ﺧﺎﻟﺘﻲ ﺷﺮﻳﻔﺔ ﺍلحلقة الثالثة
ﺧﺎﻟﺘﻲ ﺷﺮﻳﻔﺔ ﻗﺪﺍﺵ ﺍﻧﺼﺪﻣﺖ ﻟﻤﺎ ﻋﺮﻓﺖ ﺍﻥ ﻓﺘﺤﻴﺔ ﻛﻨﺔ ﺍﻟﻨﺎﻧﺎ ﺣﺴﻨﻴﺔ !!! ﺍﻟﻨﺎﻧﺎ ﺣﺴﻨﻴﺔ ﻣﺮﺍ ﺍﻣﻘﻮﻣﺔ ﻭﻣﻌﺮﻭﻓﺔ ﺑﺤﻜﻤﺘﻬﺎ ﻭﺑﻬﺎﻭﺗﻬﺎ ... ﺍﺳﺘﻐﺮﺑﺖ ﺧﺎﻟﺘﻲ ﺷﺮﻳﻔﺔ ﻛﻴﻒ ﺍﻟﻨﺎﻧﺎ ﺣﺴﻨﻴﺔ ﻣﺎﻗﺪﺭﺗﺶ ﺍﺗﻐﻴﺮ ﻣﻦ ﻛﻨﺘﻬﺎ ﻟﻼﺣﺴﻦ ﻭﺧﺎﺻﺔ ﺍﻥ ﻭﻟﺪﻫﺎ ﻳﺤﺐ ﻣﺮﺗﻪ ﻭﻳﺒﻴﻬﺎ ﻛﻴﻒ ﻣﺎﺗﻜﻮﻥ !!! ﺗﺎﻧﻲ ﻳﻮﻡ ﺧﻄﻤﺖ ﺧﺎﻟﺘﻲ ﺷﺮﻳﻔﺔ ﻋﻠﻰ ﻓﺘﺤﻴﺔ ﺍﻟﻠﻲ ﻛﺎﻧﺖ ﻓﺮﺍﺷﻴﺘﻬﺎ ﺍﻣﺒﻬﺪﻟﺔ ﻭﺗﺸﺒﻴﻜﺘﻬﺎ ﺍﻣﻨﺴﻠﻪ ﻭﺍﺗﺴﻘﺪﻭﺍ ﻟﻠﺨﻴﺎﻃﺔ ﻓﻲ ﺧﻄﻮﺍﺕ ﻣﺮﺗﺎﺣﺔ ﻭﺑﻄﺌﻴﺔ ﻭﺧﺎﻟﺘﻲ ﺷﺮﻳﻔﺔ ﻃﻮﻝ ﺍﻟﻄﺮﻳﻖ ﻭﻫﻴﺎ ﺍﺗﻮﺭﻱ ﻭﺍﺗﻌﻠﻢ ﻓﻴﻬﺎ ﻛﻴﻒ ﺗﺘﺼﺮﻑ ﻭﺷﻦ ﺍﺩﻳﺮ !!! ﻭﺑﻌﺪﻳﻦ ﺳﺄﻟﺘﻬﺎ ﻗﺪﺍﺵ ﺍﻋﻄﺎﻫﺎ ﻣﻮﻟﻰ ﺑﻴﺘﻬﺎ ﻓﻠﻮﺱ ﻟﻠﻘﻔﺎﻃﻴﻦ !! ؟؟ ﺷﻮﻱ ﻗﺎﻟﺘﻠﻬﺎ ﺍﻋﻄﺎﻧﻲ ﻣﺒﻠﻎ ﻛﺒﻴﺮ ﻭﻗﺎﻟﻲ ﺧﻴﻄﻲ ﻋﺸﺮﺓ ﻗﻔﺎﻃﻴﻦ ﻧﺒﻲ ﻛﻞ ﻗﻔﻄﺎﻥ ﺍﺣﻠﻰ ﻣﻦ ﺍﻟﺘﺎﻧﻲ ﻭﺩﻳﺮﻱ ﻣﻨﻬﻢ ﺍﻗﻤﺠﻪ ﻭﺍﻻ ﺍﺗﻨﻴﻦ ﻻﻧﻪ ﻳﺎ ﺧﺎﻟﺘﻲ ﺍﻣﻮﺻﻴﻠﻲ ﻋﻠﻰ ﺗﻼﺗﺔ ﺣﻮﺍﻟﻲ ﺣﺮﻳﺮ ﻋﻠﻰ ﺧﺎﻃﺮ ﻋﺮﺱ ﺧﻮﻩ ﺍﻟﺼﻐﻴﺮ ﺑﻌﺪ ﺷﻬﺮﻳﻦ ..... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﺍﻟﻠﻪ ﻭﺍﺣﺪ ﻋﻠﻴﻪ ﺭﺑﻲ ﺍﻳﺰﻳﺪﻩ ﻭﻳﺒﺎﺭﻙ ﻓﻴﻪ ﺍﻣﺎﻻ ﺷﻦ ﺭﺃﻳﻚ ﺍﻧﻮﺻﻴﻠﻚ ﺣﺘﻰ ﻋﻠﻰ ﻓﺮﺍﺷﻴﺔ ﺣﺮﻳﺮ ﻭﻣﺸﺒﻜﺔ ﺑﺨﻴﻂ ﺍﻟﻔﻀﺔ ﺍﻟﺮﻗﻴﻖ !!! ؟؟؟ ﻓﺮﺭﺭﺭﺭﺣﺖ ﻓﺘﺤﻴﺔ ﻭﻗﺎﻟﺖ ﻣﺎﺩﺍﺑﻴﺎ ﻋﻠﻰ ﺧﺎﻃﺮ ﻗﻌﺪ ﺧﺎﻃﺮﻱ ﻓﻲ ﻓﺮﺍﺷﻴﺔ ﻋﺮﺳﻲ !!! ﺷﻔﺘﻬﺎ ﺑﻌﻮﻳﻨﺘﻲ ﺑﺲ !!! ﻭﺻﺎﻟﻲ ﻋﻠﻴﻬﺎ ﺑﻮﻱ ﻭﻣﻌﺎﻫﺎ ﺍﺭﺑﻌﺔ ﺣﻮﺍﻟﻲ ﺣﺮﻳﺮ ﻳﺎﺧﺎﻟﺘﻲ ﻣﺎﺣﻄﺖ ﻣﻨﻬﻢ ﻭﺍﺣﺪ ﻋﻠﻰ ﺟﻠﺪ ﻛﺎﻥ ﻣﺎﺧﺪﺗﻬﻢ ﻣﺮﺕ ﺑﻮﻱ ﻛﻠﻬﻢ ﻭﺍﻋﻄﺘﻨﻲ ﺍﻟﻔﺮﺍﺷﻴﺔ ﻫﺎﺩﻱ ﻭﺯﻭﺯ ﺣﻮﺍﻟﻲ ﻣﻦ ﺣﻮﺍﻟﻴﻬﺎ ﻻﺑﺴﺘﻬﻢ ﻗﺒﻞ ... ﻭﻗﺎﻟﺘﻠﻲ ﻳﺎﻭﻳﻠﻚ ﺍﺗﻘﻮﻟﻲ ﻟﺒﻮﻙ !!! ﻭﺍﻧﻲ ﺷﻦ ﻳﺎﺧﺎﻟﺘﻲ ﻗﻠﻴﻠﺔ ﺣﻴﻠﺔ ﻭﻗﻠﻴﻠﺔ ﻭﺍﻟﻲ ﻭﻗﻠﻴﻠﺔ ﻋﺮﻑ .... ﺷﻮﻱ ﺧﺎﻟﺘﻲ ﺷﺮﻳﻔﺔ ﻗﺎﻟﺘﻠﻬﺎ ﺍﺳﻜﺘﻲ ﺗﻮﺍ ﺍﻫﻮ ﺍﻭﺻﻠﻨﺎ ﻟﺤﻮﺵ ﻟﻤﺮﺍ ﺍﻟﻠﻲ ﺗﺨﻴﻂ !!! ﻃﻘﻮﺍ ﻭﻓﺘﺤﻮﻟﻬﻢ ﺍﻟﺒﺎﺏ ﻭﺧﺸﻮﺍ ﻭﺍﺳﺘﻘﺒﻠﺘﻬﻢ ﺍﻣﺮﺍ ﺍﻗﻨﻴﻨﻪ ﻭﻣﺒﺘﺴﻤﺔ ﻭﻫﻴﺎ ﺍﺗﺮﺣﺐ ﻣﺮﺣﺒﺘﻴﻦ ﻣﺮﺣﺒﺘﻴﻦ ﺷﺮﺭﺭﻳﻔﺔ ﻳﺎﻭﺍﻟﻠﻪ ﻧﻬﺎﺭ ﻣﺒﺎﺭﻙ ... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﺭﺣﺐ ﺑﻴﻚ ﻭﻫﻨﻴﻚ ﻭﻳﺠﻌﻞ ﺍﻟﻔﺮﺡ ﺍﻣﺤﺎﺩﻳﻚ ... ﻭﺭﺣﺒﺖ ﺣﺘﻰ ﺑﻔﺘﺤﻴﺔ ﻭﻫﻴﺎ ﺍﺗﺸﻮﻓﻠﻬﺎ ﺑﺸﺒﺤﺔ ﺗﺤﺘﻴﺔ ﻭﻣﺴﺘﻐﺮﺑﺔ ﻓﻲ ﺍﻟﻔﺮﺍﺷﻴﺔ !!! ﻗﺎﻟﺖ ﺧﺎﻟﺘﻲ ﺷﺮﻳﻔﺔ ﺍﻟﻴﻮﻡ ﻳﺎ ﻣﻔﻴﺪﺓ ﺟﺎﻳﺒﺘﻠﻚ ﻫﺎﻟﺸﺎﺑﺔ ﺯﻱ ﺍﺑﻨﻴﺘﻲ ﺑﺎﻟﺰﺑﻂ ﻧﺒﻴﻚ ﺍﺗﺨﻴﻄﻴﻠﻬﺎ ﺍﻗﻔﻴﻄﻴﻨﺎﺕ ﺍﻗﻨﻴﻨﺎﺕ ﻭﻧﺒﻴﻚ ﺗﺨﺪﻣﻴﻠﻬﺎ ﻓﺮﺍﺷﻴﺔ ﺍﺣﺮﻳﺮ ﻭﻣﺸﺒﻜﺔ ﺑﺨﻴﻂ ﺍﻟﻔﻀﺔ ... ﺗﻮﺍ ﻋﺎﺩ ﻭﺭﻳﻨﺎ ﻟﻘﻤﺎﺷﺎﺕ ﺍﻟﻠﻲ ﻋﻨﺪﻙ ﺧﻠﻲ ﻓﺘﺤﻴﺔ ﺗﺨﺘﺎﺭ ﺍﻟﻠﻲ ﻳﻌﺠﺒﻬﺎ !!! ﺷﻮﻱ ﻣﻔﻴﺪﺓ ﻗﺎﻟﺖ ﻟﻔﺘﺤﻴﺔ ﻫﻴﺎ ﺧﺸﻲ ﻟﻠﺪﻭﻳﺮﺓ ﻫﺎﺩﻱ ﻓﻴﻬﺎ ﻟﻘﻤﺎﺷﺎﺕ ﺗﻮ ﻧﻠﺤﻘﻮﻙ ﺍﻧﻲ ﻭﺷﺮﻳﻔﺔ ... ﺧﺸﺖ ﻓﺘﺤﻴﺔ ﻟﻠﺪﻭﻳﺮﺓ ﻭﻣﻔﻴﺪﺓ ﻃﻮﻭﻭﻭﻝ ﻭﺷﻮﺷﺖ ﻟﺸﺮﻳﻔﺔ ... ﻗﺎﻟﺘﻠﻬﺎ ﺷﺮﻳﻴﻴﻴﻔﺔ ﻗﻠﺘﻠﻲ ﺍﻗﻔﻴﻄﻴﻨﺎﺕ ﻭﻓﺮﺍﺷﻴﺔ ﺍﺣﺮﻳﺮ ﻟﺸﺎﺑﺔ ﻫﺎﺍﺍﺍﺩﻱ .... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﺍﻳﻴﻴﻴﻪ ﻟﻤﺮﺍ ﺟﺎﻳﺎﺗﻚ ﺑﻔﻠﻮﺳﻬﺎ ﻭﺧﻴﺮﻫﺎ ﻭﻣﺎﻋﻠﻴﻚ ﻏﻴﺮ ﺍﺗﺠﻬﺰﻳﻠﻬﺎ ﺍﻟﻠﻲ ﺗﺒﻴﻪ ﻭﻣﺎﺩﺍﺑﻴﻚ ﻣﺎﺗﺎﺧﺬﻳﺶ ﻭﻗﺖ !! ﺍﻟﺸﺎﺑﺔ ﻋﻨﺪﻫﺎ ﻋﺮﺱ ﺳﻠﻔﻬﺎ ... ﻗﺎﻟﺘﻠﻬﺎ ﻭﺍﻟﻠﻪ ﺭﺍﻙ ﺩﻭﺧﺘﻴﻨﻲ ﻣﺎﺩﺍﻣﻬﺎ ﺑﻔﻠﻮﺳﻬﺎ ﻭﺧﻴﺮﻫﺎ ﺍﻋﻼﺵ ﻫﻜﻲ ﻓﺮﺍﺷﻴﺘﻬﺎ .... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﺑﻠﻬﺠﺔ ﺣﺰﻡ ﻻﺍﺍﺍﺍﺍ ﻫﺬﺍ ﻛﻠﻪ ﻣﺎﻋﻠﻴﻜﺶ ﻓﻴﻪ !!!! ﺗﺒﻲ ﺍﺗﺠﻬﺰﻳﻠﻬﺎ ﻃﻠﺒﻬﺎ ﻓﻴﺴﻊ ﻭﺍﻻ ﻧﺘﻮﻛﻠﻮﺍ !! ؟؟ ﺿﺤﻜﺖ ﻣﻔﻴﺪﺓ ﻭﻗﺎﻟﺘﻠﻬﺎ ﻻ ﺍﻧﻬﺎﺭﻱ ﻭﺍﻟﻠﻪ ﻣﺎﻧﺮﺿﻰ ﺷﺮﻳﻔﺔ ﺗﻄﻠﻊ ﻣﻜﺴﻮﺭﺓ ﺍﻟﺨﺎﻃﺮ ... ﻫﻴﺎ ﺗﻔﻀﻠﻲ ﻟﻠﺪﻭﻳﺮﺓ ﻭﺍﺧﺘﺎﺭﻭﺍ ﻟﻘﻤﺎﺵ ... ﺧﺸﻮﺍ ﻟﻠﺪﻭﻳﺮﺓ ﻭﻗﻌﺪﻭﺍ ﻓﻴﻬﺎ ﺍﻳﺠﻲ ﺳﺎﻋﺘﻴﻦ ﻭﻫﻤﺎ ﺍﻳﻮﺍﺯﻭﺍ ﻭﻳﻘﻴﺴﻮﺍ ﻭﺭﺣﻮﺍ ﻭﻫﻤﺎ ﻣﺘﻔﺎﻫﻤﻴﻦ ﻋﻠﻰ ﺯﻳﺎﺭﺗﻴﻦ ﻭﺍﻟﺘﻼﺗﺔ ﻳﺴﺘﻠﻤﻮﺍ ﻓﻴﻬﺎ ﺑﻀﺎﻋﺘﻬﻢ ﺗﺎﻣﺔ .... ﻭﺻﻠﺖ ﺧﺎﻟﺘﻲ ﺷﺮﻳﻔﺔ ﻓﺘﺤﻴﺔ ﻟﺒﺎﺏ ﺣﻮﺷﻬﺎ ﻭﺭﻭﺣﺖ .... ﻭﻓﻲ ﺍﻟﻌﺸﻴﺔ ﻭﻣﻊ ﻃﻮﻳﺴﺔ ﺍﻟﺸﺎﻫﻲ ﻗﺎﻝ ﻋﻤﻲ ﻣﺨﺘﺎﺭ ﻟﺨﺎﻟﺘﻲ ﺷﺮﻳﻔﺔ ﻭﺍﻟﻠﻪ ﻫﺎﻟﺪﻧﻴﺎ ﻗﺪﺍﺵ ﻓﻴﻬﺎ ﺍﻋﺠﺐ ﻭﺍﻟﻴﻮﻡ ﺳﻤﻌﺘﻠﻚ ﺳﻤﻌﺔ ﺍﺗﺤﻴﺮ !!! ﻗﺎﻟﺘﻠﻪ ﺧﺎﻟﺘﻲ ﺷﺮﻳﻔﺔ ﺧﻴﺮ ﺍﻥ ﺷﺎﺀﺍﻟﻠﻪ ... ﻗﺎﻟﻬﺎ ﺗﻌﺮﻓﻴﻪ ﺍﺧﻠﻴﻞ ﻭﻟﺪ ﺍﻟﺤﺎﺝ ﺍﻟﻜﺎﻣﻞ ﺭﺣﻤﺔ ﺍﻟﻠﻪ ﻋﻠﻴﻪ !! ؟ ﻗﺎﻟﺘﻠﻪ ﺍﻳﻴﻴﻪ ﻧﻌﺮﻓﻪ ﻣﺎﻫﻮ ﻣﻦ ﻃﻮﺭﻱ ﻭﺍﺧﺘﻪ ﺍﻡ ﺍﻟﺨﻴﺮ ﺍﺻﻐﺮ ﻣﻨﻲ ﺑﺤﻮﻝ ﻭﻟﻌﺒﻨﺎ ﻛﻠﻪ ﻣﻊ ﺑﻌﺾ ﻟﻜﻦ ﺧﻴﺮﻩ ﺷﻦ ﺫﻛﺮﻙ ﺑﻴﻪ !!! ؟؟ ﻗﺎﻟﻬﺎ ﺍﻟﻴﻮﻡ ﻓﻲ ﺍﻟﺴﻮﻕ ﺍﺗﻠﻘﻴﺖ ﺍﻧﻲ ﻭﻭﻟﺪﻩ ﻋﻠﻲ ﻭﺳﺄﻟﺘﻪ ﻋﻠﻰ ﺑﻮﻩ ﻭﺍﺳﻤﻌﻲ ﺍﻟﻤﻮﻗﻒ ﻛﻠﻪ ﻛﻴﻒ ﺻﺎﺭ ..... ( ﺷﻦ ﺣﺎﻝ ﺑﻮﻙ ﻳﺎ ﻋﻠﻲ !! ؟ ﺑﻮﻱ ﺑﺨﻴﺮ ﻓﺮﺣﺎﻥ ﺷﻦ ﺧﺼﻪ ... ﺑﺎﺍﺍﺍﻫﻲ ﺭﺑﻲ ﻳﺪﻭﻡ ﻋﻠﻴﻪ ﺍﻟﻔﺮﺡ ﻭﺍﻟﻬﻨﻲ ﻭﻳﻌﻄﻴﻨﺎ ﺣﺘﻰ ﺍﺣﻨﻲ ... ﺍﺿﺤﻚ ﻋﻠﻲ ﻭﻗﺎﻟﻪ ﺍﻥ ﺷﺎﺀﺍﻟﻠﻪ ﻳﻄﻠﻊ ﻋﻨﺪﻙ ﺣﺘﻰ ﺍﻧﺖ ﺧﻮ ﺣﻲ !!! ﻗﺎﻟﻪ ﻋﻤﻲ ﻣﺨﺘﺎﺭ ﺧﻮﻭﻭﻭ ﺣﻴﻴﻴﻲ !!! ﺷﻦ ﻫﺎﻟﻜﻼﻡ ﻭﺷﻦ ﺍﻟﻐﻨﻪ !! ؟؟ ﻗﺎﻟﻪ ﺑﻮﻱ ﻃﻠﻊ ﻋﻨﺪﻩ ﺧﻮ ﺣﻲ ... ﻗﺎﻝ ﻋﻤﻲ ﻣﺨﺘﺎﺭ ﺑﻠﻬﺠﺔ ﻏﻴﺾ ﻭﺍﺳﺘﻐﺮﺍﺏ ﺍﻟﺸﻔﻊ ﻳﺎﺭﺳﻮﻝ ﺍﻟﻠﻪ ﺗﻲ ﺷﻦ ﻗﺎﻋﺪ ﺍﺗﻘﻮﻝ ﺍﻧﺖ !!!! ﺍﻋﻤﺎﻣﻚ ﻛﻠﻬﻢ ﻣﺘﻮﻓﻴﻴﻦ ﻭﺣﺎﺿﺮ ﺟﻨﺎﺯﻳﻬﻢ ... ﺍﺿﺤﻚ ﻋﻠﻲ ﺗﺎﻧﻲ ﻭﻗﺎﻟﻪ ﺷﻔﺖ ﻟﻌﺠﺐ ﻳﺎﻋﻤﻲ ﻣﺨﺘﺎﺭ ﻭﻟﻪ !!! ﺍﺗﻐﺎﻳﺾ ﻋﻤﻲ ﻣﺨﺘﺎﺭ ﻭﻗﺎﻡ ﻓﻲ ﻳﺪﻩ ﻣﺮﺗﻜﺔ ﻗﺼﻴﺮﺓ ﻭﻗﺎﻟﻪ ﻛﺎﻥ ﻣﺎﺗﺘﺪﻭﻳﺶ ﺩﻭﺓ ﺑﺎﻫﻴﺔ ﻣﺎﻇﻞ ﻫﺎﺩﻱ ﻛﺎﻥ ﻋﻠﻰ ﺭﺍﺳﻚ !!!! ﺍﺿﺤﻚ ﻋﻠﻲ ﺿﺤﻚ ﺍﻗﻮﻱ ﻭﻗﺎﻟﻪ ﻏﻴﺮ ﻭﺳﻊ ﺑﺎﻟﻚ ﻳﺎﻋﻤﻲ ﻣﺨﺘﺎﺭ ﺣﻘﻚ ﻋﻠﻰ ﺭﺍﺳﻲ ﻣﻦ ﻓﻮﻕ .... ﺗﻌﺮﻑ ﻳﺎﻋﻤﻲ ﻣﺨﺘﺎﺭ ﺣﺘﻰ ﺍﺣﻨﻲ ﻟﻤﺎ ﻋﺮﻓﻨﺎ ﺍﺩﻭﺩﺷﻨﺎ ﻛﻠﻨﺎ ﻋﻴﻠﺔ ﺗﺎﻣﺔ !!! ﻛﻼﻡ ﻣﺎﻳﻘﺒﻠﺶ ﺍﻟﻌﻘﻞ ﻟﻜﻦ ﻫﺬﺍ ﺍﻟﻠﻲ ﺻﺎﺭ ﻭ ﺍﻫﻮ ﻧﺤﻜﻴﻬﻮﻟﻚ ﻣﻦ ﺍﻻﻭﻝ ﺑﺘﻔﺼﻴﻞ ... ﻫﺬﺍ ﻳﺎ ﺳﻴﺪﻱ ﻣﻦ ﺍﺳﺒﻮﻋﻴﻦ ﻓﺎﺗﻮﺍ ﺑﻌﺪ ﺻﻼﺓ ﺍﻟﻤﻐﺮﺏ ﻃﻖ ﺑﺎﺭ ﺣﻮﺷﻨﺎ ﻭﻟﻤﺎ ﺍﻓﺘﺤﺖ ﺍﻟﻘﻴﺖ ﺯﻭﺯ ﺭﺟﺎﻟﺔ ﺑﺎﻳﻦ ﻋﻠﻴﻬﻢ ﺍﻟﻌﺰ ﻭﻛﻞ ﻭﺍﺣﺪ ﻓﻴﻬﻢ ﺑﻲ ﺍﻣﻨﻘﻌﺮ ﻃﺎﻗﻴﺘﻪ ... ﻗﻠﺘﻠﻬﻢ ﺍﺗﻔﻀﻠﻮﺍ ﻗﺎﻟﻮﻟﻲ ﻣﺶ ﻫﺬﺍ ﺣﻮﺵ ﺍﻟﺤﺎﺝ ﺍﺧﻠﻴﻞ !! ؟؟ ﻗﺎﻟﺘﻠﻬﻢ ﺍﻳﻪ ﻫﻮﺍ ﺍﻭﺻﻠﺘﻮﺍ ﺍﺗﻔﻀﻠﻮﺍ ... ﻭﺍﺣﺪ ﻣﻦ ﺍﻟﺮﺟﺎﻟﺔ ﺍﺗﺒﺴﻢ ﻭﺩﺧﻠﺘﻬﻢ ﺍﻟﺮﺍﺟﻞ ﺍﻟﻠﻲ ﺍﺗﺒﺴﻢ ﺳﻠﻢ ﻋﻠﻰ ﺑﻮﻱ ﺳﻼﻡ ﺣﺎﺍﺍﺍﺍﺭ ﻭﺍﺗﻐﻤﺮﻩ ﺗﻐﻤﻴﺮ ﻭﻫﺪﺍﻛﺎ ﺍﻟﺤﺎﺝ ﺍﺧﻠﻴﻞ ﺍﻳﺸﻮﻓﻠﻪ ﺍﻣﻔﻬﻲ ﻭﺣﺎﻳﺮ ﻣﻨﻮ ﻫﺬﺍ ﺍﻟﺒﻲ ﺍﻟﻠﻲ ﻳﻌﺮﻓﻪ ﻟﺪﺭﺟﺔ ﻳﺘﻐﻤﺮﻩ !!! ﻭﺍﺑﺪﺕ ﺍﻟﻬﺪﺭﺯﺓ ﻟﻤﺎ ﺍﻟﺮﺍﺟﻞ ﺍﻟﺘﺎﻧﻲ ﻋﺮﻑ ﺑﻨﻔﺴﻪ ﺍﻧﻪ ﻣﺤﺎﻣﻲ ﻭﻃﻠﻊ ﻭﺭﻗﺔ ﻣﻦ ﺍﻟﺸﻨﻄﺔ ﺍﻟﻠﻲ ﻓﻲ ﻳﺪﻩ ﻭﻗﺎﻝ ﻟﺒﻮﻱ ﺣﻴﺎﺓ ﺍﻣﻚ ﺍﺳﻤﻬﺎ ﻓﺎﻃﻤﺔ ﻭﻓﻲ ﺍﻟﻌﺎﻡ ﺍﻟﻔﻮﻻﻧﻲ ﺍﺗﻌﺴﺮ ﺟﻴﺎﺑﻬﺎ ﻭﺟﺎﺑﻮﻫﺎ ﻟﺴﺒﻴﺘﺎﺭ ﻭﺟﺎﺑﺖ ﺍﻭﻟﻴﺪ ﺍﺳﻤﻴﺔ ﺍﺑﺮﺍﻫﻴﻢ ﺻﺢ ﻭﻟﻪ ﻳﺎﺣﺎﺝ !!! ؟؟ ﻗﺎﻟﻪ ﺑﻮﻱ ﺻﺢ ﻟﻜﻦ ﺷﻦ ﺟﺎﺏ ﺍﻟﺪﻭﺓ ﻫﺎﺩﻱ ﻟﻴﻚ !!!!! ﻗﺎﻟﻪ ﺑﺎﻫﻲ ﻭﻫﺪﺍﻛﺎ ﻟﻮﻟﻴﺪ ﺧﻴﺮﻩ ﺷﻦ ﺻﺎﺭ ﻓﻴﻪ !!! ؟؟؟ ﻗﺎﻟﻪ ﺑﻮﻱ ﺣﺴﺐ ﻣﺎﻧﻌﺮﻑ ﻭﺣﺴﺐ ﺩﻭﺓ ﺣﻴﺎﺓ ﺍﻣﻲ ﻗﺎﻟﻮﺍ ﻟﻮﻟﻴﺪ ﺟﺎﺗﻪ ﺣﺮﺍﺭﺓ ﻭﺗﻮﻓﻰ ﻃﻮﻝ ﻳﺨﻲ ﺣﻴﺎﺓ ﺑﻮﻱ ﺍﻟﻘﻲ ﺍﻟﺴﺒﻴﺘﺎﺭ ﺣﺘﻰ ﺩﺍﻓﻨﻴﻨﻪ ﻫﻮ ﻭﺗﻼﺗﺔ ﻣﺰﻳﻮﺩﻳﻦ ﻣﻌﺎﻩ ﺗﻮﻓﻮﺍ ﺣﺘﻰ ﻫﻤﺎ !!! ﻭﺍﻋﻄﻮﻩ ﺍﻭﺭﺍﻗﻲ ﺍﻟﺠﻴﺎﺏ ﻭﺳﺠﻠﻮﺍ ﻟﻮﻟﻴﺪ ﺑﺄﺳﻢ ﺍﺑﺮﺍﻫﻴﻢ ﺑﻌﺪ ﻣﺎ ﻧﺸﺪﻭﺍ ﺣﻴﺎﺓ ﺍﻣﻲ ﺷﻦ ﺗﺒﻴﻠﻪ ﻣﻦ ﺍﺳﻢ !!! ﺍﻳﻴﻴﻪ ﺩﻭﺓ ﻟﻴﻬﺎ ﺍﺳﻨﻴﻦ ﻫﺬﺍ ﻛﺎﻥ ﺍﺧﺮ ﻋﻴﻞ ﻟﺤﻴﺎﺓ ﺍﻣﻲ ... ﻟﻜﻦ ﺍﻧﻲ ﻗﺎﻋﺪ ﺣﺎﻳﺮﺓ ﺷﻦ ﺟﺎﺑﻠﻚ ﻫﺎﻟﺪﻭﺓ .... ﻗﺎﻟﻪ ﺍﻟﻤﺤﺎﻣﻲ ﺍﻫﻮ ﺍﻫﻨﻲ ﺍﺻﻞ ﺍﻟﺪﻭﺓ ﺭﺍﻫﻮ ﻫﺪﺍﻛﺎ ﻟﻮﻟﻴﺪ ﻣﺎﺗﻮﻓﺎﺵ !!! ﻗﺎﻝ ﺍﻟﺤﺎﺝ ﺍﺧﻠﻴﻞ ﺍﻟﻠﻪ ﺍﻛﺒﺮ ﻛﻴﻒ !!! ﻗﺎﻟﻪ ﻫﺪﺍﻛﺎ ﻟﻮﻟﻴﺪ ﺍﺧﺬﺍﻩ ﺩﻛﺘﻮﺭ ﻣﻦ ﺍﻟﺴﺒﻴﺘﺎﺭ ﻛﺎﻧﺖ ﺫﺭﻳﺘﻪ ﻛﻠﻬﺎ ﺑﻨﺎﺕ ﻭ ﺩﺍﺭﻟﻪ ﺍﻭﺭﻗﻲ ﺗﺎﻣﺔ ﻭﻧﺴﺒﻪ ﻟﻴﻪ ﻭﻛﺒﺮﻩ ﻭﻋﻠﻤﻪ ﺍﺣﺴﻦ ﺗﻌﻠﻴﻢ ﻳﺨﻲ ﺑﻌﺘﻪ ﺍﻗﺮﻱ ﺣﺘﻰ ﺑﺮﺍ ﻟﺒﻼﺩ ﻭﺭﺟﻊ ﻭﻫﻮ ﻣﺘﺨﺮﺝ ﺍﻛﺒﺮ ﺩﻛﺘﻮﺭ ﻭﻟﻤﺎ ﺍﻣﺮﺽ ﺍﻟﺮﺍﺟﻞ ﺍﻋﺘﺮﻑ ﻟﻮﻟﺪﻩ ﺑﺎﻟﺪﻭﺓ ﻛﻠﻬﺎ ﻭﻃﻠﺐ ﻣﻨﻲ ﺍﻧﺪﻳﺮ ﻛﻞ ﻣﺎﻳﻠﺰﻡ ﻣﻦ ﻭﺭﻕ ﺭﺳﻤﻲ ﺑﺎﺵ ﻳﺮﺟﻊ ﺍﺑﺮﺍﻫﻴﻢ ﻷﻫﻠﻪ ﻭﺍﺻﻠﻪ ... ﺍﻟﺪﻛﺘﻮﺭ ﺗﻮﻓﻰ ﺑﻌﺪ ﻣﺎ ﻛﺘﺐ
ﺟﺰﺀ ﻣﻦ ﺍﻣﻼﻛﻪ ﻻﺑﺮﺍﻫﻴﻢ .... ﻭﻫﺬﺍ ﻫﻮ ﺧﻮﻙ ﺍﺑﺮﺍﻫﻴﻢ !!! ﺍﻟﺤﺎﺝ ﺍﺧﻠﻴﻞ ﺍﻗﻌﺪ ﺍﻣﻘﻌﻤﺰ ﻓﻲ ﻣﻜﺎﻧﻪ ﻟﻜﻦ ﺍﺑﺮﺍﻫﻴﻢ ﺍﻭﻗﻔﻠﻪ ﺗﺎﻧﻲ ﻭﺗﻐﻤﺮﻩ .... ﻭﻫﺬﺍ ﺍﻟﻠﻲ ﺻﺎﺭ ﻳﺎ ﺷﺮﻳﻔﺔ ﻭﻏﺪﻭﺓ ﺑﻌﻮﻥ ﺍﻟﻠﻪ ﺑﻨﻤﺸﻲ ﻝ ﺧﻠﻴﻞ ﺍﻧﻄﻴﺒﻠﻪ ﻋﻠﻰ ﺳﻼﻣﺔ ﺧﻮﻩ ... ﻗﺎﻟﺖ ﺧﺎﻟﺘﻲ ﺷﺮﻳﻔﺔ ﺍﻟﻠﻪ ﻋﺎﻟﺪﻧﻴﺎ ﻣﺶ ﺍﻳﻘﻮﻟﻮﺍ ﺻﻴﻮﺭﻩ ﺍﻟﺤﻲ ﺍﻳﻮﻟﻲ ﺳﺒﺤﺎﻧﻚ ﻳﺎﺭﺑﻲ ... ﺣﺘﻰ ﺍﻧﻲ ﺍﺭﻓﻌﻨﻲ ﻣﻌﺎﻙ ﺍﻧﻄﻴﺐ ﻋﺎﻟﺴﻼﻣﺔ .... ﻭﺑﺎﻟﻔﻌﻞ ﺗﺎﻧﻲ ﻳﻮﻡ ﺍﻣﺸﻲ ﻋﻤﻲ ﻣﺨﺘﺎﺭ ﻭﺧﺎﻟﺘﻲ ﺷﺮﻳﻔﺔ ﻟﺤﻮﺵ ﺍﻟﺤﺎﺝ ﺍﺧﻠﻴﻞ ﻭﻫﺪﺭﺯﻭﺍ ﻋﻨﺪﻫﻢ ﻣﺴﻮﺍﺭ ﻃﻮﻳﻞ ﻭﻫﺪﺭﺯﺓ ﺍﻟﻨﺴﺎﻭﻳﻦ ﻛﺎﻧﺖ ﺑﻴﻦ ﺫﻛﺮﻳﺎﺕ ﺟﻴﺮﺗﻬﻢ ﻻﻭﻟﻰ ﻭﺑﻴﻦ ﻗﺼﺔ ﺍﻟﻌﻢ ﺍﻟﺠﺪﻳﺪ ﺍﻟﻠﻲ ﻃﻠﻊ ﺣﻲ ﻭﺗﻌﻤﻘﺖ ﺍﻟﺪﻭﺓ ﺍﻫﻨﻲ ﻭﺍﻫﻨﻲ ﻭﻛﻴﻒ ﻫﺎﻟﻌﻴﻠﺔ ﻣﺘﺴﻤﻴﺔ ﻭﻣﺘﻌﻠﻤﺔ ... ﻗﺎﻟﺖ ﺍﻡ ﺍﻟﺨﻴﺮ ﻫﻮ ﺍﻭﺧﻴﻴﻲ ﺍﻣﺴﻴﻜﻴﻦ ﻳﺘﻐﻤﺮ ﻭﻳﺴﻠﻢ ﻟﻜﻦ ﺍﻧﻲ ﻭﺍﻟﻠﻪ ﻗﺎﻋﺪﺓ ﻧﺘﺤﺸﻢ ﻣﻨﻪ ﺍﺗﻘﻮﻟﻲ ﺭﺍﺟﻞ ﻏﺮﻳﺐ ﻋﻠﻴﺎ ... ﺍﻭﻻﻣﺲ ﺍﻧﺸﺪﻧﻲ ﻗﺎﻟﻲ ﺑﺎﻟﻚ ﻋﻨﺪﻛﻢ ﺗﺼﻮﻳﺮﺓ ﻟﺤﻴﺎﺓ ﺍﻣﻲ .... ﻗﺎﻟﺖ ﺧﺎﻟﺘﻲ ﺷﺮﻳﻔﺔ ﺍﻣﺴﻴﻜﻴﻦ ﺑﻨﺎﺩﻡ ﻛﻞ ﻭﺍﺣﺪ ﺷﻦ ﻛﺎﺗﺒﻠﻪ ﺭﺑﻲ ﺑﻴﺸﻮﻑ !!! ﻗﺎﻟﺖ ﺧﺎﻟﺘﻲ ﺷﺮﻳﻔﺔ ﻭﻗﺪﺍﺵ ﻋﻨﺪﻩ ﺻﻐﺎﺭ ... ﻗﺎﻟﺖ ﺍﻡ ﺍﻟﺨﻴﺮ ﻋﻨﺪﻩ ﺗﻼﺗﺔ ﺍﺑﻨﻴﺎﺕ ﻭﺯﻭﺯ ﺍﻭﻟﻴﺪﺍﺕ ﻭﺑﻌﺪ ﺷﻬﺮﻳﻦ ﺑﻴﺒﻴﺖ ﺑﻨﺘﻪ ﻟﻜﺒﻴﺮﺓ ﺍﻋﻄﺎﻫﺎ ﻟﻌﻴﻠﺔ ﺍﻟﺤﺎﺝ ﻻﻣﻴﻦ ... ﻭﻫﻮﻳﻨﺎ ﺍﻟﻨﺎﻧﺎ ﺣﺴﻨﻴﺔ ﺗﻌﺮﻓﻴﻬﺎ ﻣﺎﻙ ﻏﺎﺑﻴﺔ ﻓﻴﻬﺎ .... ﻗﺎﻟﺖ ﺧﺎﻟﺘﻲ ﺷﺮﻳﻔﺔ ﺍﻳﻴﻴﻪ ﻧﻌﺮﻓﻬﺎ ﻭﻧﻌﺮﻑ ﻋﺮﻓﻬﺎ ﻭﺣﻜﻤﺘﻬﺎ ﺑﻠﻜﻦ ﺷﻦ ﺟﺎﺏ ﺍﻟﻨﺼﻴﺐ ﻟﺒﻌﺾ !! ؟؟ ﻗﺎﻟﺘﻠﻬﺎ ﻭﻟﺪ ﺧﻮﻱ ﺍﺑﺮﺍﻫﻴﻢ ﻳﻘﺮﺍ ﻣﻊ ﻭﻟﺪ ﺍﻟﺤﺎﺝ ﻻﻣﻴﻦ ﻭﺗﺨﺮﺟﻮﺍ ﺍﺟﻤﻴﻊ .... ﻗﺎﻟﺘﻠﻬﺎ ﺧﺎﻟﺘﻲ ﺷﺮﻳﻔﺔ ﺭﺑﻲ ﻳﺘﻤﻢ ﻋﻠﻰ ﺧﻴﺮ.....انتظروني غدا مع الجزء الرابع
