نيران قلبي

part 22

شالته واني اخذت مي ولحكتها
حطت ريوك امها وحد واحنه تريكنه بالهول

سألني عزيز
- خابرتي اهلج؟

- لا بعد شويه خاف نايمين

- خوش

اجه جَواد لعزيز وكعدو يستقبلون الضيوف الي يجون يباركوله

بدلت وحطيت مكياج..
اجت ام جَواد تباركلي ووياهة 2 نسوان

النسوان راحن وهي بقت يم الحجيه وكلما تشوفني تصلي عالنبي

- خاله ماعندج اخت كرايب اخطبها لجويد

- هههههههه لا بس اختي مخطوبه لأبن عمي

- هنياله بيها اذا تشبهج

- تسلمين خاله من ذوقج

كمت من يمهن وخابرت امي طمنتها ورجعت
مر اليوم يجن نسوان قليلات يباركن

غيداء راحت لبيتها وبقينه اني والحجيه وعزيز ماشفته للـ ليل

ثاني يوم
چان اخر يوم بالعيد
كعدت من السبعه عزيز بعده نايم
طلعت غسلت وصبحت على عمتي

ورحت اسوي ريوك فات عزيز للمطبخ شافني اسوي چاي

- عٌمري ليش تتعبين روحج جان جبت ريوك من بره

- هو جاي وبيض شيرادله

- بكيفج

كملت الريوك وكعدنه بغرفة عمتي
عزيز ياكل ويوكلنه..

خلصنه وشلت وهو شال الصينيه...
كعدت عمتي بالهول وبالكوه الا خلاهة عزيز تطلع يريدها تنام

شغلنه تلفزيون وكعدنه نباوع

بالـ10  اندكت الباب كال عزيز

- اجوو

- منمه؟

- اهلج

- يااا

راح فتح الباب واستقبلهم واني متفاجأه محد كالي حيجون

جايين بابا وماما وتمار وليال
ركضت حضنت ماما وهي حضنتني
سلمت عليهم وطبينه

عزيز اخذ بابا وتمار للاستقبال وليال وياهم ولا عبالك شكبرها
ماما كعدت بالهول تسولف وي عمتي..

- ليش مكلتولي حتجون

- حبينـة نسويهـا مفاجأه

- احلى مفاجأه من نبـع الحنان ، شمم وبيان ليـش مااجن

- المكموعين ما خلوهن ذبيناهن ببيت عمج فاضل
واجينه ، انتي شلونج

- الحمدلله

ردت اسوي عده عزيز ماقبل راح جاب غده جاهز
رتبته وتغدينه سوه

كلش فرحت بجيتهم بقوا للعصر ورجعوا