺎﺧﺎﻟﺘﻲ ﺍﻧﻲ ﻣﺎ ﺻﺪﻗﺖ ﺍﻟﻠﻲ ﺭﺑﻲ ﺧﻠﺼﻨﻲ ﻣﻦ ﻭﻳﻠﻬﺎ !!! ﺍﺗﺼﺪﻗﻲ ﺍﻫﻮ ﻗﺮﻳﺐ ﺍﻧﺼﻜﺮ ﺗﻼﺗﺔ ﺍﺳﻨﻴﻦ ﻣﺘﺰﻭﺟﺔ ﺷﻔﺖ ﻓﻴﻬﻢ ﺑﻮﻱ ﺗﻼﺗﺔ ﻣﺮﺍﺕ ﺑﺲ ﺍﺧﺮ ﻣﺮﺓ ﻟﻤﺎ ﺍﺟﺮﻧﺎ ﻫﺎﻟﺤﻮﺵ ﺟﺎﻧﻲ ﺷﺎﻓﻨﻲ ﻭﻻ ﻗﺎﻝ ﺍﻧﻌﺎﻭﻥ ﺑﻨﺘﻲ ﻭﻻ ﻧﻌﻄﻴﻬﺎ ﺷﻦ ﻧﺎﻗﺼﻬﺎ. ﺟﻲ ﻭﻫﻮ ﻭﺍﻗﻒ ﻣﺎﻫﻨﺎﻙ ﻣﺎﻗﻌﺪ ﻭﻃﻠﻊ ﻭﻣﻨﻬﺎ ﻣﻌﺎﺩ ﺷﻔﺘﻪ ﻭﺍﻟﻠﻪ ﻣﺴﺘﺎﺣﺸﺎﺗﻪ ﻟﻜﻦ ﺑﺎﺵ ﻧﻤﺸﻲ ﻟﺤﻮﺷﻪ ﻻلالا ﻳﺎﺧﺎﻟﺘﻲ ﻗﻮﻟﻴﻠﻲ ﻫﻲ ﻭﻳﻦ ﻋﻨﺪﻱ ﺑﻨﻤﺸﻲ !ﺍﻟﻼﻱ ﺍﻋﻄﺘﻨﻲ ﺷﻬﺮ ﺑﺲ ﺭﻳﻘﻬﺎ ﻣﻌﺎﻱ ﺣﻠﻮ ﻭﺑﻌﺪﻳﻦ ﺍﻧﻘﻠﺒﺖ ﻣﻌﺎﻱ ﻗﻠﺒﺔ ﻭﺣﺪﺓ ﺍﺗﻌﺎﺭﻙ ﻓﻴﺎ ﻭﺍﺗﻨﻂ ﻓﻴﺎ ﻣﻦ ﻋﻴﻦ ﺍﻟﻨﻄﺔ ﺍﻟﻠﻲ ﺍﺗﺸﻖ ﺍﻟﻘﻠﺐ . ﻋﺎﻓﺘﻨﻲ ﻭﻧﻔﺮﺗﻨﻲ ﻭﺣﺘﻰ ﻣﻦ ﺍﻟﻄﻠﻮﻉ ﻣﻌﺎﻫﺎ ﺣﺮﻣﺘﻨﻲ .ﺍﺗﻘﻮﻟﻲ ﺍﻧﺘﻲ ﻣﺶ ﻣﻌﺰﻭﻣﺔ ﻣﺎﻙ ﻗﺎﻋﺪﺓ ﺟﺪﻳﺪﺓ ﻳﻨﺴﻮﺍ ﻓﻴﻚ . ﻭﺍﻧﻲ ﺍﻧﺼﺪﻕ ﻳﺎﻋﻠﻴﻚ ﻏﻔﻠﺔ ﻛﻨﺖ ﻓﻴﻬﺎ .ﺗﺎﺭﻳﺘﻬﺎ ﻳﺎﺧﺎﻟﺘﻲ ﻣﺘﺤﺸﻤﺔ ﻣﻨﻲ ﻭﻣﻦ ﻭﺿﻌﻲ .ﻭﺯﺍﺩﺕ ﻓﻲ ﻋﻴﺎﻃﻬﺎ ﺍﻛﺘﺮ ﻭﺩﻣﻮﻋﻬﺎ ﺯﻱ ﻟﻤﻄﺮ ﻋﻠﻰ ﺧﺪﻭﺩﻫﺎ. ﻭﺧﺎﻟﺘﻲ ﺷﺮﻳﻔﺔ ﺩﻣﻌﺘﻬﺎ ﻭﺍﻗﻔﺔ ﺟﻨﺐ ﻓﺘﺤﺖ ﻋﻴﻨﻬﺎ ﻭﺍﺗﻘﻮﻟﻬﺎ ﺍﺑﻜﻲ ﻳﺎ ﺑﻨﻴﺘﻲ ﺍﺑﻜﻲ ﻭﻃﻠﻌﻲ ﻛﻞ ﺍﻟﻠﻲ ﻓﻲ ﺧﺎﻃﺮﻙ ﺧﻠﻲ ﻗﻠﺒﻚ ﻳﻔﺮﻍ ﻭﻳﻨﻈﺎﻑ . ﻗﺎﻟﺘﻞﻫﺎ ﻓﺘﺤﻴﺔ ﻳﺎﺧﺎﻟﺘﻲ ﻳﺎﻋﻠﻴﻚ ﻏﻔﻠﺔ ﻛﻨﺖ ﻏﺎﻓﻠﺘﻬﺎ ﻋﻠﻰ ﺭﻭﺣﻲ ﻭﺣﺎﻟﻲ ﺗﻮﺍ ﺍﻋﺮﻓﺖ ﻋﻼﺵ ﺍﻟﻼﻱ ﻫﻜﻲ ﻛﺎﻧﺖ ﻣﻌﺎﻱ ﻟﻜﻦ ﻭﺍﻟﻠﻪ ﻋﺎﺫﺭﺗﻬﺎ ﻭﻧﻔﺲ ﺍﻟﻮﻗﺖ ﺍﻣﻌﻴﺒﺔ ﻋﻠﻴﻬﺎ !!! ﻋﻼﺵ ﻳﺎﺧﺎﻟﺘﻲ ﺍﻟﻠﻲ ﺩﺭﺗﻴﻪ ﺍﻧﺖ ﻣﻌﺎﻱ ﻣﺎﺩﺭﺗﺎﺵ ﻫﻴﺎ ﻋﻼﺵ ﻣﺶ ﻫﻴﺎ ﺍﻟﻼﻱ ﻣﺶ ﺍﻟﻤﻔﺮﻭﺽ ﺍﺗﻌﻠﻤﻨﻲ ﻭﺗﻮﺭﻳﻨﻲ . ﻭﺍﻟﻠﻪ ﻳﺎﺧﺎﻟﺘﻲ ﻣﺎﻋﻤﺮﻫﺎ ﻗﺎﻟﺘﻲ ﺩﻳﺮﻱ ﻫﻜﻲ ﻭﻫﻜﻲ . ﻳﻮﻡ ﺍﻟﻠﻲ ﻃﻠﻌﻨﺎ ﻣﻦ ﺣﻮﺵ ﺍﻟﻌﻴﻠﺔ ﺍﺳﺒﺒﻬﺎ ﻛﻤﺎﻝ ﻭﻓﻄﻮﺭﻩ !ﻗﺎﻟﺖ ﺣﻤﺎﺗﻲ ﺍﻟﺼﻐﻴﺮﺓ ﺑﺼﻮﺕ ﻋﺎﻟﻲ ﺍﻟﻜﻮﺟﻴﻨﺔ ﺧﻠﺘﻬﺎ ﺧﻞ ﻳﺎﻫﻤﻲ ﻫﻢ . ﺍﺗﻠﻔﺖ ﺍﻟﻼﻱ ﻟﻜﻤﺎﻝ ﻭﻫﻮ ﻳﻔﻄﺮ ﻗﺎﻟﺘﻠﻪ ﻣﺮﺗﻚ ﺩﻳﺮﻟﻬﺎ ﺣﻞ . ﻭﺍﻧﻲ ﻓﻲ ﺟﻨﺒﻪ ﻳﺎﺧﺎﻟﺘﻲ ﻣﺎﺟﺒﺮﺗﺶ ﺣﺘﻰ ﺑﺨﺎﻃﺮﻱ . ﺳﻴﺐ ﻛﻤﺎﻝ ﻓﻄﻮﺭﻩ ﻭﻗﺎﻟﻲ ﺧﺸﻲ ﻟﺪﺍﺭﻙ ﻭﻣﺎﺗﻄﻠﻌﻴﺶ ﻣﻨﻬﺎ .... ﻭﺍﺗﻠﻔﺖ ﻻﻣﻪ ﻗﺎﻟﻬﺎ ﻻﻧﺮﺿﻰ ﺯﻋﻠﻚ ﻭﻻ ﻧﺮﺿﻰ ﺯﻋﻞ ﻣﺮﺗﻲ .ﻭﻣﻊ ﺍﻟﻤﻐﺮﺏ ﺑﻌﻮﻥ ﺍﻟﻠﻪ ﻳﻜﻮﻥ ﺍﻟﺤﻞ ﻋﻨﺪﻱ..ﻭﻣﺎﻛﺬﺑﺶ ﻳﺎﺧﺎﻟﺘﻲ ﺍﻟﻤﻐﺮﺏ ﺟﺎﻧﻲ ﻭﻗﺎﻟﻲ ﻟﻤﻲ ﻛﻞ ﺍﻟﻠﻲ ﻋﻨﺪﻙ ﺑﻨﺮﻓﻌﻚ ﻟﺤﻮﺵ ﺍﺟﺮﺗﻪ ﻭﻧﻌﻴﺶ ﺍﻧﻲ ﻭﺍﻧﺘﻲ !!! ﻭﻃﻠﻌﻨﻲ ﺑﻴﻦ ﻣﻐﺮﺏ ﻭﻋﺘﺒﺔ ﻭﺧﻠﻴﻨﻬﺎ ﺍﻣﻮﻟﻲ ﻋﻠﻴﻬﺎ ﺧﺎﻃﺮﻫﺎ ﻭﺗﺒﻜﻲ ﻭﺍﻧﻲ ﻧﺒﻜﻲ !!! ﻫﺬﺍ ﻳﺎﺧﺎﻟﺘﻲ ﻣﻜﺘﻮﺑﻲ ﻭﻓﺮﺗﻮﻧﺘﻲ ﻭﺣﻈﻲ !!!! ﻭﺍﻫﺪﺕ ﻓﺘﺤﻴﺔ ﻣﻦ ﺍﻟﺒﻜﻲ ﺑﻌﺪ ﻣﺎﻃﻠﻌﺖ ﻏﺼﺘﻬﺎ ﺍﻟﻠﻲ ﻛﺎﻧﺖ ﻣﻐﺼﻮﺻﺔ ﺑﻴﻬﺎ ﻭﻗﺎﻟﺖ ﻳﺎﺧﺎﻟﺘﻲ ﺳﺎﻣﺤﻴﻨﻲ ﺛﻘﻠﺖ ﻋﻠﻴﻚ ﻣﻦ ﻳﻮﻡ ﻋﺮﻓﺘﻴﻨﻲ !!! ﻗﺎﻟﺘﻠﻬﺎ ﻻ ﻣﺎﺗﻘﻮﻟﻴﺶ ﻫﻜﻲ ﻳﺎ ﺑﻨﻴﺘﻲ ﺭﺍﻙ ﻓﻲ ﻗﻠﺒﻲ ﺳﻜﻨﺘﻲ ﻭﻃﻮﻝ ﻣﺎﻧﻲ ﺣﻴﺔ ﻧﺒﻲ ﻋﻴﺸﺘﻚ ﺍﻫﻨﻴﺔ .... ﻗﺎﻟﺘﻠﻬﺎ ﺗﻮﺍ ﺧﻼﺹ ﻏﺼﺘﻚ ﻟﻄﻠﻌﺘﻴﻬﺎ ﻧﺒﻴﻚ ﻭﺭﺍ ﻇﻬﺮﻙ ﺍﺗﺤﻄﻴﻬﺎ ﻭﻣﻦ ﺣﻴﺎﺗﻚ ﺗﻨﺴﻴﻬﺎ !!! ﺍﻧﺖ ﺍﻟﻴﻮﻡ ﺑﻨﺎﺩﻣﺔ ﺟﺪﻳﺪﺓ ﻓﻜﺮﻱ ﻓﻲ ﺭﻭﺣﻚ ﻭﺭﺍﺟﻠﻚ ﻭﻭﺭﻱ ﻛﻞ ﺍﻟﻨﺎﺱ ﺍﻥ ﺑﻨﺎﺩﻡ ﻣﺎ ﻳﺪﻭﻣﻠﻪ ﺣﺎﻝ !!! ﻭﻛﺎﻥ ﻋﻠﻰ ﺍﻳﺎﻡ ﺍﻟﻌﻤﺎﻝ ﺍﺗﻌﺎﻟﻲ ﺍﻗﻌﺪ ﻓﻲ ﺍﻟﺼﺒﺢ ﺍﻣﻌﺎﻱ ﻭﺍﻟﻌﺸﻴﺔ ﺭﻭﺣﻲ ﻟﺤﻮﺷﻚ ﻭﻫﻤﺎ ﺩﻭﺭﺓ ﺍﻳﺎﻡ !!! ﻳﻮﻣﻴﻦ ﺑﻨﻤﺸﻮﻫﻢ ﻟﻠﺨﻴﺎﻃﺔ ﻭﻳﻮﻣﻴﻦ ﺑﻨﻤﺸﻮﺍ ﻟﻠﺴﻮﻕ ﻣﻊ ﻟﺒﻨﺎﺕ ﻭﺑﺎﻗﻲ ﻻﻳﺎﻡ ﻧﺒﻴﻚ ﺍﺗﻜﻤﻠﻲ ﻓﻴﻬﻢ ﺗﻄﺮﻳﺰ ﺍﻟﺸﺮﺷﺎﻑ ﻭﺑﻨﻌﻠﻤﻚ ﻣﺎﺯﺍﻝ ﻓﻦ ﺍﻟﺪﻭﺓ ﻭﺍﻟﻜﻼﻡ ...انتظروني غدا مع الجزء الخاااامس
